رواية قسوة احفاد ال هتان الفصل السابع و العشرون 27 - بقلم هاجر النعيمي
part 27
بقلمي (هاجر النعيمي)
.................
💬 سارة : اني احب تيم
انصدمت شلون ايمتا
💬 هاجر : شلون ايمتا
💬 سارة : من اول مره شفتو بالجامعة
💬 هاجر : تعالي اتصال
هاجر : من رخصتكم
طلعت للكراج احجي وياها اتصلت ردت كلت
هاجر : شلون تحبين تيم ماتعرفين يحب بنت عمتي
سارة : اعرف والله بس ما بيدي حبيتو من اول مرة
شفتو بيها
هاجر : بس اشون انتي الي راح تتعذبين تيم يحب
آيلا ما ممكن يتخلى عنها
سارة : حبابه لا تقهريني
هاجر : مااقهرج بس انتي اختاريتي شخص يحب
وحده غيرج غلط هذا الشي
سارة : مابيدي والله اشكد حاولت الغي هاي الافكار
بس مااكدر كل يوم اتخيل نفسي معا
هاجر : حرام شبيج
سارة : اعرف والله اعرف اريد حل تعبت والله هاي
من اول يوم داومت بي واني كلبي صار بيدو
هاجر : وهسه اشون
سارة : ان شاءالله يطلكها
هاجر : الله لا يقدر سارة اشبيج انتي من ايمتا هشكل
من ايمتا تريدين تخربين حياة بنت مالها ذنب علمود
مصلحتج انتي ما هشكل
سارة : تعبت والله تخيلي اراقب حسابو واشوف اش
ينزل
هاجر : ما هشكل بقه
سارة : ليش ماتفهميني
هاجر : اشون افهمج تحبين واحد مزوج سارة طلعي
من عقلج وكلبج تيم يحب آيلا يعشقها حارب علمودها
سارة : اعرف بس جيبي الي يقنع كلبي
هاجر : ماعرف
سارة : اروح اني امي تصيحني
سديته منها بقيت محتاره راسي صار يوجعني معقولة
سارة تحب تيم وتدعي علمود يطلكون ياربي لا الله
لا يسمع منها اجاني صوت من ورا
عباس : ليش واكفه هنا وحدج
هاجر : عفوا بس شعليك
عباس : قوية هم عجبتيني
هاجر : هيوو اضبط كلامك
عباس : عفتي كل الناس واجيتي على تميم مايفيدج
مايستاهل هذا الجمال
هاجر : انجب
عباس : جاي انصحج اني
هاجر : خلي نصيحتك الك
فتت وعفتو دخلت شفت زهراء كتلها على الي كالو
عباس كالت
زهراء : من زمان اني هم يحجي وياي ب هاي الطريقة
وحتى من بداية زواجي كلي مايفيدج مايستاهلج بس
اني جنت ثولة ماصدكت بي هاي جزاتي
هاجر : ترا عدخاف
زهراء : ليش
هاجر : من الي يصير معاج اخاف يصير معايه
زهراء : بصراحه مااستبعد انو يصير هيج وياج
هاجر : خوفتيني
زهراء : خليها على الله اهم شي ماتكولين ل تميم عن
الي كاله عباس لان تصير مجزرة
هاجر : اي اعرف
صبو عشه تعشينه وكملنا لمار وميار يغلسن مواعين
زهراء ترتب المطبخ وملاك تشيل المواعين الي يغسلوهن
وتحطهن بالكاونتر عذراء تسوي الجاي وعذاري واكفه
على صفحه نفسي كملو ودخلنا للصاله
امير : خلي نطلع نفتر
تميم : حلو بس نريد مكانات حلوة
هاجر : اذا تريدون مكان حلوة هيا الغابات حيل حلوة
بيها كازينو وحتى مدينة العاب
علاوي : خلي نروح مدينة العاب
دانيال : اي عفيه يلا خالو
تميم : دانيال تريد تروح مدينة العاب
دانيال : اي خالو حباب
تميم : تدلل يلا بنات روحن البسن والي تريد تجي
