رواية وهج الدمار الفصل الثاني و العشرون 22 - بقلم ريو الطائي
البارت الثاني وعشرون
-وهج الدمار-
-الكاتبه ريو الطائي-
لاتنسوم التصويت والمتابعه وتعليق بين الفراغات علقو الف تعليق حتى تصعد القصه
احبكم فرولاتي 💕🥺✨
__________
.
.
.
.
.
واني شوف جود كدامي يباوعلي
وشرار يطلع من عيونه
حركت راسي اريد يعوفني بس هوه ضاقط على
حلكي قوي ويعصر بخصري دموعي نزلت جسمي صار يرجف من الخوف خله حلكه يم اذاني وهمس
جود: راح وخر ايدي بس تعيطين موت جهالج
كدام عيونج
هزيت راسي بــ اي وخر ايده جيت عيط
رجع خله ايده على حلكي
جود: اششش صدكيني طلع سالفه عليج وكول هيه
صاحتلي بس تعيطين اسمعتييي
مانطيت رد فعل بس دموعي تنزل باوعت
على كايا نايمه والجهاز واكع من ايدها رجعت
باوعتله بخوف وخر ايده وحصرني بزاويه
مالت الغرفه
جود: ليش هيج سويتي
وهج: ش.. شسويت حباب وخرر شجاي
تسوي انته
جود: ليش فضلتي دمار عليه لان عنده فلوس
اكثر مني مو احجيي
وهج: شعليك انته وخرر ماتستحي
هيج تسوي وياه مرت اخوك حرام عليك
جود: احبج اني وهج من اول ماجيتي لهاذه
لبيت ليش تحبين دمار وماتحبيني
وهج: ان... انته شبيك شنو هاذه الكلام
دمار زوجي وخرر عادد لا يجي وشوفك
جود: خلي يجي حسبالج اخايف منا لا بل عكس
طول مااني عايش ماراح خلي يتهنه لا بيج ولا بطفاله
وهج: وخرررر انته مريض ماتعرف شتحجي
جود: اي مريض بحبج كلشي بيج يعجبني
وهج تطلكي منا واني زوجج دمار خبل
اريدج ماكدر بدونج ولا اكدر طلعج من بالي
مارديت بقيت ابجي ماعرف شلون صرف
وياه لو شلون دافع عن نفسي
قرب مني اكثر ورجع خليه ايده على حلكي وايده الثانيه لزم بيها اديناتي
قرب وجها من وجهي رفعت رجلي
وضربته على المنطقه الحساسه
وخر مني بسرعه وهوه يغلط ويسب
بيه عفته وجيت طلع من الغرفه اجى عليه
اركض قبل لا طلع من الغرفه ولزمني ويجر بيه
بعصبيه دفعني على جربايه ونام فوكاي
تخبلت اريد بس يوخر ماكو مخلي ايده على
حلكي باوعتله واني دموعي تنزل
جود: شبيج ليش تبجين حبيبتي مامسوي
شي تره
بقت بس دموعي تنزل خله راسه بركبتي ويشم
بيها احس بقرف حرك جسمي اريد بس يوخر
بس ولا مهتم وخر راسه وباوعلي وهو معصب
جود: لو دمار بمكاني مارفضتي مو
بقيت بس باوعله رفع ايده وضربني راشدي احس خدي شتعل نار رجع خله راسه بركبتي بس هل مره
يبوس بيها بعنف
نفتح الباب ودخل ضوه للغرفه واني بس ابجي
شو وحسيت على شخص يسحبه من فوكاي
باوعت شفته دمار وهوه عيونه صايره بكصته
من العصبيه سحب جود علي وضربه بوكس
على وجها وكع جود بلكاع يباوع على دمار
ويضحك
جود: خربت علينا ليل... بعده ممكمل راح
دمار علي وضربه بوكس مره ثانيه على وجها
وصار يضرب بي بجنون وجود بس يضحك
لميت رجليه ودموعي تنزل دمار يعيط بصوت
عالي
شلوووون تخلييي عينك النكسه على عرض
اخووووك
على صوته دخلو الكل للغرفه صارو يبعدون دمار
من جود لان فقد دمار موته من الكتل وجود بس
يضحك اجت زينب عليه وحضنتني كايا وتيم كعدو
يبجون وخرو دمار من جود هوه يعيط يريد يعوفونه
وخرروو منييي ولد الجلبببب وخرووو خلي اربي
هاذه ولكم عوفونيييي
عمر: هدء دمار شبيك صاير
سجاد: شي سوي جود بغرفت دمار
كلهم باوعو عليه عده دمار جان بس يباوع
على جود خليت راسي بحضن زينب وشهك
من البجي
ابو دمار: شكوو ليش هيج ضارب اخوك علمود
هاي الساقطه
لا تحجييي عليهااا
نسام: وخرر من وليدي الله لايوفقك كوم
يمه جود
كومو جود راحت رسل جابتله مي وكعدت يما
امه تمسح ابوجها وتبجي وتغلط على دمار
عمر: روحي زينب ودي الطفال بغرفتج خطيه
شوفي شلون يبجون
وخرت مني زينب اخذت كايا وتيم هيه
وشهم وخذهم لغرفتهم
ابو دمار: ماتحجييي ليش شصايرر
احجي وياه هاذه ابنكك الجلب شلون
يخلي عينه على عرضي
كام دمار لزمه عمر عباله راح يرجع يضرب
جود بس اجى عليه مانطيت رد فعل بقيت
بس ابجي باوعتله دمارات ايده بارزه من
العصبيه وكف كدامي ومدا ايده عدل
البلوزه مالتي لان جنت مفتوحه وطلع
جسمي شوي
احجي سوالج شي هاذه النكس
مارديت بس دموعي تنزل مدا ايده وامسح
دموعي وراح كعد؏ كرسي ومدنك راسه
ابو دمار: شسوي انته لو واحد مكانك يذبحه
اكيد هيه صاحتله
نسام: حض الكح** بعد الله لايوفقج ان شاءلله
عمر: انته مو تدري دمار ماموجود بالغرفه
ليش داخل هنا لعد؟
جود: شوف طفالي
كام دمار علي بسرعه وضربه بوكس على وجها
لزمه عمر وهوه تخبل صار يعيط بصوت عالي
وخرروو اليوم شوفه غضب الله
شجاييي يحجييي شنو طفالككككك
جود: اي ذوله طفالي اني وهج صارت
بينا علاقه قبل لا تشرد
وكف عمر وسجاد كدام دمار حتى
لايرجع يضربه دمار صار مثل الخبل يفتر
بالغرفه وكل شوي يرجع على جود يضربه
نسام: طلعتييي حيه من واحد لواحد هسه
رتاحيتي من خليتهم يتعاركون
ابو دمار: شنو يعني هسه خلي نفهم ذوله جهالك
لو جهال دمار
انته شنوووو شايفه وهيججج تحجييي
ليششش تخلوني هسه طلعكم كلكم من
البيت ونعل والديكمممم
نسام: تطردنه علمود هاي الساقطه
كلتتت لحددد يحجييي عليهااا
سكتو بس يباوعون عليه بنظرات قرف
راح علي لزم جود وطلع من الغرفه
طلعو الكل بقى بس عمر وسجاد ودمار
اجى سجاد كعد يمي وبتسم يحاول يطمني
سجاد: لاتخافين حنى مانشك بيج وندري
كايا وتيم طفال دمار
عمر: بس هوه شلون دخل للغرفه وانتي كاعده
وهج: والل. والله ماجنت منتبه من دخل للغرفه
حسبالي دمار رجع وكايا جنت تباوع على جهاز
وصوته عالي
عمر: اخلص كافي لاتبجين كومي غسلي
وجهج وهاذه النكس مايبقى بالبيت بعد
سجاد: يلا كومي بين ماجيب طفالج خطيه
