رواية وهج الدمار الفصل الثامن و العشرون 28 - بقلم ريو الطائي
البارت الثامن عشرون
-وهج الدمار-
-الكاتبه ريو الطائي-
لاتنسون التصويت والمتابعه وتعليق
بين الفراغات عقلو الف تعليق احتى
تصعد القصه احبكم فرولاتي ✨🥺❤
---------------
.
.
.
.
.
فتحت عيوني بصدمه واني شوفها
وكعت بالكاع والدم ترس المكان
بقيت واكفه وباوع ومامصدكه الشوفه
كلهم طلعو من غرفهم راحو عليها بسرعه
طلع دمار من الغرفه واجى واكف يمي ويباوع على دعاء بصدمه واني مانطيت رد فعل
كلهم صارت عينهم عليه
عاطت نسام بصوت عالي
نسام: الله لايوفقج ان شاءلله موتتيييي
الطفلللل حسبي الله ونعم الوكيل بيجج
عمر: دماررررر نزل بسرعه تعالل خلي
نااخذه للمستشفى
نزل دمار بسرعه من الدرج
وهوه بدون بلوزه واصل يمها ضرب على خدوده
احتى تصحه بس تفتح عيونه وترجع
تسدهن شالها دمار وطلع بره يركض
راح ورا ابو وعمر وسجاد ابقى واكف
يباوع عليه
عفتهم ودخلت لغرفتي واني لحد هسه
مامستوعبه رحت اكعدت يم الجربايه
بالكاع ودموعي تنزل والله مو قصدي
هيج يصير ذا صار شي عليها لو ؏ طفل
شراح يسوي بيه دمار اكيد راح يعذبني
بس والله اني ماوكعتها
مر وقت طويل وماكو صوت بس مريم
دك بالباب تريد فتحه كايا وتيم اكعدو
ونزلو من الجربايه وكعدو يمي بالكاع
وكل واحد بيهم يمسح دموعي من صفحه
سحبتهم لحضني قوي واني خايفه يصير
عليهم شي لو يااخذهم دمار مني اكيد
ماراح يسكت بس والله مو اني وكعتها
شوي وسمعت صوتهم جوه صعده
على درج عرفته دمار ندك الباب وخرت
كايا وتيم وكمت امسحت دموعي وفتحت
الباب بقيت واكفه ورا
دخل دمار وراح اكعد على الكرويته
ماعرف منين لبس بلوزه لان من طلع
جان مالبس طلع جكاره ويشرب وشكله
تعبان شعره نازل على وجهه واني على
وكفتي ماتحركت رفع راسه باوعلي
ليش هيج مو كتلج بس تجيب راح
طلكها راح ابني وهج
مارديت بس دموعي تنزل بهدوء
كام واكف واجى يمي اخفت يضربني
دنكت راسي ورجعت نفسي ؏ حايط
احجي ليش اساكته انتي الوكعتيهه
من الدرج مو
رفعت راسي وباوعتله وعيني بعينه
خليت ايدي على وجهي وابجي
وهج: والله مو بقصدي مستحيل سوي
هيج بيها واني ادري هيه حامل بس
رادت توكعني من الدرج وماعرف
شلون دفعتها وكعت دمار والله ماسويت
هيج عن قصد
ليش طلعتي بره الغرفه لعد
وهج: لان ريد شرب مي والله ماكو
بالغرفه وهيه جانت كاعده ؏ درج
ماتوقعتج بهاي الحقاره هاذه ابني
وهج: ليش هيج تحجي والله مو بقصدي
مارد اسكت عافني ورجع اكعد
بلعت ريئگ ورحت اكعدت يما ولزمت ايده
وهج: والله مو قصدي مستحيل
افكر قتل روح مالها اذنب صحيح
كره دعاء بس ماتوصل وياي موت ابنها
رفع راسه باوعلي وعيونه حمر واخذني لحضنه
كافي ابجي يروحي مصدكج
حضنته قوي وشهكت من البجي
وهج: يعني انته مصدكني ان مالي
علاقه بموت ابنها
ادري مالج علاقه انتي ماتسوين
هيج عن قصد واني اعرفج كلش زين
احتى لو شوفج بعيوني هيج
تسوين ماصدك
وهج: موت عليك دمار احبك هواي
كومي بنيتي غسلي وجهج وتعالي
كافي دموع
هزيت راسي وخرت من حضنه ودخلت
للحمام غسلت وجهي واحس براحه
شوي لان دمار مصدكني بس بعدني
مقهوره على ابنها مهما يكون ماله
اذنب
طلعت من الحمام جان نزع بلوزته
وتيم وكايا كاعدين بحضنه
مااحس غير الباب ندفر ويعاط اجى
دخلت ام دعاء واخواتها الاثنين
ويعيطن بصوت واني بقيت بس
باوع ماتحركت من مكاني
ام دعاء: ماتخافيييين ربجج هيجج
تسويييي الله لايسامحج ان شاءلله
انته دمار ليششش ماطردتها من البيت
فوك ماموتت ابنككك مخليها هناي
شلون تدخلن للغرفه هيج؟
ام دعاء: شنووو هاذه البرود العندكككك
ابنككك المات مو من الشارععع حبلت بي
يمه لزم نربيها ونطلع اقهر اختي بيهااا
ام دعاء: ماريددد تخلن بيهااا اعضم صاحيي
اريد تموتنهااا مثل ماموتت ابن اخيتجن
اجن يريد يضربني وهنه كل وحده جنها
بقره اجى دمار بسرعه واكف كدامي
واخله ايده احتى لايوصلن الي
حدجن بس وحده بيجن تلزم شعره منها
ماطلع مناي اعايشه
ام دعاء: انته شنووو من بشرر ابنك ماتت
من وراهاا وانته بعدك تدافعلها
اني اعرف شلون تصرف طلعن من الغرفه
احسن ماطلعجن محملات
ام دعاء: مانطلععع ذا ماتاخذ حق دعاء
من هاييي الحيه
سهلا نزلي يم بنتج واني جاي
اخذت بناتها ونزلت جوه وهيه تريد تاكلني
وخر دمار مني وراح على الكنتور طلع
بلوزه ولبسهه واني بس باوع ماعرف
صار بيه دار وجهه الي واجى تقدم
عليه
شبيج بابا ليش اساكته شنو خايفه
صفنت بوجهه وحجيت
وهج: ه... هااا
وجعا وين عقلج
وهج: دمار فدوه اخاف اهلك يصدكون
اني الموتت ابنها
منو يهمج اكثر اني لو اهلي
وهج: اكيد انته حبيبي
اخلص لاتخافين وذا احد حجه وياج
كلمه لو زعلج طردهم كلهم من البيت
مارديت بس بقيت مدنكه راسي
يلا تعالي ننزل يمهم بس خلي
كايا وتيم هناي
هزيت راسي ورحت على كايا وتيم
طلعت حلويات الهم احتى مايطلعون
وشغلت التلفزيون باوعتله وهز راسه
معنى يلا رحت عليه ولزمت ايده
طلعنه من الغرفه سديت الباب
ونزلت من الدرج واني اذكر
شلون وكعت ماكو دم بالكاع
منضفاته جانت دعاء بغرفت بيبي
لان ماتكدر تصعد فوك ابوها جان كاعد
يمها وهيه تبجي واخواتها واكفات يم
راسها دخلنا للغرفه واني لبده بضهر
دمار وخرني من ضهره وراح يسلم
على ابو دعاء باوع عليه ابو دعاء
وحجه
ابو دعاء: ليش هيج سويتي وطيحتي
ابنهاا شنو انتي مالج رداد طفل بعده
ماجاي لدنيأ ليش موتي
وهج: هيه تهجمت عليه بالاول ابقى
اساكته شنو
ام دعاء: عسه الله يااخذ روحج من
ان شاءلله مثل ماسويتي بيها
كالت ماسويت شي ليش تدعين عليها
خليني محترمج ماريد اذل احد بيكم
دعاء: هاذه ابنه دمار تذكر شكد جنت
فرحان من عرفت بيه حامل
فتحت عيوني وباوعت على دمار
وهج: دمار صدك كلامها
اشش هدي بابا
دعاء: تره هاذه هم ابنكك دمار ليششش