من نسوان عمامي او عماتي هلا بيها تكوم تبدل
راوية : اني مااجي
امير : ليش
راوية : زعلانه ليش احمد راح ياخذ بنت خالته فلا
اجي
تميم : راوية افرحي لحفيدج وتعالي تونسي ويانه
هو احمد بيش الكيلو خلي يولي لا تهتمين تعالي
تونسي
راوية : انت انجب على اساس انت احسن
امير : اوففففففف قوية
راوية : شوفو منو يحجي ليش مو انت راس البله
حيدر : والله بيبي قصفتي الكل
راوية : اي طبعاً اسكت حتى مااقصفك
حيدر حط ايدو على حلكو بمعنى سكتت طلعو البنات
يبدلن واني بقيت انتظر لان اني الوحيده الي كاملة
كملو وطلعنا للغابات اني و ملاك و رشا و دانيال و راوية
ويا تميم زهراء و احمد و علي ابنها و علي اخو امير
ولمار ويا امير حيدر اخذ عباس وكرار وميار وعذراء
وعذاري
وصلنا الغابات صورت شويه بعدها كالو ينزلون يلعبون
مدينة العاب علمود الاطفال جذابين الكل بلشو يلعبون
جانت ونسه من العمر حيل فرحت وتونست كال تميم
تميم : تصعدون بالدسكفري
زهراء : لا تميم شوفه يخوف
امير : مايخوف يلا نروح
اني وتميم وامير وملاك ولمار وحيدر وكرار صعدنا
وامير سحل زهراء غصب حتى تصعد ويانه الباقي
ماحبو نزلنه وزهراء تتحلف لامير
زهراء : والله فلا اصعد احس نفسي دخت كله بسببك
تميم : شبيج صيري سباعية نفس هاجر
زهراء : تروح مني لو اسبك انت وهاجر
هاجر : ها زهراء
زهراء : عذريني دايخه ماعرف راسي من رجلي
لعبنا شكد بعدها تميم رجعني للبيت الصبح سولفت
الماما شنو سويت من وصلت يمهم لحد ما رجعت
سمعنا تلفون ماما يدك كالت
مروة : روحي جيبي تلفوني
هاجر : هسه
رحت للغرفة مالتها شفت المتصل عمه اميرة مارديت
رحت انطيته الماما ضلو يحجون بعدها سظته وكالت
مروة : تكول تعالو اليوم الصباحيه مال تيم وآيلا
هاجر : اي روحي اني مااجي
مروة : اي احسن ضلي هينه
ماما راحت تبدل واخواني هم يبدولن اني غلست ورحت
لغرفتي بس شنو اسوي غده اي مااعرف شي امي
كالت بابا وجدي راح يروحون وياهم واني عدفكر واسمع
اتصال شفت اسم تميم ابتسمت اخذته ودريت
تميم : هلا بقيطان كلبي
هاجر : هلا بيك كلبي
تميم : خلي اختصر السالفه لان مستعجل ساعه واجي
اخذج نطلع نتغده خوش مااريد اعتراض مفهوم
هاجر : بس اكول لاهلي
سديته منه واتصلت على بابا كال روحي رديت خبر
كال ساعه واجيج فتت سبحت طلعت بدلت كملت
انتظرته ربع ساعه واتصل رديت كال
تميم : طلعي يلا
سديته طلعت قفلت البيبان مال بيت اجه فتح باب
السيارة كعدت وراح كعد وحرك السيارة كلت
هاجر : امسك ايدي خلي نصور
مسك ايدي حولت خاتم الخطوبه باليسار وصورت ماجنت ادري الخاتم الي جان حلم الي صار اذية الي
ماجنت ادري راح اصير اسيرة بيد صاحب الخاتم
الي راح ادفع ثمن هذا الخاتم غالي
تميم : اكو مطعم كال حيدر انو طيب نروحله
هاجر : بكيفك
توجهنا للمطعم وصلنا ونزلنا كعدنا على ميز يم الشباك
يطل على الشارع كال
تميم : شنو تطلبين
هاجر : معرف
