رواية قسوة احفاد ال هتان الفصل الثاني 2 - بقلم هاجر النعيمي
بقلم (هاجر النعيمي)
....................
تيم : اكلج شي بس يبقه بينه ومحد يعرف بي غيرنه
هاجر : خوفتني تيم شكو
تيم : كل خير اكو بس ماتكولين لولا شخص لان اذا تصل للياس نتخارب اني ولارا مايهون علينه الي صار ولا الي يصير ونحنا وياج ولهذا السبب جينه نكلج بس مو لازم احد يدري
هاجر : اي ماكول لاحد والله احجي
تيم : قبل يومين جو بيت عمو ثامر لبيتنه كلهم وجانو كاعدين بل غرفه لارا ويارا وإلياس واسيا واسيل يحجون واني جيت عليهم لان هما صيحوني ومن فتت عليهم اسيا كالت
اسيا : انتو مصدكين هاجر بينه جني مدري من هل خرط
إلياس : هيج الشيوخ تكول
اسيل : لا حبيبي غلط لان انت خطبتني هشكل صار بيها
تيم : مااعتقد لان امي جانت تروح وياهم وكدامها يصير الحجي
اسيا : لا عيني منو مايكول امك ماتحجي حتى لاتنفضح بنت اخوها لان كلنا نعرف امك شكد تحب هاجر اكثر من كلنا
تيم : إلياس عتسمع قصدها ماما جذابه وتجذب علينه وعلى الكل
اسيا : تيم لا تمضرط من يمك اني ماكلت امك جذابه بس امك تحب هاجر اكثر من عدنا لان بنت اخوها من امها
تيم : امي ماتفرق بينكم بس انتي عتشخبطين ( تمضرطين)
اسيل : تيم لا تحجي على اختي
تيم : اي عيني دللي هسه المطلوب مني شنو ليش صيحتوني شتريدون مني
اسيل : علمود نحجي السالفه والي بردت كلبي وانتقمت بيها من هاجر
بيني وبين نفسي الفضول كتلني ليش تنتقم من هاجر شصاير شنو السالفه كتلها
تيم : مافهمت قصدج
اسيا : هسه نفهمك
اسيل : اني وإلياس نحب بعض من سنوات وانت تعرف الكل يحب هاجر وحتى جدو مجان يرفض طلب الها وشنو تريد يصير كدامها وابوها مدللها وخلاها تكمل دراسه وكلشي تسوي عادي ويصرف عليها وكل كم يوم ملابس غير الشغلات مال بنات ومال عنايه بل بشره وغير العطورات وصبغ الاضافر
قاطعتها
تيم : اوكي بس شنو يعني لهسه مافهمت
اسيل : خليني اكمل
«اسيل»
جان الكل يحبها واحنا محد بهتم رغم هيا مو لجبيره ولا حتى الصغيره الكل يحمد بيها ومن احد يحجي عليها ترد علي ودائما شايفه نفسها علينه على اساس هيا احسن من عدنا تعبنه من هل مقارنات الي يقارنوها بينه محد جان يذكرنا بس هاجر ولهل سبب شخصيتها قويه ومحد يحجي وياها ولسانها طويل
لكلّ شيء ثمن، وكلما عزّ المراد ارتفع ثمنه. كأن همًّا واحدًا لا يكفي، أو كأنّ الهموم يستأنس بعضها ببعض، فلا تنزل على الناس إلا معًا. العمر حين يطول يقصر، والجسد حين يكبر...