جاي يبجون ماتعرف شلون تسكتهم زينب
هزست راسي وكمت دخلت للحمام غسلت
وجهي باوع على ايدي ترجف من الخوف
من اول يوم صارت مشكله يمتى اعيش
حياتي مرتاحه وبدون مشاكل بس لهنا
وصلت وياه ماجنت توقع هيج يطلع منا
شلون ذا دمار ماصدكني اكيد راح يبقون
يزنون على راسه مر وقت واني كاعده
ماريد شوف انظرات دمار الي باوعت
على مرايه ركبتي بيها حمار خفيف
خليت ايدي على ركبتي وجرح بيها
بضافيري ودموعي تنزل باوعت دم
طلع منا غسلت وجهي مره ثانيه
اخذت نفس بكسره وفتحت الباب وطلعت
شفته كاعد على الكرويته ويشرب جكاير
وصافن بالفراغ ولا باوع عليه دخل سجاد
هو شايل كايا وتيم رحت اخذت من عنده
تيم لان نايم وكايا نزلت من حضن سجاد
وراحت على دمار ابتسم سجاد وطلع من الغرفه
اخذت تيم وخليته على جربايه فتح عيونه
شافني خله راسه على صدري ورجع نام
باوعت على دمار خله كايا بحضنه وساكت
بس يباوع عليها وهيه حضنته من ركبتا
غطيت تيم ورحت على دمار كعدت يما على
الكرويته ولزمت ايده ماباوع ولا نطاني هميا
نزلت دموعي محتاره شنو كله لو شلون برر الصار
مو اذنبي بس هو مامتعوقع جود يوصل لهاذه المستوه
وهج: دمار ليش ماتباوعلي والله ماجنت اعرف بي
هوه الدخل للغرفه حسبالي انته وكايا وتيم والله طفالك مستحيل خلي غيرك يتقربلي ليش هيج
ساكت سكوتك يموتني
مارد باوع عليه وثبتت انتظراته على اركبتي
نتر ايدي ونزل كايا من حضنه وطلع من
الغرفه خليت ايدي على وجهي وبجي شوكت
تخلص هاي المشاكل لهدرجه اني نحسه
وبحياتي ماراح افرح
اخذت كايا وخليته على جربايه وغطيته
شوي وسمعت صوت عياط جوه عدلت الغطه
على كايا وطلعت ركض من الغرفه نزلت من
الدرج باوعت شفت دمار نايم فوك جود ويضرب
بي وسجاد وعمر واكفين بس يباوعون شلون
يضربه علي وشهم مموجودين بس نسام ودعاء
واكفات ويصارخن
باوع عليه عمر خزرني وشر صعدي فوك
ماهتميت تقربت من دمار ولزمت ايده
رفع راسه باوعلي وهوه نار طلع من عيونه
صعديييي فوككك يلاااا
وهج: ابوس ايدك دمار عوفه كافييي
ليش تدافعيله هاااا
وهج: خطيه يبقى اخوك لاهيج تسوي
والله مايصير بس هدء انته
عافه واجى عليه لزمني من ايدي قوي وحجه
من بين اسنونه
لا مو اخوييي لو صدك اخويي مايخلي عينه
على مرت اخو
عمر: وهج صعدي فوك
جود: ان... انته ماسئلت نفسك ليش هيج
كايا وتيم مايشبهوك ابد
انته اسكتتتتت وانتييي يلااا صعدي
فوك وانته جود ورب الكعبة اليوم محد
يخلصك منييي
جود: شسوي سوي عادي هم شي صار البالي
وصار عندي منها طفال شوفهم اثنينهم
طالعين عليه ههه
ترك ايدي دمار ورجع على جود وضربه بوكس
ورجع يضرب بي من مره ثانيه راح عمر عليه
ويحاول يوخره منا اخفت من شكل دمار اول
مره شوفه هيج معصب باوعت على سجاد
يباوع وساكت باوعلي وحجه
سجاد: ولج هاذه الضرب كله ومامات لو اني بمكانه براشدي واحد من دمار فقد الذاكره
وهج: عوف هاذه الكلام اروح وخر دمار منا
خطيه ولك راح يموت
سجاد: شايفتني مارايد روحي لاتجيني
ضربه على راسي منو يفيدني انتي الغمه
لو دمار الثور
خزرته وجيت رد بس فززني صوت دمار
وهججج شنووو كلت اني صعدييي
فوك بسرعه
نسام: ابني راح يموت اخابرو على اخوته خلي
يجون وين راحوالله لايوفقك ان شاءلله
كسرت ابني
دعاء: هسه يجون خاله بس من اجت
هاي للبيت ماشفنه الخير جنه مرتاحين
مارديت بقيت ساكته دمار راح كعد على الكرويته
ويهز برجله ويتحسر بغضب راح عمر وكف يما
عمر: كوم دمار روح لغرفتك هسه اني
شوف شغلي وياه
لا اني اربي كتلك ماعوفه اليوم سهلا
عمر: وانته شنو خليت بي يلا صعد فوك
واني ماراح خلي بهاذه البيت بعد
هز راسه دمار رفع راسه باوع عليه خزرني
وكام راحتله دعاء بسرعه ولزمت ايده
دعاء: تعال حبيبي خلي اعقم هاذه الجرح
البيدك لايلتهب
وخري من وجهي مابي شي
عافها واجى عليه لزم ايدي قوي وسحبني
على درج عزه اليوم منو يخلصج من بين
ادينه يبووو على حضي الغبر فتح باب الغرفه
دفعني داخل وقفل الباب دار وجها باوعلي
واني جسمي متوتره شراح يسوي بيه
ليش نزلتي جوه واني مو الف مره كلت
صعدي فوك انتي ولا تسمعين الكلام
وهج: لحظا ليش جاي تحجي بهدوء تريد
تضربني مو ونبي تره اني معليه لان سمعت
صوتك عالي نزلت
ليش ماتريدين اضربه عجبج السوه بيج مو
يحجي ويتقدم عليه واني رجع ليوره اخفت
من هدوء اخاف يضربني وهوه مبين علي طالعه
الدنيا من عينه بس يحاول يكون هادء
وهج: لا والله باوع لان خطيه اضربته
هواي انته بعدين هوه مايهمني
لعد منو يهمج ست وهج
وهج: محد غير كايا وتيم بس انته شبيك
ليش جاي تتقدم عليه والله جاي تخوفني
حباب واكف وخلي نحجي يهدوء
هادء ماشوفين جاي احجي وياج
واني برد من الثلج
وهج: ابوس ايدك بس واكف خلي احجي
وياك هيج جاي توترني
هز راسه وراح كعد على جربايه واني بقيت
واكفه بمكاني اخاف تحرك ويعيط بيه
رفع راسه باوعلي
راح تبقين هناك واكفه تعالي يمي
وهج: والله اخاف تضربني وانته مااتحس
خليني هنا واكفه احسن
بعدني بعقلي تره مامتخبل يلا تعالي
لاتخليني انضف بيج الغرفه
بلعت ريئک وتقدمت علي واكفت كدامه
لزم ايدي وسحبني كعدني بصفه ودنك
راسه
وهج راح اسئلج سؤال جاوبيني
بصراحه ماراح عصب
وهج: احجي دمار عن شنو تريد اتسئل
امسح على وجها وباوع عليه وعيونه حمر
انتي وجود القندره صاير بينكم علاقه
باوعتله بصدمه احس الهوء ضاق عن صدري
كمت من يما وكفت كدامه ودموع بعيوني
وهج: توقعت من الكل تصدك بكلامه اله
انته دمار شلون تحجي هيج وانته تعرفني
مستحيل قبل بي
بس كلامه صحيح ليش هيج كايا وتيم
مايشبهوني