اجه الكرصون وانطانا المنيور اختارينا الاكل كعدنا
نسولف بين مايجي الاكل كال
تميم : ترا كلش تعبت خلي نسوي عرس
هاجر : ترا مابقى شي ويصير شهرين ليش مستعجل
والله الخطوبه حلوة
تميم : مليت خلي نزوج
هاجر : بعد وكت حباب
تميم : براحتج باعي بعد يومين اسافر
هاجر : صدك ليش وين
تميم : وحده وحده ليش لان اتونس وين ايطاليا
هاجر : وحدك
تميم : لا اني وراكان واحمد وحيدر
هاجر : وامير
تميم : مو فاضي
هاجر : تمام سفرة سعيدة مقدماً
تميم : بس نزوج اخذج وين ماتردين
هاجر : مو مهم اهم شي انت معايه
تميم : اخخخ احبج
هاجر : احبك يابعد كلبي
تميم : نوب يكلولي ليش تحبها دباع الغزل
اجاني اتصال طلعت تلفوني من الجنطه شفت تيم
المتصل رديت كال
تيم : ليش ماجيتي
هاجر : من ورا امك
تيم : ليش امي قلبت ضدج مااعرف راح اجن والله
لعبت نفسي ايمتا نرتاح
هاجر : شنسوي
تيم : هسه تجين وماعليج ب امي بعدين هاي الصباحية
مالتي يهون عليج ماتجين
هاجر : وامك
تيم : هيانها تسمع ماعليها بيج
هاجر : واسيل
تيم : زعلانه بيت اهلها
هاجر : خوش عجل بس اخلص واجي
تيم : ليش وينج
هاجر : معا تميم عنتغده
تيم : خوش انتظرج
هاجر : تمام بيباي
سديته وتميم يباوعلي بضوجه كلت
هاجر : اشبيك
تميم : مااحبه ونوب تروح لخاطره شكد ادبسز انتي
هاجر : ديلا الي يشوفك مايكول انت ابن خال حوراء
حبيبها عبالك
تميم : عوفي حوراء
هاجر : اعوفها من تعوف تيم
تميم : نوب اسمه قريب على اسمي
هاجر : ليش حبيتك لان قريب على اسمو
تميم : شلون راح يجيج راشدي طيار يلف وجهج
هاجر : اهووو
اجه الاكل اكلنا وكملنا حاسب وطلع كال
تميم : خلي نروح مرطبات وبعدين اوصلج لبيت عمتج
هاجر : تمام
وصلنا المرطبات كلت
هاجر : خلي ننزل
تميم : يلا انزلي حتى يتكسرن رجليج
هاجر : اهووو معقد
تميم : شلون راح اصمطج براشدي
نزل وراح يشتري ياربي ليش معقد هشكل واني مكيفه
من بغداد عبالي منفتح طلع معقد اكثر من الي عدنا
يبو بس ابقى احبو اجه واكلنا وصلني بيت عمتي اجيت
انزل كال
تميم : مستعجلة على شنو
هاجر : وصلنا غير انزل اضل يعني
تميم : اي تعالي
قربني علي وباسني بخدي ابتسمت رجع قربني اكثر
وخله شفايفه على شفايفي شويه وابتعد خفت وانصدمت
خاف اكو احد بالشارع عيب دحكت ماجان اكو احد
تنفست براحه كال
تميم : هاي خفايف يلا نزلي اوكفي باجر العصر نطلع
على بغداد
هاجر : تمام توصلون بالسلامة
نزلت دكيت الباب فتح الباب تيم أشرت ل تميم وهو
حرك واني دخلت سلمت جانو كرايبهم موجودين
شويه واجت اسيل جابها إلياس ومصالحها دخلت سلمت
بس عليه مااجت ديلا ميته على بوستج
كعدت وتدحك عليه بحقد عكس إلياس الي يدحك عليه
بنظرات حب ولهفه ابتسمت تك خد اجت عليه آيلا كالت
آيلا : افنديه ليش ماجيتي
هاجر : من خالتج
آيلا : يمعوده هيا ضايجه على إلياس شفتي اشكد
صاير ضعيف
هاجر : اي بالجهنم بيهم اني اشعليه
آيلا : دشوفي خالتي اشون صارت هيا واسيل
