رواية وهج الدمار الفصل العشرون 20 - بقلم ريو الطائي
البارت عشرين
-وهج الدمار-
-الكاتبه ريو الطائي -
لاتنسون التصويت والمتابعه وتعليق بين الفراغات
علقو الف تعليق حتى تصعد القصه وبس
احبكم فرولاتي ✨💕🥺
_____________
.
.
.
.
.
شنووو ضامه عليه وهجججج
هوه صاير نار ماعرفت عن شنو
يحجي بس بالي حملي بس لا اعرف بلعت ريئک
بخوف وباوعله نار تطلع من عيونه تقدم عليه وزمني من شعري قوي وخالتي تعيط قرب وجها من وجهي
وحجه
احجيييي ليش ساكته شنووو
ش.. شنو مضامه شي شبيك
تريدين تروحين لغير محافظه مووووو
ماعندج احد وراججج يكسر راسجج تمشين
بكيفج انتييييي
تنفست براحه يعني مايعرف بموضوع حملي
بس شلون اعرف راح اروح لغير محافظه
وخررر ايدك دمار وين رايحه ماتشوفني
كدامك منين جبت هاذه الكلام
وخر مني وهوه يفرك براسه وضعه غريب
يروح ويرجع اخفت منا حيل اجت مريم كومتني
واني مخليه ايدي على بطني خايفه يعرف
بيه حامل رجع باوعلي
وهج احجييي ليش تريدين تروحين
لاتكولين ماروح لان اعرف كلشي
احجي احسن مااطلع اضيم كلبي بيج
ام مريم: انته شبيك وياها خطيه مريضه شلون
تدفعه هيجج وانته مو مطلكه ليش تدخل روحك
وذا طلكتهااا خر* بهذاك اليوم الفكرت بي
اسمعت كلامها وطلكتهاااااا
ام مريم: مو هيانه جدامك وين رايحه
شبيك يمه متخبل
والله حجيه بس تخليه تطلع باب البيت
حركه كدامج
مريم: انته منو وتدخلل بحياته ويلا اطلع
مناا ولاتشوفنه وجهك
انتي لاتدخلين ولا تخليني مدا ايدي عليج
افهمتييييييييي
اسكتت مريم واني باوعله بخوف
يمه اذا اعرف بيه صدك راح اروح
شيسوي بيه رجع عليه ولزم ايدي قوي يعت بيه
احجي راح افقد اعصابي وضربج
وين تريدين تولين مو اكلت راح سوي
كلشي تريدينه ليش هيج تسوييييينن
بعدني كلشي مامسويه بعدين شعليه
بيك انته ومرتك وهسه يلا اطلع
بس لا عبالج تريدين تزوجين وتروحين لغير
محافظه ورب الكعبة يا وهج
ندمج اذا سويتي هيجي
مالك علاقه انته حتى لو ازو.. بعدني ممكمله عتني
من حضن مريم وضربني راشدي بعدني ممستوعبه
السوه ورجع ضربني براشدي ثاني وكعني بالكاع
باوعتله بصدمه واني فاتحه عيوني مامصدكه
هيج سوه رجع دنك صار بمستواي
باجر الصبح راح جيب السيد ويرجع يعقد لنا
كلمه عتراض منج خلي راسج جوه السياره
ودعسه اسمعتيييييي
لو تموت شماتسوييي مارجع شسويي سويي مايهمنيييييي بعدددد
غصبن عليج تقبلين وانتي تدرين بيه من احجي
شي انفذه
كام من عندي ابتسم اجى يريد يروح كمت
ورا واني احس مشتعله نار داخلي لزمت
ايده دار وجها باوعلي رفعت ايدي
وضربته راشدي رفع راسه باوعلي وبتسم
وهوه نار تطلع من عيونه من العصبيه
لزم ايدي قويي ودخلني جوه لزمت ايده
اريده يوخر ماكو مستمر ايسحب بيه لداخل
البيت خالتي ومريم يعيطن يريدنه بس يعوفني
بس ماكو مامهتم
وخررر عوفنييي شبيك ايديي توجعنيي
مارد صعدني للدرج وهوه يسحب بيه قوي
اخفت اجيت وكع من الدرج لزم زندي حيل
وصعدني لغرفتي فتح الباب دفعني داخل الغرفه
ماجنت خايفه غير على بطني لايضربني وتجي الضربه بيه قفل الباب وخالتي تعيط تريده بس
يفتحه سد الباب ودار وجها عليه وبتسم
زحفت ليوره واني دموعي تنزل اجى
دنك ويباوع من انظراته والموقف ال اني
اغمضت عيوني وبعد ماحسيت على شي
من الخوف
كعدت ورا فتره باوعت احوالي ماكو احد بعدني موجوده بغرفتي امسحت على وجهي وكمت
اذكرت الصار نزلت دموعي دخلت للحمام غسلت
وجهي شفت اطبع ايده على اخدي تنهدت بحسره
وفكر هوه هاذه التريدينه والتبجين علموده هسه
بعد ماشفت منه هيج ماكو شي يمنعني باوعت على ساعه بــ2 الضهر هاي شكد صارلي مغمي عليه
فتحت الباب ونزلت جوه جانت خالتي كاعده
بصاله وتقرأ اقران ومريم متمدده يما وتباوعله
شافتني مريم وكامت بسرعه اجت حضنتني
مريم: شلون صرتي حبيبتي كو شي يوجعج
مابيه شي لاتخافين بس ليش لهاذه
الوقت بقيه ودمار صار عليه
مريم: تعالي اكعدي هسه خلي اجيب لج اكل
واجي
هزيت راسي وهيه راحت للمطبخ رحت كعدت يم
الخالتي انتبه عليه سدت القران ابسته وخلته
على صفحه باوعت عليه وابتسمت بحنيه
شلون صرتي يمه
وهج: الحمدلله خاله مابيه شي يروحي
يمه لاتروحين شفتي اليوم شسوه بس لان اعرف
راح تروحين اذا رحتي واعرف مكانج مايرحمج
واخاف يذيج انتي والبطنج
وهج: ادري اذا اعرف راح يسوي مشكله بس
سوي كلشي علمود ابنتي وانتي لاتخافين
ماراح يعرف مكاني ان شاءلله
هسه شوكت تروحين هم بليل لو راح تروحين
المغرب
وهج: بعد الصار اخاف مخلي احد يراقبنه
كلشي توقع من دمار بس ماكدر ابقى لليل اخاف
يغير رئيه ويعوف العرس ويجي بليل جيب السيد
حتى يعقد النا
روحي المغرب يمه اشوفلجن الطريق وطلعآ
وهج: اي هوه هيج نروح للانبار وانجر بفندق
وبعدين نشوف مكان بي اخير حتى لو شقه
ونعيش حياتنه
ان شاءلله يمه وريدج تديرين بالج على مريم
