رواية قسوة احفاد ال هتان الفصل التاسع و العشرون 29 - بقلم هاجر النعيمي
part 29
بقلمي ( هاجر النعيمي )
" لم تعد في داخلي رغبة
لخوض أحديث او القتراب من احدهم
فجأة ومن دون ان ارغب
شعرت بثقل التواصل مع الجميع
يسيطر على داخلي لا أكره أحداً
لكنها نفسي فقدت رغبتها دفعة واحدة "
....................
« ملاك »
بعد ماراحت هاجر حسيت بخنكه مو طبيعيه عفت
الاكل وكلشي وبقيت كاعده كالت رشا
رشا : انتي وذيج ليش مزوداتها
ملاك : ليش الي صار شنو تعتبري
رشا : الي صار صار اذا ماصار اليوم يصير بعدين
ملاك : بس حرام اخوج غلطان
رشا : مو حرام عاقدين
ملاك : انتي ليش هيج مو مهتمه والي صار بالبنيه
مو حرام اليوم عرفت انو تميم قاسي تميم رجع طلع
قساوته الي خباها من زمان وعلى منو طلعها على مرته
الي المفروض مايأذي شعره منها
رشا : لا تزوديها خلاص انسي باجر يزوجون
ملاك : ترجع ماما وبسيطه
رشا : انتي غبيه منو اهم تميم لو هاجر
ملاك : تميم اخوي وهاجر اختي واخوي غلطان وهو
يتحمل غلطه
رشا : انتي الحجي وياج ماينفع روحي رتبي غرفته
اكيد هسه مخربطه
عفتها وطلعت فتحت باب الغرفة شنو هاي شلون
صارت هيج من دخلت على هاجر مانتبهت على الغرفة
من خوفي عليها رحت للجرباية اعدلها وشفت دم خفت
بس شلتها حتى اشوفها الامي وماغسلتها مااريد اتصرف
بشي بدون مااخذ رأي امي
رتبتها ونزلت جانت امي موجوده كلت
ملاك : تعرفين ابنج شنو مسوي
رشا : مو وكتها هسه اسكتي
ماسه : شكو
ملاك : وكتها وامي لازم تعرف ابنها شمصخم
ماسه : خوفتوني احجن شكو
ملاك : ابنج اعت** على هاجر
ماسه : شنوووو
ملاك : اي
ماسه : وهيا شلون تقبل
ملاك : مو بكيفها غصب عنها صوتها راح وهيا تتوسل
يعوفها وابنج ماهتم لا لبجيها ولا لعياطها
ماسه : انتي شتحجين
ملاك : الفراش كله دم
ماسه : شنووو وينه
جبتلها الفراش شافتها ونصدمت وبقت تلطم وتحجي
على تميم بليل اجه تميم بس ويا ابوي امي سكتت
علمود نتعشى وبعدين ينفتح الموضوع كملنا اكل وكعدنا
كلنا علمود الجاي امي كالت
ماسه : تميم انت شمسوي
تميم : شمسوي
ماسه : ماتعرف
هز راسه ب لا كالت
ماسه : محمد ابنك مسوي مصيبه
محمد : ياستار شنو مسوي
ماسه : داخل على مرته
محمد : شنو
ماسه : اي وفوكها بدون رضاها
محمد : تميممم شنووو هذااا الحجييييي
تميم : هيا مرتي اليوم لو باجر تبقى مرتي محد اله
يمي شي
كام ابوي وضرب تميم راشدي تميم عصب وطلع برا
البيت وهو يفشر ابوي طلع وره جابه وكال
محمد : مو وكت زعلك هسه خلي نلكي حل لهل مصيبة
الي جبتها على راسنا
ماسه : خلي باجر تجي بما انو هيا هنانه
محمد : خابروها تفاهمو وياها
ماسه : اني هسه اخابرها
راحت ماما تاخذ التلفون وتخابرها ابوي كال
محمد : فتحي مايكرفون
انسد وماردت تميم كال
تميم : الظاهر نايمة
كمل كلامه وهيا اتصلت بعد سلام وكلام امي كالت
ماسه : هاجر بنيتي تعالي باجر الصبح نحجي وياج
علمود الموضوع الي صار وهم جيبي غراضج حتى نروح
ل خطوبة احمد
هاجر : اشوف واردلج خبر
جان صوتها مبحوح سديته وابوي كال
محمد : اذا صوتها هيج حالتها شلون
ماسه : الله لا يوفقك على هاي السوايه
تميم : كافي شبيكم شي صار ترا هيا مرتي ماله داعي
تحجون بالموضوع
ماسه : ياغبي اذا تحمل شلون
تميم : سهله نسوي العرس بسرعه
ماسه : وين نلحك جهاز وكلشي
تميم : مو مهم اهم شي تجي يمي بــ هاي الفترة
.................
