رواية قسوة احفاد ال هتان الفصل الثاني و العشرون 22 - بقلم هاجر النعيمي
part 22
بقلمي ( هاجر النعيمي )
.................
تيم بعصبيه : منووووو تحبينننننننن منووو
حبيبييييي
هاجر بمتمته : تيم ش شبيك ش شهل حجي
تيم : كلتي احبك لمنو احجي لا تجننينينييي
هاجر : تيم فدوه الكل صار يدحك علينه حباب
مجاي احاجي احد
تيم : مو مضحكه ويا منو تحجين
هاجر : اكلك بس ماتضحك عليه
تيم : كولي
هاجر : صديقتي جانت تحجي وياي بصوت
رجولي واني رديتها الها بصوت انوثي
تيم : تضحكين عليه هاااااا
هاجر : شبيك اخابرها حتى تصدك
تيم : خابري يلاااا
هاجر : اي اوكف
كلت اخابر زهراء لان اعرف مشغوله وما راح
ترد اتصلت عليها ماكو تيم يدحك عليه كلت
هاجر : هيا مزوجه وهسه اكيد غاركه بشغلها
بعدين تذكرت مره كتبتلها احبك ياعمري كلت
خلي يشوفها يتاكد طلعت المحادثه وانداريت علي
دحك وضحك كال
تيم : امداج عبالي مصاحبه
هاجر : ماتطلع مني
تيم : ادري يلا اروح انتبهي لنفسج
هزيت راسي وراح اوف رتحت هسه اتصلت على
تميم فتح خط كلت
هاجر : بسببك جنت راح اروح بيها ضروري
تخيلين اكلك احبك
تميم : اي صدك ليش سديتي
هاجر : غير ابن عمتي سمعني اكلك احبك
حبيبي وكوه قنعته صديقتي لما شاف المحادثه
مع زهراء كاتبتلها احبك حبيبي
تميم : لا هذا منصبه
هاجر : مو منصبه بس يثق بيه
تميم : ليش حتى يثق بيج يحبج مو
هاجر : وين مكلبني اصلا يحب بنت عمتي
تميم : مممم
هاجر : ممم
تميم : تعالي صدك ايمتا حبيتيني
هاجر : من عفتني افتقدتلك
تميم : لو اعرف من زمان اعوفج بس شلون
عرفتي مشاعر حب مو غير شي
هاجر : ماجنت ادري بس صديقتي كالت
اذا يصير بيج كم شغله يعني تحبين والي كالتهن
يصيرن بيه
تميم : خوش باعي اني اريد اخطبج
فرحت ماعرفت شنو اكول زفرت نفس وكلت
هاجر : اخلص مرحله اولى وبعدين
تميم : خوش بس من تخلصين نخطب
هاجر : اوكي
تميم : احبج يقيطان كلبي
ابتسمت بقينه نحجي بعدها شفت البنات سديته
ورحت يمهن نحجي كتلهن شنو صار كالت
سارة : ثوله تأكدي محد يمج وبعدين كولي احبك
هاجر : اني شعرفني راح يجي وراي تيم
سارة : تيم مبين يخاف عليج ويحبج
هاجر : حتى اني احبو
سارة : هو ينحب حيل
بعدها مر كم يوم عادي حياتي مليئه بل حب
وحنان واهتمام جنت مفتقده هل شي جنت اضوج
اما هسه اني اتمنى جنت اكره يراسلني هسه
اذا يغيب شويه اضوج تعلقت بي بشكل مو
طبيعي صرت مدمنه على شي اسمه تميم
جانت تصير مشاكل بس نحلها بسرعه بس الي صار
اليوم غير اهل تميم وكرايبهم جانو بالبصره راسلت
تميم مارد راسلت ملاك كالت
💬 ملاك : هياته موجود بس كاعد ويا الجماعه
💬 هاجر : صوري حبابه
صورت وجان اكو بنيه يمه جانت حلو كلش ضجت
