رواية وهج الدمار الفصل الثلاثون 30 - بقلم ريو الطائي
البارت الثلاثون
-وهج الدمار-
-الكاتبه ريو الطائي-
لاتنسون التصويت والمتابعه وتعليق بين
الفراغات علقو الف تعليق احتى تصعد
القصه احبكم فرولاتي ✨🥺❤
-----------------
.
.
.
.
.
ماكدرنه نطلع الطلقه البقية بحياتكم
بقيت باوعله وساكته مانطيت رد فعل
شنو يحجي تيم مات يعني ؟
رجليه بعد ماعنتني كعدت بالكاع
وباوع على دكتور واني فاتحه احلكي
مامصدكه بكلامه اكيد يشاقه شنو
مات لا مستحيل تيم مايموت اي
مايعوفني هاذه مايعرف شنو يحجي
ماخلي يعوفني تيم مايعوف امه
ادري ماراح يتركني وحدي يدري
بيه شكد احبه
دمار سحب الدكتور من ياغته وضربه
ابوكس على وجهه وعمر وكع بالكاع
من الصدمه سجاد يحاول يوخر دمار
من الدكتور
شنووووووو ماتتت شجاييييي تحجيييي
مستحيل ابنيييي مايموتتتتتت تاكلللل
خر* وتروح طلع ابنيييي مابيييي شييي
هدي استاذ ماكدرنه نطلع الطلقه واقف قلبه
عن النبض بنص العمليه
انتووووو شنووووو شغلكممممم هناييي
ليشششششش مانقذتهه كوللل اجذب
وتيم ماماتتتت احجييييييييي
ابقى الدكتور اساكت ودمار دموعه
نزلت دفع الدكتور وكعه بالكاع ونام
فوكه ويضرب بي ابوكسيات على
وجهه اجو الممرضين يحاولون
يبعدونه بس ماكوو صار مثل العصار
ابقيت ساكته وباوع عليهم حسيت
بغواش على عيوني غمضت وبعده
حسيت على شي
ورا فتره فتحت عيوني شفت نفسي بسياره
وسجاد يسوق والدنيا نهار عمر ودمار
ماكو باوعت على سجاد وهوه باوعلي
عيونه حمر ويبجي واني بس باوعله
واساكته ماعرف على شنو يبجي؟
وهج: شبيك سجاد ليش تبجي
رجع يباوع على تريق وكل شوي يباوعلي
بالمرايه شوي وحجه وصوته مبحوح
سجاد: شبيج وهجج لاتبقين
ساكته احجييي ضربي سوي كلشي
بس لاتبقين ساكته
باوعتله بستغراب
وهج: ليش هيج تحجي وياي عفيه
ستعجلي ورجعني للبيت كلبي
يم جهالي احس روحي مو بخير
اريد شوفهم
واكف السياره على صفحه وضرب على وجهه
قوي وعيط بصوت عالي
سجاد: راحححح تموتييين وهج لا هيجج
تصرفين ولججج تيم ماتتت ابنججج
راح من هاي الدنيأ
وهج: الله لايوفقككككك ليشششش هيججج
تفائل على تيم بعدهه اصغيرررر كلشي
ممسويلككك مو انته عمههه شلوننن تحجييي
علي هيجججججج
سجاد: والله مات تيم مات وهججج
ابوس ايدج اخيتي لاتبقين اساكته
راح تنجلطين
عطت بي بصوت عالي
وهج: لاتحجيييييييي هيجج تيممم
مايموت مايعوف امه ليش هيج ماتخاف
ربكككك حرام عليك انته مو تحبه اروحلك
فدوه اسكت
يمسح بدموعه ويرجعن ينزلن هز راسه
ورجع شغل للسياره خليت راسي على
الجام واني اساكته مااحس بشي احتى
مامصدكه بكلامه وصلنا للبيت شفت هواي
سيارت ونسوان طابه وطالعه واكف السياره
بعيد عن البيت لان ماكو مجاي يدخله جوه
فتح الباب واجى عليه جيت
نزل واكفني وعدل حجابي ولزمني من ايدي
ومشينه بتجاه البيت واني بس باوع لحد هسه
ممصدكه اجذب عيوني وماريد صدك
قبل لانوصل للبيت واكفت سيارت دمار
نزل من السياره وبحضنه شايل شي
وملفوف بوصله ابيضه مامبين منه شي
باوعت على دمار يبجي بصوت عالي ونزل
عمر من السياره ويدك على راسه ويعيط
شك البلوزه علي واجو الولد يحولون يلزمونه
بس مايكدرون واني على واكفتي احتى دموعي
مانزلت بس من شفتهم هناي اجتني لحظأ
دراك
يعني صدك هاذه تيم ابني تيم مات؟
اخلص بعد ماشوفه؟ ولا اشم عطره؟
ولا انومه بحضني؟
سحبت ايدي من سجاد ورحت اركض على دمار
ودخلت ورا للحوش جان مليان زلم ونسوان
رحت على دمار واكفت يماا
باوعتله ودموعي نزلت جيت اخذ تيم
من عنده بس ماقبل اجى سجاد يريد
يلزمني احتى دخل جوه بس عتيت
نفسي من عنده وعطت بصوت عالي
وهج: وخرررررر من عنديييييي انطوني
ابنييييي دمار لييششش هيج لافه مو خطيه
اخاففف ربككككك هاذا ابنككككك وخررررر
تيممم مايموتتتت بعده اصغيررررر مايكدرررر
بدونييييي مايعوفنيييي والله بعده اصغيرررر
وينه وينن المقابررر خطيه دمار
هسه يختنككك وخرررر هاي من وجههه
وخرررر والله مايتحملللل انطونيييي
ابنيييييييي تيممم ياروح امككككك
لاتعوفنييييي ماشفت الفرححح بحياتيييي
بس من شفتكمممم اروحلكككك فدوه
فتح عيونككككك ليش هيج تحرك كلب
امككك عليكككك انته مو ماترضه ابجيييي
اكوم يمه منوووو بعد يمسح دموعيي
ابوسس رجلككك اكووم لاتبقىى مغمض
عيونكك الحلوه
فقدت صرت اضرب على وجهيي وشلع
بشعري احتى حجابي نزعته وملخ بشعري
وسجاد بس يحاول يلزمنيي والكل يباوع
عليه ويبجي عمر يباوع على تيم لازمه
دمار وكاعد بالكاع ويبوس بي من وره
الغطه كام عمر اخذها من دمار
ويعيط بصوت عالي ويبجي
ويرجع يحضن بي كل النسوان والزلم
الجانو بالبيت طلعو اجت مريم وكلهن
يمي يبجن ومخات نفسهن واني عيني
على تيم لزمه عمر ويبجي
سجاد حتار يهدي منو بينه اخاف يصير
علينا وماخايف على نفسه يبجي ويانه
وملابسه مشككه على جسمه
باوعت على مريم الحضنتني وتبجي
وهج: م.. مريمم راححح ابنييي راح
نور عيونيييي كله من وراييييي
ليششش هيججج ربيي ليشششش
مااخذتنيييي انيييي والله بعده اصغيرررر
على نومت الكبررر
مريم كوميييي اكعدييي اكيد ايسمع من عندجج
هوه يحبجججج تذكرين شلوننن جات يطلع
اركض عليججج ويحضنججج ابوسس
ايدججج اكوميييي اكعدييي والله كلبييي
راح يواكف سوده ابوجهييييي راحححح
وليديييي بعدنيييي ماشبعانه من عندهااا
دفعت مريم من عندي ورحت وكمت يم
عمر اكعدت كدامه وباوعت على تيم
ورجعت باوع على عمرر باوعلي ودموعه
تنزلل
عمر: عمرييي كله مانزلتتتت دموعييي
على شخص ولا حبيت شخصصص
ربيييي ليش من تعلقت بي اخذتهههه
فتححح عيونكككك تيييييم مو جنت
تريد من تكبرر تصيرر ضابط اكوم ياروح عمكك
ماتلوكلك هاي النومه اكووووممممم
تيمممممم
ماكو رد اني بس دموعي تنزل وابجي
بصوت عالي اجيت وخرر الغطه من
وجهه لزم ايدي سجاد باوعتله وهزز
راسه بــ لا دمار حالته حاله يعيطط
وضرب على نفسه حيل الكل يحاول
يلزمه ويهدوء بس ماكو محد يكدرله
ربيييي نخيتككك ترجعليييي وابنيي
ماعندييييي غلا من عدهمممم ليششش
