رواية قسوة احفاد ال هتان الفصل الرابع و العشرون 24 - بقلم هاجر النعيمي
part 24
بقلمي ( هاجر النعيمي )
......................
ثاني يوم هم اجو وبنفس اليوم بليل اجاهم الرفض
تعبت نفسيتي حسيت ماكو امل نرجع ورجع
تقدم للمره الثالثة وهم رفض والرابعه وهم رفض
لما رفضهم جدي للمره الرابعه ماعاد راسلني يومين
مايرد اراسله ماكو
كاعدين مسوين عصرونيه وجانت عمه اميرة عدنا
مع إلياس وتيم لارا ويارا واسيل اندك الباب طلع
تيم رجع كال
تيم : خالو اكو زلم يريدوك بالباب
علي : تعرفهم
تيم : اول مره اشوفهم حسيت اكو شي روح
شوفهم
بابا طلع وطلع ويا جدي واني رحت
من وره بابا المطبخ اشوف منو شفت تميم
ويا رجال شويه جبير دخلو يمه كلبي فدوه لهل
طول
دخلو للستقبال ربع ساعه وصوتهم صار عالي بشكل
خرطت العافيه الف فكره اجت براسي رحنا نسمع
عليهم كلنا النسوان سمعت تميم يكول
تميم : الي عندي كلته الكم اريد الموافقه بنتكم
ماتروح لغيري لو اعرف اقتلها واقتل نفسي اني
شاريها انطوني ياها عمي انت تريد مصلحة بنتك
مصلحتها وياي اني احبها وهيا تحبني بعد انت
شفت كلشي
جدو : اطلعو برااااااا
متت خوف شنو تحبني واحبها شنو انت شفت كلشي
خفت حيل ماكو دقائق وحسيت جدو دفعني وكعت
وصار يضربني وبابا ساكت تيم معصب ويخزر بيه
إلياس بعد جدي وكال
إلياس : غير نفهم اش عملت حتى هيجي
تضربها
جدو : نزلت راسنا هاي الكح*** تحجي مع اولاد
والي اربعه مرات جا ورفضنه هيا تحكي معا عدها
علاقه بي
إلياس لزم ايدي وكومني وجابني براشدي حسيت
بل ذل اني انضرب كدام الكل كالت
اسيل : والله يا جدو حسيت من زمان عدها احد
بس مامتأكده نزلتي راسنا الله يسود وجهج
مااكدر ارد المشكله احس كلشي يحجو صح
ليش تميم ليش تخليهم يضربوني ما انت كلت
مااسمح لاحد يمد ايدو عليج تعال شوف صرت
ملطشه الهم
ليش كسرتني وكلتهم ليش كتلهم جان اكو الف
حل بس ماهذا احس بالخذلان والذل والنقص
والرخص وكل شي بشع احس بي ماما بعدتهم
عني وكالت
مروة : اذا هيا تحبو انطوها خلي يزوجون
جدو : كلو منكي انتي السبب ماعرفتي تربيها
مروة : هو ماضحك عليها جا خطبها انطوها
هو يريدها احسن مايصير شي استرو عليها
تبقى بنتكم
جدو : لو مابنتنه كان ذبحتوها
علي : لو يموت ما يشوف اظفرها لو هسع هيا
تموت ماانطيها الو لو يبقى اخر واحد
جدو : ماسمعت اشون يهددني اني اتهدد اخر
عمري يجي عجي ( زعطوط ) يهددني
إلياس : تريدون نسد الفضيحه
احس نفسي ارتكبت جريمه رغم بس حجيت
ماسويت شي ليش يكولون فضيحه ليش اني
مافضحتهم بس حبيت ذنبي انو حبيت شخص