ماتحترم احد وتلعب مع الجهال ومسويه نفسها زعطوطه حتى لا تزوج لان تحب إلياس واني جنت احبه ومن تكلي احبه واريد يعترفلي جنت اموت اريد بس اكللها احبه ويحبني وعوفي وبعدي عنه بس مااكدر احجي اخاف تكول لجدو او البابا والله يذبحوني ف كلت لاسيا ويارا علمود نخرب حياتها مثل ما خربت حياتنه وحطينه إلياس بالسالفه لان تحبه واكيد هيج تنكسر ويجينه شويه دلال
حجيت للبنات على الي اريد اسوي كلهن قبلن كلت للياس ماقبل بل بدايه بعدين وافق لان جنت الح علي واتفقتنه إلياس يعترف انو يحبها وبعدين يكسرها ويعوفها ويخطبني وهيج نخلص منها وتضل زعلانه ومكسوره وبس تبجي هيج ترسب بل مدرسه والكل يحجي عليها
وبدينه بيها وبعدين تعبت وكتله ننهي الموضوع ونتهى واجه خطبني هسه عرفت ليش اريد انتقم منها وهاي انتقمت
.............
تيم : تشاقين اكيد يعني هاي لعبه منكم
اسيا : تكدر تكول اي
لارا : حرام عليكم شنو سوتلكم تسوون هيج بيها
اسيا : اكلي خره شنو حرام خلي تولي
تيم : لا تصيحين على اختي فهمتي وانت استاذ إلياس عاجبك الي صار
إلياس : تيم الي صار علمود خواتي وعلمود حبيبتي واني سويت مثل مايطلبون ابد مجانت بالي لان جنت اشوفها طفله رغم هيا اكبر من خواتي
تيم : يعني عاجبك خوش اروح اكول لماما حتى اشوف هيا هم يعجبها لو لا
اسيل : تيم حباب لا تريد تفضحنا
تيم : محد كال الكم كلولي واني هذا الشي مااقبل بي دمرتو حياتها وانت بس فهمني شتحس
ويأشر على إلياس
إلياس : اني معليه
تيم : شلون معليك كل الي يصير حتى بس ترضي هذول
ويأشر على اسيل واسيا ويارا ولارا
لارا : تيم اني معرف هسه عرفت مثلك ونصدمت ومااقبل بهل شي
اسيا : ومن انتي حتى ماتقبلين
تيم : احترمي نفسج لان انتي بيتنه واذا وحده منكم تحجي ويا لارا كلمه غلط والله اروح احجي لماما والجدو وساعتها شراح يخلصكم
اسيل : يعني عتهددنه
تيم : اشون ماتريدين تحسبيها احسبيها
إلياس : اذا فتحت حلكك بحرف واحد بس اكول لامي انت عندك علاقه ويا ايلا وتسوون اشياء مو زينه
تيم : انت من وين تجيب هل حجي بعدين ماتستحي تحجي على اخوك وبنت خالتك هيج
إلياس : والله كلشي اسوي انت لا تدخل بكلشي واني معليه بيك وب ايلا
تيم : اني الحيوان الي جيت وكتلك احبها واصلاً هيا ماتعرف احبها وانت تعرف كثير زين بهل حجي
إلياس : والله معليه
تيم : خوش مااكول لاحد
...........