وهج: لاتصدك بكلامه دمار والله هو يريد
يخرب بينا
ليش شنو بينا اني وياج
وهج: بينا كايا وتيم ذوله طفالنه دمار
لاتشك بيه ماعندي احد يصدكني غيرك
والله العظيم مامخليته يتقرب مني
اسكت مارد عفته ورحت تمددت من الجه
الثانيه وحضنت تيم راح هوه اخذ ملابسه
ودخل للحمام ليش هيج تغير مو جان
مايقبل بتصرفات دمار معقوله جان يغار
منا بس شنو ستفاد من السوه نكتل
كتله مامكتوله بعمره بس شلون دمار
يضرب بي وهوه يضحك دخيلك ياربي
ذوله كلهم مخابيل
غطيت نفسي عدل وسحبت تيم اكثر لحضني
باوعت على كايا نايمه بمكان ابوها ابتسمت
عدلت الغطه عليها وغمضت عيوني ونمت
ورا فتره حسيت بي يوخر تيم من حضني
فتحت عيونه باوعت شفته خله تيم يم كايا
وتمدد وراي بس ماحضني غمضت عيوني
ورجعت ونمت
كعدت الصبح على صوت صرخت تيم فرك
عيوني وباوعتله شفت كايا كاعده على بطنه
وتضرب بي راشديات كمزت بسرعه وخرته
منا وهوه يبجي بصوت هيه شعرها واكف
مثل السعلوه
وهج: وتالي وياج ماما خطيه هاذه اخوج
شبيج وياه جنج البوج الثور
هم ابوها خليتي من الصبح بكلامج
باوعتله شفته واكف باب الغرفه خزرته
اجى اخذ تيم مني وشاله
وهج: انته وين جنت شوف بنتك السعلوه
شسويت بي
ليش هيج بابا وين انوثتج انتي من هسه
تكفخين بخوج
وهج: اي على منو تطلع ذا انته ابوها
اخخ شنو مسوي ابوها ماكو افقر منا
يلا تعالي بابا ننزل نتريك
وهج: لا خليهم غير ملابسهم يلا ينزلون
تعالو يروحي
اخذت كايا وهيه تعيط ماتحب تغير ملابسه
ولا تمشط شعرها
وهج: شبيج ماما غير علمود تطلعين حلوه
حتى تشوفين ملاك وتلعبين وياه
بعد قناع طويل يلا قبلت تسبح سبحته
وجبت ملابسه لبسته وطلعت شفت
بعده دمار موجود بالغرفه متمدد ومخلي
تيم على بطنه اخذت المشط ورحت
وكفت يما باوعلي
وهج: هاك امشط لبنتك
شنو وانتي ليش ماتمشطين اله شبيج
وهج: اريددد اسبححح ابنككك لزم المشط يلاا
شبيج معصبه هوه اني اريد امشط
شعرها بس شاقه بس كملي بسرعه
عندي دوام اريد اسبح
هزيت راسي وخليت كدامه كايا واخذت تيم
اسبحته بسرعه ولبسته شورت وبلوزه نص ردن
امشطت شعره وخليته كدامي باوعتله
وعضيته من خدوده
وهج: ولك انته شنوو من فدوه تروحلك
ماما وعشيرت ماما
تيم: ماااماا
وهج: اخخ انته مالك كرط موت عليك وليدي
فزيت على دمار هوه يخلي ايده على خصري
مو كافي هواي تغزلتي بي اني هم اريد
تتغزلين بيه
وهج: هاذه ابني انته منو تاا تغزل بيك
اني الحبلتج باابنج
ضريته بعكس ايدي على بطنه
وهج: وتالي وياك بطل هاي مال احبلتج
ضحك بصوت
غير احجي الصدك لو مو اني شلون حبلتي
وهج: وخرر جنك ثور صاير فاسد
شرايج نجيب واحد اخر
وهج: دعيوه ام صماخ مو حامل بعد
شتريد
اهاا شنو تغارين منها وهج
وهج: اني اغار لا يابه جاي تحلم
انته منو يباوع لوجهك انته
مارد اخذ كايا وتيم ونزل جوه اخذت ملابس
وسبحت وطلعت بسرعه نزلت جوه
جان الكل كاعد على طاوله بس جود
وعمر ماكو ودعيوه كاعده يم دمار
وهج: صباح الخير
الكل: صباح النور
تعال يمي كعدي بنيتي
باوع عليه دمار خزرته ورحت كعدت بقابيله
سم بيبي حتى نسدت نفسي عن الاكل
احس نار شتعلت بداخلي واني شوفه
شلون تخلي الاكل كدام دمار وتخوط
الجاي دكيت على طاوله قوي ابيدي
الكل باوع عليه ودمار جان مدنك
راسه بس ابتسم
شبيج يمه
وهج: لا بيبي مابيه شي بس كو حشرة
هناي جبيره لزم وحد يطرده
نسام: دمار وين خليت عمر ياخذ اخوك
ادري جود غلطان بس، رجعه اليه يمه
جود بعد ماله كعده بهاذه البيت
ولمااعجبه يطلع من البيت مثل ماطلع
جود القنده
ابو دمار: شنو بكيفك انته طلع اخوك
علمود هاي الساقطه
الحجي: عيب شنو هاذه الكلام ماتستحي
تحجي هيج على مرت ابنك
ابو دمار: كم يوم ويطلكه مرته هسه دعاء
مو هاي لما اندري منين جابت ذوله الجهال
كافي استحي على شاربك تتهم بنت بشرفه
ماتخاف ربك وهيه يتيمه
خلي يحجي اليريده جود مايرجع للبيت
لو شما يصير
الحجي: لا دمار مشكله وتنحل مايصير
تطلع اخوك من البيت
والصار البارحه؟
كلشي ينحل يمه بس هم يبقى اخوك
توبته من السوه كسرته تكسر بعد
شتريد سوي
يصير خير ان شاءلله يلا اني اترخص
طلع دمار ودعاء راحت ورا
واني طول الوقت جنت ساكته ماريد تزيد المشاكل
بسببي معا ان كلامهم جرحني بس هاي
اليتيمه لما عدها اهل هيج يسوون بيها لو
بابا عايش يقبل يخليني يمهم بعد كل الصار
اخخ الله يرحمك بابا كملو اكل وكل واحد
راح كايا وتيم راحو يلعبون بالحديقه
لدوامه بقينه اني وزينب
زينب: شبيج وهج ليش صافنه
بيج شي يروحي
وهج: لا مابيه شي يعمري بس ملاك
وين ماشفته
زينب: ماتكعد هسه كل نهار بس
نايمه لو تاكل طالعه على ابوها
وهج: ليش ماصار عندج طفال غير
ملاك ماتريدين شنو
زينب لا صار عندي ركان هم
وهج: الله يحفظهم الج يروحي
بس كلج ليش دعاء هسه يلا حملت
صار هواي من مزوجين هما
اخذت المواعين تغسل بيهن وتحجي
زينب: مو اول ماانتي شردتي هوه صار
مايرجع للبيت كل جم يوم يلا يجي
وكال ذا تريدين طلكج كولي ماكدر
خليج هنا بعد اني ماريدج وهم حرام
عليه مخليج هنا ومامنطيج حقوقج
وهج: وشنو رد فعله هيه ليش ماتطلكت لعد
زينب: حسبالج هيه نفسج لا حبيبتي باست
ايده ورجله بس حتى يقبل تبقى هنا تكله
ماريد حقوق ولا شي هم شي ابقى وياك
بنفس البيت ماريد رجع لبيت اهلي واني
مطلكه هيه ماكيفت تزوجه تدري من اصغيره
وهيه تحبه محد جان ايدري بس اني شوف
انظراته اله من يجون علينا خطار
وهج: لعد شلون هسه هيه حامل ذا مامتقربله
زينب: ورا سنه من شردتج كطع الامل يلكاج
بعد وهيه كدامه كل مايجي للبيت تسبح
