رواية احببتها بنقابها اكثر الفصل الثاني والثلاثون 32 - بقلم حبيبة محمود
*"ࢪِوايَــ🩵ـات تُـࢪضِــ♡ــيه ﷻ"*
*«أحببتُـها بنقابها أڪثࢪ👀💛»*
*`الفصل"32"`*
احببتها_بنقابها_اكثر
البارت 32
بسم الله الرحمن الرحيم
*﴿والله يعلم و أنتم لا تعلمون﴾*
*كل التأخيرات في حياتك هي لحكمة يعلمها الله، سلم أمرك له وثق به وهو سبحانه سيعوضك 💛💛💛💛💛💛".*
♥️♥️♥️♥️♥️♥️♥️♥️♥️♥️♥️♥️♥️
اللهم صل وسلم على سيدنا محمد
استغفر الله العظيم و اتوب اليه
كانت تقف اسماء في المطبخ
اسماء لنفسها اما اعمل حاجه سخنه نشربها
وفجأة وهى تصب الماء في المج انفجر المج ووقع الماء على قدمها
اصبحت تصرخ من شدة الوجع كان الماء ساخن جدا ووقع كله
سمع عبدالرحمن صوتها قام يجرى
دخل وجدها تجلس أرضا
عبدالرحمن: حصل اى ؟!
اسماء : المايه وقعت عليا مش قادرة اه رجلى هموت 😭😭😭
اخرج عبدالرحمن الثلج ووضعه على قدميها
اسماء: شيله مش قادرة بالله عليك شيله
عبدالرحمن: اصبري بس يا بنتى وهوديكي للدكتور
وشوية وقومها لبست وذهب إلى المستشفى
فى منزل نهر
على الفون تتحدث نهر إلى احمد
نهر : لأ انا عايزة اروح دهب وشرم
احمد: حاضر يا نهر من عنيا يا حبيبتي
اى رأيك اجى اخدك نخرج شوية ونشوف لو حاجه ناقصه نجيبها سوا
نهر: بجد
احمد: اه بجد يا بنتي
نهر: طب اتصل على بابا استأذن منه
احمد: ماشي يا روحى اجهزى يلا
نهر : 😂😂اجهز ؟!
انت محسسني إن بابا وافق
احمد : يا بنتى انا احمد مش اى حد اكيد هيوافق 😂😂 استغفر الله العظيم من الكبر بهزر معاكى
(فى ناس من النوع المتكبر زياده عن اللزوم انا عظمة ومش عارفه اى دا حرام طبعا لان العظمة لله وحده عَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: " قَالَ اللَّهُ عَزَّ وَجَلَّ: الْكِبْرِيَاءُ رِدَائِي، وَالْعَظَمَةُ إِزَارِي ، فَمَنْ نَازَعَنِي وَاحِدًا مِنْهُمَا، قَذَفْتُهُ فِي النَّارِ .
فمن صفات الله تعالى: العز والعظمة والكبرياء.
وأما الإزار والرداء : فليسا صفتين، وإنما المراد بذلك : أن الله جل جلاله متصف بالعظمة والكبرياء ، لا ينازعه أحد منهما، كما أن الإزار والرداء يختصان بلابسهما، لا ينازعه فيهما أحد.
وأيضا فالكبرياء حجاب يمنع من رؤية الله تعالى، كما أن الرداء يمنع من رؤية ما سُتر به.
