رواية قسوة احفاد ال هتان الفصل السادس و العشرون 26 - بقلم هاجر النعيمي
part 26
بقلمي ( هاجر النعيمي )
.....................
« زهراء »
مثل كل يوم مشاكلي ويا امير ماجاي تنحل بالعكس
تزيد اكثر واني محد يدافع عندي مرات تميم يدافع
مرات لا ونوب نتعارك على شغلات تافه مثل ليش
ماعزلتي الغرفة ليش مابدلتي ل علي رغم اسويها
كلها بس هو يدور حجه
امير : ليش ماكاويه الملابس
زهراء : كويتهن اخذ
امير : مو هذني اريد هذني
زهراء : انت كلت هذني شنو تضحك عليه
امير : من احجي تردين بأدب ادبسزز
زهراء : كافي عاد جاي تتماده هواي
اجه ولزمني من شعري وصار يعيط بوجهي وعلي
يبجي ويجي يدفع امير وامير دفعه وكع وصار راسه
على حافية البوفيه ونفتح شويه من راسه اني شفته
واجه يغمه عليه جنيت كلشي الا ابني
زهراء : علي حبيبي يمه ياعيوني كوم
امير : وخري خلي اخذه
طلع وهو شايل علي الكل التم على صوتنه اخذو علي
احمد وامير وعمي واني بقيت الوب ابني واتصل ومحد
يرد كلبي يوجعني حيل ابني هذا روحي تعبي فرحتي
ياربي انت الي انطيتني يا لا تاخذه مني ياربي اتصل
تميم رديت بسرعه كال
تميم : لا تخافين مابي شي خيطنه راسه
زهراء : عزه بعيني الله ياخذني الله ياخذك امير
راوية : الله ياخذج انتي كح****
تميم : عوفيها لا تسويلج مشكله باعي حضري
مكانه علمود يرجع يرتاح اني فهمت هذا الحيوان
مايتعارك وياج كدامه بس انتي لزمي لسانج شويه
كافي بابا صار عدكم طفل مايصير
زهراء : والله هو يدور حجه عليه مو اني
تميم : سايري اسمعي كلامه هو نص مجنون نوب
ترفضين كلامه يصير مجنون رحمه لابوج استري
علينه
زهراء : كول اله مو الي
تميم : هاي هيا ولا يهمج يمي اني حجيت ويا
بس خففو هل فتره علمود ابنج
زهراء : خوش ايمتا تجون
تميم : هسه بس يسوي اوراق الخروج ونجي
زهراء : خوش باي
سديته منه ساعه واجو بس شفته روحي ردتلي
زهراء : يمه يابعد امك بيه ولا بيك ياروحي انت
يابعد بيتي ياكل دنيتي بيه ولا بيك
امير : كافي
غلست عنه مالي خلك اسوي مشاكل صعد فوك يرتاح
بقيت يمه نام اطمنت نزلت جوه سوينه عشه كملنا
وطلعت اشوفه طمنت علي نايم نزلت تعشينه غسلت
مواعين لميت المطبخ وطلعت للغرفه علي يبجي وامير
يسكت بي يبجي ويعيط راسي نقهرت علي بس مابيدي
شي
علاوي : يمه راسي يوجعني
زهراء : يا بعد جبدي هسه شويه ويطيب
علاوي : كلش يوجعني
امير : الزلمه لازم من يتأذه مايبجي
علاوي : انت لا تحجي وياي اكرهك
امير : استغفرالله
علاوي : اطلع براا
امير : شبيك بابا
علاوي : اني مو ابنك مااريدك مااحبك انت الي دفعتني
وضربت ماما
امير : ساعة عصبيه هسه انت مو تعصب اني هم
عصبت
علاوي : اذا ازوج مااضرب مرتي او ابني
امير : مو قصدي حبيبي يلا نام ارتاح
علاوي : كتلك لا تحجي وياي
زهراء : امير عوفه
كام وطلع من الغرفة مارجع لحد الساعة 2 بليل غلست