دوم توكف بس وياهااا اني هم مرتك
والمات ابنه
الصار قضاء وقدر شنو كدر سوي
الحمدلله وشكر على كل شي
ابو دعاء: هسه شنووو يعني ماراح
تاخذذ حك بنتنه من هاي الصاقط*
وهج: ماكو صاقط* هناي غير بناتك
تروحولي فدوه احسن من عدكم
لزكين بنتكم بي وهوه مايردها
ام دعاء: تغاريين انتي مسمومه لان
يحبها وانتي هناي باقيه لان ماعندج
اهل ولا سند محد يريدج
اني بمكان اهلها اني وياها واكف شوكت
ماتريدني كون موجود لاتخليني طردج
من البيت انتي وبنتج
الحجي: عيب هيج تحجي دمار
مو هيج تنحل السالفه
نسام: اني شفته بعيوني هيه وكعتها
من فوك الدرج
ماتسوي هيج اني عرفها وانتي
بطلي اجذب يالوصخه
نسام: طبعاً ماتصدكيني مسويتكم سحر
وعاميتكم
دعاء: دمار اريد ابني فدوه ليش اساكت احجي
مارد دمار طلع للصاله ويشرب جكاره
طلعت ورا لان اخاف ابقى ويكتلني
راح اكعد على الكرويته وابقى اساكت
رحت اكعدت يما باوعلي وضحك
ليش وجهج صفر بابا محد يوصل
صوبج
هزيت راسي وبقيت ساكته طلعو من
الغرفه كلهم واجو اكعدو بصاله وابو دعاء
بس يخوزر بيه
ابو دعاء: ام دعاء روحي صيحي لبنتج
خلي تجي هناي
راحت ام دعاء شوي واجت تكود بيها
بلكوه تمشي باوعت على دمار مدنك
راسه وساكت
ابو دعاء: اني راح اخذ دعاء وياي
لو تشتريله بيت واحده لو طلك هاي
الصاق**
ضحك دمار بستهزاء وبقى مدنك راسه
دعاء: ابويه ماريد رجع وياكم للبيت اريد
ابقى هناي ودمار اكيد راح يااخذ حقي
ام دعاء: انجبي ماترجعين لحد مايطلكها
اكيد مايفضل هاي عليج
كلتولي طلك وهج مو
ابو دعاء: اي طلكها وخلي بنتي يمك وذا
ماطلكتها بعد ماتشوف دعاء بحياتك
الحجي: كولو ياالله مرته شلون يطلكها
لا حجي هوه اني اريد طلكها
باوعتله بصدمه والدمعه بطرف عيوني
رفع راسه وباوعلي وبتسم
روحي وياه اهلج دعاء وباجر ورقه
طلاكج يمج
الكل باوع على دمار بصدمه دعاء صارت
تلطم لان همه كلشي عدهم اله البنت
تطلك
دعاء: لا دمار والله سوي كلشي تريده
بس لاتطلكني ابوس رجلك
مارد دمار بس يباوعله وساكت وهيه تخبلت
نست الوجع وجت يم رجلين دمار وتتوسل
دعاء: ابوس رجلك دمار ماعندي غيرك
احبك لاتحرمني من شوفتك ماريد شي
والله احتى حقي متنزله بي بس رجعني
مارد واجى ابوها وسحلها وضربه راشدي
واخذه وطلع من البيت بدون مايحجي
شي وام دعاء ورا وهيه تغلط وتلطم
طلعو من البيت باوعت على دمار ابقى
اساكت
الحجي: انته شسويت مرتك شلون هيج
تكسر بخاطره بعدها هسه طرحت
لحد يدخل اني اعرف شلون تصرف
نسام: لعد وهاي الصفره ليش ماتطلكها
على شنو مخليه وهيه الموتت ابنك
فدوه لوجهه الله يعوض
رحت اركض للمطبخ جانن كلهن موجودات
هنه شافني واهلهلن اجت مريم وحضنتني
وتضحك
مريم: الف مبروك حبيبتي راح تخلصين
منها
رسل: خلصتي منها اوف الحمدلله
هسه راح يبقى دمار بس لج
زينب: والله مامصدكه
وهج: عبالي صدك راح يطلكني اني
وكلبي اجى يوكف
ضحكنه بفرح دخل سجاد جان نايم
فرك بعيونه وشعره نازل على
وجهه باوعلنه
سجاد: شكو على شنو تهلهلن
منو مات
وهج: ليش شخص من يموت يهلهلون
اول مره ادري
سجاد: انجبي مداج يالغمه احجي
صاير شبيجن
مريم: دعيوه راح يطلگه دمار وهسه
هيه راحت لاهله
باوع عليه سجاد بصدمه وطكها بهلهوله
خليت ايدي على اذاني وهوه صار
يصفك ويهلهل راح كعد على طاوله
وباوع عليه بتركيز
سجاد: اخاف يرجعها وهج
وهج: والله بس يرجعها
سجاد: ايي شسوين احجي
وهج: راح ابجي وبعد ماحجي وياه
مارد ابقى صافن عليه كام من مكانه
وضربني على راسي وطلع من المطبخ
وحجه وهوه يمشي
سجاد: البارحه شفت جهازه مليان بنات
شمدريج مامزوج وحده بسر دمار مايتئمن
بي
كال هيج وراح للحديقه باوعت عليهن وبلعت
ريئگ
وهج: معقوله كلامه صحيح عزه
بعينك سجاد راح رجلي
ماردن بس يباوعن عليه عفتهن وصعدت
فوك اركض فتحت باب الغرفه دخلت
بس راسي باوع جان كاعد بالكاع ويما
هواي وراق ويشرب جكار وكايا وتيم ماكو
مو بالغرفه
دخلت وسديت الباب رحت على جربايه
ودر على جهازه وهوه مو يمي مارفع
راسه رحت وكفت يما
وهج: دمار وين جهازك اريده
على الكرويته شسوين بي ليش
مارديت رحت علي واخذته بس جان بي
رمز باوعت على دمار واني مصغره عيوني
وهج: ليش جهازك بي رمز ستاذ
شعليج
وهج: مرتك ولزم اعرف الرمز يلا فتحه
امم وذا مافتحته شسوين كولي
وهج: راح ركعه بالكاع والله العظيم
لاتتخبلين جيبي الجهاز موكتج عندي
شغل ولي من الغرفه يلا
وهج: والله ماطلع مو بس غرفتك انته
احجي بابا من الاخير شنو تريدين
وهج: هاك فتح الجهاز ونطيني ياه
بي شيء خاصه شلون تفتحينه
جيبي ولي من ومنه
خزرته ورحت تربعت يما وباوع على
وراق مافهمت شي منهن كله كلام بالانكليزي
باوعتله جان مدنك ويقره بيهن
وهج: دمار شنو ذني مافهمت شي
هاذه شغلي لاتدخلين انتي
وهج: امم اوك براحتك دماري بس
فتحي الجهاز
فتحه ونطاني ياه تمددت وخليت راسي
على رجله وباوع بي فتحت كل التطبيقات
مابيهن شي بس كروبات هواي موجوده
وكل كلامهم بالانكليزي دخلت على صور
جان اكثر صور الي بدون مادري وتصويره
حلو كلش
مابقى تطبيق مادخلتي عليه حبيبي
وهج: عبالي عندك بنات تحجي وياهن
لو تروح عليهن
رجعنه وهج
وهج: اها
وجعا شبيج اليوم تريدين نتعارك يمكن
مايتكدرين اله تتعاركين بيج دو**
وهج: لا والله مابيه بس يمكن انته بي...
جيت كمل وسكتت باوعلي
اي كملي ليش اسكتي
وهج: ماجنت اريد كول شبيك وياي
حبيبي
مارد رجع يكمل شغله طفيت الجهازه وخليته
يما ضايجه اريد أي شي يحجي بي تذكرت
كلام ابو بلعت ريئگ وخرت راسي من حضنه
باوعتله
وهج: دمار عادي اسئلك سؤال
امم
وهج: ليش ولا مره حجيت عن امك لو
تذكرون اسمها بالبيت
رفع راسه باوعلي وتغيرت ملامح وجهه
شنو ذكرج بيها وليش تسئلين
وهج: لان دوم ابوك يكلك مو قصدي
احجي بس..