شكو كاعدين سوه وهو يشوفها بتلفونه شي وجانو
قريبين حيل على بعض ويحجون كتبت
💬 هاجر : منو هاي
💬 ملاك : بنت عمتي حوراء
فوراً تذكرت كلام زهراء شلون كل مشاكلهم
بسبب هاي الي اسمها حوارء الي يبعدني عن
تيم وهو عادي اذا كعد يم هاي الادبسزز
راسلته وكتبت
💬 هاجر : تمنعني احجي ويا تيم او التقي بي
وانت كاعد يم هاي مدري شسمها وقريبه عليك
بحيث شويه وتصير بحضنك لا حلو استمر
انتظرت يرد بس مارد عصبت وذبيت التلفون
وكمت افتر بل غرفه بعدها اجاني مسج فتحته
جان من ملاك غلست ورجعت هم امشي بل غرفة
ايديه صارت ترجف من العصبيه بعدها اجاني
اتصال رحت بسرعه جان هو رديت كال
تميم : شهل خرط شبيج شنو تكعد بحضنك
انتي شجاي تمسلتين
هاجر : مو امسلت بس ماشايف روحك اشون
كاعد يمها خوب تجي بحضنك وفضت
تميم : هاجر بلا هل حجي مااريد احجي شي
يضوجج
هاجر : يعني انت ماتخليني احاجي تيم وانتي
تحجي ويا كل البنات عادي
تميم : وين حاجي ويا بنات
هاجر : هاي الي يمك شنو فهمني اوكف ادزلك
صوره
رحت حفظتها من المحادثه مال ملاك ودزيتها
صار يضحك وكال
تميم : من كل عقلج ترا هاي اختي
هاجر : وين اختك ملاك تكول بنت عمتك
تميم : اي صح بس هيا مثل اختي
عصبت وكلت
هاجر : وتيم مثل اخويه
تميم بعصبيه : عوفي قندرة لا تضلين تجيبين
اسمه
هاجر : انت قندرة لاتحجي على تيم
تميم : انعل ابوج اذا تغلطين حلكج اشكه وهذا
الكو*** اله اشك ****
هاجر : ايععع شهل غلط بطل ما مال زلم هل
غلط مال خنثه
تميم : انعل ابوج اشوفج الزلم شتسوي
سده بوجهي بقيت اشيل روحي واركعها بل كاع
ليش هيج يسب اهلي صرت ابجي بعدها مسحت
دموعي ليش صايره هيجي حساسه من كلشي
ابجي ماجنت هشكل جنت قويه دمعتي ماتنزل
على اي شي
جنت مصدر للقوة بين البنات تالي ابجي من وره
تميم افندي اشو فلا ابجي رحت نمت لان صار ليل
كعدت الصبح ورحت للجامعه عادي مر اليوم طبيعي
لا اني اراسله ولا هو ثنينه زعلانين من بعض واني
ماانزل نفسي واراسله
امي العصر كالت نروح لان الخميس عرس إلياس
واني لحد هسه ماعندي مالابس واليوم ثلاثاء
ولازم باجر نروح عدهم العصر ونبات يمهم رحنا
للسوك اشتريت فستان مال محجبات لان قبل
يومين تحجبت
صرت احبه واطلع بل يوتيوب لفات وكل يوم
من اروح للكلية اسوي لفه شكل رجعنا للبيت
وبس رجعت نمت لا درست ولا شي كعدت
الصبح على امل تميم مراسلني بس خاب املي
جانت الرسائل من بنات خالاتي وجانن من إيلا
ورسل مسوين كروب وجاي يتناقشن علمود
العرس
هما مسوين حنه من زمان بقه العرس بس
طلعت على الكلية شفت البنات سلمت عليهن
وبلشت ادرس وصلنا وعندي بس محاضرتين
اخذتهن وطلعت الي اخذني تيم وبل رجعه
