رواية قسوة احفاد ال هتان الفصل التاسع عشر 19 - بقلم هاجر النعيمي
part 19
بقلمي ( هاجر النعيمي )
.........................
إلياس : امير الو ايد بل موضوع
انصدمت اشون عرف كلت بسرعه
هاجر : لا امير اشعلي
إلياس : لا تجذبين كليلي ليش خطفج شنو يريد منج
هاجر : مو هو اني اعرفو وبعدين هو شنو مصلحتو
يخطفني
إلياس : احاول اصدكج ان شاءلله مايطلع الو ايد
بل موضوع لان ساعتها اندمو واندمج لان تعرفتي
على هيج ناس زبايل
عافني وطلع واني بقيت مصدومه اشون عرف منوو
كلو مامعقول البنات لان هما ويا مو كلش ياربي
اشون منو كال ضليت افكر تعبت من التفكير
راسي صار يوجعني
اجن إيلا ورسل كعدو يمي يغيرون نفسيتي كلت
هاجر : إلياس يكلي امير الو ايد بخطفج
صدمتهن مو اقل من صدمتي كالت
إيلا : اشون عرف منو كلو هاجر انتي حاجيه لاحد
هزيت راسي ب لا كالت رسل
رسل : اشون عرف اريد افهم
إيلا : هاجر لازم تخلي يبتعد عن موضوع خطفج
لان مبين راح يعرف
هاجر : سئلني ويحقق وياي عبالك ضابط كدامي
مو إلياس
إيلا : البارحه طلعت نتائج الخارجي وإلياس مطلع
المعدل الي يريدو وكالت خاله انو راح يقدم كلية
عسكريه بهل كم يوم
هاجر : هذا الناقصنه تخيلو يصير عسكري يربي
شراح يخلصنه
طلعن البنات واجيت انام نمت وفزيت على كابوس
مرعب ابجي واصيح واتخيل شغلات الكل طب عليه
ويهدون بيه واني على نفس الصرخه ماهدئت ابجي
عيوني يحركني وراسي يفتر كال بابا
علي : بس احجي اشبيج كليلي
مااكدر ارد لساني نربط كوه طلعت من حكلي كلمة
هاجر : مايعوفني مايعوفني
الكل فهم انو سبب الكابوس هو خطفي جنت خايفه
بشكل بس احضن بابا وابجي ماكدر اسوي شي
مرت يومين واني كل مايمر يوم اختنك لان راح
ارجع لنفس السجن قررت اراسل تميم اكله ينطيني
وقت
دزيت رسائل مارد فوراً اتصل ومبين معصب كال
تميم : اني كلت اسبوع ماكلت شهر
هاجر : حباب افهمني والله مااكدر بس احتاج
وقت تميم فدوه افهمني
تميم : لا تخبليني راح اجن ليش تكرهيني هيج
بس فهميني
هاجر : مااكرهك بس احتاج وقت انسى الصار
تميم : شصار محد اذاج يمنه معززه مكرمه
هاجر : محد اذأني بس انت اذيتني
تميم : بس فهميني شسويت
هاجر : راجع نفسك راح تعرف واتمنى وقت لا
اكثر
سديته بوجه ابد ماعندي طاقه احجي ويا كارهته
وكارها روحي ليش افوت بل حرام اشون ارتبط
حرام ماجنت مهتمه للحرام راح اموت تفهم تميم
حالتي وعافني كال من تصيرين زينه تعالي
كل يوم انام واكعد على كابوس حتارو بيه وين
يودوني مر اسبوع والكل مخبوص بيه عمي ثامر
عزمنه وعزم الكل واني كوه رحت مالي رضه اروح
تعبانه مو يمهم
يحجون ويضحكون واني مخنوكه طول هاي الايام
مااضحك تيم يحاول وياي مايفيد عمر وحتى إيلا
ورسل وإيليف ولارا ماضل احد حتى اسيل اجت
تضحكني بس الكل فشل مااكدر اتخلص من صدمتي
واني اقنع روحي ما يخوفني جان يريد يكسرني
جان يريد ياخذ اعز شي عندي علمود نفسو وكبريائو
كل يوم احلم بي وبنفس الموقف الوصخ واكعد
اتخيل لو حيدر ورأكان ماكو شجان صار بيه
