رواية احببتها بنقابها اكثر الفصل السادس و العشرون 26 - بقلم حبيبة محمود
*"ࢪِوايَــ🩵ـات تُـࢪضِــ♡ــيه ﷻ"*
*«أحببتُـها بنقابها أڪثࢪ👀💛»*
*`الفصل"26"`*
احببتها_بنقابها_اكثر
البارت السادس والعشرين
اللهم صل وسلم على سيدنا محمد
نور : حضرتك دا منزل الاستاذ عز الدين
وفى نفسها ( ياه نفس ريحة ماما ونفس الملامح يارب تكونى خالتو )
السيدة : اه يا حبيبتي اتفضلي ادخلى
ودخلت نور مع السيدة
السيدة : تشربي اى يا جميلة ؟!
نور: ولا حاجه يا طنط ربنا يعزك
بس انا عايزة حضرتك فى موضوع
السيدة : اتفضلي يا حبيبتي
نور: ممكن بس اعرف اسم حضرتك ؟
السيدة : انا أسمى فاطمة السيد
أدمعت عينها فكيف لها بعد فراق دام لعشر سنوات أن ترى أحد من رائحة امها
ياه يا امى لو بقيتي ،لو انك دمتى بجانبي والله رغم وجود الكثير حولى الا انك كل شئ ،ذهبت وانا لا شئ بدونك ،انتهت الحياة بك
حنان : اى يا بنتى يا حبيبتي انت بتعيطى
تعالى ارفعى النقاب وغسلي متخافيش مفيش حد غيري
رفعت نور نقابها
السيدة : أما انت فيكى شبه كبير اوى من اغلى انسانه على قلبي
نور: انا بنتها انا نور بنت خديجة
ودى الورقة إللى سبتها قبل ما تموت
فاطمة : اختى ماتت يا حبيبة قلبي كنت عارفه انك مظلومة ولا يمكن تعملى كده حسبي الله ونعم الوكيل فى ابوكى يا نور
وأخذت نور فى أحضانها
فاطمة : انت لا يمكن تبعدى عنى
انت هتفضلي معايا علطول
سبحان الله وبحمده سبحان الله العظيم
فى منزل رحمة
تقوم من النوم فزعة بسبب اصوات عاليه
رحمة : لا اله الا الله فى اى على الصبح
تخرج رحمة إلى الصالون
تجد معتز واخته الصغري سبب المشاكل روان
رحمة : حسبي الله
انت يا بنى ادم براس كلب
بتزعل روان حبيبة قلبي ليه
روان : تعالى يا رحمة شوفى معتز ابو طويلة خد الشوكلاتة بتاعتى
رحمة : انت يا استاذ بتاخد حاجتها ليه ها تعالى هنا
معتز : يا رحمة دا انا اللى لسه جايبها ليها وبقولها هاتى حته
روان : بس انت هتدخل النار يا كذاب
ينفع يا رحمة كده وانا نونه صغيرة وعسولة كده
فين عبدالرحمن حبيبي
عبدالرحمن: انت اللى حبيبتى
روان : لأ متكلمنيش انا مخصماك
رحمة : انت زعلانه منهم كلهم ربنا يستر عليا
وانتظرت قليلا وفجأة ووجد معتز كوب من الماء عليه
معتز: يا بنت الايه والله العظيم لوريكى يا روان
ونزلت تجرى على السلم
رحمة لعبد الرحمن: الحقهم بالله عليك على ما اغسل واصلي الضحى والبس وهنزل وراك
استغفر الله العظيم رب العرش العظيم و اتوب اليه
فى منزل نذهب إليه للمرة الأولى
تجلس اميرة فى أحد الزوايا تبكى
الحاج عبدالرحيم: اى يا بنت الناس بتعيطى ليه دلوقتي
اميرة : مفيش بس مش عايزة اروح ليهم والله ممكن يموتونى
الحاج عبدالرحيم: مش هروحك بس هشوف ليكى حل
اميرة : ربنا يكرمك يارب
🥰🌺
فلاااااااااش باااااااااك
عبدالرحيم: اتفضلي يا عروسه
اميرة : والنبي يارب يخليك انا مليش ذنب
عبدالرحيم : طب تعالى اقعدى
ارتاحى
اميرة خائفة لا تتحرك
عبدالرحيم: تعالى والله ما هعملك حاجه
اميرة : ترضي لبنتك يحصل فيها كده وانا مليش ذنب فى حاجه والله هما السبب
طب شغلنى خدامة عندك وانا والله ما هزعل حد بس بلاش والنبي