لان اعرف راح يم تميم جنت ضايجه منه رحت نمت
بسرعه وهو ماحجه شي بقه يومين لا يحجي وياي
ولا ويا علي خلصنه منه وره يومين اجه يراضيني
جنت اغسل مواعين كال
امير : اكو كيمر يشغل مواعين
غلست مارديت اجه وحضني من وره ضهري صار
على صدره بعدته ورجع وبعدته مره ثانيه وهم رجع
ايست يعوفني بقيت ساكته كال
امير : اسف حبيبي ساعة عصبيه
هم غلست دارني علي وكال
امير : كافي زعل والله كلبي نمرد عليكم مو بيدي
تعرفيني عصبي جان المفروض تسكتين
زهراء : لا مو لازم اني اسكت دائما جان المفروض انت
تسكت مو تسوي مشكله امير تعبت منك ومن مشاكلك
كل يوم مشكله لو مو اهلي خرا جان مابقيت عندك
بس اهلي الي كسروني
امير : وداعت ابوي احبج بس عصبي وانت لسانج
طولان بويه لا تتعلمين من الناس عوفي هاجر هاجر
هيا هيج ربت هيج انتي ماربيتي هيج انتي ماتحجين
ماتطولين لسانج هيا من صغرها هيج
زهراء : مااقلدها بس هيا من تحجي تميم يسكت
امير : لان هيا مو يمه لو يمه يدوس بطنها باجر يزوجون وتشوفين شكد راح تعاني بسبب لسانها
تميم مايسكت جاي يصمدها الها
زهراء : خطيه
امير : تميم راح يعلمها بسرعه نفس ماعلمتج
بقه يتوسل ورضيت دائما هيج يسوي يضربني ويأذيني
ويجي يعتذر ويتوسل احسه مريض بس المشكله مابي
شي حاجيت هاجر وكتلها الي صار ب علي نقهرت
فتحنه كامره تحجي ويا وهو من يشوف هاجر
يسكت لان يحبها
................
« هاجر »
نقهرت على علاوي بس شنسوي وامير ابد ماتوقعت
يضرب علي مو معقول حيل نصدمت حجيت ويا علي
تونست حيل ويا كل يوم اروح بيت عمه مريم لو هما
يجون عدنا نخطط علمود الحنه مال إيلا وحتى وره
كم يوم العرس
إيلا : هاجر احس مو راهم
هاجر : معرف امج تكول حلو
ناريمان : حلو والله ترا ذوق عمتي يخبل
اقتنعنا ومشت الايام واجه يوم الحنه المنتظر كعدنا
من الصبح نروح صالون اني ماجان عاجبني اروح بس
إيلا جبرتني وتوجعهنا للصالون كاعدين بالصالون
والبنات يحطن النا مكياج واتصل تميم رديت كال
تميم : لا تراسل لا تسئل تميم بيش الكيلو
هاجر : لا والله بس ملتهيه
تميم : جذابه واذا ملتهيه راسلي اتصلي اي شي
هاجر : والله الشغل لفوك راسي اجي الزم التلفون
إيلا تشيله من ايدي تكول مو وكت تميم حتاريت
تميم : دمشي لج جذابه فلا اصدكج لعد عندج وقت
تراسلين زهراء بس ماعندج وقت ل تميم هسه تميم
صار ايععع على كولتج
هاجر : اهووو لا تقلدني
تميم : ديلا ولي فلا اراسل بعد اخليج انتي تراسلين
سده بوجهي عود صدك زعل غلست حتى ينقهر والبنيه
كملت المكياج شويه واجتني رسالة
هاجر : ثواني عيوني
.. اخذي راحتج
شفت الرسالة يمه شكد زعطوط هاي عود انت عمرك
24 كاتب
💬 تميم : صايره تلتهين عني شني ماتحبيني هاجر
تصرفاتج صايره تنرفز اذا تضلين هيج اجي للموصل
اشك حلكج وارجع
ضحكت وغلست على الرسالة حتى يضوج اكثر احب
انرفزه واضوجه مدري ليش بقت تجي رسائل على