جان نفذ تهديده
من يكلي ارجعج حامل معقول يسويها ليش مو
معقول مو حاول يسويها اتعب من التفكير عمي
ثامر كال
ثامر : جوجو روحي صيحي جنات من غرفتي
هزيت راسي ورحت لغرفة عمي ثامر واجيت ادخل
وكفني صوت جنات تكول
جنات : مستحيل اشون
اسيل : ماما انتي اشعرفج بلكي محد اجه يمها
جنات : لا تصغين ثوله وين اكو وحده بين شباب
ومحد قرب عليها
ردت وحده الضاهر تحجي بل تلفون كالت
... جنات حرام عليكي تتهمين البنت
جنات : مااتهمه بس غشعتي حالته لو لا كل يوم
تقعد على كابوس وتصيح حباب عوفني مااريدك
عوفني اشنو يعني
اسيل : بلكي احد راح يكتلها
جنات : بعدكي تحبيها كل مره تعمل مشاكل بينكي
وبين إلياس نسيتي كان غاح يتزوجها عليكي
اسيل : مااحبها بس بلكي خايفه من الخطف
... جنات صح كلام بنتكي ماشرط يكون عملوله شي
يمكن بس خايفه من الخطف
جنات : احلف اذا مااحد قرب عليها
بعدهم يحجون بعرضي محد نسى كلعم مقتنعين
اني مابيه شي اكيد هسه بابا وماما يشكون بيه
بس مايحجون فقدت ابجي رحت لغرفه عمي
مخليها للضيوف وجهازي بيدي
اتصلت على تميم فوراً وهو رد كلت
هاجر : الله ياخذك يا جلب الله يخلصني منك
خره على الساعه العرفتك بيها ياقندره عوفني بحالي
اكرهك الله ياخذك
عاط بيه وكال
تميم : شبيججججج
هاجر : الله ياخذك محد مصدك بيه كلهم يشكون
بيه الله ياخذك
تميم : فهميني شكو شبيج ليش هل بجي والله
مجاي افهم شبيج
هاجر : يشكون بيه محد مصدك ىجعت سالمه
كلهم عبالهم انتو غلطتو وياي الله ياخذك ويخلصني
منك اكرهك اكرهك
تميم : ياهو يحجي اشك حلكه بس كليلي
هاجر : على اساس انت ماجنت تريد تسويها
نجس اكرهك الله ياخذك
انفتح الباب وطب إلياس متت خوف وهو عيونه حمر
كلبي وكع ماعاد اعرف شكول من جه تميم يصيح
ويحجي واني مااسمع بس عياطه وإلياس وجه
مايتفسر وعيونه حمر تقرب يمي كلت
هاجر : ها اكو شي
راد يجر التلفون مني طفيتي والمكالمه بعدها كال
إلياس : ويامن تحجين
هاجر : سارة
عاط بيه
إلياس : وسارة تكليلها اكرهك والله ياخذك ونجس
وتريد تسويها
بقيت ساكته مااعرف شحجي بس لا سمع باقي
الكلام رجع كاط وكال
إلياس : احجيييييييييي
هاجر : عليك احجي
إلياس : عليه اني شكو
هاجر : اني كتلها انو اكرهك وانت نجس
إلياس : اني اشعليه
هاجر : انت السبب
إلياس : شدخلني
هاجر : سمعت حميتك تكول هاجر مو معقوله
تطلع سالمه ومو بس اني هيج اكول إلياس هم
انصدم واني هم نصدمت شلون احجي هيج هيا
ماكالت بس مالكيت حجه غير هل شي عافني وطلع
واني طلعت وراه ونسيت مفتوح مكالمه ويا تميم
صاح إلياس على جنات وكال
إلياس : اني ايمتا كلت انو هاجر ماترجع سليمه
لازم بيها شي
الكل نصدم ومحد يعرف شيحجي رجع كال
إلياس : عمه عيب عليج تكولين كلام اني ماكلتو
جنات : ليش انا اشقلتو
إلياس : هاجر سامعتج تكولين هاجر مو معقوله
تطلع سالمه ومو بس اني هيج اكول حتى إلياس
اني ايمتا كلت هيج فهمينيييييي
جنات : انا ماقلتو ليش تكذبين
نزلت دموعي وكف بابا وكال
