رواية تائهه في بحور الذكريات الفصل الثاني 2 - بقلم دودو محمد
فى مكتب فريد إيهاب من أشهر مكاتب المحاماه فى مصر يجلس نادر على مكتبه ويتابع ملف القضيه وتجلس قصاده على مكتب اخر فتاة فى قمة الجمال والشياكه انها فريده فريد إيهاب بنت صاحب المكتب وتنظر لنادر بهيام
فريده :- استاذ نادر
نادر :- امم افندم
فريده :- ما تسيب الشغل شويه وتعالى ننزل ناكل لقمه من اى مطعم
نادر :- لا شكرآ ليكى يا انسه اصل انا عايز اخلص ملف القضيه دى علشان عندى محكمه بكره
فريده :- بغيظ اه ماشى ربنا معاك وقامت من على مكتبها ونزلت المطعم اللى قصاد المكتب
……………………………………………………
فى بيت محمد إبراهيم
كانت تجلس نيره فى اوضتها ومسكه صورة رامى ودموعها على خدها وبتكلم الصوره
نيره :- واحشتنى اوى يارامى لسه فكره كل لحظه حلوه عشنها مع بعض كأنها امبارح وواحشت بناتك والبت جيرمين زعلانه منك علشان مش بتسأل عليها
متعرفش انك اطيب واحن اب فى الدنيا كلها بس منه لله وليد حرمنا منك بتهورو وغبائه كان نفسى يبقى هو اللى يموت وانت اللى كنت عشت معانا ربنا يرحمك يا حبيبى ونتقابل فى اقرب وقت انشالله وسابت الصوره وقامت اتوضة وصلة ركعتين لله ومسكت المصحف وقعدة تقراه فيه
……………………………………………………
عند وليد ركب عربيته ومشى بيها فى شوارع القاهره وكان مسرع عربيته بطريقه جنونيه وافتكر رامى وقعد يعيط ويزود فى سرعة العربيه وكان هيعمل كذا حادثه بسبب السرعه وخبط بأيده على الدريكسون ووقف العربيه فى مكان خالى من الناس وقعد يقول
وليد :- ليه يا رامى تعمل فى كده ليه مش كفايه عايش وحاسس بالذنب لا وحملتنى مسؤاليه انا مش قدها مش هقدر انفذها ليك يارامى ااااااااااااه يارب انا تعبت من التفكير حلها من عندك يارب ومسح دموعه وقال انا وعد منى هخلى بالى من بناتك ومش هحرمهم من حاجه ومليش دعوه بأمهم وشغل العربيه وراح بيها عند بيت نيره
……………………………………………………
فى بيت محمد إبراهيم
كانت نيره قعده فى اوضتها بتقراء فى المصحف وسمعت صوت جرس الباب بس هى استمرت فى قراءة القران
وشويه وسمعت حد بيخبط على باب اوضتها
نيره :- خش
منيره :- فتحت الباب وقالت تعالى يا حبيبتى بره اخوه جوزك جاى يبص على البنات
نيره :- وايه جابه ده انا مش كذا مره اقوله ميجيش هنا تانى ده واحد معندهوش دم
منيره :- اهدى يا بنتى مش كده.مش عارفه ايه العصبيه اللى جت ليكى على كبر
نيره :- طبعآ لازم اكون عصبيه من الاشكال القذره اللى بره
منيره :- لا حولا ولا قوة الا بالله يا بنتى وطى صوتك احسن ما يسمعك
نيره :- ياريت يسمع علشان يخلى عنده شوية دم وميجيش هنا تانى
منيره :- انا تعبت معاكى الصراحه انا هخلى ابوكى يخش ليكى وسبتها ومشيت
عند وليد بره كان مقعد البنتين على رجله وقال
وليد :- حبايب عمو عاملين ايه
جيسى :- كويسين يا عمو بس انت بتوحشنا اوى وبتقعد كتير على ما تيجى تبص علينا
وليد :- والله يا جيسى غصب عنى يعنى انتى تعرفى عمو يقدر يتأخر عليكم الا لو فى حاجه شغلا
جيرمين :- بس انا تيته واحشانى اوى
وليد :- ايه رأيكم تيجو معايه تبصو عليهم وتقعدو معانا شويه وابقى ارجعكم هنا تانى
جيسى :- هيييييييييا انت احسن عمو فى الدنيا انا بحبك اوى
وليد :- وانا بموت فيكم اووووى
جيرمين :- وانا كمان بحبك اوى زى بابا الله يرحمه
وفى الوقت ده طلعت نيره وسمعت كلام جيرمين وقالت
نيره :- جيييييييييرمين ايه اللى انتى بتقوليه ده مفيش حد زى ابوكى واتفضلى روحى على اوضك
جيرمين :- خافت وعيطت ومسكت فى رقبت وليد وقالت بدموع لا انا عايزه اروح مع عمو وليد
