رواية قلبي بينادي باسمك الفصل الثاني و العشرون 22 - بقلم ياسمين
part 22 مصيبه
سوار: محدش شاف سالي ؟
ريم: من شوي راحت البلكون
مشت سوار للبلكونه سالي بقالها اكتر من نص ساعه مختفيه ، دخلت البلكونه لاقتها قاعده على الارض و ضامه رجليها لصدرها و بتعيط ، جريت سوار ليها
سوار: في أيه مالك
مسحت سالي دموعها بسرعه
سالي: لا مفيش ماما وحشتني بس
سوار: العياط دا كله لماما
سالي: أصلها كلمتني من شويه
سوار: طب قالتلك حاجه زعلتلك ولا حاجه
سالي: لا مفيش
بصت سوار لسالي بشك
سوار: انت عارفه اني عمرى ما هفشي سرك
سالي: عارفه
سوار: طب قولى في أيه ، عمر كلمك ولا حاجه
بصت سالي في عيون سوار و دمعت ، هنا فهمت سوار ان الموضوع يخص عمر ، قعدت جنبها و مسكت ايديها تطمنها
سوار: احكيلي في أيه
سالي: بس مش هتموتيني
سوار: كنت موتك لما بعتي الخاتم يا سالي
فتحت سالي الموبيل و ادته لسوار ، بدأت تقرأ الشات لحد ما وصلت لصورها ، حطت ايديها على بقها بصدمه و رجعت بصت لسالي
سالي: و الله العظيم معرفش وصلو لايده ازاي
سوار: يعني أيه متعرفيش وصلو لايده ازاي
سالي: دول على موبايلي مبعتش صور لحد
سوار: انت عارفه دا ممكن يعمل بيهم أيه
سالي بدأت تنهار و رجعت تعيط و بدأت تلطم على وشها
سوار: بس بس اللطم حرام اهدي ، انت كدا مش هتحلى المشكله
سالي: مش بإيدي حاجه تانيه
سوار: بس يا سالي ، السعوديه كلها في البيت امسكي نفسك ، بليل هنتكلم
سالي: وانا هستنى لحد بليل
سوار: لا عيطي و ألطمي لحد ما الناس تسمع و تيجي تحللك مشكلتك
سكتت سالي و بتحاول تمسح دموعها ، و قفت سوار و حطت ايديها على وشها بتحاول تهدى عشان محدش ياخد باله
سوار: عدي الكام ساعه دول بهدوء و حسك عينك تتكلمي مع حد او تبيني أي حاجه
حركت سالي راسها بمعني حاضر و خرجو من البلكونه ومخدوش بالهم من الي كانت ورا الستاره بتسمع كل حاجه و على وشها ابتسامه شر
___________________________________
قعد على السرير يتفرج على صورها و بيحسب كل مره هياخد منها قد أيه ، قطع تفكيره اتصال حسن بيه
حسن: أيه يا عم التقيل ، فين تنفيذ الخطه
سالم: لا انا صرفت نظر عنها الموضوع فعلا طلع مش محبوك
حسن: يعني أيه ، مش هنعرف ناخد منها فلوس
سالم: هحاول افكر في حاجه تانيه
سكت حسن شويه
حسن: سالم ، انت مش بتعمل حاجه لوحدك صح
سالم: يا عم صلِّ على النبي في قلبك كدا ، اعمل حاجه لوحدي ازاي يعني ، هو انا اعرف رقمها ولا تقربلي حاجه اصلا
حسن: ماشي يا سالم ، تابعني ها
سالم: احلى مسا عليك يا صاحبي
قفل الموبيل في زهق و مصدق يخلص المكالمة و رجع يفتكر ازاي قدر يوصلها
********************************
سالم صاحب عمر ، فرد من افراد الشله البايظه الي عمر ملموم عليها ، في نفس سن عمر ولكن مش معاه في الكليه ، وقف تعليم في الثانويه و اتعلم صنعه ، اتعرف على عمر في قاعده من قعدات القهوه من ٣ سنين
قفل الموبيل في زهق و مصدق يخلص المكالمة و رجع يفتكر ازاي قدر يوصلها ********************************سالم صاحب عمر ، فرد من افراد الشله البايظه الي عمر ملموم عليها ، في نفس سن عمر ولكن مش معاه في الكليه ، وقف تعليم في الثانويه و اتعلم صنعه ، اتعرف ...