علي : الي يحجي على بنتي اتبره منو والله اذا
سمعت احد حاجي على بنتي مايدخل بيتي ولا
ادخل بيته وليوم الدين مااحجي معا
دحك عليه وكال
علي : روحو بدلو مااضل بمكان بنتي تنهان بي
رحت ابدل واجت اسيل كالت
اسيل : ليس تجذبين احنا حجينه عليج بي امي
ماكالت إلياس يكول
هاجر : سمعتها
اسيل : جذابه هاجر حبابه احجي انو جذب والله
بابا يطلك ماما ابوس ايدج
هاجر : مو جذابه اني سمعتها
اسيل : تمام تمام انتي مو جذابه بس روحي كولي
سمعت غلط الله يخليج والله نتبهدل وعلاقتي
تخرب ويا إلياس فوك ماهيه خربانه
بقت تتوسل بيه واني مااكدر احجي شي تطلع جذبتي
بعد ماتعبت طلعت وانتفست براحه اي جذبت صح
بس حتى تتعلم ماتتبله عليه حتى اخذ حقي منها
فززني صوت مسجات على تلفوني وشفت الاتصال
مفتوح تمنيت الكاع تنشك وتبلعني كال
تميم : ليش جذبتي مو حرام عليج
هاجر : لا تسود وجهك
تميم : احجي عدل لا اشكج
هاجر : مخايفه منك تعوفني بحالي كافي الي جاني
بسببك
تميم : انتي لو ثوله لو ثوله وين اعوفج من كل
عقلج انتي صرتي ملكي مسجله بسمي فهمتي
هاجر : لا مافهمت اني مو ملك لاحد ولا مسجله
بسم احد
تميم : اذا مو بكيفج ف غصب معاجبج ركعي راسج
باقرب حايط يمج
هاجر : اكرهك تلعب نفسي منك نجس
تميم : لا تخليني اجي اشكج كوه ساكتلج
هاجر : يمه لحكي دموت خوف دطير
سديته بوجهو واسمع صوت المسجات تلفوني احترك
طلعنا وصلت البيت كملت تبدلين ورحت اشوف
شيريد خبلني جهازي ماوكف من الاتصالات والمسجات
كلامه تهديد وختمه
تميم : احمدري ربج مو يمي جان شكيتج بس
بسيطه يجي يوم وتصيرين يمي ساعتها اذا تحجين
حرف اشكج
شفتها وغلست علي اكرهو كل مااتذكر شلون جان
يلمسني ويحجي وياي بكلام يلعب النفس اكره
نفسي مالحكت اتخطى إلياس اجه تميم مصيبه
وره مصيبه ايمتا ارتاح ابمتا احس بأمان
ايمتا يجي يوم وابجي من الفرحه ايمتا يجي يوم
اشوف كل شخص اذاني متأذي تعبت واني اشوف
الفرح بوجوهم اشوف تميم يتحكم بيه ومااكدر
احجي لان طكه ونص ومااكدر العب ويا
امير هاي الايام مايعوفني يراسلني دائما يتطمن
وزهراء هم مر اسبوع بيوم صعدت اتصال ويا زهراء ونسولف وعلاوي فرحان واني اشوفه العابي رغم اني شكبرني لكن لهسه متعلقه بيهن واحبهن واتمنى ابقيهن وانطيهن لبنتي كال علاوي
علاوي : هاجر عوفي اهلج وتعالي يمنه والله اخلي
بابا يصير ابوج
سمعت امير يضحك وندك الباب مال غرفتهم كال
امير : منو
تميم : اني ادخل
كامت زهراء تلبس شال وامير كلو يدخل دخل
واني على عناده كمت احجي حتى يعرف اني بس
ويا مااحجي كلت
هاجر : علوشاتي اني احبكم بس مااريد اجي يمكم
اريد اضل يم اهلي
سمعت تميم يكول
تميم : علوشاتها تجي يمكم ان شاءلله بس مو هسه
علاوي : شلون
تميم : اني ازوجها وعود تجي لبيتنه تلعب وياها
علاوي : لا انت ماتزوجها هيا تعيش ويانه اني وزهراء
وامير ومو وياك
تميم : ابن القندره شنو شايل الكلفه
علاوي : *** بيك معليك شحجي بكيفي اهلي لو
اهلك
تميم : ابن القندره اني اعلمك مو حتى تكولهن الي