عبدالرحيم: انت فى عمر بنتى وانا متجوزش واحدة بتكرهنى
ماشي انا هطلقك وانت من انهاردة بنتى وحرام عليا ليوم الدين
اميرة : ماشي طب يلا طلقنى
عبدالرحيم: والله العظيم لطلقك بس الناس تقول اى علينا يلا ادخلى انت الاوضه اللى على اليمين دى وانا هنام فى الأوضاع اللى جنبك وأدى يا بنتى المفتاح اقفلي على نفسك
ذهب مصطفى إلى الجيم برفقة صديقه
محمود
مصطفى: يا ابنى انا تعبت والله ،التمارين دى صعبه اوى والله مش قادر اتحمل
محمود: معلش يا حبيبي استحمل ، والله كلها شوية وهتبقي تمام والله
الكابتن : شد حيلك يا بشمهندس ، انت اقوى من كده
مصطفى: ربنا يسهل يارب
بعد صلاة العصر
فى منزل رحمة
دخلت هناء إلى رحمة
هناء: يا رحومة يلا يا حبيبتي البسي فى ضيفه برا عايزة تشوفك
رحمة : حاضر هقول الاذكار واجيلك
بعد قليل خرجت رحمة وفوجئت فهذة هى ام مصطفى
ساميه : الحمدلله على السلامه يا حبيبتي
رحمة : الله يسلمك يا خالتى اخبارك اى
سامية : الحمدلله بخير طول ما انت بخير
ممكن تسيبينى مع رحمة شوية لو سمحت يا هناء
هناء: طبعا يا حبيبتي
وخرجت هناء
ساميه : انا عارفه انك مستغربة بس انا عايزة احكيلك عن حاجه وانت ليكى الحكم فى الاخر
رحمة: اتفضلي يا خالتى
ساميه : انا مصطفى ابنى عمل حادثة وبقي عاجز ومش بيقدر يمشي
رحمة: أسأل الله العظيم رب العرش العظيم ان يشفيه شفاء لا يغادر سقما
ساميه : من قبل الحادث وهو كان كل يوم والله ولا انسي لما اعدى من جنب اوضته بالليل وهو بيدعى ربنا بيكى وكان بكاءه بيقطع قلبي بعد ما انت رفضتيه
لما تعبت
انا صعب عليا الحالة اللى هو فيها وقولت أخطب ليه واحدة تانيه يمكن ينساكى
بس هو فضل متمسك بيكى
انا مش هحكيلك عن اللى بيمر بيه لكن والله العظيم ابنى بيحبك ومش من وقت قليل دا من سنين ولحد دلوقتي انت اللى في قلبه ومفكرش فى غيرك
اتمنى تفكرى فى طلبه من اول وجديد
لسه رحمة هتتكلم
ساميه : فكرى براحتك وانا لو رفضت هتفضلي فى نظرى عاليه بردوا
عن اذنك
فى منزل احمد
فاطمة : يلا يا نور يا حبيبتي علشان تاكلى
نور: انا هاكل هنا يا خالتي
فاطمة : اى خالتى دى انا ماما
ولا انا مش زى يا ماما
نور: انت ريحة ماما حاضر يا ماما
بس مش عايزة اكل برا
دخل عز الدين
عز الدين: اى يا نور هو مش انا زى بابا بردوا وأحمد اخوكى مكسوفه ليه بقي
نور: لا ابدا يا بابا بس علشان أكون براحتى
مسكتها فاطمة وخرجت
فاطمة : يلا تعالى اقعدى هنا جانبي انا ما صدقت بقي عندى بنت
احمد: أيوة بقي وانا اتركنت على الرف
وبكرا نهر تيجي ولا هتبصي فى وشي
رفعت نور عينها لترى من صاحب هذا الصوت
نور: دكتور احمد
احمد : اى دا هو انا مشهور اوى كده
نور: انا صاحبة نهر وطالبه عند حضرتك
احمد : هو انت واحدة من حزب رحمة ونهر
الله اكبر
فاطمة : ياه يعنى انا وانت كنا فى الشبكه مع بعض ومعرفتكيش
نور: انا كنت بالنقاب بقي يلا حصل خير
وفجأة الباب خبط
نور: خليكى يا ماما انا هفتح
وهى فى طريقها إلى الباب ظل الطارق يرن الجرس بطريقة مستفزة
نور: استنى يا اللى بتخبط ،اهدى على نفسك
وفتحت الباب
......: اى دا هو انا دخلت شقه غلط ولا اى
نور: عايز مين حضرتك ؟!