وتجهز نفسها اله نكسر خاطره عليها
وهيه بالاخير تبقى مرته واخذها
احس نفسي راح موت ودي هسه اروح
عليها موته بيدي اريده يكون بس الي
محد لها حق بي غيري من اصغيره
وهوه يحبني منو هيه وتاخذه مني
بسيطه ذا مخليته يطلكج ام صماخ
زينب: وين صفنتي عيني شبيج
وجهج صار احمر من الغيره شنو
ولج تحبينه
رحت انضفت الطباخ والكاونتر ومدنكه راسي
وهج: لا مااغار بس ماريد وحده غيري
بحياته شنو سوي حتى يطلكه واخلص
زينب: شنو يطلكه تره حامل هيه مايصير
بعدين انتي وتصرفاتج تكدرين ماتخلينه
يطلع من الغرفه يبقى بس لج ذا تبقين
هيج وياه وتغلطين اكيد راح يرجع
اله وانتي تموتين بحسرتج
وهج: لا دمار مايسوه ادري بي يحبني
وتزوجه بس حتى يخليني اغار
زينب: اي ماكلت شي بس انتي هم انتبهي الزلم
عيونهم زايغه ويحبون التغير
باوعتله ومارديت كملنا تنضيف طلعت بره
حتى شوف تيم وكايا جانو يلعبون بره
وملاك وياهم بتسمت على شكله اخر مره
من شفته جنت اصغيره بعده هسه
كبرانه وحلوه نفس امها بس اشعره قصير
رحت وكعدت على طاوله باوعلهم شلون
يلعبون بطوبه اجت زينب شايله ركان
ودعاء ورسل يمشن وراها كعدت زينب
يمي اخذت منها ركان اصغير بعده
يحبي
وهج: شنو هاذه الجمال يروحي
زينب: لا ابني مو حلو اسم الله على طفالج
يجننون
دعاء: هسه ابني يطلع احلى منهم بعدين
انتي شدعوه هيج ابنج سمين لاتنطينه اكل
باوعي خدوده
وهج: اسم الله لاتحسدينه شعليج بي
انتي ابني لو ابنج
رسل: وشكالت هيه شبيج عيني
هوه غير صدك سمين مو مثل اخته
زينب: خلي يحجن وهج عوفيهن وكوليلي
وين وصلتي بدراستج دخلتي للكليه
وهج: لا بس كملت السادس مو تركت
سنه لان كايا وتيم جانو بعدهم اصغار
زينب : راح ترجعين مو
وهج: طبعاً هسه كايا وتيم اكبرو ودمار
يمهم من روح للدوام
زينب: نيالج جنت تمنى كمل دراستي بس
شهم مايقبل يكول اغار عليج
دعاء: شسوي بالشهاده المره ماله غير بيت
زوجه تخدم وتسكت والله خوش سالفه
دراسه انوب
وهج: منو كال المره بس تنضف وتخدم
حبيبتي احجي بس عن نفسج انتي تحبين
تخدمين مو بمعنى كل نسوان مثلج
دعاء: وخدمه منو اني ماجاي خدم احد غريب
زوجي وبيتي والحمد الله الله رازقه
مايحتاج ادرس وتعب
زينب: ماكو احسن من الشهاده وان تعتمدين
على نفسج حتى لو زوجج من يكون عندج
شهاده راح يكون مستواج بــ مستوه زوجج
دعاء: وانتي وهج شدراج دمار راح
يخليج تكملين دراسه
وهج: دمار شعلي بيه كل واحد وحر بنفسه
حتى لو كان زوجي
رسل: اني كملت دراسه بس ماتوضفت
لان علي مايقبل جان هسه اني دوام ممرضه
بالمستشفى
وهج: انتي ماعندج شخصيه وخليتي
يااخذ قرارا عن بخصوص حياتج
بس لحظا فاطمه وزهراء وين
زينب: بطلن من الدراسه وتزوجن فاطمه
عدها ولد وزهراء عدها بنت ولد
وهج: رسل انتي بعد ماعندج طفال بس ايڤان
رسل: ماصار عندي ماعرف ليش معا ان رحت لهواي
دكتورات بس شسوي الحمدلله بعد
وهج: الله كريم لاتفقدين الامل عندج
ايڤان كافي
هزت راسه وبقينى كاعدين ونسوالف
رسل احسن بشوي من دعاء صارت الساعه
بــ 11اخذنه الطفال ودخلنا داخل لان الجو صار
حار كلش اخذتهم وصعدت فوك خليتهم على
جربايه جهزت ملابسهم وسبحتهم
وطلعت حلويات وخليتهن كدامهم وشغلت
التلفزيون وكعدو يباوعون انضفت الغرفه
طلعت تراك مريح واخذته ودخلت للحمام
اسبحت ورحت كعدت يمهم امشط بشعري
شوي ونفتح الباب ودخل دمار تركو
الاكل وراحو ركض على ابوهم
ويعيطون بابا ضحك وشالهم اثنينهم
اروح فدوه لكم يبعد نور عيوني انتو
اخذهم وراح كعد على جربايه باوعلي
شبيج ليش ضايجه شنو تغارين منهم
وهج: لا ليش اغار بس قبل جنت اول ماتجي
تحضني الي هسه كايا وتيم اخذو مكاني
انتي مكانج بكلبي
ابتسمت ودنكت راسي كمت طلعت
ملابسه وجهزتهن اله اخذت المنشفه
وخليته بالحمام اجيت طلع دخل دمار
باوعلي وهو يبتسم وخرت منا وجيت طلع
من الجه الثانيه بس واكف كدامي
وهج:شبيك دمار وخرر
انتي مو زوجتي ابقى اريد اسبح وانتي
موجوده يمي
وهج: شو انته ماتستحي وخر شبيك
خلي طلع
لا ماكو طلعه بعدين ليش تستحين
على اساس هسه انتي ماشايفه
جسمي بطلي عياره
وهج: وخرر تره والله عيط وفضحك
جنك ثور شتريد مني
اخخ اريد نسبح اني وياج سويه
دمعن عيوني من الخجل ضحك وسحبني
لحضنه
شبيج شاقه يروحي
وهج: حباب خلي اطلع عليك الله
انطيني ابوسه وطلعي
وهج: مااا وخر لاتسوفل
لعد ماكو طلعه انتظري هنا بين مااسبح
باوعتله شفته صار ينزل بملابسه
اجيت اطلع لزمني من خصري ورجعني
علي صار ضهري على صدره
وهج: وو.. وخرر دمار اريد اطلع
ابوسه انطيني
وهج: والله مااا وخرر مدري ليش يبجون
كايا وتيم اخاف احد يمهم شوو وخرر
شبيك جعصتني
ليش اجذبين ماجاي يبجون يفهمون
يريدون يخلون ابوهم يااخذ راحته
درت وجهي على وبتسمت قربت وجهي
على وجها استغرب مني غمض عيونه
رفعت رجلي وضربته على المنطقه
الحساسه فتح عيونه بسرعه عفته
وطلعت من الحمام واني ضحك
وهوه يعيط ويسب بيه
لحظا هسه اني علمج خر*بشكلج
عبالج بعد ماكدر احبلج بسيطه
ضحكت بخباثه رحت على كايا وتيم
جانو ولا يمنى كاعدين يااكلون ابتسمت
على شكلهم رحت كعدت على جربايه
انتظره حتى ننزل نتغده باوعت على تيم
اول مره شوفه هيج يضحك ويسوالف
وياه كايا هيه هم الله هاديه ماكتلته
اليوم وشوي وطلع دمار من الحمام بس
مخلي المنشفه على خصره باوعتله بصدمه
وهج: انته شلون تطلع هيج مو كدامك الجهال
كاعدين ماتستحي
شنو مسوي تره ماطلعت واني عاري مو مخلي
المنشفه على جسمي لو تريدين نزعه
كمل كلامه واغمزلي خزرته وراح يمشط شعره
