رواية وهج الدمار الفصل الحادي و الثلاثون 31 - بقلم ريو الطائي
بارت واحد والثلاثون
-وهج الدمار-
-الكاتبه ريو الطائي-
لاتنسون التصويت والمتابعه وتعليق
بين الفراغات علقو الف تعليق احتى تصعد
القصه احبكم فرولاتي ❤✨🥺
---------------
.
.
.
.
.
.
طبيعي حبيبتي لان انتي حامل بس اكو
مشكله بحملج عندج امضاعفات بلحمل
لزم تنتبهين لنفسج
بقيت فاتحه احلكي وباوعله حجيت بصوت
بي بغصه
وهج: ح.. حامل شنوو
باوعت على الدكتوره ورجعت تباوع عليهم
الكل اساكت باوعت على دمار اكو شبه ابتسامه
على وجها
اي حامل ماتعرفين بنفسج ليش
مارديت بقيت ساكته وباوع على دمار دموعي
نزلت رجعت غمضت عيوني
صاير شي حبيبتي ليش تبجين
عمر: لا مابيها شي بس لان فرحانه تبجي
دكتوره
ماشي لعد الف مبروك انتبهي على نفسج
ترخص منكم
طلعت الدكتوره والكل باوع عليه امسحت
دموعي
وهج: ليش هيج تباوعون ماجنت ادري بنفسي
حامل دمار ماريد طفال ماريييييدددده
شبيج شنو ماتردين تحجين صدك
وهج: ايي ماريييده هم راح يموت مثل
ماتيم ماات والله ماراح ايبقى مارييييده
مارييييده
احجي واضرب على بطني قوي وعيط
يباوعون عليه بصدمه ماتوقعو هيج
راح يكون رد فعلي
اجت عليه تبارك وحضنتني تحاول تهديني
دفعته مني واكمت اريد طلع من الغرفه
شلعت الكانونه من ايدي اجى دمار
ولزمني عطت بي بصوت
وهج: وخررررررر ماريييدد هاذه الطفللل
ماجااايييي تفهممم
اششش هدي مثل ماتردين بس لاتعيطين
اخلص نااخذ موعد يم غير دكتوره
واخذج الها تنزلنه
وهج: احلف بداعت تيم ماجاي تضحك
عليه دمار ابوس ايدك ماريده
اكتلج سوي التريدينه مالي علاقه بكيفج
انتي
عمر: شبيك دمار هاذه ابنك وهج الله عوضج
بطفل بمكان تيم ليش هيج تحجي
تبارك : حرام عليج خطيه هاي روح مالها
اذنب
بقيت ساكته وابجي دمار حضني ويحاول
يهديني باوع عليه وامسح دموعي وابتسم
من بين احزنه
لا تزعلين نفسج عندي ياج هم من كلشي
مو ضروري يكون عندي طفل غير كايا
بعد
ماجان موافق عمر على كلام دمار عفنه وطلع
من الغرفه وسجاد بس اساكت وباله مو ايمنى
اجى يريد يروح
.
تبارك: لحظا اروح وياك عادي اتوصلني لبيتنه
سجاد: اي يلا امشي دمار من تحتاج شي
اتصال عليه
هز راسه دمار اجت تبارك عليه حضنتني
وطلعت وخر دمار من عندي واكعد على كرسي
ويباوع عليه باوعت ايدي نزل من عدها
دم لان شلعت منها الكانونه
اخذت كلينس من الميز وخليته عليها
وهج: خلي نرجع للبيت دمار ماريد ابقى
هنا هسه كايا تدور عليه
ماشي يلا اكومي بابا
هزيت راسي واكمت احس بدوخه جسمي
نحلان اكفت على رجليه وباوعتله اكام
واكف وسندني طلعنه من المستشفى
خلاني بسياره ورجع
يااخذ وصفت العلاج رجعت راسي على
كرسي ودموعي نزلت شراح اسوي راح
نزل الطفل متئكد ذا ابقى يموت راح
رجع اخسره ماريد طفال غير كايا
اخخ تيم حبيبي يروح امك يكول
يعوض مكانه مايدري محد يكدر
يااخذ مكانك بكلبي وين رحت وعفتني
ليش مابقيت وياه امك لو بعدك اعايش
ياريت لو يرجع بيه الوقت وحضنك
واشم عطرك ابوس خدودك اضمك
بروحي وليدي
امسحت دموعي من شفت دمار طلع
من المستشفى صعد بسياره باوعلي
شبيج حبيبتي ليش تبجين
دنكت راسي حاول ماباوعله حجيت بتوتر
وهج: هاا.. لا مابيه شي بس افكر بــ كايا
مارد ابقى اساكت شغل السياره وحركه
خليت راسي على الجام وباوع على طريق
هوه يباوع عليه ويااخذ حسره ادري بي
ضايج لان اريد نزل الطفل بس اني ماريده
عدلت كعدتي وباوعتله
وهج: دمار انته موافق على قراري مو
عن شنو تحجين مافهمت
وهج: قصد على موضوع الطفل ان ماريده
ايبقى بين احشائي
يصير خير ان شاءلله
وهج: دمار جاوبني لاتحجي برود اكتلك
مااريد الطفل احجي ليش اساكت
باوعلي ورجع يباوع على طريق ويااخذ نفس
بضوجه وحجه
ليش دائما تسرعين تره انتي حامل حيصير
اشهرين مايصير تسوين كورتاج
وهج: وانته شدراك دمار لاتحاول تقنعني
كتلك ماريده احتى لو اموت نزله
اششش اخلص اسكتي ماريد اسمع
صوت بعدين نحجي
وهج: ماااكوووو بعديييين اسمعتتتت
كتلكككك ماريده
امسح على وجها ويستغفر يحاول يهدئ
نفسه ابقى ساكت وعينه بطريق احس
راح انفجر من شوفه مامعبرني اتنهدت
بضوجه
ورجعت باوع على طريق وصلنا للبيت اركن
السياره فتحت الباب ونزلت بدون ماباوعله
دخلت داخل جانو كلهم رجعين للبيت
رحت على مريم بالمطبخ جانت واكفه تجهز
الغده
وهج: مريم وين كايا
داارت وجهه عليه باوعتلي واجت سريع
حضنتني
مريم:شلون اصحتج زينه كالو اغمه عليج
وهج: لاتخافين مابيه شي عرج مايصيبني
كولي وين كايا
باوعتلي ماراضيه على كلامي حجت
مريم: فوك بغرفتج بس من اكعدت
ابجت هواي هسه يلا اسكتت صعدي
شوفيه
هزيت راسي وصعدت بسرعه على درج
بس جاني صوت من وراي باوعت شفته
دمار مخلي ايده بجيوب البنطلون ويباوعلي
بخزره
صعدي مثل البشر لا هيج تركضين
وهج: بكيفي معليك بيه اسمعت لاتدخل
هز راسه واجى صعد على درجع واكف
يمي على نفس البايه مالت الدرج وحجه
ماابقى هواي
باوعتله بستغراب ابتسم اتك خد وعفني
وصعد فوك فتح باب الغرفه ودخل بقيت
واكفه شقصده شنو راح يصير
بلعت ريئگ بصعوبه وصعدت فوك فتحت
الباب دخلت وسديته باوعت جان كاعد
على الكرويته وكايا كاعده بحضنه
وحضنته وتبجي وهوه يحاول يسكته
شافتني نزلت من حضنه واجت عليه
ابتسمت وندنكت وشلته باوعتله وجها
حمر من البجي
وهج: شكو ماما شبيج ليش تبجين يروحي
ماردت اخلت راسه على اكتفي وتناشغ
من البجي باوعت على دمار دنك وامسح
على عيونه
كام واكف راح على الكنتور طلع ملابس
وراح للحمام تنهدت بضوجه واصرت
افتر بالغرفه احتى اسكته
وهج: مو كافي دموع يانور عيوني انتي
اسكتت وبقت تباوعلي ابتسمت وخليته
على جربايه كعدته واكعدت يمها
رفعت ايدها وخليته على بطني
رفعت راسه تباوعلي بستغراب
وهج: شوفي حبيبتي هنا موجود اخوج