« هاجر »
كلت الماما علمود اروح كالت روحي رديت خبر العمه
ماسه انو راح اجي ثاني يوم اجه تميم ياخذني حسيت
اكو حجي بحلكه بس سكت محد بينه حجه لحد ماوصلنا
نزلت سلمت عليهن وجانت رشا موجوده عمه كالت
ماسه : حبيبي دودي روح لغرفة خالة ملاك باوع هناك
راح دانيال وعمه كالت
ماسه : شلونج تعبانه مو
هزيت راسي بــ اي كالت
ماسه : نبدي وحده وحده الغلط على ابني
قاطعها تميم وكال
تميم : اني مو غلطان
ماسه : انجب وسكت شوفي احسن حل نسوي عرس
بسرعه يمه خاف يصير عندج حمل هذا الي مخوفني
هاجر : هيا مرة مااعتقد
ماسه : ميخالف ياما اكو ناس من اول مره يصير عدها
هاجر : واهلي شلون اكلهم
بجيت ماتحملت اجت يمي وحضنتني وتمسح على
راسي كالت
ماسه : امج صار عدها خبر كتلها قبل ماتجين
شهكت وفتحت عيوني على وسعها اريد احجي مااكدر
شي ماسكني مايخليني احجي كالت
ماسه : حاسه بيج لاتخافين او شي امج تفهمت
الموضوع صح نقهرت بس ميخالف يتصلح
رشا : ترا مزودين الموضوع كلش
ماسه : سكتي حالج حال هذا
أشرت على تميم رجع كال
تميم : رشا الي تفهم
ماسه : قصدك اني ماافهم ياطايح الحظ
تميم : انتي الخير والبركه انتي شمعة بيتنه
ماسه : اخذ مرتك واطلعو تفاهمو على العرس وصالحها
على عملتك السوده
ماجنت حابه اروح ويا لان خفت بس بنفس الوقت
مااريد عمه تضوج مني طلعت هو سد الباب وكال
تميم : مااعرف شنو احجي لان اكو كلام بداخلي
بس مااعرف اعبر عنه الي اعرفه انو اني احبج هاجر
انتي كل حياتي انتي ملاكي البريء انتي كلشي شكد
مااحجي ماراح اكدر اوصف مكانج بكلبي
هاجر : بس الي صار غلط
تميم : شوفي خلي افهمج نحنا عاقدين صح
هاجر : صح
تميم : حلو يعني صرتي مرتي العرس مجرد علمود
الناس تدري اليوم راح يدخل عليها يعني الي صار
مو حرام او عيب فهمتي
هاجر : اي بس يبقى غلط افرض صار طفل
تميم : واذا محد اله يمنه شي ليش نضل نخاف من
المجتمع ليش مانخاف من الله نحنا مجتمع يخاف من
كلام الناس اكثر من خوفه من ربه مقصد كلامي كلام
الناس اخر همي الي يهمني انتي وبس
هاجر : ليش عملت هيجي
تميم : انتي تردين نطلك اني حاربت الدنيا كلها علمود
تصيرين الي اخر شي تجين تكولين نطلك نسيتي شنو
سويت في سبيل تبقين وياي
هاجر : مانسيت بس عملتك كسرتني أذيتني بشكل
تميم : اسف والله مادري شصار فقدت حتى ماحسيت
على نفسي
هاجر : موضوع العرس شلون
تميم : سهله نحجز قاعه بأقرب وقت
هاجر : بس مااعتقد اكو بوقت قريب
تميم : انتي عرسج بيا قاعه تردي
هاجر : اكو قاعتين بالموصل تشك شك اريد وحده
منهن والثانيه اسوي بيها الحنه
تميم : ليش مو بغداد
هاجر : خلي موصل اني كرايبي محد يجي هينه
تميم : هاي هيا انتو ايمتا ترجعون
هاجر : باجر
تميم : خلاص باجر ارجع وياج نحجز قاعه ونبدي
نجهز واذا ماكمل لجهاز من نزوج تكملي مو ضروري
صالحني بس رغم كلشي بعدني ضايجه منو السبب
الي ينطيني يا مو مقنع سكتت لان بالاول والاخير