....: العنوان اهو عز الدين حسن
نور: أيوة حضرتك هو دا العنوان
ياسين: يا عيني عليكى يا بطة دى اخرتها يا عز
وسعى كده يا مرات عمى
ودخل
نور: مرات عمى ؟! هو اتهبل دا ولا اى
عز : اى يا ياسين عامل دوشه ليه
ياسين: دى اخرتها يا عز تتجوز على بطوط بقي القمر دا يتساب لا والله
فاطمة : يا سين استنى بس
ياسين: استنى اى وحياة عيالى لتقومى تلمى هدومك وتقعدى فى شقتى
احمد : أهدى يا ياسين بس واسمع
ياسين : اسمع اى بقى انت يا شحط سايب ابوك يتجوز كده وساكت
يلا يا ماما ادخلى هاتى هدومك وسيبي ليهم البيت باللى فيه
نور: ما تهدى يا استاذ كده واسمع دى خالتى ودا جوز خالتى وفر مقام والدى
اى افهم كدا وانت داخل زى انبوبه البوتجاز اللى بتهب فجأة
بعد أن ذهبت ساميه
دخلت رحمة لتتحدث مع الفتيات
رحمة: اجمع هنا يا حوريات
وحشتونى يا عيال
اسماء: وحشتينى يا بت يا رحومة
الله بقي ويتلم الشمل
امانى : هلا وغلا بيكى يا رحومتى
رحمة : اهلين والله بالشباب
فين نهر ونور
امانى : مش فاتحين انهاردة
رحمة : سماسيموا بقولك مش عبدالرحمن هيجيلك انهاردة
امانى : ما هى عارفه وعماله تظبط فى نفسها يا اختى
رحمة: خليها تظبط وتدلع براحتها
اسماء: بس يا بنت عيب كده
رحمة : متكسفيهاش يا امانى بقي
انتهت من حديثهم
وبدأت فى التسجيل
رحمة : السلام عليكم ورحمة الله وبركاتة
كيف حالكن يا رفيقات الفردوس
اشتقت لكن كثيراً
انهاردة وبعد غياب هنتكلم عن
((صلاة الفجر))
بما إنه ناس كتير عندها مشكلة في الاستيقاظ لصلاة الفجر ف خلينا نتكلم شويه عنها
أول شيء تضييع وقت الصلاة من الكبائر
وإنه ال بيضيع وقت الصلاة عن عمد دا أتى بذنب عظيم أشد من السارق والزاني وشارب الخمر
كمان من صفات المنافقين التخلف عن صلاتي الفجر والعشاء!!
وصلاة الفجر ليها وقتها زي أي صلاة
و وقتها من طلوع الفجر الثاني حتى طلوع الشمس
يعني لما تطلع الشمس يبقى كدا وقت صلاة الفجر ضاع.. مش زي ما ناس كتير فاكره إنه صلاة الفجر بتتصلى الصبح بعد طلوع الشمس
طيب نعمل أي علشان نصحى؟
أول حاجه الصدق
والله لو أنت ورايح تنام وشايل هم صلاة الفجر ربنا هيسخرلك جنوده يوقظوك
والله.. ربنا بيسخرلك السرير ال نايم عليه بس لو أنت صادق
ممكن يسخرلك بعوضة تقرصك ف تقوم
ممكن سبحان الله تقوم لوحدك كدا..
المهم الصدق
تاني حاجه تاخد بالأسباب
تنام بدري على الأقل علشان جسمك ودماغك ترتاح وتقدر تقوم نشيط
هتظبط منبهك + تخلي حد يصحيك
التوبة ثم التوبة
الحرمان من الطاعات وصلاة الفجر سببه الذنوب
متنامش إلا وأنت تائب عن كل ما فعلت في يومك
الدعاء
تدعي كتير إنه ربنا يوقظك للصلاة وبرضو تكون صادق
اللجوء لله
تبرأ من حولك وقوتك وأظهر ضعفك واحتياجك لله
أذكار قبل النوم علشان تحصن نفسك من عقد الشيطان
" والذين جاهدوا فينا لنهدينهم سبلنا"
والذين جاهدوا..