نيره :- جيرمين كلمه واحده على اوضك سمعتى قولت ايه
جيرمين :- وهى بتعيط اكتر لا ومسكت اكتر فى وليد وقالت متخلهاش تخدنى يا عمو والنبى انا عايزه اروح عند تيته امينه
نيره :- اتغاظت اكتر وبتمد ايديها تاخد جيرمين منه
وليد :- مد ايده ومسك ايد نيره قبل ما توصل لجيرمين وداس عليها جامد وقال من بين سنانه بعصبيه لما تكون البنت فى ايدى متخدهاش منى ده من الذوق والادب
نيره :- كانت بتتألم من وجع ايديها بس حاولة تدارى الالم وتظهر قدامه قويه وقالت سيب أيدى انت ازاى تسمح لنفسك تمسك ايدى بالطريقه دى
وليد :- انتى اللى خلتينى امسكها كده
نيره :- طب سيب لو سمحت ايدى
وليد :- ساب ايديها وبصلها من فوق لتحت ومسك ايد البنتين وقال يلا بينا
نيره :- يلا بينا فينا انا عيالى مش هيرحو فى حته مع حد
وليد :- دول بنات اخويه وانا حر فيهم عن أذنك
نيره :- شدة البنات من ايده وقالت اخوك اللى انت قتلته
وليد :- نيرررررررررره خلاص بقى اسكتى مش كل مره تشوفينى فيه تسمعينى الكلمتين دول مية مره قولتلك العربيه اتقلبت بينا احنا الاتنين وكنا احنا الاتنين هنموت بس قضاء ربنا رامى مات وانا عشت
نيره :- اطلع بره يا وليد ومتجيش هنا تانى وبناتى ملكش دعوه بيهم
وليد :- انتى مين علشان تقولى ليا مشفش بنات اخويه انا اشوفهم فى اى وقت انا عايزه ولو مش عجبك انا ممكن اخدهم منك يعيشو معانا مدى الحياه وامنعك منهم
نيره :- متقدرش تاخد بناتى منى علشان القانون فى صفى
وليد :- ههههههههههه لا اقدر ودى سهله عليا اوى ان البسك اى تهمه واخليكى ام غير صالحه لتربيت البنات واخلى الحكم يبقى فى صالحنا واتعدلى فى الكلام واعرفى انتى بتتكلمى مع مين فاهمه واخد البنات ومشى من غير ما يستنا رد نيره
نيره :- بدموع شوفت يارامى اللى بيحصل ليا بعد موتك انا تعبت ومش عارفه اعيش فى الدنيا دى من غيرك
يارب هونها عليا وفى الوقت ده دخلت منيره هى ومحمد
منيره :- مالك يا بنتى
نيره :- بدموع بيهددنى ياخد العيال منى
محمد :- مينفعش يا حبيبتى ياخدهم منك انتى الام يعنى الواصيه عليهم
نيره :- بيقولى ممكن يلبسنى قضيه ويخلى الحكم فى صالحه
أمينه :- لاحولا ولا قوة الا بالله معرفش انا ايه اللى بيحصل ليكى ده
نيره :- اترمت فى حضن امها وقالت مقدرش اعيش من غير بناتى يا ماما ده لو اخدهم منى اموت ده هما الزهرتين اللى من ريحة رامى وبشوفه فيهم ضحكته هزاره كلامه غضبه كل حاجه ياماما
منيره :- لاإله الاالله يابنتى مش كده متخفيش وليد ابن حلال وكويس و ميعملش كده بس تلاقيه قال كده علشان يخوفك بس
نيره :- طب والله لو يفكر يعمل كده وياخد بناتى منى ده انا اموته فيها واللى يحصل يحصل ها
وفى الوقت ده جت نرمين وتقى ودخلو لنيره لاقوها بتعيط
نرمين :- مالك يا نيره بتعيطى ليه حد من البنات جرى ليها حاجه
نيره :- لا
تقى :- اذيك يا نيره عامله ايه
نيره :- الحمدالله
تقى :- مالك يا نيرو
نيره :- اخوكى بيهددنى ياخد بناتى منى
تقى :- ابيه وليد يقول كده مستحيل
نيره :- لا يا اختى قال كده وروحى اسألى لو مش مصدقه
تقى :- مش قصدى والله بس هو ليه هيقول كده
نرمين :- علشان واطى ومعندهوش دم وخليه يفكر بس يقرب من البنات وانا اللى هقف ليه
نيره :- عيطت
نرمين :- وانتى تعيطى ليه معاش ولا كان اللى ينزل دمعه من عنيكى ده واحد كلب ولا يسوى
تقى :- احم طب عن أذنكم
نرمين :- انا اسفه يا تقى متزعليش منى بس بجد اخوكى واحد مستفز
تقى :- لا مفيش مشكله
نيره :- خلاص خليكى قعده معانا
تقى :- امال فين البنات
نيره :- اخوكى اخدهم معاه.