مشغل اغاني لان فرحان لاخو واني فرحانه
هيج من لا شي
جان يركص ويطك اصبع صورته واني اطك بيد
وحده ومن رجعت للبيت نشرتهن وباجر عندي امتحان
اطر اروح مااكدر اغيب كلت امتحن واطلع لمينه
الملابس ورحنا لبيت عمه اميرة الي الكل جانو هناك
حتى عمام إلياس وعماته وهم سوو هوسه
بليل طلعت ادرس لان مادرست شي
شويه واجت مسجات على تلفوني اريد افتح
التلفون مااكدر صار يعلك من الرسائل
بعدها اجه اتصال ردت وماعرف منو المتصل
بعدها سمعت صوته فوراً سديته
رجع اتصل واسده دز مسج كاتب
💬 تميم : ردي لا تخبليني
اتصل رديت واجاني صوته المعصب كال
تميم : متونسه ويا تيم الحيوان
هاجر برود : كلش
تميم : جان ركصتي ويا خطيه
هاجر : ليش منو كلك مااركص باجر بل عرس
اركص
تميم : لا تمضرطين ماكو ركص تروحين تكعدين
وبس
هاجر : ومنو انت اسمع كلامك هاااااا
تميم : حبيبج
هاجر : مرحبا حبيبي
تميم : تستهزئين
هاجر : اي
تميم : نعلعله والديج اني اعلمج
هاجر بستهزاء : يمه يمه يمه خفت
تميم : ميخالف يصير خير وهذا القندرة لاتكعدين
يمه
هاجر : مثل ماحظرتك تكعد يم حوارء اكعد
يم تيم من تصير انسان وتبطل تروح يم هاي
القندرة وكتها ابطل اروح يم تيم
تميم : ليش تغلطين عليها
هاجر : مثل ماانت تغلط على تيم اغلط على
هاي الابسزز مالتك
تميم : يصير خير
سديته بوجهو وصرت اتنفس بقوة اريد اهدئ
كمت ارجف من العصبيه دخلت عليه إيلا كالت
إيلا : عزه اشبيج
هاجر : تكاونت ويا يميم
إيلا : ليش
هاجر : هو يحجي ويا بنات عمو عادي اني اذا
احجي ويا تيم حرام
إيلا : هذا اشبي
هاجر : اني اعرف على حضي
إيلا : دعوفي وانت شكو تخابري بغرفة تيم
بلكي طلع وسمعج
هاجر : جنت ادرس وراسلني
إيلا : ادرسي وعوفي يولي لا تغثين نفسج
باجر عندج امتحان
هاجر : اي
طلعت ورجعت ادرس بس مااكدر اركز بالي كل
شويه يروح سديت الكتاب ورحت نمت الصبح
كعدت على المنبه وشفت نفسي بغرفة تيم ضربت
كصتي اني شلون انام بغرفتو وهو وين نام خطيه
طلعت اغسل ورجعت للغرفه شفته طلع ابتسمت
ردها كال
تيم : محتله غرفتي
هاجر : ماحسيت على نفسي من نمت
تيم : يلا شنسوي تروحين غير
هاجر : اي بس اشعجب انت كاعد
تيم : غير عندي امتحان امتحن وارجع
هاجر : خوش عجل نروح ونرجع سوه
تيم : هاي هيا بس تعالي سوي ريوك
هاجر : يلا
حطيت الجاي وشفت شكو بل ثلاجه طلعت كيمر
وعسل وطلعت لبن وجبن وخليتهن حضرت
الستكانات ورحت ابدل بين مايصير الجاي
بدلت بسرعه ونزلت شفت تيم يصب جاي كعدت
علة الميز مال طعام كال
تيم : شنو هاي الريحه يجنن
هاجر : شعبالك غير احسن وحده اسوي جاي
تيم : دنجبي هو جاي عبالك مسويه باجه
هاجر : ايععع راح ازوع اسكت
