رواية شجن الفصل الثاني 2 - بقلم اية احمد
شجن واقفة تستوعب الكلام اللي سمعته من والدها وِوالدتها وهو موضوع جوازها وإن حد متقدملها ،وبتقول لنفسها: إزاي كده!، دا أنا حتىٰ لسه في سنة أولىٰ كلية هشيل المسؤولية إزاي؟! ، وهتجوز حد معرفهوش ولا عُمري شوفته!، كمان أنا بحب زميلي في الكلية ومستنيه يخلص آخر سنة ليه في الكليه ويجي زي ما وعدني ،هعمل إي وأنا قلبي مع حد تاني، وأهلي أكيد مش هيوافقوا بطالب .
والدة شجن: إنتي يا هانم كل دا بتعملي شاي ؟
الصوت قطع حبل أفكار شجن بسرعة وبلعت ريقها من الصدمة وتستجمع قِواها وترد: لأ خلاص الشاي أهو إتفضلوا .
والد شجن: مالك ملامحكِ مخطوفة لي كده؟
شجن: لأ أبداً يا بابا يمكن عاوزه أنام بس .
والد شجن: طيب إدخلي ارتاحي شويه ولو حاسه بتعب خدي علاج .
شجن بحزن يأكل قلبها وبصوت كلها هبوط : حاضر يا بابا.
____♜#الـڪَـاتِـبَـة_آيَـة_أحـمَـد_أبـوُداعـوُس♜_______
شجن دخلت أوضتها وكلها حُزن ومش عارفة تعمل إي ولا تتصرف إزاي ، هل تقول لِــ عَلي (الشخص ال شجن بتحبه وزميلها في الدراسة) ، ولا هتقول اي لما أهلها يفتحوا معاها الموضوع؟!.
شجن بحرقة: يااااارب حِلها من عندك يارب
والد شجن : شجن ، يا شجن ، انتي فين يبنتي ! ، كل دا نايمة ولا إي قومي الليل جيه هتنامي إزاي كده تاني بالليل ؟.
شجن : لأ يا بابا معرفتش أنام كويس ، نعم حضرتك محتاج حاجة ؟.
والد شجن : أيوه يا حبيبتي عاوز أتكلم معاكي في موضوع كده .
شجن برقت وِإتخضت وقالت بسرعة: نعم يا بابا موضوع إي خير ؟.
والد شجن : مالك يبنتي وشك إصفر كده لي ، هتكلم معاكي عادي .
شجن: لأ أبداً يا بابا مع حضرتك ، وشي مصفرش ولا حاجة أنا كويسة.
شجن عماله تفكر يا ترىٰ والدها هيقولها إي ولا هي هترد تقوله إي ، ولو رفضت إي السبب وأنا كل شويه أرفضلهم ناس كويسه بدون سبب.
والد شجن قطع تفكيرها وقالها: بُصي يا شجن يا حبيبتي انتي كبرتي وِجي الوقت اللي تبدئي حياة جديدة وتشيلي المسؤولية، ويكون معاكي حد في حياتك يساندك إنك تأسسي أسرة جميلة زيك.
شجن: أسرة إي يا بابا وكبرت اي دا أنا لسه في أولىٰ جامعة ، ثم إن مش عاوزه اتجوز دلوقت حضرتك عارف إن رافضه الموضوع تماماً.
والد شجن: لي يبنتي ما فيه ناس قدك كتير متجوزه كمان ومعاها عيال ،ودا طبيعي هنا في الأرياف، أنا عاوز أطمن عليكي قبل ما أموت يا حبيبتي واشوفك في بيت جوزك.
شجن عنيها دمعت : بعد الشر عنك يا حبيبي متقولش كده يا بابا ، بس يا بابا مليش دعوة بحد مش هقارن نفسي بحد ، وأنا بتعلم ومش عاوزه اتجوز دلوقت خالص ، وبعدين حضرتك لي مُصر المرة دي أوي علىٰ الموضوع ليه كده ؟، إي الميزة إللي في الشخص دا يعني ؟ .
والد شجن: إقعدي معاه ولو معجبكيش ارفضي وهو الولد ميترفضش ، مُكافح وَمحترم وَعارف ربنا وطول بعرض زي م انتي بتحبي،وظابط .
شجن: لأ يا بابا .
_____♜#الـڪَـاتِـبَـة_آيَـة_أحـمَـد_أبـوُداعـوُس♜______
والدة شجن تاني يوم: صباح الخير يا شجن.
شجن بحزن وفقدان طاقة: صباح النور يا ماما .
والدة شجن: بابا كلمك إمبارح في موضوع العريس اللي متقدملك ؟ .