او اختج ماعرف ذا راح اجيبه للدنيا
لو لا بس اريدج ذا اجبته تديرين بالج
علي من يجي للدنيا راح يكون عمرج
اربع سنوات راح تكونين اخته الجبيره
ماترد بس تباوعلي نزلت دموعي تمددت
على ضهري وباوع بالفراغ تذكر تيم
حبيب كلبي اخخ اخذت حيلي يمه منو
يجي ويعوضني مكانك انته ماتتعوض
مااكو من عندك اثنين
تقربت كايا من عندي وفتحت ايدي وخلت
راسه على صدري وترضع بالملهه مالته
بسته من راسه ولعب بصابيعه
شوي وطلع دمار من الحمام هوه ينشف
بشعره راح اكعد على الكرويته واخذ الابتوب
ويشتغل بي بقيت باوعله وساكته رفع
راسه باوعلي
لاتفكرين بأشي وذا على موضوع الطفل
القرار لج وهج ماراح تدخل لاتشغلين بالج
وهج: يعني ماراح تزعل ذا سويت كورتاج
باوعلي ورجع دنك راسه وحجه
ذا انتي ماتريدنه شنو سوي
اسكتت مارديت وخرت كايا من
حضني شلته ورحت واكف يما
ماباوعلي ابقت عينه بالابتوب
وهج: العصر اروح وياه مريم على دكتورته
وسوي العمليه
هز راسه وابقى اسكت تنهدت بضوجه
وهج: اكوم خلي ننزل جوه كايا جوعانه
واني هماتين
ماجوعان روحي انتي
وهج: عفيه اكوم وياي شبيك جاي احجي
وياك ليش مامعبرني
رفع راسه خزرني وعاط بيه
ليششش تلحين كلت ماريييد سم
نزيت من صوته ورجعت ورا باوعت على كايا
نزلته من حضني
وهج: على شنو تعيط عليه تكدر ترد
بهدوء ماسويتلك شي تره ليش معصب
مارد ابقى بس يباوعلي دموعي نزلت
ماعرف ليش هيج صايره احساسه وابجي
على كلشي لزمت كايا من ايده وجيت
طلع من الغرفه اجى وراي ولزمني من
ايدي ماباوعتله بقيت مدنكه راسي
وابجي بهدوء مد ايده ورفع راسي
اجت عيني بعينه
اسف لان عليت صوتي عليج بس ضايج
لان راح تنزلين الطفل
وهج: ليش ماجاي تفهمني ماريده دمار
افكري مره ثانيه كايا لزمه اخ او اخت
هاذه عوض من رب العالمين لان خسرنه
تيم
كال اسمه واخذ حسره طويله امسحت
دموعي وخرت ايده شلت كايا وطلعت
من الغرفه وسديت الباب ماسمعت غير
تكسير قوي من الغرفه
ماهتميت نزلت جوه دخلت للصاله جان
الكل موجود رحت اكعدت يم مريم باوعتلي
وبتسمت اجت تااخذ كايا بس ماقبلت خليت
راسه بركبتي وتباوع عليهم
يمه صدك طلعتي حامل الف مبروك
باوعت على بيبي ودنكت راسي
وهج: ماله داعي تباركيلي لان راح
سوي كورتاج
شنو كرتش يمعزايه
مريم: بيبي اسمه كورتاج مو كرتش
هاي عمليه احتى تنزل الطفل
صخم بعينج ليش تريدين تموتينه هاذه
اليطير النعمه
باوعتله ومارديت دخل دمار واكعد يم
سجاد نزلت كايا من حضني وراحت يما
شالها واخله بحضنه ويبوس بخدوده
اسمعت مرتك شتريد تسوي راح تموت
الفريخ
باوعلي دمار وطلع الجهاز من جيبه واخله
ابيد كايا وحجه
اني موافق خلي تسوي التريده
ابو دمار: ابنك مات وهاذه ارزق من ربك
شلون تموتونه لو انته اتسمع كلام مرتك
هاذه شي خاص بيها واني مااريده تتعب
ماابقى هواي لدوامه اريد تصير دكتوره
وارفع راسي بيها
الحجي: محد كايل لاتكمل دراسته بس
الطفل شنو اذنبه
سجاد: هسه الموضوع خاص بينهم شعليكم
انجب انته حيوان من الكبار تحجي انته
تااكل خر*وتسكت
سجاد: تره مو اصغير ماشوفين شواربي
تف على هيج شوارب مثل شوارب الصخل
طاح حظك
سجاد: مارد عليج لان متربي مو م...
بعده ممكمل ضربه دمار على علاباته طفر
من يما وراح واكف يم شهم
سجاد: شبيك ماجنت اريد اكول شي
حيل بعد ايدي ايدك لو شالع اذانه جان
هسه احنى بخير
مارد اكعد وطلع الجهاز ويباوع بي ويرجع
يباوع على بيبي بتك عين
عفتهم ريد اروح للمطبخ كامت كايا
من حضن دمار واجت عليه تبجي باوعتله
وتنهدت بضوجه
اخذيه وياج اله مايجي يوم وترجع
مثل قبل مااتخاف
اي يمه بعده اصغير طبيعي تخاف اخخ
الله لايوفقك يالبالي من مو....
بعده ممكمله اكح دمار ويئشر لبيبي عليه
دنكت اخذت كايا وسويت نفسي مافهمت
قصده شلته ورحت للمطبخ
جانت مريم واكفه هيه وزينب بس
رسل مااكو
وهج: لعد رسل وين ونسام ماكو
باوعتلي مريم ورجعت تباوع على زينب
مريم: راحت رسل على اهلها ونسام هم
وهج: مااتذكر نسام قبل تروح لاهله وتبقى
يمهم هلكد من مات تيم لحد هسه مشايفته
زينب: طرده دمار من البيت رتاحيتي
يلا تعالي جهزي الزلاطه لاتبقين تسئلين
وهج: ليش طرده صار شي واني مادري
احجي
مريم: ماصاير شي وكافي احجي عفيه
وهج ماجنتي هيج تحجين قبل وتسئلين
اخذت نفس وزفرته بضوجه نزلت كايا
من حضني ورحت كعدت اثرم زلاطه
اجت كايا يمي ولزمتني من تراكي
باوعتله ونزلت دمعتي امسحته بسرعه
حاول اكون طبيعية بس مااكدر ماجاي
يطلع من بالي احتى لو دقيقه
كملت الزلاطه وجهزت المقبلات
وكايا وين مااروح وراي احتى اجت
ملاك احتى تروح تلعب وياها بس ماقبلت
خليته على راحته
جهزنه السفره شالت كايا وكعده بحضني
واكل بيها تذكر تيم من جان مايااكل اله
من ايدي لو من يجي يحضني من ضهري
لمسات ايده على خدودي ضحكته من
يشوفني كدامه اسنونه الحلوات عيونه
العسليات رموشه انظرات عيونه شعراته
اخخ ياروح امك وينك هسه اصرت جوه
الكاع احتى بالحلم ماجاي شوفك
ماشتاقيتلي ماما هواي مشتاقتلك انته
تدري هيه تحبك هواي مثل مااتحب
جدك وبيبيتك علمود هيج رحت وراهم
احتى تحرك كلبي اكثر
رفعت راسي شفت دمار يباوعلي ابقلق
كملت اكل واخذت كايا ورحت غسلته
وصعدت فوك فتحت باب الغرفه
دخلت وسديته خليت كايا على جربايه
ورحت للحمام توضيت ورحت لبست
الجادر وفرشت المصلايه واكفت اصلي
كملت اصلاه نزعت الجادر ورحت تمددت
يم كايا حضنته ودموعي نزلت كل مااحضنه
تذكر تيم من جان ينام يمي وحضنهم اثنينهم
امسحت دموعي شوي ودخل دمار يفتر
بالبيت بس بدون بلوزه بس بالهاينك
وجكاره ماتنزل من ايده وحده ورا الثانيه
اسد باب الغرفه وراح للحمام شوي وطلع
متوضي فرش المصلايه واكف ايصلي
كمل واجى تمدد صارت كايا بيناتنه
داار وجها مني وانطاني ضهره
اسكتت خليته على راحته شوي وفزني
صوته.