يستاهلني لو ذنبي حجيت ويا ربي انت اعلم
بحالي خلي من نصيبي
جدو : اي اشون عقلي مايستوعب
إلياس : سهله اني ازوجها واستر عليها
هنا تخبلت اخر شي اتزوج إلياس لو اموت كلت
هاجر : والله لو تضل بس انت ماازوجك ياحقير
اشون تقبل بوحده ماتريدك اشون تقبل بوحده تحب
غيرك اشون تقبل بوحده كلبها وعقلها وكلشي يم
غيرك اشونننننن
حسيت على راشدي من بابا جانت اقوة وحده
من بين كل الضربات اني الي بعمرو ما مد ايدو
عليه هسه يضربني كال
علي : تزوجين إلياس مبين طمعتوج كثير وصرتي
وقحه وادبسزز وماعاد تستحين
دموعي تنزل بغزاره رحت للغرفة ابجي للحال الي
وصلت اله واسمع صوت اسيل تبجي وتتوسل
انو يلغون هاي الفكره تكول
اسيل : خلي تيم يتجزوها يونس بس لا إلياس
إلياس لا تكسرني حباب الله يخليك لا تاخذها
اسمع توسلاتها وابجي اتمنى يقتنعون منها اول مره
مااتشمت بيها وين اروح وين اولي شنو اسوي
ياربي ماالي غيرك ياربي امنع هل عرس ماريد
إلياس والله انتحر ومااخذو
تعب عشت اسبوع تعيس محد يحجي وياي وحدي
بالغرفه عشت منبوذه بوسط اهلي تعبي يوم بعد
يوم يزيد كم مره اسمع إيلا ورسل وره الباب يبجون
ويدعولي احجي وياهم من وره الباب الطلعه صارت
محرمه عليه من للغرفة للحمام فقط
بابا ماشفتو ابد كسرني بضربتو الي احس سجينه
مو راشدي لحد هسه احس بوجعو طلعت من
صفنتي لان صوت المفاتيح مال باب فات بابا
ماكدرت احط عيني بعيونو ماجنت اتمنى يصير
هيجي كعد يمي كال
علي : اني مااستاهل الي سويتي بيه نضراتهم
عليه عبالك ماعرفت اربي كسرتيني كسرتي
ثقتي صارو يشمتون بيه ويكلولي هاي الي
رافع راسك وتحكي بيها تحكي مع شباب ومصاحبه
مااكدر اسكت احد بيهم كلتهم حجيهم صحيح
جنت افوت بنص عيونهم اذا حجو عنج هسه هما
يفوتون بعيوني ليش
سكتت مااكدر ارد شنو احجي مجرد دموع دموعي
رفع راسي وكال
علي : دموعج تأذيني دموعج تشعل كلبي انتي
عزيزتي مااتمنى اشوف عزيزتي بعيونها دموع
اسف لان ضربتج بس حالة عصبيه قدري وضعي
عيوني بعيونو وعيونو مليانه دموع رجع كال
علي : ماريد زواجج من إلياس بس هذا الحل
حتى الولد ينساج هو ما من ثوبنه اخلي إلياس
يخطبج فتره واخلي يطلكج بس عما هذاك
الولد ينسى
هاجر : اني ما عار عليكم ما فضحتوكم اقتلوني
خلصو من عاري اقتلني حتى لا احد يحجي عليك
ماجنت اتمنى اخلي احد يحجي عليك جنت اتمنى
يحجون عليك بتربيتك الحلوة اني السبب يحجون
عليك بسببي انت ربيتني ودللتني وعلمتني انت
السبب بوصولي لهنا واني جازيتك وخليتهم يحجون
عليك اسفه ماقصدي هذا الشي جان همي اتونس
معرف اشون صرت احب...