وهج: كو واحد يمشط وهوه بعده مالبس ملابس
لو هاذه القانون بس عندك
تعالي لبسيني مابيه حيل اكوم اني
وهج: وشبيك جنك ثور يلا روح لبس
حتى ننزل نتغده وانتو كافي اكل
راح يخرب غداكم
اجى اخذ ملابسه يريد يلبس بالغرفه باوعتله
وهج: ش... شجاي تسوي روح لبس بالحمام
ديلا بطلي اخجل شكو بيها ذا شفتي
جسمي تره زوجج واني الحبلتج
وهج: والله عيب عليك فدوه حباب اروح لبس
ملابسك بالحمام
مارد باوعلي وبتسم خله ايده على نشفه
يريد ينزع خليت ايده على عيوني وعطت
بي بخجل
وهج: لا عليككك العباس لاتنزع
المنشفه شبيك انته تخبلت
ضحك بصوت عالي
وخري ايدج شبيج لبس شورت تره
وخرت ايدي عن عيونه باوعتله صدك
لبس شورت باوع عليه وبتسم لبس ملابسه
واخذ كايا واني شلت تيم ونزلنه جوه
راح كعد يمهم على الكرويته نطيته
تيم ورحت ساعدهن انجهز الغده
جهزنه الطوله وكعدنه نتغده
دعاء: دمار انته لزم تعدل بيني وبين وهج
نسام: صدك مثل ماهاي الصفره مرتك هاي هم
ام ابنك خطيه شنو ذنبه تاركه تنام وحده
الحجي: اي بويه مايصير هيج تره
حرام عليك تبقى مرتك
باوعت على دمار شفته يباوعلي
وساكت عزه بس لا صدك يروح ينام يمها
والله موت ذا راح لغرفته مو انوب تنام بحضنه
لحد يدخل اني اعرف شلون عدل بينهن
ابو دمار: اندري راح تفضل هاي على دعاء
بس مثل ماوهج ام جهالك هاي هم بعد شكم
اشهر يجي ابنك للدنيأ
تركت الخاشوكه وتركتهم وكمت صعدت
على درج واني افكر ذا سويه وراح لها لزم
لكه حل مستحيل خلي يروح يمها بس شسوي
واني ليش هيج اغار علي مو ماحبه ليش
ماريد احد يتقرب منا غيري حتى لو كانو
كايا وتيم راح يجي ابنها للدنيا هوه اخر العنقود
اكيد راح يفضله على كايا وتيم استغفر الله
ليش هيج تفكرين وهج بعد ماجاي للدنيا
امسحت على وجهي بحيره ودخلت للغرفه
وسديت الباب رحت تمددت على جربايه
احس نفسي مخنوكه اريد روح على ماما
وبابا شكيلهم اهمي واحجي شكد تعذبت
بغيابهم غمضت عيوني ودموعي تنزل
شوي ونفتح الباب امسحت دموعي
وبقيت ساكته وخر الغطه مني باوعتله
شبيج وهج ليش تبجين
وهج: اريد اروح على اهلي دمار
تدللين باجر ان شاءلله واخذج لهم
وهج: لا اريد اروح العصر ابوس ايدك
والله مشتاقتلهم هواي
اخلص بس لاتبجين وسوي التريدينه
وهج: اخذ تيم وكايا ويانه
بعدهم اصغار وين تريدين بيهم خليهم
يم مريم
وهج: لا اريد ماما وبابا يشوفون طفالي
باوعلي ابنظرات ماعرفت فسرها وهز راسه
بــ اي ابتسمت من بين دموعي اجى تيم
وتمدد بحضني راح دمار اخذ نزع البلوزه
وتمدد واخذ كايا بحضنه وهيه بقت تلعب
بشواربه لو تجره من شعره وهوه متحمل
وساكت باوعلي شافني باوع عليهم
تذكرين انتي جنتي هيج تسوين
ماتخليني نام
وهج: امم بالخير تعيط بيه يلا نام
راح سوي غرفه الهم مايصير هيج
يبقون ينامون يمنا
وهج: لا ماكدر نام وهما مو يمي شتريد منهم
خليهم هنا ينامون شبيك وياهم
مايصير وهج لزم غرفه وحدهم حتى
مايخافون بعد وهم علمود تبقين
بس انتي بحضني
وهج: ماريد حضنك اني اريد بس طفالي
بكيفج بعد نامي انتي وطفالج هنا واني
روح نام بغرفت دعاء على اقل هيه
تريد بس تنام بحضني مو مثلج
رفعت راسي من المخده وعطت بي
وهج: والله موتككك بس توصل لغرفته
اروحح وشوف شيصير بيكك
هيه هم مرتي تره لاتصيرين نانيه
وهج: يعني تريد تروح تنام يمها مو اي يكول
ليش ساكت اصلأ اعرفت بيك بعد ماتحبني
انتي كل حياتي شنو ماحبج شتحجين انتي
وهج: يعني بعدك تحبني دمار
احبج حيل ياوهج روحي
ابتسمت وغمضت عيوني وحضنت
تيم قوي ونمت
ورا فتره كعدت على دفو على خدي فتحت
عيوني اجت عيني بعين دمار ابتسم
ورجع باس خدي وخر
وهج لحد هسه ممصدك رجعتيلي
مارديت كمت تربعت وباوعت على ساعه
بــ 4 العصر كايا وتيم بعدهم نايمين لميت
شعري كبايه وكمت اخذت ملابس ودخلت
للحمام غيرت بسرعه وطلعت ماجان موجود
دمار طالع من الغرفه جهزت ملابس كايا وتيم
ورحت كعدتهم بلكوه يلا كامو لان بعدهم
نعسانين لبستهم ملابسهم وكعدت امشط
بشعر كايا
وهج: راح اخذكم ونروح حتى تشوفون
جدتكم وجدكم هسه راح تتعرفون عليهم
باوعتلي كايا وصفكت ايديناته نزلت دموعي
لو هسه بعدهم عايشين بمكان مانزور قبورهم
نروح عليهم للبيت ويشوفون طفالي
دخل دمار باوعتله بعد ملابس بلوزه
يفتر بلبيت بس بالنطلون
وهج: عيب دمار شلون تطلع هيج
كو بنات بالبيت يستحن منك
شنو مسوي لبس ابنطلون لاتخليني
نزعه والله يالله وهو غير حاره
وهج: صدك حاره لعد اني هم راح نزع
وفتر بالبيت
راح على الكنتور يطلع ملابس وحجه
ليش ماتنزعين هنا احسن وتوفرين
عليه وكت
مارديت كملت شعر كايا باوعت عليهم هيه وتيم
اثنينهم لبستهم اسود واني هم لبست اسود
جانو طالعين يجننون وخصوصي كايا
لان شعرها طويل زايده جمال اخذتهم
لحضني وبوس بيهم وادعي ربي يديمهم
الي اخذتهم ونزلت جوه جانو
عمر وسجاد كاعدين بصاله باوعو علينا
سجاد: وين تريدين يالغمه ومااخذه هاي
الكيكه وياج
اجى واخذ كايا من حضني وهيه حضنته
وتبوس بخدوده ولاتستحي ياهو الشيله
تبقى تبوس بي
وهج: راح نروح نزور اهلي
عمر: الله يرحمهم بس ليش تاخذين
كايا وتيم خليهم هنا اني انتبه عليهم
مايصير تاخذهم وياج
وهج: لا ماريد تعبك بس اني اريد
اخذهم وياي مو لان ماكو احد ينتبه
عليهم
عمر: انطيني هاذه الحلو لعد خلي ابوسه
ابتسمت ونطيته اله اخذه وراح كعد على
الكرويته ويبوس بي شوي ونزل دمار
من فوك
سجاد: ولج روحي انتي كايا راح تبقى يمي
مو تريديني ماتريدين امج
هزت راسه كايا بــ اي وجرته من شعره
سجاد: خر*بيج اخخ شعري شبيج ليش