اخذتي علاجج
وهج: لا ماله داعي ذوله منشطات للحمل
واني مااحتاجهن
شوكت ناويه تنزلين الطفل
وهج: العصر نروح اني ومريم سجاد
راح يوصلنا للعياده مالتها
ماشي براحتج ياراحتي
وهج: لاتبقى دير وجهك من عندي
دمار مااحب هاذه اسلوبك وياي
جاي احجي وياج مستحيل تجاهلج
كتلج من قبل اني وياج بكل قرار تااخذينه
وهج: خوش ذا وافقت الدكتوره نزل
الطفل راح يحتاج لتوقيعك
ماعندي الشغل راح ابقى موجود بالبيت
وكايا راح اتبقى يمي احتى مااتعذبج
مارديت اسكتت وهوه ابقى دااير وجها مني
شوي ورجع حجه
ماابقى هواي لدوامج جهزي نفسج
وهج: لا ماريد داوم بعد مو جهزه هاي
السنه
مو بكيفج راح شوف كليتج باجر
وهج: شلون تريد داوم وابني مااصارله
غير اشهر وكم يوم من مات
يعني هسه من راح تبقين بالبيت
وماتداومين راح يرجع تيم للدنيا؟
مارديت اخذت حسره طويله وغمضت
عيوني شوي ونمت
كعدت العصر على صوت مريم
فتحت عيوني باوعتله ورجعت غمضت
وهيه تحجي بهمس ندستني ابزندي
مريم: اكعدي عاد راح انتخر مااكدر عيط
دمار نايم تف عليج تورطت ودخلت عليكم
باوعت على نفسي نايمه بحضن دمار وكايا
بعده نايمه على ايدي وخرت ايده من خصري
وخرت كايا ونزلت من جربايه
ومريم تكرص بيه وتجر بشعري لان من
وراي دخلت للغرفه
طلعت هيه واني اخذت ملابس ورحت
للحمام اسبحت سريع ولبست ملابسي
وطلعت اخذت الحجاب لفيته باوعت
على نفسي بالمرايه وخليت ايدي على
بطني
راح تسويه صدك وهج لاتتراجعين اخلص
عندج كايا كافي مو لزم يكون عندي غيرها
بس دمار يريد طفل
تنهدت بضوجه اخذت جهازي وجيت
طلع من الغرفه بس ستوقفني صوت دمار
راح تسويه صدك وهج
بلعت ريئگ بتوتر ودرت وجهي اله
وهج: ماعرف دمار متوتره
موضوع عادي لاتخافين بنيتي خليج
قويه
هزيت راسي وطلعت من الغرفه وسديت
الباب اخذت نفس وزفرته نزلت من الدرج
ورحت يم مريم
جانت واكفه بالباب باوعتلي
مريم: متئكده من هاذه قرارج وهج تره
مو لعبه
وهج: اشش مالج علاقه اعرف شجاي
تصرف لاتخافين
مريم: ماشي بكيفج يلا امشي سجاد
ينتظرنه بره
طلعنه بره جان واكف يم السياره
وصافن بالفراغ استغربت من وضعه
لان من ايام هوه بس يصفن
مااسئلته صعدنه بسياره وهوه ضايج
وكل شوي يدور وجها ويباوعلي
وهج: عفيه كول شبيك انظراتك جاي
توترني وكانو جاي اروح للموت
سجاد: رجعي افكر خطيه كايا لزمها اخ
وياه لاتصيرين نانيه احتى دمار هم يريد
طفل
وهج: محد بيكم جاي يفهمني اني
ماريده الله يرزقني بغيره ان شاءلله
مارد اسكت درت وجهي للجام وباوع على
طريق احس جزه مني يريد ابقي هاذه الطفل
وانسه تيم واعيش حياتي بس جزه الثاني
ماجاي يتقبل الفكره تيم مات ادري ماراح يرجع
بس هم مااكدر انسه
شوي وصلنا للدكتوره فتحت الباب ونزلت
ابقى سجاد كاعد بسياره ونزلنه اني ومريم
دخلنه داخل
كعدنه بالممر اننتظر دورنه احس نفسي
راح دخل للعدام مااعرف ليش متوتره
وخايفه يمكن لان اريد اسوي شي دمار
ماقبل عليه بس يسوي هيج احتى ماازعل
لو تنتكس حالتي
شوي وصاحو ابسمنه دخلنا اني ومريم
سوه شرحتها وضعي وان اريد نزل الطفل
كالت لزم سوي سونار اول شي احتى نعرف
عمر الطفل تمددت على سديه
خلت الجهاز على بطني وتباوع على شاشه
رفعت راسي باوعت ممبين منا شي داارت
وجها الي
حبيبتي مايصير تسوين كورتاج لان طفل
عمره راح يصير اشهرين وذا سويتي
العمليه راح تكون خطر على حياتج
وذا انتي نجيتي منها راح يضرر الرحم
مالتج
باوعت على مريم وبقيت ساكته اجت
مريم عليه وكومتني
مريم: لا يصير برحمج شي تنجبين وتسكتين
لاتخليني هسه اخبر دمار عليج
وهج: شبيج تره ماحجيه شي ماشوفين
اساكته
مريم: اعرف شنو يدور بعقلج ست وهج
يلا اكومي احتى نروح مااكو تنزلين الطفل
بعد
اسكتت ونزلت من السديه باوعت على
دكتوره
وهج: شلونها اصحت الطفل دكتوره
تمام بس لزم تنتبهين لنفسج زين مو
العصبيه الزايده لاتنقهرين على كلشي
راح اكتبلج مقويات احتى تصير اصحت
ابنج احسن
هزيت راسي وهيه اكتبتلي مقويات
اخذت الورقه وطلعنه من عدها ومريم
فرحانه لان مانزلته مااعرف احس ذا ابقى
راح يموت ماريد تعلق بي ويروح من بين
عيوني مثل تيم
طلعنه بره العياده رحنا للسياره صعدنه
وسجاد يباوع علينا طكته مريم بهلهوله
سجاد: شكو ليش تهلهلين شو مااتخرتن
عبالي راح تنامن جوه
مريم: لان مو لزم انبقى وهج ماراح تنزل
الطفل لان مايصير راح يصير اله حمل
اشهرين
سجاد: الحمدلله جان هاي الخبله هسه
منزلته مداج شكد غمه
باوعتله اصفح ورت وجهي من عنده
شغل السياره واني خليت ايدي على
بطني احس اني هم ماريد نزله شعور
متناقض ماعرف شنو اريد بالضبط
واكف سجاد يم محل راح جاب جكليت
واجى رجع شغل السياره ورحنا للبيت
وصلنا للبيت نزلت
دخل سجاد واحنى ورا وهوه يهلهل
ويطش جكليت عليه واكف بصاله
باوعله وضحك
نزل دمار من فوك هوه شايل كايا
اجى واكف يمنا ويباوع على سجاد
بستغراب
عليش تهلهل شصاير
سجاد: مرتك ماسوت العمليه وابنك ان شاءلله
راح يجي للدنيا بعد شجم اشهر
بيبي اهلهل واخذت الجكليت من سجاد
وتشمره عليه اجت وحده بعيني خزرت
سجاد
وهج: كله منك شكو تجيب جكليت عيني
راحت نعميت
سجاد: مداج يالغمه شتريته بخمسه بس
انتي ماتستاهلين
باوعتله بتك عين ورجعت باوع على
دمار يباوعلي وابتسم مامتفاجئ وكانو