سكتت استحيت اكملها كال
علي : تحبي
هزيت راسي ب اي كال
علي : مايرهملج انتي سنيه هو شيعي ابو واصل
بل وزاره ونحنا لا بنتي اذا اخذتي تتعبين اي شي
يصير معا غير انو هما من غير محافظه مااكدر
أمن عليج يمهم خصوصاً مانعرفهم
هاجر : خلي خالي يسئل عنهم بابا هو نيتو زينه
حتى خلاني اتعرف على اختو وامو وكرايبو
علي : مااكدر اوديج للتهلُكه
حضنتو وبست راسو وايدو وكلت
هاجر : الي تشوفو مناسب سوي قابلة بكلشي
باسني وكام طلع شويه واجت ماما كالت
مروة : ليش قبلتي بس فهميني اشون تقبلين
ب إلياس
هاجر : كلام بابا تعبني خلاني مااريد شي غير
رضا
مروة : كلشي ينحل حتى لو ماتزوجتي هذاك
المهم ماتتزوجين إلياس
هاجر : بابا كلج
مروة : سمعت ابوج وجدج يحجون ويكلو
يومين ويجيب الشيخ ويعقدون هاجر ارفضي
حبابه لا تقبلين ليش إلياس ياربي
ضلت تحجي معايه علمود ارفض بس ماعندي
سبب ارفض مااريد بس مجبوره السبب كلام
بابا احس بكلامو كسر كلبي صحاني بس بعدني
اريد تميم
ثاني يوم اجت إيلا ركض كالت
إيلا : ماكو وقت اسمعي زين تميم راسلني وكال
لهسه ماردو خبر يفكرون الضاهر مايعرف راح
يعقد عليج إلياس هاجر راسلي اكيد هو يمنع
هذا العقد تميم يريدج بس صابر لان ماكو رد
وعبالهم نفكر هسه تتصلين بي وتكليله كلشي
بمختصر هاجر ماكو وقت اخاف احد يجي
كتلهم اروح حمام
اخذت التلفون وارجف اتصلنا رد كلت
هاجر : تميم
وبجيت ماتحملت كال
تميم : اخخخ فدوه اروح لهل صوت كم يوم وانتي
يمي لا تخافين ابوي كال باجر يردون خبر باليل
هاجر : باجر العصر راح يعقد عليه إلياس
تميم : ش شنوووو شتحجين
هاجر : فدوه اسمعني ماكو وقت لازم افهمك
بمختصر كالولكم هشكل حتى تسكتون شويه
وباجر بليل اكون مرت إلياس واكيد يرفضون
لان ماراح تكدر تسوي شي تميم اذا تريدني وتحبني
تلكي حل هل يوم لان باجر اني مااكدر اكون
مرتك حتى بحلمنا خلصني من إلياس فدوه
مااكدر اتزوج واحد غيرك
سده بوجهي لا هو الي انطاني امل ولا هو الي
رفض سكت وبس ياربي شنو راح يصير كلت
هاجر : احس الي سويتو غلط
إيلا : بالعكس صح لا تفكرين كثير ارتاحي
هو فهم لو يحبج راح يمنع الزواج
كملت كلامها وطلعت بسرعه لان ممنوع احد يجي
يمي جنت الوب اريد اعرف تيم شبي من يوم
الحادثه وماعرف عنو شي ليش عافني بهل شكل
اشون قبل اتزوج إلياس طيب وعمر اشون قبل
التفكير هلكني تعبني فوك تعبي بعد ساعه صارت
اصوات عاليه بعدها اجه جدي وإلياس جدي كال
جدو : هذا الك*** مالج بالستقبال من وره الباب
تكولين مااريدك ومااحبك جنت اضحك عليك
سكتت لان مستحيل اكول هيجي شي تقدم إلياس
وحط سلاحو براسي وكال
إلياس : لو تكونين الي لو ماتكونين لاحد
خفت من الموت مااريد اموت جذب لما اكول اريد