«هاجر»
هاجر : اكيد انت تشاقه
تيم : لا والله وماكدر احجي وانتي لا تحجين ماريد يصير شي لايلا مالها ذنب
هاجر : بس الي فهمته منك انو هما يغارون مني ونايريدون اتوفق بحياتي
تيم : اي ونصيحه مني بعدي عنهم وشوفي حياتج
هاجر : وحقي شلون اخذه
تيم : حقي بيته خطيه روحي اخذي
جيرانه اسمه حقي
لارا : عوفيهم وعلى عنادهم كملي وبعد اسبوع الخطوبه مالهم
هاجر : امج كالت حنه
لارا: توهمت
هاجر : خوش بسيطه وبعد ابعل ابو إلياس لابو اسيل
تيم : ترا ابويه
هاجر : عذرني محروك كلبي
تيم : سبي خالو ثامر يستاهل على هل تربيه السكط
لارا : خالو معلي والله
هاجر : رغم تهديده الك جيت وحجيتلي كلشي جنت تكدر تسكت وماتحجي الله ينطيك كلشي تريده ويوفقك واذا تريد احجي ويا ايلا عليك تدلل
تيم : اي عفيه واكون ممنون منج
هاجر : ادلل وربي انت طلعت كلش خوش ولد
تيم : اي عيني كله بل كلش ليش اشبيها ال كثير هههه
هاجر : يمعود صديقتي تحجي نفس اهل البصره وعدتعلم منها ولا تنسى خوالي بغداد
تيم : خوش
طبت عمتي شافتنه نضحك كالت
اميرة : الحمدلله حبيبتي صغتي تضحكين الف الحمدلله يولي مروه تعالي اغشعي
تيم : اي يمه غير من ورايه لعد شعبالج
اميرة : الف مره قتولك لا تحجي عربي احكي مصلاوي
1
تيم : يمه مااحب لهجتكم اريد احجي نفس هاجر شو محد يكللها لا تحجين لو لناس وناس
اميرة : انفجعت اي والله اش هل لسان انا اقول الكم كلتكم ما بس انت كوي(حتى) لهاجر هم اقله
هاجر : دحقي عمي انا احكي نفسكم بس تيم ابد ولا حرف مصلاوي مايحكي معف امين متعلم
تيم : الله يسود وجهج انتي تحجين مصلاوي خرب حظي ونعل ابو حظي
اميرة : دكفي تلطم عبالك اغملي ( ارمله)
تيم : اي المهم ليش جيتي هوني (هنا)
اميرة : عمه بعينك انت اش عليك بنت اخوي جيتو عليها
تيم : معرف احس مااصدكج
اميرة : انفجعت قوم دنغوح على بيتنه نحضر للخطوبه مال اخوك يوم الكه
هاجر : اي عمه امين واني راح اجي
اميرة : خوش هسه اشون تغشعين نفسكي
هاجر : احسن بكثير
اميرة : خوش ديلا قومو
............
«هاجر»
راحو وبقيت وحدي قررت اطلع كتوبي وادرس علمود اكسر عيونهم واحاول ابين انو عادي ومابيه شي واكول لماما عن كلشي واكللها تكول المهم صارت زينه بس نو هسه وتكول نخليها عد واحد يعرف بعل سوالف وعالجها
وبل فعل حاجيت ماما عن كلشي وحتى عن الي كاله تيم الي وكتلها شتكللهم حتى على اساس بيه جني عاشق وربي كل مااذكر من كللهم جني عاشق اموت ضحك
مروة : وليش هشكل عملو
هاجر : معرف والله بس كتولج والي كتولج علي سوي حبابه حتى الكل يتاكد بيه جني عاشق هههه
مروة : اسم الله وهذولا الحقيرات الله راح يطلعها بيهم فد يوم
هاجر : كلش واثقه انو تطلع بيهم
مروة : الي اريدو منج تصلين وتصيرين احسن يمكن هل شي احسن الج اريدج ماتكطعين ولا صلاة خوش
هاجر : خوش انشاء الله مااكطع ابد كولي لبابا نروح نشتري ملابس علمود الخطوبه والا اطلع احلى منهم بسيطه