علاوي : علمني واني اكول للكل
تميم : ابوك عار انت شتطلع دكتور
هاجر : علوشاتي عوف هذا معليك بي خلي يولي
تميم : علوشاتها كللها هذا راح يجي يشك حلكج
هاجر : حمى زايد
اخذ التلفون من زهراء ويسوي بيدو بسيطه اني
وياها جنه نحجي كامره دائما غلست علي وبقينه
نسولف شويه وطبت وحده الهم تلطم وتكول
... حوراء اهلها لازميها تحاجي واحد ورأكان وأركان
راح يموتوها كومو لحكو عمو ادريس يكول هسه
نروح الهم بسرعه كومو
الكل نصدم واني هم نصدمت يمه شصار بحالها
شنو رد فعل اهلها يربي زهراء كالت
زهراء : راح اروح عود احجيلج بعدين
سدته مني وراحت واني اخذني التفكير هم يجي
يوم واهلي يعرفون احاجي تميم هم يجي يوم
وابويه يضربني هم يجي يوم واصغر بعين اهلي
كلش خفت وبقيت افكر تعبت من التفكير ونمت
.............
« زهراء »
كمنا بسرعه نبدل نروح الها حضرت ملابس هيج
بسرعه لان هما بل بصره واحنا بغداد اكيد يذبحوها
هما معقدين شورطها رغم مااحبها واموت منها بس
ابد مااجنت اتمنى احد يعرف تحاجي ميدو
ملاك اجتي ميته خوف كالت
ملاك : ولج معقول يكتلوها شلون اكيد ماراح يسكتون
كلنا نعرف شكد تحب ميدو واكيد هسه يرفضو
طلعنا متوجهين للبصره احنا وبيت عمو ادريس
وعمو محمد ابو تميم ساعات طويله يلا وصلنا
ولكينه القيامه مكلوبه يمهم بس حوراء ماكو
بصراحه هنا بلعت العافيه خفت حيل معقول كتلوها
اجتي ملاك كالت
ملاك : حابسيها بل غرفه امشي نروحها
زهراء : والله فلا اروح
ملاك : ليش
زهراء : دمشي شني ماريده روحي امير يموتني
اذا يعرف اني اعرف بعلاقتها
بعد نص ساعه تقريباً اجو اهل ميدو وهو اجه والولد
التمو علي بحيث الكل لازمين الولد وتميم فلت روحه
وضربه راشدي من يمي اذاني بقت تون ميدو ماحجه
شي كرار فلت روحه وضرب ميدو بوكس وكع بل
كاع وشفته نشكت
بعدها دخلو عمو ادريس وادريان ابو امير وعمو محمد
وابو حوراء والولد يمنه يلوبون امير متحلف بس
يشوف حوراء يكتلها تميم نفس الحال لان هما
قريبين عليها بشكل وحاسبيها اختهم هيح تكسرهم
وتحاجي ولد
الجو متوتر ويخوف واني مااكدر احجي شي غير
امير يموتني مالي خلكه والبنات من يريدن يروحن
يجن الي واني ارفض اروح شني مارايده روحي
علي ودانيال ابن رشا اخت تميم يبجون وخايفين
اخذت ابني يمي اهدي بي كال
علاوي : خلي نصعد فوك خايف
زهراء : لا تخاف حبيبي محد يمك
علاوي : خلي نخابر هاجر
زهراء : مو هسه بعدين
عمه ميرال كامت جابت بنتها وحوراء الخوف واضح
عليها امير كام وجرها براشدي متت خوف هاي
شلون تحملته ايده ثكليه يخوف وهو معصب
يتحول يروح امير الحنون يصير وحش هيا بقت تبجي
كوم تميم كمل وجرها براشدي ثاني وكعت وصارت
تبجي كرار اجه ودفرها بطنها وبعدها كام رأكان
واركان
وكملو عليها عمه ميرال توخرهم ماكو محد يعوفها
حتى حمزه الي مجان يدخل بكلشي كام كتلها
بيبي تسبها وترزل بيها كالت
راوية : لج عفتي كل هاي الولد ورحتي حاجيتي
واحد مايسوه نعال لولدنا
بقت ترزل بيها ونسمع عياط من الديوان البره كام