تلفوني واني مغلسه ادري منه كملت مكياج وتسريحه
جانت بسيطه مكياج هم بسيط مااحب العميق يخنك
شفت الرسائل وانصدمت كمية المسبات والفشار ماكو
غلط ماغالطه عليه هذا شبي والله مو صاحي اكص
ايدي اتصلت بي رفض اتصلت اكثر من اربع مرات
رفض كلت اخر مره اتصل رفض طبو مرض بس جاوب
واني مادري بي مجاوب وإيلا كالت
إيلا : شبيج راح تموتين
هاجر : من تميم اكو غيرو يغلط عليه القندرة
إيلا : مشسويتله
هاجر : بس لان ماعنحجي كثير تخيلي
إيلا : ميخالف هو يحبج ولهذا السبب يضوج اذا
ماتراسلي
هاجر : دخلي يولي ولا فلا اراسل
اجاني صوت من التليفون انصدمت فتحته وشفت
تميم على الخط ياكاع نشكي وبلعيني خلي افر
السالفه علي كلت
هاجر : بعد وكت جان رفضت
تميم : حقج اني قندرة واولي بعد شنو كلتي خلي
اتذكر
هاجر : مو قصدي بالغلط طلعو
تميم : اي راح اجي وارجعهن لحلكج بسيطه
هاجر : شبيك بالغلط والله معرف شلون طلعو من
حلكي
تميم : اي ارجعهن الحلكج بسيطه
هاجر : اهووو اروح احسن يصيحوني
تميم : اشردي بسيطه اجيج واشوفج
سديته بسرعه فرحت انو راح يجي اشوفه ونتونس
هم رجعنا للبيت عمه مريم وشفت تلفوني يدك شفت
المتصل تيم رديت كلت
هاجر : هلا بالعريس
تيم : هلا بيج عمري اريد رقم تميم اعزمه على العرس
هاجر : صدك
تيم : اي لان هذا الشي يفرحج
هاجر : تدلل هسه ادزه برسالة
سديته منو ودزيتلو رقم تميم الحنه جانت خيال حيل
حلوه ماصار ولا مشكله ولاول مره بالتاريخ يمر عرس
بدون مشاكل صار ثاني يوم واجه العرس تميم ماحجيت
ويا بس عرفت تيم عازمو ومادري اذا يجي او لا
كعدنا الصبح ورحنا للصالون
كملنا ورجعنا للبيت تبديل وكذا خلصنا واجو تيم
واهلو وجان شكله مرتب وحيل حلو وجان ابيض
بشكل رغم هو مو ابيض بس طالع يشك شك
توجهنا للقاعه وصلنا وبلشو ركص واني ادحك على
الكل اسيل عيونها عليه بس بحقد
مانطيت اهميه للموضوع عمه مااجت ولا سلمت عليه
غلست يجي يوم وترجع تحجي وياي اجت ماما وكالت
مروة : موبايلج يدك
اخذت التلفون منها شفت المتصل تميم رديت كال
تميم : طلعي بره القاعه
فرحت اكو باب القاعه يطلع لغرفه وبعدين باب ثاني
يطلع ل برا شفت تميم رحت يمه وكلت ببتسامه
هاجر : هلا بيك نورت الموصل
تميم : اي بعد بعد
هاجر : اصلا نيالي عليك فدوه لها وجه
تميم : بعد
هاجر : احبك
تميم : بعد
هاجر : فدوه لهل عيون وفدوه لهل الرموش وفدوه
لهل غمازه وفدوه وجهك كله
تميم : هسه تمام شلونج
هاجر : زينه وانت
تميم : هسه صرت زين
هاجر : جيت بوحدك
تميم : لا عمتي مسويه عزيمه علمود ابنها
هاجر : ليش
تميم : مو ندعم وطلع سلامات تسوي عزيمه وعزمتنا
وعزمت عمامي وعماتي
هاجر : وعمتك ام حوراء اجت
تميم : لا حوراء مااجت ارتحتي
هاجر : يعني
تميم : عمتي عازمتج هم
هاجر : اني
تميم : لا ابوي
هاجر : شعجب
تميم : اصلا هيا حبتج لما اجت ويا امي تخطبج
هاجر : عود اسئل بابا واشوف