تيم : نسيت انتي نازكه ماتاكلين هيج اكل
يمعوده صيري نفس إيلا كلي الاخضر واليابس
ضحكت وبلشنه ناكل كملنا وهو راح يبدل واني
كلت احط مكياج شويه حطيت حمره وايلاينر
ومسكاره طلعت تيم مكمل ورحنا للكلية عندي نت
مجاني كلت
هاجر : دحك امسك ايدي خلي اسوي فيديو
وانزلو وعود اسويلك تاك
وافقني ومسكت ايدو ونزلت ستوري جان كل
همي اضوج تميم اني يغلط عليه بسيطه
وصلنا ونزلنا كال
تيم : انتظريني بل كوفي اكمل واجيج
هزيت راسي وهو راح واني رحت بدأ الامتحان
جاوبت بس مو على كل الاسئله اكو منهن مادرستهن
مو كلش تعبت نفسي علمود الامتحان عفت سؤالين
وجابوت ثلاثه بس طلعت ورحت للكوفي انتظر
تيم اني خلصت بنص ساعه
هسه هو يضل سنه طلبت جاي وكعدت صورته
ونزلته كلت اشوف منو شاف الستوري دخلت
للستوري جان تميم شايف الستوري اي نعم
هو هذا الاريدو ابتسمت البنات بل امتحان
واني كاعده وحدي
اجه يمي ممثل الشعبه كال
سِوار : هاجر شنو اجابت السؤال الرابع اني
ماعرفتو
هاجر : حالي حالك هم ماعرفتو
سِوار : خوش جواب سؤال الاول نفسو الي
قال علي الدكتور مهم ما
هاجر : اي كال علي بل محاضره
سِوار : شكراً تعبتج
هاجر : عفواً تدلل
فزينه على صوت ضربه على الميز الي كاعدين
علي رفعت عيوني اشوف منو ضرب الطاوله
بهل شكل وشفت الي ماتوقعت ابد انو اشوفو
شفت تميم عيونو حمر ويلهث وشكلو معصب
بصراحه خفت كام سِوار كال
سِوار : اشنو هذا ماعيب عليك هذا التصرف
تميم : وانت الي تعلمني العيب
سِوار : اذا ماتعفو انا اعلمك
تميم : هههههههه دروح علم نفسك وبعدين
سِوار : انت ممنو حتى تضرب الطاولة بهل شكل
تميم : لان عيب تكعدون وحدكم مو هيج هاجر
اريد احجي ماكدرت لساني نربط سِوار دحك عليه
وكال
سِوار : تعرفي لهذا
هزيت راسي وكال
سِوار : انا اروح عجل
بس وكف على حيلو وتميم جابو براشي سِوار
وكع كمت بسرعه وكفت كدام تميم كلت
هاجر : تميم شنو هذا عيب هل تصرف
تميم : انتي الي عيب عليج تكعدين ويا واحد
يا محترمه
هاجر : اسكت فدوه فضحكتنه
كام سِوار دفع تميم وتميم واكف على حجه حتى
يتعارك لزمت ايدو وكلت
هاجر : بلا مشاكل كافييييي
سِوار تفهم الوضع وعافنه تميم وجهو مايتفسر
معصب وعيونو حمر الشرايين مبيه واني
جنت معصبه من شفت منضر شرايينو
بارزه كزكزت عليهن احب الشرايين من تضهر
كال
تميم : ماتستحين تكعدين يم واحد ماتعرفي
وتحجون وتتبسمين اله
هاجر : جان يسئل جاوبتو ومن شكرني ابتسمت
خوما كفرت
تميم : اي كفرتي ما مسموح الج تكعدين يم
احد
لزم ايدي وطلعنا من الكافتريه لان صرنا طماشه
والكل يدحك علينه اخذني ورحنا لقاعه فارغه
سد الباب ودفعني على الباب الباب صار وراي