تختبرنيييي بيهمممم ذوله عزز من روحييي
راححح وابنييي من ايديييي بعدنييي
مافرحت بيهممم ولا دللتهممم متحانك
اصعب عليه ربييي
يحجي ويدك على راسه واني احس حيلي
انهد واني شوف تيم مغطه ولا يتحرك
مر وقت واحنى بس نعيط بيبي تخربطت
واخذه للمستشفى ابو دمار الي ولا مره
حن عليهم يبجي ويباوع على دمار
اجو يريدون يااخذونه تخبلت صرت املخ
بنفسي وعيط على دمار رحت يماا
ولزمت ايده وبسته
وهج: ابوسس ايدكمم لاتخاخذون ابني
من حضنييي حراممم عليكممم وين تريدون
بييييي دمار هاذه ابني انته تدري بيه
مااكدر بدونههه كلشيي ولا تيمم
اروحلك فدوه بس خلييي تره والله
كتل نفسي بس تااخذو منااا
محد يرد عليه واني تخبل من شوفهم يريدون
يااخذو عمر يضرب على وجهه ويعيط
عيونه صارت حمر من البجي
لزمني سجاد واجى ابو دمار واخذه
من دمار واجي يريدون يطلعون احتى
يغسلو ويجفنو
صرت عيطط ورا بصوت عالي وريد
بس سجاد يعوفنيي امخلت ايده الزمني
بيهاا
سجاد: ولججج كافيي والله اخذج وراهمم
اخذج بس هدييي
وهج: ولككك راححح وليديييي شنو هدئ
عموووو ابوس رجلك رجعليييي وليديييي
ولكككك عوفنيييييي ليشششش لزمنيييي
راححح يدفنون ابنيييي جوه الكاع ولكككك
وخررررر
اخذو وطلعو صعدو بسيارات عفني سجاد
وطلعت اركض وراهم بشارع وكعت
بالكاع وضرب على راسيي واملخ بوجهيي
والكل طلع وراي
وهج: رجعولييي وليديييي ولككك سجاد
راححح تيم ولككك راح ابن روحييي
بعدنيي ماشايفته من يدخل المدرسه
لو من يتخرج لو من يزوج ليششش
هيججج يمه فرحان وانتههه تشوف
امككك هيجج تبجييي وراكككك
اروحلككك فدوه رجعليييي انته تدريي
شكدد اني احبككك تيم حبيب امككك
رجعليييي تعالييي امسح دموع امك
وحضنييي شتاقيتلككك والله مااكدرر
على فراكك
اجى عليه سجاد وكومنيي باوعتله
وهج: سجاد ابوس رجليك بس اخذني
اله اريدد شوفه قبل لا يدفنوو
هز راسه ويبجي اجت مريم زينب جيباتلي
عبايه وحجاب صعدنه بسياره ورحنه
وراهم
اخلص وهج راح تيم كل شخص تحبينه
وتتعلقين بي جاي يعوفجج ليش الله مااخذني
بمكانه بعده اصغير كلشي ماشاف بحياته
كايا منو اله بعد راح توئمها راح اخيها
شهكت من البجي لدرجه احس ماجاي
اكدر تنفس كلهم يكولون اسم الله
واكف السياره سجاد وراح جاب
مي واجى غسل وجهي ورجع صعد
خليت راسي على امتن مريم وابجي
وصلنا للمقبره جانو هسه واصلين
جانو يغسلو ويجفنو
نزلت من السياره واني احس جسد يمشي
بدون اروح سجاد لزمني من ايدي
ويمشي وصلنه يمهم جان قبره بصف
قبر ماما وبابا صار بصف ماما تيم
جان اكو هواي لزم ماكو نسوان
دمار جان شايله واكف وعيونه على
قبر رحت يما باوعتله وحجيت
بصوت مبحوح من العياط
وهج: انطيني ياه دمار الله يخليك
بعد ماشوفه ولا حضنه خلي اضمه
لصدري لاتحرمني من حضنته
باوعلي ودنك راسه وانطاني ياه
اخذته من عنده وحضنته قوي على
صدري اريد دخله بروحي فتحت
الجفن من يم راسه وطلعت وجهه
محد قبل على تصرفي بس السيد
كال خلي تشوفه اخر مره
كعدت بالكاع وباوع على وجهه
ابيض خدوده شعراته رفعت ايدي
وخليته على خدوده دنكت وبسته
وهج: ليش هيج يمه حركت كلبي
عليك ليش عفتني ورحت يمه رجعلي
والله مااكدر بدونك الله يااخذني وراك
ان شاءلله زعلتك مني عندي ومالعبت
وياك اخر مره كل الصار بيك من وراي
ياريت لو الطلقه جايه بيه ولا بيك
اكعد تيم منو بعد يكعدني منو يجي
يحضني ويواسيني
شو يلا فتح عيونك ادري بيك ماتحب تزعل
امك والله راح زعل منك تره ترضه ماما
تزعل اكوم يمه بعد لمنو احجي قصه
اكوم شوف بابا وعمو شلون يبجون عليك
دمار يحبك مايكدر على فراكك ولا عمر
اكوم احتى يااخذك وياه بسياره يلا خلي
نرجع للبيت وسويلك كلشي تحبه سوده
بوجهيي يمه
اجى السيد ايريد يااخذه من عندي باوعتله
وهج: عمو خلي يمي بس شوي عليك الله
بس شويه
جيبي بابا واكفي تبجين الله يصبرج
على فراكه
حضنته حيل وبوسته بكل مكان بوجهه
اخذه من عندي دمار وباسه من راسه
رجعو غطو راسه خلي بالقبر وصار
السيد يحجي ويدعي خلو فواكه
تراب واني تخبلت
من شوفهم شلون يخلون فواكه لزمني
دمار وقيد حركتي وهوه عمر يخلي
بالتراب ويبجي عطت بيهم بصوت عالي
وهج: لااا عمرررر اروحلكككك فدوه لانخليي
فوكه ترابب هسههه يختنكككك وخرهه
ابوس ايدككك وخره كافيييي لاتذب
علييي كافيييييييي
مايرد كملو وقرو الفاتحه وكل الكل
راح ماابقى غير بس كم واحد من القارب
عفني دمار وراك اكعد يم قبره ورمي من التراب
على وجهه ويعيط رحت يما وباوع على
وهج: يعني هسه اخلص صرت جوه التراب
شلون اكدر خليك هناي وحدك انته تخاف
من ماتشوفني يمك اخذني وياك تيم
كعدت هواي يم قبره وابجي والكل
يبجي دمار وجهه صار حمر وخشمه نزف
دنك راسه وراح سجاد اركض للسياره
جبله مي وغسل وجهه وهوه يردد
سجاد: دمار اكون انته القوي لا يصير
بيك شي والله وهج تتخبل شوف حالهه
منو ابقى عدها غيرك لاتضعف يااخوي
الله اكتب هيج يصير
ابني راح وتريدني ابقى قوي انهد حيلي
ماابقى عندي شي ابقى علموده راح
تيم وكايا ماعرف شبيه مصدومه
من صوت الطلقه وبس تبجي وهج
شوف حالهه والله اله اخذ حك تيم
وحك كل دمعه نزلت من عيون وهج
من هاذه الجلب
رفعت راسي باوعت على دمار
وهج: ش.. شبيهه كايا
سجاد: اكومي وهج خلي نرجع الهة
لايصير عليهه شي بعده اصغيره
يلا اخويه
وهج: و.. وتيم شلون عوفه هنا وحده
يخاف خطيه خلي نااخذه ويانه
محد جاوب رجعو يبجون عمر صافن
على قبر وبس دموعه تنزل اجى دمار
واكفني باوعتله امسح دموعي وحضني
وانبجي اثنينه
وهج: دمار راح ابني وكله من وراي ج.. جان
يتصل عليه ج.. ود ويبقى يهدد بيه جنت
خايفه تروح وتكتله والله اخفت كلك دمار
ماعبالي راح يسوه صدك ويجي ويموت
تيم
انتي مالج علاقه بنيتي اني الحك عليه
لو ساجنه من اول مشكله صارت ماجان
هسه دفنت ابني بيدي ولا شفت دموعج
على خدودج
حضنته قوي وابجي بصوت عالي
وخرني من حضنه وامسح دموعي
باوعت على قبر تيم وعلى قبر ماما
رحت واكفت يم قبره ودموعي نزلت
وهج: ماما ابني راح يبقى يمج ديري
بالج عليه انتي موجوده هنا يمه
