رواية قسوة احفاد ال هتان الفصل الثالث و العشرون 23 - بقلم هاجر النعيمي
part 23
بقلمي ( هاجر النعيمي )
........................
هاجر : شعليك
إلياس : شنو شعليه احجي
حسيت على راشدي فرفحت كلت
هاجر : انتتتت منووووو تضربنييييي
ماحسيت اله إلياس بل كاع وتميم فوكو يضربو
متت خوف لا ربي هاي هيا انفضحت صرت اصرخ
ياربي شنو هاي راح انفضح صرت ادفع تميم عن
إلياس بس مااكدر كلي ارجف وتميم مايشوف من
العصبه
إلياس جو ايد تميم ويحاربه ويرد الضربه ل تميم
واني فرفحت انفضحت هاي هيا لا ياربي اخخخ
كلت
هاجر : ابوس ايدك عوفو وخرو عن بعض
جريت تميم وهو يلهث ولازمه ايده اهدي بي
مااهتميت ل إلياس خشم تميم صار ينزف من
العصبيه إلياس بعد ايدي عن تميم وكال
إلياس : منو هذاااا اشعندج معااااا
تميم : كافي تزامط ترا اركعك مية نعال احفظ
كرامتك وامشي منا
هاجر : إلياس كافي عيب
من كلت اسم إلياس تميم عيونه صارت حمر
ويخزر بيه خرطت العافيه متت خوف شنو اسوي
كال
تميم : المفروض تشكراً
إلياس : على اشنو
تميم : وصلت كرايبك لبيتكم
إلياس : ليش انت منو انت حبيبها ماا
تميم : شجاي تمسلت هاي صديقت اختي من
كل عقلك اباوع لصديقتها
إلياس : عجل اختك وين
تميم : عدها محاضرات وغيرتي ماتسمحلي
اخلي بنيه شابه ترجع وحدها بتكسي لو عندك
ذرة غيره جان اجيت اخذتها صاير زلمه تمد
ايدك على مره اكسر ايدك مره ثانيه
إلياس : انت منو ماعليك امد ايدي او لا لاتدخل
بشي مايخصك
شفت تميم عصب وراد يضرب إلياس فوراً لزمت ايده
باوعلي وابتسم وكال
تميم : اني رايح بس لهسه ماسمعت شكر
هاجر : شكراً الك تعبتك سلملي على ملاك
تميم : دللي
ابتسمت وهو راح بقيت اودعه لحد ماراح اجيت
اطب للبيت وكال
إلياس :عيب تطلعين مع واحد ماتعرفي
هاجر : هاي بمكان ماتشكرو ماقبل ارجع
بتكسي
إلياس : جان خابرتيني اجي اخذج و ليش مااجيتي
معا تيم
هاجر : طلعتلي محاضره مهمه اطريت ابقه
عافني وفات بس فتت سلمت وكعدت شويه ارتاح
اجاني اتصال من تميم كتلهم اروح ابدل طلعت
لغرفة تيم رديت كال
تميم : خايفه على إلياس مو
هاجر : ههه شبيك
تميم : شفت الخوف واضححح بعيونججج
هاجر : خفت عليك مو علي
تميم : صدك خفتي عليه
هاجر : اي وخاصه من خشمك نزف صدك شلون
وكف الدم
تميم : اي
هاجر : ليش هيجي صار
تميم : كل مااعصب هيج يصير
هاجر : مو انت رحت شرجعك
تميم : وكفت براس الفرع كلت من تطبين اروح
بس شفتج تحجين ويا غرت وبقيت اشوف وين
توصلين بعدها من ضربج نزلت
هاجر : ماجان اله داعي
تميم : محد يضربج واني موجود محد يأذيج
وانتي الي
ابتسمت ماعرف شحجي كال
تميم : لا تضحكين اشوفج
هاجر : هههه شلون عرفت
تميم : اعرفج كلش زين اخخخ شحبج
هاجر : واني هم
تميم : كولي احبك مو اني هم
هاجر : صدك شعجب جيت