وهو كدامي حط ايدينو على الباب وتقرب مني
كال وهو صاك على سنونو
تميم : فرحانه لازمه ايد تيم واغاني رومانسيه
جان بستي خطيه
هاجر : شهل حجي بلا سخافه
تميم : لا عادي شبيج من جنتي مخطوفه يمي
تستحرمين الزم ايدج وهو لازم ايدج وعادي
مووووووو
هاجر : اخويه
تميم : مو اخوجججج
هاجر : اي مو اخويه انت اشعليك
ضربني راشدي انصدمت وفتحت عيوني على
وسعها وعيوني دمعت رديت الراشدي الو
ورفعت اصبعي محذره كلت
هاجر : الايد الي تنمد عليه اخرتها كسر انت
منو وتمد ايدك عليه اهلي محد مد ايدو عليه
اخر شي تجي انت وتمدها اكسرها واعلكها
بركبتك
تميم : هههههههه
لزم ايدي الي ضربتو بيها لوها لوره ظهري صارت
توجعني هو تقرب عليه بحيث ظهري صار
على صدرو احاول ابعد نفسي ماكدرت بعدها
لزم فكي ويحجي من بين سنونو
تميم : مو تميم الي تضربه مره لج اني زلم
مشوربه محد تجرئ ورفع ايده بوجهي انتي
ترفعين ايدج بوجهي
هاجر : عوفني
تميم : اي اعوفج بس لازم تتعاقبين
هاجر : ترا انت ضربتني اول
تميم : محد كلج طولي لسانج عليه اني تميم
مو تيم
هاجر : تيم تاج راسك مو مثلك يمد ايدو على مره
دفعني وكال
تميم : كافي تحجين بي كافي
لزم فكي ويحجي بعصبيه بعدها طبع شفايفه
على شفايفي رجف جسمي وحسيت بخوف
صرت اضرب بي اريد يوخر مني وهو بعده
مابتعد مني صرت ابجي اريد يوخر ماكو
اختنكت اريد اجر النفس احس ضاع مني
انتبه وعافني
مسحت شفايفي وصرت ابجي كلت
هاجر : حراممم حرامممم مايصير
تميم ببتسامه : انتي جبرتيني
هاجر : حيوان والله انت حيوان
لزم فكي وكال ببتسامه
تميم : شكد تغلطين راح ابوسج
دموعي ماتوكف ابجي بقوة مسح دموعي وكال
تميم : صيري حبابه حتى مااعيدها
هاجر : وخر اكرهك
تميم : واني احبج
هاجر : عوفني شبيك
تميم : احبج قيطان كلبي
هاجر : وخر
تميم : چؤ
رجع لزم فكي بس برخاوه كال
تميم : طعمهن يجنن
هاجر : وخررر جلبب
بس كملت الكلمه رجع طبع شفايفه على شفايفي
رجعت ابجي وادفع بي بس مااكدر ابعده صرت
اضرب على صدره اريد يوخر ماكو مايقبل
هو لازم راسي مااكدر اوخر بعدها بعد عندي
كلت
هاجر : حرام الي تسوي حرامممم مايجوز
تميم : كتلج لا تغلطين لان هسه كتفيت بس
هيج بعدين اخربها
هاجر : عوفني اكرهك
تميم : جذابه مو من كلبج
صرت امسح شفايفي بقوة لزم ايدي وكال
تميم : على كيفج شبيج
هاجر : عوفني
تميم : شكد حلوة والحمره خربانه طالع تشكين
شك
هاجر : صدك
حط التلفون بوجهي شفتها خربانه وحالتي حاله
كمت ابجي وادفع بي
هاجر : ليش حرام عليك والله حرام خليتني
ارتكب ذنب
تميم : احب ذاك ارتباكج من الاكيج عكس ذيج
الوكاحة البرسائل
ابتمست بس رجعت معبسه طلعت الحمره