يكلي ابن كح ** ومخبل
باوعتله ومارديت ترك الوراق وطلع
جكاره ويشرب
وهج: ليش هيج يحجي عليها هيه مو ميته
لان تستاهل
وهج: شنو مسويه هيه ليش وذا مسويه
شي انته شعليك ليش مايحبك لا انته
وعمر وسجاد هم نفس الحاله مايحبكم
مارد اسكا شويه باوعلي تنهد بحسره
وتمدد وخله راسه بحضني وغمض عيونه
امي تزوجت ابوي غصب عليها هيه جانت
تريد ابن خاله بس ابوها رفضه لان ماعنده
فلوس وحالته الماديه ضعيفه تزوجت ابوي
وهيه ماتريده بالاول جم اشهر من زواجه
ماحملت وهوه جان يريد جهال فا تزوج
عليها نسام بس هوه جان يحب امي اكثر
بس هيه ماتطيقه حملت نسام بــ علي
ورا فتره من حمله امي هم حملت بيه
جان ابوي يدلل امي اكثر من نسام ويسوي
كلشي تريده وسوى لامي بيت وحدها
وعلى ذوقها ونسام نطاه البيت القديم
وهج: ونسام ماجنت تسوي مشاكل لامك
احتى عمو يكرها
سوت كلشي بس مو تبلي امي جانت تجيب
ابن خاله للبيت و..
اسكت وكام من حضني لزم ايدي واني باوعله
بستغراب اخذني للجربايه مددني ونام
بحضني اخله راسه بركبتي وحضني
قوي واحس بشي حار ينزل على ركبتي
عرفته جاي يبجي بس مايريد شوف دموعه
ابقى اساكت شوي ورجع كمل
جان كل مايروح ابوي للدوام هيه تجيبه
وتبقى وياع بساعات بهاذه الوقت صرنه
اني وعمر وسجاد جان عمري 8 سنوات
ماجنت تريدنه ودوم تكتلنه لان ماتريد
جهال من ابوي جانت تطردنه من البيت
الضهر وحنه جنه صغار من يرجع ابوي
من الدوام يلا ترجعنه للبيت
وهج: عمو جان يحبكم
اكثر من جهال نسام يحبنه ويدللنا
بس امي ماجنت تشوف ولا شي يسوي
النا عفها ابن خاله وراح تزوج وهيه
تخبلت من عرفت صار عدها كتائب
ماتطلع من الغرفه ومن تشوفنه تطلع كل
حركت كلبها بينه
بيوم جانت الدنيأ ليل وابوي جان عنده
شغل وماكدر يرجع للبيت عمر وسجاد
جانو نايمين فتحت الباب وطلعت
من الغرفه رحت على غرفته شفته
جاي تجمع بغراضه شافتني وجت
بسرعه وسدت الباب ودخلتني يمها
دمار: وين ترين يمه ليش لمه غراضج
لا تكول يمه وانجب واسكت ويا ويلك
ذا تكول لبوك امي نهزمت اسمعت
الله يااخذكم انتو وبوكم
دمار: ليش تعوفينه وتروحين ابوي
يحبج لاتسوين هيج
راح اروح وشتغل بالملاهي وعيش حياتي
وان شاءلله بعد لاشوفكم ولا تشوفوني
وهسه يلا طلع من الغرفه ماريد شوف
وجهك ثلاثتكم مكروهين مثل ابوكم
حضنته قوي ودموعي نزلت واني ردد
دمار: يمه لاتعوفينه والله نحبج ابقى
هناي ويانه
وخرتني من حضنه وضربتني راشدي
وطلعتني من الغرفه ودخلتني بالمخزن
وقفلت الباب عليه والمخزن جان ضلمه
بقيت دك بالباب بس مافتحته بقيت للصبح
على وكفتي وابجي مر وقت طويل ومحد
فتح الباب مادري شلون نمت ماكعدت اله
على صوت ابوي وهيه يعيط بسم امي
دكيت الباب قوي واني عيط بسمه وهوه
ماسمع بعد ماهدء شوي وبطل يعيط
سمع صوت الباب اجى بسرعه فتح الباب
واخذني لحضنه شالني واخذني للصاله
واكف كدامي وحجه
فرح وين ليش ماموجوده بالبيت احجي
وينه وليش انته بالمخزن منو مخليك بي
معقوله فرح نخطفت
دمار: مادري جمعت غراضه وكالت لاتكول
لبوك من ماقبلت تروح حبستني بالمخزن
شنوو لا فرح مستحيل تعوفني شجاي
تحجي انته جاي تجذب مو كول وين
راحت
مارديت بس ابجي ومدنك راسي
رفع راسي هوه وضربني راشدي
نزل الحزام ويضرب بيه جنت
اصغير وهج ومافاهم على شنو
يضربني او شنو مسوي كل العرفه
جان يريد يطلع حركت كلبه وغضبه
وبشخص وماشاف كدامه غيري
شمر الحزام من ايده وطلع من البيت
هاي جانت اول مره يضربني بيها
لو يشوفني متوجع ومايداويني
طلع من البيت واني بقيت متدد بالكاع
وجسمي كله يوجعني دخلت الحجيه للبيت
وشافتني وصارت تلطم عمر وسجاد
واكفين باب الغرفه ويبجون مافهمين
شي
اخذتني وعقمت جروحي وتريد
بس تفهم شنو صاير وليش امي مو بالبيت
جانت مستغربه لان ابو ولا مره مدا ايده
علينا مر يوم يومين اسبوع اشهر وامي ماكو
وابوي اعرف مكانها بس جبرته يطلكها ومن
هذاك اليوم ابوي تغير وتغيرت معاملته النا
صار يحب جهال نسام اكثر من عدنه اخله
نسام تجي تعيش بيتنا وجانت فرحانه لان البيت
الجنت تحلم تدخل بي صار اله صارت تعاملنه
سوء معامله تضربنه وتحبسنه بالغرفه ابوي
صار مايهمه احتى لو تموتنه صار يكرهنا
على كره امي
مشت الايام وسنين وكبرنه على هاي الحاله
جنت اني اكثر واحد ينضرب لان ماسكت
ذا ضربت عمر لو سجاد بيوم اجى ابوي
وكال
صرت جبير هسه ولزم تشتغل ماراح
اضل صرف عليك وعلى اخوانك
دمار: شنو شتغل عندي دراسه ماكدر
غصبن عليك تشتغل اروح بيع مي
بشارع
دمار: ماشتغل شتريد تسوي سوي مايهمني
اجى عليه وضربني راشدي ودفعني
بالكاع وخله رجله على راسي يدوس
علي بقندرته
هاذه مكانك انته ابن الكح** ذا مارحت
تشتغل راح خلي اخوانك يروحون وانته
راح حبسك بالمخزن وانته تدري سويه
جان كل ماعاند وماسوي اليريده يحبسني
بالمخزن ويضربني ايام يخليني بي بس
ينطيني اكل من البقايه اكل مالتهم المخزن
جان ضلمه وبي حشرات صرات بيه حاله
نفسيه من الوحده الدرجه صرت احس
بشخص كاعد يمي وصوات تتردد بعقلي
جنت اخاف كل ماسمع هاي الصوات
احس بحساس غريب شخص يضربني
يصوفر صوت ضحكات تتردد كل ماسمع
هاي الصوات واحجي وياه ابوي بس احتى
لايحبسني بالمخزن جان يضحك ويكول
مخبل وصار كل اليشوفني بشارع يكول
عني مخبل وافقت بيع مي بس احتى
لايحبسني صرت بيع الضهر من رجع
من المدرسه وبليل درس وهيج مشت
حياتي لحد ماصار عمري 17سنه
اجت الحجيه واخذتنه نعيش عدها جانت
تحبنه هيه والحجي هواي بس هم جانت
حالتهم على كدهم عمامي جانو ينطوهم
فلوس كل شهر والراتب مال الحجي مايكفي
فطريت شتغل بمحل
وهج: ليش مارحتو تعيشون يم جدو من
الاول
ماجان يقبل ابوي نروح بس اني عاندت
ورحت اعيش يمهم وخليت عمر وسجاد
يكملون دراستهم ومالهم علاقه بالعيشه
صرت شتغل الضهر بمحل ملابس وبليل
بمطعم لحد ماكملت دراستي وتعينت
وصرت ضابط وعمر هم كمل دراسته
جنت اريده يصير مهندس بس هوه ماقبل
كال اريد اصير مثلك وافقت لان ماريد جبره
