رواية قسوة احفاد ال هتان الفصل الخامس و العشرون 25 - بقلم هاجر النعيمي
part 25
بقلمي ( هاجر النعيمي )
................
مر يومين على المحادثه الي دارت بيني وبين عمه
اميرة وصدك تخابر امي وتسئل على الكل اله اني
هيا تحبني اكثر وحده حتى تحبني اكثر من البنات
معقول تبدي مصلحة ابنها على مصلحتي انتي غبيه
طبعاً هذا ابنها انت بنت اخوها
تعبت ماعاد الي خلك اتحمل كل يوم مشكله ومااعرف
اخرتها شنو تميم ياراسلني مرات اجاوب مرات اغلس
راسلني كاتب
💬 تميم : ليش متغيره معاجبني حالج
💬 هاجر : ماكو شي
💬 تميم : احجيلي لا تخبين شي عني اني تميم
هاجر ثقي بيه اني الوحيد الي اتمنى الج الخير
بعد امج وابوج
💬 هاجر : تعال اتصال افهمك
صعدنا اتصال حجيتله كلشي جنت محتاجه افضفض
بقيت ابجي واحجي وهو جنن قلب انسان ثاني كال
تميم : طبها نعل لا تحجي وياج انتي على شنو
راح تموتين روحج ختولي عوفيها اهم شي ابنها
هاجر : هيا اكثر شي احبها تخيل تكلي مااحجي وياج
اله تعوفين خطيبج وحتى على عرسج مااجي
تميم : مانتشرف بحضورها هاجر اذا تسوين الي
تريده انهيج فهمتي موتج على ايدي
صرت ابجي اكثر كلت
هاجر : شبيك حتى انت مااعوفك لا تخاف بس
اريد حل
تميم : مسحي دموعج انعل ابو اليبجيج هاجر
باعيلي اسمعي اجت حجيت وياج خوش مااجت
لا تعبريها وهيا راح تعرف غلطها وتجيج اذا جانت
حقانيه
هاجر :تعبت حيل شوكت ارتاح ايمتا افرح وانسى
الي صار تعبت من كلشي
تميم : هسه اجيج اطلعج و اونسج اي حبيبي
سد الاتصال يروح يحضر ملابسه ضليت ادعي
يوصل بالسلامه اجو خالاتي يباركولي تونست
وياهم غيرت جو بارق جان بغداد مااجه كالت
هندرين : ترا حلوة قصتكم
ريم : الله تذكرين اول لقاء بينكم
هاجر : ماانسى اصلا تدرون ماجنت ملاحظه شكله
لو مو رزان جان ماصار شي بينه
ريم : كلشي قسمه ونصيب والله راح يعوضج
بي
بقينه نسولف شكد بحيث ماخلينه سالفه كل شويه
وحده تحجي على حبيبها واسمع سوالفهم واضحك
البنات كالو يضلون يمنا وباجر يرجعون كلت
هاجر : حسن روح اشتري نمنميات
حسن : اني هم اشتري معاكم
هاجر : اي واشتري ل حسين هم
طلع يشتري بعد ماوصينه شنو يشتري جان مايجمع
لان طلبنا شغلات كثيرة كتبتها بورقه وانطيته ربع
ساعه واجه وبيده العلاليك بل بدايه بالشنه نرتبهن
علمود صور وستوريات اني حياتي عباره عن ستوريات
كالت هنوش
هندرين : بس لا من يبوسج تميم تنزلين ستوري
وتفضحينه
الكل : ههههههههه
هاجر : لا حبي هاي خصوصيا
ريم : تعالي بعدين ليش ماعزمتينه
هاجر : دروحي على اساس شلون خطوبه لعبان
نفس محد اكو حتى كرايبه محد اكو
هندرين : واذا المهم نخطبتو
نور : بس مو تثولينه ختشيبي وختشيبي
هاجر : لا ايععع تخيلي اكول ختشيبي
نور : اي عفيه
هاجر : دحكو عدفكر اسوي حفله مال بنات حلوه
انتو بنات عماتي وصديقاتي شنو رأيكم
هندرين : خوش
نور : هنوش صحيح راح تخطبون ل بارق
هندرين : ماعرف بس هو كال ل ماما يريد يزوج
يلا احسن ينسى ثُريا
هاجر : بلا اش حب منها تلعب النفس
هندرين : وي ما جانت هشكل من تزوجت نجلبت
نور : تذكرون اشكد جانت عاقله بس مثل ماكالت
هنوس نجلبت
ريم : زوجها رجع ضربها واهلها رجعوها يمهم وامها
تكلها تطلكي وهيا رافضه ماتقبل تعوفو