انتحر بس حجي ماانفذ طلعنا ولاول مره بعد مرور
اسبوع وكم يوم اشوف الكل اسيل حالتها تكسر
القلب جانت نضراتها الي وافقي على الي تحبي
وعوفي إلياس
إلياس سحب اقسام وحطه براسي همس
إلياس : تكولين نفس ماكال جدو
هزيت راسي معرف منو وره الباب سئلني اذا
اريد تميم او لا كلت وصوتي يرجف وبي بحه
هاجر : لا مااريدو مااحبو
سمعت صياح تميم يكول
تميم : جذببببب والله جذبببب اكص ايدي منا
اذا مو هسه مهدديها شيخ تريدني والله تحبني
بس هما يهددوها مايصير شي بالتهديد مو صح
مدري الشيخ شكال بعدها وجه الكلام الي وكال
شيخ : متاكده انتي ماتريدي ولا تحبي لو انتي
تحت التهديد
همس باذني كال
إلياس : كولي اي اني مااريدو محد هددني
هاجر : اي اني مااريدو محد هددني احجي من
كيفي
تميم : جذببب شيخ والله جذبببي احلفلك هسه
هما مهدديها خلي تحلف على القرآن ماتريدني
ساعتها اروح والله واعوفكم
فرحت انو هو مو صدك رافض كلامهم الشيخ
كال خلي البنيه تلبس وتجي
إلياس : تحلفين واني اطلع كفاره عنج اذا كلتي
اريدو اقتلج
هزيت راسي
لبست عبايه وطلعت جان بس الشيخ وبابا وعمامي
جان القرآن على التخم تقدمت كال
الشيخ : تحلفين محد مهددج وانتي ماتريدي
هزيت راسي بس شفت القرآن بجيت كلت
هاجر : إلياس حط المسدس براسي ويكلي
اذا توفقين اقتلج
اسمع عياط تميم وهو يكول
تميم : مو كتلكم اكبر جذابين
الشيخ : يعني تريدين تميم
هاجر : اي وإلياس هددني وهسه يكلي اذا وافقتي
من تطلعين اقتلج
عمامي وبابا وجدي وكفو على حيلهم
طلعني الشيخ وكال محد يطلع وراها دخلو
تميم والي ويا كال تميم بصوته الرجولي الي هزني
هز
تميم : عمي اني رايد بنتك على سنة الله ورسوله
وشكد تطلبون حاضرين شنو تريدون يجرالكم
المهم اتزوجها عمي انت اكيد تريد مصلحتها
مصلتحها تتزوجني ثق بيه راح اسعدها ومااخلي
احد يمسها بكلمه عمي موافقتك هيا راح تسعدني
وتسعد بنتك واني مااكله مثلها وانت اكتب شنو
تريد واني موافق حتى لو جان اشتري بيت واعيش
يمكم
علي : باجر نرد الخبر
تميم : خايف منكم
علي : بس نفكر وهاي شواربي
تميم : هاي هيا
طلعو واني رحت للغرفة ركض اندفر الباب وفات
إلياس وجدو إلياس مبين متحلفلي ضربني راشدي
واجه يكمل بس صوت بابا الي وقفو كال
علي : الي يمد ايدو اكسرها
راح يم إلياس وضربو راشدي وكال
علي : هذا رد للراشدي الي ضربتها هو هسه
فرحت ودموعي نزلت طلعو واجه يمي واجت ماما
كال
علي : تريدين تميم
هزيت راسي ب اي ضحك وكال
علي : هذوا باجر ارد خبر موافقين خلي يجيب
مشيه
ثاني يوم ردو خبر الهم على اساس وراها بيوم
المشيه والعقد وحفله بس جدي تعب بسبب بابا
لان وافق اطرينه نسويها بسيطه لبست فستان
بسيط جان لونه ابيض
اجت عمه مريم وبيت عمو تامر بيت عمو ثامر