على شي هوه مايريده جنت افرح هواي
من شوف ضحكتهم على وجوهم
وهج: ليش ماحاولت تدور على امك لعد
دورت وهواي وعرفت مكانها رحت بسياره
على مكان الملهه التشتغل بي بقيت انتظره
بسياره بره لحد ماطلعت اني شايف صورته
نزلت من السياره ورحت باوعله طلعت
وراحت وياه شخص صعدت وياه بسياره
جنت نفسها مامتغيره بس مسويه عمليات
تجميل ومبينه اصغر من عمرها جانت الضحكه
على وجهه مرسومه ضحكه ماشفته ولا مره
بحياتي ابتسمت على ضحكته رجعت للسياره
وماحجيت وياها ولا خليته تشوفني هذيج
جانت خير مره شوفها بيها بعد مارحت ولا
دورت عليها ولا كلت لسجاد لو عمر عنها
ومن يسئلونه العالم وين امكم جنه نجاوب
ان احنى ماعدنه ام امنه متوفيه
وهج: يعني هيه لحد هسه اعايشه
ولا مره دورت عليكم ولا حنت
مو كل ام مثلج وهج انتي يوم واحد تخبلتي
بي لان ماشفتي كايا وتيم مئا امي تركتنه
واحنى اصغار وجنه محتاجين ام بحياتنه
تحبنه تنتبه علينه ماتخلينه نطلع بره بليل
لان تخاف يصير علينا شي لو من نتمرض
تبقى كاعده ليل كله ايمنى
وهج: دمار شلون نطاك البيت من عمو
لعد ذا هوه مايريدك ولا يريد عمر وسجاد
بعد ماصرت ضابط اخذت اخواني ورجعت
للبيت هوه هاذه نفسه البيت وهج الجانت
اعايشه بي امي والجان اله بس صار بي تغيرت
وجددو كلشي بي رجعت للبيت بس ماستقبلنه
كعدنه بي غصب عنهم لان احنى هم النا حق
بي سويت وراق الملكيه مالت البيت ورحت
على ابوي اخذتله عصير ورحت كعدت يمى
وتائسف على كلشي سويته ماصدك اول
شي بعدين صدك كلامي شرب العصير
اخذت الوراق وخليته يبصم عليهن وصار
البيت وكل املاك ابوي بسمي اني
وهج: ليش ماطردتهم من البيت لعد ذا كلشي
صار لك انته
لا ذا هيج سوي يروح تعبي على فاضي
سويت مشكله ثاني يوم الصبح وجاى
ابوي يريد يطردنه من البيت ضحكت
عليهم بستهزاء وطلعت الوراق وخليتهم
كدامه بوقته تخبل وماصدك الوراق نجلط
وخذو للمستشفى طلعو من البيت وبقينه
بي بس اني واخواني جبت الحجيه والحجي
وخليتهم بي جان غلب شغل بغداد وسجاد
يبقى وحده فا الحجيه تبقى وياه صارت
وهج: شلون رجعتهم للبيت بعدين
ابوي مايكدر يبقى بره هاذه البيت يحبه
لان جانت امي بي هوه لحد هسه يحبها
وكل فتره يروح للملهه بس احتى يشوفه
رجعو للبيت وكل واحد علي بنفسه وبس
محد صار يكدر يحجي وياي لو وياه اخواني
لو يضوجهم
وهج: واخوانك علي وشهم وجود وفاطمه
وزهره ليش ماتحبهم ولا يحبوك
لا شهم يحبنه من احنى وصغار بس
جود يكرهنه لان امه تكرهنه مرت فتره
تغيرت معاملته وياي وفعلا ثقيت بي
ومرت فتره واحنى نطلع وندخل سوه
صرت عتبره مثل عمر وسجاد صار
صديقي واخوي واحبه اكثر من نفسي
بس رجع تغير عليه وعرفت سوه كل
هاذه بس احتى يااخذ البيت طردته
من البيت وبعدها ماثقيت بشخص
غير اخواني رجع يتوسل بس احتى
رجعه للبيت رجعته واني ماطايق
شوف وجهه
وهج: تحسنت حالتك وماصرت تسمع
صوات لو تحس بشخص يمك
تحسنت بس مرات تجي صوات براسي
وتتردد وترجع بيه كل ذكره اليه
بالمخزن وكل تعب وسهر وحزان مر
عليه
اسمع كلامه ودموعي تنزل وهيه كل كلمه
يحجيها يااخذ حسره احس هاذه الموضوع
يذي عرفه من سنين بس ولا مره حجالي
شي عن حياته لو الماضي مالته ابقى
حضني ويبجي وكل شويه يشدد حضنته
عليه احس يريد يدخلني بين ضلوعه
وهج: ليش ولا مره حجيتلي شنو بيك
دمار ولا شاركتني بحزنك
ماجنت اريد تعرفين وهج خفت تكرهيني
من تعرفين امي تشتغل بالملاهي ولا جنت
راح حجيلج بس اول واخر راح تعرفين
وهج: مستحيل كرهك دمار اني احبك
وماراح عوفك طول حياتي
احبج وهج انتي امي الماشفت
منه حنيه لو اخوف عليه
وهج: ماريد تذكر شي من الماضي هسه
راح نعيش حياتنه اني وياك وطفالنه الحلوين
انتي احسن ام شوفه بحياتي معا ان
بعدج اصغيره من صارو كايا وتيم
بس ماعفتهم اتمنى لو امي جانت
مثلج هيج تخاف علينا وتحبنه
بسته من راسه وبقيت ساكته وخر
راسه من حضني اكعد على جربايه
ونطاني ضهره تربعت بقيت باوعله
امسح على عيونه وراح للحمام شفته
وهوه يمشي مشيته مو متوازنه
ومهوم مكسور اول مره هيج شوفه
ضعيف ماجنت اعرف مار بهيج مواقف
بحياته واعايش هيج حياه
كمت من الجربايه ورحت على الكنتور
طلعته ملابس وبقيت كاعده انتظره
مر وقت وهوه ماطلع اخفت صاير عليه
شي خليت الملابس على جربايه ورحت
يم باب الحمام
وهج: دمار ليش تئخرت بيك شي
مارد بقيت واكفه اخاف فتح الباب
اخذت نفس وفتحت باب الحمام ودخلت
جان فاتح الدوش والمي ينزل عليه وهوه
بملابسه ومغمض عيونه رحت عليه
طفيت المي ولزمته من ايده فتح عيونه
باوعلي وابقى اساكت امسح المي من على
وجهه
وهج: لاتتمرض دمار راح جيب ملابسك
احتى تغير
مارد ابقى بس يباوع عليه ابتسم بكسره
تقدم عليه وخله ايده على خصري وشالني
وحضني قوي حضنته من ركبته وبقيت ساكته
رجع شغل المي وبقى شايلني وحضني بقوه
ملابس صارت مي وخرت راسي من ركبته
نزلنه هوه وابقى صافن بعيوني
احبج ياوهج روحي انتي
وهج: واني هم احبك يانور عيوني
يلا راح طلع جيب ملابس واجي
هز راسه وباس خدي وبتسمت وطلعت من
الحمام اخذت ملابسه ورجعت للحمام نطيتهن
اله وطلعت رحت على الكنتور اخذت ملابس
الي غيرت بسرعه وهوه طلع من الحمام وراح
تمدد على جربايه اخذت ملابسي ودخلت للحمام
غسلت ملابسي وملابسه وشريتهن وطلعت
من الغرفه جانت الساعه 8بليل رحت على غرفت
زينب دكيت الباب شوي وفتحته ملاك
وهج: حبيبتي وين كايا وتيم
ملاك: راحو يم مريم خاله جوعانين
بسته من خدوده ونزلت جوه رحت للمطبخ
جانت مريم كاعده على طاوله وتوكل بيهم
رحت يمها واخذت تيم لحضني
مريم: صاير ليش كل هاذه الوقت ماطلعتي
من الغرفه بس لا ضربج دمار
وهج: لا ليش احتى يضربني
مريم: علمود ابنه صدك وهج الله عليج
كولي الصدك انتي وكعتيها من الدرج
وهج: لا والله بالغلط صارت مستحيل
سوي هيج عن قصد
مريم: لعد شجنتو تسون بالغرفه
وانتي مغيره ملابسج شكو
ضربته على ايدها افهمت قصدها
ضحكت باوعت على كايا وتيم
وحضنت تيم وافكر شلون هيج