تميم يروح بيبي كالت
راوية : انجب واكعد هسه طلعت رجولتك
سكت يمسح بوجه عافت حوراء وصارت ترزل
تميم كال بنفاذ صبر
تميم : راوية سكتي لاتجنني هسه اجن عليكم
تكفو شري
راوية : ابن القندرة كتلك اخذها ماقبلت عنده
وحده ساقطه مو
تميم : لتحجين عليها راوية مالي خلكج كافي
راوية : نوب يرجع يكلي راوية شكد ماتستحي
شترجه منك دافع على وحده ساقطه
تميم : كافي عوفوني معليكم بيه حتى لو رحت
**** معليكم خوش
راوية : تسويها مانعرفك
الي ضوجني حجيها ويا شلون تحجي على هاجر
طبعاً هنا الكل عرف تميم عنده حبيبه ويحاجيها
والسبب عباس سمع امير وتميم يحجون ب هاجر
وهو استغل الفرصه ومن اجتمعو حجه بيها وصارت
مذبحه واحد يكتل بالثاني
تميم عاف المكان وارح للديون ربع ساعه ورجع
وجه مايتفسر بس واحد يكله شبيك ينفجر
اجه عمي ادريان كال
ادريان : حوراء راح يعقدولج على الجلب
الي جوه كوميييي
كامت ويا والكل مصدوم بعدها فهمنه انو اتفقعو
يعقد عليها ويتزوجها لكن مو هسه بعد ثلاث سنوات
او اكثر بقينه يمهم كم يوم وبهل كم يوم وتميم
يكعد راحه لا كل ماتصير فرصه يروح يتعارك ويا
كرار وكرار جان قبل يسكت
هسه بطل يسكت كال بنفاذ صبر
كرار : كافي سكتتلك هواي عوفني بحالي مو عفتك
شتريد مني بعد كل مانجتمع تصير زلمه براسي
ترا اكدر اكتلك بس اسكت احترام ل عمي
امير لازم تميم وتميم يفشر ويسب كرار كرار عاف
المكان وراح حوراء الكل يرزلها محد محترمها
وبيبي تكلها ام الزلم بيبي تحب حوراء بس هسه
مدري شبيها
حوارء ماتحجي حرف الكل يذل بيها كال
رأكان : كومي جيبيلي مي قندرة
امير : كافي طوختوها هاي كم يوم انتو محد محترمها
نذلت عيب عليكم صح غلطت وهو ماضحك عليها
اخذها كافي تعاملوها هيج اذا بقيتي هيج اخذها
يمنه
راوية : والله فلا تجي لو يموتوها هسه
امير : بيبي ترا بيت ابوي
راوية : اي تذلني لان كاعده بي
تميم : تعالي راوية عيشي يمنه
راوية : اني مااعيش ويا ماسه
تميم : ليش شبيها امي
راوية : اني ويا ماسه مااعيش
شكد تكره عمه ماسه رغم عمه كلش حبابه ماعدها
اذيه على احد بس بيبي متكدر تحب احد والي
تكرها فه هذا حضه خره لان الي ماتحبه تكرها عيشته
شلون هسه مكرهتني عيشتي ومشاكلي ويا امير
نصهن بسببها
ماسه : ميرال خلي اخذ حوراء يمي
ميرال : ليش
ماسه : علمودها والله متشوفين شلون يعاملوها
كسرت كلبي
ميرال : اني مو بيدي شي ياريت تخليها يمج
بس شسوي
ماسه : نحنا باجر نرجع اقنعي ابوها وخلي ناخذها
ترتاح يمنه لازم تقنعي لان نحنا باجر نرجع محمد
عنده شغل
ميرال : احاول ان شاءالله يقتنع واخلي زينب هم
تحاجي يحبها
صار اليل البنات بغرفة والولد بغرفة كالت لمار
لمار : شلون عرفو بيج تحاجين ميدو
حوراء : جنت احجي ويا وعادي مثل كل يوم
بس ماجنت ادري أركان جاي يناديني وسمعني
احجي ويا وتخبل يكتلني ويسب ويفشر واخذ
الجهاز يحاجي ميدو وميدو تخبل من سمع
عياطي
لمار : لما اجه كرار وكاللنه اني خفت عليج بشكل
ميار : يلا المهم صرتي حبيبته بس رأكان خوفني