هاجر : ليش هيا رجعتلو
ريم : تذكرين يوم الي رحنا ل بستان خالو وره
يومين رجعت وهاي قبل كم يوم رجعت زعلت
هندرين : اش عرفج
ريم : امها خابرت امي وكعدو يحجون
هاجر : اكيد ماما عدها خبر بس ماكلتلي
ريم : اي كل الخالات عدهم خبر
نور : احسها بلا كرامه
هاجر : لا تحسين تأكدي
البنات : ههههههه
رجعنا نرتب الحلويات كملنا وبالشنه تصوير نور كالت
نور : خرب يومج على هل تصوير
هاجر : اعشق التصوير
بعدها رحنا للمطبخ نسوي اندومي اني مااحبها كثير
بس علمود البنات واصلا مااكلها بالسنه مره اكلها
كملنا وفرغناها بل صحون وهم صورنا وحطينه
الببسي بل كلاصات وبيهن ثلج وناكل ونسولف
اخر شي بقينه ندور سالفه نحجي بيها لان ماضل
نمنا وكعدنا الصبح ميتين نعس نايمين بل 7 وكعدنا
بل 10 طلعنا تريكنا كملنا وساعدنا ماما اشتغلو اكثر
مني وامي ماتقبل بس هما يشتغلون ماشاءالله نادرات
حيل سمعت تلفوني يدك اكيد الحبيب
رحت للتلفون مجرد شفت اسمو ابتسمت رديت
ورد بجملته المعتاده الي جنت قبل اكرها هسه اذا
مااسمعها اضوج كال
تميم : هلا ومية هلا بقيطان كلبي يابعد كلبي
وغراضه
هاجر : هلا عمري اشونك اشونهم اهلك
تميم : هلا بيج والله ماعرف شي عنهم
هاجر : ليش
تميم : مو كتلج اجيج واطلعج تحضري العصر
اطلعج
هاجر : عزههههه يعني انت بالموصل
تميم : اذنيييييي ادبسززززز
هاجر : Sorry شبيك حساس
تميم : اشتعل اهل ال sorry خاب هو ياهو يجي
ويحجي انكليزي
هاجر : اي عمي نحنا غير
تميم : شلون راح اجريها بزيج
هاجر : ترا اني اجرك بزيج
تميم : ايابه مسترجله ولككك حيدر تعلم المرجله
منها انعل ابوج
حيدر : ابن القندرة بعد عيط خلي ابوي يجي يشك
حلكك وحلكي
تميم : وشبي ابوك كيوت مايحب الصوت العالي
حيدر : خلي امي تسمعك تلعب ال 45 على راسك
تميم : وعلى راسك وياي على الواهس
حيدر : مااريد افشلك كدام خطيبتك عيبب
سوه حركه بحلكه وجرو بزيج
تميم : طيططططططططططط اذا انت تفشلني
ولك انت زلمه زربه من كمت تحجي مصلاوي غسلت
ايدي منك عبالك مره جاي تتعلم الكياته
هاجر : ترا بابا يحجي مصلاوي
تميم : هو بس ابوج الي حلو علي المصلاوي مو
على هذا المعيدي يلا ولي منا اريد احجي براحتي
بله عندي موضوع مهم ليش تدخل بين المخطوبين
هاجر : على كيفك ويا الولد عيب كاعد بيتهم
وتسبو
تميم : تدافعله العوبه اكلي خرا انتي وهو
هاجر : وانت كل ويانه على الواهس
تميم بعصبيه : اكليييي نعللل اجيييي اشككك
حلكجججج اذااا تغلطييننن فهمتيييي
هاجر : انت تغلط عاديي اني اغلط لاااا
تميم : صوتجججج
سديته بوجهو ادبسز هاي مو اول مره يريد يسبني
واسكت مو هاجر الي تسكت اتصل ورفضت عفت
التلفون بل غرفة وطلعت البنات جانو يساعدون ماما
ويحضرون وياها نحنا نتغده بسرعه يعني بل وحده
نكوم نغسل مواعين الغده
لان بابا يرجع من العياده بل 12:30 جدي يجي
بل 12 ونصب الغده ونكعد كملنا كلشي وخلينه
الاكل وبالشنه ناكل كملنا والبنات وحده وياي
تغسل بالمواعين والثانيه تمسح الطباخ والكاونتر
والثالثه تحضر الجاي كالت ماما
مروة : اني اليوم مااشتغلت شي كلو انتو الله
يحفظكم نادرات نيال الي ياخذكم
العصر خابرني تميم رفضت بعدها كتب
💬 تميم : شبي الحلو ليش زعلان مو تعرفيني
مااحب احد يغلط عليه وانتي تغلطين ترا عيب