يعني هاذه راح يكون جواب الدكتوره
استغربت
اجى عليه وباس راسي استحيت لان
كدامهم اخذت كايا من عنده وكعدت
على الكرويته
والكل اكعد ويسوالف اجى عمر جان
طلع بره ماشوفه متواجد هواي بالبيت
اجى اكعد على الكرويته ويباوعلهم
سجاد: شراح تسمي ابنك دمار ذا اجى
للدنيا
خلي يجي هسه ويصير خير ان شاءلله
سجاد: انتي يالغمه احجي لان مبين دمار
يخاف من عندج
انجب لا اجي كسر راسك حيوان
وهج: ذا بنت كيانا وذا ولد راح اسمي
محمد
باوعلي دمار اصفح ورجع يباوع على
جهازه ابتسمت وباوعت على سجاد
سجاد: مداج ام حلك والله حلوات وانته
ستاذ عمر شنو راح تسمي ابنك
رفع راسه باوع على سجاد وباوعلي
عمر: ذا ولد راح اسمي تيم
باوعتله وبقيت ساكته دنكت راسي
اخذت كايا وطلعت من الصاله صعدت
فوك خليت كايا بالكاع ورحت طلعت
ملابس الي غيرت سريع ورحت تمددت
على جربايه
تيم مات وصارو يسمون على اسمه
بس راح يرجع يتردد اسمه بالبيت
هاذه احلى شي ممكن يصير
نزلت دموعي ربي والله تعبت
اريد ارتاح ليش مامكتوبلي
الراحه
امسحت دموعي من اسمعت صوت على
درج تغطيت وغطيت كايا وطلعت الجهاز
نباوع بي دخل دمار باوع علينا واجى
تمدد وراي وابقى اساكت واني هم مااحجيت
شي بقيت باوع على جهاز
شوي وحسيت بي اخلي ايده على خصري
سحبني اله توترت حاولت واخر ايده بس
مااخلاني
ليش زعلان وهج روحي
وهج: دمار انته فرحان لان ماصارت العمليه
احس انته تعرف ان ماراح يصير سويه
اسكت شوي واخذ نفس عميق وحجه
اني مو كتلج اسئلت الدكتوره وكالت
مايصير تسوي كورتاج بس انتي
ماتذكرين يمكن
وخرت كايا من حضني خليت راسه على
مخده درت وجهي اله باوعت بعيونه
وهج: دمار احبك لاتعوفني انته وكايا
كل حياتي
ابتسم وحضني قوي على صدره اخذت
نفس من عنده وحضنته من ركبته
احبج ياوهج روحي انتي
اسكتت بس باوع بعيونه قرب وجها
مني وباس خدي اعصر خصري قوي
ومقربني اله اكثر اخله راسه بركبتي
يااخذ نفس طويل
فززني دكت الباب باس أركبتي
وخر نزل من الجربايه وراح على باب
فتحه ماشفت منو اجى حجه وياه
دمار شوي ورجع اسد الباب وراح يلبس
ملابس الدوام باوعتله بستغراب
وهج: وين تريد دمار الدنيا ليل راح تصير
شسوي طالع هسه
حجه بدون مايباوعلي
عندي شغل مهم بنيتي مااتئخر ان
شاءلله
وهج: شنو من شغل هسه احجي وين
رايح
لاتلحين كلت عندي شغل شبيج ماتسمعين
خزرته وعطت بي
وهج: شنووو تلحين مااكلتت شيي
بس اريييد اعرف ويين اكو شغل باليل
باوع عليه وامسح على وجها ايستغفر
بدينا برحمت الله بعدج بدايات الحمل
بعدين احتى للحمام ماتخليني اروح اله
تعرفين شنو اسوي
مارديت اسكتت وهوه اخذ السويج
والجهاز اجى يطلع من الغرفه رجع
باوعلي وشمرلي بوسه وطلع
شكد جنت معصبه من عنده بس بهاي
الحركه ابتسمت لا رادين رجعت
تمددت واخذت كايا لحضني جعصته جعص
شوي ودخلت مريم ابيده صينت اكل
كعدت عدل باوعله
وهج: ليش تعبتي نفسج يروحي مو زين
عليج صعدت الدرج
مريم: عادي بس ردت نااكل اني وياج
سويه وكايا ويانه
ابتسمت واخذت كايا ورحت كعدت يمها
اني مالي نفس اكل بس كعدت واكل بــ
كايا وسوالف وياه مريم
وهج: تعرفين منو اجى دمار باب الغرفه
علينا قبل شوي
مريم: اي سجاد كال عدهم شغل
طلعو اثنينهم وعمر راح وراهم
وهج: شنو عدهم وليش طلعو مستعجلين
ياتره
مريم: مااعرف ليش اتسئلين لاتدخلين
بيهم وهج
باوعتله اصفح ورجعت واكل بــ كايا
كملت اكل اخذته اغسلت وجها ورجعت
خليته على جربايه
وبقيت كاعده سوالف وياه مريم
شوي واخذت الصينيه ونزلت جوه
نومت كايا ورحت كعدت على الكرويته
انتظر دمار يجي مر وقت طويل وهوه
مااكو صارت الساعه بــ 1 بليل وماكو
اتصلت عليه مااجاوب اضليت بقلق
كل شوي رجع اتصال بي لحد مااغلق
الجهاز فورت من عصبيه لان مايرد عليه
كمت فتر بالغرفه تنهدت بصوت وطلعت
من الغرفه جان البيت كله ضلمه طلعت
بره بالحديقه اكعدت انتظره صارت الساعه
بــ 2 ونفتح الباب ودخلو رحت واكفت
يمهم باوعلي دمار
شعندج كاعده لحد هسه شكو
وهج: انته اكول شكو ليش ماتجاوب
على اتصالاتي الساعه بــ 2 وينكم لحد
هسه
ضحك عمر وباوع على دمار
عمر: احتى امنه ماجانت هيج اتسئل
علينا واتنتظرنه مثلج
كال هيج وراح داخل باوعت على سجاد
وهج: جاوب انته وين جنتو لحد هسه
شنو من شغل هاذه
سجاد: اني شكو اسئلي زوجج شبي اخذنه
وياه على بيت دعاره
باوعتله بصدمه وهوه اشئر على دمار
ودخل جوه اركض باوعت على دمار
واني فاتحه عيوني
شبيج تره يجذب تدرين بيه ماعندي هيج
سوالف
وهج: دماررررر
وجع بكلبي صوتج ناس نايمه اسمعي لج
شنو جايه تحسبيني جان عندي شغل
وهاي هيه وهسه امشي نصعد فوك نام
خزرته وكعدت بالكاع وباوعله
وهج: وهاي كعدت بالكاع والله مااتحرك
لحد ماتكلي وين جنتو
امسح على وجها ابيئس ورجع يباوعلي
جود باجر المحكمة مالته حبيت سويله
جرت اذن قبل لا ينحكم
وهج: ه.. هاا شسويت دمار فدوه لاتوكع
نفسك بمشكله البينه مكفينه
سويت عادت تجديد الشكله جم ضربه
وكم ابوكس وهاي هيه ولو مابرد كلبي
بس مااكدر اسوي اكثر علمودج جان هسه
من زمان موته بيدي
وهج: دمارررر انته اتضرب بس جم ابوكس
جاي تضحك عليه
امشيي هسه ولاتدخلين صايره ماتنحملين
راسج راس المطي
خزرته وكمت واكف تقربت من عنده واخذت
ايده وهوه يباوعلي وكاانو يعرف شراح
