رواية وهج الدمار الفصل الثالث 3 - بقلم ريو الطائي
البارت الثالث
-وهج الدمار-
-الكاتبة ريو الطائي-
لاتنسوم التصويت والمتابعه وتعليق بين
الفراغات علقو الف تعليق حتى تصعد القصه
احبكم فرولاتي 💓🥺✨
اذا ماكو تفاعل مراح نشر يوميه بعد يوم اي ويوم لا😔💔
________
.
.
.
.
.
.
.
كعدت وره فتره واني احس جسمي متكسر فتحت عيوني بغرفه بالمستشفى
راسي يوجعني رجلي ماكدر حركها
جانت الغرفه فارغه مايمي حد اريد شخص يجي حتى اسئله ؏ اهلي محد اجى ماكدر اصرخ احس لساني اثكيل
بقيت ابجي بصمت ياتره اهلي صار عليهم
اريد شوفهم احس بغصه كلبي ممرتاح خايفه على اهلي لايكون صاير بيهم
: شويه ودخل شخص اضخم جان
لبس ملابس ضباط
شافني افتحه عيوني اجى بسرعه
وسد الباب كعد كدامي ؏كرسي
جان يباوعلي ابنظرات اخوف
: لزم ايدي حجه
شلون صرتي بنيتي صيح الدكتور يجي
وهج: ماكدر رد بس دموعي تنزل اريد احجي
اسئله ؏ اهلي بس ماكدر
احجي بابا شبيج مو عادتج تبقين ساكته
رفعت ايدي وخليتها ؏ احلكي بمعنا ماكدر احجي
شويه شويه ورجعت اغمضت عيوني ونمت
كعدت واحس ؏ايد ؏وجهي بقيت مغمضه عيوني
شويه وصار دفو ؏كصتي فتحت عيوني جان كعد نفس الشخص ولزم ايدي
شافني كعدت باوعلي وكال بالهفه
: صار عليج كون اني مكانج بنيتي
وخرت ايدي من ايده حجيت بتعب
وهج: ماما وبابا وين صار عليهم
دنك ومارد ابقى ساكت
وهج: احجي عمو فدوه ماما وبابا وين
ليش محد منهم يمي
باوعلي وحجه
انتي تعبانه هسه بنيتي صارلج 10ايام بغيبوبه
مايصير تعبين نفسج رتاحي
بقيت ساكته مصدومه لعد. ليش اهلي مو يمي
وهج: كاعددد اكلك اهليييي وييييننن لييشش ماترد احجييي صاير عليهم
اجى قربني علي بسرعه وحضني
: بس اهدي يروحي لاتضربين نفسج
وهج: احجي دا كلك اذا صارلي 10ايام بغيبوبه اهلي وين ليش محد يميييييي
: صار عليكم حدث وتوفو ابوج وامج
وهج: لا فدوه لاتكول هيج اني ماعندي بدنيا غيرهم شلون يعوفوني اني منو اليه غيرهم انت شكاعد تحجيي الله لايوفقك ليش هيج تفائل على اهلي ماتخاف من ربك
بقيت اضرب بصدره واحجي واصرخ وهوه ساكت مايرد تعبت احس كلبي راح يوكف صار عندي دوخه لحد ماحسيت شي حار نزل ؏أركبتي
بعدت منه وخليت ايدي ؏ ركبتي باوع ؏ ايدي مليانه دم حسيت بدوخه وهوه طلع بره يركض يصيح ؏ دكتور
رجعت راسي ؏مخده واني احس ماكدر افتح عيوني راسي حيل يوجعني غمضت عيوني بعد ماحسيت ؏شي
كعدت وره فتره باوعت ماجان كو احد يمي كلبي يوجعني مستحيل شلون يعوفوني اني ماعندي حد غيرهم شسوي بحياتي وهما مو وياي هسه صرت وحيده لا اهل ولا سند شلون كمل حياتي بدونكم ليش هيج مو جنت فرحانه لان عندي هيج اهل ليش ماالله دامهم الي
بقت بس دموعي تنزل شويه ودخل نفس الشخص. كعد ؏كرسي ابقى يباوع عليه بخوف واقلق ؏ حالتي
حجه بعد وقت من السكوت