تميم : اي غيري الموضوع اجيت من تعاركنا
وكلت اعلمج شلون تحجين عليه واني بل
طريق شفت الستوري نار وصارت بكلبي هنا
كلت تستحقين مية نعال
هاجر : بس الي سويته حرام عيب عليك ترا
تميم : عقابج هذا حبيبي وشكد ماتغلطين
تتعاقبين نفسه وازود
هاجر : لا بله
تميم : وداعت عبدالله
هاجر : ترا اني محد يتجرئ يعاقبني او يغلط
بحقي تدري لو كلت لبابا جان كتل إلياس
تميم : اي كوليله حتى تصير كتلتين
هاجر : هو هيجي بس قبلها اني اضربه
تميم : هو نفسه مو
هاجر : اي
تميم : خلي يولي بعدين شعندج رايحتلهم
هاجر : زواجو اليوم
تميم : ليش ياهي ترضه بي
هاجر : رضو بي عيني
تميم : شو دافعيله
هاجر : لا ابد
تميم : عبالي
هاجر : اروح اني
تميم : اوكي عمري بس مو تركصين
هاجر : أصلاً مااعرف
تميم : وين اكو بنيه ماتعرف
هاجر : اني يلا بيباي
جذب اعرف اركص بس كلت هيجي حتى لا
كل مايصير عدنا عرس يكول لا تركصين اختصرت
الموضوع نزلت يمهن وحجيت ل إيلا ورسل على
الي صار من اجيت
رسل : اشون تطلعين معا
هاجر : شسوي ارجع بوحدي اخاف
إيلا : رسل لا تكبرين الموضوع ماصار شي
والولد محترم مايسوي شي
هاجر : يا محترم اوكفي اكلج شصار بل جامعه
حجيتلهن من اجاني على الجامعه ورسل شهكت
رسل : يمه صحيح
هاجر : والله
رسل : اشون تسمحيلو
هاجر : مابكيفي منعتو بس هو اقوى
رسل : اخر مره تسويها
إيلا : اهو رسل اشبيج خلي روحج رياضيه
ترا سوو مغامره حلوه
هاجر : اي بس بزور ( بالكوه ) قنعنه إلياس
جان نفضحنا
إيلا : ديلا على اساس هو هيجي ذكي يعرف
هاجر : نسيتي هسه هو شنو
إيلا : بفضل جدو
هاجر : اعرف
رسل : ماعليج ب إلياس هاجر الي صار حرام
هاجر : والله اعرف بس مابيدي
رسل : تفهمي هل شي مايصير اصلا حرام
يمسك ايدج
هاجر : اعرف بس شنو اسوي
بعدها نزلنا بدلنا وسوينا مكياج بعدها كالو يلا
نطلع وطلعنا بل طريق الطريق صار ونسه ونحنا
مع تيم واجه عمر هم وتونسنه وفوك هذا ناريمان
موجوده
وصلنا القاعه ونزلنا وبلش الركص ركصنا لحد
ماتعبنا ماصار شي مهم بس ركص و ونسه
بعدها كالو يدخلون الشباب يسوون هوسه
ودخلو الولد وكلهم يركصون
اجو عمر و تيم ونركص بالختله وحدنا حماس
وتجنن بعدها رجعنا ميتين تعب فوراً نمت
كعدت الصبح شفت التلفون مسجات من تميم
والبنات الضاهر من التعب ماعرفت رديت
حجينه شويه وبعدها صدمني
💬 تميم : تعالي اتصال مابيه اكتب
خابرته ورد كال
تميم : هاجر اريد اخطبج والله مااتحمل
هاجر : حباب اصبر بس شويه بس اخلص مرحله
اولى
تميم : مااتحمل اريدج يمي خايف والله
هاجر : ليش خايف
تميم : اهلج مايتأمنون جدج ممكن يجبرج
تتزوجين واني اذا صارت ماالزم نفسي ارتكب
جريمه بيكم كلكم هاجر انت لو الي لو للقبر
هاجر : شهل حجي تعرف احبك ومراح اخذ
غيرك لا تخاف ومحد يجبرني اكللهم انتحر
ويخافون من الفضيحه