********************************
ساره: جوجو ، لاحظت انك حبيتى سالي
جهاد: أيه ، حلوه مره
ساره: تبادلتو ارقام بعض
جهاد: أيه معي سناب شات تبعها
ساره: و الله جد
جهاد: يب ، حتى كل ال streaks الي تسويها مره حلوه
ساره: ترا جهاد تسوين شي لأختك
جهاد: ايش تبين
ساره: تجيبين الموبيل تبعها
جهاد: ليش
ساره: كذا
جهاد: ايش كذا ، انا مو بذر
ساره: خلاص ولا شي ، لا تسوين شي
بصت جهاد لساره بشك
جهاد: انت تغاريين عشان تكشف شعرها
ساره: لازم أخذ احتياطاتي
جهاد: خلاص بسويلك الي تبين بس بشرط
ساره: اشرطي يالمزيونه
جهاد: لا تسويين شى غلط
ساره: خلاص اعتبريه حصل
خرجت ساره من اوضه جهاد و مزاجها في السما ، و جهاد قلقانه من طلبها المفاجئ للموبيل .
دخل سيف على خديجه و فهد و هم قاعدين يشربو قهوه
سيف: سلام
خديجه و فهد: و عليكم السلام
فهد: انطق السلام صح
سيف: يبا خلاص المهم سلمت
خديجه: خلاص يا ابو سيف ، ايش المشكله اتركه
سيف: يبا
فهد: سم
سيف: سم الله عدوينك يبا ، ابي اخطب
خديجه: بسم الله ايش فيك كذا فجأه
سيف: في بنت عجبتني و بخطبها
فهد: ومين الي امها داعيه عليها هذي
سيف: سالي
فهد: مين سالي هذي
خديجه: ايش ، هذى الغريبه لا
فهد: مين هذي يا ام سيف
خديجه: هذى أختها لبنت اخوك المصريه
فهد: خلاص اذا تبيها نطلبها من عمك ان شاء الله
خديجه: لا انا ما أوافق ، ليش تاخذ الغريبه ذي وما تعرف أصلها ولا طباعها ، خذ سوار
سيف: لا يما ، انا ابيها
خديجه: و الله ما تاخذها ، و اذا أخذتها لا تكون ابني
خرج سيف من عند ابوه و امه و كل همه يخطب سالي ، ومش همه امه ولا الباقيين لقى اخواته نازليين على السلم و شافوه مدايق و امه بتصرخ
خديجه: ايش في
سيف: هذى أمك ، الطبيعي لما نتناقش بشي
طلع السلم و سابهم و هم نزلو للصاله عند امهم الي بتزعق
خديجه: والله ما يسويها ، انا اتعب و اربي و هذى الغريبه تاخذه كذا
ساره: ايش في يما
فهد: ولا شي
خديجه: لا في ، اخوكي المحترم بيخطب سالي هذه
ضحكت ساره و اخيرا هتخلص من سالي ، هتتجوز ومش هيكون حد في طريقها لتركي
ساره: و ايش في يما ، البنت ما تنعاب
خديجه: انت ايش فيك ، انت تقولين كذا
جهاد: البنت كتير مسالمه يما ، ليش ترفضين
خديجه: هذى ما نعرفها
فهد: اعتبريها بنت من عليه ما نعرفها
خديجه: بس وين اهلها ، ايش تسوي ، ايش تفكر ما نعرف شي
ساره: يبا ، انا موافقه و ممكن الخطبه تكون طويله و كذا
خديجه: انت ايش فيك ، انت فيك شى اكيد
مسكت خديجه ايد ساره و طلعت تكلمها فوق في اوضتها
___________________________________
دخلت سالي على سوار الي كانت قاعده على الكرسي حاطه ايديها على راسها باين عليها انها بتفكر
سالي: بيبعت تاني اتصرف ازاي
بصت سوار ليها ومش عارفه ترد عليها
سوار: مش عارفه ، افتحي خلينا نشوف هو عاوز أيه
فتحت سالي الشات و كان كاتب * قدامك لحد بكرا تردي عليا بال٩ مليون ريال على حسابي لإما معرفش انا ممكن اعمل أيه*
سوار: ٩ مليون ريال !
