رواية حبي الوحيد الفصل السادس و العشرون 26 - بقلم جنى
البارت السادس والعشرون❤️
_______________________
مراد: أنا كنت عايز أشتغل في الشركة معاكوا يعني مافيش اي مانع أنا خلاص خفيت تماما وعايز اشتغل في الشركة واظن دي شركتك
سليم بفرحة وهو بيبص لـليل: طبعا موافق لو عايز تشتغل دلوقتي حالاً موافق بس المفروض إنك تعرف نظام الشغل الأول والورق والصفقات وأحوال الشركة والكلام دة
ليل بفرحة: من إنهاردة نجهزلك مكتب في الشركة وهعرفك كل حاجة بخصوص الشغل
سليم: مراد بس الأول لازم تعرف إن دة مش أي شغل دة تعامل مع الأجانب يعني أي غلطة تقدر توقع كل أسهم الشركة
مراد: أيوة كل دة عارفوه يا بابا وعارف إن مافيش هزار في الشغل دة
ليل بفرحة: هكلم واحد في الشركة كدا يجهزلك مكتب يليق بمراد الجرحي
مراد فرح جداً إنه خلاص بقا إنسان طبيعي ويقدر يشتغل مع باباه في الشركة وندي حامل ويقدر يكون عيلة وإن حياته هتتغير 180 درجة وخد عهد على نفسه إنه يشتغل جامد عشان يؤدي شغل كويس ويعتمد على نفسه
مراد بفرحة: بجد شكرا ليكوا اوي انا فرحت لما لاقيتكوا مرحبين بالموضوع
ليل بحماس: طيب تعالي اعرفك نظام الشغل والصفقات وكل حاجة والتعامل مع الأجانب في اوضتي فوق
مراد بضحك: مالك داخل سخن ليه كدا طيب إستني بكرا حتي عشان أظبط نفسي
سليم بحماس: لا دة إحنا هنبدأ شغل حالاً اه في شغلنا مافيش تأخير ولا كسل
ليل بحماس: وانا هكلم يونس(واحد شغال معاهم في الشركة 🙃👍) يجهزلك مكتب ومن اول الإسبوع تروح الشركة تكون إتعلمت كام حاجة وانا طبعا طول ما أنا في الشركة مش هسيبك
سليم: هنبدأ في أول شهرين يكون الشغل بسيط تكون اتعودت على نظام الشغل وبعد كدا نبدأ في التقيل اوي
مراد بحماس: عظيم
ليل بضحك: لا بص من اولها كدا هتفضل تقلد كلامي لا الكلمة دي بتاعتي
سليم بحدة: مش عايز هزار في الشغل من أولها
ليل ومراد بضحك في صوت واحد: هو فين الشغل
سليم: تعالي علي اوضتك يا ليل فهم مراد كل تفصيلة في شغلنا وعرفه كل حاجة
ليل: ماشي بس الأول اكلم يونس عشان يلحق يجهز المكتب .... وكل دة وثريا كانت واقفة مبسوطة إن مراد خف وهيشتغل في الشركة معاهم وإن كلهم إتجوزوا معادا فريدة هتتجوز بعد ما تتخرج وعيلتها كلها سعيدة وندي حامل وهتشوف أحفادها
_______________
"عند غزل وندي وفريدة"
فريدة: ندي انا عايزاكي تجيبي تؤام
غزل: لا لا هاتي بنت تكون قمر زيك كدا
ندي بضحك: حيلك حيلك تؤام إيه يا فريدة انا شايلة مسؤليتي انا وشعري وبشرتي وضوافري بالعافية تقوليلي تؤام هو طفل واحد وبس مش فرح هو
غزل: هاتي بنت انا بحب البنات اوي عشان خاطري
ندي بضحك: هو انا اللي بختار ولد ولا بنت دة بإيد ربنا
فريدة: ولد ولا بنت كل حلو اهم حاجة يكونوا شبهك
غزل: إن شاء الله كله حلو
فريدة بحزن مصطنع: المشكلة إني هبقي عمتو مش خالتوا
(والله نفس مشكلتي يا بنتي والله🥹😂)
ندي بضحك: هو إنتي بتدوري على اي حاجة عشان تزعلي ولا إيه
فريدة بضحك: بهزر والله ونزلت عند بطنها وقالت: هو انا مش سامعة صوت ليه
غزل بضحك: تلاقيه نايم/ـة اصل هو/هي بيناموا بدري
ندي: نتكلم بجد يا جماعة انا لازم بكرا اروح لدكتور
فريدة: طبعا دة لازم تروحي
ندي: هروح بكرا أنا ومراد إن شاء الله
غزل وفريدة في صوت واحد: إن شاء الله
_______________
"عند ليل ومراد"
ليل وهو بيتكلم في الفون: تمام يا يونس المكتب يكون جاهز على أول الإسبوع يكون في كل حاجة وأهم حاجة اللابتوب
يونس: ماشي يا مستر ليل كل حاجة هتكون جاهزة على أول الإسبوع
ليل: تمام يا يونس يلا سلام ..... وقفلوا مع بعض
مراد: ليل ليه المكتب هيكون في لابتوب طيب ما أنا عندي لابتوب
ليل: دة لابتوب الشغل هيبقي في كل شغلك ولو حبيت تأجز يوم في البيت هتشتغل من عليه في البيت فاهمني
مراد: أه ايوة فاهمك
ليل: نبدأ بقا شغلنا تعالي أعرفك كل حاجة بخصوص الشغل .... وفتح اللابتوب بتاعه وفضل يفهمه كل حاجة بخصوص الشغل ومراد كان ذكي جدا وبيفهم بسرعة
ليل: هنا الصفقات وكل حاجة متعلقة والصفقات هتدوس هنا عشان تعرضها
مراد وهو بيبص علي اللابتوب: أيوة عرفت
ليل: دي اول حاجة في شغلنا ..... وإداله اللابتوب وقاله: ها اعتبر إن دة شغلك هتعمل إيه
مراد: ..................