تميم : بس خلي اعقد عليج هيج اضمن تصرين
الي
بعدني احجي ودخلت ماما صار وجهي احمر كالت
مروة : اشبيج
هاجر : مابيه
مروة : مع منو تحجين
هاجر : ملاك
مروة : الي من بغداد
هاجر : اي
مروة : كملي وتعالي تريكي
هاجر : اي هسه
طلعت ماما تنفست براحه كال
تميم : سلميلي على عمتي
هاجر : ههههه اشو مصدك نفسك
تميم : ترا اجي اشك حلكج
هاجر : اهو بطل حماوه
تميم : بسيطه يصير خير
هاجر : بله شلون تشكه
تميم : اسلوبي الخاص
هاجر : شلون
تميم : تردين تعرفين
هاجر : اي
تميم : اذا اكلج تضوجين
هاجر : مااضوج
تميم :**********
انصدمت كلت
هاجر : عزه ايع انجب
تميم : وين اج*
هاجر : مافهمت
تميم : احسن
هاجر : لا صدك مافهمت
تميم : احسن سوالف كبار ماتعرفين بيها
هاجر : عجل اروح اني
تميم : كولي لعد
هاجر : مااغير لهجتي
تميم : لعد ابوي يحجي نص بغدادي نص موصلي
هاجر : تعودت من خوالي اشبيك
تميم : عود من تجين يمي تتعلمين
هاجر : الله كريم يلا بيباي
سديت الاتصال وطلعت للمطبخ اكلت وساعدت
ماما شويه بعدها كالت
مروة : العصر نروح على بيت اميرة
هاجر : ليش
مروة : اليوم الصباحيه
هاجر : اي نسيت
مروة : وجنات واميرة اتفقو يسوون عزيمه طول
اربع ايام
هاجر : وليش بله
مروة : اشعرف
هاجر : مكو***
مروة : انجبي ادبسزز اشنو هذا الحجي هاجر
انطيناج عين زايده
هاجر : هسه اني اش حجيت ترا ماكفرت وبعدين
ماحجيت شي غلط هيا علمود تغثني عبالها بعدني
احب إلياس وميته علي وهو مصدك بعدني احبو
مروة : خلي يولون بس ماتطلع هشكل كملة
من حلكج عيب ماما
هاجر : اهو اروح يم بابا احجي بكيفي مايكلي
عيب
مروة : اشو انتي ماتستحين اشون تكولين
كلام مثل هذا كدام ابوج
هاجر : نسيتي هو هيجي يحجي كدامنه ويكول
بكيفكم تحجون او لا
مروة : يولي عيب باجر تروحين يم الرجال
تسبي عيب ماما
هاجر : ماما اذا الرجال ماعاجبو طبو مرض
مروة : هسه نشوف بس يحجي كلمة تتنفذ
هاجر : غير ابو اطفالي يدلل هههه
رفعت المعلقه تضربني بيها شردت على غرفتي
اسمع ضحكتها من فدوه اروح لهل ضحكه الله
لايحرمني منج رحت على التلفون شفت مسجات
من زهراء مابيه حيل اكتب اتصلت فوراً طلعلي
علاوي ابنها كال
علاوي : منو
هاجر : اني هاجر حبيبي
علاوي : هلا بيج حبيبتي
هاجر : وين زهراء
علاوي : هسه اناديها زهراءءءءءءءءءء......... هاي
هاجر
زهراء : هلا كلبي شلونج
هاجر : الحمدلله وانتي
زهراء : مو زينه اخخ شحجيلج
هاجر : خير شكو ياستار
زهراء : امير راح يجنني
هاجر : ليش
زهراء : تعرفين حوراء ب بغداد
هاجر : اي
زهراء : كم يوم عدنا وكم يوم بيت عمو محمد
وامير مايعوفها دوم وياها هاي من عدا الحلويات
الي يجيبها يتعارك ويا علاوي علمودها والبارحه
كتل علاوي لان يفشر عليها تخيلي هو طفل
مايعرف اش يحجي وهيا الحيه اش يصير تكول