ضمي بين ضلوعج بعده اصغير
ويخاف وحده هاذه ماانه يمج
ماما حبيتو تيم علمود هيج اخذتو
يمكم يمه انتي تدرين ماكدر بدون
جهالي ليش خليتو عينكم عليه
واخذتو من عندي
كام سجاد ولزمني مني ايدي باوعتله
سجاد: يلا امشي اخويه
وهج: وخرر وين اروح مااكدر اعوفه
والله ماكدر خلي ابقى يمه الدنيا
ضهر الخاف عليه من الشمس
حاره
مارد بس يسحب بيه صرت ادفع بي
اريده بس يعوفني بس ماكو لهنا
واحس بدوخه قويه والدنيا تفتر
بيه غمضت عيوني وبعده مااحسيت
على شي
فتحت عيوني باوعت حوالي موجوده
بغرفتي بس ماكو احد نزلت دموعي
نزلت من الجربايه وكعدت بزويه وابجي
بهدوء بس الشهكه تشك كلبي وتطلع
ابقيت اتذكر تيم اول ماصار من صار يمشي
لو من اول مره من كال ماما لو من يحضني
ويبوسني من يكعدني من النوم من يرضع
بصدري لو من يسمع الكلام ويبقى كاعد
بمكانه
ليش هيج ربي انته تدري ماعندي غلا من
عدهم تعبت واني فقد شخاص عزيزه عليه
امي راحت وابوي راح ت.. تيم راح ربي
كافي تختبر اصبري والله تعبت ربي
اخذ مانتك وخلصني اريد ماما بابا تيم
شوي ونفتح الباب دخلت مريم وياه
كايا تبجي وتعيط باوعت مريم بالغرفه
تدور عليه بعيونه لحد ماستقرت نضراته
الي بزويه الغرفه شفتني كايا ونزلت
من حضن مريم وجت عليه وحضنتني
مانطيت رد فعل هيه حضنتني وتبجي
اجت مريم وكعدت كدامي
مريم: وهج شوفي كايا شلون تبجي
خطيه ليش ماتحضنه ولجج من الصبح
لهسه تسكت شويه وترجع تبجي كانو
تذكر الصار احجي وياه
وخرت كايا من حضني ولميت نفسي
وبس ابجي وكايا تخبلت لان ماحجي
وياه ولا رد عليها كعدت بالكاع وتبجي
مريم محتاره شلون تسكته ندك الباب
وصوت سجاد يكول اخوي راح دخل
عدلت مريم الحجاب على راسي
وكلته تفضل فتح الباب ودخل
باوع على كايا واجى عليهه وشالهه
سجاد: شبيج يروحي ليش تبجين
شنو يوجعج بنيتي
ماترد بس تبجي وتئشر عليه باوعله
ونار بداخلي مشتعله ماعرف ليش
جاي منع نفسي ان اخذه من عنده
وسكته وشوف شنو بيهه فضلت
السكوت
باوع عليه سجاد وعاط بيه
سجاد: كافييي وهججج شوفيي
بنتججج شبيهه وهج كايا ماجاي
تحجيي اخاف من الصدمه فقدت
صوته بس اخذيه وشوفي شنو بيهه
مارديت بس دموعي تنزل اجى يااخذه
ويطلع من الغرفه بس كايا تخبلت اول
مره شوفهه هيج تبجي عليه وتردني يمهه
رجع سجاد يمي فتح ايدي وخله بحضني
باوع على مريم
سجاد: تعالي اخويه نطلع من الغرفه
خليه وياه امها
مريم: دمار وعمر وين لعد
سجاد: بعد ما دمار رجع وهج للبيت
رجع للمقبره يكول مااكدر اعوف تيم
وحده
هزت راسه مريم وطلعت من الغرفه
باوع عليه سجاد وبتسم بكسره وعيونه
كلها دموع اجى عليه وامسح دموعي
سجاد: وغلات كايا على كلبي راح نااخذ
حك تيم من بين عيونه بس انتي ديري
بالج على كايا انتي جهزه تخسرين كايا
لاسامح الله
هزيت راسي بــ لا وبقيت ساكته
سجاد: دوسي على كلبج لعد علمود كايا
ماعدها غيرج دمار لو مو خشمه نزف جان
هسه مجلوط عمر اساكت احجي وياه
مايرد يبقى صافن مااكدر فقد واحد من
اخواني والله ذوله اعز من روحي جاي
امثلل ان اني قوي بس وكلبي مكسور
على اموته خليج قويه بس علمود كايا
ودمار ماعدهم غيرج تره
بقيت ساكته ماحجيت شي باس كايا
وكام وطلع من الغرفه وسد الباب
باوعت على كايا حضنتني ومابطلت
ابجي كمت اخذته ودخلت للحمام
غسلت وجهه خليته على جربايه وطلعت
ملابس اليه سود غيرت بسرعه ورحت
يمها
اخذته لحضني ورجعت كعدت مكاني
بالكاع وهيه حضنتني وتبجي باوعت
على وجهه حمر صاير من البجي تنهدت
بصوت ونزلت دموعي الوضع هدوء بس
صوت عياط نسوان جوه يعيطن بصوت
عالي وكايا خايفه كل شوي تحضني اكثر
بقيت مخليته بحضني لحد مانامت
كمت خليته على جربايه وغطيته
وفتحت الباب ونزلت جوه واكفت
على درج وباوع شلون يلطمن مريم
تضرب على راسه وتعيط
احس فقدت توازني لزمت المحجر مال
الدرج وغمضت عيوني وفتحت نزلت
ورحت يم مريم
باوعله وبس دموعي تنزل اجت خالتي
وحضنتني وتبجي بصوت عالي وتنعي
وكعت، بالكاع وابجي دخلت نور وتبارك
وخالتي ام زين وبيبي اجن عليه وحضنني
ويبجن نور وتبارك وجوهن حمر من البجي
باوعتله ودموعي تنزل
وهج: ن.. نورر راح ابنيييي ابنيييي راح
من ايديييي شنو ذنبه بصارررر بيبي
اعفت ابنييي وحده ادري هسه زعلان
من عندي لان عفته وحده سوده بوجهي
شلون خليتهم يدفنو جوه الكاع
عطت بصوت رئج البيت رئج
وهج: اريييييييييدددددد ابنييييييييي
دمارررر وينككككك تعالللل جيب وليديييي
والله ماكدرررر بدونككككك يروححححح
امكككك انته لييششش عفتنييي ورحتتت
اريدكككك مااكدر بدونككك رجعلييي
ليش هيج كسررررت كلببب امك عليككك
الله يااخذني الله يااخذنيي
اضرب على وجهي وعيط تبارك حضنتني
وتحاول تقيدني احتى مااضرب نفسي
مر وقت طويل واني على اكعدتي
بس ابجي وتذكر شكله ضحكته برائته
نومته مشيته عيونه خدوده ارموشه
هدوئه
دخلت ام دعاء ودعاء يباوعلي ويبتسمن
بقيت ساكته بس باوع عليهم اجن يمي
وحضنتني دعاء وحجت
دعاء: تستاهلين هسه اكدر اكو اخذت
حكي منج بدون ماسوي شي الله
ينطيك الصحه والعافية جود
هم زين موته يلا هسه طار للجنه
ماتكيفين ابنج بجنه
ضحكت بكتمه وخرت مني وامها
تباوعلي بستحقار اسمعت كلامه مريم
لان جانت كاعده يمي
كامت مريم وسحبت دعاء من شعرها
لان جانت نزعه الحجاب رفعت ايده وضربته
براشدي على وجهه
مريم: ابنهااا ميتتتت وانتيييي جايه
تشمتيييين الله جابججج اليه تعالييي
خليييي طلع ضيم كلبي وقهرييي على
تيممم بيججججج
جرتها من شعرهه وتسحل بيهه زينب
راحت على مريم وصارت تضرب بدعاء
وياه وام دعاء تعيط تريد بس توخرهن
من عدهاا
وخرت مريم من دعاء وراحت على ام دعاء
مريم: فرحانه لان مات ابنهااا مو هسه اخذتن
حقجن من عدهاا
شتريدين تسوين تضربيني واني بكبر امجج
مريم: تروحييين فدوه لرجلين امي
انتي ماتوصلين رجلهه يلا طلعنننن
من البيتتتت يلااااااااا
عاطت بيهن بصوت عالي وخرت زينب
من دعاء النايمه بالكاع وشعره منكوش
وتبجي كومته امهاا وطلعن من البيت
اخذتني مريم وصعدنه فوك كلنا فتحت