ليل: عظيم اوي كدا إنت فهمت اول حاجة في شغلنا ... تعالي ننزل تحت بقا مش هنفضل اليوم كله هنا نبقي نكمل بكرا
مراد: ماشي تعالي ننزل .... ونزلوا
_______________
كل واحد كان قاعد مع مراته ليل وغزل ومراد وندي وسليم وثريا
ثريا: أنا خليت سميحة تعمل عصائر وحلويات عشان الخبر العسل اللي سمعناه إنهاردة أظن كلها حاجات في البيت مافيش حاجة مصنعة عشان ندوش
ندي بإبتسامة: شكرا يا ماما (ما هي في مقام مامتها بردوا😂❤️)
ليل بإبتسامة: يتربى/تتربى في عزكوا إن شاء الله
سليم بضحك: وعقبال ما نشوف عيالك إنت كمان يا ليل
ليل بإبتسامة: إن شاء الله قريب
ثريا بضحك عالي: مش فاهمة يعني حددتوا معاد الحمل يعني
سليم بضحك: بيحددوا لسة ...... وغزل بصت لـليل بنظرة خجل وليل ضحك على خجلها
ندي بهمس: مراد علي فكرة إحنا لازم نروح لدكتور بكرا
مراد: أيوة يا حبيبتي عارف هنروح بكرا إن شاء الله
ندي: أنا بس كنت بعرفك عشان نروح بكرا
مراد: عارف يا روحي هنروح بكرا إن شاء الله
واليوم عدا بسعادة وكل واحد راح فيلته ... وطبعا مراد كان معرف ندى بموضوع الشركة دة
___________________
"في صباح فيلا مراد الجرحي"
مراد: ندوش ندوش قومي يلا الساعة بقت 10 الصبح
ندي بنوم: سيبني شوية يا مراد عايزة أنام
مراد وهو بيلعب في شعرها عشان يدايقها: لا قومي يلا
ندي بإنزعاج: بس يا مراد .... اوووف خلاص خلاص هقوم
مراد بضحك: لازم اعمل كدا عشان تقومي !!