عدهم عزيمه بيت اهل جنات مااجو جنت انتظر
عمه اميرة تجي بس مااجت ضجت لان مااجت
وحزت بخاطري كاعدين وكالو السيد راح يعقدلكم
رحت وره الباب وكعدت على الكرس
وحطيت رجلي بماي معرف شنو بداخله وبيدي
قرآن بهل اثناء دخلت عمه اميرة اجت سلمت
عليه بس جان وجها ثكيل بعكس اسيل الي
طايره فرح اعرف مو علمودي بس لان خلصت
مني وماراح يحطوني ويا إلياس
السيد بدأ يحجي وبعدها طلب موافقتي وافقت
وطلب موافقت تميم هم وافق كمل واسمع تميم يهلهل
صرت اضحك علي والكل مبتسمين وصرت زوجت
تميم كالو راح يفوت يلبسني مجان اكو احد من
كرايبهم غير امير وزهراء بس الزلم كلهم اجو
بس نسوان امه وخواته وبيبيته وزهراء
دخل جنت منزله راسي رفعت راسي اشوفه
جنت اتمنى هاي الحضه وهسه صارت وكف يمي
كال
تميم : صرتي الي بعد
ابتسمت رجع كال
تميم : محظوظ لان اخذتج احبج ياقيطان كلبي
اخذ ايدي وباسها وباس راسي وخدي صرت حمره
ومستحيه لان كلهم يدحكون علينه بعدها كال
تميم : جيبي ايدج
هاجر : ليش
تميم : اروح البس ابوي الحلقه احسن
ابتسمت ورفعت ايدي الي ترجف لزم ايدي ولبسني
الحلقه الي انصدمت منها جانت الماس ماتوقعت
كلت
هاجر : الماس مو غالي
تميم : كلشي يمج يصير رخيص
رجعت ابتسمت ناده امه مدري شحجو وكالت
ماسه : عيني مروة خلي يروحون للغرفة يحجون
امي وافقت ورحنا للغرفة دخلت وهو دخل وراي
سد الباب وكف وره الباب تنفس براحه واجه يمي
لزم ايدي باسها وباس خدي كال
تميم : من سنه واني اتمنى هاي الحضه وهسه
تحققت بس بتعب مااخذتج بالسهل جبتج بالصعبه
ماجنت اعرف شون احجي كال
تميم : ابوج عباله يكسر ظهري بالمهر مايدري
الفلوس نلعب بيها اذا نمل
هاجر : طلب هشكل حتى انت بلكي تتراجع
تميم : لو اعرف ابيع كليتي واخطبج المهم تصيرين
الي وهسه انتي الي
ابتسمت تقرب يمي كال
تميم : حمرتج حلوه تشهي
هاجر بغباء : احطلك
تميم : اني احطلي تعالي
طبع شفايفه علة شفايفي رجفت ب يد لزم خصري
وبيد الثانيه لزم راسي توجعت وضربته بخفه على
راسه بعد وكال
تميم : شبيج
هاجر : اذيتني
تميم : اسف تعالي
رحع طبع شفايفه على شفايفي بس بحب ورومانسيه
اختنكت اريد اتنفس انتبه بعد وكال
تميم : اني بدون ماتتفاعلين افول نوب تتفاعلين
خجلت امداني شبيه تفاعلت عاف شفايفي ونزل
على ركبتي بقه يشم بعدها غض شفتي توجعت
كلت
هاجر : شبيك ليش تعضني توجعني
تميم : ترا ماأذيتج بس انتي ترفه بسرعه تتوجعين
هاجر : والله وجعتني
تميم : اسف ماعيدها
باس مكان العضه اندك الباب كال بنزعاج
تميم : منووو
ملاك : اني اطلع راح نروح
تميم : مشغول روحي وتعالي بعدين
ملاك : بيبي تكول ماشبع خلي يجي
تميم : ليش انتو تخلون واحد يتهنى
ملاك : اني معليه
تميم : هسه اجي