اسوي ابتسم وابقى اساكت
اخذت ايده وعضيته قوي لدرجه اسنوني
طبكت بعض وخرت من عنده باوعله
جان امغضم عيونه من الوجع
وهج: احتى مره ثانيه ماتحجي عليه جنك
ثور افهمت
باوعلي واجى يلزمني شردت من عنده
ودخلت جوه وهوه يمشي وراي ويشرب
جكاير
صعدت فوك فتحت باب الغرفه
شفت كايا كاعده وتبجي وتدور عليه
بالغرفه رحت عليها سريع وشلته
دخل وراي دمار باوعله واجى اخذه من عندي
شكو شبيج بابا انتي شلون تعوفيه وحده
ماعندجج اعقل مو تدري بيهاا تخاف
وهج: تره جانت نايمه شدراني راح اتكعد
لاتبقى تعيط عليه
اسكتييي وهجج لاتخليني تخبل عليجج
هسه مايكفي تيم الراح جوه الكاع تره
كايا بعده مريضه مالزم تعوفيه وحده
وهج: واني شعليه بموت تيم ليش هيج
تحجي وياي دمار مالي علاقه تره
اششش ماريددد صوت انتي بس تدورين
مشاكل
باوعتله واسكتت مارديت كعدت على جربايه
وباوعله شلون يسكته هوه شايله ويفتر
بالغرفه لحد مارجعت نامت اخله على
جربايه وغطه باسه من راسه وراح
على الكنتور طلع ملابس
اخذهن وراح للحمام باوعت على كايا
ورحت تمددت يمها حضنته
وغمضت عيوني ونمت
مر جم يوم الوضع هدوء كل يومين يااخذني
على قبر تيم ابقى كاعده يما بالساعات ابجي
وطلع كل البكلبي وعبر عن شتياقي اله
بده الدوام وجهزت نفسي معا ان ماريد داوم
ولا الي خلك بس دمار جبرني رجع كايا
بعده على وضعه ماتريد احد بالبيت
وين ماروح وراي ماتعوفني ابد من يجي
دمار من الشغل تروح يما بس ماتطول شوي
وترجع يمي
معا ان قبل ماجانت هيج قرب عيد ميلاد
كايا وجنت كلش حزينه لان راح يصير عمرها
ثلاث سنوات بالضبط بس تيم ماراح يكون
موجود وياها بهاذه اليوم دمار بين يوم
ويوم يروح يما بليل مايرجع للصبح
عمر مايعوف قبره ابد يكمل شغله ويروحه
يكول من ماروحه احس نفسي مخنوك عاد
اخلو على راحته
جود تئجلت القضيه مالته ودمار يريده
ينحكم عدام كال اسوي كلشي بس علمود
يخلص كل عمره بسجن ذا مانحكم عدام
اليوم اول يوم الي راح داوم بي جنت كلش
متوتره وخايفه نمت من وقت وكعدت
الصبح على صوت دمار
كمت اغسلت وجهي وغيرت ملابسي
طلعت لبست حجابي باوعت على نفسي
وجهي ذبلان تحت عيوني اسود شفتي
ابيضه تنهدت بحسره بالي يم تيم اليوم
لزم بعد الدوام روحله كلش فرحانه لان
راح احجي وياه صح ماشوفه بس على اقل
طلع كلشي بكلبي
جان دمار واكف يمشط بشعره باوعتله
وهج: دمار وكايا شلون منو راح ايبقى يمها
مااكو غير ان اخذه وياي للدوام
وهج: شنووو وين تااخذه لا عيني مااخليه
تدخل للمركز
لعد شلون نخليه يم ام مريم
مارديت بقيت ساكته وعيني بيها
نايمه وشعره كله على وجهه ابتسمت
ورحت وخرت شعره عن وجهه
وهج: خليه هناي يم مريم ذا مااسكتت
راح ابقى اخذه وياي للدوام
ماراح تركزين بحضراتج
وهج: ماعندي غير حل دمار
مارد اسكت طلع من الغرفه نزل جوه
اخذت الجنطه والجهاز ونزلت ورا
جانو الكل كاعد يتريك دمار واكف
وعينه بجهاز وبيده جكاره وعاكد حواجبه
وهج: صباح الخير
صباح النور
تعالي يمه تريكي قبل لاتروحين
وهج: لا بيبي مالي نفس بعدين اكل
مو زين فريخج يبقى بدون اكل
شايفه نفسج شلون صايره جنج
عود ماسحه
باوعت على نفسي ورجعت باوعله
وهج: عفيه بيبي لاتتنمرين عليه شعليه
ذا هوه هيج جسمي
يلا امشي وهج راح انتئخر
هزيت راسي وهوه طلع كدامي طلعت
ورا صعدت بسياره شغله وباوعلي
راح اروح وياج للدوام احجي وياه العميد
علمودج
باوعتله بستغراب
وهج: شلون يعني
احتى لايتعبونج بالمواد ذا حسيتي
نفسج مو تمام اخابريني بأي وقت
بقيت باوعله وساكته تقربت من عنده
وبسته بخده وخرت ابتسم وابقى يباوع
على طريق
وصلنا نزل واني هم نزلت جنت كلش
خايفه ومتوتره بشكل كلش جبير
باوعت على دمار شفته يباوعلي لزم
ايدي ودخلنه والكل يباوع علينا
ماعرف ليش خجلت هوه ولا هامه
دخلنا لغرفت العميد ويمكن جان يعرف
دمار لان بسرعه كام من الكرسي وكام
يسلم عليه
اكعد دمار وشرلي اكعد كعدت وبقيت
ساكته واسمعه شلون يحجي وياه وان
يريده يحجي وياه الدكتور احتى يراعي
ضروفي
تسالم وياه مره ثانيه ولزم ايدي
وطلعنه من عنده واكف بالباب باوعلي
ركزي بمحضراتج حبيبي ولاتفكرين
بغير شي وانتبهي على نفسج
هزيت راسي وهوه اعصر ايدي قوي
باسه وراح بقيت باوعله وهوه يمشي
وشلون البنات يباوعله
اسئلت البنات على القسم مالتي ورحت
مر اليوم عاد مابي شي ماحجيت وياه
احد ولا ردت اكون صداقات كتفيت
بنفسي من صار عندنه بريئك رحت
للحديقه
طلعت صورت تيم وبقيت كاعده وابجي
مشتاقتله مو بيدي راح يصير على اموته
شهرين ونص
اخلص الدوام ورحت واكفت بره انتظر
دمار اجى ولد واكف يمي باوعتله ودنكت
راسي ابقى اسكت شوي وفززني صوته
مرحبا عادي اسئلج سؤال
رفعت راسي باوعتله
وهج: مراحب تفضل اخويه محتاج شي
باوع بعيوني وحك شعره ورجع حجه
قبل شويه ليش جنتي تبجين بالحديقه
ولو تدخل من عندي بس محتاجه مساعده
جيت رد شفت سيارت دمار واكف ونزل
الجام ويباوع علينا متت بدمي باوعت
على ولد
وهج: لا مابيه شي ولا محتاجه مساعده
شكرآ سؤالك بس هسه لزم اروح
بعده مارد عفته ورحت على دمار فتحت
باب السياره وصعدت ابقى واكف ويباوع
على ولد بلعت ريئگ بتوتر داار وجها
الي وعاكد حواجبه حاولت غير الموضوع
وهج: شلونك حبيبي
منوو هاذه ست وهج