سالي: دا مش طبيعي دا ، اكيد مجنون
سوار: هو بيطلب بالريال ليه
سالي: وانا أيه يعرفني
سوار: انت عرفتي حد اننا سافرنا ؟
سكتت سالي و بلعت ريقها في رعب ، ساعتها وقفت سوار في غضب و بدأت تلف في الاوضه يمين و شمال
سوار: عملتي أيه
سالي: ببعت streaks من وقت ما جينا هنا
سوار: وطبعا الاستاذ عمر شافها
سالي: معرفش
سوار: هو أيه الي متعرفيش مهي باينه زي الشمس أهي ، هو يعرفك منين دا عشان يجيب صورك و يهددك بفلوس
سالي: معرفش ان دا كله هيحصل ، انا ببعت عادي زي كل مره
سوار: انا قايلالك ، ابعديه عن حياتك خلاص انا هتصرف في الفلوس ، دلوقتي بقت الفلوس و الزفت الصور الي معاه
سكتت سالي و بدأت تعيط و سوار مش عارفه تتصرف ازاي ، قاطعهم صوت تخبيط الباب ، فتحت سوار نص فتحه عشان سالي متبنش
سوار: اه اهلا يا تركي
تركي: انتم بخير
سوار: اه كلنا تمام متقلقش
تركي: بعرف انه ما يخصني بس سمعت شخص بيبكي
سوار: لا لا دا الموبيل عادي يعني
تركي: اووك تمام
سكت تركي شويه أخد باله من توترها
تركي: اذا تبين تقولين شي او في مشكله انا بغرفتي ، لا تترددين
رجع تركي لورا و راح على اوضه ، قفلت سوار الباب و وقفت وراه و هي بتبص على سالي و دماغها في ازاي هتحل المصيبه دي من غير ما حد يعرف
___________________________________
كان فاتح الشات و مستني انها ترد بس مردتش قفل الموبيل و بدأ يفكر هو بيعمل أيه لما الفلوس تيجي ، فتح موبايله و رن على صاحبه فارس
فارس: أيه يابا
سالم: أيه يا صاحبي عامل أيه
فارس: كله تمام يا صاحبي ، انت عامل أيه
سالم: فل الفل
فارس: فل الفل دي مبتطلعش غير لما يكون في حاجه
سالم: نبيه طول عمرك ، في مصلحه كدا عاوزك فيها ، و ليك نصيب محترم
فارس: قول يابا و انا معاك
سالم: عاوزك ببرامجك الجميله دي و تجيلي البيت ، في كام صوره كدا محتاجين نظبطها
فارس: عنيا يا باشا ، بس نتفق الاول
سالم: عيب عليك يا صاحبي انا كلتك قبل كدا
فارس: ولو يا زميلي ، الي أوله شرط اخره نور
سالم: عداك العيب ، اطلب
فارس: نص مليون
سالم: موافق ، وعشان خاطرك بالريال مش بالمصري كمان
فارس: لو كدا لا نجيلك بقا و نعملك شغل يشرفك
سالم: تعالي و كل حاجه عليا
___________________________________
خديجه: انت ايش فيك ، ليش تبين اخوك يتزوجها
ساره: ايش فيك يما ، انت تبين اتزوج تركي
خديجه: وايش يدخل ذا بذاك
ساره: اذا سالي اتزوجت سيف ما يكون في مشكله ، وأصر قريبه من تركي اكثر و اكثر
خديجه: انت ايش فيك ، انت ترضين لأخوك ذي البنت
ساره: وانا ايش يخصني فيها ، هي مع اخوي وانا مع تركي
خديجه: انت ايش فيك ، انا ابيك تتزوجين تركي بس مو كذا
ساره: انت ليش ما تبينها
خديجه: هذى ما تورث شى من عمك ، ليش ازوجها لسيف ؟ سوار موجوده
ساره: بس سالي ممكن تتزوج تركي ، هي تحل له
خديجه: بنمنع الزواج اذا حصل ، بس مو بذيك الطريقه
سكتت ساره وهي مش مقتنعه بأمها
خديجه: انا بيدي ازوجك من تركي و بيدي ما ازوجك ، لا تخليني اعاندك و ما ازوجك
ساره: ترضين لي
خديجه: أيه ارضاها ، واذا اتدخلتي بشي لا يخصك مره ثانيه و الله لخليك تندمين
خرجت خديجه و ساره مولعه من مامتها ، فجأه قلبت عليها بسبب سيف ، رجعت لجهاد و أكدت عليها طلبها ، قررت تتصرف لوحدها لما حست ان مامتها ممكن تغدر بيها في اي وقت
___________________________________
تاني يوم الساعه ١١ الظهر ، صحي الكل ما عدا سوار و دا كان على غير العاده
فدوى: سالي ، ما فيقتي سوار
سالي: لا هتصحى دلوقتي يا طنط
فدوى: بشوفها
دخلت فدوى على اوضه سوار بعد ما خبططت اكتر من مره وهي مبتردش ، لقت النور مقفول و مفيش صوت في الاوضه ، فتحت النور و راحت لسريها عشان تصحيها
فدوى: سوار بنتي
سوار مكنتش بترد و جسمها ساقع مع ان مكيف الاوضه كان مقفول
فدوى: سوار ، انت ليش بارده كذا
استوعبت فدوى ان في حاجه غلط و طلعت تجري على تركي تناديه
فدوى: تركي ابني
تركي: بسم الله يما ، ايش فيك
فدوى: سوار فيها شى ما بترد
قامو كلهم من على الكنبه و طلعو لسوار الي كانت وشها اصفر و ساقعه زي التلج ، وقفت سالي تعيط و فدوى بدأت ترتعش و عبد الله مش عاوز يبين انه متوتر عشان الستات ، أول ما تركي شافها شالها بسرعه لبسها حاجه و طلع على المستشفى الي شغال فيها ، الكل خرج وراه المستشفى و فضلت سالي متسمره في مكانها وكل الي على لسانها * سوار هتموت و تسيبني *
.
.
.
.
.
- يتبع الفصل التالي اضغط على (رواية قلبي بينادي باسمك) اسم الرواية