ادري وهو انتي تريدين واحد يداريج بس
انتي احسن منها مريم فاهيه وتستحي
وهج: لاتخافين خاله راح خليه بعيوني
ابتسمت وباست راسي اجت مريم جابت
الاكل وكعدت اكل خالتي كل شويه تبوس
مريم اذكرت ماما شلون جانت تحبني وماتقبل
على زعلي دنكت راسي ماريد ابجي كدامهم
كملت اكل اخذت الموعين حتى اغسلهن
بس مريم ماقبلت تخاف لايصير شي
على ننو ماهتميت اخذت المواعين
ورحت اغسلتهم ورتبت المطبخ كملت
وطلعت من المطبخ واني باوع على كل ركن
بهاذه البيت هم راح اطلع منك بس مجبوره
سوي هيج اله مايجي يوم ورجع واني ابيدي
ابنتي رحت لغرفت ماما فتحت الباب
وسديته نفس ماهيه يوميه ارتبه حتى احس
بوجودهم يمي وماحس نفسي ان ماعندي
احد معا ان خالتي ممقصره وياي بس ابقى بس الماعنده ام يبقى مكسور جناحه ويدور الحنان
شما اكبر بلعمر
رحت كعدت على جربايه ونزلت دموعي واني تذكر
شلون من جنت اخاف نام وحدي فتح عليهم الباب اخر اليل ونام بينهم هسه من اخاف وين اروح
انتو مو وياي تعبت بدونكم والله بعد ماعندي اصبر
فدوه رجعولي خلي نرجع مثل قبل اجى من المدرسه
وشوف ماما تجهز الغده وانته بابا كاعد تباوع على
اخبار ماما انتي مو جنتي تريدين تشوفين حفادج
هياني حامل ليش ماترجعين وشوفين حفيدتج
انتي مو جنتي تتمنين تصيرين جده هياته راح تجي
للدنيأ وانتي ماراح تشوفينه
امسحت دموعي وتمددت على جربايه خليت
ايدي على بطني واني اذكر كل ايام حياتي
وموعي تنزل بهدوء شلون راجع لدمار وهوه
السبب بموت اهلي خلاني تحسر على كل شوفتهم
حتى بالحلم الله ينتقم منك ويخسرك غلا ماعندك
ويحرك كلبك مثل مانار البكلبي على اهلي
كمت طلعت من الغرفه غسلت وجهي
وصعدت فوك دخلت شفت مريم كاعد تجهز اغراضي
واغراضه بجنط دخلت وسديت الباب رحت على الكنتور اخذت المفتاح وفتحت الصندوك
باوعت عليه جان مليان فلوس وذهب ماعده
رصيد بابا الموجود بالبنك اخذته وكعدت على
جربايه طلعت ذهب ماما واذكر شكد تطلع حلوه
من تلبس الذهب رجعته الذهب مكانه وطلعت فلوس خليتهن على صفحه وسديت الصندوك
وخليته ابجنطه باوعتلي مريم
شسوين ابذني الفلوس مو هواي
وهج: راح خلي منهن الخالتي والباقي
نصرف من نروح منا
ماشي براحتج تعالي شوفي الجنط بقى شي
تريدين نخلينه وياهن
وهج: لا هاي هيه بس لاتكثرين ملابس عود
بعدين نشتري لان راح نتعب بيهن
مو كلتي ماروح اله شوف عرس دمار شنو
الغير رئيج
وهج: انتي اشتفي الصبح شسوه ماكدر
اخاطر وروح يلا هسه تجهزي علمود نطلع
من وقت
هزت راسها وراح تسد الجنط رحت للكنتور
طلعت ابنطلون اسود وبلوزه هم اسوده
ودخلت للحمام اسبحت وكملت طلعت
امشطت اشعري سويته كبايه حتى لايزعجني
طلعت جبه وخليته على صفحه
كملنا كلشي باوعت على ساعه بــ5 العصر
نزلت الجنط مريم جوه اخذت جبه مالتي
باوعت على غرفه اخر مره ونزلت دموعي
سديت الباب ونزلت طلعت بره شفت خالتي
وحضنه مريم وتبجي رحت قريب منهن
وباوع عليهن خليت ايدي ابجيب البنطلون
وبقيت ساكته شو وخرت من مريم واجت
حضنتني ابتسمت بكسره وحضنتها
وهج: كافي خاله لاتبجين ان شاءلله نرجع
ونبقى سوه طول العمر
ان شاءلله يمه ديري بالج على نفسج وعلى
البطنج وانتبهي على مريم
مريم: شسالفه ماما تره اني اكبر من وهج
ادري يمه يلا هسه راح اطلع شوف اخاف كو احد
بره اخابرت على سياره هسه تجي توديجن للانبار
كبل
هزيت راسي وبقينى شوي اننتظر تذكرت
الفلوس دخلت جوه خليتهم بالمطبخ ادري
بيها اذا نطيتهن اله ابيدها ماتقبل
اشربت مي واخذت تفاح وطلعت بره اكل
اجت السياره طلعت بره جانت السياره جبيره وبيها
ناس تنهدت براحه على اقل احد ويانه صعدنه
الجنط جينه نصعد باوعت خالتي تبجي وتمسح
بدموعها رفعت راسي على بيت بس الله يدري
يمتى راح رجع صعدت بسياره وكعدت ورا اني مريم
سويه امشت السياره وهيه تباوع على امها البقت
واكفه باب البيت تباوع سحبته لحضني وخليته
تبجي وتطلع البكلبه مر وقت وهيه بس تبجي
وهج: مريم كافي ابجي يروحي والله جاي
تحسسيني بذنب ادري من وراي انتي عفتي امج
وياج للموت بس كلبي يم امي اخاف يصيرله
شي ومايمه احد
وهج: اليسمعج يكول امج عجوز تره بعده اصغيره
ليش هيج تفاولين عليها
امسحت دموعها باوعتلي وبتسمت
فرحانه لان اجيت وياج وماخليتج وحدج
وهج: روحلج فدوه يبعد روحي انتي
بقينى اني وياه نسوالف شراح نسوي
وشلون راح ندير بالنه على ننو كل مااحجي
عن البطني شوفه مبتسمه وعيونها يلمعن
ماعرف ليش هيج تحب الاطفال مر وقت
واني تعبت بطني صارت تذيني خليت راسي
على امتن مريم وغمضت عيوني ونمت
كعدت ورا فتره على مريم وهيه تكعد بيه وخرت
راسي من امتنه وباوعت عليها كالت يلا وصلنا يم الفندق كمت نزلت من السياره باوعت الدنيأ ليل نزلنا
الجنط ودخلنه داخل حجزنه قرفه انطونه مفتاح
الغرفه ورحنه فتحت باب الغرفه اجنت زينه
رميت الجنطه بالكاع ورحت تمددت على جربايه