راح نزوج ومستحيل يتخلى عني مهما كانت الاسباب
نزلنا نتغده
عمي محمد جان كلش حنون كل شويه يتغزل بوحده
بينه اني و عمه و ملاك و رشا حبيتهم كلش عتبرتهم
اهلي عمو كال
محمد : هجوره حبيبي بنيتي اعتبري نحنا اهلج لاتكولين عمو وعمه كولي الي بابا ابوي الي يريحج
و ماسه كولي ماما امي يمه هم الي يريحج اريدج
تصيرين منا انتي بنيتي
هاجر : تتدل بابا
اكلنا وكملنا ماخلوني اساعدهم بشي كالو بدلي رحنا
لغرفة ملاك نبدل بدلنا وكملنا بس بقى مكياج ملاك
كالت
ملاك : هاجر ليش اكو طرات زرك على جسمج
استحيت احجي كالت رشا
رشا : ملاك انتي ليش ثولة
ملاك : مو ثولة اني
رشا : البارحه شنو صار بينهم
ملاك : اي اعرف
رشا : يعني من تميم هاي فهمتي امداه الي ياخذج
شكد ستحيت وتفشلت الله ياخذك تميم كملنا مكياج
وكلشي طلعنا ماانكر تونسنا بالطريق رحنا لبيت عمو
ادريان بيتهم جان جبير كلش اكبر من بيتنه وهم
ديكور حلو
جدي تاجر شي طبيعي يكون بيته حلو جدي عنده
فلوس ماتاكلها النيران هاي الفلوس مخليه جدي
هيبه وشخصيه وكلمته مسموعه بين الناس وماانكر
انو يساعد الناس بكلشي بس اهم شي تكون مصلحتو
بيها عمامي بيوتهم كبار وبيت جدي مو بيت قصر
بس كل هذا مو مهم لان مو كلنا كلوبنا على بعض
اغلبها مشاكل بيت عمو ثامر يسوون مشاكل ويا
الكل واجه إلياس وكملها ماصرنا مثل قبل ننجمع
ونتونس صرنا متفككين وكل شخص يدور مصلحتو
للاسف
دخلنا سلمت وكعت بيبي كالت
راوية : هاجر مريضه انتي
هاجر : لا ليش
راوية : مادري بس احس اكو شي غريب بيج
دحكت على عمه ماسه كالت
ماسه : لا هيا هيج
راوية : ماقتنعت
غالية : هجورة نورتي كلبي
هاجر : منور بيكم عمه
الكل جانو حبابين عدا عمه نيرال الي ماطايقتني هيا
وبناتها وبيبي هم اما الباقي كلهم طبيعيين اجتي
زهراء كالت
زهراء : فرحت لان اجيتي
هاجر : حتى اني ومتحمسه هم
طلعنا لبيتهم جانت هوسه بالطريق وكل شويه ينزلون
الولد يركصون ويهوسون احمد جان فرحان بشكل مو
طبيعي كلش فرحت الهم لان من صدك احبهم واتمنى
الهم الخير
وصلنا بيتهم اول مافتنه جانو يركصون هاي جوي
واجوائي ركصت وياهم بس مادري شبيه تعبانه
يمكن من الي صار ماكدرت اكمل كعدت يم عمه ماسه
كالت
ماسه : بيج شي
هاجر : معرف ركصت شويه وتعبت وجسمي يوجعني
ماسه : كعدي لعد لا تكومين تركصين انتي تعبانه
من الي صار نسيت اكلج على سالفة الدم ليش جان
هواي
هاجر : مادري حتى اني نصدمت
ماسه : اعتقد تأذيتي
هزيت راسي بــ اي كعدت يمها ادحك عليهم حلوين
فوك الفجعه مااتحمل مااركص كل شويه اريد اكوم
وعمه تسحبني وتكعدني رغم كلشي جانت حفلة حلوه
دخل احمد علمود يلبسون الحلقات حطينا شالات على
راسنا ودخل لبسو الحلاقت وصار هلاهل
كالو الولد يدخلون يسوون هوسه بسيطه اخذو مريم
للغرفة ودخلو الولد ناس تركص ناس تصفك ناس
واكفه كلش حبيت نوب ركصهم حلو اجت عيني على
كرار ماشاءالله شنو من جمال جان احلاهم