كدرت تتخله عنهم بهاي سهوله
شنو من كلب عدها معقوله اكو ام
هيج تسوي ذا عمو جان يحبه ومدللة
ليش هيج راحت لطريق الغلط كل
ماذكر شلون جان يبجي احس بغصه
وخرت تيم من حضني ورحت جهزت
الاكل اله باوعتلي مريم
مريم: وهج عليج الله وهج صاير ليش
هيج جاي تصفنين صاير شي
وهج: لا ماصاير شي حياتي كلج
بس يكملون اكل كايا وتيم صعديهم
الي فدوه روحلج
مريم: من عيوني تدللين وهجي
ابتسمت واخذت الاكل وصعدت فوك
فتحت باب الغرفه جان بعده نفس كعدته
ومغمض من احس بيه امسح على عيونه
وباوعلي سديت باب الغرفه وخليت الاكل
على جربايه
وهج: يلا اكوم اكل دمار
ماريد حبيبي مو جوعان
وهج: اكوم دمار مايصير هيج على اقل
لخاطري اكل يلا
هز راسه وعدل كعدته خليت الاكل
كدامه وجيت طلع من الغرفه
وين تريدين وهج
وهج: موجوده حبيبي بس اروح جيب
مي واجي
لاتروحين تعالي اكعدي يمي
بتسمت ورحت وجيت اكعد يما
بس سحبني من ايدي وكعدني بحضنه
باوعلته
وهج: ماراح تكدر تااخذ راحتك بالاكل حياتي
اني راحتي بس يمج وهجي
بتسمت وخليت راسي على متنه
شدد حضنته على خصري وعصره
توجعت بس بقيت ساكته وهوه
ترك الاكل وبقى يباوع عليه
وهج: ش... شبيك دمار اخخ خصري
جاي توجعني
انتبه على نفسه وخر ايده بسرعه
كمت من حضنه وافرك المكان كام
من مكانه واخله ايده على خصري
وحجه بخوف
اسف يروحي والله مادري شلون
هيج سويت اسف
وهج: عادي حبيبي بس شوي والالم
لاتخاف مابيه شي
اسكت مارد حضني قوي واحس بوضعه
غريب اخله الاكل ؏ ميز وتمدد واخذني لحضنه
خليت راسي على صدره وساكته وهوه يشرب
جكاير وحده ورا الثانيه
وهج: شبيك حبيبي كافي تشرب جكاير
كايا وتيم وينهم
وهج: يم مريم جان يااكلون
وهج
وهج: هاا حياتي
اريد طفال منج بعد ليش لحد هسه
ماصار معقوله مجاي تحسين بعراض
الحمل لو بأي شي
بقيت ساكته ماعرف شنو احجي
بلعت ريئگ بصعوبه ماعرف كله
لو ابقى ساكته وخرني من حضنه
وباوع عليه
شبيج ليش ساكته بيج شي
رديت برتباك وتوتر ماباوعت بعيونه
وهج: ماعرف ليش ماصار بعدين حبيبي
احنى مو عدنه كايا وتيم شسوي بالطفال
اني ريد اخت لو اخ لتيم وكايا
اريد يصير عندي بعد طفال
وهج: بس دمار مابقى هواي للمدارس
واني هاي السنه كليه شلون تريدني
حمل ماريد
شنوو ماتريدين مو بكيفج اني اريد
وذا على الكليه جلي هاي السنه
وبس يصير اني راح عتني بي
وانتي تكملين دراستج
وهج: ودوامك دمار وكايا وتيم بعدهم
اصغار هم يريدون شخص يعتني بيهم
جيب مساعده تساعدج بيهم وهج
بس لا تكولين ماريد طفال
وهج: ليش تريد بعد طفال دمار
اريد شوفج من تحملين شلون تصيرين
من تتنسين من تصيرين مثل البطله
من ورا بطنج والهم اريد تجي بنت
تشبهج بكلشي وهج
مارديت اسكتت محتاره شنو احجي
درت وجهي من عنده واخذت الجهاز
طكطك بي وهوه راح على الكرويته
اكعد يكمل شغله على الابتوب شوي
وندك الباب ودخلو كايا وتيم راحو
راكض على ابوهم ضحك وشالهم
خلاهم بحضنه باوع عليه وحجه
باجر راح اروح جيب غرفه جديده
لتيم وكايا مايصير هيج يبقون لزم
غرفه خاصه بيهم
وهج: ياغرفه راح تخليهه الهم
غرفه الجنتي بيها قبل صدك هسه ماله
ضيوف بس نفرغ غرفه من الجوه ونخليه
وهج: براحتك حبيبي
شرايج احنى هم نغير غرفتنه نشتري
وحده جديده
باوعتله بفرح وكمت من الجربايه ورحت
يما ضحك وباوعلي
وهج: عليك الله صدك تحجي
اي يعمري ذا هيه ماعجبتج ليش
ماحجيتي جان غيرته من زمان
وهج: ماعرف حسبالي ماتغيره شرايك
نروح باجر اني وياك ونختار الغرفه
انتي وين تريدين ست وهج
وهج: عليك الله خلي اروح وياك
لا ماكو راح نختار من النت غرفه
لا انتي تروحين ولا اني
وهج: لعد اني اختاره
هز راسه بي واني رحت اركض على
جهازي صرت دور على غرفه
وتكون راقيه وحلوه بقيت دور
لحد. مالكيت وحده لونه سود وابيض
وبيها بكل باب من الكنتور مرايه وشكله
كلش حلو بس غاليه رفعت راسي
وباوعت على دمار جان يحجي مخلي
الجهاز يما ويحجي وياه شخص بقيت كاعده
وباوعله انتظره يكمل الاتصال
وكايا وتيم كعدو يلعبون بالعاب مالتهم
وكل شويه يتعاركون وكايا تجر تيم من
شعره ودمار كل شوي يباوعلهم بيئس
لان صوتهم عالي وهوه يحجي اتصال
سد الاتصال وباوع عليه خزرني
انتي ماتشوفين جاي احجي اتصال
ليش ماتسكتين جهالج
وهج: خلي يلعبون لعبو ماماتي حياتي
معليكم بــ باابوك الث...
خليت ايدي على احلكي واسكتت وهوه
يباوعلي وساكت يدري ماكدر لزم لساني
الثور مو لاتسكتين طلعي كلشي
بكلبج عليه ست
مارديت بتسمت برائه وكمت رحت يما
وهوه رجع دنك يكمل شغله وخرت ايده
وكعدت بحضنه
خير وهج شنو تريدين
وهج: ماريد شي حبيبي ليش هيج
تحجي شنو اله مصلحه يلا اكعد يمك
قصدج اكعد بحضنك اسمعج ست احجي
فتحت الجهاز ونطيته اله اخذه مني
وشاف الغرفه باوع على سعر ورجع
باوع عليه
كل عقلج تريدين هاي الغرفه ولج هاي
لو بيعج ماتجيبين هيج غرفه
خزرته وكمت من حضنه لزمته من ياغت
وعت بي عليه
وهج: اسمعع زين ذا ماتجيب هاي
الغرفه لا انته زوجي ولا عرفك ولا
تعرفني اسمعع شدعوه عليك اصلن
رخيصه بس انته بخيل
بنت الوادم وخر ايدج لا كسره ومحمد
راسج مربع وينج وين هيج غرفه
وهج: دمار عليك الله والله حلوه
اريدها شبيك حبيبي مو هياته
الخزنه بيها هواي فلوس
خرب ولج هاي الفلوس لتيم
وكايا ذا صار عليه شي لو متت
تبقى الهم ماراح يعتازون لشخص
وخرت من عنده وباوعله واني مصغره عيوني
وهج: ليش تريد تموت شنو مسوي دمار
احجي احسلك
ضحك وسحبني من ايدي كعدني بحضنه
ونزعني الحجاب وخله وجهه بشعري
مو اله مسوي شي وهج يجوز اليوم
اني يمج وباجر بالمكبره
وهج: شبيك دمار عفيه لاتحجي بالموت
والله كلبي يذيني من اسمع هاذه الكلام
مارد اسكت درت وجهي اله ولزمت
خدوده وعصرتهن وبسته من شفته
وخرت بقيت باوع بعيونه
وهج: راح تشتريلي الغرفه مو حباب
على هاي البوسه احتى ذا تريدين
روحي هم نطيهه لج
ضحكت ودفعته وخرت من حضنه
وهج: شفت دمار ابوسه وحده مني تنسه
نفسك عترف ان انته ذايب بيه وماتكدر