هاجر : كتلج بالجهنم بيهم
آيلا : ليش هشكل صايره قاسيه
هاجر : همَ الي سووني هشكل اتمنى ماتنسين
آيلا : واني اشعليه ولا تخافين ماانسى
ناريمان : يعموده دخلي يولون الله عوضج
هاجر : الحمدلله
آيلا : صحيح جنتي مع تميم بالمطعم
هاجر : اي
آيلا : من جان تيم يحجي معاج الكل جان كاعد
واصلا إلياس جان راح يموت من الغيرة
هاجر : اي طبو مرض
عفتهم ورحت يم ماما كتلها
هاجر : انتي كتيلي من تعرفين ايمتا يرجعون تعالي
كليلي راح يرجعون باجر العصر
مروة : خوش حتى اخابر ماسه يجون عدنا نعزمهم
هاجر : اي ياريت واعزمي زهراء هم
مروة : لازم نعزم بيت احماها هم خليها بينه نحنا
وغير مره نعزمهم
هاجر : خوش
ماما خابرتهم وعزمتهم وجدي كال يطلع الصبح ومن
يكمل يروح بيت عمو ثامر حتى مايشوفهم لان ماقابل
بالغزيمة بس بابا عادي لان حاب يتعرف عليهم ويشوف
بنتو وين راح تعيش ومع منو
ثاني يوم كعدت من وكت حتى اساعد ماما كملنا كلشي
وحطينا الاكل على النار جانت ب 11 ونص كالت ماما
مروة : روحي سبحي وبدلي وحطي مكياج بس
ما كثير
سويت مثل ماكالت ماما طلعت من الحمام لابسه
البرنطس بقيت ادور شي البسو اخر شي اقتنعت
لبست تيشرت نص ردن اسود ومرسوم علي عريش
مال شجر وجان الرسم بالفصوص لونهن عسلي
لبست بنطرون عسلي شلت شعري كعكه ونزلت شويه
من برجمي ( كذلتي) وخليت حمره وردي فاتح ومسكارة
وايلاينر وبعدهم مااجو الحمدلله كملت وهما مااجو
شويه واندك الباب طلع حسن يشوف منو وجانو همَ
دخلهم
سلمت عليهم اني وماما الي اجو عمه ماسه و ملاك
و رشا و ابنها و عمو محمد و تميم رتبنه السفرة على ميز
الطعام وكعدنا كلنا وبلشو يحجون كملنا وكعدنا واني
سويت جاي وصبيت للكل رحت قدمتو الهم وصلت
تميم انطيتو وغمزلي ابتسمت انطيتو ومشيت
ملاك بهمس : دنجبي وزوجي حتى تجين عدنا
هاجر بهمس : وانتي ليش متحمسه غير اذا اجي تخدميني واسوي مشاكل بينكم مستعجلة على المشاكل
ملاك بهمس : دنجبي لو اعرف جان ركعتج بزيج
هاجر بهمس : اي وتفشليني كدام اهلي
ضحكنا بصوت عالي الكل انتبهى دنكت مستحيه عمو
كال
محمد : لا تستحين بابا اخذي راحتج نحنا هم اهلج
ابتسمت اجاني مسج شفتها جانت من تميم كاتب
💬 تميم : عود سوي شي حتى ترحين للغرفة اريد
نحجي وحدنا
شفتها وصرت افكر شنو اسوي كال تميم
تميم : هاجر دليني على الحمام
كمت ويا طلعنا كال
تميم : كتلج سوي شي وانتي صافنه
هاجر : غير جنت افكر
تميم : دمشي يلا
رحنا لغرفتي فتنه وسديت الباب كعدنا على السرير
كال
تميم : شوكت تكعدين بغرفتي
هاجر : بعد اربع شهور
تميم : اي غير اموت
هاجر : اسم الله حبيبي
تميم : هواي حسي بيه
هاجر : حباب ترا حلوة الخطوبة
تميم : وين الحلوة مكضيها نواشف
هاجر : مافهمت
تميم : احسن هذا هم حضي حتى ماتلكفيها
هاجر : اهو غير انت تحجي بالالغاز
تميم : راح اجيبج بدفرة
هاجر : اروح احسن