اني مااسمح لاحد يغلط وحيدر موجود وكل شويه
ناصب عليه تقبلها
ضحكت شفتها وغلست عود زعلانه رجع كتب
💬 تميم : يلا عمي شنسوي حكم القوي على
الضعيف راح اجي اطلعج هسه
💬 هاجر : بس اول توصل بنات خالاتي على
بيوتهن
💬 تميم : يدللن هنَ وانتي
كلت للبنات وتحضرن واجه تميم اخذنا وصل البنات
كل وحده على بيتها بعدها كال
تميم : هسه اجه دور اوصلج
هاجر : مو على اساس تفررني
تميم : اي اطلعج بس اقصد انو اجه دورج هسه
هاجر : اها عبالي ترجعني للبيت
تميم : تموتين على الدياحه
هاجر : ليش اكو احلى من الدياحه
تميم : اي اكو
كملها وغمز وصار يضحك يمه اسم الله تخبل الولد
كلت
هاجر : اشبيك تخبلت
تميم : ليش مافهمتي
هاجر : فهمت
تميم : عبالي
هاجر : اي بس شنو الي احلى من الدياحه
تميم : مو كلتي فهمت
هاجر : الي فهمته انو انت تحب شي غير الدياحه
كلي شنو هو
تميم : انتي لو غبيه لو غبيه
هاجر : ليش بله
تميم : معقول مافهمتي قصدي
هاجر : هذا الي فهمته
تميم : يبوووو الله يساعدني احتاج كلب هلكده
فتح ايدو بمعنى هلكد استغربت هذا اشبي بسم
الله بي شي اكيد مو صاحي
هاجر : والله بيك شي
تميم : اسكتي اسكتي اخذج للسوق
هاجر : اي
توجهنا للسوق وصلنا صف السياره بمكان ونزلنا نفتر
جان الجو طيب كال
تميم : نشتري قهوة جكليتيه
هاجر : اممم اي طيبه
رحنا نشتري كال
تميم : روحي هناك بسرعه وماتجين اله اني اجي
هزيت راسي عرفت يغار لان اكو شباب بقيت انتظر
شويه واجه بيدو كاسات صغار ابتسمت رد الابتسامه
كال
تميم : الله يقدرني واخليج دائما هيج فرحانه
ضحكت اخذت الكلاص منه كلت
هاجر : خلي نصور اريد انزلها واسويلك تاك
تميم : يلا حتى اضوج ملاك ههههههه
هاجر : ليش
تميم : البارحه كالت مشتيه جكليتيه بس مااخذتها
لان اجيتج
هاجر : يلا نغورها لعد
صار يضحك بصوت مسموع صورت بس ماجان عندي
نت حتى انشر بعدها صرنا نمشي ونشرب اني مااحب
اشرب شي حار احبه يكون دافئ شربت وجان حار
واحترك الساني صرت اصرخ بوجع بس صوت ناصي
كال بخوف
تميم : شبيجج
هاجر : لساني لساني
تميم : شبي
هاجر : اشتعل
تميم : فتحي حلكج
فتحت حلكي شاف لساني طلعت لساني ل برا يشوفه
زين صار يهف علي
تميم : اففففف
استحيت لان العالم تدحك علينه وهو مامهتم سديت
حلكي كال
تميم : ليش سديتي حلكج
عضيت شفتي خجلانه كلت
هاجر : الناس تدحك علينا
تميم : انعل ابو الناس المهم انتي ماتتوجعين
ابتسمت وكلت
هاجر : ماتوجعت
شفنه محل ملابس كال
تميم : طبي اشتري
فتنه للمحل شفت قميص حبيته جان لونه قهوائي
فاتح ومرسوم بنيه سئلنا واخذنا قياس ورحت
البسه اشوف يصير او لا دخلت غرفة القياس
شفته جان حلو ناديت تميم يشوفه كال
تميم : يخبل يلا نزعي واطلعي
هزيت راسي ب اي طلعت هو واكف ينتظر وبيده
العلاكه كلت
هاجر : خويه اشكد سعرو
تميم دحك عليه بصدمه كال صاحب المحل
.. استلمت حقو
هاجر : تميم مايصير انت تدفع
تميم : شلون مايصير انتي مرتي واني مسؤول عنج
هاجر : لا بابا مسؤول اني خطيبتك من نزوج انت
تدفع هسه بابا يدفع
تميم : انجبي وامشي يلاااا
هاجر : مايصير اشبيك بابا كال هو يدفع مو انت
تميم بعياط : اطلعييييي يلاااا
خفت وطلعت اجه وراي ولزم ايدي بقوة كلت
هاجر : ايدي توج....