تقى :- اخدهم فين
نيره :- مش عارفه
تقى :- اوكى ثوانى اتصل بى اسأله عن البنات ومسكت تليفونها وطلبت رقم وليد وانتظرت الرد
وليد :- نعم عايزه ايه.
تقى :- هو البنات معاك يا ابيه
وليد :- ايوه ليه
تقى :- مفيش كنت جايه ابص عليهم وملاقتهمش وعرفت ان هما معاك
وليد :- فى الفيلا لو عايزه تشوفيهم
تقى :- خلاص ماشى يا ابيه انا جايه ليهم سلام
وليد :- سلام
وقفلت تقى التليفون مع وليد وبصت لنيره وقالت
تقى :- البنات فى الفيلا عند ماما متخفيش
نيره :- تقى والنبى خلى بالك منهم لحد ما يجو هنا مش عايزه اخسرهم زى ما خسرت ابوهم بسبب اخوكى التانى
تقى :- متخفيش والله دول فى عنينا من جوه وابيه وليد والله بيحبهم اوى وكلنا متعلقين بيهم علشان من ريحة الغالى ربنا يرحمه همشى انا بقى
نرمين :- استنى انا جايه معاكى علشان اوضع حل لاخوكى الزفت ده
تقى :- يخربيت لسانك الدبش ده يابنتى راعى ان هو اخويه برضه
نرمين :- لا خلى بالك احنا علاقتنا ملهاش دعوه بالى بيحصل انتى اختى يابت زى نيره بالظبط بس برضه اخوكى واطى
تقى :- ههههههههه مفيش فايده فى لسانك ده
نيره :- بلاش تروحى يانرمين علشان متحصلش مشكله
نرمين :- لا انا مش هعمل حاجه اناهواقفه عند حده بس علشان عارف انك طيبه ومفكر نفسه محدش يقدر يقف قصاده
تقى :- سبيها يا نيره انا معها ومش هخليها تتهور
نيره :- ماشى يا قلبى ومتزعليش منى لو قلت كلمه ضيقتك
تقى :- مقدرش ازعل منك يا نيرو انتى اختى وبعدين انا عذراكى ربنا يكون فى عونك يا رب
ومشيت هى ونرمين على الفيلا
……………………………………………………
فى فيلا وحيد الدمنهورى
وصل وليد الفيلا ومعاه البنات وطلعو يجرو على جدتهم امينه
جيسى :- تيته تيته تيته
أمينه :- فتحت ليهم حضنها وحضنتهم جامد وقالت حبايب تيته واحشنى اوووووى يا حبايبى
جيسى :- وانتى واحشنا اوى يا تيته مش بتيجى عندنا ليه
أمينه :- علشان تيته متقدرش تمشى على رجليها ياريت كنت اقدر امشى كنت جيت ليكم على رمش عيونى يا بنات الغالى وبصت لوليد وقالت احسن حاجه عملتها يا ابنى بس ليه مجبتش مرات اخوك معاك
وليد :- وانتى مالك بيها مش ليكى البنات انا جبتهم ليكى
أمينه :- يا ابنى عايزه افتحها فى موضوع الواصيه بتاعة اخوك
وليد :- مااااااااااما انا قولت قفلى على ام الموضوع ده انا قولت مش موافق وعياله انا مش هسبهم وهحطهم فى عينى وحقهم موجود وبالزياده غير كده انا معنديش كلام عن أذنك
أمينه :- لنفسها ربنا يهديك يا ابنى وتوافق بقى انا قلبى وجعنى من كترة الكلام معاك من الموضوع ده
جيرمين :- تيته تيته
امينه :- نعم يا قلب تيته
جيرمين :- انا جعانه
امينه :- ياروح قلبى من عنيه يا جوجو يلا بينا نخلى الداده تحضر ليكى الاكل
فى المكتب عند وليد