مروة : اليوم احجي ويا وباجر نروح وانتي درسي وباجر روحي على المدرسه صارلج فتره ماداومتي مو كافي هاي شهرين وانتي بهل حاله وعدلي الي وكعتي بيهم اربع مواد مو هينا
هاجر : خوش بس مااعرف ايمتا الخطوبه
مروة : الجمعه اميرة كالت
طلعت ماما وبقيت افكر شنو اسوي وبعدها ختنكت والله مااستاهل الي صار ليش اذوني بعمري مااذيتهم ودائما كلامي وياهم حلو جنت اعتبرها اختي وكلشي احجيلها وهيا كلشي تحجيلي وصرت اذكر من اجيب سيرة إلياس تضوج وتكول غيري الموضوع طلعت تحبه
وماتريد احجي بي كدامها صارت دموعي تنزل احاول اسكت ماكو هو كلامه طلع كله جذب كل حجيه وغزله بيه طلع جذب كل كلمه احبج طلعت من حلكه جانت جذبه الي اريد اعرفه ليش شنو استفادو من كسروني ليش حطموني
ماالكي جواب لكل سؤال يجي بالي وماريد اسئلهم او احجي شي معاد عندي طاقه لشي معرف شلون حروح للخطبه وعادي مااكدر اشوفهم البعض الله يشوفني بيهم يوم وحسبيه الله ونعم الوكيل عليهم الله لا يوفقهم الله لا يهنيهم عسه انشاء الله مايتهنون بحياتهم
نمت ومادري بروحي كعدت الجو مو كلش برد جان نهاية شهر الثاني يوم الجمعه يصادف 3/3 واليوم ثلاثاء 2/31 جان مطر خفيف والجو حلو قررت مااهتم او احاول مااهتم قررت انتبه لدراستي ولاهلي والنفسي وجهي صار بي حبوب وجسمي على اثر ازرك من النفسه الزباله
بدلت ونزلت اكل جانت ماما كاعده تسوي اكل الي ولبابا ولخواني حسن وحسين لان عدهم مدرسه وثنينهم اصغر مني حسن جان ثاني متوسط وحسين جان خامس ابتدائي
ملتمين على السفره وجاي ناكل طب جدو وكعد ياكل وكال
جدو : هجورة اشون صرتي
هاجر : احسن جدو
جدو : امكي قالت عتاخذكي على شيخ هذا الشيخ خوش لو لا
هاجر : معرف بس اشوف نفسي احسن من قبل
جدو : خوش الحمدلله تغوحين معاهم الجمعه ما بله
هاجر : اي اغير جو
جدو : خوش بنيتي غاح تغوحين على دوامكي ارفعي راسي انتي الوحيده الي تدرسين
هاجر : انشاء الله جدو يلا اكوم اجيب الجنطه واجي انتضر ابو الخط
كمت جبت الجنطه وطلعت لبست الحذاء بره لان ماما ماتقبل احد يفوت بل حذاء ويمشي على المحفوره (زوليه) صعدت بل باص وجان كبير وبي بنات كثير رحت يم ساره وريماس لان ياخذهن قبلي وبعدين ياخذ رزان بفرع الورانه
هاجر : هلوووو شونجن
ساره : بويه فرحنا شبيج
هاجر : تجي رزان ونحجي
ريماس : حبابه احجي مااكدر انتضر
هاجر : بدون فضول تجي رزان واحجي اصلاً السالفه طويله بين منوصل المدرسه اكملها
رزان : ها ولجن شون الصحه
هاجر : زينين
ساره : انتي شونج صدك اكلجن
ريماس : لو ابوج يسمعج تحجين هيج جان ينعل والديج
ساره : انتن تعرفن اني وهاجر اهلنا معقدين ولازم نحجي نفسهم معرف ليش عود لا تغيرين لهجتج ومن اروح للبيت اضل احجي مصلاوي كلو بل غاء
ريماس : صدك شلون كل المواصله عدهم لدغه بل راء
هاجر : الثوله لا بس هما بمكان الراء يحطون غاء وبعد اكو تغييرات شويه
ريماس : مو اكول
ساره : اكلن خره هاجر احجي شكو شصاير
حجيت الهن كلشي وكلشي كاله تيم وكلشي كلته الماما ووصلنا المدرسه وجانو ينزلون الطالبات بقينه بل اخير عمو المله كال يلا نزلن المله ابو الخط بس منعرف اسمه ونكول المله احنا وكل الطالبات الي ويانه بل خط لان باص اسمه ريم وكلش جبير