يشبه الاجانب مدري من وين جايبي كلت لزهراء
هاجر : كرار من وين جايبي ليش هيج يختلف
زهراء : على بيبيته ام امه جانت تشك شك كلش
حلوه
هاجر : ترا كلهم حلوين حتى البنات
زهراء : اي صح يكولون من هَتان ماخذين جمالهم
مادري شلون رضى بــ راوية
هاجر : اسكتي هسه تجي تكطع النعال على راسج
زهراء : شكد اكرها فلا تنجرع
هاجر : اني ماشفتها غير كم مره وكرهتها انتي نوب
عايشه يمكم
زهراء : لا كلبي كل كم يوم تروح لبيت واحد من
ولدها وراح تجيكم يعني وبس تجي اخذي على مشاكل
نوب هيا تكره عمتج وتفضل
هاجر : ليش تكرها
زهراء : شمدريني هيا ماتحب احد حتى عمتي مو
كلش تحبها
اجت عيني على تميم جان يركص بشكل حلو كلش
يهز بخصرو ويطك اصبع سرسحت اويي يربي كيوت
شكد حلو طالع انجبي ادبسزز لا حلو والله اجه يمي
كال
تميم : رشا كالت مرتك ماتعرف تركص خطيه صدك
هاجر : ها اي صح
تميم : تعلمي وين اكو بنيه ماتعرف تركص عود اعلمج
بعدين
والله لو تدري بيه ركاصه كال
تميم : ليش وجهج اصفر
هاجر : ماعرف حتى بيبي كالت ليش مو على بعضج
صدك مبين عليه مريضه
تميم : اي مبين مريضه
اجه احمد وسحب تميم يركص وياهم وكال
احمد : عذريني بس احتاجه هسه
ضحكت وهو هم ضحك وراحو يركصون شويه وطلعو
رجعو مريم والبنات رجعن يركصن هم جان ركصهن
حلو رحت يم زهراء كلت
هاجر : واني اكول ليش امير كاتل نفسه عليج
زهراء : ليش بله
هاجر : دشوفي الركص خرب يومج شهل ركص
زهراء : ديلا على اساس انتي اذكرج بالفيديو الي
دزيتي
هاجر : بالغلط ههههه
رجعت كعدت يم عمه بقينا شكد رجعت بيت خالي
جانت ب 11 من التعب فوراً نمت الصبح ماما كعدتني
كالت نرجع وماجان احد بالغرفة كالت
مروة : ليش ماكلتيلي الي صار
هاجر : استحيت اكلج اصلا بيما وجه اكلج
مروة : الغلط ما منج والي صار ماحرام بس ماكان
لازم يصير هسه
هاجر : اعرف والله بس ما بيدي
مروة : انسي الموضوع ولا تهتمين خوش
الي رجعنا للموصل هو تميم واجو ويانه ثُريا وامها
وراح يجون اهلو علمود نكمل جهاز والي يجيبهم عمو
محمد وصلنا بيت خالتي نزلت ثُريا وكالت
ثُريا : والله وطلع يحبج وخطبج اي نيالج علي شكد
حلو
ماكدرت ارد لان راحت بسرعه بس بقيت افور واغلي
اشون تحجي هشكل رجعنا للبيت من التعب نمت كعدت
ساعه 12كعدت على وجعي بطني طلعت ادور شي اكله
جان اكو اكل مخلي الي اكلت ورجعت للغرفة شفت
تلفوني جان تميم مراسلني مارديت لان مالي خلك
ارد اصلا
زهراء راسلتني حجينه شويه وراحت لان امير اجه
طلعت مسلسل باليوتيوب وبلشت اتابع راسلني تميم
ردت امسح الرسالة من فوك بالغلط فتت عليها امداني شكد ثولة دعوفيها اله توخريها دوده اتصل رديت كال
تميم : وينج ماكو شكد صارلج
هاجر : نايمه لو تحاسبني على نومي هم
تميم : الظاهر النومه بعدها بيج وجان تخطوين بصف
الاستكان
هاجر : بالعكس كلش مصحصحه
تميم : تعرفين اني بالموصل يعني انتي قريبه عليه