ندي: أديني قمت أهوا
مراد بحب: لا بس إيه القمر والحلاوة دي على الصبح
ندي بخجل: شكرا والله ... وسع كدا عشان أقوم أخد شاور
مراد: اهوا قومي .... علي فكرة معادنا مع الدكتور إنهاردة الساعة 5
ندي: حاضر
________________
"في فيلا ليل الجرحي"
ليل: غزولة أنا هفطر وهروح الشركة ماشي
غزل: ماشي يا ليو بس ثواني وصفيا تكون خلصت الفطار
ليل: ماشي انا كدا كدا مش مستعجل يعني
غزل: وموضوع مكتب مراد خلص ولا لسة
ليل بضحك: هو الراجل لحق يعمل حاجة المكتب جاهز بس عايز يتظبط ويتحطله شوية حاجات كدا
غزل: امممم فهمت
صفيا: الفطار جهز يا ست هانم وحطيته علي السفرة
غزل: طيب يا صفيا تقدري تمشي(يعني تروح علي المطبخ مش تمشي خالص علي بيتها👍)
ليل: يلا نفطر عشان هموت من الجوع
غزل بضحك: إنت على طول هتموت من الجوع
ليل بضحك: ما بلاش إنتي يا غزل
غزل بضحك: بس إسكت هنفضح نفسنا
ليل: اهااا سكتنا ..... وليل فطر ونزل ركب عربيته واتجه إلى الشركة
________________
"في الشركة"
ليل: المكتب اللي قلتلك عليه يا يونس فاضله قد ايه ويخلص
يونس: المكتب هيكون جاهز قبل بداية الأسبوع الجاي إن شاء الله يا مستر ليل
ليل: عظيم ..... انا واثق إنك هتعملي شغل كويس في المكتب
يونس: إن شاء الله
مازن وهو بيجري: ليل ليل عامل إيه
ليل بفزع: في إيه فجعتني اللي يشوفك يقول في مصيبة
مازن: يعم وحشتني فيها إيه
ليل: يا سيدي كتر خيرك شكرا جهز نفسك بقا عشان الشغل جامد إنهاردة
مازن بفضول: ماشي إلا صحيح مكتب إيه اللي عمال تتكلم عليه من الصبح دة
ليل بإبتسامة: هتعرف بعدين يا مازن
مازن بضحك: دة الموضوع شكله مهم بقا
ليل: أصبر وهتعرف قريب
______________
"في المساء"
"في فيلا مراد الجرحي"
مراد: خلصتي لبس يا ندى ولا لسة؟؟
ندي: أيوة خلصت لبس يا مراد يلا نمشي
مراد وهو ماسك إيدها: يلا يا روحي ...... وركب عربيته واتجهوا الي المستشفي
_______________
"في المستشفي"
دخل مراد وندي وكتبوا معلومات في الـCV والدكتور رحب بيهم
الدكتور: مدام ندي حامل في الشهر الأول .... طبعاً في الشهور الاولى دي لازم راحة تامة لإنه الجنين عبارة عن ماية ود"م دلوقتي وطبعاً يا عريس لازم متقـ"ـربش منها لمدة 3 شهور عشان نثبت الجنين
مراد: طيب هل في أدوية لازم تأخدها؟؟
الدكتور: طبعاً في أدوية لازم تأخدها انا هكتبلها علي أدوية .... والدكتور كتب الأدوية اللي ندي هتاخدها
الدكتور: هي دي الأدوية اللي المفروض تاخدها .... وطبعا الراحة التامة مهمة جدا
مراد: شكرا يا دكتور ... ومراد هو ندي مشيوا وراحوا ركبوا العربية واتجهوا الي الصيدلية عشان يجيبوا الدوا وإتجهوا على الفيلا
_______________
"في فيلا مراد الجرحي"
ندي بتعب: اوووف أنا تعبت .... هتعمل ايه دلوقتي
مراد: مش هعمل حاجة هعمل شوية حاجات كدا على اللابتوب ليل كان قايلي عليها
ندي: أنا جعانة على فكرة
مراد بصدمة: جعانة يابنتي إنتي لسة أكلة ساندوتشين شاورما لحقتي تجوعي
ندي بدموع: لا أنا جعانة
مراد: خلاص خلاص متعيطيش هتأكلي إيه طيب
ندي بدموع: أي حاجة يا ميرو
مراد بسرحان: والله إحنا هنضيع ميرو وشكلنا هننسى كلام الدكتور
ندي: مراد إحترم نفسك
مراد بنفخ: يعني أنا مطلوب مني كدا عشان الباشا ولا الست هانم اللي جاي/ة
ندي بإبتسامة: أه يا روحي معلش كل حاجة وليها ضريبتها
مراد: مااااشي كله عشان حبيبي ولا حبيبتي
ندي: طيب أنا جعانة دلوقتي
مراد: طيب هخلي صفيا تعملك أكل وعقبال ما تغيري هدومك
ندي: ماشي يا ميرو .... ومراد قال لصفيا تعمل أكل وندي غيرت هدومها وبدأت تأكل
ندي: إنت مش هتأكل ليه من ساعة ما نزلنا وانت مأكلتش
مراد: لا مش جعان هخلص بس الحاجات اللي ليل قال عليها بعدين تبقي أكل