قاطعني
تميم : صوتج مااسمعه
هاجر : بس
تميم بعياط : اششششششش
خفت احجي نحنا بمكان عام هسه نصير فضيحه
وصلنا للسيارة واني ايدي توجعني بشكل صعدت
بل سياره ضرب لستيرن وكال
تميم : زلمه زربه اخلي مره تدفع
هاجر : ترا مو قصدي
تميم : اشششششش كافيييي مااسمععع صوتججج
سكتت مهضومه ليش يصيح عليه الدمعه بعيني
ايععع شبيه صايره حساسه رفعت الردن اشوف
ايدي شفت اصابيعه مطبوعه بيدي وايدي صايره
حمره كال
تميم : أذيتج
هاجر :
تميم : مو جاي اكل خرا ردي
هاجر : اي
تميم : اشوف
طلعت ايدي شافها قربها على شفايفه وباسها كال
تميم : اسف ياعمري بس عصبت شويه
مارديت انداريت للجام اشوف ضل يعتذر واني
ساكته مل وكال
تميم : طبج مرض خوش صوج الي يصالحج وانتي
الغلطانه
نهضمت منه كلت
هاجر : رجعني للبيت
تميم : راح ارجعج لان اذا تبقين هنا اشكج
الطريق كله هو بس يتافأف بزعني لو يكلي جيبي
فلان شي من يمج اعرف جذب بس حتى يحجي
وياي رجعت للبيت وكلت لماما كالت
مروة : اهل ابوج يصرفون على بناتهم بل خطوبه
بس بعد الزواج هو مسؤول عنها بس قبل الزواج
همَ مسؤولين بس يمكن بيت حماج يختلفون
هاجر : يعني منو غلط
مروة : ابوج يشوف هذا الشي صح وتميم يشوفو
غلط وشي غلط بحق رجولتو
هاجر : بس مابيها شي
مروة : نحنا هشكل نشوف بس هو نتظرتو غير
اقتنعت وطلعت حسيت اني الغلط اتصلت بي
مشغول توقعت اهلو اتصلت بعد ربع ساعه
هم مشغول وبعد نص ساعه هم مشغول ساعه
ونفس الحال حسيت بشي غلط بعدها اتصل كال
تميم : شكو متصله عندج شي
ضجت من نبرة كلامو اتماسكت نفسي لان اني الغلط
ولازم اعتذر كلت
هاجر : مااعرف الموضوع هيجي يضوج اسفه
تميم : اعتذارج مو مقبول
هاجر : شسوي لعد
تميم : فدوه لل لعد
ابتسمت كال
تميم : ارضه بشرط
هاجر : الي هو
تميم : بوسه
هاجر : ماكو غيرها
تميم : چؤ
هاجر : عود من اشوفك ابوسك خوش
تميم : جايج
هاجر : لا...