تميم : خوش يلا رجعي
دخلت للقاعه بعد ركص وتعب كالو الولد شويه يدخلون
البنات راحن يلبسن واني من ضمنهن ولبست شال
هيج شلون ماجان دخلو الولد بهوسه ومن ضمنهن تميم
الي دخل هادئ عيوني ماتشوف غيره ابد
بقه واكف شويه بعيد راح تيم وجرو لنص القاعه
وبلشو يركصون ركصه جان حلو كلش شلون يهز
كتافه ويطك اصبع اراقب حركاته بشكل مو طبيعي
الولد صارو كل واحد ياخذ مرته ويركصون وحدهم
اجه تميم يمي وكال
تميم : نركص
هاجر : اي
اخذ ايدي وطلعو اغنيه رومانسيا صرنا نتمايل عليها
عيونو بعيوني ماشالها ابد كال
تميم : احب عيونج
هاجر : عيونك احلى
تميم : لا عيونج
عيونو تدحك عليه بحب بلهفه بهتمام صارت عيونه
تتنقل بين عيوني وشفايفي جنت فرحانه حيل مادري
شلون دحكت وصارت عيني بعين عمه اميرة الي
تدحك عليه بحقد اول مره اشوفها تدحك على شخص
بهل شكل
تخزر بيه درت وجهي وشفت اسيل الي نظرتها نفس
نظرات عمه اميرة تلبكت وبالغلط دست رجل تميم
حس اكو شي وكف وكال
تميم : بيج شي
هزيت راسي ب لا كال
تميم : تعالي كعدي
رجعت كعدت واطرافي ترجف مادري شلون صارت
عيني بعين إلياس نفس النظرات تمنيت الارض تنشك
وتبلعني كال
تميم : بس كولي شبيج
اشرت بعيوني على عمه اميرة شافها وكال
تميم : وشكو ترجفين عبالك مسويه شي انتي
تركصين ويا زوجج مو ويا غريب وماعليج بيها تولي
هزيت راسي بقه يمي ولازم ايدي ويفرك بيها بعدها
ارتحت وخلص العرس ورجعنا للبيت نسيتهم ونسيت
نظراتهم وكلشي سبحت ونمت الصبح كعدت على اتصال
من تميم بقيت افرك بعيوني لان مغوشه صرت احجي
وحدي حتى يتعدل صوتي اتصل مره ثانيه رديت كال
تميم : شكد نومج ثكيل
هاجر : عوف نومي اكو احد يكعد احد من الصبح
تميم : الساعة بل 10 ونص حبيبي كومي شويه
واجي اخذج
هاجر : وين
تميم : شكلج نسيتي اخذج لبيت عمتي معزومه انتي
هم ويانه
هاجر : بس اكول لبابا
تميم : حاجيت ابوج البارحه من رجعتج وكال اخذها
هاجر : خوش هسه اكوم
سديتو منو وكمت اغسل غسلت وتوضيت صليت
وطلعت ماما محضره الريوك كالت
مروة : بلكي من تتزوجين هم هيجي تكعدين وهمَ
مكملين ماما مايصير
هاجر : اهووو عما ازوج الله كريم
مروة : راح تضلين هشكل يطلكج ثاني يوم
هاجر : يحبني مايطلكني
كملنا ريوك وجدي ابد ماعاجبه الوضع من يوم الي
عقدنا ماحجه وياي ابد ولا مره حتى مايدحك بوجهي
ما كلش همني الموضوع لان اصلا مااحب جدي
بسبب افعاله كملت تبديل اجه حسن كال
حسن : تميم برا يكول تعالي ماريد افوت
هزيت براسي اي وطلعت شفت تميم ابتسمت اجه
فتح الباب وكعدت وراح كعد وحرك السيارة كال
تميم : طالعه حلوة
هاجر : عيونك الحلوة
تميم : ليش هيج انتي حلوة
هاجر : هههه معرف
تميم : شحبج
هاجر : احبك
تميم : باعي خلي نتفق
هاجر : اي بس على شنو
تميم : بيبي راح تكون موجوده
هاجر : حلو
تميم : انتي شايفتها مره وحده صح
هاجر : صح بس ماكعدت وياها