الباب باوعت جانت كايا كاعده ومخليه
ايده على اذانه وتبجي
رحت عليهه اركض وحضنته وحاول هدي
بيهه اجت تبارك واتمسد على ضهره
وهج: هدي يروحي لاتخافين اني يمج
كافي ابجي بنيتي
باوعتلي وماردت اخفت من اسكوته هيه
طول الوقت تحجي تذكرت كلام سجاد
شالته وافتر بالغرفه اسكتت وخلت راسه
على جتفي وبس الشهكه تطلع من كلبها
اخذت الجهاز وتصالت على دمار رن هواي
بس مارد رجعت اتصال بي ماكو شمرت الجهاز
ورجعت باوع وابجي شوي وسكتت باوعتله
مغمضه عيونه ستغربت خليته على جربايه
وباوع على وجهه رن جهازي راحت مريم
جابته لان شمرته على الكرويته
عيني على كايا تتنفس بصعوبه
ضربت على خدوده خفيف
وهج: كايا حبيبتي فتحي عيونج لاتنامين
شوي فتحيهن ماما
ماكو ماترد ولا تفتح عيونه كامت نور
وجت وخرتني وسحبته وشالته وتحجي
وياه بس مااترد
هناي اجى بعيني منظر تيم من مات
اخذت الجهاز بسرعه من مريم باوعت
شفته دمار متصل رجعت اتصلت عليه
شوي ورد واني عيط بصوت عالي لان
كايا ماجاي تفتح عيونهه نفتح الخط
وهج: دمارررر لحكككك كايا ماعرف شبيهااا
ماجايييي تتنفس ابوسس ايدكك تعالللل
شجايييي تحجيييي شبيهاااا طلعيييي
بره بسرعههه وهججج جايججججج
سد الاتصال اخذت كايا من نور وفتحت الغرفه
وطلعت بسرعه وابجي بصوت عالي
وهج: ولجججج بنيتييي فتحييي عيونججج
كافييي عليه تيم راح ولجججج كايا لاتعوفينييي
ابوسس ايدجججج
اخذته وطلعت بره اركض وهنه يراكضن
وراي خايفات يصير شي على كايا على
صوت عياطي طلعو كل الزلم بلمضيف
طلع سجاد وياهم شفني شايله كايا وعيط
فتح عيونه بصدمه واجى اخذه من عندي
وضرب على خدوده بس ماكو بس نفس
يصعد وينزل بصعوبه
سجاد: ليشششش هيججج ماجاييي
تتنفسسس كاياااا فتحييي عيونجج
صحي حبيبتي
ماكو مااترد اخذنه ورحنه للسياره ودمار
خبصنه هوه وعمر بالاتصالات صعدنه
بسياره وياي مريم وتبارك خليته بحضني
وابجي عاط بيه سجاد
سجاد: لاتبجيييين لاتفولين عليهااا
مابيههه شيي مجردد فقده الوعي
لان خايفه بسسس اسكتييييي
مارديت بس دموعي تنزل وصلنا
للمستشفى وجان دمار موجود كدامنه
اجى بسرعه على سياره واخذه من عندي
ودخل بيهه للمستشفى
واني امشي وراهم بهدوء حيلي مهدود
ماعرف شنو سوي لو شنو اكول
منه تيم المات واني مشبعانه من عنده
ومنه كايا الماعرف شبيه وماتحجي بس
تبجي وهسه فقده
دخلت وراهم اخذوه ودخلو يفحصوه
بقينه واكفين بالممر باوعت على دمار
ملابسه اسود وكلهن تراب شعره على
وجهه عيونه ذبلانه من البجي وعمر
نفس حالته
نص ساعه وماطلع الدكتور اخفت ان
صار شي على كايا ربي والله مو حمل
فقد واحد ثاني من جهالي ربي ارحمني
والله تعبت
طلع الدكتور واحنى رحنه اركض يما
لاتخافون مابيهه شي مجرد فاقده
الاوعي من الخوف انتبهو عليهه
وهج: بس ماجاي تحجي ليش هيج ساكته
حاولو تحجون وياه وبعدوهه عن الصوات
العاليه والحمد الله على سلامته
راح الدكتور جيت واكع من طولي بس لزمني
دمار باوعلي
لاتخافين مابيهه شي ان شاءلله
وهج: خايفه خسره مثل تيم دمار والله
تعبت اريد وليدي مااكدر بدون تيم
اشش لاتحجين هيج هسه خلي تركيزج
على كايا وهج لاتضعفين اني اخذ قوتي
من عندج لو مو انتي جان اني ميت من
زمان
مارديت بقيت ساكته وتفكيري يم تيم
العفته وحده بالمقابر شلونه هسه خايف
جوعان مشتاقلي شلون خليته وحده
وهوه بعده اصغير
عمر: شنسوي هسه ماانكدر نرجعه للبيت
ترجع تنتكس حالته
لا مارجعهه راح اخذه وخليه بشقه
هيه وهج ومريم
وهج: مااروح اني للشقه اروح على ابني
ماعوفه وحده
عاط بيه دمار بصوت
انتيييي خبله وكاياااا شلونننن تريدينننن
نفقدهاااا مثل تيممم وهجج لاتحركينن
كلبييي كافيييي عادددد
مارديت بقيت ساكته وابجي راح واكف
يما سجاد وحجه
سجاد: تره مثل ماانته فاقد ابنكك هوه
هم ابنهااا ليشش تعيط عليهه
سجاد انته راح تروح وياهن ماتعوفهن
لو دقيقه لحد مااتخلص الفاتحه يلا
ترجعهن
هز راسه واسكت فتحت الباب ودخلت
على كايا باوعت بيدها كانونه وجهه
تعبان رحت واكفت يمهه
وبوسته من خدوده لزمت ايده وبسته
وهج: يمه لاتعوفيني مثل ماعفني تيم
سوي كلشي بس علمود ترجعلج صحتج
يروح ماما انتي عسه الله مااخذ روحي
ولا شوفج بهاذه الوضع
مااكو رد بعده فاقده كعدت يمها
على الكرسي ولزمه ايده دخلو همه
للغرفه اجى دمار وباس كايا من راسه
وسجاد يبوس برجليه ودموعه تنزل
بسرعه يمسح دموعه احتى لحد ينتبه
وهج: دمار ليش لحد هسه مااصحت
لان المغذي بي منوم شوي وتصحه
عمر: اني راح من تصحه اتصلو عليه
سجاد: وين تريد عمر تره الدنيا ليل
شعندك راح وحدك
مارد طلع من الغرفه وراح ودمار يفتر
بالغرفه وعينه كل شوي تجي على كايا
وهز راسه بتوعد
عرفته جاي توعد جود كل مااتذكر شلون
اجى واموت تيم احس اريد موته بيدي
وشرب من دمه
شوي وصحت كايا فتحت عيونه باوعتلي
ورجعت غمضت خليت ايدي على خدوده
وبتسمت بكسره باوعت على دمار وضحكت
داار وجهه شافه اكعدت اجى، يمها وحضنه
اخخ روح بابا انتي شنو يوجعج بنيتي
ماترد بس مبتسمه بقينه كاعدين يمها
لحد مااخلص المغذي اجت الممرضه
وخرت المغذي وملصت الكانونه
طلعت الممرضه شاله دمار وحضنه
على صدره وهيه خلت راسه بركبته
وسجاد يبوس بيهاا ويريد بس يااخذه
من دمار
بس هيه ماتقبل تعوفه طلعنه من المستشفى
صعد سجاد يسوق ودمار اكعد كدام وكايا
بحضنه واني ومريم وتبارك ورا
تبارك: كلج اني راح اخابر زين يجي يااخذني
مريم: وين تريدين ابقى يمنا بشقه
لاتروحين
هزت راسه واسكتت خليت راسي
على الجامه وغمضت عيوني
ليش هيج صار راح ابني من ايدي
واني مااكدرت اسوي شي راح نور
عيوني واني بس باوع ليش مائجت
الطلقه بيه ليش اني مامتت شلون
راح كمل حياتي بدون تيم بدون ضحكته
ايده الناعمه التمسد على خدودي اخخ
ياوجع كلبي وين رحت وعفتني يمه
واكف السياره امسحت دموعي وفتحت
الباب ونزلت باوعت مو نفس الشقه النجي
بيها كل مره باوعلي دمار
اني رايح دير بالج على كايا وهج اريدج
تبقين قويه علمود بنتنه
هزيت راسي وهوه نطاني كايا ولزم