اجيت اكمل سده بوجهي اتصلت رفض نص ساعه
واجه فات سلم على ماما وراحت تحضر ضيافه
اعتذرت منوو وماما جابت الضيافه وطلعت كال
تميم : ترا بعدني مارضيت
هاجر : صارلي ساعه اراضيك
تميم : كتلج ب بوسه
استحت نزلت راسي رفع راسي وقرب وجهو بقه
صافن ونظراته تنتقل من عيوني لشفايفي كال
تميم : اريد
تنفست بقوة حضن وجهي بثنين ايدي كال
تميم : احبج
غمضت عيوني وحسيت شفايفه على شفايفي سكتت
واحس تعبت فجأة ونعست هم بعد وكال
تميم : شبيج ذبتي من اول بوسه هاي بعدني
مامسوي شي
استحيت وكمت من يمه لزم ايدي ودفعني للجربايه
بس بقوة انصدمت تقرب عليه وصار فوكي خفت
بس تذكرت هذا تميم مو إلياس اكيد مايسوي شي
يضرني طبع شايفه على شفايفي شويه وبعد عني
كال
تميم : راح اروح لان مااتحمل هذا الجمال
هاجر : خليك بعد شويه
تميم : اروح لان اذا اضل يجينه بيبي
هاجر : مافهمت
تميم : احسن
راح وصار اليل تعشينه وطلعت الغرفتي حجيت
معا شويه ونعست ورحت انام فكرت بكلامه وفهمت
شنو قصده جنت ممدده كمت بسرعه واتصلت علي
رد كال
تميم : اشتاقيتيلي
هاجر : عود صدك جان قصدك يصير بيبي مني ومنك
تميم : ههههههه لعد من زرف الحايط
هاجر : واني اكول ليش يضحك امداني شكد انت
ادبسزز وسرسري
تميم : امداني اني هسه يلا فهمتي جان خليتيها
الباجر شعندج مستعجله
هاجر : لا عود صدك الي بالي جان بالك
تميم بخبث : هههه ليش شنو بالج
هاجر : شسمه ولا شي باي
سديته ورحت انام نمت بسرعه من الفشله ومشت ايام ماكو شي جديد نفس الروتين اجه يوم عرس رزان
الي متحمسيله بشكل مو طبيعي العصر بدلت اني
وماما وطلعنا للقاعه وبابا وصلنا نزلت وفتت للقاعه
ماجانو موجود الظاهر بعد مااجو شويه وصارت
العالم تجي
بعدها شفت ساره وامها ونورس وشفت ريماس
واختها وامها سلمت عليهم وكعدنا كلنا سوه ننتظر
وصولهم اجو ودخلو للقاعه عيوني ماتشوف غيرها
احلى عروس شافتها عيني بقينه كاعدين نص ساعه
بعدها زوجها طلع رحنا عليها كلت
هاجر : كومي نركص قبل لا زوجج يجي
رزان : وهشكل انت تستحين
هاجر : مو مستحه تعرفيني مااقاوم بس تميم
موصي ماما انو مااكوم اله مايكون طفل مو رجال
موجود
ريماس : عبالي من بغداد مامعقد مثلنا طلع انكس
هاجر : اني اعرف لا يجي واحد مايغار ولا يجي
الثاني يخنكني بغيرته
سارة : اخبار إلياس وعمتج رجعت تحجي معاج
لو لا
هاجر : إلياس ماشفتو من يوم الي هددني اما
عمه اجت مره عدنا وماحجت معايه حتى رحت
اسلم عليها تجاهلتني
سارة : ترجع ميخالف
هاجر : امي كالت حتى لو مارجعت ماعليج بيها
وتميم يكول نفس الحجي
سارة : اول شي تميم يريدج ثاني شي امج ماتريد
إلياس
هاجر : اعرف بس الموضوع مضوجني يعني عمه
جان اول ماتجي عدنا تجي عليه تدور عليه بين
البنات هسه تدور على كل البنات اله اني
ريماس : نفس ابنها والله هم تريد مصلحة ابنها
مايهمها انتي واني متأكده لو صرتي ويا إلياس راح
تعانين
هاجر : ادري ماتشوفيني مغلسه وبعدين اني احب
تميم لما جنت تحت تهديد سلاح ماخفت جان همي
انو يصير الي وهاي صار إلياس يموت يعيش اخر
همي
رزان : احسن شي تسوي تتزوجين بسرعه كلبي مو