بدوني
مصدكه نفسج ست هوه انتي منو ميت
على هاذه وجهج
مارديت رحت على كايا وتيم خليتهم
على جربايه واخذتهم لحضني طفه الضوه
هوه ونزع بلوزته واجى تمدد وراي وكل شوي
مخلي ايده على جسمي نامو كايا وتيم درت وجهي
اله خزرته
وهج: شبيك انته مو عيب هيج تسوي
اخخ ذوب بهاذه العيب مالتج
مارديت حضنته قوي وغمضت عيوني
ونمت
الصبح كعدت باوعت على ساعه بــ 5
كمت توضيت وصليت وكعدت قراء
قران احس نفسي تغيرت وصارت
نفسيتي احس من قبل قريت شوي
بالقران ونزعت جادر الصاله ورحت
يم دمار جان كاعد ويباوع عليه
وهج: صباح الخير حبيبي
صباح النور وهجي
وهج: اكوم دمار اصلي ليش ماتصلي
حبيبي
مامصلي من قبل احس نفسي
مو نضيف لان شرب
وهج: بس ماشايفتك تشرب
احجي عن قبل هسه احتى لو شرب
شي قليل مو مثل قبل
وهج: ليش ماتترك الشرب وتصلي
صدكني راح تتسحن نفسيتك
يلا اكوم
اخاف ربي ماايغفرلي ذنوبي
وهج: ان الله غفورأ رحيم
ابقى ساكت مارد سحبته من ايده ودخلت
للحمام واكف يم المغاسل باوعتله
وهج: يلا حبيبي لخاطري والله راح
ترتاح من تصلي وتقراء قران
وذا ماكدرت استمر على اصله
وهج: اني راح اذكرك بصاله ونصلي
سوه لحد ماتتعود
هز راسه عفته ورحت جهزتله المصلايه
وكعدت على الكرويته انتظره شوي
وطلع واكف على مصلايه وصار يصلي
هاي اول مره جانت شوفه بيها يصلي
كمل اصله واخذ القران يقراء بي
عفته ونزلت جوه جهزتله الريوك لان
عنده دوام
بقيت كاعده وبابتسامه شاكه احلكي
بس احس بحساس غريب ان ماراح
تدوم هاي الفرحه امسحت على وجهي
واستغفرت ربي شوي ونزل دمار من فوك
جان لبس ملابس الدوام والضحكه على
وجهه ابتسمت على ضحكته دخل للمطبخ
باوع عليه
اول مره تسويه وتكعدين الصبح حبيبي
وهج: راح تتعود على هيج حبيبي لان من اكعد
اصلي ماجاي اكدر رجع نام
هز راسه واكعد على الكرسي ويتريك
صبيتله جاي ونطيته اله
وهج: دمار شوكت راح تطلك دعاء
لا يضل بالج اليوم راح بلش بوراق
الطلاق
وهج: راح اخلص منها يعني وتبقى
انته بس الي وحدي
من زمان اني بس لج ياوهج روحي انتي
ابتسمت بقينه كاعدين شوي ونسوالف
كمل ريوك كام غسل واجى عليه
وباس خدي وحضني قوي
وهج: انتبه لنفسك حبيبي
ان شاءلله وهجي انضفي الغرفه
لان اليوم العصر راح يجبون الغرفه
الجديده
هزيت راسي كرص خدي وطلع من المطبخ
رجعت لميت المواعين وغسلتهم نضفت المطبخ
وصعدت فوك لغرفتي جانو بعدهم كايا
وتيم نايمين رحت طلعت كل الملابس
وخليته بجنط كعدو
كايا وتيم اخذتهم وغيرت ملابسهم
ونزلت جوه جانو كاعدين يتريكون
وهج: صباح الخير
صباح النور
عمر: نطيني هاذه الحلو خلي يتريك
وياي
بتسمت وتركت ايدي تيم وراح يركض
على عمر ضحك عمر وشاله اخله بحضنه
راحت كايا يم سجاد كعدت بحضنه
وجرته من شعره وحجت
كايا: وتلني تداد
سجاد: بنت الثور عوفنيي شعري
انعل ابوج لاابو ابوج
ابو دمار: شنو لعب وياك تشتمني
وكدامي
عمر: مو قصده لاتزعل يقصد على ابو دمار
انته ابو ليش ماعرفتك
ابو دمار: هيج ماتعترفون بابوكم عليمن
تطلعون وانتو امكم فرح
سجاد: شجاب خره بالنص لو القلب مشتاق
عاف الاكل عمو وكام وهوه معصب
باوع عمر ؏ سجاد وضحكون اثنينهم
نسام: مو عيب هيج تحجون على ابوكم
وكدام اذني الغريبات
سجاد: محد غريب هناي غيرج نسومه
ماردت بس تخوزر بي كملو اكل وراحو
كل واحد لدوامه لميت وياهن الريوك
وكايا وتيم راحو يم ملاك اخذت مريم
وصعدت لغرفتي فتحت الباب ودفعته
هيه شافته وشهكت بصوت
مريم: ولج هاي صاير بالغرفه منو انضرب
بيكم
وهج: انجبي وتعالي ارتبي الغراض وياي
بجنط
مريم: ليش وين تريدون تروحون
عليج الله راح تتركون البيت وتخلونه
والله اروح وياج
وهج: وين مولين بس دمار راح
يجيب غرفه جديده وريد ارتب اذني
احتى من يجون الغرفه نضيفه
هزت راسه وراحت كعدت ترتب بالملابس
رحت يمها وبقينى كاعدين ونسوالف ونرتب
للضهر يلا كملنا رحت تمددت على جربايه
واحس جسمي تكسر باوعت على ساعه بــ 12
اخذت ملابس ودخلت للحمام اسبحت وطلعت
جان دمار واكف يم المرايه ينزل بالساعه مالته
والمسدس رحت عليه وحضنته من ضهره
وهج: شتاقيتلك حبيبي
يبعد روحه لحبيبج تعبتي اليوم بابا
وهج: اممم ضهري يوجعني تخيل
لميت الملابس كله بس اني وحدي
ليش ماكلتي لمريم تساعدج
وهج: كتله بس ضربتني راشدي
وطردتني من الغرفه شوف احتى
خدي حمر من الضربه
دار وجهه عليه وباوع على خدي
باسه وحضني
ليش تجذبين بابا مو عيب
وهج: وخرر اني مااجذب بس انته
عبالك كل ناس مثلك
اني جذبت عليج شوكت حبيبي
وهج: ا.. هاا
وجعا جهزيلي ملابسي بين مااسبح
هزيت راسي وهوه وخر مني وراح للحمام
رحت فتحت الجنطه وطلعت ملابس اله
ورجعت سديته خليت الملابس على جربايه
ورحت امشط شعري شوي وسمعت صوته
من الحمام
وهج ملابسي
شمرت المشط بنفاد اصبر ورحت يم
الباب خليتهن على ايدت الباب وخرت
وهج: اخذهن حبيبي خليتهن يم الباب
جيبيهن لابس ملابس داخليه تره
وهج: والله ماا اخذهن انته شعندي داخله
وياك. عابت شكد ماتستحي
ذا هسه ماتجيبين الملابس وتدخلين
صدكيني طلع بدون ملابس بعد بكيفج
وهج: كول والله ماسويلج شي بس اخذ
الملابس
بنت الوادم شلون احلف بالحمام يلا عاد
اريد اروح تغده
بلعت ريئگ بصعوبه واخذت الملابس
بس خجلانه شلون دخل فتحت الباب
على كيفي بسرعه مدا ايده وسحبني
وسد الباب اخليت ايدي على عيونه
وهج: ليش هيج ضحكت عليه عفيه دمار
لبس بسرعه وخلي اروح
تره لبس شبيج انتي شايفه كل
جسمي على شنو مستحيه
مارديت بقيت اساكته ومخليه ايدي على عيونه
ماوخرتهن قرب هوه مني ولزمني من خصري
مدا ايده الثانيه وخر ايدي من عيوني
فتحي عيونج وهجي
فتحت عيوني باوعتله صدك لبس شورت
قرب وجهه مني اجى يااخذ شفتي بس
سمعت صوت بيبي بالغرفه دفعته
بسرعه وجيت طلع بس رجع لزمني
وهج: ولكك وخر بيبي بالغرفه
شبيك هسه شتكول علينا تره جاي
ينتظروك على اكل
نطيني ابوسه وروحي
وينكم دمار وهج شنو الله اخذاكم
باوعت على دمار واحس راح موت من الخجل