على قدر جهادك؛ تأتي المعونة
ولا حول ولا قوة إلا بالله
بعد المغرب
رحمة : ايوا بقي يا بودة اى ياض الحلاوة دى
عبدالرحمن: طول عمرى يا بت
رحمة: طالعلى يا ولا
عبدالرحمن: ما تيجي معايا يا رحومة
هناء: أيوة يا رحمة اخرجى
معاه غيري جو
رحمة : لا يا حبيبي روح انت علشان تكونوا براحتكم
عبدالرحمن: براحتنا اى يا شيخة ، هى دى بتنطق دا انا باخد الكلام منها بالعافيه
رحمة: مكسوفة يا عبدالرحمن ، بكرا تفك لما تاخد عليك
هناء: معلش يا عبدالرحمن هى اسماء كده دى لسه من سنتين بس واخدة عليا وانت عارف هى ورحمة من الابتدائي مع بعض
فى منزل اسماء بعد ساعه
امانى : عبدالرحمن وصل تحت يا سمسم
اسماء : طب اعمل اى تعالى لفي الخمار ولا اقولك جهزى العصير
ولا اعمل اى
امانى : أهدى بس كده ولفي انت الخمار وانا هروح اجهز كل حاجه
وقامت الام بإستقبال عبدالرحمن
عبدالرحمن: السلام عليكم ورحمة الله وبركاته
اخبارك يا امى
وقام بتقبيل يدها
حنان : وعليكم السلام ورحمة الله وبركاته
اتفضل يا حبيبي
عبدالرحمن: اخبار صحتك اى يا امى
حنان : الحمدلله فى نعمة
وبعد قليل
امانى : اهلا يا ابو نسب اخبارك ايه
عبدالرحمن: الحمدلله فى زحام من النعم
اخبارك يا امانى
عبدالرحمن: الحمدلله بخير
وخرجت اسماء
السلام عليكم ورحمة الله وبركاته
عبدالرحمن: وعليكم السلام ورحمة الله وبركاته
اخبارك اى يا جميلتى
اتكسفت اسماء ولم ترد
حنان : تعالى يا امانى معايا أما اقولك
وسابوهم سوا
قام عبدالرحمن وجلس فى الكرسي المجاور لها
عبدالرحمن: يا بنت الحلال مش بتردى ليه
اسماء: ارد اقول اى
عبدالرحمن : انا عايز اقولك سر بقي
عارفه انا اتجوزتك ليه
اسماء: لأ مش عارفه
عبدالرحمن: علشان بحبك يا اجمل انسانه شفتها عيني
بقالى كتير اوى من وانت لسه صغيرة وانا بحبك
ومحدش يعرف غير رحمة
اسماء: أحبتك الجنه وخالقها وعباد خالقها
عبدالرحمن: آمين يارب العالمين وإياكى بس اى مفيش رد حلو كده
طب وحشتيني اوى
اسماء: لا اوحش الله لك قلبا ولا قبرا
عبدالرحمن: يا بنت الناس الله يرضي عنك
انا صابر بقالى سنين
اسماء: انا مالى يا باشا
اصبر شوية كمان
عبدالرحمن: اديني صابر اهو
أما نشوف اخرتها
فى منزل احمد
ياسين : طب اى بقي اتغدينا مفيش عشا ولا اى يا بطوط
نور: ماما الطفس اللى برا دا عايز ياكل
فاطمة : ياسين دا ابنى ومش بياكل غير من ايدى
بيسيب اكل امه ويجي ياكل هنا
نور: شكل الكل بيحبك يا ماما
ياسين فى الخارج
ياسين : يا بشررررر جعااااااان
احمد: بس يا حيوان بطل جعير
فاطمة : ملكش دعوة بأخوك يا احمد
من عنيا يا حبيبي انا ونور بنجهز العشاء اهو
على ما تروحو تصلوا العشاء
هيكون كل حاجه جاهزة
ياسين : يا ماما نور شكلها مش بتعرف تعمل حاجه
فى الداخل
نور: مين دى اللى مبتعرفش تعمل اكل يا بطة بلدى انت
عز : اى يا نور بتشتمى على مين ؟!😂😂
نور: على الكائن البطريق اللى برا دا عمال يزعق
جعااااااان جعااااااان
😂😂
بعد يومين
فى منزل مصطفى
ساميه : مالك يا مصطفى زعلان ليه
مصطفى: مفيش يا حبيبتي بس مضايق علشان مش قادر اصلي
ساميه : يا حبيبي ربنا يغفر لك وبعدين انت بتصلي وانت قاعد
مصطفى: يارب يا ماما
ساميه : إن شاء الله يا حبيبي وبكرا تتجوز وأشوف عيالك بيبلعبوا قدامى
مصطفى : لعله خير إن شاء الله
بعد اذنك يا ماما عايز ارتاح شوية
ممكن تسيبينى لوحدى
بعد أن خرجت
اتصلت ساميه ب رحمة لتعرف ردها
ساميه : الو سلام عليكم ورحمة الله وبركاته
رحمة : وعليكم السلام ورحمة الله وبركاته
ساميه : انا اتصلت علشان اعرف ردك اى
رحمة : والله انا فكرت واستخرت الله فى الموضوع دا
يتبع....
✪𔘓𓊔˖ִ𔘓˖ִ𓊔˖✪𔘓𓊔˖ִ𔘓𓊔˖ִ✪𓊔˖ִ𔘓𓊔𔘓✪
- يتبع الفصل التالي اضغط على (رواية احببتها بنقابها اكثر) اسم الرواية