: مو كافي ابجي احتى عيونج الحلوه ذبلت بنيتي
وهج: اهلي ليش ماتو واني مامتت
لاتحجين هيج بنيتي مايصير حرام
وهج: يعني هسه اني اصرت وحيده بدنيا
انتي مو وحيده اني وياج بنيتي مستحيل عوفج
وهج: اريد اهلي
صيرلج اهل
باوعت بعيونه وغيرت الموضوع
: انته منو وليش محد من خالاتي موجوده
مريم مائجت معقوله ولا واحد اجى
لا اجو بس انتي جنتي بغيبوبه شافوج من بره وراحو
وهج: هزيت راسي وبقيت ابجي بصمت
اجى الدكتور: الحمدلله على السلامة بابا
هزيت راسي مابيه حيل جاوب
حجه شخص
شوكت نكدر نخرجها من المستشفى
خلي حالتها تستقر ونخرجها ان شاءلله
بابا لاتزعلين كلنا على هاذه الطريق عن اذنكم
طلعت ورجع شخص كعد كدامي هو ساكت واني ساكته بس باوع بالفراغ اغمضت عيوني وابجي بسكوت
: مو كافي ابجي راح تبقين بس تبجين
وهج: انته منو وليش كل ماكعد شوفك يمي شتريد مني طلع ماريد شوف وجهك
شنو يعني شتريد مني شايفتني مسوي شي
وهج: لا بس ليش كاعد يمي وتساعدني
هيج بدون مقابل لو أي شخص مكانج جان ساعدته بالمناسبه اسمي دمار
هزيت راسي وحجيت
وهج: ريد طلع منه لعبت نفسي
دمار: اذا طلعتي منه وين تروحين
وهج: وين يعني لبيتنه
كل عقلج تروحين تعيشين وحدج راح اخابر اخوالج عمامج بس هاج أسجلي الرقم
هزيت راسي ونطاني جهازه سئجلت الرقام اخوالي اخذ جهازه وطلع بره الغرفه
شلون راح يستقبلوني وهما بالساس ميحبون ماما
شلون راح تكون حياتي وياهم ليش هيج ماما وبابا عفتوني شيصير لو ماخذيني وياكم اني ولا شي بدونكم دموعي كامت تنزل ابجي بصمت احس
ريد كسر كل شي موجود بالغرفه مخنوكه
شويه ودخل دمار باوعلي أبنظرات ماعرفت فسرها
اجى لزم يدي أوردف
دمار: انطيني ارقام عمامج
ضحكت وعيوني مليان دموع وحزن
وهج: ليش واخوالي مايريدوني مو
مارد بقى ساكت شوي ورجع كال
عمامج وين ليش محد اجى منهم
باوعت بعيونه وحجيت
ماعندي اعمام ماعرف شي عنهم
دمار: اكو حد مايعرف عمامه وين ماعندج اقارب غير ذوله اخوالج الكواو**
وهج: عمامي متبرين من بابا ماعرف شي عنهم ولا يعرفون شي عنه
باوعت بالفراغ ورجعت باوعت علي
وهج: رجع لبيت ابوي اني مامحتاجه حد بحياتي اكدر عين نفسي بنفسي
فرك وجها بنتر وحجه
دمار. شكاعد تحجين تعيشين وحدج شنو وين عايشين حنى
خزرته
وهج: وانته شعليك وذا عيش وحدي
لاتدخل رجائآ لهنا وكافي كفيت وفيت تكدر تروح كدر دبر نفسي اني مو بحاجت احد ماشي يلا طلع
دمار: ماكدر رد عليج بعدج مريضه
راح طلع بره من تحتاجيني اصيحيلي
عافني وطلع بره الغرفه بدون مايسمع ردي
اتنهدت وسكتت شويه ورجعت
غمضت عيوني ونمت
كعدت ؏صوته وهوه يكعدني شفته باوع علي
وحجه: دمار كعدي اكلي بنيتي
وهج: ماريد شكرا تكدر تطلع ماريد شوف حد
اتنهدت ورجع حجه
دمار: اخلص بس شوفج تاكلين وطلع
اتئففت بتعب
وهج: ماريد ماجوعانه