حوراء : ليش
ميار : شفته شلون يكتلج يمه متت خوف اذا
تزوجنا شلون
زينب : لا تخافين أركان يحبج واذا صارت عركه
يحلها بينكم بس ياويلج تردين علي ساعتها يكطعج
ميار : ادري مو مرات ارد علي يجن ويتخبل
ويتوعد واني اموت ومن يجي اراضي وينسى
لمار : صدك تميم طلع عنده حبيبه
زهراء : اي وصديقتي تصير
زينب : حلوة
زهراء : اي طبعاً تعرفين ذوق تميم
حوراء : عندج صوره الها
زهراء بستهزاء : ليش تميم ماشوفج ياها على
حد علمي كلش انتي ويا
حوارء : ماحجيت ويا واصلا قبل فتره عرفت
زهراء : حتى امير يحجي وياها
علاوي : واني هم واحبها
رشا : اني محبيتها
زهراء : ليش شنو شفتي منها غير تجنن
ملاك : حتى اني ماحبيتها
زهراء : السبب
ملاك : من يوم الي اتعرف عليها لهسه تميم مو نفسه
تغير علينه ودائما معصب وبس نسمع العطور وهو
يكسر بيهن بسببها
زهراء : اخوج يأذيها
رشا : اخوي مايأذي احد مو نوب حبيبته
زهراء : غلطانه انتي ماتعرفين شي وتجين تمسلتين
ميار : اعرف شغله اني
زهراء : شني
ميار : أركان كالي عليها لان هو جان ويا تميم لما
سووها وهيا تخص هاجر
زهراء : أركان كالج اني جنت بيها
ميار : اي وحتى صارت بل موصل
زهراء : اسكتي جا
زينب : صار عندي فضول كلولي
زهراء : معليج ميار اذا تحجين تميم يجنزج
ميار : ادري اصلا حتى أركان هددني
رشا : اذا ماتحجن ماتلومن اله نفسجن
زهراء : مانكدر سالفه خطره
رشا : تخص اخوي ترا هسه تحجن ميار والله
اكول ل كرار عندج علاقه ويا أركان واسويها
ميار : شبيج حبابه شني تكليله والله يموتني
رشا : جا احجي يلا
ميار : احجي بس ماتكولن والكلام يبقى بينه
قاطعتها
زهراء : تميم خطف هاجر وهددها
رشا : شتحجين انتي
زهراء : صوتج مو تذكرين مره بقينه سبوع مو بل
بيت جان اخوج الافندي خاطفها والي مساعده
أركان وحيدر
ملاك : تميم متأكده
زهراء : جنت وياهم ترا لان عافته وماتريد تبقى
ويا بسبب سوالفه خطفها ويكلها ارجعج وبيدج
طفل
ملاك : اخوي مايسويها زهراء
زهراء : اي لان اني اجذب
ملاك : حشاج
زهراء : والبنيه نجبرت تبقى ويا يعني هيا هسه
ويا مو برضاتها لان مهددها يخطفها مره ثانيه
رشا : دمشي لج يصحلها
زهراء : مو لان اخوج تكولين هيج كلنا نعرف
تميم شكد ادبسزز ومايستحي
رشا : تحجين على اخوي اشكه لحلكج
زهراء : ليش تضوجن من الحقيقه ترا كلهم هيج
كو بس تميم بس اطلع منهم احمد الوحيد العاقل
بين كل هذول المجانين
لمار : ترا جاي تحجين على اخواني
زهراء : ليش اخوانج مو نفسه بربج حمزه مو
يضرب مرته كرار مو نفسه جايفه بس كاضيها
فشار وسجاد كم مره كتلج رشا وتصير عركات
وترجعين وماتسمعون ابوج وتميم حتى لا يجنون
خليني ساكته
لمار : ماخليتي شي
زهراء : كل وحده منجن اذا تزوجت وتعذبت
اعرفن هاي حوبت مرت اخوج واذا كو اخوها ابوها
عفتهن وكمت اتصل على هاجر من يوم الي اجينه
ماحجيت وياها اتصلت وردت فورا وحجيتلها شصار
نصدمت من الي صار وكالت
هاجر : جاي اتخيل اهلي يعرفون زهراء اذا
يعرفون اموت والله