مسك صورة اخوه رامى وقال
وليد :- انا تعبت يارامى مش قادر اعمل اللى انت عايزه وماما مش ساكته ومراتك مش راحمانى ومشيلانى ذنب موتك بجد انا تعبت ومبقدش عارف اعمل ايه وفى الوقت ده وصل أدم
واخد بنات اخوه فى حضنه ولاعبهم شويه وسال على وليد وقالو ليه ان هو فى المكتب راح خبط على الباب واذن وليد ليه بالدخول
أدم :- بتعمل ايه
وليد :- ولا حاجه قاعد
أدم :- انت جبت بنات اخوك انهارده
وليد :- اه ليه
أدم :- يعنى شفت نيره
وليد :- ادم عايز توصل لايه بالظبط
أدم :- كلمتها يا وليد على الوصيه
وليد :- لا ومش هكلمها ومش هعمل اللى انتو عايزينه
أدم :- نيره مش وحشه يا وليد
وليد :- والله لنفسها انا ميخصنيش ان كان كويسه ولا مش كويسه
أدم :- والله انت حر بقى تنفذ الوصيه ولا متنفذهاش دى مشكلتك انت وقام وسابه وهو طالع خبط فى نرمين
نرمين :- ااااااااه مش تفتح يا اعمى
أدم :- اعمى ما تلمى لسانك يا بنت انتى
نرمين :- بت اما تبتك يعنى اعمى وقليل الذوق كمان
أدم :- بت انتى مش كنا ارتحنا منك جايه ليه هنا تانى
نرمين :- والله شئ ميخصكش انا اجى وقت ما اجى ملكش دعوه
أدم :- دعوه لما تشهلك يا بعيده
نرمين :- قطع لسانك اللى بتدعى عليا بى ده
تقى :- بسسسسسسس انتو لسه زى ماانتو كل ما تشوفو بعض تهزقو فى بعض كده
أدم :- هى اللى لسنها طويل وعايز قطعه
نرمين :- وانت واحد عديم الذوق معندكش ريحة الدم
أدم :- يا بنتى مبلاش تعصبينى انتى مش حمل ضربى منى على وشك
نرمين :- هههه تضربنى طب فكر كده وانا اكسرهالك مفكرنى هسكتلك انا
تقى :- يا لههههههههههههههههههههوى
الكل اتجمع على صوت تقى
أمينه :- فى ايه يا بنتى بتصوتى كده ليه
تقى :- من الاتنين دول
أمينه :- اذيك يابنتى
نرمين :- اذيك يا طنط انا اسفه بس ابنك الصراحه واحد معندهوش دم وبنأدم جليات كده وعايز الحرق
امينه :- ههههههههههه جتك ايه يا نرمين انتى فظيعه
أدم :- بتضحكى يا ماما دى عايزه الشنق اقسم بالله
نرمين :- موافقه لو الاعدام هيكون بسبب قتلى ليك
أدم :- بت انتى هقص ليكى لسانك
نرمين :- وانا هكسرك دراعك لو فكرت تقرب منى
تقى :- لالالاااااااااااااا كده كتير اقسم بالله هتشل منكم ومسكت ايد نرمين وقالت ليها تعالى فى اوضه علشان مش هنخلص طول ما انتو قصاد بعض
نرمين :- بصت لوليد وقالت وانت لسه ليك دور معايه
وليد :- وحياة امك غورى ابت
نرمين :- لسه هتروح ليه
تقى :- مسكتها وقالت هدى اعصابك يا دكش مش كده
نرمين :- سبينى عليهم والنعمه انط فى كرشهم هما الاتنين
تقى :- والله ما يحصل يا دكش وشدتها وطلعت بيها على اوضتها
أمينه :- هههههههههههه يخربيت عقلك يا نرمين مشكله
يتبع…..
- يتبع الفصل التالي اضغط على (رواية تائهه في بحور الذكريات) اسم الرواية