كما روى مسلم (180) عَنْ أَبِي بَكْرِ بْنِ عَبْدِ اللهِ بْنِ قَيْسٍ، عَنْ أَبِيهِ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: جَنَّتَانِ مِنْ فِضَّةٍ آنِيَتُهُمَا، وَمَا فِيهِمَا، وَجَنَّتَانِ مِنْ ذَهَبٍ آنِيَتُهُمَا، وَمَا فِيهِمَا، وَمَا بَيْنَ الْقَوْمِ وَبَيْنَ أَنْ يَنْظُرُوا إِلَى رَبِّهِمْ ، إِلَّا رِدَاءُ الْكِبْرِيَاءِ عَلَى وَجْهِهِ فِي جَنَّةِ عَدْنٍ
فهذا وجه ذكر الرداء والإزار، لا أن الله تعالى له إزار أو رداء مما يلبس. )
اتصل احمد بنهر بعد قليل
احمد: السلام عليكم ورحمة الله وبركاته
يلا يا استاذه اجهزى 😂عمى وافق
نهر: انت احلى حاجه فى حياتى بحبك يا احمد اوى ربنا يحفظك ليا
احمد: انا سمعت غلط ولا اى ؟!😂
نهر: بس بقي يلا سلام
احمد: سلام دلوقتى بس كلها يومين وتكونى فى بيتي يا نور حياتي
فى اليوم التالى
فى منزل رحمة
اتصل مصطفى بها
مصطفى: السلام عليكم ورحمة الله وبركاته
رحمتى
رحمة: وعليكم السلام ورحمة الله وبركاته
اخبارك ايه يا زوجى العزيز 😂
مصطفى: 😂😂 الحمد لله فى زحام من النعم قلت اكلمك قبل ما اروح جلسة العلاج الطبيعي علشان مش بقدر أما بخلصها برجع انام علطول
رحمة: طب هاجى معاك
مصطفى: لا يا حبيبتي خليكي محمود هيروح معايا ارتاحى انت وخلى بالك من نفسك
رحمة: بالله يا مصطفى خدنى معاك
هناء: بتكلمى مين يا رحمة
رحمة: مصطفى يا امى
هناء : سلميلي عليه ولا اقولك هاتى أكلمه
أخذت الفون وحدثته
رحمة: بالله يا ماما قوليله ياخدنى معاه عند الدكتور
هناء: خدها معاك يا مصطفى دى هتعيط
مصطفى: يا رحمة يا حبيبتي مش هتقدرى تستحملى المنظر وانا خايف عليكي
فهميها يا امى
وافقت رحمة بعد حديث طويل مع والدتها
فى منزل عبدالرحمن واسماء
كانت اسماء نائمة
واستيقظت على صوت مكنسه كهربائيه
قامت وسندا على الحائط
رأت فى الصالون عبدالرحمن يكنس
اسماء: بتعمل اى يا حبيبي بتتعب نفسك ليه ؟!
عبدالرحمن: تعالى ارتاحى انت بس كده
انا مش بعمل حاجه دى حاجه بسيطة على ما تخفى يا روحى
اسماء: طب انا عايزة اتوضي واصلي مش عارفه 😭 الحرق جاب رجلى كلها من فوق وتحت
سندها عبدالرحمن وساعدها فى الوضوء
يلا يا حبيبتي تعالى اقعدى صلي
وانا هنزل اصلي فى الجامع واجيلك
اسماء: عبدالرحمن أنا عايزة رحمة تقعد معايا شوية وحشتني
عبدالرحمن: حاضر هجيبها وانا جاى
فى منزل احمد وعائلته ونور
كان ياسين جالسا مع نور
والعائلة وأتت مع آيات
ياسين: إن شاء الله يا عمى اجيب ابى وامى ونيجي بالليل نقرأ الفاتحة
عز: تنوروا يا حبيبى
ياسين: الانسه نور عندها اعتراض
نور: اللى بابا يشوفه انا موافقه عليه
فاطمة: مبارك يا حبايب قلبي ربنا يتمم ليكم بخير
ياسين: الله يبارك فى عمرك يا بطوط
يلا سلام عليكم ورحمة الله وبركاته
عز: هتمشي ليه يا ابني انت لحقت
ياسين: آيات قالت إنها عايزة تيجي تشوف الانسه نور وتقعد معاها وناخدها بالليل
جبتها وهرجع الشغل يلا سلام عليكم ورحمة الله وبركاته
الجميع: وعليكم السلام ورحمة الله وبركاته
فى منزل الحاج عبدالعزيز
جاء عبدالرحمن
عبدالرحمن: السلام عليكم ورحمة الله وبركاته