شجن: أيوه يا ماما ورفضته .
والدة شجن: لأ بصي بقا أنا جبت أخري معاكي، كل يوم والتاني ترفضي وناس كويسه ومفيش سبب ، ولا فيه سبب عندك ؟.
شجن وهي متلجلجة وإتوترت: لأ يا ماما مفيش عندي سبب هو بس لأن مش عاوزه أتخطب دلوقت ، هيكون إي السبب يعني يا ماما ؟.
والدة شجن: طيب إعملي حسابك ابوكي إدي للناس دول كلمة ومش هنعرف نرجع فيها ، لأن دول ناس واصلة وممكن يأذونا .
شجن: يأذونا إزاي يعني !! ، هو مفيش قانون في البلد ولا إي ؟! ،مفيش حد فوق القانون ، ولا هو عشان إبنهم ظابط وحالتهم حلوه .
والدة شجن: هو دا اللي عندنا مفيش مجال للرفض المرة دي وخلاص جاين بكره بالليل .
شجن وهي مصدومة ومتعصبة : نعم !! ، بكره بالليل إزاي يعني ؟، هو أنا حيوان ولا جموسة يا ماما الذبون اللي يطلبها ويكون عاجبكم ودافع تسحبوها وتدهاله منغير متقول حرف ؟! ، وإنهارت شجن في العياط .
شجن بغيظ وهي منهارة في البكاء : مش هقابل حد ولا موافقة.
والدة شجن بعصبيه: إتأدبي يبنت ، وكانت هتضربها لكن هديت لما شافت دموعها وحاولت تستوعبها وقالتلها ، يبنتي إفهميني ، الناس دول ناس واصله ، وممكن يشيلوا أبوكي بالوه لو رفضنا ، أبوكي كان واخد قرض ومعرفش يسده عشان الحالة المادية كانت وحشة وعشان يدخلك الكلية بتاعتك دي ، وعشان اخوكي كان محتاج واسطة عشان يتعين في المكان النضيف اللي هو فيه دا ، وأبو العريس دا ال سدهوله لأن كان هيتحجز على بيتنا لو مصدناش في الوقت المطلوب ، ودلوقت هما ماسكين وصولات أمانه علىٰ ابوكي بمبلغ طائل ومش هنعرف نسدة .
شجن تقطع كلام والدتها: يعني إنتوا يا ماما بعتوني بالفلوس عشان أنا أسدلكم!.
والدة شجن وهي كلها حصرة: إحنا هنبيعك يا شجن ؟ ،دا ولا كنوز الدنيا يبنتي ، بس دي جوازة حلوه.
شجن دخلت أوضتها مش عارفه تعمل إي ومره واحده لقت نفسها مسكت الفون وإتصلت علىٰ علي حبيبها مرضش ، فبعتتله علىٰ الواتساب ( ازيك يا علي عوزاك في حاجة مهمة جداً أول ما تكون فاضي كلمني ضروري .
علي أول ما شاف الماسيدج: نعم يا شجن ، معلش كنت نايم ، ازيك عامله إيه ، وخير في إيه يستي وحشتيني هو انتي يوم م تكلميني يكون عشان في حاجة ! ، بس ما علينا المهم إنك بعتي .
شجن: مش كويسه يا علي
علي: لي يبنتي في إيه مالك بس .
شجن: هسألك سؤال يا علي ، أنت بتحبني بجد ومستعد تقف قدام كل الدنيا عشان أكون معاك ولا لأ ؟ .
علي شاف الرسالة وسكت شوية لأنه إتردد وإستغرب : أكيد طبعاً يا شجن ، بس إي داعي الأسالة دي ؟.
شجن: هقولك يا علي ، وحكيتله شجن علىٰ كل حاجة .
علي : أيوه فهمت تمام طب وأنا مطلوب مني إي دلوقت يا شجن ؟.
شجن: إزاي يعني أنت المفروض تقولي أعمل إي ولا أتصرف إزاي ، مش أنت لسه قايلي إنك بتحبني وتقف قدام الدنيا عشاني ، ومش انت كنت مديني وعد ؟!!.
علي: أيوه يا شحن بس دول ناس واصله ودول اهلك انا هعمل اي وهاجي اقولهم إي ، معلق مع بنتكلم وبنحب بعض وأنا لسه طالب فاضلي سنة وأخلص!!.، وبعدين وعد إي دا ، أنا قولتلك لما أبقا أخلص.
شجن: يعني إي ناس واصلة ! ، م أنت كمان يا علي حالتكم المادية كويسة ،وانت لو بتحبني هتعمل أي حاجة عشان أكون معاك ، الغاوي يعدي بحار عشان حبيبه، يعني هتسبني أكون لحد تاني ؟! .