درت وجهي باوعت على ولد بعده واكف
بمكانه رجعت باوع على دمار
وهج: ماعرفه بس جان يسئلني على
دوام لا اكثر
يعني ترك كل واجى يسئلج انتيي
من كلل عقلججج تحجييين
خزرته وعدلت كعدتي باوعتله
وهج: وشبيه اني احتى مايسئلني
عفيه دمار هاذا اول يوم الي ليش
ماترتاح اله نتعارك
انييييي لوووو انتيييي وهجج
جري عدللل احسلججج ماعندييي
انيي تحجيين وياه هاذه وغيره ولددد
مااكووو لو تنكلب الدنياااا ماتحجيين
وياهمممم اسمعتيييي
وهج: لا عبالككك من تعيططط راح اخاف
مو طفله احتى هيجج تحجي وياي اني
هسه مره مزوجه مستحيل قبل احجي
وياه غيرك بغير نيه
اششش صوتجج ماتعلينااا عليه افهمتييي
وحك كلام الله ذا ماتجرين عدل خلي
راسجج جوه السياره ودعسه
وهج: انته شنوو شبيك مليت من هاي
الحاله ماعندك غير العياط وصوت العالي
تره مو طفله كدامكك
اخلص اسكتي ماريد اسمع صوتج
انتي مايفيد وياج اله احبسج بالبيت
وهج: مالي خلك دمار خلي نروح للبيت
راسي يوجعني وبالي يم كايا
خليت راسي على الجامه وغمضت عيوني
هوه شغل السياره ويمشي كل سرعته
هزيت ايدي بدون ماينتبه وغميته
وصلنا للبيت فتحت الباب ونزلت ركعت
باب السياره قوي ودخلت داخل ودمار
نزل يمشي وراي ويسب بيه بينه وبين نفسه
ماهتمت جانو الكل كاعد يتغده سلمت عليهم
ورحت على مريم بالمطبخ
وهج: ولجج بنتي وين
مريم: اجت نزلت هنا ولعبت شوي
وياه ملاك ورجعت كعدت بصاله تنتضرج
شوكت تجين وهسه صعدته فوك
وهج: ماشي راح صعد شوفه واسفه
اخاف تعبتج
مريم: انجبي وذا تعبني هاي جنتي
ابتسمت وصعدت فوك فتحت باب الغرفه
على كيف جانت كاعده وتباوع على جهاز
مريم رفعت راسه باوعتلي وضحكت
دخلت وسديت الباب وهيه اجت عليه
شالته وبوسته من خدوده
وهج: اخخ اموت على بنات اني من دمار
يروحلج فدوه اجنه ثور بس يتعارك
كايا: بابا
باوعتله بصدمه كعدت بالكاع واني
باوع عليها دموعي نزلت خليت ايدي
على احلكي مامصدكه كايا رجعت تحجي
وهج: شو كولي ماما يلا بنيتي
كايا: ماما حبش( ماما احبج)
حضنته قوي واكمت افر بيها بالغرفه
وضحك هاي اول مره ضحك هيج بعد
موت تيم كل شوي باوعله ورجع حضنه
اخذته وفتحت الباب الغرفه ونزلت
جوه جانو كاعدين بصاله يشربون
جاي دخلت عليهم
شبيج يمه ليش تبجين
وهج: بيبي كايا رجعت تحجي يمه
مامصدكه رجعت بنيتي تحجي
باوعله دمار وضحك اجى اخذه من
عندي ويحضن بيها وسجاد يهلهل
اجى اخذه من دمار
وشاله يفر بيها ودمار يعيط علي
يخاف يوكعه بس هوه ولا امهتم
كلها فرحت لان رجع صوته
حمدت ربي وشكرته لان رجع صوته
ماراح تبقى طول عمره بس تئشر
احتى نفهم عليها
خليته يمهم وهيه من حضن لحضن
صعدت فوك واني فرحانه
اخذت ملابس ودخلت للحمام اسبحت بسرعه
وطلعت جان دمار واكف يم الكنتور يطلع
ملابس ماهتميت كعدت امشط بشعري
هوه اخذ ملابسه ودخل للحمام وهوه
ينافخ كملت تمشيط وسويته ظفيره ورحت
تمددت على جربايه خليت ايدي على بطني
ماجنت متوقعه راح احبك ولا جنت اريد
احبك احتى ماتعلق بيك بس هسه احس
بحساس غريب وحلو تجاهك ماعرف
سواء كانت ولد او بنت بس راح تكون
عوض ربي الي بمكان تيم
صحيح ماراح تااخذ مكانه بكلبي
بس هم وليدي وعزيز عليه
جنت احجي وياه ومغمضه عيوني
فزيت على بوسه بخدي فتحت عيوني
خزرته ودرت وجهي
حبيتي مو لعد اني مو زوجج ماتحبيني
وهج: لاتحجي وياي دمار بعدني زعلانه
ليش تخليني كسر هاي المزهريه براسك
خوش احجي كومي كسريه ماراح منعج
وداعت عيونج
وهج: هسه كلبي محمل عليك لاتحجي
وياي احتى مااغثك وخر منا مو عيب عليك
تسمع عليه اني وابني
اخخ غير احبج وريد اعرف بشنو تفكرين
ممنوع تفكرين بغيري احتى لو ابنج
مارديت بقيت ساكته مد ايده وداار وجهي
اله اجت عيني بعينه ابتسم وقرب وجها
وباس خدي
وهج: جاي تقشمرني بهاي البوسه وخر
تره ماارضه اله تسوي الريده
كام واكف ونزع القميص وهز راسه بــ لا
واجى طلع بره كمت واكفت وزلمته
من ضهره
وهج: عليك الله والله مخونكه هنا خلي
اروح بس اسبوع ابقى هناك رتاح ورجع
داار وجها الي ولزم وجهي باأثنين
ادينة
وداعت زراك عيونج اذني مااكدر خليج
تروحين بعيدمن عندي
وهج: فدوه حباب والله ضايجه هنا
عليك الله وافق ذا تحبني
هز راسه بــ لا وخر مني وراح تمدد على
الكرويته تففئت بضوجه ورجعت
تمددت على جربايه ونفتح الباب
ودخلت كايا ابتسمت وفتحته حضني
اجت وتمددت درت وجهي اله
وهج: حبيبتي اكلتي لو اروح سويلج
اكل
كايا: تليت تومي (كليت اندومي)
وهج: الف عافيه يروحي انتي اخخ
اروح فدوه لهاذه صوتج الحلو
حضنته قوي وغمضت عيوني ونمت
كعدت العصر على صوت كايا فتحت
عيوني باوعتله جانت كاعده على
بطن دمار وتضحك ابتسمت على
ضحكته فتحت ايد دمار ونمت عليها
وباوع على كايا
وهج: يلا دمار اكوم راح انتئخر
مو زين تروحين للمقابر لان انتي حامل
ليش ماجاي تسمعين من عندي
وهج: والله مااكدر ذا ماحجي وياه وتطمن
عليه صدك مايسمعني بس على اقل احس
بوجوده يمي
اخلص بكيفج هم شي راحتج حبيبي
يلا اكومي احتى نروح
هزيت راسي وكمت من يما اخذت
كايا احتى تروح ويانه غيرت ملابسي
وملابسه عدلت حجابي
هوه نزل كدامنه واني شلت كايا ونزلت
وراء طلعنا بره صعدت بسياره وخليت
كايا بحضني شغل السياره ورحنا
وصلنا واكف السياره نزلت ولزمت كايا
من ايده وصلت يم قبره ودموعي نزلت