مريم: وهج شراح نسوي هسه
باجر نطلع وندور على شقه مايردله اعلم
مريم: انجبي وشلون راح انعيش يعني لزم
نشتغل
اي بس اول شي خلي نلكه شقه وبعدين
ندور على شغل مابقى هواي للمدرسه
هزت راسها وسكتت واني اغمضت عيوني ورجعت
نمت مر يومين يلا لكينه شقه بس جان سعره شوي غالي لان بيها اثاث كامل وافقنه لان مانكدر انبقى
بالفندق دخلنه للشقه جان بيها غرفتين وصاله وامطبخ صح اصغيره بس كلش حلوه ومرتبه
باوعت على مريم وابتسمت
هاي اول شي حلو صار ويانه بقى نلكه شغل
ونسوي نقل وندرس هنا
مريم: اي بس شلون تريدين تشتغلين وانتي
حامل اخاف يصير عليج شي
لاتخافين مايصير عليه شي لزم شتغل هسه احتى
من تجي للدنيأ منحتاج شي داوم الصبح والعصر
اروح للشغل
مريم: لا وهج اسمعي مني ماريدج تشتغلين
انتي بس تديرين بالج على نفسج وعلى
ننو واني شتغل
عوفي هاذه الحجي هسه وتعالي شوفي اني راح اخذ
هاي الغرفه وانتي اخذي هاي
مريم: لا بالله تحلمين عوفج نام وياج نفس الغرفه
تريدين تحرميني من ننو ماتخافين ربج
انجبي انتي مثل الحمار بس تدفرين
صدك ليش خالتي ماتصالت علينه غريبه
مريم: هيه مو كالت لاتتصلآ اله اني اتصال اول
شي اخاف صاير شي وهج خايفه
تعالي خلي انتصل ونشوف صاير لاتخافين
وهوه احنى مخلينه رقم جديد ميكدر يحصلنه
بعد
هزت راسها وراحت جابت الجهاز اتصال على
خالتي ماردت اقلقت عليها اخاف صاير شي
بيها ماردت احجي كدام مريم حتى لاتتوترت
وتفكر اتصالت اكثر من عشر مرات وماكو طفيت الجهاز وخليته على صفحه وباوعت على مريم
مريم: ليش ماترد ماما وهج ابوس ايدج اخاف
صاير بيها شي
عوفي هاذه الكلام اكيد مابيها شي بس شوف وين
مخليه الجهاز وطالعه تعالي نرتب اغراضنه احسن شي
سحبته من ايدها واخذته للغرفه رتبنه الغراض واحجي وياه حاول ماخليه تفكر بخالتي مر وقت وحنى نرتب
ونسوالف رن الجهاز بسرعه عفت البدي وطلعت اركض للصاله فتحت الخط
وهج: الووو خاله وينج صاير يومين ماكو اقلقنه
عليج ليش ماتصلتي
على كيفج يمه ماكو شي بس ماصار عندي
وقت ومااتصالت هسه كوليلي شلونجن
صار وياجن بالي يمجن
وهج: لاتخافين خاله احنى زينين الحمدلله انتي
شلونج
البيت مايسوه شي بدونجن وبدون اضحكتجن
كالت هيج وابجت بصوت باوعت على مريم
هيه هم ابجت من اسمعت صوت امها
وهج: خاله لاتبجين ابوس ايدج والله
صار مو بيدنه وانتي تدري اني من ودي ماعوفج
عمري كله بس ماكدر ابقى اذا دمار عرف بيه
يندمني لان ماكتله فدوه افهميني
انسي دمار وعيشي حياتج يمه وديري بالج
على بنتج ماوصيج بعد بس مريم وين
وهج: هيانه يمي خاله تسمعج خاله اريد
اسئلج على دمار من اعرف بيه شسوه
ورا مارحتن اجى بليل الساعه بــ1 يريد يحجي
وياج كتله صعد فوك وشوفه نايمه لو كعده
راح صعد هوه فوك ماكو شو ونزل مثل البركان
وصوته يرعد وصيح بصوت عالي كلب الدنيأ
بالعياط واني كتله مادري كالت اريد نام
كال لعد مريم وين كتله مادري وابجيت اخفت
يشك بيه بعد شي خلصني منا مخاله شي بالبيت
ماكسره بعدين اخابر على عمر وهوه يمشي وتوعدلج اذا لزمج شيسوي بيج يمه ديري بالج ترجعين
وهج: عزه خاله اخايفه اذا اعرف مكاني منو يخلصني
منا والله يذبحني
لاتخافين ان شاءلله مايعرف مكانجن بس انتن ابقن
هاذه الاسبوع لاتطلعن ابد
هوه هم هيج بقينى نسوالف وياها واني نطيت
الجهاز ل مريم وعفته ورحت للغرفه اخايفه
من يعرف بيه شارده وحامل شراح يسوي
بيه والله ماريده وهوه مو غصب
ليش مايفهم
امسحت على وجهي ورحت تمددت
مرت الايام والشهور والضعنه صار احسن خالتي سوتلي نقل بديت ادرس الصبح روح للدوام
والعصر روح للشغل جنت شتغل بكوزمتك جان بي بس بنات وكلش حبابات ويراعن واضعي
مجان عندي وقت حتى افكر بدمار بس بليل
دائماً تخليه يمي وشتاقله اصرت مهوسه بالبلوزه
مالته مخليته على طول يمي ماعرف ليش هيج
اريده دوم وياي حتى لو بس شغله منا كافي
وخالتي يوميه نحجي وياه وتحجي عن دمار شلون ضعفان ومتغير وصاير على اقل شي يعصب
وتكول يبقى بالساعات واكف كدام البيت اخاف تجين وهوه مايدري شكد انقهرت عليه بس مابيدي شي وادري اذا رجعت راح يموتني على ابطيئ
ماا مريم سجلت بالكليه وجنت كلش فرحانه
بس تخاف وتتوتر اول سنه اله وحده هيه
بطبعه خجوله كلش شكد لحت عليه حتى تشتغل
بس ماخليته هيه بعده بنت وتروح وحده راح يبقى بالي يمها ماا اني لان حامل وابطني جبيره محد يحجي وياي
فاا بيوم جان جمعه وكعدنين بالبيت
كعدت من النوم جيت كوم بدون ماباوع
وخرت ايد مريم من بطني ماتنام اذا ماتخلي ايدها على بطني وتحجي ويه بساعات ولاتمل
كمت من يما واني بلكوه امشي ابطني كلش
جبيره معا ان بعدني ابشهر الخامس تنهدت بحسره
ودخلت للحمام غسلت وغيرت ملابسي باوعت على
نفسي بالمرايه الحمل زايدني جمال وصايره اسمينه
من الاكل خليت شوي مكياج ورحت اجهز الريوك