علي: ماشى يبنتي عائلتنا حلوه لكن مش أحسن حاجة في الماديات ، أبويا بيفلس ، وأنا بأخذ مصروفي منه أو من أمي، وسيبك من كلام الروايات دا بقا بالله مبيحلش ولا يأكل عيش حاف حتىٰ .
شجن وهي مصدومة وحاسة بالخذلان: يعني إي يا علي هتتخلىٰ عني في أول مرة أحتاجلك فيها ؟! .
علي: معرفش شوفي نفسك بقا ، واهو تعيشي عيشة حلوه بدل عيشة الكحت اللي إنتي فيها دي ، وأنا أصلا يا ماما أخري كان تسالي مليش في الجواز ، ويوم ما اتجوز أتجوز واحده بنت ناس من مستوايا مش ناس بتاخذ قروض وتبيع عيالها عشان تسد.
شجن بقهرة وأكنها في حلم : بس يا حيوان ، إخرس خالص دا أنت مش راجل ومش عاوزه أغلط فيك ولا انزل مستوايا لمستواك الزبالة ، دا أنا أحمد ربنا إن كشفك علىٰ حقيقتك وفوقت من الوهم اللي كنت فيه دا بس للأسف علىٰ كابوس ، بس أكيد خير ، كل حاجة خير ، وأهلي أحسن ناس وأحسن من أهلك ، أنا غلطانه إن وثقت فيك وإعتبرتلك راجل، وعملتله بلوك من كل مكان وحذفت رقمه وكل حاجه ليه عندها.
وفضلت شجن مفطورة من البكاء على وجع القلب وبسبب الكلام اللي سمعته ، وأكتر كلمة ترن في ودنها (واحدة بنت ناس من مستوايا مش ناس تأخذ قروض وتبيع عيالها عشان تسد )
______♜#الـڪَـاتِـبَـة_آيَـة_أحـمَـد_أبـوُداعـوُس♜_______
“تاني يوم الصبح ”
والدة شجن: قومي يا شجن ، صباح الخير يا حبيبتي ، يلا الظهر أذن قومي عشان تلحقي تجهزي نفسك عشان أهل العريس جايين أخر النهار .
شجن سمعت الجملة النوم كله طار من عينيها و إتفزعت وقالت : أهل العريس ! ، لكن يا ماما….ومقدرتش تكمل كلام وعيطت ، لكن قطع عياطها صوت والدها إللي جالها باس دماغها وقالها حقك عليا يا بنتي أنا أسف أنا مبعتِكيش وبكره تعرفي بكده.
شجن وعيونها مليانه دموع و قلبها مكسور من كلام علي إمبارح: متعتزرش يا بابا أنا أعمل أي حاجة عشانك، أنا هقوم أجهز أهو.
______♜الـڪَـاتِـبَـة آيَـة أحـمَـد أبـوُداعـوُس♜_______
” جات اللحظة الموعودة والعريس وأهله جيهم وشجن كلها شجن إن الشخص اللي إتمنته يكون هو اللي بيخبط على بيتهم هو نفسه الشخص اللي كسرها وسمم بدنها بالكلام وغلط فيها وفي أهلها”
شجن مرة واحده سمعت صوت الضيوف إمال فين العروسة اتاخرت كده لي ؟ هي مكسوفة ولا إي ؟
والدة شجن: لأ لأ هندهلها أهو .
والدة شجن بتبص لشحن وهي مُنبهرة بجمالها رغم عيونها العسلية اللي مليانه شجن: يلا يا حبيبتي قومي الناس مستني من بدري .
شجن: لي كده يا ماما ؟! ،لي تأخذوا قروض وتبقوا تحت رحمة حد لي يا ماما ؟ ، لو على الكلية بتاعتي أنا مش عوزاها خلاص لو دا من ضمن الأسباب ، بس مأخذش شخص أهلي يكونوا تحت رحمة أهله وشخص عمري ما شوفته حتىٰ إسمه معرفهوش .
والدة شجن: حقك علينا يبنتي بس هتعرفي إن دا كله في مصلحتك بعدين واننا مبعناكيش ولا حاجة والعريس إسمه أمير.
شجن دموعها واقفة مرة واحده من الدهشة وقالت: أمير ؟!!
والدة شجن: أيوه إسمه أمير ، مالك يا شجن مستغربة كده لي؟! ، مالك يبنتي سرحتي وسكتي كده لي !! ، انتي كويسة!.
يتبع…..
- يتبع الفصل التالي اضغط على (رواية شجن) اسم الرواية