مرتاح للتأخير
هاجر : خلي يولون كلهم كومو نركص
كمنا وكفنا بنص القاعه ونركص وميتين فرح اليوم
الي جانت رزان تنتظره بفارغ الصبر بس يافرحه
ماكملت وكفت الاغاني ونسمع عياط من برا النسوان
الكبار طلعت بقينه البنات جوه ونخاف نطلع
اجتي من يمنه مره جبيره كالت
.. علي واحد يتعاركون
رزان سمعت الحجي وصارت تبجي كلت
هاجر : رزان اشبيج بس اهدئ ماكو شي اكيد
هاي تشاقه او تجذب
رزان : هاي عمتو ليش حتى تجذب
محد يجي يطمنه شويه ودخل علي بس جان شكله
مخرب مبي جان يتكاون شاف رزان تبجي اجه يمها
كال
علي : لا تخافين حبيبتي ماكو شي بس واحد
يضوج مني ربيته
رزان : اذا يضوج ليش تعزمو على العرس
علي : ماعزمته هو اجه
رزان : انتو من البصره اشون راح يعرف القاعه
علي : خلي يولي ماكو شي يعكر عرسي
رجعت اشتغلت الاغاني ولزم ايدها يركصون قبلها
بفترة تزوج عمر وعمه مريم سوت عزيمه للخواتها
ونسوان اخوانها هيج للونسه رجعت من العرس
صار ثاني يوم رحت لبيت عمه مريم دخلنا وجانو
موجودين سلمت على الكل من وصلت يم عمه
اميرة عافتني وراحت
على اساس اسيل تصيحها بس اصلا اسيل جانت
بالصاله معانا نهضمت بس سكتت اخرتها تصالحني
اجت ايلا كالت
إيلا : لا تزعلين من خاله اميرة والله تحبج بس
تشوف ابنها متعذب بسببج وتعرف علاجو انتي
ومابيدها تعالجو يولي اشكد ع تصير مشاكل عدهم
قبل يومين إلياس ضرب اسيل ضرب قوي بسببو
طرحت
شهكت
هاجر : تشاقين
إيلا : اي والله والسبب انتي جان يحجي مع خاله
وهيا سمعتهم وهو يكول ل خاله خلي هاجر تقبل
بيه وتعوف خطيبها احسن مااسوي تُهمه ل تميم
هاجر : اكيد تكاونون علمود هذا السبب
إيلا : اي وهيا تلومج انتي السبب بخسارتها
لابنها وزوجها
هاجر : واني اش عليه ماعفتوهم بس هما مايعوفوني
وبعدين اني اش سويت ل عمه حتى تسوي هيجي
معايه
إيلا : مثل ما كال تميم غلسي هيا من تعرف غلطها
تصالحج وخلي نسد الموضوع اريد تساعدوني اجهز
شغلات لعرسي
هاجر : وينج وين العرس
إيلا : احب اكلج شهر الجاي عرسي
هاجر بعياط : شنوووووو
ناريمان : صوتكم هسه اش يحجون
هاجر : يمعوده اني اصدك تيم يتزوج
ناريمان : صحيح انت ما خطيبج اسمو تميم وابن
عمتج اسمو تيم يتراهمون
هاجر : بس بل اسم بل شخصيه ولاطباع ابد
ناريمان : ليش
هاجر : شوفي تميم عصبي بشكل يعني تحجين
معا كم كلمه يضوج ويقلب الدنيا تيم بالو طويل
يسمع لحد ماتكملين تميم اذا يضوج يعاقب تيم
يعاقب بالبعد بس تميم يعاقب بشي انتي تكرهي
مثلا انت تكرهين انو تاكلين من ايد احد هو يخلي
احد يسوي ويجيبه يعني اي شي تكرهي يسوي
ناريمان : الله يساعدج
هاجر : حبيبي بس متفاهمين كلش لا تخافين
إيلا ورسل صارو يضحكون وناريمان مصدومه كالت
رسل
رسل : حيل متفاهمين تذكرين إيلا
رجعو يضحكون واني وناريمان مصدومات
ناريمان : ضحكونه
إيلا : هاي مره رحنا عدهم وتميم جان مزاعلها
فه خابرتو علمود يتفاهمون بلشو بشكل حلو
بعدين نلاصت وتكاونو مره ثانيه
صرنا كلنا نضحك
هاجر : تدرون صارلي شهر مخطوبه
إيلا : اني وراج بيوم لو يومين
هاجر : اني فتحت قسمتج