كملت الريوك واحت كعدت مريم كامت غسلت
واجت تتريك وياي
مريم: وهج ليش هيج بطنج اجبيره
كولي ماشاء الله لاتحسدين فريختي
مريم: ماشاء الله بس صدك ليش
ماعرف احتى اني ماعرف ليش
العصر نروح للدكتوره ونشوف
هزت راسها وصدك العصر لبسنه ورحنا
الدكتوره جنت كلش متوتره وخايفه لايطلع
بنتي بيه شي كعدنه اننتظر سرانه
شو وصاحت بسمي دخلت على دكتوره
اسئلتني شكد صار على حملي وجاوبته
دخلت مريم وياي لان راح تسوي سونار
تمددت على سديه خلت الجهاز على بطني
واسمع دكات كلب الطفل احساس غريب جنت
كلش فرحانه واني ومريم بس تباوع على شاشه
وتبتسم جنت منتظره هاي لحظا على نار
باوعت على دكتوره شفته تباوع بتركيز اخفت
طفلي بي شي
وهج: دكتوره شكو ليش هيج تباوعين طفلي شبي
مابي شي حبيبتي بس انتي حامل بتؤام الف مبروك
وصحتهم زينه الحمدلله بس لازم اتنتبهين لنفسج
لان بعدج اصغيره
باوعت على مريم بصدمه دموعي نزلت من الفرح
وهج: يعني اني هسه حامل بتؤام
هزت راسها الدكتوره وبتسمت ومريم صارت
تهلهل اجت بسرعه واحضنتني واثنينه
انبجي فرحانين وخرت مريم من حضني
مريم: دكتوره بشنو حامل
.. ولد وبنت الف مبروك حبيبتي
اشهكت من البجي واني حمد ربي وشكره
باوعتلي مريم
مريم: يعني بعد كم اشهر راح ينورون حياتنه وهج
مامصدكه
ابتسمت اله من بين دموعي طلعنه من يم الدكتوره
ومريم لزمتني من ايدي كل شوي توكفني تكول
رتاحي رجعنا للبيت وحنى الكاع ماسايعتنه من الفرح
رحت للغرفه تمددت وباوع على بطني ودموعي تنزل
وافكر بدمار بحالنه هسه لو يعرف راح يصير عنده
طفال اثنين شيصير لو متلاكين بدون هاي الضروف
وعاشين حياتنه سوه وهو الينتبه على طفاله
شلون راح دبر نفسي واني عندي اثنين طفال
امسحت دموعي واخذت الجهاز وتصالت على خالتي
انتظرت شوي يلا ردت
الووو هلا يمه
وهج: هلا بيج خاله شلونج
الحمدلله انتن شلونجن يبعد روحي
وهج: زينين بخير بس مشتاقيلج هواي خاله
واني هم مشتاقتلجن يمه حملج شلونه
مرتاحه كو شي يوجعج
وهج: لا خاله الحمدلله بس مرات يصير
عندي مغص صدك عندي اخبر حلو
خير ان شاءلله كولي يمه
وهج: خاله اني حامل بتؤام ولد وبنت
اهلهل خالتي بصوت عالي اجت مريم تسمع
صوت خالتي وهيه تهلهل
الف مبروك يمه اتستاهلين كل خير يبعد عمري
ديري بالج على نفسج وعلى فريخاتج
مريم: ماما ماصدكه راح يصير عدنه اثنين مو واحد
الف الحمدلله وشكر بس مريم يمه دير بالج عليها
بعده اصغيره ولزمه راحه
مريم: من عيوني يمه
خاله اريد اسئلج
اعرف شنو تريدين تكولين البارحه بليل اجى للبيت
بس متغير حيل احس الدنيأ كسرته بيج يمشي وهوه
مدنك راسه محتار وين يدور عليج اجى وتمدد على رجلي ويحجي بصوت بي غصه يكول ابوس ايدج
عتبريني ابنج بس كولي وينها والله حتاريت وين دور عليها مارديت بس امسح على راسه شوي وخر راسه
ويباوع عليه وهوه دموعه تنزل كسر كلبي واني اشوفه بهاي الحاله لزم ايدي ويكول بس كولي شلونها ادري بيج تعرفين مكانه بس ماتريدين تحجي بس اطمنيني
عليها كتله زينه وعايشه حياته ماتريد تشوفك بعد
امسحت دموعه وابجيت واني شوفه رجال طول وعرض يبجي علمودج يمه والله خطيه ليش هيج سويتي ماجنت ادري هيج يحبج لو ادري فلا خليج
تعوفينه
هيه تحجي واني دموعي تنزل ادري بي يحبني
بس اذاني ماكدر ابقى وياه وهسه اذا رجعت
راح اينتظر بين مايصيرون طفالي وياخذهم
مني اعرف راح يوجع كلبي بيهم ماكدر تخله
عنهم ونطيهم اله
وهج: خاله ليش خليتي يعرف انتي تندلين مكانه
الرجال تسودن شبيج يمه مايصير هيج
ادري كلبج شايل علي بس يبقى ابو طفالج
حرام عليج تحرمينه من احساس البوه
وهج: خاله ابوس ايدج والله اذا اعرف
مكاني ماراح يعوفني بحالي
شنو يعني ماتكوليله على طفاله؟
وهج: لا ماكول عسه مايبقى طول العمر
يدور عليه طفالي ماراح خلي يشوفهم
لو ياخذهم مني لو تطلع نخله براسه
الله يهديج يمه بس الله مايرضه عليج لان
هيج تسوين بي
اسكتت مارديت نطيت الجهاز ل مريم بقيت كاعده
ابقت مريم تحجي وياه خالتي شكد افرح من اسمعه
تكول انتبهي على نفسج وعلى اكلج احسه مثل
امي ماتفرق بيني بين مريم ابد دائمآ اتسئل عليه
من تحجي وياه مريم
عفته تحجي وياه خالتي ودخلت للغرفه الثانيه
اخذت بلوزته وتمددت على جربايه واني واني صافنه
بالفراغ باوعت على بلوزته وابوسته ياربي شكد مشتاقتله ومشتاقه لصوته عصبيته حنيته غيرته
عليه اغمضت عيوني ونمت
مرات اشهور واجه موعد المتحانات ومتحنت
والحمد الله طلعت ناجه ومريم هم جنت كلش
فرحانه لان اخلصت من الدوام مريم صارت تشتغل
وياي نطلع العصر ونرجع الساعه بــ 8 بليل من نرجع
كبل نروح نام استمرت حياتنه على هاذه الروتين
لحد مااجى موعد ولادتي جنت كلش خايفه وخصوصي ان ماوياي واحده تعرف مريم اخوفه
وماتعرف شي كلش حتاجيت وجود ماما وياي
شوف كل وحده وياه يا امه يا اخواته وعماته