ساره : شكد حقيرات ولا توقعت هيج يسون
ريماس : خلي يولن بعدين هو شلون وافق
هاجر : شعرفني واصلاً ماريد اعرف طبهم نعل
رزان : عفيه عليج كلمن وحده
هاجر : اي وخطوبتهم يوم الجمعه
رزان : اني لو منج اروح والبس احلى لبس واحط مكياج فول عبالك اني العروس واضل اهز واذب لحم واقهرهم
هاجر : هو هيج راح اسوي
دك الجرس لازم نفوت للصف
ريماس : اشتهيت شي مره نجي فد نص ساعه ويدك الجرص
ساره : احنه نجي متأخّرين
فتنه للصف كعدنا ندرس وجان اكو متحان اللغه العربيه وماجنت دارسه شي ف كتلها
هاجر : ست اني صارلي فتره ما مداومه عندي ضروف والمدرسات يعرفون بهل شي وشكو متحانات اتأجلت الي واليوم معرف عدنا متحان اجلي الي
ست افراح : ابد تمتحنين حالكي حال الطالبات الباقي مو فوك راسج ريشه
هاجر : استغفرالله زين ست عادي اروح على ست اسماء ثواني واجي بين مااجي انتي توزعين الاسئله
ست افراح : ممنوع الطلعه بره الصف اثناء الدرس بس بل فرصه
هاجر : ست اعتبري عمل خيري حبابه والله مااتأخر حبابه الله يوفقج
ساره : ست الخاطري خلي تروح حبابه مو تحبيني
ست افراح : روحي بس بسرعه
ست افرح كلش تحب ساره بحيث اذا نحل على الصبوره تكوم هيا تكتب والبنات يحلن واذا عدنا مطالعه هيا تقره كلشي هيا بشكل تحب ساره وساره هيا كلش محبوبه واجتماعيه
رحت على ست اسماء دكيت الباب وفتت جانت يم المديره يحجون سمعت كم كلمه منهم اي خوش لعد ابلغ البنات اليوم والاحد نطلع مافهمت ولا شي كلت
هاجر : ست افراح تريد تمتحنه واني معرف عدنا امتحان وست انتي تعرفين وضعي ماجان زين ابد
ست اسماء : اعرف بنتي بس ليش ماتقبل تأجلو
هاجر : معرف ست حبابه خلي تعيدو بلا شي اني طلعت بي واريد اعدلها وكله بسبب وضعي قبل
ست اسماء : تحسنتي امكي اخذتكي على الشيخ الي قتوله علينو
هاجر : اي والله ست ويكول نفس الشيخ الي كاله القبله
ست اسماء : يعني بيكي جني عاشق وهو مايرضه يعوفكي
هاجر : هشكل قال معرف بعد المهم تعالي قليله حبابه
اجت ست اسماء وحجت ويا ست افراح وافقت واكو جان طالبتين من غير صف هم ماجلات وكالت ست اسماء الجدول مال مواجلات نعطيكم هو بعدين وفعلاً وكفت يم الباب وصرت اراقب وياها لن ست اسماء كالتلي
دك الجرس جمعنه الورق وطلعت ست افراح ورحت على البنات جان عدنا فنيه بعدني ماحاجيه كلمه وجان تفوت ست امل شكد مكروها
ست امل : السلام عليكم
الطالبات : عليكم السلام
ست امل : جبتو الي كتلجن علي
الطالبات : اي ست
دحكت على ساره وكتلها شنو كالت نجيب كالت ساره بهمس
ساره : نباتات ونزرعها بل حديقه
هاجر : حبيبي والله شغله جديده ايع شكد مستفزه هسه نحنا فاضيين لهل سوالف
ساره : ماتكدر تشوفنا مرتاحات لازم طلع شغل يوم الي ماجيتي جانت تصبغ التايرات مال سياره عود زينه خره بهيج زينه زربه
ست امل : هاجر وساره شبيجن بس طبيت لهسه تحجن ماسكتن ابد وهاجر وين جنتي هاي الفتره راحت عليج هواي اشياء