إيلا : لو اعرف جان طكيتج زيج
هاجر : تيم يعلمج هههههه
مريم : كومو ساعدونه
هاجر : عمه اني خطيبي مايقبل ههههه
صارو يضحكون بعدها كمنا نساعدهم بقينه فتره
نشتغل جنت اسوي زلاطه اني وناريمان ونسولف
اجت اسيل من يمي وكعت فوكي وبل غلط كصيت
شويه من اصبعي واظفري هم انكسر وصار يطلع
دم بشكل كبير كلت
هاجر : ثوله ماتشوفين نجرحت ايدي بسببج لو
نكصت ان شاءلله تنكسر ايدج يا غبيه شوفي زين
اجت تجاوب ردت بمكانها عمه اميرة كالت
اميرة : انتي تبعدي شويه مايصير شي عليش
كاعده بنص المطبخ وبعدين ماشفتيها جانت راح
تكع بسببج
هاجر : لا حلو طبعاً تدافعيلها هاي مرت إلياس لو
اني مرتو جان شكيتي حلك اسيل
اميرة : مانريدج اسيل احسن منج بكثير هيا
مسكينه انتي قويه وين ينكدرلج بس اكيد هذا
الي اخذتي يكدرلج يكدر يصم حلكج
هاجر : خطيبي ماعلي ما بكل مشكله ينجاب
اسمو وبعدين من ايمتا اسيل احسن مني ومن ايمتا
هيا مسكينه الي يسمعج يكول القط ياكل عشاها
بس تعرفين اشنو انتو تستاهلون وحده مثلها
لان كلتكم مازينين اكيد الله مايبعثلكم چنه زينه
اميرة : ادبسزز اشو صايره ماتستحين قلبج علينه
الخطيب
هاجر : تميم لا احد يجيب اسمو هو ماعلي بس
جنت اسكت اكول عيب عمتي عيب عمي بعد مااسكت
كل واحد يحجي كلمه تضوجني راح اردها بعشره
خوشششششش
عفتهم وطلعت اصبعي يوجعني شفت الجرح مو
چبير بس اظفري انكسر نقهرت علي اجت إيلا كالت
إيلا : عيب تحجين مع خاله بهل شكل
هاجر : ماشفتي اشون تحجي معايه تكول قاتله
ابوها
رسل : ميخالف ضايجه على حفيدها بس ماهيجي
تحجين
هاجر : رجاءً كافي لعبة نفسي لازم دائماً اني اضحي
لازم اني اسكت لازم الكل يدوس بنطي واسكت الى
متى اضل اسكت تعبت وجزعت مو حال هاي مره
إلياس مره اميرة ومره اسيل ومره جنات ايمتا
ارتاح
رسل : ماعليج بيهم الي تسوي تتزوجين بسرعه
هذا هاي الخطوبه مضوجه اكثر الناس الي عاجبهم
ترا بس كم شخص اولهم يونس ماعاجبو
هاجر : اني ماطلبت رأي احد اني اريدو محد
الو علاقه يمي المهم امي وابويه راضيين علي
كافي
إيلا : لا عبالج تيم وعمر عاجبهم ابد ماعاجبهم
بس ساكتين علمودج اصلا الي عاجبو بس انتي
واهلج ونحنا وامي وبسسس الباقي لا
هاجر : مايهمني
نزلنا جوه واني مبومه بوجه الكل اتصل تميم رديت
كال
تميم : هلا بقيطان كلبي
هاجر : هلا
تميم : شبيج
هاجر : تكاونت مع عمه اميرة
تميم : يبوووو من تجي عوفيها ورحي لغرفتج
هاجر : مو نحنا مو بالبيت
تميم : ليش وين انتو بله؟
هاجر : بيت عمه مريم
تميم : اي عفيه عليج
هاجر : ليش
تميم بعياط : واني رجللل كرسيييي مووو محدددد
ياخذذذذ رأييييي رجلللل كرسيييي مووووووو
هاجر : اشبيك يمعود
تميم : الف مره كتلج من تولين المكان كوليلي مو
رجل كرسي بابا اني زوجج انتي زوجتي حرام
تطلعين بدون اذني
هاجر : مااكدر اجي اخذ اذنك بعيده عود من نزوج
اخذها لان قريبه اشلعها واخذها
تميم : ياربييييي صبركككك
هاجر : معاجبك الف واحد يتمناني
تميم :*** بيهم كلهم
هاجر : بلا فشار
تميم : ولي يلا ولييييي
سده بوجهي اتصلت علي رفض دزيت رساله اعتذر