شلون راح طلع كدامه اكيد تكول جانو يسون
شي وخرت ايده وفتحت الباب وطلعت
جانت كاعده على جربايه شافتي
وينه دمار جنتي وياه بالحمام مو
ماتكدرين تصبرين
وهج: والله بيبي بس دخلت انطي ملابسه
ماسويت شي هوه مايكعد
لعد هوه ماشايف وينك ولك نزل متنه من
الجوع واحنى اننتظرك وانته حاصر
الفرخه بالحمام
طلع دمار من الحمام باوع على بيبي وضحك
ماسويتله شي احتى ابوسه ماتنطيني
ليش هيج شالعه كلبه يالصفره
ذا مازوجته وخليت يجب على راسج
وحده ثانيه
لا حجيه كصه وماخلي يصير لغيرهه بعد
باوعتله بصدمه وهوه باوعلي وضحك
احس نفسي حتريت من الخجل يحجي
طك بطك بدون اخجل عفتهم وخليت حجاب
على راسي ونزلت جوه اركض
رحت للمطبخ غسلت وجهي وعدلت حجابي
ورحت يمهم كعدت يم مريم واجى تيم
وكعد بحضني بوسته من خدوده
شوي ونزل دمار وبيبي جو كعدو
على طاوله واني ماخليت عيني
بعين بيبي من الخجل
عرفت تريد تروح لبغداد ليش عمر
عمر: علمود الدوام كل صدقائي راحو
لبغداد واني بقيت وحدي ماعرف
ولا شخص غيرهم
شسالفه مستحيل خليك تروح تعرف
على غيرهم واحسن لك لو اتبقى بدون
صدقاء مايجي من وراهم غير الضيم
عمر: يصير خير ان شاءلله اخويه
سجاد: لعد اني اريد اروح لغير دوله
دمار مو بكيفك ماتخليني
وانته منو لزمك ماتروح
سجاد: ادري بيك ماتريدني اني باقي
هنا بس علمود كايا لو مو هيه مابقى
لو دقيقه
اخذهه وطلع من البيت بعد احسن تريحنه
سجاد: هاا لا وهج خطيه ماتكدر بدون
ابنته مو يالغمه
هزيت راسي بــ وضحكت كملنا غده
ملاك اخذت كايا وتيم وراحت لغرفته
تلعب وياهم وكل واحد راح لغرفه
دمار راح اكعد بصاله وهوه وعمر
ويسوالفون ساعدتهن بالمواعين
وصعدت لغرفتي رحت اصليت
وكملت رحت تمددت على جربايه
وغمضت عيوني ونمت
كعدت ورا فتره على ايدي على خصري
درت وجهي وحضنته
وهج: اصليت حبيبي
اي بابا
ابتسمت ورجعت غمضت عيوني ونمت
وهوه هم نام
للعصر كاعدت باوعت على ساعه بــ 4
باوعت على دمار نايم وكايا وتيم هم
نايمين ماعرف شوكت اجو للغرفه
كمت للحمام توضيت ولبست الجادر
وصليت كملت رحت على دمار جان
بعده نايم رحت تمددت يما وباوع على
وجهه عيونه حواجبه خدوده اخشمه
شفته شواربه شعره النازل على وجهه
عضلاته جسمه احس نفسي مغرمه بي
مو بس احبه
خليت ايدي على خدوده ونزلت ايدي
لشفته شواربه فتحت ايده ونمت عليها
رفعت ايدي وخليته على عضلاته ايدي
تتحسس كل نحاء وجهه قربت وجهي
وبسته بخده
فتح عيونه باوعلي وبتسم اخله ايده
على خصري وسحبني اله
ليش تتحرشين بيه تريدين تغتصبيني
وهج: ه.. هاا لا والله مو هيج شبيك دمار
سحبني ونومني فواكه باوعت بعيونه
وضليت صافنه خليت ايدي على شواربه
باوعلهن
وهج: ليش هيج شواربك حلوات
اخخ بس انتي تشوفهن حلوات بنيتي
وهج: كلك ليش مانزوج سجاد
غير هوه مايريد يزوج اني شعليه
هاي حياته ماجبره على شي
وهج: اممم راح احجي وياه وقنعه
يزوج اريد شوفه عريس
وانتي وهج ماتريدين تلبسين البدله
الابيضه اني حرمتج من هاي الفرحه
ان تصيرين عروس
وهج: كله من وراك جنك ثور ليش مانزوج
من جديد وياه سجاد ذا تزوج
شنزوج بعد مااحبلتج بتوم
خزرته وجيت وخر بس ضحك وعصرني
بحضنه وباس شفتي وخر خليت راسي
على صدره وحجيت
وهج: شقصدك دمار يعني هسه اني
عجوز مو
واحلى عجوز شوفه بحياتي
وهج: والله انته عجوز اني بعدني اصغيره
وبعد كم سنه تمشي على عكازه انته
وانبقى بس اني وجهالي اصغار
احتى ذا صرت شايب ماتزوجين غيري
راح تبقين تعتنين بيه
وهج: اي واصير دكتوره وتجي عليه
للمستشفى عالجك
اخخ وبالمستشفى حصرج واخذ شفتج
خزرته وخرت من حضنه كمت واكفت
وباوعله اخذ الباكيت وطلع جكاره
ويباوعلي وعض شفته
ماتجين ناخذ جوله مشتاقلج
وهج: عوف هاذه الكلام وكوم اصلي
هسه راح يجبون الغرفه يلا حبيبي
كام من الجربايه وراح للحمام وفعلا
شوي واجو جاب الغرفه الجديده اخذت
تيم وكايا ورحت للصاله اخذت الغرفه
القديمه طلعوها بره ودخلو الجديده لغرفتي
ولغرفت كايا وتيم
صارت الساعه 7 المغرب وهمه مامكملين
رحت للمطبخ سوي وياهن عشه للعمال
ونسام تخوزر بيه بعد ماعرفت شكد سعر
الغرفه جهزنه العشه الهم ودخلنا للمطبخ
مريم: ولج احس راح تصير تخبل غرفتج
وهج: اي بس ماتوقعت راح يجيبه لان
كلش غاليه كلت اختار وحده غيرها
رسل: دمار يحبج ومايريد يزعلج
شكد احبكم سوه ان شاءلله تبقون
طول العمر واحد ساند الثاني
رحت عليه وحضنته قوي ونضحك
احسهن مثل اخواتي صارن واحده
تواسي الثانيه تبارك ونور دوم احجي
وياهم احبهن لان ماينسني ويعتبرني
اختهن
كعدنه نتعشه بالمطبخ وملاك وكايا كل
شوي طاردات اجى عليه يركض وحضني
ويبجي
وهج: شبيك ياروح ماما انته
تيم: مايحلني لعب
وهج: يمه وليدي ليش مايخلنك وينج
ملاك تعالي
اجت ملاك تركض وكايا واكفه وتباوع
عليه صفح
ملاك: اها خاله
وهج: خلي تيم يلعب وياجن خطيه بعده
اصغير من يكبر بعد لاتخلنه
ملاك: كايا ماتقبل يلعب ويانه
باوعت على كايا وخزرته
وهج: مو اخوج ليش ماتخلينه ام
كفشه
كايا: حلي يولي كخ
وهج: والله ماكو غيرج الكخ اخذي ملاك وياج
ولاتخليه تكتله
هزت راسه واخذته وراحت لغرفته وكايا
راحت يم ابوها جان كاعد على طاوله
يتعشون
مر وقت وكمل العمال طلعو واحنى صعدنه
فوك بسرعه فتحت الباب وجانت نفس
المتوقعته جانت تجنن وبيها لون ذهبي
من جوه
مريم: ماشاء الله كلش حلوه
زينب: بالعافيه حبيبتي تتهنين بيها ان شاءلله
رسل: تخبل مو بس حلوه راح ترتبين
ملابسج هسه لو باجر
وهج: ماعرف بس يمكن باجر لان مابيه
كلش تعبانه
اغمزتلي رسل ضربته على ايدها
ضحكن وطلعن من الغرفه شوي
ودخل دمار درت وجهي باوعتله
فاتح الباب وسند نفسه عليه ويشرب
جكاير
وهج: دمار ماتوقعت راح تجيبه الي
كلش حلوه
انتي بس تئمرين واني نفذ حبيبي
ذبيته بوسه بالهوه ورحت للحمام شهكت
من جماله جان كله جديد لونه مثل لون الغرفه
نص ابيض ونص اسود واكو مرايه مخليه
دخل وراي دمار
وهج: عفيه كلش حلو احلى من الغرفه
بس ليش غيرته