تميم : باعي هيا مو كلش تحبج بس اريد منج تخليها
تحبج
قاطعته
هاجر : ليش متحبني شسويت
تميم : خلي اكمل
هاجر : كمل
تميم : اي السبب مو لان انتي مسويه شي السبب
هيا تريد واحد ياخذ من الثاني ماتريد لا ولدها ولا
بناتها يرحون للغربه فهمتي
هاجر : فهمت لهذا السبب ماتحب زهراء
تميم : مو بس زهراء
هاجر : بس زهراء كرايب
تميم : تريد ناخذ من حفايدها يعني مو من خالاتنه
هاجر : يعني بس من اهل ابوك
تميم : عفيه الي اريده منج اذا حجت عليج تغلسين
هاجر : بس مو تزودها
تميم : هيا ماتزودها بس تجفص بطنج
هاجر : مااسكت عجل
تميم : لخاطري
هاجر : تمام
تميم : We agreed ( اتفقنا )
هاجر : Yes
تميم : كم لغه تعرفين
هاجر : انكليزي وتركي وجاي اتعلم فرنسي
تميم : حلو زين كملي هيج
هاجر : وانت
تميم : انكلش فرنسي ايطالي
هاجر : صدك
هز راسه حبيت انو يحجي لغات احب هذا الشي
نحنا هاي سنه سوه هسه يلا عرفت يحجي لغات
كلت
هاجر : شلون تعرف ايطالي
تميم : اكثر سفراتي ل ايطاليا
هاجر : ليش
تميم : احب ازورها احب مناظرها تخبل خيال احب
حجيهم ونشتري منهم سيارات ونجيبها هنا نبيعها
هاجر : بس من ايطاليا تجيبون
تميم : اكثر شي من ايطاليا لان فخمات يجن
بقينه نسولف بيت عمتو جان بعيد علينا بعد مسافه
نص ساعه وصلنا نزلت سحبت نفس وزفرته ودخلت
جان اكو نسوان دخلت تميم كال
تميم : اعرفكم على مرتي
الكل ابتسم واجت زهراء باستني هيا وملاك الوحيدات
الي اعرفهن هنا بعدها اجو بنات هم يسلمن بس ماعرفت
ولا وحده دخلنا للصاله كال
تميم : سلام عليكم
الكل : عليكم السلام
حيدر : هلا ب هاجر
هاجر : هلا بيك
رحت سلمت على الكل اكو مره شويه چبيرة جانت
مبينه الضوجه عليها وبيبي هم ماجان عاجبها غلست
كعدت اجت يمي ملاك وزهراء كلت
هاجر : واخيراً اجتمعنا جمعه حلوة
ملاك : من زمان جنت اتمنى هيج نجتمع
زهراء : خلي نكعد يم البنات عيب
طلعنا للمطبخ جان اكو كم مره تسوي اكل واكو
كم بنيه اجت وحده كالت
لمار : انتي الي تميم يحبج وخطبج لو غيرج يحبها
هاجر : اني
لمار : هلا بيج اني لمار بنت عم تميم
هاجر : وبيج اكثر تشرفت بيج
لمار : هاي اختي ميار
هاجر : هلا بيكم
بقينه نسولف شكد بعدها صار وقت الاكل كعدنا على
سفره وحده شباب وبنات جنت كاعده يم تميم
سوه لفه وكال
تميم : فتحي حلكج
فتحت حلكي واخذتها بس جنت خجلانه لان الاغلب
يدحكون علينه كالت بيبي
راوية : شو بهذا الزمن ابد ميستحون
تميم : شبيج بيبي غير اطعمها مااكدر اكل اذا هيا
ماتاكل
راوية : اي عيني طعمها
ابتسم الها ورجع ياكل ضوجني الموضوع يعني انتي
شكو تحجين خلص اسكتي حالج حال الكل كملنا اكل
ساعدتهم بلم السفرة واجيت اغسل بس ماخلوني
بقيت كاعده كالت
زهراء : ترا الموصل حيل مبين عليها الدمار
هاجر : صح وهسه عيعمروها بس الخراب اكثر
ملاك : الله يساعدكم شلون تحملتو
هاجر : نحنا مو كلش عانينه بس منطقتنة تأذت