زهراء : لا تكولين هيج انتي نتبهي
هاجر : بابا واثق بيه واني اكسرها بسبب الجلب
زهراء : انسى تميم ماراح يعوفج والله
دخلت ملاك كالت
ملاك : يكولون .. هاي ويا منو تحجين
زهراء : حبيبت اخوج
ملاك : صدك خلي احجي وياها عندي كم كلمة الها
فتحت سبيكر وكلت
زهراء : هجورة راح تحجي وياج ملاك اخت تميم
هاجر : تمام
ملاك : اول شي سلام عليكم شلونج
هاجر : عليكم السلام تمام الحمدلله وانتي
ملاك : الحمدلله ممكن اعرف ليش ماتردين اخوي
هاجر : من حقج تعرفين اخوج مايعجبني
ملاك : السبب
هاجر : تصرفاته شخصيته المتسلطه اناني لسانه
وصخ وغيرها وغيرها
ملاك : شخصيته حلوه اصلا وهيبه مو متسلط
لكن الي يملكه مايحب احد يشاركه بي واذا على
فشار ف كا الولد تفشر وين الجديد
هاجر : اني مو شي حتى يملكه اني مو ملك
لاحد
ملاك : انتي هيج مفكره بس هو يفكر انو انت ملكه
ترا اخوي حالته مو زينه هاي كم يوم يخرب غرفته
وغراضه وبس يعارك الولد والسبب انتي لان رافضته
هاجر : هسه كلشي نحط براسي اني اشعليه وليش
حتى يخرب غرفته ويتعارك ويا ولد
ملاك : لان معصب وضايج من فراكج هاجر اني
مااعرفج بس اثق بذوق اخويه اذا ماتردي كوليله
ماله داعي هيج معلعله كلبه
هاجر : كتولو مااريدك وهو مجلب اشكد حجيت
معا وهو ماكو ماينفع يفوت من اذن ويطلع من
الثانيه وسوه اشياء اذتني في سبيل ابقه ويا واني
كدامج مجبوره ابقه
ملاك : قصدج على الخطف هو خطفج حتى يكلج
لو وين ماجنتي اجيبج وحتى يجبرج تبقين ويا
وتنفذين كلامه
هاجر : بس هل شي غلط
ملاك : اعرف والله بس شنسوي اختارج انتي
وانتي راح تتحملين وهو يجبرج لان يحبج اول
مره اشوف اخوي بهل وضع هاجر اخوي مهووس
بيج مو بس يحبج
هاجر : تصرفاته ماتعجبني وشني مهووس ماكو
هوس بل حب
ملاك : غلطانه نحنا عدنا الحب هوس الي يحب
ممكن يدمر الي يحبها بسبب الهوس
هاجر : شني هاي وانتو مجبورات تتحملن يعني
ملاك : اي مجبورات لان مو بيدنه شي ممكن اذا
احد خطبني وابن عمي جان يريدني بكل سهوله
بكول اريدها وحتى لو انب رفضت راح يجبروني
اخذه
هاجر : شهل اهل وين اكو احد يجبر بنته
ملاك : اي حبيبتي نحنا عدنا الكل ينجبر حتى الولد
هاجر : يمه شنو هاي ايععع
ملاك : جنت ماخذه نضره عنج مو حلوه بس
هسه صلحتها واريد اصير صديقتج اذا ماعندج
مانع
هاجر : طبعاً ماعندي اتشرف بيج
ملاك : هسه راح اتابعج وانتي رديها
تابعتو بعض حتى يحجون بعدين سديته منها كالت
ملاك : حبيتها والله جنت اثق بذوق تميم وهسه
وثقت اكثر
زهراء : ترا البنيه ورده مال الله بس اخوج
ياذيها دائما
ملاك : يحبها والله بس تعرفي عصبي مايكدر يتحكم
باعصابه
زهراء : هيا مو ذنبها تتحنل عصبيته وترا اخوج
عصبيته اكثر من عصبيت امير يعني امير شكد
اضوج من عصبيته لكن تميم عصبي اكثر
ملاك : تعرفين الي مر بي خلا هيج مااكول غير
الله يسامحهم هما سو هيج
زهراء : اي والله الله يسامحهم
ثاني يوم رجعنا لبغداد ويانه حوراء راحت لبيت
عمو محمد تضل يمهم فتره
............