احتى من حصرج اخذ راحتي لان حلو
وهج: مداك دوم نيتك وصخه
مارد ابقى ساكت ويباوعلي طلع من واني
طلعت ورا رحنه لغرفت كايا وتيم جنت
تجنن جربايه لتيم على شكل سياره لونه ازرق
وكايا لونه وردي مثل جربايه الميرات
وهج: واو كلش حلوات حبيبي
طبعاً ذوقي بعد اكيد حلو
مارديت بقيت ساكته اجو كايا وتيم
وفرحو، بالغرفه مالتهم اخذتهم وسديت
الباب ورحت لغرفتنه لان بعدها ممرتبه
زين احتى ينامون بيها شغلت التلفزيون
ورحت تمددت على الكرويته وباوع
ودمار طلع بره يخابر وكايا وتيم
نامو لان من الصبح يكعدون يطلعون
بره بالحديقه يلعبون وياه ملاك
بقيت كاعده وحدي مرت نص ساعه ودمار
ماكو كمت جبت حلويات ورجعت تمددت
اكل وباوع دخل دمار باوعلي
ماراح تنامين
وهج: لا بعد وقت اروح نام انته حبيبي
مارد اجى وخرني ونزع بلوزته وتمدد
ورجعني لحضنه بقيت ساكته بس اكل
مو كافي تاكلين؟
وهج: لا جوعانه تريد تااكل وياي
دمورتي
ضربني على راسي بخفه
راسج كسره دمورتي شنو حيوانه
وهج: لاتضرب تره والله اني هم ضربك
مو عبالك اخايفه
اكيد ماتخافين ام دو**
مارديت بقيت ساكته تركت الاكل وجيت
كوم بس رجعني عليه باوعتله بضوجه
وهج: عفيه دمار وخر اريد اكوم
عجبني تبقين نايمه بحضني
وهج: ماعرف ليش احس بحساس
مو حلو دمار كلبي جاي يذيني
وخرني واكعد عدل باوع عليه بخوف
ولزم ايدي وحجه
شبيج يروحي تريدين اخذج للدكتور
وهج: لا بس اريدك اتبقى يمي
لاتعوفني والله احبك
ليش هيج تحجي صاير شي؟
مارديت بس خليت راسي على رجله
وغمضت عيوني احس بخوف قلق توتر
اخله ايده على شعري ويمسد عليه بهدوء
بقيت ساكته وهوه شالني
وخلاني على جربايه تمدد بصفي
واخذني لحضنه حضني قوي
ونمنه
كعدت الصبح على صوت دمار فتحت
عيوني باوعتله افركت عيوني بنعس
وهج: صباح الخير حبيبي
صباح النور يلا كومي انصلي بنيتي
هزيت راسي ودخلت للحمام توضيت
ولبست جادر الصاله فرشت مصلايه
الي واله وراح هوه توضه واجى يصلي
يمي
كملنا اصله وقرينه شوي قران
ابقى هوه كاعد واني نزعت الجادر
ولبست حجابي ونزلت جوه دخلت
للمطبخ جهزت الريوك وبقيت كاعده
انتظره
نزل هوه من فوك واجى اكعد باوع عليه
شلون صرتي حبيبي بعده كلبج يوجعج
وهج: لا عمري مابيه شي احسن
لاترتبين الملابس ذا مابيج خلي مريم
تساعدج لو من رجع من الدوام اني
رتبهن وياج
وهج: ان شاءلله حبيبي لايضل بالك
كملنا ريوك وهوه بقى كاعد يخابر غسلت
المواعين ورتبت المطبخ هوه كام واكف
باوعلي وبتسم
راح اروح انتبهي لنفسج حبيبي
مارديت هزيت راسي تقدم عليه واخذ
ايدي باسه وباس خدي وراح رحت
صعدت فوك وكعدت ارتب بالملابس
ماجاي اكدر رجع نام شوي وجهازي
رد كمت من مكاني واخذته
باوعت على رقم ماعرفه مارديت
خليته بمكانه بس رجع اتصل اخذته
ورديت
وهج: الوو منو وياي
اخخ شتاقيت لصوتج جوجو ليش هيج
حرمتني من صوتج ومنج
بقيت ساكته مصدومه شلون اعرف
رقمي وليش امتصل شيريد من عندي
وهج: ج.. جود
جود: روحه انتي وهج اني احبج والله
ماجاي اكدر انساج
وهج: شتريد من عندي حرام عليك
تره اني مرت اخوك ياحيوان
جود: والله راح اندمج راح تتحسرين
على شوفت دمار كايا تيم
وهج: اكللل خرررر* يااجلب حسبالك
راح اخاف من هاذه تهديدك
جود: شوفي وهج ذا ماتركتي دمار
وتطلكتي من عنده راح تشوفين
شي ماعجبج
وهج: كل عقلك جاي تحجي انته مستحيل
عوف دمار علمود واحد عار مثلك
عاط بيه بصوت عالي
جود: قسم بالله راح خليج تتمنين
الموت بس انتظرري
سديت الاتصال بوجهه ورحت كعدت
على جربايه باوعت على كايا وتيم
وبلعت ريئگ بخوف حتاريت
شنو سوي دموعي نزلت من الخوف
والتوتر
امسحت دموعي
انضفت الفكار من عقلي وماهتميت
الكلام جود رحت كمل ترتيب الملابس
كعدو كايا وتيم غسلت وجوهم وغيرت
ملابسهم ونزلو يم مريم بقيت كاعده
شوي وجت مريم تساعدني
كملت ترتيب غرفتي ورحت على
غرفت كايا وتيم وبقيت ارتب بيها
كملنا وهيه راحت لغرفته واني
رحت لغرفتي اخذت ملابس
ودخلت للحمام اسبحت وطلعت
رحت على جربايه وكعدت امشط
شعري وبالي يم كلامه شنو يقصد
ان راح تحسر على شوفتهم معقوله
يسوي شي لدمار ياربي شنو هاي
من مشكله
لفيت شعري وجيت طلع من الغرفه دخل
دمار باوعتله وبتسمت باوع عليه وعلى غرفه
اخخ روح فدوه للنادره
وهج: حلو ترتيبي دماري
عض شفته ونزل قميصه وكعد على
الكرويته واخذ نفس بتعب
وهج: شبيك حبيبي صاير شي
لا ماكو شي بس مواضيع شغل
تعالي اكعدي يمي
هزيت راسي ورحت كعدت يما
سحبني لحضنه وباوع عليه
وخر شعري اخله ورا اذني واخذ
نفس من ركبتي قرب وجهه من ركتبي
وباسه تحسست لان شواربه تبزز
وخر راسه وسحب شفتي بين سنونه
خله ايده على خصري اعصره
وايد الثانيه على راسي مقربني اله
خليت ايدي على صدره ودفعته
لان اختنكت وخر مني ويااخذ
نفس بصعوبه بلعت ريئگ ودنكت
راسي
شبيك حبيبي ليش ستحيت
وهج: مابيه يلا اكوم اسبح احتى نتغده
ونرجع انصلي سوه
مارد اسكت وخرت من حضنه جهزت
ملابسه وهوه دخل للحمام اخذت
حجابي ونزلت جوه
رحت للمطبخ اجهز الغده وياهن
كعدت اجهز المقبلات
رسل: شبيها شفتج وهج ليش هيج
منفوخه
باوعتله ومارديت وهنه طكنهه بضحكه
دنكت راسي وبتسمت
نقلنا الاكل وكل اكعد على الطوله اكعدت
انتظر دمار ينزل شوي وسمعت صوته
يعيط بصوت عالي بسمي الكل باوع
عليه
كومي يمه شوفي شبي ليش يعيط
يمكن نكرص
هزيت راسي وصعدت فوك فتحت الباب
ودخلت باوعتله جان واكف يم الميز
ولزم بيده شريط حب مانع الحمل
باوعت عليه جان الشرار يطلع من
عيونه واعصر الشريط
اجى عليه بسرعه وعتني من ايدي
شمرني بالكاع وضربني راشدي.....
------------
يتبع:
توقعاتكم للبارت القادم
لاتنسون التصويت والمتابعه والتعليق
بين الفراغات علقو الف تعليق احتى
تصعد القصه تبعوني على انستكرام
احبكم فرولاتي✨❤🥺
لاتنسون التصويت والمتابعه والتعليقبين الفراغات علقو الف تعليق احتى تصعد القصه تبعوني على انستكراماحبكم فرولاتي✨❤🥺
- يتبع الفصل التالي اضغط على ( رواية وهج الدمار) اسم الرواية