ايدي اضغط عليها وباسه عفني
وراح صعد بسياره شغله وراح
اجى سجاد يريد يااخذ كايا مني
بس هيه ماتقبل هوه مستغرب لان
ماتريده دخلنا للعماره وصعدنه فوك
طابق الثالث المصعد جان مايشتغل
فأ صعدنه على درج وصلنه للشقه
فتح الباب سجاد ودخلنه وسده
باوع علينا
سجاد: اني راح للبيت غير ملابسي وخلي زينب
تخلي ملابس لكايا ولجن
تبارك : لعد اروح وياك لان اتصالت ماما
وكالت تعالي مااكدر ابقى
سجاد: ماشي يلا تعالي
باوعتلي تبارك وحضنتني قوي وباست كايا
تبارك: ان شاءلله باجر خلي زين يجيبني
انتبه على نفسج والبقيه بحياتج
هزيت راسي وهيه طلعت ورا سجاد
راحو ومريم قفلت الباب باوعت على شقه
بيها غرفتين وصاله وامطبخ رحت كعدت
على الكرويته وامسح على وجهه كايا
بهدوء وهيه ساكته اجت مريم وكعدت
كدامي
مريم: كلج كايا ممااكله شي من الصبح
والثلاجه مابيهه شي
وهج: اخابر سجاد خلي يجب وياه
اكل وياه لها
اخذت جهازه وراحت تخابر تمددت
على الكرويته وخليته بحضني واحجي
وياه بس مااكو ماترد كل ماحجي شي
وماترد عليه اموت من القهر
اخاف تفقد صوته شلون بهاي الحاله
رفعت ايده وخلته على الصدر مال
البلوزه عرفته تريد ترضع
طلعته الهه وهيه بقت ساكته بس حضنتني
قوي شوي ودك جهازي اخذته من الطاوله
ورديت
وهج: الوو دمار
شلون صارت كايا
وهج: الحمدلله زينه بس دمار ماجاي
تحجي خايفه عليها
مابيها شي ان شاءلله بس انتي باقي
احجي وياه وهج مااوصيج عليها
وهج: ماشي بس انته وين
مارد اسكت شوي ورجع حجه بس صوته
مال واحد جاي يبجي
مااكدر عوفه وحده بعدني مشبعان
من شوفته وراح شوفي وين جنه نكول
راح نستقر وتمشي حياتنه عدل خلي حياتي
مغربطه ومشاكل وتعب بس ريد يرجعلي
ابني
بقيت ساكته وابجي على بجيه سد الخط
شمرت الجهاز ورجعت ابجي اجت مريم
وكعدت يمي، وتحاول تهديني علمود كايا
بس اني ميته بدون تيم مااكدر بدونه هاذه
قطعه من كلبي محد يحس بالحساس
الحسه هاذه غير الام من تحمل وتتعب
وتجيبه لدنيا وتنتبه وبلمح البصر يروح
من كدام عيونه
كمت اخذت كايا ودخلت لوحده من الغرفه
سديت الباب وجنت اريد ابقى وحدي
بس وياي ذكريات تيم
خليت كايا على جربايه وهيه نامت كعدت بالكاع
وباوع عليهه وتذكر شلون جانت تضرب تيم
وهوه يبقى اساكت راح اخوج يمه بعد وياه
منو تلعبين راح تبقين وحيده احتى، بغرفتج
جنتي تنامين انتي وياه بيها
تذكر شلون جان فرحان من شاف غرفته
من قراله قصه لو من يبقى كاعد بحضني
الله يحرك كلبك مثل مااحركت كلبي على
ضناي
ندك باب الغرفه كمت امسحت دموعي
ورحت فتحته شفته سجاد انطاني الجنطه
وحجه
سجاد: ذا كعدت كايا وتريد اكل خليته اله
بالمطبخ
وهج: ماشي بس احجي وياه مريم خلي
تااكل خطيه مااكلت شي وهيه حامل
هز راسه وراح دخلت الجنطه وسديت
الباب فتحته وطلعت ملابس كايا
بس شفت بلوزت تيم وياهن
اخذته بسرعه وشميته حضنته قوي
على صدري وكانو جاي حضن بــ تيم
كل شوي ابوسهه ورجعه على صدري
وهج: اخخخخ يااضيم كلبيييي
تيممم يمههه وينككك يكلبييي
رجعي والله مااكدر على فراكك
شوف اختككك صار بيها بابا
تايه بدونك عمك اليحبك ليش عفتنه
ورحت ليش هيج حركتت كلوبنه
ليش كل مااكول فرجت يرجع يصير
شييي ليش ربي اختبر اصبريي بيك
كله الصار من وراييي الله يااخذككك
جود الله يضوكك نفس هاذه الحساسس
الله ينتقم منككك تعالللل حبيب امككك
بس رجعلييي خلي حضنكك وشبع من عندكك
مر وقت طويل واني حضنه بلوزت تيم
ومتمدده بالكاع واحجي وياهه وعاتب
بس ماكو رد
كمت اخذت ملابس وغيرت لكايا
فزت باوعتلي ورجعت غمضت
بوسته ورحت للحمام اسبحت
ولبست ملابسي ورجعت كعدت بزويه
اول مره بليل غير ملابس كايا وانته
ماغيرلك تعال الي يمه كم ساعه وكدرت
بدونك شلون اخلص حياتي لعد
بعده مااكو تيم بحياتي ولا راح يبقى
اسمك يتردد بالبيت بس راح اتبقى بكلبي
اله مايجي يوم وننجمع بي، وياك وقته
ماراح اعوفك وترك كلشي بس احتى
اكون يمك
مرا اسبوع على اموت تيم دمار وعمر
ماشفتهم ابد ولا طلعنه من الشقه
بس يوميه يخابر دمار يطمن عليه وعلى
كايا سجاد ماعفني ابد طول الوقت يحجي
وياي ويحاول مايخليني ابقى وحدي صار
الي نعم الاخ
وكايا بعده على وضعه ماتحجي
بس ساكته مريم حمله متعبه كلش
وتدهورت حالته لان مامتعوده تغير
مكانه كل شوي تستفرغ
اخلص ليل واني حضنه بلوزت تيم
على كلبي وتذكر الايام جان بيهه
وياي كلامه عيونه ماتروح من بالي
امسحت دموعي وكمت لميت ملابسنه
لان راح نرجع للبيت جانت كايا كاعده
على الجربايه وتباوعلي
لميت الملابس ورحت اخذته لحضني
واحجي وياه باوعله وتذكر تيم شلون
جان يغار من اكعده بحضني
وهج: تذكرين اخوج تيم راح من هاي
الدنيا بعد ماله وجود جنت اتمنى تكبرون
اثنينكم سوه وتدخلون للمدرسه
ولبسكم واخذكم بسياره وصلكم لو من
تتخرجون وكون فخوره بيكم بس تيم
ماراح شوفه بعد اخخ ياتعب سنيني
باوعتلي كايا ومدا ايده امسحت دموعي
وحضنتني ابتسمت وبسته من شعره
نفتح الباب ودخل دمار داارت وجهي
باوعتله لحيته طولانه شفايفه ابيض
وجهه امسمر جفن عيونه اسود
كامت كايا من حضني وراحته ابتسم
وشاله يبوس بيهاا كمت واكفت باوعلي
شلونج وهج
مارديت بس دموعي نزلت اخذ حسره
واجى تقدم عليه وحضني اني وكايا
وهج: تعبت دمار اريد وليدي مااكدر
بدونه صار اسبوع واني ماشايفته
شنو فايده حياتي بدونه تيم
عندي غلا من كلشي
اشش لاتبجين شنو هاذه الكلام معقوله
اني وكايا مانهمج تيم موجود يمج مايعوفج
انتي تدري بي شكد هوه يحبج
اخله ايده على كلبي ورجع حجه
هوه موجود هنا محد راح ينسه
ولا كلج لزم تنسي بس انتي فكري
بــ كايا وشلون نخليه ترجع تحجي
والله تعبان وهج
وخرت من حضنه وخليت ايدي على خده
وهج: ماابقى عندي غيرك انته وكايا
دمار لاتعوفني ماابقى عندي احد
ماريد رجع اخسر واحد منكم
نااخذ حك تيم وبعده ماانبقى هنا
بس اريدج تكونين قويه وكلشي
راح يرجع مثل ماجان واحسن ان
شاءلله
وهج: بس تيم ماراح يرجع دمار لو باقي
اعايش جان حياتنه راح تصير احلى
