رواية ضحية انتقامه كاملة بقلم نور محمد عبر مدونة دليل الروايات
رواية ضحية انتقامه الفصل الاول 1
_ماما عمو جمال بيدخل غرفتي باليل وبيخوفي
الام بصدمه كبير: انتي بتقولي ايه يافيروز عمو جمال قصدك جمال جوزي بيدخل غرفتك باليل
فيروز بخوف: ايوه ياماما بيدخل بعد نص الليل ويخوفني
الام بقلق: بيخوفك ازاي احكيلي بيعمل معاكي ايه يافيروز؟!
فيروز بتردد: بيقعد جنبي على السرير ياماما وفي مره كان عاوز يبوسني بس انا جريت على الحمام وستخبيت منه
وهنا الصدمه نزلت على الام اللي مسكت فيروز بغضب وقالت: انتي متأكده من كلامك ده يافيروز جمال جوزي نفسه حاول يعمل معاكي كده انتي متأكده
فيروز بخوف: ايوه ياماما متأكده وكمان مستعده اقوله في وشه الكلام ده
الام بصدمه وقلق: تمام يرجع جمال باليل وتاجي تقولي الكلام ده كله قدامه فاهمه بس لو طلع كلامك غلط انا هعاقبك يافيروز وانتي عارفه هعمل فيكي ايه
الام خلصت كلامها وسابتها بغضب وراحت غرفتها وقفلت على نفسها بصدمه وعدم تصديق وهي بتقول: ازاي فيروز تقول على جمال الكلام ده.. ده عمره مكان وحش معايا او معاها من بعد موت جوزي اتعرفت عليه وحبني اوي وطلب ايدي وانا رفضت الاول علشان بنتي بس هو طمني انها هتعيش معانا وكمان هياخد باله منها زي بنته باظبط وفعلا بعد جوزنا كان بيعاملها زي بنته وكان حنين عليها اوي وبيهتم بيها اكتر من ابوها المتوفي الله يرحمه يبقى ازاي هصدق الكلام ده عليه وانا عمري ماشوفت تصرف وحش او مشكوك منه يدل على الكلام ده.. بس المهم باليل هعرف كل حاجه لما فيروز تواجهه قدامي ولو كلامها طلع صحيح انا هندمه اشد ندم علشان فكر في بنتي مجرد تفكير بس بالطريقه الزباله دي
وباليل دخل جمال البيت وهو تعبان اوي من الشغل وحياه مراته استقبلته بحب وحضرت له الاكل وكأن شئ لم يحدث وبعد ماخلص اكله قعد على التلفزيون يتابع الاخبار فقربت منه حياه بحنيه وقالت: عامل ايه ياجمال اكيد تعبان من الشغل ياحبيبي
جمال بص عليها وقرب قبل جبينها بحب وقال: انا فعلا كونت تعبان بس بعد ماشوفك جنبي بقت كويس اوي
حياه بصت عليه بحب وتشتت وقالت: طيب الحمد لله ياحبيبي انا كونت عاوزه اقولك اني سمعت كلام كده من فيروز الصبح مطمنيش
اتعدل جمال بتوتر وقال: كلام ايه ياحياه هي قالتلك ايه؟
حياه بشك: مفيش ياجمال بس قالتلي انها شافتك بتدخل غرفتها باليل وتقعد معاها هناك
جمال بصدمه: اييه هي قالتلك كده طيب ناديلي عليها حالا
حياه بقلق: حاضر هناديها اهدي انت بس
دخلت حياه غرفه بنتها لقتها قاعده على السرير بتفرك في ايدها بخوف فقالت: تعالي ياحبيتي عمو جمال اجه بره عاوز يشوفك
فيروز بخوف: عاوز يضربني مش كده ياماما علشان انا كشفته قدامك صح
حياه بشفقه: متخافيش انا معاكي يافيروز والا يقدر يقرب منك وانا جنبك يابنتي
فيروز بتوتر: تمام ياماما انا هاجي معاكي
وفعلا خرجت فيروز بصحبه حياه واول ماشافته قدامها استخبت خلف امها بخوف وجمال اخد باله منها وبص عليها بغضب ووقف قدام حياه
وقال بحده: فيروز اطلعي من خلف امك حالا وقولي في وشي الكلام اللي سمعته من امك ده
فيروز بخوف:انا قولت الحقيقه لماما ومش خايفه منك
جمال جن جنونه منها ودفع حياه بقوه من قدامها وضرب فيروز كف وقعت بقوه على الارض من قوته ومنتطقتش وحياه جرت برعب على بنتها وقالت:انت عملت لها ايه منك لله البت مش بتنطق
جمال فاق لنفسه لما شافهم كده قدامه وقرب بسرعه من فيروز وحملها لغرفتها وهو خايف اوي عليها
جمال بخوف:مكنش قصدي اضربها بس الغضب عماني انا هتصل على الدكتوره بسرعه خليكي جنبها ياحياه
حياه هزت رأسها بدموع وهي جنب بنتها وهتموت من الخوف عليها
وبعد وقت وصلت الدكتوره وكشفت على فيروز وقالت:اهدوا هي كويسه بس في خبر مش عارفه اقوله لكم ازاي؟
حياه بقلق كبير:خبر ايه يادكتوره قولي بسرعه ارجوكي
الدكتوره بحزن عليهم:للاسف بس الانسه فيروز بنتك حامل يامدام
حياه بصت على جمال بصدمه كبيره وقالت:كله منك.. انت السبب منك لله.. منك لله
جمال الصدمه كانت مأثره عليه وبص على حياه بزهول كبير وقال:لا مش انا صدقيني مش انا دي بنتي ياحياه بنتي ومستحيل اعمل معاها كده وووو
يتبع.. بقلم نور محمد
- يتبع الفصل التالي اضغط على (رواية ضحية انتقامه) اسم الرواية