كلبتي عليه
وهج: لا هيه هيج تعبر عن احبه للشخص
عمر: عنيفه حبيبت عمها خوش تربيه
راح دمار اخذ تيم من عمر وطلع واني
اخذت كايا وطلعت ورا صعدنه بسياره
وتيم بقى بحضن ابو شافته كايا
شلون دمار حضن تيم لو تخبلت صارت
تعيط وتبجي بصوت عالي
وهج: شبيج ماما تره هم ابو مو بس لج
انطيني ياها لاتعيطين عليها تعالي
يروحي انتي
اخذت تيم منا وكايا راحت عليه باوعتله
وعضته من ايده غمض عيونه من الوجع
بس ماوخره لحد ماهيه وخرت من كيفه
باوعله وبتسم
راحت العصبيه هسه ياروح ابوج
وهج: دمار كافيي
شبيج انتي الثانيه لو هم تريدين
تجين بحضني تره ماكو لا هسه رجعهم
ورا وكعدج انتي بحضني هاا شكلتي
وهج: لاتحجي هيج كدامهم دمار
ابتسم وسكت باوعت ؏تيم ونطيته جهازي
وبقى كاعد بحضني ويباوع مر وقت وصلنا
اجيت نزل لزم ايدي دمار
والله صار مو بقصدي وهج لاتكرهيني
مارديت وخرت ايده ونزلت لزمت ايد
تيم وكايا اجت لزمت ايدي باوعتله بقى
واكف يم السياره
وهج: ماراح تجي تزورهم
روحي انتي هسه واني اجي وراج
هزيت راسي ورحت امشيت شويه
يلا وصلت قبورهم باوعت عليهن
وبتسمت ودموعي تنزل تركت ايد تيم وكايا
ورحت حضنت قبر ماما
وهج: ماما حبيبتي جيتج بس هل مره
مو مثل القبله هل مره جيت وياي
طفالي مو جنتي تريدين بس تشوفيهم
كومي ماما جبتهم حتى تشوفينهم
كومي ماما والله محتاجتج
بحياتي ليش هيج عفتيني مانكسر كلبج
على بنتج وانتي تعوفيه وحده والله
تعبانه ماما اريد حضنج وحجيلج همي
وخرت من قبره ورحت على قبر بابا
وهج: بابا حبيبي والله مشتاقتلك شلون
هيج تعوف كمرايتك كل هاي الاسنين
انته مو تدري ماعدها غيرك شوف
بابا هيانهم طفالي كوم شوفهم
شكد حلوين مو جنت تكول من
تزوجين ويصير عندج طفال راح دللهم
لان طفالج وينك لعد كوم بابا روحلك فدوه
كوم والله اريدكم الله يااخذني يمكم ورتاح
بقيت كاعده وابجي اجو كايا وتيم وحضنوني
ويبجون على ابجي شوي وحسيت على دمار
وراي باوعتله جان مخلي ايده بالبنطلون
ومدنك راسه باوعت على قبورهم ولميت رجليه
وباوع عليهم راحت كايا وكفت يم القبور وتضحك
يلا وهج تئخر الوكت لزم نرجع
وهج: خلي ابقى هنا اكثر حباب
راح يصير الغروب مايصير تبقين هنا
يلا بنيتي
هزيت راسي بــ اي اجى هوه وكومني باوعتله
خله ايده على خدودي وامسح دموعي
ماريد شوف دموعج ينزلن كافي بنيتي
يلا وادعي اهلج حتى نروح
وخرت منا وبست قبور بابا وماما
باوعت عليه
كايا: مااامااا ددو
وهج: اي جدو يلا ابوسي حتى نروح
راحت ركض لقبر بابا وباسته ورجعت
باست قبر ماما شافه تيم وراح يبوسه
مثله بتسمت من بين دموعي
باوعت ؏ دمار يباوعلهم ويبتسم
رحت اخذت تيم بس كايا ماكو
درت وجهي باوع شفته جاي تبوس بكل القبور
اغميت كصتي وباوعت على دمار اضحك
وراح عليها جابه واجى وهيه تعيط
كايا: ماماا ددو بوسه
وهج: مو بستي تره ذوله مو كلهم جدج
يلا جيبي ابنج وتعالي
اخذت تيم ورحت وراهم للسياره
صعدنه حرك السياره وحنى ساكتين
واكف عد محل نزل واخذ كايا وياه
لان جانت كاعده بحضنه خليت راسي
على الجامه وابجي بهدوء
شوي وفتح الباب جايب وياه علاكت
حلويات وبطالت مي انطاني المي
فتحت الباب وغسلت وجهي
رجع حرك السياره وهو ساكت واني
ساكته وصلنا للبيت نزلت تيم وهو
اجى وراي جان الكل كاعد بصاله
وهج: سلام عليكم
الكل: وعليكم السلام
عمر: وهج شلونج هسه
باوعتله ودموع بعيوني دنكت راسي
الحجي: الله يرحمهم ان شاءلله بنيتي
البجي مايرجع الميت
هزيت راسي بــ اي ودخل دمار وهو وكايا
نزلت من حضن ابوها وراحت اركض
على سجاد كعدت بحضنه وتاكل
جبس اجى عمر واخذ تيم من حضني
عمر: راح طلع واخد هاذه الحلو وياي
عندج مانع
وهج: لا عادي اخذه بس انتبه اله
شر اي وطلع واخذه وياه اترخصت
وصعدت فوك ذبيت نفسي على
جربايه وابجي ماعرف ليش
مخنوكه حتى من ابجي ماجاي رتاح
دك جهازي باوعت على رقم فتحت الخط
مريم: الو وهج شلونج ليش هيج ولج
عفتيني الاتتصلين ولا شي
وهج: اسفه يعمري انتي بس ماعندي وكت
ليش ماتجين علينا محتاجتج مريم
مريم: شبيج يروحي صاير وياج ليش هيج
صوتج جاي تبجين مو
وهج: زرت اهلي اليوم مريم واخذت
كايا وتيم حتى يشوفوهم
مريم: وان شاءلله رتاحيتي من بجيتي
يمهم
بقيت احجي وياه شوي وبعدين سديت
الاتصال ورحت اسبحت وصليت ورحت
تمددت على جربايه غمضن عيوني ونمت
كعدت ورا فتره واني احس بــ دمار اخذني
لحضنه
ليش نايمه هسه بيج شي
وهج: لا بس شوي تعبانه عمر رجع تيم
لا كال راح انتئخر طالع وياه صدقاء
للمطعم وكايا اخذه سجاد وراحو يشترون
وهج: زين لعد وخر خلي نام شكو مكعدني
اريد احبلج
خزرته وغطيت راسي نزع بلوزته رفع
الغطه وعلينا وخلاني فوكاه وايده
يمشيه ؏ خصري
وهج: وخرر دمار شبيك مسوفل
اشش ماريد شي بس بوسه
وهج: اروح على ام صماخ بوس بيها
منو ام صماخ؟
وهج: دعيوه لو هسه ماتعرفه ابو النسوان
اخخ بس انتي فريختي
وهج: احترام نفسك هسه اني ام مايصير
هيج تحجي وياي
روح فدوه الام فريخاتي
جيت رد اسمعت صوت عيطه وخر
الغطه من علينا باوعت على باب
واكفه دعاء وهيه معصبه باوعتله
وهي تخوزر بيه بقيت بحضن
ماتحركت
شلون تدخلين للغرفه هيج
دعاء: ا.. اسفه مو قصدي بس دكيت الباب
ومحد رد ماعبالي وهج هنا
تريدين شي ليش
دعاء: دمار تعال لغرفتي اريد احجي وياك
اجى يرد عليها دمار بس قاطعته
وهج: روحي هسه ماتستحين بعدج
واكفه ماتشوفين نايمين
دعاء: انتي اسكتيي ماحجيه وياج
يلا دمار كوم
وهج: يلا طلعي وسدي الباب وراج
حبيبتي مزاجي هسه حلو ماريد عكره
بهيج نماذج
كلت هيج وخليت راسي بركبت دمار