« هاجر »
كلش خفت من انو احد يعرف بعلاقتي ويا تميم
اني غلطت بس شلون راح اصلحه هو ماراح يعوفني
لازك ياربي ساعدني مااريد انزل من عين بابا وماما
شلون اذا عرفو واجه احد يعيرهم بيه شلون راح
يرد بابا
هو واثق بيه لدرجه واني اخون ثقته من ينام احجي
ويا زلمه ليش اسوي هيج لان مو منقص عليه لو
من دلالي الزايد اسوي الغلط اني مو هيج مو هاجر
الي تسوي الغلط
تعبت من التفكر فزيت على مسج شفته من تميم
تنهدت بتعب شيريد بعد ياربي فتحتها كاتب
💬 تميم : مو كافي علعلتي كلبي والله
💬 هاجر : حتى تعرف غلطك
💬 تميم : عرفته والله هاجر ثقي احبج واسوي
هيج حتى تكونين وياي مو ضدي مااريد تبتعدين
عني بعدج أذيه الي
💬 هاجر : من احجي معاك احس نفسي نذله
خايفه ناكره ورخيصه
💬 تميم : لا ياقيطان كلبي انتي مو هيج مو هيج
والي يكول انتي هيج اكص لسانه واحطه ****
💬 هاجر : لا تفشر يمي حباب
💬 تميم : دللي هسه كليلي شني مضوجج
💬 هاجر : اخاف اهلي يعرفون تميم اموت والله
مااكدر اشوف بعيون بابا الخاينه والغدر وقلة الثقه
💬 تميم : محد يعرف واذا احد عرف اجي اخطبج
مااعوفج اني مادامج وياي ابن امه الي يتدنالج
💬 هاجر : الله كريم
💬 تميم : سؤال بنفسي اسئله الج من زمان واعرف
انتي ماتحبيني بس اعتبريني واحد من الشارع
وباوعتيلي شنو الي يلفتج بيه
💬 هاجر : سؤال حلو بس ماله علاقه بل حب
خلي اكلك او لا استحي
💬 تميم : انجبي مو مني تستحين يلا غردي
💬 هاجر : احب لون عيونك غريبه بشكل واحب
غمازتك لان هيا وحده ونادر الي عدهم غمازه بخد
واحد واحب انيابك كلش احبهن
💬 تميم : كتلج الي يلفتج مو الي تحبي
صفنت شكد ثوله كعدت احجيله شنو احب بشكله
امداني شكد ثوله شلون اصحح
💬 هاجر : هو يعني يلفتني
💬 تميم : چؤ مو مضحكه اني تحبيهن جا ليش
متحبين تصرفاتي
💬 هاجر : انت اناني متسلط تحب التملك لسانك
💬 تميم : .........
...............
انتهى البارت
بنوتات اريد تصويت وعلقو بين الفقرات شنو رأيكم بل بارت بارت خفيف لطيف
- يتبع الفصل التالي اضغط على (رواية قسوة احفاد ال هتان) اسم الرواية