كمل كلامه ورجع طبع شفايفه على شفايفي شويه
وعافني كال
تميم : هاي طاقه تكفيني كم يوم
ردت اطلع كال
تميم : عدلي مكياجج اول شي
رحت للمرايه شفت الحمره خربانه وكف يمي كال
تميم : خرب شفايفي صارت حمر هسه اصير
مضحكه للولد
هاجر : انطيك كلينس
انطيته كلينس واني اخذت عدلته وهو مسح شفايفه
وطلعنا
راوية : شبيك رحت وياها وماطلعت شيحجون
علينه هسه
تميم : مايحجون لو مو انتو جان هسه ابات يمهم
راوية : اي بعد افضحنا
تميم : شبيج بيبي غير نتونس
راوية : ادبسزز مو بيدك
تميم : نتعلم منكم
راوية : شحجي وياك هسه يلا كوم نروح
راحو واني رحت اسبح ونمت كعدت الصبح فرحانه
اتريكنا كملنا بابا رجع تلفوني راسلت البنات وحجيتلهن
شصار بل بداية خافن بس من خطبني لا ارتاحن
راسلت بنات خالاتي حجيتلهن وفرحن طلعت ماما
جانت تحجي ويا خالاتي اتصال جماعي كامرة وكالتهم
هاجر نخطبت وماعزمتكم صارت بسرعه
بابا سوه غزيمه علمود خطوبتي اجو عمامي
وعماتي جانو الكل فرحانين بس عمه اميرة وجدو
وإلياس ما عاجبهم الوضع تيم وعمر تقبلو الوضع
لان يسعدني كلت
هاجر : عمر كوم جيب ناريمان
عمر : حضري ملابسج اسبوع الجاي عرسي
هاجر : عزهههههه صدكككككك
عمر : اي راح اصير عريس
هاجر : واحلى عريس
قاطع حجينه صوت عمه اميرة وهيا تكول
اميرة : بهاي المناسبه جيت اطلب ايد إيلا ل
تيم
كلنا بتسمنا بس إيلا خجلت وطلعت كالت
مريم : وين القي احسن من تيم
طلعت تخابر زوجها وتكله لان عمه اميرة كالتها
نريد الجواب هسه شويه واجت عمه مريم فرحانه
مريم : إيلا انتي موافقه
إيلا هزت راسها وبلشت الهلاهل يوسف جاب تلفوني
شفت المتصل تميم ابتسمت ورديت كدام الكل
الحضه الي اتمناها ارد وكدام الكل وصارت كلت
هاجر : هلا حبيبي
الكل انتبه عليه لان حجيت بصوت عالي كال
تميم : انعل ابو حبيبج لا جذب اسف محمد
محمد : ابن القندرة مو عليه
تميم : مو كتلك اسف نرجع الج حبيبي شلونج
هاجر : الحمدلله وانت
تميم : هسه صرت بخير.... انجب حيوان
هاجر : هاي شبيك
تميم : امير واحمد يقلدون علي ولد النعال
امير : اذا مااكول الابوي يش *****
تميم : ماتروح انت وابوك... هلا عمي هلا تاج
راسي فدوه الك شكد احبك بس هذا ابنك قندره
اقصد ولدك
ادريان : اليوم البارحه قنادر
واسمع انواع الضحك وتميم متشمت بيهم ويضحك
عليهم كلش حبيت الوضع حجيت شويه وراح
لان بيت عمهم مو بيتهم سوالف وضحك كمت
اروح احط تلفوني على الشحن لان مابي خليته
واجيت اطلع طب إلياس وسد الباب وكال
إلياس : فرحانه؟
هاجر : كلش
إلياس : فرحتي لان كسرتيني
هاجر : جنت يمك بس انت ماقدرة النعمه الي
جانت بيدك
إلياس : ندمان بكد شعر راسي
هاجر : ابد ماينفع ماراح انسى الوجع الي سببتو
الي ولا راح انسى كلامكم الجارح ولا انسى لما