احتى ذا مايرجع ويانه كل يوميه احنى
نروح يما وتحجين وياه شكد ماتريدين
هزيت راسي وامسحت دموعي اخذ كايا
وكعد على جربايه يبوس بخدوده ويااخذ
حسرات تذكر من يرجع من الدوام جانو
اثنينهم يجون لحضنه هسه ماكو غير
كايا
شفني باوعله فتح ايده وشئرلي تعالي
رحت كعدت يمه وخليت راسي على
بحضنه
وهج: دمار صار على جود لزمتو
اي جنت اريد اموته بيدي بس
اتنهد بصوت وامسح على وجهه
وهج: شنو تموته انته دمار تره والله كلبي
اخلص مااكدر فقدك انته هم خلي القانون
يحاسبه ذا موته راح تدخل للسجن افكر
بيه وكايا
يصير خير ان شاءلله يلا كومي لبسي
حجابج احتى نرجع للبيت
هزيت راسي وكمت لبست حجاب
وجيت شيل الجنطه
خليه ماتكدرين سجاد هسه يجي يااخذه
طلعنه بره بصاله وجان عمر كاعد ومريم
يما وسجاد كام عمر واجى اخذ كايا من دمار
وشم بيهه ويحجي بكسره
عمر: اخخ ياريحت الغالي
درت وجهي ودخلت للحمام غسلت وجهي
واكفت اخذ نفس باوعت على ايدي ترجف
ماعرف ليش
فتحت الباب وطلعت ماكو احد كلهم نزلين
بس دمار واكف ينتظرني باوعلي
شبيج بنيتي
وهج: مابيه بس احس بدوخه يلا
خلي ننزل وراهم
هز راسه واني طلعت كدامه واكفت يم
الباب طلع هوه واقفله ونزلنه وراهم
عمر اخذ مريم وراح بسيارته
وسجاد شايل كايا واكف
صعدت بسياره واخذت كايا من سجاد
خليته بحضني وباوع على اصابيعه
مو مثل ايد تيم
حضنتي وخلت ايده بصدري وخرته
بسرعه خزرته
وهج: عيب ماما عمو موجود هنا ويانه ميصير
كامت ترافس برجليه وتعيط بصوت عالي
وتبجي داار وجهه دمار وحجه وياه
ليش تبجين شبيج يروحي
ماترد بس تبجي سحبته لحضني
وكعدته عدل باوعتله
وهج: شوفي ولج اني واصله وياي
حده ماعندي اصبر هسه اشمرج
من الشباك اصيري حبابه احسلج
باوعتلي صفح وعضتني من ايدي
عضيت شفتي حاول كتم صرختي
عافت ايدي وراحت من بين الكراسي
على ابوها
باوعت على ايدي بيها اثئر عضته
ابتسمت وخليت راسي على الجامه
وباوع على طريق
وصلنا للبيت فتحت الباب ونزلت
تذكر من جابو تيم لو من اكعدت هنا
بشارع ابجي
باوعت على دمار شفته عينه بيه دنكت
راسي وراح جوه همه اضلو بره
دخلت للبيت وبكل ركن اكو ذكره لتيم
امسحت دموعي ودخلت للصاله جانت
بيبي كاعده ويما زينب ورسل
هيه شافتني بيبي وبجت رحت عليهه
بسرعه وحضنته وابجي
وهج: بيبي راح وليدييي راح وانييي ماشبعانه
من عنده عسه الله يااخذ روحي طمه التراب
جوه الكاع بيبي بعده اصغير ليش مات
والله اني احبه هوه كلشي بحياتي
الله يرحمه يمه كافي تبجين دمار وكايا
ماعدهم غيرج رجعي نفس قبل علمودهم
خايفه على دمار ماجاي يرجع للبيت ومخلصه
بالمقبره احتى بليل
وهج: بيبي ليش ماعندي حض بهاذي الدنيا
ابني راح امي راحت بابا راح ليش اني
ماموت لعد
ماردت حضنتني واتمسد على ضهري
وخرت من عدها وجن زينب ورسل
يبجن ويحضنن بيه صدك احسيتهن
اخواتي وحزينات على احزني
عفتهن واكمت صعدت فوك باوعت على
درج وتذكر شلون جنت انزل واني شايله
تيم لو من لزمه من ايده ونزل امسحت
دموعي
وصعدت فولك لغرفتهم فتحته نفس ماهيه
دخلت وسديت الباب راحت عيني على
الدبدوب مالته جان دائما يلعب بي
كعدت يم جربايته واخذت الدبدوب
وحضنته وابجي
وهج: رجعلييييييي تيممممم كافيييييي
والله ماتحملللللللل اسوده بوجهييييي
يمهههه اريددد وليدييييي تييييم
امككك تعبانهه على فراكك اترضه
تزعللل من عندككك رجعلييي والله
سويلكككك كلشيي تريده بسس رجع
شنووو اذنبكككك وتموت وانته عمرررككك
الثلاث سنوات ليششش اخذته من عنديي
ربييي والله ماجايييي تحمللل مابقى عندييي
اصبررر
بقيت عيط بصوت عالي واضرب على
وجهي نفتح الباب ودخل دمار واجى
عليه بسرعه وحضني
كافيي لاتضربين على وجهج بس هدي
بنيتي
دفعته من عندي كمت وعطت بي
وهج: كل الصاررر من وراكككك انته لووو
مطلكنيييي جان ماموتههه شنووو ستفاديت
هسسسه راححح ابنييي من يوووم شفتككك
وانييي ماشفتت الراحهههه احتى كايااا
ماراااحح اتبقى ولا انيييي صدكنييي
كل الصاررر من وراكككك انته
مارد ابقى اساكت ودموعه نزلت امسح
على وجهه واكم واكف وحجه بصوت
بي غصه
ماجنت مصدك راح يسويه ويموت تيم
ادري بي مو كده طلع شارب قبل لا يجي
ماجنت ادري وهج مثل ماتيم ابنج ابني
اني هم
وهج: انتههه لوووو مااجيتتت وجعتنييي
جان انييي لحد هسسه موجوده بالانبارر
ولا جنت راححح افكرررر رجعلككككك
مارد تخبلت من شوفه اسكت اصرت اكسر
كلشي موجود بالغرفه وعيط بصوت ودموعي
تنزل لحد ماتعبت وكعدت على الركبي وضرب
على وجهي وغرمش بي ابظافري
اجى على ولزمني واني دفع بي وعيط
لحد مارفع ايده وضربني راشدي وعاط بيه
كافييييي عااااددد ليش هيججج تسويين
بنفسججج ادري تعبانه وهجج بسس
لاتضربين نفسججج
مارديت بس حضنته قوي وابجي
لمني لحضنه ويمسد على ضهري بهدوء
مر وقت واني بس الشهكه تطلع مني
وخرت راسي من حضنه وكمت جيت
واكع كام ولزم ايدي باوعتله دنك
راسه وطلع من الغرفه طلعت ورا
نزل هوه جوه واني رحت لغرفتنه
فتحت الباب جانت كايا كاعده وتباوع
على جهاز دمار ويمها جبس تااكل ابتسمت
ورحت تمددت على الكرويته وبقيت
صافنه بالفراغ احس احتى دموعي نشفن
ضايجه واحس بذنب شلون هيج حجيت
وياه
بس جنت معصبه مو قصدي هيج احجي
اعرف بي هسه زعل من عندي حقه
كامت كايا وجت يمي ااخذته لحضني
وبقيت ساكته
نفتح الباب ودخل دمار باوعلي وراح
على الكنتور طلع ملابس وراح للحمام
باوعت على ساعه بــ1 الضهر
ندك الباب وصوت زينب فتحته
ودخلت بيده صينيه اكل خلته على
الميز واجت واكف يمي
زينب: يلا اكومي اكلي يروحي مايصير
تبقين بدون اكل شوفي وجهج شلون
اصفر
وهج: تسلمين حبيبتي مااريد لاتعبين
نفسج بس خلي كايا تاكل
هزت راسه واخذت كايا كعدته وخلته
تااكل وطلعت من الغرفه غمضت عيوني
ونمت على الكرويته
كعدت ورا فتره على صوت كايا فتحت
عيوني باوعت على نفسي على جربايه
ودمار ماموجود وكايا كاعده على بطني
وتضرب بيه
وهج: شبيج ماما تريدين شي
ماترد بس تئشر على بطنه يعني جوعانه
باوعت على ساعه بــ 5 العصر
اخذته ودخلت للحمام غسلت وجهي