تسارعت دكات كلبه وانفاسه تتعاله
خله ايده على ضهري ويحرك بيها
دعاء: انتي صدك ماتستحين شلون هيج
تنامين واني واكفه يمكم
طلعي وسدي الباب
اسكتت شويه وطلعت وركعت الباب
قوي وخرت راسي من ركبته جيت كوم
سبحني ونام فوكاي
وهج: و... وخرر دمار شبيك
انعله على روح دمار شعلتي ابو علي
شعل وهسه تفهين
وهج: منو ابو علي دوخرر شبيك خنكتني
مارد قرب وجها من وجهي توترت كلش
كلبي صار يدك بسرعه قرب شفته من شفتي
غمضت عيوني وفجأة نفتح الباب
كمزت بسرعه وخرت منا باوعت على بابا
شفته كايا واكفه وتباوع علينا كعد
دمار على جربايه ويمحس بكصته
كايا: بااابااا لوس
خر* باابوج ماتجين اله على حضي
الغبر وانتييي كومي على بنتججج
كمت بسرعه ورحت عليها وهوه يغلط
ويسب بلكوه لزمه ضحكتي اخذ
ملابس وراح للحمام باوعت على كايا
ونفجرت من الضحك سمعت صوته
وهوه بالحمام
تضحكين بسيطه مالزمج يعني
اله اشكج اشك
وهج: وجع جنك ثور ماتستحي
تحجي هيج
مارد اخذت كايا وخليته على الكرويته
وهج: عفيه عليج بنيتي جيتي بالوقت
المناسب لو ماجايه جاي ابوج غتصبني
كايا: مااماا لوس سدات
وهج: تريدين فلوس لسجودي
هزيت راسه بــ اي بست خدها وطلعت
فلوس من الجرار ونطيته لها
طلع دمار من الحمام وهوه معصب
ابتسمت ورحت كعدت على الكرويته
ولعب بجهازي
باجر راح نسوي عزيمه ونطهر تيم وركان
وهج: لا والله ماخليك خطيه يتذه
خلي بس ركان يطهرو
بعده اصغير حتى مايتوجع من يكبر
وهج: لا عليك الله والله اخاف علي
يمه وليدي اكيد يفقر من البجي
انتي راح تبجين مو هوه
مارديت اسكتت عفته ونزلت جوه
دخلت للصاله جنت بيبي كاعده هيه
وسجاد وكايا رحت كعدت يم بيبي
كالج دمار باجر راح يطهرون تيم
وهج: اي بيبي بس اخايفه علي ايتذه
لاتخافين ماعلي شي باجر يجون كرايبنا
كلهم مانريد مشاكل لاتدخلين بــ دعاء
تحجي التريده
وهج: عادي تعزمون عمامي
اي يمه هوه دمار اخابرهم باجر
الصبح ان شاءلله يجون
باوعت على سجاد مخلي كايا بحضنه
وياكلون موطه
وهج: اني شنو كلت مو كلت لاتكلين موطه
موزين عليج
سجاد: وانتي شعليج عمها جابله
صارت ام براسنه الغمه
وهج: لا تحجي هيج تره اصرت ام بعد
باوعلي صفح واخذ كايا وطلع من الغرفه
بقيت كاعده يم بيبي نحجي شوي وجت
زينب اخذت منها ركان وكعدته بحضني
عاقل مثل تيم ماله صوت كل شوي ابوس
بخدوده دخل عمر هوه بيده تيم
يااكل جبس اسلم وراح كعد على الكرويته
وهج: نطيني تيم لايتعبك
عمر: هوه اله صوت حتى يتعبني يابه
فدوه يروحلك سجاد
رحت علي واخذته منا
وهج: اروح امه من يوم عاقل
عمر: احسن من هذيج اخته ام لسان
بقينى كاعدين ونسوالف صارت الساعه
بــ1 بليل اخذت تيم ورحت للغرفه
دخلت جان دمار مخلي ايده على عيونه
ونايم خليت تيم على الجرباية
وطلعت لغرفت سجاد دكيت الباب
ودخلت جان كاعد هوه وكايا يتابعون
فلم باوعو عليه وشرولي طلع
وهج: لا حياتي كومي كدامي هسه يجي
دمار الثور ويكسر راسج
سجاد: امشي ولي طلعي ماشوفين
جاي نتابع فلم
وهج: تئخر الوقت باجر كملو يلا ماما كومي
هزت راسه وكامت اخذته وطلعت
فتحت الباب باوعت على تيم على نفس
كعدته عضيت ايدي حيل ريده بس
يتحرك يسوالف يعيط ماكو ساكت
باوعلي وبتسم تمددت وخليته بحضني
وكايا راحت على دمار شال ايده باوعله
واخذه لحضنه غمضت عيوني ونمت
كعدت الصبح على صوت دمار باوعت للساعه
بــ7 دمار لبس ملابس الدوام بس وجها
مايكصه الطبر ماعرف شبي من الصبح
راح اروح عندي دوام وهج اليوم
راح يجون كرايبنا كلهم ماريد تلبسين
قصير افهمتي
هزيت راسي بــ اي عافني وطلع هزيت
ايدي وباوعت على تيم وكايا بعدهم نايمين
كمت غسلت وجهي ونضفت الغرفه
ونزلت جوه الكل موجودين بس
مكملين ريوك رحت عليهن وساعدتهن
بتنضيف البيت كملنا وكالو نجيب اكل
جاهز صارت الساعه بــ10 صعدت
للغرفه جانو بعدهم نايمين رحت عليهم
وكعدتهم اخذتهم للحمام غسلت لهم
وغيرت ملابسهم
راحت كايا نزلت جوه يم سجاد وتيم بقى
كاعد ويباوع على جهازي رحت للكنتور
احتاريت شنو لبس اخذت فستان
احمر وطويل بس دلع من يم الصدر
اخذته ودخلت للحمام غيرت ملابسي
وطلعت سشورت شعري وخليته مفتوح
خليت مكياج باوعت على نفسي طالعت
اجنن بست نفسي واخذت تيم ونزلت جوه
زينب: شنو هاذه الجمال لج بس لمي
شعرج لاينحسد
وهج: لا خلي اني ام تيم لزم طلع حلوه
اجى عمر واخذ تيم وطلع بره شوي
وجن عمات دمار وعمامه هواي خدودي
صارت حمر من البوس كعدن بصاله
والزلم بالمضيف رحت للمطبخ وكفت
باوع على دعاء وهيه تجذب على بنات
عمها واخواته
شلونه دمار وياج بعد مارجعت وهج
دعاء:مامعبره اصلآ طول الوقت موجود
بغرفتي رجعها بس علمود طفاله ولا هوه
مامهتم اله ابد
بس حنى ندري من قبل دمار يحب وهج
من اول ماجبه لهاذه البيت
دعاء: هاي قبل مو هسه من بعد ماشردت
نزلت من عينه هسه مايشوف غيري
باوعن عليه هنه وكانو يعرفن تجذب
بس مايريدن يفشلنه شوي وحسيت
على شخص حضني من ورا درت وجهي
شفته نور باوعت عليها ودموعي تنزل
حضنتني حيل وتبوس بيه وتبجي
نور: وهج ولج والله مشتاقتلج يروحي انتي
شلونج شخبارج
وهج: زينه الحمدلله وانتي شلونج
والله هواي مشتاقتلج
نور: والله اني هم ليش هيج ماتسئلين
علينا
وهج: تعالي نصعد فوك لغرفتي ونحجي
وين تبارك والبنات
نور: عمي ماخلاهن يجن وتبارك يم خالتي
راحت لان مريضه تدير باله عليها
ضجت بس مابينت واخذته وصعدت فوك حتى
على بيبي ماسئلمت بكد ماجنت فرحانه
بــ نور فتحت باب غرفتي ودخلنا
نور: الله غرفتج كلش حلوه صدك وين
جهالج ماشفتهم