امسحت دموعي وكالت الدكتوره لزم عمليه
لان كلبج تعبان اخاف كلبج يوكف وماتكدرين تولدين طبيعي
اجت مريم حضنتني وتبجي ماعرف اهدئه
لو اهدء نفسي اني الحتاج احد وياي
باوعت على مريم ولزمت ايدها واني دموعي تنزل
وهج: مريم ديري بالج عليهم اذا صارلي شي
لاتنطيهم لدمار اخذيهم واخذي خالتي وروحي
لتركيا اخذي الكارت وطلعي الفلوس من البنك
اشش لاتحجين هيج ان شاءلله تطلعين مايصير
عليج شي وهج ابوس ايدج رجعيلي
والله موت بدونج
وهج: مثل ماكتلج انتبهي عليهم وعلى نفسج
اسكتت بس تبجي اجت الدكتوره ودخلوني لغرفة
العمليات اضربتني بره بعده ماحسيت على شي
كعدت ورا فتره على واني احس جسمي كله
يوجعني مخليلي جهاز التنفس باوعت على ايدي
بيه كانونه وخرت جهاز التنفس باوعت على غرفه
جنت مريم مخليه راسها على السرير ونايمه
مديت ايدي على وجها فزت بسرعه باوعتلي
واجت بسرعه حضنتني وتبجي باوعتله
وهج: مريم طفالي وين
لاتخافين يروحي موجودين بلخدج
وصحتهم زينه الحمدلله اانتي شلونج
صارلج يومين غايبه عن الوعي اخفت
يصير عليج شي وانتي بعدج مشايفه
طفالج ولا اشمه عطرهم
وهج: اريد شوفهم فدوه اروحلج
هزت راسها وباستني من خدودي وراحت
كلبي نار عليهم اريد شوفهم شوي واجت
الممرضه شايله واحد والثاني ابيد مريم
كمت عدلت نفسي واني دموعي تنزل
فرحه على اخوف توتر
جابت الممرضه الطفل باوعتله يجنن
ابيض وخدوده نعمه قربته من وجهي وشميت
عطر باوعت للممرضه
وهج: هاذه الولد لو بنت
.. ولد حبيبتي الف مبروك
ابتسمت اله هيه وخرت الكانونه من ايدي
وطلعت باوعت على مريم
وهج: انطيني ياه خلي شوفه
مااا ماانطي هاي الي من هسه
انتي لج هاذه ابو راس وهاي الكمر الي
وهج: انجبي ونطيني ابنتي لا كوم اعضج ومحمد
باوعتلي صفح وجابته الي خليت الولد يمي على
صفه واخذته منها حلوه وشعره اثخين عكس الولد
شعره كلش خفيف ابوسته واني باوع عليهم
فرحانه دموعي تنزل من الفراح واني شوفهم
كدامي
مريم: شراح انسميهم
باوعتله ورجعت باوع عليهم
كايا وتيم
الله حلوه يمه فدوه لكيوته يبعد
روح خالتج وهج تروحلج فدوه
اغميته ورجعت باوع عليهم سجلولي خروخ
بلكوه يلا طلعنه لان اني ودمار ماعقد محكمه
بس سيد اسجلنهم ابسم بابا مريم شالت كايا
واني اشلت تيم وكفنه سياره ورحنى
كبل لشقتنه فتحنه الباب
ودخلنا باوعت على مريم
مريم: من دخلنه هن بس اني وانتي هسه صرنه
رابعه
الحمدلله وشكر هسه تعالي اخذي تيم مني
مابيه حيل تعبت
هزيت راسها واخذت كايا ودته للغرفه رجعت
اخذت تيم هم رحت للغرفه تمددت وباوع عليهم
شلون نايمين اجت مريم جابتلي ملابس دخلت
للحمام اجت تريد تنزعني ملابسي خليت ايدي
كدامه
مريم: لاتستحين يروحي ادري
ماتحبين احد يشوفج جسمج بس
اني اختج يلا وخري ايدج
هزيت راسي وهيه نزعتني ملابسي واني ميته
اخجل بس هيه ولا احسستني تحجي وياي
وتحاول تخليني ماتوتر ماخليت المي يوصل
للعمليه اسبحت وكملت لبستني ملابسي
رحت كعدت على جربايه واني بلكوه امشي
من الوجع جابت امشط وكعدت اتمشط بشعري
كملت تمشيط سوتلي شعري كبايه وراحت على كايا
لان تبجي جابته الي حتى راضعه باوعت
على مريم.
وهج: اخايفه ولج اخاف تعضني
شتعض تره بعده ماعدها اسنون يلا وهج شوفيه
خطيه اتبجي
وهج: واذا اعضتني والله اضربه
ماتعض بس اخذيه شبيج مداج
باعي شلون اتبجي
اخذته منها وخليته ابحضني طلعت صدري
وخليته ورضعته كعدت مريم كدامي تباوع وتبتسم
وهج: اهوو ولي لاتباوعين والله استحي
شبيج
مامسويه شي لك الله يالفقير تره
جاي باوع على كايا ماباوع على غير شي
هزيته وخليت ايدي على صدري
باوعت على كايا مترضع
وهج: شو ماترضع شبيه
شو وخري خلي شوف باوع على صدري
مابي حليب
وهج: ليش مابي حليب عزه بعيني
يجوز لان مصارلج هواي من ولدتي راح اروح
للسواق اجيب حليب واجي
وهج: انتي حيوان ليش حنى مو مجهزين
كلشي ليش تروحين
اغمت كصتها وراحت تسوي رضاعه
وهيه بس اتبجي جوعانه. اجت مريم
بسرعه وخليت الرضاعه بحلكها اسكتت
اخذته مني واني تمددت واغمضت عيوني
ونمت من وجع ابطني
مر اول كم يوم وحنى مانعرف شي ولا انعرف شلون
نسكتهم كل شوي انتصال على خالتي حتى تلعمنه
شنو انسوي رحت الدكتوره وشالت خيوط العمليه
وتعلمت عليهم جنت كلش فرحانه بيهم كايا كلش
وكحه وبس اتبجي لزم انبقى على طول شايله
ونسكت بيه عكس تيم عاقل وكلش هدء مو مثل
اخته مخبله مريم ابد ماعافتني وياي من تعب
هيه تدير باله عليهم واني روح نام هيه صارت تروح
للشغل واني ابقى بالبيت علمود الرضاعه مايرضعون
اله من صدري وهاذه الشي ريحني احسن من مو كل شويه روح اسوي رضاعه
مرات سنتين ونص واني مشايفه دمار
والطفالي كبرو كايا صارت تمشي
ومريم ماتعوفه ابد تحب كايا اكثر
مني ادري بس ماتفرق بينهم تيم افقير كلش
وهدء على طول ساكت عكس كايا بس اتبجي
وكل شي كتله تيم كل ماعوفهم وحدهم تكتله