اكثر شي من هذا الجانب بس الجانب الثاني تأذى
اضعاف يعني نحنا بقينه شهرين محاصرين لا طلعه
ولا فوته وهاي كلها صواريخ علينه وقادفه وهاونات
غير الطلق
ملاك : الله يساعدكم ترا تضوج كلش
هاجر : الحمدلله عدت على خير ومحد تأذى بينه
زهراء : الحمدلله
جاي نسولف وسمعنا اصوات عياط من جوه دخلنا
نركض واشوف تميم فوك واحد ويضرب بي بس
مااعرف منو هذا خفت حيل وامير يضرب واحد
ثاني مافهمنا ولا شي واحد يفشر على الثاني
تميم : ليش تدخل ليششششش
امير : انعل والديك اذا تحجي معليك فهمت
كرار : تميم انجب وخر شوف خطيبتك ترجف وخايفه
تميم : ماتذكر هاجر بشيي ماتجيبها علة لسانك
الوصخخخخخ حيوانننن
عباس : زلم زلم لك انتو اكبر عارات وخر امير
بعدوهم الولد احمد يهديهم ويحاول يفظ الموضوع
جنت حيل خايفه اجه تميم يمي كال
تميم : شبيج خايفه
هاجر : ليش تتكاونون
تميم : ماعليج دائما تصير
هاجر : شنو السبب
تميم : تعالي اسولفلج
كعدنا على تخم وكال
تميم : عباس يكول ل امير ليش ضارب ابنك وبسببك
ابنك هيج حالته ومتأذي ومرتك متأذيه بسببك اذا
ماتقدرها عوفها غيرك يبوس ايدها عصب وضربه وكرار
حاول يفاككهم واني كتلته
هاجر : بالعكس المفروض تساعدو
تميم : اريد حجه علي حتى اتعارك ويا
هاجر : السبب
تميم : مايهمج
عافني وكام يم الولد رحت اني يم البنات كالت لمار
لمار : اتمنى اعرف سبب عركات تميم وكرار
زهراء : لج حتى اني
ميار : عذروني بس تميم السبب دائماً هو يبدي
زهراء : صح
ميار : وعباس ماكال شي غلط
زهراء : اسكتي احسن ماامير يكمل عليج
ميار : اني مو غلطانه
زهراء : ليش عباس غلطان هم مو غلطان بس شفتي
شنو صار
ميار : حتى تميم غلطان شكو يضرب كرار وبعدين
كرار شعلي
ملاك : معليج ب تميم
ميار : لان اخوج تدافعيله واخوي محد يدافعله
لمار : خلاص شبيجن فضحتونه كدام ل بنيه
هاجر : لا عادي ماكو شي
زهراء : لمار هاجر مو غريبه صارت منه
يعني حتى هما مشاكل بينهم وين اكو بيت عراقي
مابي مشاكل كعدنا بالصالة ويا الكل وسوالفهم حلوة
كالت بيبي
راوية : كرار خلي نزوجك
كرار : مااريد
راوية : اشوفلك زينب
كرار : اذا اريد ازوج مااخذ كرايب
راوية : هاي حتى انت مو كافي اخوك وامير وتميم
ماخذين غربة ولك صير نفس سجاد ماخذ بنت خالة
كرار : ليش بيبي شصاير مو كل يوم مشاكل بين
عمه نيرال وعمه ماسه
راوية : ماسه هيا تسوي مشاكل
ضجت شلون تحجي عليها عيب هيا كاعده وتحجي
كدام الكل وبعدين هيا جنتها شلون تحجي عليها
تميم : راوية امي شكو
راوية : ليش امك تخلي احد بحاله
تميم : امي معليها خوش محد يجيب طاريها
راوية : تحبها والي سوته بيك نستيه
تميم : كافييييي امييييي معليهاااااا
عاف المكان وطلع واني اصفن شنو سوت ليش يحجون
هيج امير واحمد وحيدر طلعو ورا تميم
راوية : اوف منه ليش يحبها ماادري
محمد : يمه كافي رحمه لابوج كافي