حطيت المسدس تريد تقتلني علمود لا اقبل بغيرك
ليش اناني انت ماجنت هشكل جنت انسان ينحلف
بي ليش رحت للغلط ليش تغيرت
إلياس : ماعرف بس الي اعرفو اريدج هاجر احبج
والله مااكدر اشوفج مع غيري
هاجر : راح تشوفني مع غيرك وكثير هم
إلياس : افسخي الخطوبه واخطبج شنو تريدين
اجيبلج
هاجر : اني اريد انسان يحبني يحترمني يقدرني
مايخوني ضليت ويا سنه ماسمعت منه كلمه مو حلوه
بعكس لما جنت وياك تسمعني حجي واسكت لان احبك
بس حبي الك ماغزر بيك من اول مشكله الكاك خاطب
ومنو اقرب وحده الي
إلياس : غلطت وندمان والله
هاجر : ندمك ماينفع
إلياس : انصحج فسخي الخطوبه ماعرف اشنو
ممكن يطلع معايه
هاجر : شنو يطلع بله
تقرب يمي اني رجعت لوره صرت يم الجربايه دفعني
وكعت على الجربايه وصار فوكي لعبة نفسي ادفع بي
مايكوم كلت
هاجر : كوم لا اصيح كومممم بعد عني شبيكككك
إلياس : لو تكونين الي لو ما لاحد
نزعني الشال وصار يشم بركبتي اجيت اتقيئ لعبة
نفسي وانقطع النفس مني اريد بس يوخر ماكو
ادفع بي بس هو اقوه ماكدرت مادري منو فتح الباب
وصار يدفع ب إلياس بعدها سمعت
إيلا : كومم لا تفضحنه إلياس شسوي تخبلت
دفعها إلياس بقوه وكعت وصارت تتلوه دفعته
بقوة وكع واني كمت عليها اريد اكومها ولزم ايدي
كال
إلياس : هذا ماتعب بيج مايستاهلج اني تعبت
هاجر : انت خبل والله خبل عوفني حرام عليك
ماتشبع انت ما مزوج اش تريد مني بعد عوفني
على صوتنه اجه عمر وتيم عمر يريد حجه على
إلياس وتيم هم وصارو يضربو وطلعو تيم اعتذر
وطلع خجلان ماجنت اتمنى يجي واحد منهم
كاعدين واني ابجي وإيلا تهدي بيه كلت
هاجر : المفروض تميم بس الي يلمسني مو غيره
اني مرته ولمسني هذا النذل احس نفسي وصخه
لج هاي ثاني مره يريد يعتدي عليه مو كافي
إيلا : شنوووو ثاني مره شنو
هاجر : اي يوم الي رحتو تجهزون وبقيت وحدي
اجه وجان سكران بس الله نقذني
طبت عمه اميرة لغرفتي كالت
اميرة : هاجر اريد احجي معاج موضوع
إيلا : عجل اني اروح
اميرة : خليج ماغريبه
هزت راسها وكعدت اجت يمي وكالت
اميرة : خطيبج ب اشنو احسن من إلياس
انصدمت منها وضحكت على حجيها رجعت كالت
اميرة : ابني مايستاهل الي تسوي بي ليش تنخطبين
ليش ابني يريدج يتعذب على فراكج اشون يشوفج
بحضن واحد غيرو ليش ماتحسين بي
هاجر : عمه انتي شتحجين نسيتي ابنج شنو سوه
بيه هو الي عافني هو راح خطب غيري لما جنت
حبيبته فضل اسيل عليه وتكولين يستاهلج وبشنو
تميم احسن عمه ماكو مقارنه بين تميم وابنج
اميرة : تميم مايستاهلج ما جا وتوسل بيج ولا
تعب علمودج
هاجر : كلكم تعرفون عندي علاقه بي من زمان
تميم من سنه مرتبطه بي عشنه ايام سوه جنت ويا
رغم مااحبو بس بعدين حبيتو عوضني عن كلشي