سوده عليه هوه مايدافع عن نفسه
وهجججج تعاليي اخذييي هاي من يمي اكلت ايدي
وهج: اتستاهلين محد كلج علمه على اعض
اني شعليه شوفي شسوت ابيدي اسنونه
يعورن بنت الجلب
وهج: عفيه خوش تربيه خليه تتعلم على هاذا
الكلام حتى بعدين تنجلب علينا فوك ماهسه
الله جالبه
مريم راحت للغرفه واخذت كايا
رحت على صاله شفت تيم كاعد بالكاع
ويلعب بسيارته رحت كعدت يما وباوعله
اسمين وخدوده نزلات ابيض وعيونه اصفر
عنده اغمازه وحده مثل ابو شافني باوعله
ترك العبه واجى عليه يمشي ويكع رحت يما
اخذته ودخلت للغرفه خليته على جربايه
وابوس بي وهوه يضحك
وهج: لك انته شنوو كيك روحلك فدوه
البالي اختك كتلتك خلي تولي
ماتجي بجمالك يروحي
بااابااا بااا
وخرت منا واني باوعله كل تنهدت بحسره
ونزلت دموعي اخذته لحضني
والله ماما مو ابيدي متندمه لان ماكتله على
موضوع الحمل بس مو ابيدي اخفت يحرمني
منكم ادري بعدكم اصغار ومحتاجين وجود اب
بحياتكم تاخذ روحي من تكول بابا هسه اذا
اعرف بيكم والله ياخذكم مني واني روحي
صارت بيكم
اجت مريم شافتني ابجي نزلت كايا من حضنها
واجت احضنتني
مريم: شبيج وهج ليش تبجين
شوفي طفالي محتاجين وجود ابوهم
بس اني نانيه حرمته منهم وحرمتهم من ابوهم
والله لمصلحتهم اخفت ماردت رجع يمه
مريم: اخلص لاتبجين يروحي شذكرج بي
هسه هيانهم طفالج كدام عيونج ماله داعي
هاذه الكلام
اخاف يجي يوم وياخذهم مني والله
اموت نفسي ولا اعيش بدونهم
مريم: هيج تحبيهم وهج
ذوله روحي ماعندي اغلا منهم
عايشه علمودهم
مريم: ليش ولا مره اسمعتج تعيطين بيه
عليهم لو تضربيهم حتى لو بشقه
اخاف اضربهم لو عيط عليهم وربي
يحرمني منهم والله اموت اذا
يصيرلهم شي
مريم: اخلص لاتبجين كومي غسلي وجهج
وتعالي نوميهم خطيه نعسو
هزيت راسي وخرت من احضنته باوعتلهم
يباوعون عليه وساكتين يمكن اخوفتهم
لان جنت ابجي رحت للحمام اغسلت
وغيرت ملابسي وسويت شعري كبايه
ورحت تمددت على جربايه جابتهم
مريم يمي واحد منه والثاني منه
باوعت على مريم شوفه تباوعلي وساكته
وهج: شبيج ليش صافنه
شو ماطلعتي صدرج لهم شنو بعد ميردونه
وهج: الله من احلكج لباب السمه حتى صدري
صاير يوجعني لا انوب كل واحد يعرف ياهو
مالته مدري شلون مركزين هيج
يوميه دخل بليل عليكم وعدل ملابسج
انوب مو واحد اله اثنينهن يطلعوهن
وهج: وانتي ماتستحين شلون تدخلين علينا
حيوانه
اني شكو غير انتي فاضحيج فريخاتج
كعدت على جربايه يمي وبقينى نسوالف
كايا فتحت زرار البلوزه وطلعت صدري
وترضع شافه تيم هوه هم يريد ماينامون
اله واني مطلعته لهم طلعته اله وغطيت
نفسي وغطيتهم
مريم: الله يرحم ايام زمان جنت اني نام بحضنج
ونام سويه بس هسه اجو ذوله العكارك اخذو مكاني
انتي مكانج بروحي لاتغارين منهم هما
ولا شي كدام عيونج الحلوه
مريم: صدك وهج تحبيني اكثر منهم
طبعاً شعندي غيرج لعد بس صدك انتي
تحبين عمر
مريم: شجاب هاذه السؤال على بالج
ماعرف بس هيج حبيت اعرف
مريم: لا ماحبه واله مايجي يوم ونرجع وخلي
يطلكني راح كمل حياتي وياج و ان شاءلله نستقر
بيت علمود نجيب ماما يمنى
ان شاءلله مشتاقتله هواي واتمنى
نرجع لبيتنه ولحياتنه قبل
مريم: اله مايجي يوم ونرجع لاتخافين
حبيبتي
هزيت راسي بــ اي وهيه اجت باست كايا وتيم
وراحت لغرفته باوعتلهم نايمين وخرت
صدري منهم فزو اثنينهم تنهدت بضوجه
ورجعت نومتهم نفس ماجانو ونمت وياهم
كعدت الصبح صوتهم فركت عيوني ورجعت
تغطيت كايا كعدت على بطني وتيم لزمني
من ايدي باوعت على ساعه واني النعسه بعيوني
شفته بــ6 الصبح
وهج: وين تريدون كاعدين من هسه حتى اليشتغلون
عماله مو مثلكم
اعم ماااا
وهج: تروحلج فدوه ماما شو وخري خلي
كوم اسويلج اعم
وخرته من بطني باوعت على تيم يباوعلي
ويضحك اخذته هوه وكايا للحمام غسلتلهم
وغسلت وغيرت ملابسهم واخذتهم للمطبخ
وهما يضحكون ويسوللفون سوالف محد يفهمه
يمكن هاي الغتهم الخاصه
طلعت مريم من غرفته وهيه تفرك بعيونها
مريم: شعدكم كاعدين من الصبح اريد نام
ماصدكت شوكت تجي. العطله تالي اكعد الساعه 6
وهج: عشتو شنو ماعجبج باجر خليهم
يكعدون الساعه بــ4 لخاطر عيونج
باوعتلي صفح وراحت تغسل
سويت سيرلاك للطفال اسويت ابيض وطماطه
اجت مريم شافته كايا وكامت تضحك
مرم مرم
مريم: لعب وياج شنو كولي خاله بنت الجلب
لاتحجين هيجج كدامها مريممم
مريم: هاي تعيطين عليه علمود هاي الحوله
باوعتله كايا وكانو اعرفت جاي تحجي عليها
تفلت على مريم ورجعت تاكل متت ضحك عليها
اخذته مريم لحضنها تبوس بيها وتعض بخدودها
باوعت على تيم ياكل بدون صوت حبيب امه
بسته من خدوده وخليته ابحضني واكل بي
وكايا ومريم كل شويه يتعاركن ويرجعن يااكلن
كملت ريوك اخذت تيم غسلت وجها وخليته بصاله
يلعب انطيته لعبه وبقى كاعد دخلت للحمام غسلت
ملابسهم وشريته انضفت البيت ومريم راحت للشغل