قامت رحمة تحتضنه
حبيبي وعليكم السلام ورحمة الله وبركاته
وحشتني يا بودة
عبدالرحمن: قلب بودة انا جاى اخدك تقعدى معانا شوية يا قلبي
رحمة: فوريرة هطلع البس واجى 😍😍
عبدالرحمن: فين جدى وبابا والباقي
رحمة: جدو وبابا فى المكتب جوا وماما ومرات عمى في المطبخ
وعمك فى المحل
عبدالرحمن: تمام انا هدخل اسلم على ماما ومرات عمى وبعدين ادخل المكتب بسرعه بقي علشان اسماء لوحدها
دخل سلم على الكل وأخذ رحمة وذهب إلى بيته
دخلت وجدت اسماء تجلس وقدمها ملفوفه
رحمة : سمسه اى جرالك يا عمرى
اسماء: متقلقيش يا روحى حاجه بسيطة
المايه اندلقت على رجلى
رحمة : الف سلامه عليكي يا قمري انت
لا بأس طهور إن شاء الله
(وما يبتليكم الا ليطهركم )
بس وحشتيني يا بت يا سمسمه الواد عبده خدك منى
اسماء:😂😂انت اكتر يا قلبي
لا اوحش الله لك قلبا ولا قبرا ♥️
وبعد جلسه دامت إلى ساعتين
رحمة: يلا بقي علشان اتأخرت على البنات فى التسجيل
هروح بقي
سلام عليكم ورحمة الله وبركاته
اسماء: وعليكم السلام ورحمة الله وبركاته
عادت رحمة الى بيتها
السلام عليكم ورحمة الله وبركاته
كيف حالكن يا رفيقات الفردوس
انهاردة هنتكلم عن الدعاء
والثقه بالله
احنا دائما بندعى ونقول انا حاسس ان دعائى مش هيستجاب دى حاجه مستحيلة وازى ادعى بحاجه لا يمكن تحصل وكلام كتير اوى
الكلام دا معانا كلنا حصل 💔
بس ربنا رب المستحيلات قادر على كل شئ
فى سورة مريم أما ربنا بشر سيدنا زكريا بسيدنا يحيي
قاله"" انى يكون لى غلام وكانت امرأتى عاقرا وقد بلغت من الكبر عتيا "
ربنا رد بإيه ؟!
"قال كذلك قال ربك هو على هين وقد خلقتك من قبل ولم تك شيئاً"
#هو على هين
مفيش حاجه بعيدة عن ربنا
ادعى وخلى عندك يقين بالله
حتى لو انت بتذنب وبتعصي ربنا ارجع وادعى توب وادعى
ربنا الملك مفيش حاجه اسمها مستحيل مع ربنا
لَم يكُن مَع زكرِيَّا مِن الأسبَابِ إلَّا شَيبَةُ رأسِهِ، وَبِلوغهِ الْكِبَرُ ، وامرَأته عَاقِر، ورُغمَ ذلِكَ طَلب الوَلد ، ثمَّ توكَّل على ربّه لأنَّهُ يَعلم أنَّ في مَكمَن الوَحشةِ لُطفًا مؤنسًا سيضمُّ قلبهُ چبرًا ، وأنَّ الدُّعاء سيُزيلُ شَجاهُ ، وأنَّ ذلكَ على اللّٰه هيِّن،
فكانَتِ النَّتِيجَةُ: إنَّا نُبشِّرُك.
وأَصْلَحْ اللّٰه لَهُ زَوْجته ، وَ وَهَبْهُ يَحْيَىٰ ، وجعل الوَلد نَبي.
لَم تطلب السيَّدة هَاجر سِوى قِربة ماء كي تَذهب ظمأ طِفلها الصَّغير ، ورغم أنَّها كانت في الصَّحراء ، في مكانٍ مُظلم ، ومُوحِش ، إلَّا إنّها عِندما استغاثت ؛ جاءها نبعٌ مِن اللّٰه لَم ينضب ولَم يجفّ وَلن يزول حتّى تقوم الساعة.. يأتي النّاس إليه أفواجًا كُل عام كي يشربوا مِنهُ.
طلبَ يونس فقط أن يَخرج مِن ظُلمات الحُوت ، فأخرجهُ اللّٰه مِن ظلمات الحوتِ، وظُلمات البَحر ، وظُلمات اللَّيل ، ثُم أُلقيَّ بِهِ في السَّاحل ، وأنبت عليهِ الحَفيظ شَجَرَةً مِّن يَقْطِينٍ .. شَجرة ليسَ لها سَاق ، لأنَّ يونس حينها كَان مُتعب وجائع ، ولن يَقوى على التَّسلُّق لإحضار طعامهِ .. فجعل اللّٰه الطَّعام بين يديه... وجعل الشجرة تُظلِّل عليه.