وجهه واخذته ونزلت جوه
رحت للمطبخ خليته على الكرسي
ورحت دورت على اندومي اخذت كيس
خليته. على نار وكعدت يمهاا واحجي
وياه
اجت ملاك ويڤان حضنتهم واجو كعدو
يم كايا رحت طلعت اندومي اخر وسويته
الهم كمل خليته كدامهم
ورحت كعدت بصاله يم بيبي وجدو جان
كاعد يمها باوعلي
شلونج ام كايا
وهج: جنت راح اكون زينه لو بعده تيم
موجود كدام عيوني جدو
لاتخافين اله مااتخذين حك وليدج
الله يرحمه طير بالجنه ان شاءلله
هزيت راسي ونزلت دموعي كل مااحد
يذكر اسمه كدامي ابجي مشتاقتله ماتعوده
ابقى كل هاي الايام بدونه
وهج: وين دمار
الله يعينه ماجاي يكدر يعوفه ويجي
حرام هيج يسوي جاي يعذبه بس ماجاي
يفهم
مادريت بقيت ساكته كمت راحت على كايا
مااكدر اعوفه وحده احس ذا عفته
راح تعوفني هيه هم
رحت للمطبخ باوعت ماموجوده طلعت
بسرعه وعيط ابسمه طلعت بره جانت
يم بره واكفه تلعب ويا ملاك ويڤان
رحت عليها بسرعه واخذته شلته
بحضني باوعتله وعطت بيها
وهج: لاتطلعيييين مره ثانييييه بدون
ماتكوليلييييي اسمعتييييي وانتيييي
ملاكككك لاتااخذيه وياججج افهمتييي
كامت تبجي كايا وتعيط اخذته ودخلت
للبيت جيت صعد فوك فززني صوت سجاد
باوعتله جان واكف باب الصاله
سجاد: شبيج وهج ليش تعيطين عليها
وهج: ماريده تطلع بره بنتي وبكيفيي
لحددد يدخللل
سجاد: عليش تعيطين عليه تره مو ابكدج
جاي احجي وياج مثل البشر
نزلت دموعي وحضنت كايا
وهج: اسفه بس مادري ليش اخايفه خليه
وحده وتروح من بين ايدي مثل تيم
اريد بقيها يمي وين مااروح
سجاد: حرام عليج اخيتي صار الاسبوع
وهيه مالعبه ولا طالعه مو زين اليوم
طلعت تلعب وياهم
وهج: مااكدر محد بيكم جاي يفهمني
عفته وصعدت فوك فتحت باب غرفه
تيم خليت كايا على جربايه مالته ورحت
على جربايه تيم وحضنت مخدته
وابجي احس اجت كايا وكعدت يمي
عباله زعلانه من عدها تمسح بدموعي
وهيه دموعه تنزل حضنته وامسحت
دموعي
وهج: لاتطلعين بعد بره ابوس ايدج
ابقي هنا يمي ماشي ماما
هزت راسه بــ اي شالته وطلعت من
الغرفه رحت لغرفتي تصالت على دمار
شوي ورد
الوو
وهج: وييين انته دمار ليش هيج
تاركني وحديي
اشش صوتج عليش معصبه صاير
وهج: سلامتك بس اريدك ترجعع للبيت
وين انته من الضهر لحد هسه
عندي شغل مااكدر رجع شنو تريدين
سجاد موجود وعمر هم
بلعت ريئگ وحجيت بهدوء
وهج: احجي عاد دمار وين انته
موجود بس اريد ابقى وحدي وهج لاترجعين
اتتصلين اله من تريدين شي ضروري
وهج: لاتعوفني وحدي دمار اريدك
يمي
ماعوفج للموت يمج اني بابا
باوعت على كايا تباوعلي وساكته
وهج: مر اسبوع وكايا ماتحجي شنو السبب
رجع واخذه للدكتور لاتخافين ماعليها
شي ان شاءلله بوسيله يلا راح سد
بعدني مارده عليه سد الاتصال بوجهي
اصغرت عيوني وباوعت على كايا
وهج: معقوله دمار يحبج اكثر من عندي
بس خلي يرجع ذا ماحركه ماتسمه وهج
ماردت بس اضحكت بصوت ابتسمت
ورحت حضنته وبوست خدوده
مر جم يوم ودمار ماشفته ولا يتصل
اله اني اتصال واسئل عليه يوميه
اتوسل بي بس احتى اروح على قبر
تيم بس يكول مايصير اله للربعينه مالته
اخلص طول النهار واني كاعده بغرفت
تيم وابجي وكايا صارت ماتطلع من الغرفه
بدوني تخاف من الصوات العاليه مرات
من احجي وياه دمار ونفع وياه بالكلام
وعيط تخاف وتبقى تبجي
احتى للحمام من دخل اسبح لزم تدخل
وياي ماتعوفني سجاد يجي ويجبله
حلويات ويتوسل بيها بس احتى
طلع وياه بس ماكو اتبقى ساكته
ومن يلح عليها تبجي
جنت كاعده بالغرفه وكايا كدامي
تلعب بالعاب مالته ندك باب الغرفه
خليت حجاب على راسي وكلت تفضل
نفتح الباب ودخل سجاد
سجاد: شلونه الحلوه اليوم
وهج: زينه بس بعده على وضعه
سجاد: اكومي غيري ملابسه احتى
نااخذه للدكتور دمار يكول
وهج: وينه هوه ليش مختفي ومايجي
احتى يشوفه
فرك وجها ورجع باوعلي
سجاد: عنده شغل مايكدر يجي
يلا اكومي هسه راح انتئخر حجزت
يم دكتور
هزيت راسي وكمت اخذه غيرت ملابسه
وملابسي وهوه نزل جوه عدلت حجابي
وشالته ونزلت
طلعت بره ورا صعدنه بسياره ويريده
بس تجي بحضنه بس ماتقبل
شغل السياره ورحنه للدكتور وصلنا
نزلت وشلت كايا قفل السياره سجاد
ودخلنه
كعدنه بالممر اننتظر دورنه شوي
وصاحو بسمنه دخلنا للدكتور
وحجينه على الصار وعن وضعه
فحصه وبقينى واكفين اننتظر
شنو يكول
مابيها شي لاتخافون كم يوم وترجع تحجي
ان شاءلله بس من الخوف ماجاي تحجي
افضل شي لاتضغطون عليها راح اكتبه
علاج وتروح تااخذو من الصيدلية
اكتبه علاج واخذنه وطلعنه فرحت لان
لان راح ترجع تحجي صعدنه بسياره
ورحنا للبيت
فتحت الباب ودخلت للبيت تلكتني بيبي
وهيه تسئل على كايا
وهج: لاتخافين بيبي مابيها شي راح
يرجع صوته
الحمدلله يمه الف الحمدلله والشكر ربي
ابتسمت وبست كايا نزلته من حضني
وجيت صعد فوك وخليه بس ابجت
ماتريد اتبقى يمهم باوعت على بيبي
اخذيه وياج يمه الله كريم ديري بالج عليها
هزيت راسي نزلت اخذته وصعدت فوك
فتحت باب الغرفه باوعت
جان دمار كاعد على جربايه وابيده
الابتوب باوعلي واني دموعي نزلت
نزلت كايا من حضني سديت الباب
وهوه كام واكف رحت اركض عليه
وحضنته وبجي
وهج: ليش عفتني مو حرام عليك تدري
بيه كلبي مايتحمل فراك شخص اخر
ليش هيج تحجي ماعفتج اني يروحي
موجود يمج
وهج: دمار مشتاقتله اريد شوفه والله
راح اموت
ماابقى بس كم يوم واخذج وداعت
عيونج بعد كل ماتريدين تروحين
احتى لو الساعه بــ 1 بليل هم اخذج
مارديت بقيت ساكته وحضنته قوي
باس شعري وخرني واخذ كايا وهيه
تصفك وتبوس بي اخله راسه بركبته
ويشم عطرها
ابتسمت ورحت اخذت ملابس غيرت
بسرعه ورجعت كعدت يما جان متمدد
على جربايه وكايا بحضنه
رحت يما وفتحت ايده الثانيه وخليت
راسي عليها
انتن كل حياتي الله يااخذ روحي قبل
لايفكر بيجن
وهج: لاتحجي هيج دمار عفيه
مارد اسكت وابقى يااخذ حسرات عرفته
مفتقد تيم من جان ينام على صدره
ويحضنه نزلت دموعي درت وجهي ونطيته
ضهري غطيت نفسي ودموعي تنزل بهدوء
مااريد يشوف دموعي
شوي وداار جسمه عليه حضني وخر