مو عبالك دنيا ليل ترا اجيج
هاجر : مالي خلكك روح خلي اكمل المسلسل
تميم : راح اروح بس مو علمودج لان حيدر يمي وباجر
حسابج
هاجر : تعال شوفني دموت خوف
تميم : بسيطه
سده بوجهي ديلا ميته عليك مااكدر اسمحو هو خرب
كلشي جان يكدر يحلها بالحجي مو يسوي الي سواه
بقيت اتابع المسلسل لحد 4 تعبت ونمت كعدت الصبح
نشيطه لان نمت شكد بس تعبانه جسمي تعبان معرف
شبيه
العصر اجو اهل تميم علمود نروح نجهز اني وماما رحنا
نبدل بعدني هستوني سديت الباب وينفتح التفتت
جان تميم زفرت نفس سد الباب وكال
تميم : نبلش بعقابج
هاجر : مو عجيه ( زعطوطه ) اني حتى تعاقبني
وبعدين ماسويت شي غلط
تميم : لا خطيه ابد انتي ماتغلطين بس اني ليش
لان اني كلني اغلاط
هاجر : اختصر شنو تريد اريد ابدل حتى نروح
راح كعد على الجرباية وكال
تميم : اي بدلي خلي اباوع امتع نظري
لحد هنا وبس طكت مرارتي
هاجر : انت شنو بس فهمني ليش هيج ماتستحي
وين زاتين مستحاتك
تميم : يلا حبيبي بدلي تاخرنا
هاجر : لا لحد هنا وكافي انت شنو من بشر تحجي
صدك لو تشاقه اكيد تشاقه
تميم : ليش معصبه
هاجر : ليش كلامك يخلي الواحد هادي
تميم : حبيبي خاف تستحين ولا يهمج شايف كلشي
وحافظج هم
صرت اصبر نفسي وخذ شهيق وزفير غمضت عيوني
لان تعبت كعدت يمو على الجربايه كال بخوف
تميم : بيج شي
هاجر : لا
تميم : بس فهميني شبيج ليش وجهج اصفر شصار
هاجر : ماكوووو شييي
تميم : صوتجج
هاجر : اطلع خلي ابدل
طلع وسد الباب بدلت وحطيت شويه مكياج بلكي
يروح صفار وجهي الي اجه فجأة نزلنا للسوك اشترينه
اشياء بعدين تميم كال
تميم : راح اخذها ونروح للقاعات انتو كملو كلشي
اخذني روحنا للقاعات محد حجه بينا اكتفينا بالسكوت
وصلنا اول قاعه كال
تميم : اريد موعد للعرس بس يكون قريب حيل
صاحب القاعه : عندي بعد اربع شهور
تميم : مثلا قبل شهرين اكثر شي
صاحب القاعه : للاسف ماكو
طلعنا ورحنا قاعه ثانيه كال ست شهور وصلنا قاعه
ثالثا وادعي تصير قريبه لان هاي القاعه كلش نفسي
اتزوج بيها دخلنا وتميم كال
تميم : اريد اقرب حجز لعرس عندك
صاحب القاعه : ثلاث شهور
تميم : ماكو قبل
صاحب القاعه : لا
جان اكو واحد يم صاحب القاعه كال
- اكو حجز بعد شهر يفيدكم
تميم : اي كلش زين
صاحب القاعه : ايمتا شلون
- اكو ولد عرسو بعد شهر بس خطيه عدهم حالة وفاة
كال يلغي الحجز
اتفقو على كلشي وخلاص بعد شهر يصير العرس
رجعنا للبيت ميته تعب فوراً نمت كعدت الصبح بابا كال
علي : روحو احجزو قاعة علمود الحنه والنشيان
مروة : ليش هو اكو هاي بالزور ( بالكوه ) لكوها
علي : وهو ليش مستعجل
سكتنا ثنينا جدي كال
جدو : لقيلم قاعة حلوي خلي تعمل الحنه بيها هاجر
مااقل من اسيل
بصراحه فرحت ابتسمت وكمت بستو مااذكر اخر مره
بستو بيها العصر رحنا مع بابا نحجز قاعه وحجزنه
بينها وبين العرس يوم للستراحه حمدت ربي لان جان