عفت كايا ورحت حضنته
وهج: شتاقيتلك يروحي انته شلونك
جوه الكاع هم مشتاق العائلتك كلنا
مشتاقين لشوفتك هاي اختك كايا
شوفه رجع صوته وان شاءلله راح
ترجع مثل قبل تحجي وتلعب بس
انته ليش ماترجع لعد اروحلك فدوه
وليدي اخخ يروح امك انته
وخرت من قبره وشئرت لكايا تجي
يمي اجت وكعدت بحضني رفعت ايده
وخليته على قبر ودمار واكف وراي يباوع
وشرب جكاير وعيونه حمر
وهج: شوف هاي ايد اختك هيه هم مشتاقتلك
ليش عفته ورحت هسه ماعدها احد تلعب
وياه ولا تتعارك وياه رجع وليدي امك
رجعت لدوامه وان شاءلله تصير دكتوره
وتفتخر بيها بس حياتي هسه نقصته
انته حبيبي تيم راح يصير عندك اخ
جديد شلون راح يكون رد فعلك
لو بعدك عايش تعرف راح يصير
عندك اخ اكوم وليدي بس خلي اشمك
مشتاقتلك هواي يروحي انته
بقيت كاعده واحجي وياه مااخليت
شي ماسوالفته اجى دمار وكومني
باوعتله
يلا اكومي تئخر الوقت مو زين
تبقين هنا وانتي حامل
وهج: بس شوي الله يخليك مشتاقتله
صار يومين ماجايه شبيك
والله اجيبج احتى لو باجر بس هسه
امشي لاتعاندين وهج
اسكتت رحت يما وبست قبره باوعت عليه
كايا وهيه هم باسته وحجت
كايا: تم هبك ( تيم احبك)
امسحت دموعي وبتسمت باوعت على
دمار شفته يباوع عليها وعلى قبر تيم
شالته بوسته من خدوده
وهج: يلا بنيتي كول باي لتيم
ضحكت وصارت تسوي باي ابيده
رحت كدام دمار للسياره وهوه وابقى
واكف يم قبر تيم
رحت كعدت بسياره ودموعي تنزل
مر شويت وقت واجى دمار لبس انظارات
احتى ماشوف دموعه درت وجهي للجام
وهوه صعد وحرك السياره
نزلت الجام وهوه بارد يجي غمضت عيوني
واحس بحساس حلو لان حجيت
وياه تيم فتحت عيوني باوعت على
كايا
مسويه مثلي ومغمضه عيونه ضحكت
وباوعت على دمار باوعله وابتسم
صايره ماتريد ابوها ماجنت هيج
وهج: اله ماترجع مثل قبل حبيبي
لا تشغل بالك
جاي تضايقج من اتبقى طول اليوم
لزمه تراكج وتفتر وراج
وهج: لا عادي اصيرين اني وكايا مثل
الدجاجه وكتكوته
ضحك وباوع على كايا ورجع
يباوع على طريق واكف يم محل
نزل واسد باب السياره ودخل للمحل
شوي وطلع ابيده كياس حلويات
فتح باب السياره وخله الكياس ورا
وطلع موطه لكايا والي وشغل السياره
فتحته لكايا وباوعت على دمار
وهج: مو اطيبه هاي الموطه حبيبي
باوعلي وعض شفته ورجع يباوع على طريق
عندي موطه اطيب من عدها تريدين
منها
وهج: ليش هيج نيتك مو اصافيه
بعد يومين للمحكمت النذل وهج
باوعتله وبقيت ساكته كل ماينذكر موضوعه
احس بخوف ماعرف شلون واصف شعوري
وهج: دمار اخايفه ماينحكم غير شكم
سنه
لاتخافين اقل شي راح تكون فوك
12سنه
هزيت راسي ومارديت وصلنا للبيت
نزلت وباوعت على دمار
وهج: ماراح تنزل حبيبي
عندي شغله اخلصه واجي لاينشغل
بالج انتبهي على كايا ودرسي زين
هزيت راسي وهوه رجع شغل السياره
وراح لزمت ايد كايا واخذت الحلويات
ودخلت للبيت جانت الساعه بــ 6
المغرب رحت لغرفتي توضيت وصليت
ونزلت جوه اساعدهن بالعشه وكايا وراي
تفتر الكل يضحك عليها لان وين ماروح
وراي احتى ذا شرب مي هيه هم تروح وياي
تعشينه وكملنا ودمار مااكو مااجى
نضفت وياهن المطبخ واخذت كايا
وصعدت لغرفتي اجت مريم يمي
احتى تدرسني
كعدت على الكرويته ومريم كدامي تدرسني
مر وقت طويل واحنى كاعدين
رن جهازي اخذته ورديت
وهج: الوو اها حبيبي وينك
موجود جوه بالحديقه نزلي هنا
يمنى وذا كايا بعده كاعده جيبها
سديته بدون لارد كلت لمريم واخذت
كايا ونزلنه ورحنا للحديقه جانو
كاعدين هوه وسجاد وعمر رحنا
يمهم وكعدنه على كراسي وسجاد
اخذ كايا مني صارت تتقبله نوعآ ماا
عمر: يلا احجي شنو تريد من وهج
تحمحم سجاد وباوع عليه وحجه
سجاد: اريد تقدم لبنت عمج
باوعتله وضحكت لان اعرف بي يحبه
هاذه جان توقعي
وهج: قصدك نور كتلك هيه كملت دراسته
سجاد: لا ماريد نور اريد تبارك هاي البنت
دخلت بكلبي وتربعت بي
وهج: شنووووو
سجاد: ومرض شبيج طاح حظج فززتيني
باوعت على دمار شفته يباوعله ويبتسم
ماجنت اعرف شنو جاي يدور بعقله
ومريم بس فاتحه احلكها وتباوعله
وهج: مو جنت تريد نور شنو لغير رئيك
ستاذ سجاد
سجاد: انجبي شنو احب اخت مرتي هاذه
الكلام جان قبل هسه اني اريد بس تبارك
اخخ اموت عليها
وهج: براحتك هيه مكمله دراسه بس
بعده مامتوضفه
سجاد: مو امهم اخوي موجود غصبن
عليه يوضفها
باوعله دمار اصفح وابقى اسكت
ابقينى كاعدين ونحجي ونخطط
كال باجر نروح نخطبه المغرب
كلش فرحت لان اني احب تبارك وهيه
حبابه
كام دمار واخذ كايا من سجاد
وخله على امتنه لان جنت نايمه
باوعلي
يلا اكومي باجر عندج دوام
هزيت راسي وكمت ترخصت منهم ورحت
امشي وراء صعدنه فوك لغرفته اخله كايا
على الكرويته وجاب غطه وغطاها
باوعتله بستغراب
وهج: ليش خليته هنا هسه توكع دمار
ماارد اجى لزمني من ايدي ودفعني
على جربايه باوعتله وبخوف وهوه
يباوعلي وينزع بقميصه
وهج: ش. شنو جاي تسوي انته شبيك
اشش مشتاقلج مااتحمل بعد
وهج: عفيه اخاف على البطني ماريد
لاتتقرب مني
بس اريدج ماجاي تحمل شبيج تره
هاذه حقي
وهج: والله خايفه على طفل وانته تفقد
من تتقربلي
اخلص مثل ماتريدين وهجي براحتج
اجى تمدد بصفي واخذني اخلاني فوكاه
قرب وجها من وجهي واخذ شفتي
بهدوء بادلته البوسه وحضنته من
اركبته وخرت من عنده باوعت بعيونه