كام وطلع زين شكو البنات كلها تصافن محد يعرف
السبب وليش هيج يحجون كلت
هاجر : تعرفون ليش هيجي بيبي تكول وليش تميم
ضاج وطلع
ملاك تبلكمت وكالت بسرعه
ملاك : ماكو شي بس بيبي ماتحب امي اروح اشرب
مي
زهراء : صار عندي فضول اعرف ليش تخيلي من
تزوجت اسمع بهاي السالفه بس ماعرف شنو هيا
ولا ليش بيبي تحجي على عمه ماسه
هاجر : اكيد اكو موضوع صح
طب تميم يركض ورا الولد كلهم فرحانين كال
تميم : جدي هَتان وصلني خبر موجود خارج العراق
راوية : صدككك
امير : اي والله هسه وصلنا الخبر
محمد : منو كال
ادريان : عايش يعني
ادريس : دحجو شبيكم وكفتو كلوبنا
تميم : ماادري غير انو عايش خارج العراق بس وين
بعد مااعرف
ادريس : كالو مات شلون
ادريان : لا تصدك اصلا احتمال هو مسو هيج
زهراء بهمس : اي مسوي نفسه ميت حتى يفتك من
راوية الحيه
هاجر : اششش يمعوده لا يسمعون
تميم : اني راح اضل ورا الموضوع هَتان لازم يرجع
لازم اعرف وينه
بقو شكد يحجون بالموضوع لحد المغرب احمد كال
احمد : اريد اخطب
راوية : يابعد بيتي صدك
غالية : يابعد امك ياهي بس أشر تجي ل يمك
راوية : اختار لو ميار لو لمار لو زينب لو عذراء لو
عذاري
احمد : ولا وحده اريد بنت خالتي اريد مريم يمه
غالية : احسن اختيار مريم كلش حبابه
راوية : مو كافي اخوك ماخذ بنت خالته نوب انت
ماكو
احمد : اني احبها شني
راوية : مو انت العاقل شلون تريد بنت خالتك
احمد : احبها
غالية : هاي هيا الي تريده يصير نرجع لبغداد ونروح
نخطبها تدلل يمه
احمد : ومااريد العرس يطول خلي يصير بسرعه
ادريان : نرجع ونخطبها الك
راوية : ولك ادريان شبيك غير ياخذ من بنات عمه
لو بنات عمته ليش للغريبه لو الا تصير نفس اخوك
احمد : مو غريبة بنت خالتي واني اريدها واحبها
واذا ماازوجها مازوج غيرها
راوية : يعني تعاند نفس تميم
احمد : اي
غالية : لا يمه اخطبها الك
راوية : سدي حلكج مكيفه تاخذ بنت اختها فلا يصير
هذا الزواج
تميم : راوية سكتي خلي يزوج الي يريدها واذا ماقبلو
اني اجيبها الك
راوية : انت انطم ابو المشاكل مايزوجها يمه مو حلوة
تميم : وين شايفتها
راوية : قبل فترة شفتها
جانو يتناقشون شلون يروحون يخطبوها ومنو يروح
بيبي كالت اني مااروح وجاي يقنعون بيها اجاني مسج
شفته جان من سارة كاتبة
💬 سارة : صحيح الباحه تزوج تيم
💬 هاجر : اي صح
💬 سارة : منو تزوج
💬 هاجر : بنت عمتي
💬 سارة : خلي اعترفلج مااكدر اسكت بعد تعبت
💬 هاجر : شكو خوفتيني
💬 سارة : لا تخافين
💬 هاجر : طيب احجي
💬 سارة : اني احب...............
...................
انتهى البارت
عذروني مانزلت بارت جانت امتحانات وعطله
ماصار بيدي مجال اكملها هسه خلصت اشغالي
راح اكملها شنو تتوقعون قصة ام تميم وسارة
تتوقعون منو تحب بنوتات علقو بين الفقرات وصوتو
- يتبع الفصل التالي اضغط على (رواية قسوة احفاد ال هتان) اسم الرواية