دمار: بس اكلي حتى لو شويه صارلج ايام ممكله شي اعايشه ؏مغذيات يلا بنيتي
هزيت راسي وبقيت ساكته جاب الاكل وكعد كدامي وصار يسولي لفات اصغار ويوكلني كملت لم الاكل وطلع بره شويه واجى جاب كلينس مبلل امسح ؏ احلكي وديه واني ساكته مانطيت رد فعل
كعد كدامي وحجه بعد سكوت
دمار: شو ساكته احجي بنيتي لاتبقين ساكته
باوعت بعيونه حجيت وعيوني نملت دموع
وهج: اهلي منو دفنهم
دمار: اخوالج واني جنت وياهم
هزيت راسي ونزلت دموعي
وهج: دفنتوهم واني ماودعتهم ولا شفتهم
وعد بس تصيرين زينه اخذج لهم لاتبجين بابا مو زين بعدج مريضه
وهج: وشنو يعني واذا مريضه ان شاءلله يصير بيه مرض ماله علاج
عصر ايدي قوي وحجه
كل شي احجي وسوي بس لاتدعين ؏نفسج
وخرت ايده من ايدي وسكتت بقى يتنهد بصوت شويه وطلع بره
نفتح الباب باوعت عبالي هوه بس شفت مريم اجت بسرعه حضنتني وتبجي وتبوس بنحاء وجهي
مريم: صاير بيج يروحي انتي كون اني مكانج يبعد بيتي
باوعت بعيونها واني ابجي
وهج: مريم اهلي
مريم: اشش لاتبجين يعمري الله يرحمهم اتذكرين شكد جانو يتذون من يشوفون دموعج
وهج: اني ماكدر بدونهم مريم اني هسه اصرت وحدي كلت هيج وشهكت حساس
صعب تفقد اهلك بيوم واحد وانت
مالك غيرهم
مريم: انتي قويه يروحي ماريد اسمع هاذه
الكلام مره ثانيه انتي مو بحاجت
حد بحياتج الله سبحانه تعال وياج
وهج: مريم حضنيني محتاجه حضن يلمني
اتقربت مني وحضنتني لمتني لصدرها وتمسح ؏ شعري بحنيه بقيت ابجي وهيه تبجي وياي
شويه ودخل: دمار شافنه نبجي خليه ايده أبجيوب البنطلون ويباوع علينا
شويه وحجه:
اني حجيت وياج حتى تهدينها مو تبجين وياها
وخرتني مريم من حضنها وعدلت حجابها
مريم: صدك كافي ابجي ياروحي اني مالي غيرج انتي اختي الوحيده لاتصيرين نانيه وتفكرين بس بنفسج
هزيت راسي امسح دموعي بقت يمي شويه تسوالف وياي تعدل من نفسيتي
اخابرتها امها وأدعتني وراحت ياتره شلون راح اعيش بدون اهلي عمامي اذا عرفو بالصار راح يستقبلوني
غمضت عيوني بقيت سكته
شويه ونفتح الباب ودخل دمار اكعد ؏ الكرويته الموجود بالغرفه ابقى كعد وساكت بس كل شويه ايتصلون علي ويرفضه
تنهدت بصوت شويه وحجيت
وهج: اريد طلب منك
انتي تئمر بنيتي كولي شنو
وهج: ريد تساعدني حتى لكه عمامي
ابقى يباوع عليه وهو ساكت شوي وحجه
من عيوني تدللين
بتسمت بحزن
وهج: شكرا عمو
العفو بنيتي
وهج: عمو شكد عمرك
عمري 29ليش تريدين تخطبيني
وهج: ايع شايب شسوي بيك
ضحك وبقى ساكت: مر اسبوع ؏حالتي محد اجى عليه من اخوالي هوه الوحيد الجان موجود وياي وماتركني ابد بقى يهتم بيه احسته مثل ابوي
مريم اني اعرف ضروفها اخوها مايخليها تطلع جنت كاعده وصافنه بالفراغ دخل دمار بس جان مبين يريد يحجي شي بس بقى اساكت
شويه واجى كعد كدامي ولزم ايدي
بنيتي صرتي زينه نكدر نطلع من المستشفى