سواني انسانه تستحق الحب بعد ماابنج سواني
انسانه مذلوله تستحق الكره والحقد
اميرة : من اسيل مو منو
هاجر : ابنج الي خلاني بلا كلب ابنج كسرني
بالوقت الي لازم يحافظ عليه بي كسرني وجا
تميم الي صلح كسري اجه خلاني احب نفسي
واثق بيها بعد مانعدمت ثقتي بنفسي والفضل
لابنج وتكليلي يستاهلج
اميرة : يستاهلج ابني بسببج يرجع بليل سكران
كل يوم مشكله مع اسيل كل يوم مشكله مع ابو
ايمتا يرتاح
هاجر : هاي حوبتي ودعواتي عليهم بلشت تطلع
بعد سنتين بعد سنيتن شفتهم وشفت حالتهم الي
وصلولها شفت انكسار اسيل اكثر من مره والسبب
اني لان راح يزوجوني لزوجها شفت انكسار إلياس
من راح يزوجوني غيرو من رحت من ايدو
اميرة : ابني يحبج مايستاهل صيرو انتي واسيل
سوه ميخالف صيرو ضراير المهم ابني يرجع نفس
قبل ابني عدخسرو يوم بعد يوم
هاجر : هههه تشاقين صح
اميرة : اذا ماعفتي خطيبج ورجعتي لابني لساني
مايطخ بلسانج ولا تجين عندي ابد ولا اني اجي
هاجر بصدمه : عمه شبيج
اميرة : الي عندي كلتو مااريد اخسر ابني علمودج
هاجر بدموع : اي صح لان ابنج ماتريدين تخسري
بس عادي اذا خسرتي بنت اخوج عادي اذا كسرتوها
عادي اذا لعبتو بيها عادي اذا ابنج حاول يعتدي عليه
مرتين عاد.....
قاطعتني
اميرة : شنو
هاجر : اي اي ابنج مرتين يحاول يعتدي عليه اول
مره كدرت اخلص نفسي لان سكران ومايعرف
شنو يسوي ومايكدر يسيطر على نفسو بالمره
الثانيه إيلا وعمر وتيم لحكوني بالمره الثالثه
منو يلحكني منو يخصلني من ابنج اناني يريد
نفسو وبس طماع يريدني ويريد اسيل يحبني
ويحبها بنفس الوقت مايكدر لا على غيابي ولا
على غيابها
اميرة : هيا توافق اني اقنعها توافق بيج
هاجر : من كل عقلج اعوف الشخص الي عوضني
عن الدنيا كلها
اميرة : يعني تعوفيني وما تعوفي
هاجر : ماتتقارنون انتي عمتي وهو خطيبي
اميرة : خليج معا بس هاجر لساني مايطخ لسانج
لحد مااموت
عافتنه وطلعت انداريت على إيلا بعيوني الي مدمعه
كلت
هاجر : كلت الدنيا فرحتلي الدنيا راح تعوضني
تجي عمه تريد تبدي مصلحة ابنها على مصلحتي
ليش لان طماع واناني كسرني ويريدين لما جنت
معا يرزلني ويغلط عليه واني صغيره اخاف احجي
علي لا يسويلي شي لان جان يضرب كل واحد
يرفضلو طلب
إيلا : اهدئي شبيج
هاجر : اهدئ شلون جنت يمو مايعبرني من عفتو
صار يريدني ليش هل انانيه اريد افهم
إيلا : عمه تزعل فتره وترجع ترضه ماعليج بيها
.............................
انتهى البارت
شنو رأيكم حبيتو البارت وشنو تتوقعون
بنوتات صوتو وعلقو بين الفقرات مجاي انشر
هواي بسبب الدرس وتدرون نص سنه ولازم
ندرس وننجح اتمنى الكم التوفيق
- يتبع الفصل التالي اضغط على (رواية قسوة احفاد ال هتان) اسم الرواية