كمت وسحبني من ايدي وكعدني بحضنو كلت
هاجر : تميم عوفني عيب
تميم : مرتي وين العيب
هاجر : تميم شبيك عوفني خلي اكوم
تميم : شمسوين بس كاعده بحضني
هاجر : تميم حباب عوفني
لزم راسي وخله شفايفه على شايفي استسلمت بقينه
فترة اختنكت حس وبعد عني باس خدي ونزل لركبتي
كلت
هاجر : لا حباب بالكوه تروح وانت تخلي اثر
تميم : اخلي بصمتي عليج حتى يعرفون انتي شي
ملكي
هاجر : حباب والله استحي من احد يشوفها
تميم : خلص عوفيها
رجع على شفايفي بس بعنف أذاني اريد بس يعوفني
ماكو عبالك فقد ادفع بي مايحس ضربتو بخفة على
رجلو وخر كال
تميم : شبيج
هاجر بدمع : اذيتني
تميم : اسف ماحسيت غير طعمهن يخبل
رجع كال
تميم : هذني النواشف قصدي فهمتي
هاجر : اي فهمت خلي نطلع عيب تاخرنا
تميم : اريد نزوج حتى مانكول عيب ومدري شنو
عرفتي ليش مستعجل
هاجر : اي خلاص شهرين ونزوج
طلعنا كعدت يم ملاك كالت بهمس
ملاك : كولو نروح للغرفة نحجي نبوس مو تجذبون
انصدمت كلت
هاجر : منو كال
ملاك : على اساس نحنا ثول لج حتى دانيال عرف
هاجر : صدك
ملاك : لا اشاقه بس الكل فهم
هاجر : شكد عيب
ملاك : اي والله عيب تروحون وبوس وكذا
هاجر : ملاككك
ملاك : يمه شحجيت
هاجر : ماخليتي شي
ملاك : لعد من تزوجون شلون مايضل احد مايعرف
شنو تسوون
هاجر : انجبي كافي
ملاك : ههههههه
بقو للمغرب وراحو ل بغداد مر كم يوم تميم راح على
ايطاليا ورجع ومر شهر قرب عيد ميلاد حسن قررنا
نسوي حفلة بسيطه علمودو وبالفعل عزمنا عماتي
وعمامي وخوالي وخالاتي ونحنا نزلنا للسوق نشتري
مستلزمات العيد ميلاد وهداية
رتبنه البيت واجو من وكت وحسن جان مع جدي
يساعدو وهيجي نكمل كلشي وهو ماكو نفخنه النفاخ
وزينه البيت البيت نخبص العصر اجه حسن وجدي
اول مادخل طكينه بوجهو هاي مال احتفال صار
يضحك ومايعرف شنو يسوي
كمل العيد ميلاد وخلص وبليل من راحو الناس حسن
فتح الهداية يبجي ويفتحها وفرحان صار عمرو 16
وحسين يبجي ليش نسوي الحسن وهو لا وامي
تكول
مروة : يا ابني ماهسه انت عيد ميلادك بعدين
حسين : ما عليه ليش بس ال حسن ما
راح يم حسن اخذ وحده من السيارات الي اجو الحسن
وحسن من كل عقلو صار يبجي وتكاونو وامي كالت
مروة : حسن انت كبير انطي الاخوك وحده يلا
حبيبي
حسن : خذ
حسين : مااريد هاي اريد هذيج
حسن راح جابها وانطاها ل حسين و حسين راح
باس حسن وباس ماما كلت
هاجر : اي بس هاجر محد يبوسها
وبرطمت تقدم يمي وباسني ضحكنا سولفنه شويه
روحنا انام كعدت الصبح ماما جانت تخابر خواتها
رحت يمها اسمع كالت
مروة : كل وحده تكول الزوجها ونشوف لازم تقنعوهم
حتى نتونس
هاجر : اشنو هاي ماما عليش نقنعهم
مروة : بعدين افهمج
عفتها واني كملت الغراض وهيا كاعده على الكرسي
الي يم ميز الطعام تسولف كالت
مروة : روحي كعديهم يلا
رحت كعدت الكل وهاي اول مره بعد مرور ثلاث اشهر
احجي مع جدي حسيت تقبل الواقع وعرفت جدي