ل امير راح اجن كوه ساكته علمود ابني
هاجر : الله يعينج يمعوده هاي غثه وماتنجرع
مره جنت احجي ويا تميم وهيا اجت يمه وعافني
وبقه يحجي وياها واني على الاتصال ساكته
زهراء : معرف شنو مسويه الهم
هاجر : اي والله فد اكرها اموت منها مرات احجي
ويا يكلي بعدين نحجي اني يم حوراء ومن اعترض
يكول مثل اختي واني مايخليني احجي ويا تيم
بس بدون مايعرف احجي
زهراء : مايخليني احجي ويا ولد عمي وهو
بوس وحضن والله حضن يحضنها وهيا العار
تشبكه بقوة ونوب اذا اغار يكلي جاهله تغارين
من اختي هذا اش تحجين ويا
هاجر : انتي هم ضوجي واحجي ويا كلش شخص
هو يكرهو
زهراء : حتى يشكني هاجر امير مايتفاهم والله
اذا افكر اسوي هيج احسب الف حساب حتى يجن
عليه واني مابيه حيل جنانه
هاجر : الله يساعدج والله معرف اش انصحج
زهراء : يكفي سمعتيني ولج هاي رشا اذا تريد
شي وميار ماتقبل تكللها اكول لاخوج عندج علاقه
ويا رأكان
هاجر : يعني بنت عم تميم مرتبطه ب رأكان
زهراء : اي وامير وتميم واحمد يعرفون بس
مايحجون بعتبار كلهم سوه وشيصير محد
يحجي بس تبقه بينهم
هاجر : ها يعني اشون اني وانتي
زهراء : عفيه
دخلت ماما
مروة : اتمنى افوت عليج مره وماعتحجين
مع احد
زهراء : هاي امج خلي اسلم عليها
هاجر : اي خوش ماما هاي زهراء تسلم عليج
ماما اخذت التلفون مني وردت عليها
زهراء : شلونج عمه شخبارج
مروة : الحمدلله وانتي اشونج
زهراء : والله بخير
مروة : اخبار ابنج
زهراء : يبوس ايدج
بقو يحجون بعدها ماما كالت
مروة : كملي وتعالي تغدي
طلعت ماما كلت
هاجر : صايره تعرفين تحجين
زهراء : دنجبي اصلا محد يحجي نفسي
هاجر : يلا اروح اكل واكمل وراح لبيت عمتي
نبارك للياس افندي واسيل افندي
زهراء : خلي يولون
هاجر : شبيج ل قندرتي ولا اعبرهم
زهراء : تميم معوضج هههههه
هاجر : صح ههههه
سديته منها وطلعت اتغده كملنا وجدي كال
جدو : بدلو ورحو على بيت اميرة
محد حجه معناها راح نروح كملنا ماما كالت
مروة : روحي بدلي نروح بيت اميرة
بدلنا ورحنا عليهم بابا وصلنا وراح فتنا جان
الكل موجود من ضمنهم كرايب إلياس عمامه
سلمنا وكعدنا البنات ماكو رحت لغرفة تيم اكيد
هما هناك فتت جان اكو تيم وعمر وإيلا ورسل
وناريمان سلمت وكلت
هاجر : همزين جبت ناريمان نتونس وياها
عمر : اني اعرف اختار ما
هاجر : احسن من يختار والله صدك ايمتا تزوجون
عمر : بس تخلص مرحله اولى
هاجر : حلو اني هم انخطب بس اخلص
عمر وتيم وناريمان مصدومين ورسل تأشر اسكتي
وإيلا تعض شفتها واني هم نصدمت كلت بضحكه
هاجر : ههههه اشاقه شبيكم
عمر : عبالي
تيم : وكعتي كلبي
سولفنه شويه ونزلنا نتعشه ومدو سفره شكبيرها
الزلم وحد والنسوان بوحد لان كثار بعدها مشه كم
يوم طبيعي بين حجي مع تميم كال راح يسافر
...........