وبلعت ريئک
احبج ياوهج روحي
حضنته من اركبته وامبتسمه اخله
ايده على خصري بسته من اركبته
واخذت نفس طويل من عطره
كعدي عاقله تره ماراح اضمن نفسي
اكوه صاابر
وهج: هسه وذا بسته عفيه شكد حقنه
دوم نيتك تروح لبعيد
اخخخ وهج موتيني ماتتوقعين
شكد احبج انتي النفس التنفسه
ابتسمت وغمضت عيوني ونمت
مر يومين والوضع هدوء
اجى يوم محكمة جود وجان الكل متوتر
ودمار مايتحاجه طول اليوم معبس
راحو للمحكمة واني رحت للدوام
وكايا ابقت يم مريم وصلني سجاد وراح
لدوامه دخلت وبدت المحاضره ورا ماكملت
طلعت للحديقه خليت صورت تيم
كدامي واحجي وياه ودموعي تنزل
وهج: اليوم المحكمة تيم اليوم راح
ابوك يااخذ حقك من جود النذل
هيج ويبرد كلبي وعدمونه احتى
امه تحس بنفس احساسي الحسيته
وتبجي علي ضعاف ابجي البجيته
عليك يروحي انته فدوه اروح
الضحكتك الحلوه
فززني صوت وراي امسحت دموعي وباوعت
لبش تبجين وياه منو جاي تحجين
شفته نفس الولد وين ماروح وراي
جان شكله حلو ومرتب درت وجهي
من عنده
وهج: ممكن اعرف شعليك بيه الحديقه
بيها هواي مقاعد شعندك هنا
شبيج معصبه بس حبيت اعرف
ليش جاي تبجين يمكن هاي اول
سنه لج عرفج عن نفسي اني
اسمي مصطفى
وهج: اوك بس لاتحجي وياي لو
اسمحت ماريد اكون صداقاء
مصطفى: لاتنزعجين من عندي بس
جيت احجي وياج هيج ونفضفض
يعني بين ماتبدي المحاضره
وهج: اكو هواي بنات شمعنه اني تحجي
وياي ممكن اعرف
مصطفى : لان كعده وحدج وتسوالفين
وياه نفسج
مارديت بقيت مدنكه راسي هوه ابقى
واكف اخذت غراضي ورحت الكفتريا
كعدت وبقيت باوع على صورت تيم
مااكدر ابجي لان الكفتريا مليانه ناس
انسحب الكرسي الكدامي وهوه اجى
اكعد خزرته
وهج: انته شنو ماتستحي شتريد من عندي
وين مااروح لحكني ماالي خلك مشاكل
ترجاك تروح منا
مصطفى: بس كولي ليش هيج عزله نفسج.
وماتحجين وياه احد منو الطلعين صورته
وتبقين تباوعيله حبيبج
باوعتله بصدمه خزرته وطفيت الجهاز
وهج: اروح منا اخويه اخاف يجي زوجي
ويشوفك كاعد يمي واحتى ترضي فضولك
مو حبيبي الطلع صورته هاذه ابني مات قبل
كم اشهر وهسه رتاحيت
مارد ابقى يباوعلي وساكت وعفته
وطلعت من الكفتريا رحت كمل محضراتي
اخلص اليوم وماشفته بعد رتاحيت من عنده
طلع بره انتظر دمار شوي واصل
ابتسمت واجيت اروح للسياره
اجى مصطفى واكف يمي باوع على
سياره دمار ورجع باوعلي
مصطفى: هاي سيارت زوجج
وهج: اي ولاتدخل بيه مره ثانيه
افهمت
عفته ورحت على دمار جنت خايفه
ان يكون شافه واكف يمي صعدت
بسياره باوعلي ويخوزر بيه
اها شنو عذرج اليوم تريدين هسه
انزل وكسر راسه
بلعت ريئک وسديت باب السياره ورجعت
باوعله توترت ماعرف شنو طلع من اعذر
وهج: اجى بس احتى يسئلني على محضرات
لا يروح بالك بعيد
وهججج احجيي جايي يضايقججج
بدوام لاتخلينيييي اعرف من غيرجج
وهج: كافييي دمار شبيك ليش جاي
تشك بيه والله ممسويلي شي
مارد اسكت درت وجهي على الجامه
ودمعه بطرف عيني عزه احلفت جذب
علمود ماتصير مشاكل الله يااخذك
واكف السياره على اصفحه ولزم
ايدي اجيت وخره بس اعصره
باوعتله
مااشك بيج اني بس ماريد تحجين
وياه ولد
وهج: ماشي واخر ايدك هسه
عليش لزمها
اخخ شلون بالزعلان
وهج: شنو التغير دمار قبل ماجنت
تراضيني بسرعه انبقى ايام محد
يحجي وياه الثاني
مااكدر خليج زعلانه هسه احس
بخنكه من طلع واطب وانتي ماتسئلين
وين رايح وين جاي
باوعت بعيونه واسكتت قرب وجها
مني واخذ شفتي باوعت بصدمه
اخله ايده ورا راسي مقربني اله
اكثر اخليت ايديه على صدره دافع
بي وخر وامسح على طرف شفتي
بصبعه ورجع باس اصبعه دنكت
راسي وامسحت شفتي ضحكت
دمار باوعتله بستغراب
اموت عليج من تخجلين ياراحتي
انتي
وهج: عفيه شبيك دمار شكد مسوفل
اثكل راح يصير عندك طفل ثاني
بس يمج خفيف وداعت شفتج هاي
المنفوخه
خزرته وغيرت الموضوع
وهج: شنو صار وياك بالمحكمة
طلعت تقارير مالته الطبيه طلع مريض
نفسي ومو بعقله ونحكم علي
بالمسشفى لسنتين و15سنه بالسجن
يعني راح ايبقى 17 محد راح يشوفه
فرحت بداخلي واخيرأ راح نعيش
مرتاحين بدون مشاكل لزمت ايد دمار
وبسته
وهج: احبك دماري الله لا يحرمني منك
ولا منج يااكل حياتي
ابتسمت وبقيت ساكته وصلنا
للبيت شفت سياره يم الباب ستغربت
باوعت على دمار وكانو اعرف سياره
لمنو يباوع على سياره وعيونه صارت
حمر فول عصبيه
اركع باب السياره قوي ودخل جوه دخلت
ورا بسرعه دخلنا للصاله جنت مره
كاعده ومخليه كايا بحضنه بس شكله
حلو ومرتبه مالبسه حجاب مبين مسويه
هواي عمليات تجميل
الكل موجود بس وجوهم ماتكصه
الطبر باوعت على دمار يباوعله
وشرار يطلع من عيونه عاط بيها بصوت
عالي
انتييييي شنوووجاييي تسوييين هنا
طلعييييي من البيت
ابتسمت المره وخرت كايا من حضنه
وكامت واكفت وتباوع على دمار
شنو ماتريد تجي اتسلم على امك....
-----------------
يتبع
توقعاتكم للبارت القادم
لاتنسون التصويت والمتابعه وتعليق
بين الفراغات علقو الف تعليق احتى
تصعد القصه تبعوني على انستكرام
احبكم فرولاتي 🥺✨❤
اسفه ذا البارت قصير بس راح عوضكم
بالبارت الاخير امححح موت عليكم
اسفه ذا البارت قصير بس راح عوضكم بالبارت الاخير ا موت عليكم
- يتبع الفصل التالي اضغط على ( رواية وهج الدمار) اسم الرواية