هزيت راسي وبقيت باوع بعيونه شويه ورجع حجه
شوفي ماكدر خليج تروحين وحدج
لبيتكم واخوالج مايستقبلوج وبين
ماعرف مكان اعمامج راح اخذج وياي لبيتي
باوعت علي بصدمه
قصد بيت اهلي لاتخافين ؏اقل اختي هناك تساعدج شوفي حالتج رجلج مكسوره ماتكدرين تسوين شي بين مالكه عمامج ووديج لهم
دنكت واحس بغصه
وهج: لا شكرا راح دبر وضعي ماحتاج حد بعدين شلون توديني لاهلك مراح يسئلوك عليه منو اني وليش اخذتني وياك
امسح ؏وجها
شوفي مال عوفج وحدج ماكدر شلون تروحين للبيت هوه مابي حد متخافين ؏ نفسج
اسكتت ماعرف شنو اجاوب كلامه صحيح بس شلون روح وياه واني ماعرف شي عنه
ادري خايفه تروحين وياي وهل شي طبيعي انتي ماتعرفين شي عني باوعي بنيتي صدكيني ماريد شي منج بس لكه اعمامج خليج تروحين لهم
هزيت راسي بالموافقه وبقيت ساكته ماعندي حد غيره يساعدني بس ياتره شنو راح تكون رد فعل اهله اذا شافوني وياه
اتنهدت بصوت واسكتت وهوه طلع بره يشرب جكاير
شويه واجي الدكتور مايجي اله من يكون دمار مو موجود يمي
شوي أوردف وهوه يعدل الكانونة
شلون صارت الحلوه
وهج: الحمدلله
هاذه منو الي ؏ طول الوقت وياج
ردت اجاوب بس اجى صوت
دمار: ابوها تريد تعرف شي ثاني
جان يباوع ؏دكتور بغضب لدرجه دم
دمرات ايده واضحه اتحمحم الدكتور
لا هيج بس حبيت اعرف من رخصتكم:
طلع الدكتور واني بالكوه كامشه اضحكتي
باوع عليه واجى اكعد يمي ويباوعلي بحده
دمار: اضحكي ليش كامشه ضحكتج ست وهج
هوه كال هيج واني نفجرت من الضحك
بقيت ضحك ؏شكله وهوه امعصب
بقى اسكت بس يباوع عليه شوي وحجه بنتر
كملتي ضحكتج هسه
ابتسمت وهزيت راسي:
دمار: شيريد منج هاذه ابن الكح**ليش
يريد يعرف شصير منج
وهج: ماعرف شيريد لاتعصب حياتي خليك ريلاكس يجوز يريد يخطبني منك غير انته كلت اني ابوها
وره ماكملت اكلامي نفجرت اضحك لدرجه عيوني دمعت : بقى يباوع عليه ويبتسم ؏ضحكتي
: اي واذا كتله ابوها من هاي لحظا
عتبريني مكان ابوج ادري ماراح اخذ
مكانه بس حتى ماتنحرمين من هاي الكلمه
عيني جت بعينه لزم ايدي واني عيوني دمعت ماعرف ليش حسيت بئمان يمه حجيت بحزن:
وهج: يعني اكدر كلك بابا مراح تزعل لو تضايق
ابتسم وامسح ؏ايدي بحنيه
بالعكس راح افرح وين لاكي هيج بنت حلوه تكلي بابا
وهج: بس راح يجي يوم ولكه عمامي مراح ابقى يمك
واذا عبالج من تروحين لعمامج ماجي شوفج يوميه راح كون يمج وبس واحد يحجي وياج افرغ الشاجور براسه
هزيت راسي واسكتت ثاني يوم سجلنا خروج
ساعدتني الدكتوره احتى غير ملابسي شعري ابقى مفتوح لان ماكدر شده راسي كله ملفوف
كملت شوي ودخل دمار باوع ؏شعري
راح تخلي مفتوح هيج
وهج: اي ليش
اجى وكف وراي وصار ايظفر بشعري
شعرج حلو مايصير تخلي مفتوح واني
ماريد حد يشوف شعر بنيتي
ابتسمت بحزن
وهج: اي حتى ماما جانت تكول لاتخلي مفتوح ينحسد