نسيت لازم اخذ رأيو بعدني انتظر يرد عليه دخل
إلياس كلت
هاجر : لا كملت هسه كملت
إلياس : اشون تحجين هشكل مع امي ومرتي
هاجر : لا بس لا جرحت مشاعرهم
إلياس : بلا استهزاء
هاجر : لا مااستهزء بيك
إلياس : جاوبي
هاجر : من وراك ابو راس المشاكل عوفني بحالي
شتريد مني بس فهمني
إلياس : اريدج كلج الي
هاجر : تحلم ترا اني مخطوبه لو نسيت
إلياس : عدرتب موضوع حلو الخطيبج
هاجر : نسيت منو ابو تميم
إلياس : نسيتي منو اني ومنو جدي
هاجر : اتمنى ماتنسى من ابو تميم لان لا انت ولا
جدك يكدر يسوي شي
إلياس : نشوف اخرب حياتج كلها اذا ماصرتي الي
هاجر : هههههههههه صدك لو كالو اذا ضاع من ايدك
شي جان الك راح تموت حتى ترجعو
إلياس : وداعت عيونج يرجع
هاجر : خرا بيك وبعيوني خوش بس تميم يحقله
يتغزل بيهم
إلياس : وداعتج راح اخليج تتمنين الموت
ابتسمت بستهزاء وطلعت المغرب طلعت اصلي
كملت جاي الم بالسجاده وفاتت اسيل كالت
اسيل : عوفي زوجي كافي عاد خليني اعيش
مرتاحه
هاجر : والله لو اريدو جان اخذتو بس حبيت انو
انتي ماعايشه مرتاحه يلا زين
اسيل : عوفينه تزوجي بسرعه ابوس ايدج
هاجر : چؤ حابه اطول الخطوبه
اسيل : مااضمن شنو يسوي إلياس حبابه تزوجي
بسرعه
هاجر : يمكن اتراجع وانفصل عن تميم واخذ إلياس
حتى اقهرج واقهرو اي وبعدين اخونو واطلك واتزوج
تمين خوش خطه حبيت عقلي يفكر زين
اسيل : اعرف ماتسويها
هاجر : والله اذا علمود اسود عيشتكم ليش لا
اسيل : عوفينه حبابه انتي بس تزوجي تميم
كلشي ينحل
هاجر : يلا كود باي
واشرت بيدي مثل الباي وطلعت اخخخخ يا راحت
كلبي الشعور شكد حلو جنت اتمنى تصيرون انجس
من هيجي بس هسه اخذت حقي إلياس صار يحبني
بدل ماجان يتونس براسي صرت اني اتونس براسو
اسيل الي جانت تغثني صارت تتوسل اعوف زوجها
اخ يا راحت كلبي من زمان اتمنى هذا الشي صار
سنتين اني احلم بهذا اليوم واتمنى يجي هاي اجه
وفرح كلبي كسرو خاطري عيشوني بذل جنت اشوف
بعيونهم القهر عليه جنت احس بنظراتهم الي ذله
واهانه
جنت اموت اذا اشوفهم سوه كلبي يحترك صار العكس
وهمَ الي كلبهم يحترك من يشوفوني إلياس يتمناني
زوجه وحبيبه اسيل تتمنى موتي حتى يضل إلياس
الها وبل حالتين اني المستفاده جاي يحترك كلبهم
هما الاثنين لان إلياس يخاف لا اروح لغيرو واسيل
تخاف اخذ زوجها
شعور حلو من تشوف ناس أذتك تأذو بنفس الطريقه
ويمكن ابشع مافقدت الامل بربي ابد جنت دائماً اطلب
نفس الشعور ماريد شي غير يحسون بوجعي اريد نفس
الاحساس الي حسيته يحسو اريد يموتون الف مره
اريد يشوفون الامان بس مايكدرون يوصلون الو
حلوة عدالة ربي كما تُدين تُدان
انتقام ربي احسن واعظم انتقام
..................
انتهى البارت
شنو رأيكم شنو توقعاتكم للبارت الجاي
هاجر تحمد ربها على شوفتهم بنفس حالها
بنوتات علقو بين الفقرات وصوتو راح اختفي
فترة بسبب الامتحانات راح احاول انزل بارت
بهاي الفترة بس بعدها مااكدر عذروني اتمنى الكل
يجاوب بالتوفيق للجميع
- يتبع الفصل التالي اضغط على (رواية قسوة احفاد ال هتان) اسم الرواية