طلب من ابو تميم شغله وعمو محمد سواها وهيج
تقبل الوضع يعني هم علمود مصلحتو
رحنا للمطبخ نتريك كملنا وهمَ راحو واني غسلت
وكملت رحت يمها جانت تسوي غده كتلها
هاجر : على شنو تقنعون رجالكم
مروة : ام هندرين اقترحت نروح على بغداد لان خالج
تحول على بيت ملكو حتى نباركلو
هاجر : خوش فكرة
مروة : وكالت عليها واتفقنه نقنعهم ونروح كلتنا
هاجر : والبنات هم ما
مروة : طبعاً
هاجر : ومحد ردلج خبر على الموافقه من خالاتي
مروة : بعد لهسه ماكو خبر من ولا وحده
هاجر : وانتي كلتي البابا
مروة : لا واصلا خايفه من جدج يرفض
هاجر : لا شفتي شلون تغير ماعاد مهتم بأحد ولا
بشنو يسوي والي ياخذ رأيو يكلو بكيفك الي تريدو
سوي اني ماعليه
مروة : اي حتى يونس استشارو بشغله بس مااعرف
شنو هيا جدج كلو بكيفك الي يريحك
هاجر : احس بي شي
مروة : مااعرف الله لا يضر احد
هاجر : امين شوفي اريد اسوي حلفة واعزم البنات
عليها
مروة : مال ايش
هاجر : مال عزوبيه وكذا
مروة : كذا تعلمتيها من ملاك
هاجر : اي
مروة : ماشاءالله اشكد حلوة الله يحفظها هيا واختها
هم حلوة الله يحفظهم
هاجر : اي صح شفتي انو عيونهم كلهم نفس عمه
ماسه
مروة : اي نفس الشي بس تميم اخذ ملامح ابو والبنات
ملامح امهم
هاجر : يكولون ملاك تشبه عمتهم الي بالبصرة اسمها
ميرال
مروة : مااعرف ماشفتوها
هاجر : حتى اني
مروة : بس انتي مارحتي على العزيمة اكيد شفتيها
هاجر : ماجت
بليل اجه بابا اكلنا وكلت
هاجر : بابا تعرف الخطوبة مالي صارت ما مثل مااريد
بسبب مرض جدي
علي : فوتي بالموضوع بلا مقدمات
هاجر : بابا حبيبي عمري كلبي روحي انت سندي انت
كلشي بحياتي
قاطعني وكال
علي : بلا مقدمات حفظتوها احكي بــ ختصار
هاجر : اريد اعمل حفلة واعزم بنات خالاتي وبنات
عماتي عليها وصديقاتي
علي : مايحتاج
هاجر : يحتاج
علي : اشاقه اعملي الي تريدي
هاجر : يا عمري احبك
رحت بست خدو و ايدو و راسو باس راسي وباس ايدي
وكال
علي : ايمتا تريدين تعمليها
هاجر : باجر
مروة : لا خليها بعد باجر لان البنات مايلحكون ولا
نحنا نلحك
هاجر : خوش بعد باجر اروح اعزم البنات
طلعت للغرفة وخابرت على كروب صديقاتي ردو كلت
هاجر : بعد باجر اسوي حفلة تعويض عن الخطوبة
وغصباً عليجن تجن
ريماس : اني اجي
سارة : مااعرف يمكن مااكدر
هاجر : كلت تجون
رزان : اني اجي لان باجر راح نجي الصبح على الموصل
يعني اكدر اجي
هاجر : حلو روحو كولو لاهلكم بعد باجر بل 5 العصر
لحد الليل
سديته منهم خابرت على كروب بنات خالاتي وهم
نفس الحال عدت نفس الحجي كالو يجون هما وخالاتي
بعدها كلت اعزم عمه مريم وبنتها وجنتها واعزم بيت
عمو تامر بيت عمو ثامر يولون مااعزمهم واعزم آيلا
وبس
عزمت الي كلت عليهم الصبح ماما كالت
مروة : عيب انتي لازم تصلحين علاقتج مع عمتج
واعزمي بنات ثامر وامهم علمود ينغثون
هاجر : خوش بس انتي اعزميهم