الغطه من راسي
ليش من تبجين تديرين وجهج من عندي
وهج: لا ماابجي بس اريد نام لان راسي
يوجعني
تكدرين تجذبين على كل اله عليه وهج
مارديت درت وجهي اله وحضنته
امسحت دموعي وغمضت ونمت
لليل كعدت فتحت عيوني باوعت
بالغرفه مااكو دمار وكايا بعده
متمدده وتباوع على باب
شفتني كعدت تقربت مني وحضنتني
امسدت على ضهره بهدوء وشلته
وهج: رجعي سوالفي ضحكي والله
جاي اموت الف موته من تبقين اساكته
ماردت بس تباوعلي اخذته ودخلت للحمام
غسلت وجهي وجهه طلعت من الحمام
اخذته ونزلت جوه
جانن جاي يجهزن العشه عفتهن
راحت للحديقه كعدت بالكاع على
اثيل وعيني تروح على مكان جانو
يلعبون بي قبل كايا وتيم
شنو انسه وانته ماجاي تطلع من تفكيري
ولا من بالي ربي اصبرني على افراكه
مرات الايام وتيم مافراك تفكيري كل
ماباوع على اركن بالغرفه تذكره شتاقيتله
وادي بس حضنه وشم عطره اريده ماجاي
اكدر على بعده دمار يجي للبيت ساعه
يشوف كايا ويرجع يطلع مايكلي وين
يروح بس يكول عندي شغل اسكت وعوفه
على راحته يوميه يتعب اكثر ولحيته مايزينه
ابد
مر على اموت تيم اشهر وعشر ايام
تجهزنه احتى نروح بهاذك اليوم مانمت
ابد بقيت للصبح كاعده وابجي
طلعت الشمس كمت اخذت ملابس ودخلت
للحمام اسبحت وامشطت شعري
ولفيت حجابي وكعدت على الكرويته
جان دمار ماموجود وكايا بعده نايمه
اصلآ مااخذه وياي اخاف عليها
شوي وندك الباب سمعت صوت
تبارك كمت فتحته بسرعه
شفتني واجت حضنتني بسرعه
تبارك: شلونج يروحي مشتاقتلج
وهج: مو زينه والله مو زينه تبارك
تعبانه اريد ابني
تبارك: اشش كافي حبيبتي لاتبجين
هسه راح تشوفينه ومتكده راح
يفرح من يشوفج
مارديت امسحت دموعي ونزلنه جوه
جانو كلهم مجهزين بس مريم راح
اتبقى علمود الجهال لان وحدهم
جانت كاعده بصاله وتبجي
رحت يمها وحضنته
مريم: بوسلي قبره وحجيله ان مااكدرت
زوره من ورا الحمل
وهج: ماشي يروحي كافي ابجي
لاتبجين مو زين عليج وديري
بالج على كايا
مريم: اخاف من تكعد تدور عليج وانتي
تدرين هيه هسه متعلقه بيج كلش
مو مثل قبل
وهج: مااكدر اخذه انتي تدرين ابوس
يدج لاتعوفيه من تبجي اتصلي بيه
مريم: ماشي من عيوني
اسكتت وخرت منه طلعت بره واكفت
انتظر دمار شوي واجى صعدت وياه
اني وتبارك وسجاد كعدنه اني وياه ورا
وهج: منو جابج صدك
تبارك: زين جابني وطلعو كدامنه كلته
اني اجي وياه وهج وافق اجي يمج
هزيت راسي واسكتت خليت راسي
على الجام وتذكر من جينه بهاذه الطريق
اخخ ياوجع كلبي شلون راح شوفك
وانته جوه التراب هم مشتاق لامك
مثل ماهيه مشتاقتلك
وصلنا للمقبره وجانت اكو هواي سيارت
قارب دمار وعمامي نزلت من السياره
اجى دمار واكف كدامي
شوفي شكد اكو عالم بنيتي لاتفقدين
ويوكع حجابج وداعت عيونج رجع جيبج
احتى لو بليل بس لاتعيطين بصوت عالي
كدامهم
باوعتله دموع بعيوني وحجت بصوت خافت
وهج: بس هاذه ابني صارلي اربعين يوم
ماشايفته دمار
ادري بس ذوله عيونهم واصخه
احتى لو انتي بهاي الحاله يبوعون
عليج لخاطري بنيتي
باوعتله ودنكت راسي وخر من كدامي
وراح لزمتني تبارك وشئرلتي يلا
امسحت دموعي ورحت واكفت
يم قبر تيم وباوعله بهدوء
اجت خالتي ام مريم وحضنتني
وتبجي باوعتله
وهج: خاله ابني جوه الكاع شوفي احتى
قبره اصغير ليش هيج راح وعافني معقوله
ماجان يحبني والله خاله تعبانه بدونه اريده
يمي اخذته المقابر مني راح تيم وبعد مايرجع
احتى بالحلم ماجاي شوفه
كعدت بالكاع وضليت ابجي وباوع على
قبره عمر واكف ويباوع ؏ قبر وبس
دموعه تنزل دمار كل شوي يمسح على
وجهه مايرد احد يشوفه يبجي سجاد
كانو اول مره يطلع البكلبه يحجي
بحركت كلب ويعيط طلع كلشي
بكلبه اجى يما عمر وحضنه ويبجي
كمت واكفت ورحت كعدت يم قبره
حضنته وبجي
وهج: رجعلييي وليييدييي ليشش متت
مااخذتنييي وياكك صارلك اربعين يوم
نايم وحدك خايف مو انته دوم راح
تكون موجود بكلبيي اخخ يروح امكك
انته والله ماجاايي صدك ان صدك
متت وعفتنيي
ماما كوليله خليي يكعدد انتي مو بيبيته
اكييد راح يسمع منجج صارلج اربعين يوم
وياه ماشبعتي من عنده رجعيليي ابني
يمه كافييي
والله تعبت وحيلي مهدود اخخخ ياتيم
ياروحح امكك انته رحت جوه التراب
وانته بعدك اصغير والله بعدك اصغير
ليش هيج فضلت الموت على ان تبقى
عايش وياه ماما
اكعدت وليدي اختكك ابقت وحده ماجايي
تحجيي مو جنتت تخاف من عدهاا تعال
يمه شوفهاا شلون صارت ضعيفه وكلمه
واحد يحجي وياه وتبجيي راحت اختك
الوكحه
اكوم شوف ابوك شكد مشتاقلك ماجاي
يعوفك لا ليل ولا نهار مانكسر كلبك عليه
يلا يمه اكوم اكعد وخلي نرجع لبيتنه
كافيييي اكووووو ليششش ماجااايي
تردد تيييم وليديييي
اجت تبارك وحضنتني وتبجي باوعتله
وهج: تذكريين شلون جنتيي فرحانه
من شفتييي وتكولين اريد اخذه
لبنتي من ازوج صار جوه التراب مافرحت
بي كسر كلبي وراح من ايدي
حسيت بدوخه قويه غمضت عيوني
ورجعت فتحتهن باوعت على دمار
شفته يباوعلي بخوف
كمت واكفت اجيت واكع بس لزمتني
تبارك بعده فقدت مااحسيت على شي
كعدت ورا فتره على ايد على وجهي
ابتسمت وبقيت مغمضه وحجيت
وهج: تيم حبيبي
مااكو رد فتحت عيوني شفته دمار
واني موجوده بغرفه بالمستشفى
باوعتله بستغرب جانت تبارك واكفه
ورا هيه وعمر وسجاد
وهج: شكو شصاير شسوي هنا اني
غمه عليج وجبناج بنيتي لاتخافين اني
يمج
مارديت رجعت راسي على مغده وغمضت
عيوني دموعي نزلت اتنهد دمار بصوت
شوي ونفتح الباب باوعت دخلت الدكتوره
شافتني وابتسمت اجت واكفت يمي
شلون تحسين نفسج هسه حبيبتي
وهج: زينه بس احس بدوخه راسي يوجعني
طبيعي حبيبتي لان انتي حامل بس
اكو مشكله بحملج......
----------------------
يتبع
توقعاتكم للبارت القادم
لاتنسون التصويت والمتابعه وتعليق
بين الفراغات علقو الف تعليق احتى
تصعد القصه وبس احبكم فرولاتي
🥺
لاتنسون التصويت والمتابعه وتعليق بين الفراغات علقو الف تعليق احتىتصعد القصه وبس احبكم فرولاتي 🥺❤✨
- يتبع الفصل التالي اضغط على ( رواية وهج الدمار) اسم الرواية