ندي: طيب عشان خاطري كُل الحتة دي
مراد: والله مش جعان بس هأكلها عشان خاطرك .... وندي كانت فرحانة عشان شايفة مراد فرحان وحياته بدأت تتحسن
________________
بعد مرور اسبوعين
طبعا مكتب مراد كان جهز بكل الحاجات من حيث ديكور أو لابتوب وسكرتارية وكل حاجة
(وجت اللحظة اللي كلنا مستنينها ومصر كلها مستنياها😂😂)
دخل مراد بكل كاريزما طبعا ببدلته الجذابة وشعره الطويل المتسرح وسط نظرات الموظفين وهمساتهم ومازن بص لمراد وفتح بقه وفضل متنح
ليل بإبتسامة: مازن أقدملك مراد الجرحي أخويا أظن باين من الأسم .... ومازن فضل متنح
ليل وهو بيكح: أحم أحم مازن إنت معانا علي الكوكب ولا إيه مالك يابني متنح كدا ليه
مازن بصدمة: هو دة إللي كنت بتقول عليه وجهزت المكتب له؟
ليل بإبتسامة: الله يفتح عليك أيوة بس إيه رأيك في المفاجأة
مازن وهو قاصد يغيظ ليل: لا بس أخوك عنده كاريزما أكتر منك
ليل بضحك: شفت يا مراد جبتلنا الكلام من اللي يسوي واللي يسوى
مازن: بحسب
مراد مد إيده لمازن: أنا مراد الجرحي
ومازن مد إيده لمراد: وأنا مازن الألفي شكلنا هنكون صحاب أوي
ليل: يلا بقا على الشغل أنتوا هتقضوها كلام يلا علي الشغل
سليم بحماس: مراد عايزك ليل مازن انتوا إنهاردة شغل مع بعض
مراد في سره: طيب اشوف مكتبي الأول
سليم: مراد طبعا ليل عرفك معظم شغلنا زي ما قلنا هنبدأ بشغل بسيط بعد كدا ندخل في التقيل
مراد بحماس: حاضر يا بابا
سليم بحماس: طيب يلا تعالي نبدأ شغلنا ..... وبدأوا شغلهم وشغلوا التايم لاين عشان يشوفوا كمية الشغل مع كمية الوقت وسليم لاحظ تركيز مراد وحماسه في الشغل وإبتسم إبتسامة واضحة
سليم: اوووه دة أنت داخل سخن بقا عديتني في الشغل
مراد بتكبر مصطنع: مجتهد بقا نعمل إيه
سليم بضحك: طيب كمل شغلك بقا
________________
"عند ليل ومازن"
مازن: ليل بصراحة أخوك مراد عنده كاريزما عنك
ليل بضحك: ما خلاص يا مازن انت علقت ولا إيه من ساعة ما جيت وانت مبطلتش تقول إن مراد عندوا كاريزما
مازن: ياااه دة فيه منافسة جامدة في الشركة
ليل بضحك: منافسة إيه يا مازن هو دوري تعالي بس نركز في الشغل
مازن: طيب تعالي نركز في الشغل والورق دة
_________________
"عند سليم ومراد"
سليم: كدا خلصنا شغل هنا تقدر تكمل في مكتبك
مراد بحماس: حاضر انا رايح مكتبي ... وراح مراد مكتبه وسليم فضل مبتسم لإنه شاف تغير مراد من حالة لأخري ومراد راح مكتبه ودخل بحماس عشان يشوف مكتبه وفرح جدا لإنه شاف صورة ليهم هما الأربعة سليم وليل ومراد وفريدة علي مكتبه
مراد: تحفهه ديكور وكل حاجة في المكتب تحفهه ...وهنا دخل عليه ليل
ليل: إيه رأيك في المكتب والديكور
مراد بإبتسامة: تحفههه بجد
ليل بفرحة: طيب كويس إنه عجبك ..... وسلموا على بعض
مراد بتكبر مصطنع: يلا سيبني عشان عندي شغل
ليل: حاضر ياخويا هسيبك
________________
بعد مرور 4 شهور
ندي ومراد كان رايحين عند الدكتور عشان يعرفوا نوع المولود
ندي: مراد هو إنت نفسك في ولد ولا بنت
مراد وهو بيبوس إيدها: كل اللي يجيبه ربنا حلو لو ولد يكون شبهك ولو بنت تكون زيك
دمتمندي: طيب لو بنت هتسميها إيه
مراد بحب: هسميها ندي ولو ولد لا حقيقي معرفش ... يلا بقا عشان منتاخرش على الدكتور ...... وركبوا عربيتهم واتجهوا الي المستشفي
________________
"في المستشفي"
الدكتور وهو بيعمل السونار: الرؤية من الزاوية دي أوضح
ندي بفضول: ولد ولا بنت؟؟
الدكتور: ..........
ندي بفرحة: ....
يتبع.........
توقعاتكم لبارت اللي جاي 🙃🤔 توقعوا في الكومنتس ندي حامل في بنت ولا ولد؟؟🤔🫡
متنسوش التفاعل يا حبايبي❤️
•تابع الفصل التالي "رواية حبي الوحيد" اضغط على اسم الرواية