مروة : خوش
هاجر : قبانوووووو لجمالججج
رحت بستها والعصر نزلنا للسوك نحضر ل باجر حضرنا
كلشي بليل ماما كالت
مروة : نسوي ورق عنب يطلع مع الاكل الي نجيبو
من برا حلو
هاجر : خوش عندج الغراض مالو
طلعنا الغراض وسوينا كلشي بابا ثاني يوم الصبح
راح جان حلويات وجاب كيك وطلب اكل من مطعم
يصل المغرب زينه البيت شويه بس نفاخ وشوية ورد
ماحبيت اكثر حتى تكون بسيطه نفس مااريد
تغدينا كملنا ماما ماقبلت اغسل مواعين كالت هيا
تسويهم واني رحت سبحت وبدلت عندي بدلة قصير
لحد الركبة لونها فضي ولبست كعب اسود حطيت
مكياج خفيف
كملت ومحد اجه كلت الحمدلله طلعت ارتب باقي
الاشياء مع ماما كملنا كلشي ماما راحت تبدل واني
اخذت شويه صور دزيتها ل كروب الي بي ملاك
وزهراء ولمار وميار ومريم
احمد خطب مريم بس ماسوو خطوبة او شي بسبب
السفر مالهم اجلوها ل بعد اسبوع واسبوع الجاي
يسوون خطوبه عزموني واذا رحنا بيت خالي اروح
بس اذا مارحنا مااروح خالاتي ثنين زواجهم وافقو
بقو ثنين وامي بعد بابا ما وافق يفكر
ندك الباب طلعت اشوف منو لان حسن وحسين راحو
عيب يبقون وبس نحنا بنات فه بابا اخذهم لبيت عمو
تامر مع يوسف ويونس موجود فتحت الباب شفت آيلا
وعمه اميرة واسيل سلمت ودخلو استغربت عمه اميرة مبتسمه وسلمت عليه
دخلنا الصاله واندك الباب شنو يلعبون طلعت فتحت
الباب بيت عمو ثامر وتامر اجو سوه سلمت على عمه
تيماء ام رسل وعلى رسل رسل بهاي الفترة تزوجت
بس مو بالموصل تزوجت بااربيل ماصار زواج
مثل ما هيا تحلم لان جدة شهم ماتت قبل العرس
ب اربع ايام وماكدرو يلغون العرس لان عممهم اصر
يسوون عرس ويفرحون سلمت على رسل ودخلو
جنات افندي سلمت من وره خشمها هيا واسيا ماهتميت
اصلا عزمتهم بش حتى ينغثون دخلنا شويه وهم اندك
الباب اجت سارة سلمت عليها هيا وامها ونورس معاهم
مايخلوها تطلع وحدها يخافون عليها
واجو رزان وريماس بس بدون امهاتهم وحدهم اجو
بنات خالاتي بلشت الحفلة والكل يركص وفرحان
الي صدمني عمه اميرة مو ضايجه فرحانه وتركص
معانا اجت آيلا كالت
آيلا : خلي اكلج شي يفرحج
هاجر : كولي
آيلا : اني حامل راح تصيرين خاله
بقيت اكمز بمكاني ياربي الفرحه صارت فرحتين كالت
آيلا : اسيل هم حامل
هاجر : احسن بلكي تعوفني تعالي صحيح اشبها
عمه اميرة ليش فرحانه
آيلا : كالت اليوم تصالحج وقررت تنسى كلشي لان
انتي بنت اخوها وتحبج
هاجر : ماعلينه كلتي ل تيم
آيلا : اي وفرح كثير
هاجر : ايمتا عرفتي حامل
آيلا : قبل اسبوع
هاجر : ياحيوانه وماكتيلي
آيلا : انتظرت وقت مناسب اكلج
هاجر : يلا عاديييي
وقفنا الاغاني لان اذن المغرب صلينا ورجعنا اجت يمي
عمه اميرة وكالت
اميرة :
..............................
انتهى البارت
بارت خفيف لطيف وقصير شنو تتوقعون بنوتات
صوتو وعلقو بين الفقرات
- يتبع الفصل التالي اضغط على (رواية قسوة احفاد ال هتان) اسم الرواية