هاجر : ست جان عندي ضروف
درت للبنات كتلهم اوف هسه تحجي بغدادي براسنه واحنا لازم نسمع عود هيا من بغداد وكذاااا
ست امل : شنو وكذاا وليش تعيطين شعدنه
هاجر : لا ست مو يمج
ست امل : لا تقاطعينه خليني اكمل اي هسه الي جابو زرع يكومون يوكفون خوش نطوني اسمائكم
اكو بنات يجيبن الزرع يعني يشترون والي متريد تشتري تزرع بس على الي تشتري درجات اكثر وهاي غير الرسم الي نرسم منها اذا تطلب وحسب طلبها نرسم ومره كالت ارسمن سوك واني احب الرسم ورسمي حلو اخذت اعلى درجه بس بعدها صار الي صار
ست امل : وهسه الي يريدون يزرعون يوكفون وينطوني اسمائهن
ست امل : والباقي شنو جايين خطار لو شنو اشو محد يرد شبيجن
بقن ينطن اعذرا اني مريضه واني عندي حساسيه من الورد والثانيه تكول اني ماعندي امكانيه واجت عليه
ست امل : وانتي ست هاجر ايمتا تساعدينه لازم انطيج درجات وانتي ماسويتي شي شلون انطيج فهميني
هاجر : ست جنت بضروف متسمحلي اسوي اي شي ولا حتى اجي للمدرسه
ست امل : اي وهاي غير جيتج للمدرسه ليش ماتجين
هاجر : ضروف
ست امل : شنو ضروفج الي تمنعج متجين اسبوعين مدري اكثر
حبيت اخوفها والعب عليها شويه ويمكن اكدر اتجنب كل الشغلات الي تكللنا سووها كتلها
هاجر : بيه جن عاشق
اباوع الصدمه على عيون كل البنات ساره وريماس ورزان يضحكن من جوه الجوه وحتى ست امل حسيتها نصدمت اريد بس اضحك متت
ست امل : شهل حجي وين اكو هيج كلاوات
هاجر : ست هذا الي صار واذا ماصدكين سئلي البنات يعرفن واجن عليه كم مره ويا امهاتهن
ساره : اي ست لو تشوفيها تحجي وهاي وثاري مو هيا التحجي هذا الجني العاشق وكال الشيخ انو الجني العاشق يمنع انها تقبل تزوج اي شخص واجاها هواي بس خطيه ترفض وهيا ماتعرف وتنجبر ست الله لا يشوفج هيا تكطع الكلب
رزان : ست جانت تكعد بليل خايفه وتكول احد يحجي وياي او احد يكعدني وتسمع اصوات حجي بل بيت
ضلن يحجن البنات بحيث حتى اني صدكت وحجي يموت خوف شويه لو مكملات جان اقتنعت اني بيه جني عاشق بس استفاديت هواي بهل موضوع صارت ماتطلب مني شي وتحط درجات من يمها والبنات يعاملوني كلش زين وكل كم يوم وحده تسأل عليه وصرت مشهوره بل مدرسه وكلها تحبني
مدري بس حساس حلو من تمشي وكلها سلم عليك عبالك مشهور او شي خلصت الفرصه ورجعنا للصف واجت ست زهراء وياها ست اسماء والمديره كلت ياستار شصاير وكل البنات خايفات عبالنا مسوين شي
ست اسماء : بنات عدنا سفره مدرسيه وراح نروح مجمع السدير يوم الاحد وغدا وبعد غدا ناخذ الموافقات مال اولياء الومور
طلعت ست اسماء وياها المديره واني فريت للبنات ونحجي على السفره وماحبينه نكول شنو نجيب علمود نكول لاهلنا خاف يرفضون وننغث ف نكللهم وبعدين رجعت للبيت جانت عمه اميرة وعمه مريم وإلياس وتيم ولارا ويارا وايلا وايليف وعمر
جنت اضحك ماشفتهم بل بدايه لان جانن بل صاله واني بل كراج انزع حذائي واحجي ويا ماما وفرحانه وكتلها ماما الاحد عدنا سفره على مجمع السدير واريد اروح حبابه ومن يرجع بابا اكله ونروح