فإذا ملئَ قلبك القَحط وأصبح أجدب ، فاعلم أنّ تلك هي آخرُ سُنبُلةٍ يابِسةٍ قبلَ الوفرَة ، وإذا أصابك الألم فاعلم أنّ ذاك هو أخر شَوكة قَبل الثَّمرة..
فيا سائرًا إلى الله بكُلِّ ما أوتيت من تمنّي ، خُذ هذهِ مَعك
[ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ .. فَتَكُن فِي صَخْرَةٍ .. أَوْ فِي السَّمَاوَاتِ .. أَوْ فِي الْأَرْضِ ..
يَأْتِ بِهَا اللَّهُ ].
جاء الليل وجاءت عائلة ياسين
وتم الاتفاق على موعد الخطبه بعد اسبوع من زواج رحمة
وكانت جلسه عائلية جميلة
آيات : إن شاء الله يا نور هجيلك بكرا نمشي سوا على حنة نهر
نور: بإذن الله يا حبيبتي هيستناكى
نجوى (والدة ياسين): اللهم بارك مع أن من الصعب أن آيات تتعود على حد بس الحمدلله هى ونور باين أنهم اصدقاء
آيات: اصدقاء اى بس يا امى ؟!
احنا اخوات
نور: حبيبتي يا آيات والله
اللهم صل وسلم على سيدنا محمد
فى اليوم التالى
استيقظت الفتيات باكرا للذهاب إلى نهر
وقبل الظهر كانوا هناك عندها
رحمة: نهورتي الحلوة كبرت وبقت عروسه
مبارك يا اوزعتى
نهر:😂😂الله يبارك في عمرك يا روحى
امانى : الله بقي كانت البت سمسمه وحشانى تعالى فى حضني
اسماء: وحشتيني يا قلبي
نور: رجلك مالها يا اسماء؟!
اسماء: مفيش يا روحى المايه وقعت عليها الحمدلله عدت على خير
آيات: بجد انتم قمرات اوى وانا ندمانه انى معرفكوش من زمان
نهر: انت خلاص دخلتى الفريق بقينا سته مش خمسه
امانى : مبارك عليكى دخول الفريق يا اختشي 😂😂
رحمة: يلا حضن جماعى
جاهزون يا اطفال
البنات : هاى على كابتن 😂😂
وحضنوا بعضهم
وظلوا طوال اليوم يلعبون بالحناء
نهر: خلاص بقي امانى ونور خطبتهم قربت
امانى: انا لسه بفكر 🙃🙃
اسماء: تفكرى اى مش صليتي استخارة وقولتى مرتاحة
انت يا بت هتشليني
ماما اتصلت بالعيله وقالت إنك موافقه
امانى: بجد والله 🥺انا قلتلها اصبري علشان ابقي تقيله كده مش مدلوقه 😊😊
رحمة: اتنيلي يا اختى وتعالى ارفعى الكم ليا 😂
آيات : يلا نكمل غنى هاتى يا نور الدف
نهر: بنات باتوا معايا انهاردة 🥺
رحمة : عبدالرحمن جه تحت يا حلوة هنيجي بكرا بدرى
وذهبوا بعد يوم طويل وجميل
ليلا يجلس مصطفى مع سلمى
مصطفى: يا حبيبتي والله محمود دا مش صاحبي دا اخويا
وهيصونك ويخاف عليكى
سلمى: يا ابيه انا عارفه دا كله بس انا علطول شايفه أنه زيك اخ
مصطفى: بصي يا سلمي انت كل شوية ترفضي العرسان وانا مش عارف اى سببك وكل مرة تخترعي اى حاجه و محمود بيحبك من زمان واتقدم اكتر من مرة وبجد كده كتير
بصي صلي استخارة وانا معاكى ف أى قرار
سلمى: حاضر
يلا هقوم انام
دخلت إلى غرفتها وظلت تبكي
ليه كده 💔ليه يارب
انا اللى عملت فى نفسي كده ؟!يارب اعمل اى ؟!
يا ترى سلمى تقصد اى ؟!
يتبع......
✪𔘓𓊔˖ִ𔘓˖ִ𓊔˖✪𔘓𓊔˖ִ𔘓𓊔˖ִ✪𓊔˖ִ𔘓𓊔𔘓✪
- يتبع الفصل التالي اضغط على (رواية احببتها بنقابها اكثر) اسم الرواية