اظفر شعري وكمل وكف كدامي
هسه طلعتي احلى بنيتي
بقيت اساكته طلع شوي ودخل جاب الكرسي المتحرك شالني وخلاني بي وطلعنا من المستشفى
وكف كدام السياره احسيتها مئلوفه عندي شايفتها قبل بس وين
اجى واكف يمي باوع عليه
ليش صافنه بنيتي شبيج
باوعت علي وشرت ؏سياره
وهج: هاي لك
هز راسه بــ اي
ليش شبيها
وهج: ولا شي
اجى شالني وخلاني بسياره وشد حزام الئمان
وصعد يمي احرك سياره وبقينه اساكتين
باوعت عليه
وهج: عادي تاخذني لبيتنا
شسوين تروحين
اريد اخذ اغراضي
صار تدللين بنيتي
هزيت راسي ابتسمت بحزن واني اذكر شكل ماما وبابا اخر مره من شفتهم تنهدت بصوت واسكتت
وصلنا لبيتنا نزل فتح الباب ورجع شالني خليت راسي ؏صدره وابجي دخلني البيت واني شوف كل ركن للبيت بي اذكريات الي وياه اهلي
صعد الدرج فتح باب غرفتي خلاني ؏جربايه
اني جبتج حتى تاخذين اغراضج لو تبجين مايصير هيج بنيتي جرح راسج بعده مطايب
باوعت علي واني ابجي اهمست بغصه:
لتخاف عليه عار ماموت
بسرعه اجى يمي ولزم ايدي بقوه وحجه بحده:
كافييي عادي لاتحجييين بالموت
يومي قبل يومج
باوعت بعيونه وبقيت ابجي اجى كعد يمي وحضني واني احس ردتها حجه حتى ابجي وطلع كل الي بكلبي
ابقى يمسح ؏شعري لحد ماهدئت احس نفسي نعست غمضت عيوني ونمت واني احس بئمان بحضنه
كعدت وره فتره باوعت جنت نايمه ؏ ايده هوه نايم باوعت بنحاء الغرفه هاي غرفتي يعني بعدنه بيتنا
جان عصرني بحضنه ايده جوه راسي والثانيه ؏ عيونه تحركت اريد بعد من حضنه
فز من نوم وباوعلي بخوف:
شبيج بنيتي شنو يوجعج
وهج: لا مابيه شي بس انته خنكتني بحضنك بعدين ليش حضني
جنتي نايمه ماحبيت كعدج بنيتي
وهج: بيش الساعه هسه
اخذ جهازه يشوف الساعه
الساعه 4 المغرب لزم نروح للبيت مايصير نبقى هنا راح صعدج حتى تاخذي غراضج خذي بس الضروريات ولا تاخذين شي ثاني
هزيت راسي وبقيت ساكته
طلع بره غسل ورجع ساعدني حتى لم ملابسي
كملت نزل الغراض ورجع حتى يشيلني وباوعت عليه
: اريد دخل لغرفه مالت اهلي اجى شالني
دمار: بس مو تبجين
هزيت راسي ودخلني لغرفتهم خلاني ؏ جربايه اخذت حجاب ماما وشماغ بابا حضنتهن ؏صدري وبجيت اجى واكف يمي باوع عليه وامسح دموعي :
مو كلت ماريد دموع كافي يروحي
باوعت عليه
وهج: مشتاقتلهم هواي والله
شالني وطلعني من الغرفه غسل وجهي وطلعني من البيت صعدني بسياره وراح يصعد الغراض شوي وجي صعد وشغل السياره وامشينه
أردفت بيني وبين نفسي
وهج: شلون راح عيش وياه ناس ماعرف عنهم شي شنو راح يكون ردهم من يشوفوني...
__________
يتبع:
فرولاتي شنو هاي مايصير هيج تره وين تفاعلكم
اعلقو بين الفراغات وصلو التعليقات الف تعليق
احتى استمر بنشر حبايب ماريد تعليقات
سلبيه تره اني ياسه الحساسه بسرعه ابجي
🤦🏼♀️😂🖤😫
- يتبع الفصل التالي اضغط على ( رواية وهج الدمار) اسم الرواية