« زهراء »
اجت عمه ميرال ام حوراء كم يوم يضلون وياخذوها
و رأكان كل مايشوف حوراء يرزلها ويحجي عليها
أركان جان ساكت الشبه بينهم فضيع رغم مو
تؤام بينهم سنه أركان اكبر من رأكان كاعدين
البنات نسولف مادري شلون اجه موضوع هاجر
رشا : ابد مااحبها اصلا تميم مادرس متغير من
تعرف عليها
زهراء : هيا مو منتظره تحبيها كافي هو يحبها
وبعدين نيال تميم عليها غير تشك شك من جمالها
رشا : تميم هم يشك شك عيونه بل كفايه
حوراء : رشا ماشفنه عليها شي ترا
رشا : انت سدي حلكج كافي المصيبه الي
جبتيها ترا حالج حالها
زينب : انت معليج بااختي
رشا : انتي سدي حلكج كلبي محمل عليج وعليها
زينب : وليش عيني
رشا : من نفكست عينج ان شاءلله
زينب : تردين تتعاركين
رشا : مااحط عقلي وياجن
ميار : كافي بنات
رشا : اسكتي انتي لا اكول لكرار عليج
زينب : وليش تكوليله لو بكل سالفه تدخلين
كرار حرام عليج
رشا : اسكتي انتي
زينب : سجاد يكتلج وتطلعين حركتج بينه
رشا : اكلي خره حيوانه
زهراء : كافي شبيجن هسه انادي امير عليكم
زعاطيط انتن تتعاركن
رشا : وانتي الثاني سدي حلكج تزامط ب امير
خلي يفك حلكه اشكه
كملت اجه صوت امير
امير : اي رشا بعد ليش سكتي
رشا : ترا مرتك طوختها
ميار : لا هيا ماخلت احد من شرها تعاركن ويانه
بس بقت اختها و لمار
امير : عيب عليجن هسه شكولون عليجن
عيب بابا شبيج رشا عود انتي الجبيره
رشا : جاي نحجي ويدخلن هسه اني مااحب
حبيبة اخوي هذني شعليهن
امير : ليش عيني ماتحبيها كتلت ابوج
رشا : مااحبها مجاي تشوف اخوي شيصير
بي كل يومين يتعارك وياها وينكلب علينه
مامخلي شي بغرفته سالم يتكسر ويرجع
يشتري فلوسه خلصت عطور امي تكول
كل كم يوم يكسر ويشتري وغير المرايات
مو هسه راح يبدل غرفته نصها كسرها
امير : ماراح يبدل شي راح ينتظر بس تكمل
مرحله اولى يروح يخطبها
رشا : هذا العايز يخطبها حتى تجننه
امير : شبيج وياها
رشا : اهو امير ماحبها وبس
امير : المحبه من الله المهم تميم يحبها كافي
وانتي معليج وانتن كلجن معليجن والي اسمعه
يحجي ويجيب طاريها اكول ل تميم يتصرف
وياها فهمتن و زهراء الي يحجي الي تصرف
ويا اشوفه وجهي الثاني واعتقد كلجن تعرفن
وجهي الثاني مو رشا
رشا : واني شكو
امير : حجي مو بس الج للكل
رشا : وبيبي هم
امير : اي و راوية هم
طلع امير بس حبيت الي حجه رغم متعاركين
بليل راحو بس بقت يمنه عمه ميرال وبناتها
ولدها صعدت لغرفتي بدلت ل علي ونطيته
التلفون اجه امير توجهت للفراش انام
اجه لزم زندي وكومني وكال
امير : شعندج تنامين
زهراء : نعسانه
امير : بس لو افهم شكو تزعلين
زهراء : مو زعلانه
امير : ادري زعلانه ليش تصيرين جاهله ترا
حوراء اختي
زهراء : مو اختك
امير : مو اختي صح
زهراء : شكو تحضن وتبوس بيها تقبل احضن ابن
عمي لو ابوسه
امير : انهيج والله
زهراء : لان اهلي مو وياي تسيطر عليه بس
يجي يوم واضوج من هل عيشه وحتى علاوي
مااسئل علي وعلى اهلي مااروح اروح لخالتي
امير : ماله داعي هل حجي
زهراء : اله داعي لان اهلي وياك مو وياي بس
باجر هاجر تتزوج تميم مايسويلها شي لان
اهلها بظهرها
امير : اذا تسوي غلط لو مو اهلها
زهراء : وانت تقاويت عليه وتضربني واسكت
بس مو حباً بيك لا علمود ابني صابره وساكته
لو مو ابني جان عفتك من زمان
ضربني راشدي وبلش يضربني ويكول
امير : كل مااكول ماامد ايدي عليج تجبريني
انتي تحبين تنضربين
زهراء : وخررر
علاوي من الخوف يسوي نفسه نايم بعدها عافني
وراح يم علاوي كال
امير : كوم اطلع برااااا
علاوي طلع بدون كلام لان يعرف امير اذا جن
قفل الباب واجه هنا يبلش عقابه اجه تقدم يمي
وصار فوكي يبوسني بقسوة وبعنف كمل عافني
و راح يسبح واني مااكدر اكوم صرت ابجي
ثاني يوم ماحجيت ويا ابد رغم اعرف مايفيد
بل نهار يعتذر ويكول مااسيطر على عصبيتي
ولازم اتحمل عصبيته واسكت
الكل كاعدين كال رأكان
رأكان : اريد اروح ل اربيل
تميم : ليش لا نروح اليوم
امير : نتونس
رأكان : اني و تميم و امير و احمد و أركان
و كرار
تميم : اذا يجي كرار اني مااجي
أركان : مااجي اذا مايجي كرار
تميم : طبك نعل لا تجي
أركان : انت طبك نعل ماعاجبك لا تجي
بعدها اتفقو يروحون بس كرار وأركان ماراحو
وكالو حيدر يروح من يمهم لان هو قريب على
اربيل
.............