والكلنس من الجنطه اعدل الحمره اخذ الكلنس
من ايدي وصار يمسح بشفايفي بهدوء كمل
وكال
تميم : يلا هسه خلي
خليت الحمره ودك تلفوني شلته وشفت تيم
ضربت كصتي تميم كال
تميم : فتحي سبيكر
رديت وفتحت سبيكر
تيم : هاجر وينج دورت بل كوفي انتي ماكو
وين رحتي
همس تميم يم اذني كال
تميم : كوليله عندي محاضره مهمة انت روح
اني ارجع بس اكملها
كلت الي كال علي تميم كال
تيم : عجل انتظرج كملي وكليلي اضل بل كوفي
تميم رفع حاجبه بمعنى لا كلت
هاجر : لا روح يحتاجوك بل بيت اني اخلي
الخط يجيبني
قنعته كوه سديته والتفتت حتى اطلع كال
تميم : وين
هاجر : اروح اشوف البنات اشعندي واكفه هينه
تميم : منو كال تبقين هنا اني اوصلج
هاجر : مايحتاج اني اروح بوحدي
تميم : اشدلي كرون احسن
هاجر : معليك بيه انت
تميم : هاجر كافي طوختيها
طلعنا وشفت البنات صارو يدحكون علينه رحت يمهم
كلت
هاجر : هذول صديقاتي هاي سارة وهاي رزان
وهاي ريماس
تميم : تشرفت بيجن غلا
البنات : النه الشرف
سارة : شعجب جيت
تميم : هيج فجأة يلا هاجر نروح
سارة : هاجر وين تروحين
هاجر : اروح معا تميم
سارة : وحدكم
تميم : لا تخافين اوصلها مو غير شي هههههه
مشينه وصلنا للسياره ضليت فاكه حلكي كال
تميم : سدي حلكج لا تطب بي ذبانه
هاجر : ايعععع
تميم : تعالي يلا
هاجر : ماكدر اجي وياك
تميم : ماتثقين بيه
هاجر : مو هيجي بس نسيت انت شنو سويت
تميم : جنت معصب معليج
هاجر : وهسه
تميم : لان غلطتي عليه
هاجر : ممم
تميم : حححح
هاجر : شني هاي
تميم : مو انتي كلتي ممم واني رديت ب ححح
يعني مممححح
هاجر : ادبسزز من تسويها بل محادثه ماعبالي
بوسه عبالي هيج تكولها
تميم غمز وكال : اعجبج
درت وجهي ضايجه صعدت ويا بل صدر طول
عمري احلم اصعد ب سياره شبح موستنك
وتحقق حلمي قاطع تفكيري كال
تميم : اعرفج تحبين الموستنك اجيتج بيها
احقق حلمج
ابتسمت كال
تميم : استاهل بوسه لان حققت حلمج
هاجر : ادبسزز ماتصيرلك جاره
تميم : تعالي صدك ليش حاطه كل هل مكياج
ان شاءالله كل يوم تجين هيج
هاجر : اي
تميم : لا حلو بعد بله هو شبقيتي مخليه المكياج
كله بوجهج
هاجر : ترا بس حمره ومسكاره وايلاينر
تميم : هو شبقه
هاجر : بعد فونديشن وايشادو..
اجيت اكمل قاطعني كال
تميم : على اساس اعرفهن وين احسن مرطبات
عدكم
هاجر : ليش
تميم : نروح الها ليش يعني
هاجر : انت كلت توصلني مو نروح مرطبات
تميم : اي صح بس هسه اجه بالي لان اريد نضل
سوه
هاجر : مااكدر تخيل احد يشوفنه
تميم : محد يشوفنه يلا كولي
هاجر : ماعرف
جذب اعرف بس اريد ياخذني لبيت عمتي طلع
تلفونه اتصل معرف على منو بعدها كال
تميم : حيدوري اريد مرطبات تكون طيبه ..........