كلشي سهل بقينه كل يوم نطلع للسوك نجهز تعبت والتعب بين علينه وجهي صار اصفر
توقعنا من فقر الدم مانطيت اهميه للموضوع تعبي يوم
بعد يوم يزيد المشكله مااعرف السبب صرت ادوخ وتلعب
نفسي واشتهي شغلات المشكله مو من عوايدي اشتهي
ماعرف شنو صاير ماكلت لاحد لان هسه يكلولي امشي
على الدكتور وراح يرجع ينطيني علاجات مابيه حيل
تميم ماتصالحت ويا ابد المشكله رغبتي بي قلت صرت
مااطيقه ومااتحمل صوته بس اسمع صوته اتقيئ
واخيراً اجه يوم الحنه المنتظر كعدت من الصبح رحت
صالون البنات ماعافوني وجانت زهراء يمي وآيلا وهنوش
وريم
هاجر : زهراء ليش ماجبتو مريم
زهراء : ابوها ماقبل تعالي صدك ليش وجهج اصفر
وضعفانه
هاجر : غير متت بهذا الشهر ماكعدت
زهراء : انتو هم اكو احد يتفطن هسه
هاجر : تميم قابا اني
دك تلفوني جابته آيلا رديت بدون مااشوف رديت مجرد
ماسمعت صوته لعبت نفسي كلت
هاجر : يمعوده وين الحمام اريد اتقيئ
علمتني مكانه رحت للمغسله بقيت اتقيئ لحد ماتعبت
واسمع صوت تميم يصيح ارتحت شويه ورديت كال
تميم : شبيج يمعوده اجيج بس كولي هاجررر احجيي
راح اموتتت شبيججججج
هاجر : ماكو شي يمعود قلبت الدنيا
تميم : اجيج نروح للمستشفى
هاجر : يمعود لا تزودها ماكو شي هسه راح اروح
حتى اكمل
سديته من احجي ويا اتعب ياربي شبيه شنو هاي الحالة
رجعت اطمنو البنات عني كملنا كلشي واجو اخذونا رجعنا
على البيت وهما اخذو زهراء وملاك ورشا رجعنا تغدينه
كملنا ورحت ابدل ساعدتني آيلا وهنوش وريم ورسل
شافو جسمي كالت
آيلا : شنو هاي ولج
هاجر : انطخيت قبل كم يوم
آيلا : اي حمره صايره
لهسه ماراحت بقت شويه حمره جسمي حساس لدرجه
جانت حمره صارت زركه وبعدها صارت بنفسجي وهسه
رجعت حمره كملت لبس البدله جانت حمره ماحبيت
لونها لان اكره الاحمر والوردي بس عمه ماسه اختارتها
ماكدرت اكول ماريدها رغم حلوه بس لونها مااحبه
كعدنا برا ننتظر يجون وصلو دخل تميم باس راسي وايدي وطلعنا جانت سيارة عاليه كلت
هاجر : اشلون اصعد واني لابسه هاي شكبرها
تميم : اشيلج
هاجر : اي ونوكع والكل يضحك علينه
تميم : لعد خلي يضحكون علينه
اجه شالني شويه وصعدت بالسيارة كال
تميم : حرامات وماوكعنا جان تونسنه
غلست كال
تميم : اي حتى بيوم الحنه ازعلي
هاجر : ماعاجبك
تميم : عاجبني غير دخت من شفت جمالج شنو هل
بياض
هاجر : ترا حتى انت مو كلش اسمر
تميم : ادري وهذا الشي الوحيد الي مااحبه احس
كل ولد ابيض يصير دلوع
هاجر : بس كرار حلو
ضرب الستيرن فزيت ولزمت كلبي صار يعيط ويفشر
تميم : حلو ازوجج يا ماتستحيننننن ادبسززززز
انيييييي كو**** مكرننن
لزمت ايدو وكلت
هاجر : مو قصدي انو حلو قصدي انو ابيض
قاطعني
تميم : اكلي نعلللل كافييييي
هاجر : فدوه تميم راح نموت على كيفك
تميم : اشششش مااسمع صوتتجججججج
سكتت وعيوني مليانه دموعي وبطني مغصتني وصارت
توجعني اجتني الدوخه وخفت من وضعه كلت
هاجر : تميم فدوه
قاطعني