وهج: ماعرف جاي لعبون يمكن جوه
حجيلي صاير وياج مصاير ماتزوجتي
نور: لا ماريد تزوج كملت دراسه وهسه
اصرت مدرسه
وهج: عمري فدوه احلى مدرسه يبعد بيتي
بقيت كاعده وسوالف وياها شوي ونفتح
الباب دخل دمار باوعتله نور ودنكت
راسه اسلم عليها واخذ ملابس ودخل
للحمام
نور: راح انزل جوه اخاف يحتاج شي
واني هنا يستحي يحجي وياج
وهج: تعالي ننزل سوه لعد اريد اسلم على
بيبي
نزلنه جوه ورحت اسلمت على بيبي
وعلى ام زين وكعدت اجت كايا وراها
تيم اخذتهم بيبي تبوس بيهم شوي
ونزل دمار من فوك لبس دشداشه
ابيضه ولسبحه بيده وريحت عطره
ترد الروح اجى اسلم على عماته
وعلى بيبي وام زين باوع عليه
خزرني واجى يطلع بس عماته
ماخلنه كالن نريد نحجي وياك كعد
بقن يحجن وياه وهوه بس يهز راسه
وكل شويه يباوعلي بخزره مافهمت
شنو يقصد
يمه اسم الله يحرس جهالج ماشاء الله
طالعين يجننون
نور: اي والله بيبي خصوصن تيم
ام دعاء: بس شو مايشبهون دمار
بس على امهم طالعين اليشوفهم مايكول
طفاله
باوع عليه دمار وطلع من الصاله اعرف
يريدن يخربن علاقتنه خلت بيبي ايده على
ايدي
شبيكم يمه صاير شي ليش هيج جان
يباوع عليج
وهج: لا بيبي هوه هيج طول النهار
معصب مو بس عليه
اسكتت بس مبين ماصدكت بيه مر وقت
واخذو تيم حتى يطهرونه وكفت بالباب
واسمع صوت عياطه هوه وركان
دموعي نزلت واني اسمع صوته
مر شوي وقت وجابه دمار خله بصاله
باوعتله ملبسينه دشداشه ابيضه وهو
خدوده صايرات حمر من البجي اجت علي
بيبي وتصلي على محمد من عيون النسوان
اخذه يمه فوك صعده لاتخلي هناي العيون
ماترحم وهوه بعده اصغير
اجيت شيله بس دفعني دمار واخذه
وصعده فوك صعدت ورا فتح الباب
خله على جربايه رحت يما
وهج: شبيك دمار ليش معصب
وخريي من وجهي من يروحون
حسابج سهلا
عافني وطلع من الغرفه باوعت على تيم
وحضنته
وهج: روح ماما توجعت سوده عليه كون
بــ باابوك الثور ولا بيك
بعدج تحجين على دمار
فزت من الصوت باوعت وراي شفته مريم
ونور وراها بتسمت ورحت حضنته
وهج: ام حلك والله مشتاقتلج هواي وين خالتي
مريم: موجوده جوه ليش ماتجين تباتين
يمنا والله ضايجه وحدي
وهج: ماعرف ذا دمار قبل اجى ليش لا
نور: هاي مريم الجنتي تحجين بيها
وهج: اي هاي صديقتي واختي وكل حياتي
نور: خليلي كلمة حلوه الي على اقل
ضحكت ورحت حضنته بقينى كاعدين
يم تيم ونسوالف ماكدر عوفه ونزل جوه
دخلت زينب وهيه شاله صينيه الغده
اخذت تيم وكعدت واكل بي بس جان متوجع
كل شوي يبجي كملنا غده ونزلنه
جوه اسلمت على بيبي ودعتهن لان
راح يروحون ماكدرت اسلم على عمو
وزين لان كو هواي لزلم بره ومريم وعمتي
هم راحن الكل تقريبآ راح صعدت فوك
باوعت للساعه 2ونص غمضت عيوني ونمت
كعدت ورا فتره على صوت تيم وهو
يكعد بيه باوعتله وبتسمت جان دمار
نايم وبحضنه كايا شلت تيم واخذته
للحمام غسلت وجها وغيرت ملابسه
وخليته على الكرويته شغلت التلفزيون
ونطيته حلويات كعد يباوع
كمت غيرت ملابسي ومسحت المكياج
ولفيت شعري كبايه كعد دمار اخذ
جهازه حتى ماباوعلي رحت يما كعدت
وهج: تكدر تحجي شبيك ليش
اني اليوم شنووو حجيت قبل لا وليي
وهج: هسه ليش تعيط شنو حجيت اني
كام من الجرباية ولزمني من شعري
مو كلت لاتلبسين ملابس قصيره
ليش مطلعه صدرجج وتفترين يعني
شوفوني صدري جبير لو شنووو فلمج
انتيييييي
وهج: وخرر ايدك من شعري شبيك اخخخ
شنووو سوي بيججج هسه
وهج: شبيك انته وخررر عااد شعليك
بيه انته الله ياخذك مريض نفسي
رفع ايده وضربني راشدي ورجع لزمني من
شعري وحجه من بين اسنونه
ادري بنفسي مريض ليش لزم كل شويه
تذكريني
وهج: لاتضرب افهمتت تره اخايفه منكك
شماتسويييي
رفع ايده ورجع ضربني راشدي وكعت بالكاع
احس خدي شتعل نار دموعي نزلت
انتي ماتجين اله بضرب سهلا وهج
ذا ماخليتج تتندمين وشوفج المريض
شي يسوي
مارديت ابقى يعيط ويكسر شكو شي
بالغرفه كعدت كايا وصارت تبجي وتيم
يباوع على دمار ودموعه تنزل كمت بسرعه
واخذت كايا ورحت يم تيم حضنته
وهج: كافييييي شبيككك راح تخبلهمم
شنو سالفتككككك
كانو جان منتظرني احجي اجى بسرعه عليه
ولزمني من شعري
اي مو اني خبل شتريدين سوييي لعددد
وهج: وخرر دمار اخوفت الطفال خليك
بعيد مني ومن طفالي
مدا ايده ورجع اضربني راشدي
شنووو تخافيين عليهم منييي تره ابقى
اني ابوهااا وهجج لاتخليني اخذهم
وطلكج وانعل والديج
مارديت بس دموعي تنزل عافني
واخذ السويج اجى يطلع باوع عليه
وهج: ان شاءلله لاترجع دمار
مارد فتح الباب وطلع من الغرفه
كعدت بالكاع وشهك من البجي
مر وقت طويل واني كاعده وكايا
نزلت جوه وتيم رجع يباوع على
التلفزيون
كمت غسلت وجهي باوعت على ساعه
بــ 7المغرب مانزلت جوه بقيت كاعده
بالغرفه تمددت يم تيم وبقيت
وموعي تنزل بهدوء ادري اني ليش
لزم كل مره كوله هاي الكلمة ليش
مالزم لساني بس هوه ليش معصب
ماتوقع بس لان جنت لبسه دلع لا لزم
كو شي صاير
كمت اخذت الجهاز وتصالت علي ماعرف
ليش كلبي مامرتاح احس حيصير شي
استغفر ربي ورجعت اتصال بي بس ماكو
مايرد كعدت على جربايه وبجي ليش هيج
ادعيت علي يارب ان شاءلله مابي شي
شوي ونفتح الباب باوعت شفته زينب
وجها اصفر ودموع بعيونها كمت بسرعه
ولج لحكي دمار.....
______________
يتبع
(توقعاتكم للبارت القادم)
لاتنسون التصويت والمتابعه وتعليق بين
الفراغات عقلو الف تعليق حتى تصعد القصه
وبس احبكم فرولاتي✨💕🥺
النشر بين يوم ويوم حبايب
تابعوني على انستكرام للعلم تره ماعندي
حساب ؏تلي ♡
- يتبع الفصل التالي اضغط على ( رواية وهج الدمار) اسم الرواية