دز الوكيشن
صار يدحك بل تلفون وبعدها حرك كلت
هاجر : فدوه رجعني لبيت عمتي
تميم : اشششششش
صار يشغل بل مسجل بعدها شبك تلفونه وصار
يقلب بي وهو يسوق يدحك هينه وهينه بعدها طلع
اغنيه رومانسيه وصار يغني صوته غير يشك شك
بي بحه وصده جان كلش حلو بحيث نسيت كلشي
ومركزه بصوتو كال
تميم : هيج صوتي حلو
هاجر : يخبل
تميم : غني اشوف صوتج
غنيت ويا كال
تميم : احححح طلع صوتج يشك شك
ابتسمت وصلنا كلت
هاجر : خلي ننزل
تميم : على شنو ناكل بل سياره
هاجر : ننزل اطيب
تميم : كلت هنا كافي نقاش
كال
تميم : شنو تردين
هاجر : ولا شي
تميم : طنكرت احجي
هاجر : كلت ولا شي
تميم : مو مال اسئل اجيب بكيفي احسن
نزل وعافني فلا اكل ليش ماراضاني شويه واجه كال
تميم : تريد تنزل محد اكو كلها شباب ام راس
هاجر : لا رد
تميم : لسانج اكله البزون
هاجر : رجعني
تميم : اخذي اكلي
هاجر : كتلك ماريد شي
تميم : ليش تعصبيني ها ترتاحين من تضوجيني
هاجر : اي
تميم : هاجر انتي وياي يعني مو جان نحجي من
التلفون انتبهي
هاجر : وشنو يعني تضربني اكسر ايدك
سحبني علي ولزم فكي وكال
تميم : يعني تكونين حذره بكل كلمة تكوليها
انتي يمي ومو مسؤول على شي اني
هاجر : وخر اذا راح تضل هيج تحلم ابقه وياك
تميم : لان بكيفج
هاجر : اي بكيفي ومثل ماعفتك مره اعوفك الف
مره اهم شي كرامتي
تميم : بل حب كرامت المره من رجلها فهمتي
هاجر : وخررر
تميم : صوتج لا اخفي
هاجر : بعد عندي
عافني واني فتحت باب السيارة ونزلت اوكف تكسي
عصب ونزل لزم ايدي وكال
تميم : صعدي احسلج
هاجر : عوفني ترا الم الدنيا عليك واكللهم يتحارش
بيه
تميم : اي كولي يلاااااااا
هاجر : عوفني كلت
سحبني من ايدي وصعدني وسد الباب قوي لزمت
اذاني بعدها صعد ولزم ايدي كلت
هاجر : عوفني ماانزل
تميم : مااصدك
هاجر : رجعني يلا
تميم : اكلي وارجعج
هاجر : ماريد مو كوه
تميم : كوه يلا حبيبي اكلي
اخذتها وبديت اكل كملنا وهو حرك السيارة وهم
يطلع اغاني كال
تميم : ماتلزمين ايدي وتصورين لو مانعجب
هاجر : ماريد
تميم : اي عيني مانعجب بس تيم يعجب
هاجر : وتالي وياك
ضحك وكال
تميم : يلمسوده احبج
ابتسمت وتذكرت ضايجه عبست كال
تميم : ماكو بعد ضحكتي
هاجر : عوفني ما اصالحك
تميم : تصالحيني بعدين
هاجر : وهيج يهون عليك تخليني زعلانه
تميم : لا طبعاً احبج ياروحي اموت عليج
هاجر : اني مااحبك
تميم : اعشق الكاع الي تمشين عليها
هاجر : مااحبك
تميم : فدوه للضايجه اسف يعمري عصبت وانتي
ابد مازودتيها
ضل يعتذر وصلني وبس نزلت من السيارة شفت
إلياس خفت حيل تميم حرك وراح الضاهر ماشاف
إلياس إلياس قرب عليه وكال
إلياس : ويا منو صاعده احجيييي
هاجر : ........
.......................
انتهى البارت
هل بارت اقصر عذروني بنوتات صوتو
علقو بين الفقرات شنو رأيكم بل بارت وشنو
تتوقعون يصير
- يتبع الفصل التالي اضغط على (رواية قسوة احفاد ال هتان) اسم الرواية