رواية اخيه الجاني الفصل الثالث 3 - بقلم دنيا ثروت
انت مش راجل ياعامر
عامر : مش هنخلص من حوار كل يوم ده يافريدة
فريده : في اي ياعامر انت مش هتصدق غير لما اخوك يلمسني
عامر : أنتي ليه عايشه في وهم عادل هيبصلك ليه مراته ب10 منك
فريده : ياسيدي انا مالي.. ابوس ايديك ياعامر خلينا نعزل من هنا ابوس ايديك لو ليا خاطر عندك
عامر : والله ياختي وانا هجيب الفلوس ازاي هروح اقول لابويا عايز اعزل عشان مراتي الهانم متخيله اخويا بيبصلها
بيقوم عشان يغير لبسه بتجري وراه : طب ارجع لبيت ابويا وامي انا مش هقدر مش هقدر اعيش هنا اكتر من كدا
عامر : معندناش نسوان تمشي من بيت جوزها
فريده بضحك : اومال عندك الرجاله تسيب شرفها للي يسوي وميسواش
مهتمش ليها وغير هدومه ونزل للأكل
💫💫💫💫💫💫💫💫💫💫💫💫💫💫💫💫💫💫💫💫💫
رانيا : خايفه ياهدير
هدير بضحك : ياعبيطه خايفه من اي
رانيا : عادل مبقاش حتى يلمسني.. مر’ضي بعده عني ياهدير
هدير :رانيا انتي عارفه ان عادل بيحبك
رانيا : هبقي بكدب علي نفسي.. حبها هي وجسمها هي
انا لما اتجوزته قولت هعوضه ولكن القدر كان ليه رأي تاني
هدير : متفكريش كتير وفكري في صحتك صحتك وبس يارانيا
ويلا بقا ننزل ناكل
…….. علي السفره بعد ماخلصو اكل
نعيم : بقولك اي ياعامر عايزك في موضوع
عادل : موضوع اي يابوي
نعيم : هو انا قولت عامر ولا عادل
عادل : ومش من حقي اعرف ولا اي
نعيم : لا مش من حقك ودخل المكتب فضل دقايق مستني
عامر دخل عليه : اي يابوي قولي في اي
نعيم: ادخل واقفل الباب وراك
عامر : خوفتني يابوي
نعيم : امضي على الورق ده ياعامر
عامر : ورق اي ده يابوي
نعيم : ورق الأملاك كلهم تنازل بإسمك ياحبيبي
عامر : واخوي يابوي
نعيم : امضي انا مضيته برضو
بالفعل عامر مضى جاي يخرج : مع السلامه يابوي
نعيم : حس بنغزه في قلبه : مع السلامه ياحبيبي
طلع اوضته كانت قاعده على السرير : حصلت حاجه غريبه يافريدة
فريده : اي اللي حصل ياعامر انت كويس
بدأ يعرق نفسه بيبطأ بيقع على الأرض وهو ماسك قلبه : فريده ان..
الدنيا اسودت في وشه اغمى عليه فريده بصويت : الحقونا الحقونااااااا
عادل بيقتحم الاوضة : قتل’تي اخوي
- يتبع الفصل التالي اضغط على ( رواية اخيه الجاني) اسم الرواية