« هاجر»
تميم كال يروح ل اربيل مشت الايام واجت امتحانات
اخير السنه واليوم اخر امتحان رحنا للجامعه فرحانات
اخر يوم وتجي العطله الله هذا الشي الي نريده وصلنا
ودخلنا للقاعات نمتحن كملت وطلعت مجان اكو احد
تيم اليوم ماعنده امتحان باجر اخر امتحان اله
طلعت انتظر البنات بالكوفي شويه واجت ساره
فرحانه بعدها اجن الباقي كعدنا نسولف وطلبنا
اكل نسولف وانحطت باقه ورد بوجهي استغربت
دحكت وشفت تميم ابتسمت كال
تميم : شلونجن
البنات : تمام وانت
تميم : الحمدلله من رخصتجن بنات اريد اخذ
هاجر منجن
كمت ويا كال
تميم : عازمج بس ماادري وين نروح انتي علميني
هاجر : مو لازم
تميم : لازم
هاجر : خاف احد يشوفنه
تميم : انتي وياي لا تخافين
هاجر : حرام اطلع معاك
تميم : كولي مااثق بيك مااكدر اجي وياك اخاف
منك على نفسي
هاجر : لا لا مو هيجي بس والله اخاف احد
يشوفنه
تميم : امشي كدامي
مشيت كدامه وصلنا للسياره صعدت بالصدر وهو
بلش يدور اغاني و وقف على اغنيه ويغني وياها
صوته جان يجذب المستمع حيل حلو نصى الاغاني
وكال
تميم : اهلي هل يومين ثلاثه جايين للموصل
يرتاحون ثاني يوم نجي نخطبج
ماكدرت اخفي ابتسامتي كلت
هاجر : بس مو هسه تطلع النتائج
تميم : متاكد تنجحين
هاجر : سوي الي يعجبك
وصلنا مطعم نزلنا واجه الكرصون جاب منيو ثنين
وصينه اكل كال
تميم : تدرين شكد فرحان ومتحمس باعي العرس
يصير وره شهرين
هاجر : شنووو لااا
تميم : صوتج ادبسزز
هاجر : لا ترا فترة الخطوبه حلوة
تميم : الخطوبه للتعارف واني اعرفج وانتي
تعرفيني شكو بعد
هاجر : ميخالف حباب
تميم : اربعه اشهر
هاجر : سنه شبيك
تميم : لا شعندي
هاجر : حباب ترا الخطوبه احلى شي
تميم : 6 اشهر ماكو اكثر
هاجر : اوكي
اجه الاكل اكلنا ورجعني قريب من البيت ونزلت
للبيت جانو عمامي وعماتي عدنا رحت ابدل
واجو وياي إيلا ورسل كتلهن
هاجر : تميم راح يخطبني بعد يومين او ثلاثه
إيلا : يمه كلبي صدكككك
هاجر : والله
رسل : حبيبتي الف مبروك تستاهلين
هاجر : خايفه
رسل : من شنو
هاجر : اخاف مايوافقون
إيلا : يوافقون معليج
هاجر : واخاف يوافقون
رسل : عجل شنو تريدين
هاجر : اخاف من العرس والمسؤوليه
إيلا بغمزه : من العرس خايفه
هاجر : ادبسزز اي خايفه شبيج ترا صارت السالفه
جديه
رسل : هاي سنة الحياة مو بيدنه تدرون عرسي
بعد اسبوعين
هاجر : عزهههه صدك
رسل : اي
إيلا : الله حماس صار عرسين
هاجر : تيم كال هم يخطبج من يكمل امتحانات
إيلا : ادري
هاجر : الله ثلاث اعراس
خابرت تميم كلت