تميم : اشششش اذااااا تريدينننن تبقينننن عايشهههه
تسكتتيييننننن
سكتت صرت اتنفس بسرعه والغصه وكفت بلعومي
وبطني تأذيني وعيوني مااشوف بيها من كثر الدموع
وصلنا مسحت دموعي ونزلت دخلت للقاعه وكفت بنصها
علمود الفقرة الي مسويها طول الايام اخطط لهاي اليومين والاغاني من اختياري دخل تميم جان ظهري
علي
وصل يمي نزل على ركبته وجانت بيده باقت الورد
التفتت علي انطاني ياها وكام وكف على حيله باس
راسي وخدي جان شكله معصب ركصنا سلو شويه
جان مايباوع بوجهي نقهرت لان الكل يدحك علينه
كملنا ورحنا للكوشه كعدنا وهو ساكت كام يطلع لزمت
ايدو وكلت
هاجر : بس ثواني اكلك شي
كعد يمي وهو ساكت اعترف اني جفصت ياربي انشاءالله
مااجفص اكثر كلت
هاجر : اسفه بس ماعرفت اعبر عن الموضوع وانت
فهمتني غلط او اني شرحت غلط تميم فدوه والله
اسفه
عافني وراح شكد ضجت اجت يمي لارا كالت
لارا : اريد اكلج شي
هاجر : مااسمع شي والله
اجت يم اذني تحجي كالت
لارا : بعدين نحجي
راحت والكل صار يركص اجو كوموني اركص ركصت
شويه وتعبت رحت كعدت صار وقت نتحنا اني وتميم
متفقين هو الي يحنيني بس هو مااجه ضجت كلش
وينه ليش ماكو كالت عمه
ماسه : هسه انادي شنو مايجي
راحت شويه واجت وهو وياها
حناني شلون ماجان وحط بيدي ورقه وباس راسي
وراح ضجت شنو هاي المعاملة الناشفه حنه نعل
بقيت مطنكره عمه كالت
ماسه : حني البنات
حنيت البنات وكملت ويا القاعه جان اكو عاملات يجيبون
ماء واكل وكيك وقفو الاغاني فترة عشاء جنت كاعده
وحدي المشكله برا ماكو شي يعني هو واكف ويا الولد
هيج ماكو لا ركص ولا حنه مال ولد لان تصير بليل من
يرجعون على بيت عمتهم ام حيدر
اجت يمي لارا كالت
لارا : اكو موضوع لازم اكلج هو
هاجر : احجي
لارا : إلياس كلي اوصلج هذا الخبر
هاجر : كولي
لارا : يكول فصخي الخطوبه لان راح يصير شي مايرضيج وهذا اخر تهديد الج لان هو ما مسؤول على
الي راح يصير
هاجر : اخوج بس يهدد لو بس خير نفذ
لارا : اني العليه انو اوصل الخبر وهاي وصلتو
عافتني وراحت اجت يمي زهراء كالت
زهراء : اكو شي بينج وبين تميم
هاجر : شلون عرفتي
زهراء : ترا مبيه عبالك مجبورين على بعض شبيكم
هاجر : تكاونا ونحنا جايين هينه
زهراء : اكو احد يتعارك وهو بحنته والله مدري شكلج
شنو سببها
حجيت الها الموضوع شهكت وكالت
زهراء : طاح حضج ولج عفتي الكل واجيتي على
كرار هو وتميم مو صحبه ودوم مشاكل
هاجر : غير بس هو وتميم البيض
زهراء : انت السبب منج ترا ولج ذول ماينكال الهم
على احد يعني مره بداية زواجي كلت على رأكان حلو
امير ضربني تخيلي
هاجر : معقدين
زهراء : اي بس من تكوليله معقد يكلج اشدلي كرون
احسن عود يغارون ترا كلهم هيج يموتون من غيرتهم
غير حب التملك الفضيع
هاجر : هسه شلون اراضي
قاطع حجينه تميم من كال
تميم : ب بوسه
بلعت ريكي وزهراء بتسمت وراحت كال
تميم : هيج زعلي يضوجج
هاجر : اي
تميم : خوش بوسيني انسى