واخذت كايا وياه بس تيم بقى يمي اخذت ملابس
ودخلت اسبح كملت وطلعت للصاله حتى تطمآ على تيم شفته بعده كاعد بمكانه ياربي شكد هادء
اخذت امشط ورحت كعدت يما خليت شعري مفتوح
بس امشطته
اخذت الجهاز وبقيت كاعده لعب بي شويه بعدين
غيرت ملابسي وملابس تيم خليت شوي مكياج واخذته وطلعت شتري مسواك للبيت
رحت للسواق شتريت الشئ الحتاجه ورجعت
امشي للبيت تيم نام على اجتفي حتاريت بي لان شايله مسواك اجى ولد واكف يمي
اخويه انطيني ياه شيله بمكانج خطيه نايم
وهج: لا تسلم بيتي قريب منا شوي واصل
انطيني ياه خطيه شوفي شلون نايم
هزيت راسي وهوه اخذه مني ويمشي يمي
ويباوع على تيم ويصلي على محمد لان ملبسته
اسود وهوه حلو وشعره ينطي بشكار
لاتلبسينه هيج بعد لايتحسد وهوه ماشاء الله
حلو لايصير بي شي
وهج: ان شاءلله اخويه
وصلت للعماره دخلنا شقتنه جنت بطابق الثالث
صعدنه فتحت الباب دخلت الغراض وهوه بقى واكف
بره وشايل تيم رحت علي واخذته منا
وهج: شكرك اخويه تعبتك وياي
لا اخويه ماكو تعب اني هم بيتي بهاذي
العماره
وهج: ماشايفتك قبل شنو جديد جاي هنا
اي صار اشهرين يمكن بس عادي اسئلج
سؤال ولو تدخل
كول اخويه
هاذه الطفل ابنج لو ابن البنت الوياج
لا ابني وعندي بنت هم يلا امرخصتك
اخويه بس اريد دخله جوه
هز راسه وراح دخلت وسديت الباب
شعلي هوه ابني لو ابن مريم والله يالله
اخذته ورحت نومته باوعت عليه صدك
كلامه شلون طلعه هيج ابسته من خده
وهج: اسم الله عليك يروح ماما انته الله يبعد عنك الاحسدين
غطيته ورحت غيرت ملابسي
ودخلت للمطبخ عزلت المسواك وسويت غده
شوي وندك الباب رحت فتحته دخلت مريم وشايله
كايا ويااكلن موطه
وهج: وتالي وياج مريم هسه البنت تتمرض
مو كتلج لاتخليه تاكل موطه موزين
هيه موطه شمسوين حاره ونريد شي
يبرد كلوبنه مو هيج كوكي
هزت راسها كايا بــ اي باوعتله صفح واخذت
كايا من مريم ودخلت للغرفه جهزتله ملابس
جنت مدنكه مو يمها رفعت راسي باوعله
واكفه يم تيم. وتضرب بي على اخدوده وتجر
شعره رحت عليها بسرعه وخرته منه
كعد هوه وكام يبجي نزلته بالكاع وباوعتله
وهج: روحيي منااا خلي مريم تغسلل وصخج
رحت على تيم وشلته وابوس بخدوده
وهيه تباوعلي وساكته اسكتت تيم وخليته
على جربايه اخذته لحضني بس زعلت وصارت
تبجي بصوت عالي كعدت على جربايه وباوعله
شسوي تمددت بالكاع وصارت ترافس وتعيط
على صوته دخلت مريم هستوه طالعه من الحمام
شعرها ينكط مي راحت بسرعه على كايا وشلته
مريم: شكوو شبيه كوكي ليش تبجي
منو كتلج يروحي
شرتله عليه ورجعت خليت راسها بركبت
مريم وتبجي بصوت
مريم: ماتخافين ربج بعدهااا طفله شلون تمدين
ايدج عليهاااا
ليش تعيطين بوجهيي تجذب ماكتلته والله
اخذته وعافتني وراحت باوعت على تيم
وضحكت تروحلك فدوه هاي الخبله
اخذته وطلعت بصاله اصبيت غده الي وتيم
كعدت واكله واكل وياه طلعت مريم هيه وكايا
وعلى ساس زعلانات ضحكت بيني وبين نفسي
رجعت واكل تيم وماباوعت عليهم
اجن كعدن على طاوله ويباوعن عليه
نزلت كايا من الكرسي واحضنتني
اخذته وبوست اخدودها كملت غده وغسلت
المواعين ورحت كعدت على الكرويتا الموجوده
بصاله مريم كاعده تلعب بجهاز وكايا وتيم
كاعدين يباوعون على تلفزيون
اخذت جهازي واتصالت على خالتي
ماردت اتصالت اكثر من مره يلا جاوبت
وهج: الوو خاله شلونج
هلا يمه زينه انتي شلونج
وهج: الحمدلله خاله كلنا زينين بس انتي وينج
اتصالت عليج اكثر من مره صاير شي
مادري يمه كلبي احس كو شي راح يصير
وهج: ليش شكو
دمار يمه وضعه غريب راجع مثل قبل
مامهتم لوجودج يوميه يجي عليه بس
مايسئل عليج ولا على مريم
وهج: لاتخافين خاله اكيد انساني واعاش حياته
ويجوز هسه مرته حامل بس ديري بالج لايعرف
مكان الجهاز ابوس ايدج
مادري يمه الله كريم هسه فتحي كامره اريد شوف
فريخاتج
فتحت كام ونطيت الجهاز المريم اخذته
وراحو كايا وتيم يحجون وياه خالتي محد
يفهم شنو يحجون بس كايا شوي احسن من تيم
عفتهم ودخلت للغرفه واني افكر بس لا اعرف
مكاني بس راح يصير اثلاث سنوات معقوله
اعرف مكاني بقيت كاعده والفكار تاخذني
وتجيبني مر اليوم عادي بليل تعشينه
وانضفت المطبخ ورحت للغرفه نومت
كايا وتيم وكل عاده ماينامون اله وهما
يرضعون بصدري معا ان مابي حليب
عفتهم واحد يضرب الثاني ونمت
كعدت ورا فتره على صوت الجهاز كمت بسرعه
اخذته اخاف يكعدون رحت للصاله باوعت على
ساعه بــ 2 بليل باوعت على رقم خالتي
استغربت فتحت الخط
وهج: الووو خاله شكو متصله هسه بيج شي
وهج
نصدمت جسمي صار يرجف سديت
الخط بسرعه كعدت على الكرويته وباوع
على اسم هاذه رقم خالتي شوصل الجهاز يما
رد اتصال انتظرت شوي واني ميته اخوف
فتحت الخط وبقيت ساكته
وهوه هم ساكت بس صوت نفاسنه اينسمع
شوي وحجه بصوت بي غصه
ليش هيج سويتي وهج
وهج: شسويت..
