رواية امل الحياة (كاملة جميع الفصول) حصريا عبر دليل الروايات بقلم يارا عبد العزيز
رواية امل الحياة الفصل الاول 1 - بقلم يارا عبد العزيز
هي اي الزعاريط اللي تحت في بيت عمي دي يا ماما
قالت كلامها و هي بتاخد خياره من طبق السلطه كملت و هي بتاكلها بغمزه لوالدتها
:- هو عمي هيتجوز على مرات عمي و لا ايه و الله يبقى معاه حق هي لا تطاق
فردوس :- بطلي طوله لسانك دي يحياه و انزلي ساعدي مرات عمك شوفيها لو محتاجه حاجه عشان خطوبه كريم انهاردة
وقفت متيبسه في مكانها من الصدمه ، سمعت صوت تكسـ..ير قلبها اتكلمت و هي بتحاول تداري دموعها و قالت بصوت بيترعش:- هو كريم هيتجوز ؟!!!!!
فردوس:- ايوا انهارده الخطوبه و بعد شهر كتب الكتاب انا لسه عارفه انبارح انتي عارفه مرات عمك مش بتقول حاجه غير قبلها بساعات انزلي ساعديها و بعدين اطلعي البسي عشان تلحقي تجهزي قبل الخطوبه
حياه بدموع و هي حاسه ان رجليها مش شايلها:- هو هيتجوز مين ؟
بقلمي يارا عبدالعزيز
فردوس:- روان زميلتك في المدرسه وبنت خاله كريم بيقولوا الواد واقع لشوشته في حبها يلا بقى بلاش كتر كلام
حياه بدموع و همس :- روان ؟ هي ازاي مقالتليش حاجه زي كدا و عرفتني
فردوس:- عادي يحياه هتلاقيها قالت ان كريم ابن عمك و انتي اكيد عارفه المهم يلا انزلي بسرعه
حياه كانت في حاله اللاوعي ، دخلت اوضتها و قفلت على نفسها الباب و فضلت تعيط بقوه
مسكت فونها و رنيت على روان صاحبتها ، اتكلمت بصوت مخـ..نوق :- روان انتي خطوبتك انهاردة انتي و كريم
روان:- ايوا يا حياه كريم اتقدملي و انا وافقت
حياه ببكاء:- بس انتي عارفه اني بحبه اوي يا روان ليه تعملي فيا كدا وافقتي عليه ليه يا روان و انتي عارفه اني بحبه
روان بحده :- حياه متحسسنيش بالذنب من ناحيتك انتي عارفه ان كريم عمره ما حبك و بعدين الكل كان عارف ان كريم معجب بيا من وقت ما شافني بس انتي اللي كنتي بتكدبي على نفسك و بتفسري اهتمامه بيكي على انه حب و هو عمره ما شافك غير اخت ليه و ياريت تتعاملي معاه لانه اخوكي لانه بعد كدا هيبقى جوزي يلا سلام عشان مش فاضيه
قفلت روان المكالمه و حياه بصيت للفون بصدمه كبيره و دموع معقول يكون دي روان صاحبتي حسيت انها في كابوس مش قادره تصدق و لا تستوعب اللي بيحصل
قاطع شرودها صوت والدتها و هي بتتكلم بصوت عالي نسبيا:- يلا يا حياه انزلي لمرات عمك
مسحت حياه دموعها بسرعه عشان محدش يحس بيها و نزلت تحت شقه عمها
فتحتلها ناديه والده كريم ، بصتلها و اتكلمت بسخريه
:- طبعاً لسه صاحيه من النوم ما انتي دلوعه العيله بقى ادخلي يلا اقفي على الاكل انا نازله السوق اجيب شويه حاجات و راجعه
دخلت حياه المطبخ و ناديه خرجت ، فضلت واقفه قدام البوتاجاز و هي بتعيط ، مخدتش بالها من الزيت اللي وقع عليها ، شهقت بالم.. شديد و هي مش عارفه ايديها اللي وجعها و لا قلبها ، قعدت على كرسي السفره اللي في المطبخ و فضلت تبكي بقوه
في الوقت دا دخل كريم ، جري عليها و اتكلم بخوف
:- حياه مالك
انتبه لايديها اللي اتحـ..رق منها جزء بسيط
اتكلم بخوف :- تعالي حطيها تحت المياه وقفت معاه على الحوض و حطيت ايديها تحت المياه و هي شبه مغيبه
جري كريم و جاب مرهم للحـ..روق و راح عندها
كريم :- حياه انتي كويسه
حياه بدموع :- انت بتحب روان
كريم :- ايوا و هتجوزها
حياه بصتله بالم.. شديد و اتكلمت ببكاء: بس انا بحبك يا كريم
كريم بحده:- حياه احنا اخوات
حياه بعصبية و بكاء :- لا احنا مش اخوات انا من اب و ام و انت من اب و ام تانين و انا بحبك يا كريم و انت عارف كدا كويس
بقلمي يارا عبدالعزيز
بصلها برغبه كبيره شفايفها اللي اتحولت للون الكريز و خدودها اللي اتوردت و دموعها اللي بينت رموشها الكثيفه اكتر ، حس انه مش قادر يسيطر على رغبته فيها
قرب منها و حط ايديه على خدها و مسح دموعها بشفايفه و هي كانت مستسلمه ليه كليا و قلبها بيرقص من قربه منها ، شالها و دخل بيها اوضته و
.........
بعد حوالي ساعه كانت حياه قاعدة على السرير و صوت شهقاتها عالي جدا
كريم كان قاعد على طرف السرير ، خد علبه السجاير من الكمودينو و اتكلم بضيق :- يواااه ما تبطلي عياط بقى محسساني اني ضر..بتك على ايديك
حياه و هو بتشد اللحاف عليها و بتتكلم بشهقات:- انا مش عارفه ازاي وافقت على اللي حصل دا كريم احنا لازم نتجوز
كريم بغضب :- اييه انتي بتقولي ايه انا خطوبتي انهاردة اسمعي يحياه اللي حصل دا كان بمزاجك و انا اكيد مش هتجوز واحده سلمـ..ت نفسها ليا قبل الجواز فياريت متقوليش لحد على اللي حصل و انسيه
بقلمي يارا عبدالعزيز
حياه بصتله بصدمه كبيره و قلبها هيقف من خوفها بكل اللي حصل
كانت لسه هتتكلم بس قاطعها صوت ناديه اللي سمعته من برا
ناديه و هي متوجهه ناحيه غرفه كريم و بتتكلم بصوت عالي نسبيا:- كريم انت جيت انا شوفت عربيتك واقفه تحت
حياه بصيت لكريم بخوف شديد و
•تابع الفصل التالي "رواية امل الحياة" اضغط على اسم الرواية