هاجر : قابل هينه
تميم : تدللين بالغرفة
سولفنا شويه لحد مارجعت الاغاني كمنا علمود نركص
استحيت شويه وفوكها تعبانه وهسه تطلع جذبتي
بأنو ماعرف اركص كلت
هاجر : مااعرف
سحبني وكال
تميم : سوي اي شي
نزلنا نركص بس شويه حركت ايدي صارت بطني توجعني
نوب تعبت واجيت ادوخ رجعت خلصت الحنه والعالم
راحت بقينه بس اني وامي وعمه ماسه و ملاك و رشا
و زهراء و امير و تميم راجعين اجيت اصعد بالسيارة
واجه إلياس لا ياربي
صارو يم السيارة يتناقشون وعلت صواتهم
إلياس : هسه تطلكها اني اريدها انت منو حتى تاخذها
اني اولى بيها
تميم : اكل نعللل حيوانننن الككك خلككك تحجييي
تمشيي مناااا لااا اكوممم انعللل والديككك
صارو يضربون بعض وامير يبعد بينهم امي سحبت
إلياس وجابتو براشدي وهو يكول
إلياس : مايستاهلها والله هيا ماربت يمه هيا اليي
ماتصير الغيريييي
تميم سمع الكلام وراح علي وكع إلياس وصار تميم
فوكو ويضرب بي ونحنا نعيط وامير دفع تميم وكال
امير : ولككك حيوانننن شوفففف حاللل مرتتكككك
تميم دفع امير وكال
تميم : اخذهم اني اوصل هاجرر
راحو ويا واني ميته خوف وحدي ويا تميم صعد وضرب
الستيرن فزيت كال
تميم : اني يجييي واحددد قندرةةة علييههه مثللل
هذااا ويكوللل المرتيييي ماتصيرييين الغيريييي
لعددد شكدددد مكرنننن انيييييي
هاجر : ف فدوه ت تميم ح ح حبابب اهدئ
تميم : ليشششش بسسس فهمييننييييي
هاجر : شنو
تميم : ليششش كاتلللل نفسههه عليجججج انتيييي
اليييي الييي وبسسسس المفروضضض محدددد
يفكرررر بيجججج غيريييي
دموعي تنزل وكا مااحجي شي يسكتني بقه يفشر
على نفسه وعليه وعلى إلياس وكفها على جها التفتت
الي وسحبني من زنديي وكال
تميم : شعندجج ويااا مو معقول يجي هيج اذا ماعندج
شي ويااا
انصدمت من كلامه كلت
هاجر : شعندي ويا اشبيك تميم انت تعرف اني احبك
مااحب إلياس ولو عندي شي معا ماجان اني معاك هسه
تميم : جذابه لو ماعندج مو هيج كاتل نفسه عليج
سكتت ودموعي تحجي حالتي اني يشك بيه كلت
بصوت مبحوح
هاجر : رجعني
تميم : تنجبينننن تبقين هنا فهمتي لحد ماافهم شعندج
ويا
عطت بوجهو
هاجر : انتتت شنووو اكوووو بعقلككك مننن كلكك عقلكككك عنديييب شيييي معاااا وينننن تفكيركككك فهمنيييي ليشششش تشككككك بيههههه
صرت اضرب وجهي واكول
هاجر : مااستاهللل تشكككك بيهههه فضلتككك علىىى كلللل الناسسسس تاليييي تشكككم بيههه ليششش فهمنيييي
حضني وصار يهدي بيه كال
تميم : اسف والله بس عصبت عذريني مادري شمسلتت
بعدت عنه وكلت
هاجر : رجعني
رجعنا للبيت رحت سبحت ونمت الحنه مالتي صارت
مشاكل وتلعب النفس من بدايتها الي نهايتها نقهرت
على حضيي
...............
انتهى البارت
خطيه نقهرت عليها عدها مشاكل هواي ومن
قررت ترتاح اجتها مصيبه ثانيه شنو تتوقعون
يصير بالبارت الجاي صوتو وعلقو بين الفقرات
- يتبع الفصل التالي اضغط على (رواية قسوة احفاد ال هتان) اسم الرواية