ليشششش هيجج سويتييييي انتيييي تدرين
اني ماكدرررر بدونججج احجييي وهج انتيي
وينن
وهج: مالك علاقه بيه انته افهمت
ورب الكعبة يا وهج بس اعرف مكانج
راح ندمج على كلشييي سويتييي
وهج: ماراح تسوي شي ازوجي موجود
شنووووو زوججج تزوجتيييي وهججج
وهج: اي تزوجت شراح تسوييي تره مخاف بعد
انته تزوجت واني هم لي حق ازوج
احجييي الصدكك يعني هسه انتييي مزوجه
وهج: اي وبعد لاتتصال ازوجي مايقبل احجي
وياه شخص غريب
سهلا تزوجتي ونمتي بغير احضني
شوفي شراح يصير بيج وهج
سد الاتصال ابوجهي بقيت كاعده
ودموعي تنزل شنو قصده شراح يسوي
اني ليش هيج كتله هسه اني شسوي
مر وقت طويل واني كاعده افكر
صارت وقت الصلاة صليت ورحت تمددت يم
طفالي باوعت عليهم شلون نايمين ربي لاتحرمني
منهم احضنتهم ونمت
كعدت الصبح فتحت عيوني باوعت حوالي
شفت بس تيم مخلي راسه على ايدي ويباوع
لوجهي ابتسمت على شكله ابوسته
واخذته غسلت وجهي وجها ودرت بشقه
على مريم ماكو لا هيه ولا كايا باوعت على ساعه
بــ10 الصبح سويت اكل وكعدت اكل بس تيم جان ميريد يمكن مريم مو اكلته قبل لاتروح
انضفت البيت واني كل شوي صافنه
واذكر كلام دمار ياتره شنو يقصد شراح
يسوي على كلامه مايعرف شي عن الطفال
تنهدت بحسره ودموعي تنزل بهدوء
رحت على تيم اسبحته واني دغدغ بي
لبسته ملابس وخليته على جربايه وكعدت
يما لحد مانام عفته وطلعت شوي ودك الباب
رحت فتحته دخلت مريم وهيه تسحل بــ كايا
اخذته منها
وهج: ليش هيج تسحلين بيهاا
اسمعي بنتجج المجلوبه شسوت ماخلت
شي بلمحل ماكسرته وتعيط شافت اجلب
بشارع تريد دخله للمحل حتاريت شسويي
حتى تسكت
وهج: واني شكو شبيج تعيطين عليه انتي وياه
محد كالج اخذيه وياج
هوه اني هم صوجي هيه وجها مال واحد يطلعه
بره والله يالله
وهج: تعالي ماما نروح نسبح اليوم خالتج
مدري شبيها
باوعت كايا على مريم وغمته ضحكت ومريم تريد بس تلزمه حتى تكتله اخذته ودخلت للغرفه طلعت ملابس
اله اسبحته وكعدت حتى امشط شعره
اشعره كلش حلو وطويل واثخين كلش بس ناعم
هيه حلوه وعيونه اخضر بس ضعيفه ابوسته
وهيه كامت وراحت على جربايه بلكوه صعدت راحت
يم تيم خلت راسه على مخده وتباوع عليه
رحت عليها احضنته وغطيته عدل وكعدت لعب
بشعره لحد مانامت طفيت الضويه وطلعت
للصاله جنت مريم كاعده وصافنه رحت كعدت يمها
وهج: شبيج مريم ليش ساكته
انتي زعلتي مني لان عيطت على كايا
وهج: لا يروحي ليش ازعل هيه صدك وكحه وزين
سويتي خليه تتعلم تصير هادء مو تيم هياته
مو مثله طول النهار ساكت بس هيه مكروصه
مثل ابوها الثور
ماعرف بس عبالي اضجتي صحيح كلج
شو ماما ماترد اتصالت اكثر من مره وماكو
باوعتله ودنكت راسي
وهج: امس دمار اتصال من جهاز خالتي
شنوووو وين اعرف مكان الجهاز
وهج: ماعرف مريم ماعرف اخايفه يندل مكانه
وياخذ طفالي والله موت بدونهم
لعد ماما وين وليش انطته الجهاز
وهج: يجوز هو اخذه اني كسرت الشريحه
حتى مايعرف مكانه
وماما شلون راح انطمآ عليهاا
وهج: ماعرف والله محتاره هيه تعرف رقمي
اله ماتشتري شريحه جديده وتخابرنه
وحنى نبقىى هيجج ولجج كلبي نارر على
امي وانتييي تحجييين بكل برود ذا صار
عليهااا شي بشنووو تفيديني انتييي
وهج: اني شعليه ليش هيج تحجي مريم
لان كل الصاررر من وراجج لو راجعه ل دمار ماصار
هيججج ولا اني تركت اميييي بس انتي ماعندج
ام حتى تحسين بخوفي على امي
وهج: لهنا وصلت وياج مريم تعيريني لان امي
ميته تره مو بكيفي ربي اخذه يما اني شنو
اذنبي واني ماكتلج تعالي وياي انتي
اجيتي من كيفج ولا عبالج اني عادي
عندي مامهتمه لخالتي تره هيه مثل امي
واحبه وماتمنه الشر اله
اسكتت ماردت عفته وجيت دخل لللغرفه
لزمت ايدي نترت ايده مني ودخلت للغرفه
وقفلت الباب رحت على جربايه وتمددت
وباوع على طفالي ودموعي تنزل بهدوء
توقعت من الكل يعروني بموت امي
بس ماتوقعته من مريم كلامه سجينه ودخلت
لكلبي امسحت دموعي ونمت
مر اسبوع والوضع هدوء كم مره مريم تعتذر
بس مارد عليها خالتي اخابرتنه من رقم جديد
كالت الجهاز ضاع مادري وين واني هم اسكتت
ماحجيت ان دمار مااخذه
جنت كاعده بصاله وباوع على تلفزيون
كايا وتيم تمددين ويباوعون وياي طلعت مريم
من غرفته باوعتله اتبجي كمت بسرعه ورحت يمها
وهج: شكوو مريم احجي صاير ليش تبجين
ابوس ايدج اسامحيني والله مو قصدي هيج
احجي بس جنت معصبه لاتعامليني برود
والله اني احبج وماجنت قصد الكلام الحجيته
سحبته لحضنتي وبجينه اثنينه
وهيه تشهك من البجي امسحت دموعه
وهج: مازعلانه منج يروحي وادري جنتي
معصبه وخايفه على امج حقج هاذه بس
تركتج ماحجي وياج حتى ترتاحين
وماتفكرين بشي
اني بدونج موت والله انتي تدرين بيه تركت
امي علمود ماخليج وحدج والله انتي اغله
من كلشي عندي
وهج: يلا حبيبي كومي اغسلي وجهج
وكافي ابجي بعدين اني ازعل من العالم كله
ومنج مازعل
كومي لعد خلي نروح نتعشه بالمطعم
لان ضوجه احس مخنوكه
وهج: يلا كومي لعد راح غير للجهال حتى نروح
هزت راسه وراحت تغير ملابسه اخذت
تيم وكايا غيرت ملابسهم وملابسي
اخليت شعري مفتوح طلعت المكياح
وخليت شوي باوعت على نفسي طالعه
اجنن
شلت تيم وكايا يم مريم قفلنا باب
الشقه ونزلنا جرنه تكسي ورحنا للمطعم
طلبنا اكل وكعدنه نااكل ونسوالف كملنا
اكل ورحنا للسواق شتريت حلويات ورجعنا
اتئخر الوقت صارت الساعه بــ 11 كايا وتيم
نامو تيم مخلي راسه ابركبتي ونايم
صعدنه للشقه باوعت على باب مفتوح
باوعت على مريم بستغراب اخفت لا حرامي
موجود داخل فتحت الباب
نصدمت واني شوف كدامي .....
__________
يتبع:
توقعاتكم للبارت القادم
✨🥺💓
لاتنسون التصويت وتعليق بين الفراغات وبس احبكم فرولاتي ✨🥺💓
- يتبع الفصل التالي اضغط على ( رواية وهج الدمار) اسم الرواية