هاجر : مااريد اهلي يعرفون عندي علاقه بيك
تميم : لا تخافين كلت لاهلي واتفقت وياهن
الي عليج تسوين نفسج ماتعرفين احد فهمتي
كلت اي وسكتت ثلاث ايام واجو وصدفه جانت
عدنا عمه اميرة اندك الباب طلعت فتحت الباب
وشفت ملاك وام تميم وحده جبيره مااعرفها
وحده شابه
سلمت عليهن وام تميم باستني وملاك هم والمره
الجبيره هم باستني بس الشابه غلست عليه
ميته عليج على اساس دخلتهن للصاله
وامي وعمه موجودت استغربن وماما وعمه
سلمن عليهم وكعدو بدون مقدمات ام تميم كالت
ماسه : ياعيني اجينه نخطب بنتكم ل ابني
امي وعمه انصدمن
مروة : نتشرف بيكم
اميرة : بس ما مبين عليكم من الموصل
ماسه : من بغداد وهاي بنت حماي ساكنه موصل
قبل كم يوم ابني شافها بل جامعه اجه ويا جماعته
وعجبته وضل وراها للبيت وهاي اجيناكم
انصدمت يمه اكيد هو معلمها تحجي هيجي
اميرة : عذرونه عيوني بس مانزوج بنتنه
ام حيدر : ياعيوني انطونه صبر
ماما اشرت بعيونها كومي فهمت لازم اسوي
ضيافه ترخصت وكمت احضر انهضمت من
عمه اميرة ليش ترفض فوراً حضرتها واخذتهن
قدمتها وعمه وماسه تبتسم تطمني كالت
ماسه : ابني يشتغل ويا ابو بمعرض سيارات
وغير هيج طالب مرحله اخيره جامعه صيدله
مروة : نشوف ابنج
عمه ماسه تطلع بتلفونها قدمته النه شفنه الصوره
امي كالت
مروة : الله يحفظو الكم
ماسه : فدوه الكلبج
مروة : اسئل ابوها ونردلكم خبر ان شاءلله
حجو شويه وطلعو وراحو كعدنا على السفره مال
عشه عمه كالت
اميرة : هاجر جوها خطابه من بغداد
وحجتلهم اشون سالفه كملت جدي كال
جدو : ترفضون
نهضمت والدمعه بعيني سكتت اكلت شويه وكمت
رحت للغرفه فوراً بجيت شويه اجت ماما شافتني
كالت
مروة : حس كلبي تريدي
هاجر : خوش قسمه ليش يرفض
مروة : يمه بعيدين
هاجر : واذا
مروة : شيعيه
هاجر : شفتي اشكد حلو وخوش قسمه اريدو
اخلص من إلياس
مروة : احاول اقنعهم
بليل اتصل تميم رديت كال
تميم بعياط : حقيرههههه جلبههه رفضتيييي
مووو انييييي اعلمججججج
هاجر : بس اهدئ شكو
تميم : انيييي ترفضينييييي مووو انييييي اللييي
انرفضضضض ليششششش
هاجر : والله مو اني جدي
تميم : يعني مو انتي
هاجر : مو اني والله
تميم : باجر يجون هم
هاجر..........
....................
انتهى البارت
مااحجي عن تعلقهم برب العالمين وصلاتهم
مو معناها مايصون او يزورون بس نحنا مانذكرها
بس هما يصلون ويزورن وبعدين تعرفون
شنو تتوقعون يصير بنوتات علقو بين
بين الفقرات وصوتو
- يتبع الفصل التالي اضغط على (رواية قسوة احفاد ال هتان) اسم الرواية