مروة : اي روحي عادي
فتت للمطبخ بست ماما من خدودها ومن ايدها وراسها وفتت للصاله وانصدم بشوفتهم عيوني اجت على إلياس حاولت اكابر ومااضعف وسويت نفسي عادي سلمت على عماتي والبنات وسلمت على الولد وباركت للياس وكتلهم ابدل واجي
فتت للغرفه وفوراً نزلت دموعي ماكدرت اسيطر عليهن مو بيدي كسرتهم ماانساها ابد مسحت دموعي وبدلت وحطيت عطر وشويه مرطب مال شفه وكبست رموشي ونزلت لان اريد يتندم لان ضيعني واريد اسوي مشاكل بينهم بدون ماادخل
حطيتهم بالي بعد منو يخلصهم مني نزلت وكلهم كاعدين وهو ضل يدحك عليه وشال مالبست لان هو كال البسي اذا هو مو موجود على شنو اسمع كلامه صار يزيرني (يخزرني) كعدت وياهم وماما كملت الاكل وكالت مدي السفره
خليت السفره وبديت انقل بل مواعين الي بيها مخضر واكل وساعدني البنات اله يارا ماكامت ابد ضلت كاعده لتمينه على السفره وبدينه ناكل عمه مريم كالت
مريم : وين راح تروحون سفره
هاجر : على مجمع السدير الي بيها العاب
مريم : انتو صغار حتى تروحون مدينة العاب
هاجر : لا عمه بس نتونس ونلعب هم وبيها العاب مال كبار وكثير طيبه بابا يودينه دائما هناك
مريم : بس اشون تروحون ابحدكم
هاجر : معانا المعلمات ما ابحدنا
مريم : خوش اتونسي واذا ابوكي ماقبل قليلو الجدو حتى يقبل تروحين
هاجر : اي هو هيج بس مااعتقد بابا يرفضلي طلب
مريم : هسه ايمتي تعوفين الحكي مال امكي اتعلمي الحكي مالنا
هاجر : عمه ماعرف احجي نفسكم بس كم كلمه هههه
مريم : ههههه
ضلينا سوالف وضحك والكل يحجي عدا إلياس الي ياكل بصمت وحتى مارفع راسو حاولت مااهتم اله ولا ادحك بوجهو كالت عمتي
اميرة : هاجر ليش ماتجين معانا من دنغوح نشتري بدلات للبنات الكل غاح يشتغي بس انتي لا
هاجر : على اساس نروح اني وماما اليوم بس مارهمت
اميرة : ها لان جينه مارهمت
هاجر : لا عمه هذا بيت ابوج ايمتا ماتريدين تدفرين الباب وتفوتين محد يحجي
اميرة : بعد قلبي اشعجب ماعتغوحين بيت جدكي
هاجر : معرف ماما كل ماتروح تصادف انتو تنجمعون واجي ماعاكم وماروح مع ماما بس حسين يروح
اميرة : امكي هم معف ليش ترهما معانا
مروة : والله يااميرة تصير صدفه
كملنا اكل وشلنا المواعين واني عزلت وايلا وايليف يغسلن مواعين ولارا تسوي جاي وتحضر الستكانات طبت يارا وكالت
يارا : اشعجب صغتي مليحه ( زينه) لو تعودتي انو تخسرين دائما
هاجر : لا ابد بس تعلمت انو محد يستاهل ازعل عليه ولعلمج اكو ناس ماتستحي سوتلي سحر وهيج اجاني جن عاشقه مو علمود اخوج صار هيج بيه لان كله على بعضه مشايفته
اجاني صوت إلياس
إلياس : يعني تقنعيني مو بسببي
هاجر : soory ليش منو انت حتى ازعل عليك
إلياس : يعني مجنتي تحبيني
هاجر : لا ليش الجذب جنت احبك بس من خطبت اسيل شلتك من كلبي لان متستاهل لا انت ولا هيا متستاهلون اهتم بيكم واكسر نفسي عليكم
إلياس........
................
- يتبع الفصل التالي اضغط على (رواية قسوة احفاد ال هتان) اسم الرواية