رواية قسوة احفاد ال هتان الفصل الثالث 3 - بقلم هاجر النعيمي
(هاجر النعيمي)
.....................
إلياس : ماقتنعت ابد
هاجر : عمرينك ماتقتنع شسويلك بس الحمدلله خلصت من جذبكم منافقين وبعدين سؤال بربك شتحس من عبالك بعدني احبك وميته عليك طلعها من بالك حبيبي
إلياس : راح اطلعها من بالي بس نشوف واني اعرف كلامج جذب
هاجر : مااحب اعيد كلامي بس راح اعيده علمود تسمعه وتحطه حلقه بذنك عمرينك ماتصدك خوش
عفته وصرت اكمل شغلي وانطيهم المواعين الوسخه وهو يحجي ومااهتم اجه تيم وكال
تيم : سلامن عليكم
الكل : وعليكم السلام
تقرب تيم مني حيل وشاورني وكال كلتي ل إيلا هزيت راسي ب لا وهو فهم ابتعد وكال إلياس
إلياس : مشاءالله صرتو مقربين حيل شلقصه
هاجر : وانت ليش مضغوط لو بعدك تغار عليه اوف نسيت حتى غيرتك جانت جذبيه غذرني
عافنه وراح محجه شي ويارا راحت ورا وبقينه وحدنا نحجي ونشتغل كملنا وراحو البنات وقبل ليروحن كلت ل إيلا تعالي ثواني اجت وبقينه اني وياها بل مطبخ وحدنا كتلها
هاجر : شوفي مراح الف وادور راح اجيبها من الاخير الج ترا تيم يحبج
صفنت وماحجت شي ابد عبالك مثل الي نصدمت صارت تمتمت بل حجي من عيونها عرفت تحبه قاطعتها وكتلها
هاجر : اذا تحبي كولي اي واذا
قاطعتني
إيلا : احبو من زمان بس ماكنتو اعف يحبني يعني اكيد يحبني
هاجر : اي والله هو البارحه كال الي هسه راح اروح اكلو تحبك او اكلج صعدي فوك واني هسه اخلي يجي وراج وانتي كليله مراح احجي شي
هزت راسها وصعدت فوك رحت يم تيم وكتله تيم تعال وياي بس نطلع هذول الصحون فوك ماكال شي واجه وياي حطيت بيده صحونه وكتله
هاجر : حاجيت إيلا وماردت بس احسها متحبك معرف نضرتها ماتكول هيج وهسه هيا فوك راح تحجي وياك وتفهمك ليش اصعد واحجي وياها
تيم : ماريد افهم شي اذا ماتريدني مو لازم اروح الها
هاجر : روح خلي تبرر على الاقل اسمعها مايصير ترا ازعل منك
تيم : خوش
...............
«تيم»
صعدت فوك شفتها كاعده على الكرسي من شافتني وكفت وابتسمت انصدمت ليش تبتسم وهيا ماتريدني كتلها
تيم : ايلا احجي اسمعج
إيلا : هاجر قلتلي انو انت تحبني هذا الحكي صحيح او لا
تيم : اي بس شنو الفائده وانتي ماتحبيني
إيلا : منو قلك اصلاً انا احبك وهاجر قالت انو انا اقولها الكه
تيم : اوكفي بس استوعب يعني هاجر تعرف انتي تحبيني يعني كتيلها انو انتي تحبيني لو لا
إيلا : اي قتولا احبو وقالت انتي قليلو وقلتلي طلعي فوق واصيحو يجي
تيم : يعني ضحكت عليه
إيلا : ليش ضحكت عليك مافهمتو
تيم : هيا كلتلي ماتحبك وراح تفهمك ليش ماتحبك
إيلا : هههههه لا احبك والله
تيم : ياعمري انتي
..........
«هاجر»
نزل تيم ويضحك عمه كالتلو
اميرة : ليش تضحك اشكو
تيم : ها ماكو شي بس إيلا فوك وكعت وضحكت عليها
اميرة : اشقد غبي هاي بمكان ما تساعده
مريم : إيلا بيها شي
تيم : لا خاله مابيها شي
نزلت إيلا واجت عمه تسال شلون وكعت وتأذت او لا وهو يأشر الها بمعني مابيه شي ضلينه نسولف وصار العصر عمه كالت
اميرة : يلا كومو بدلو حتى نغوح ع السوق نشتغي البدلات
البنات كلها كامت بس اني كاعده لان ماريد اروح
اميرة : يلا هاجر بعدكي قيعدي
هاجر : عمه ماريد اروح اني وماما نروح بعدين لان ماريد احد يشوف لبسي عود بل خطوبه اشوفكم هو مفاجئة يعني
راحو وطلعت ادرس راسلت البنات على الكروب علمود الحل مال الايام الي غبت بيها احنا مسوين كروب وبي اني وساره ورزان وريماس حجينه شويه وصار العشه اجت ماما كالت
مروة : هاجر صليتي
هاجر : اي ماما
مروة : خوش تعالي كلي عجل
نزلت وجانو ملتمين بابا وحسن وحسين وجدو وماما واني كعدنا ناكل جدو كال
جدو : هجورة اشونكي اليوم اشون تشوفين نفسكي
هاجر : الحمدلله زينه
صاح بيه وكال
جدو : اشنو زينه قولي مليحه ماغيد احد يحكي بغيغ لهجي مروة لا ضلين تعلمين ولادكي على حكي اهلكي هذا الشي انا مايناسبني مفهوم
مروة : مفهوم
هاجر : جدو ماما ماهيا الي تعلمنه نحنا نتعلم منها واني معرف احجي مصلاوي وصديقاتي مو مصلاويات ف تعلمت احجي مثلهن
جدو : اشنو مثلهن احكي نفسنه من انا موجود ماغيد احد يحكي غيغ المصلاوي اما الكنين( الجناين) ماعليه بيهم مفهوم الحكي للكل
محد حجه لان جدو كل مايشوف احد يحجي غير لهجتنه يصيح عليهم وهل حال ماشي على الكل سواء بنات او اولاد وحتى اولادو وبناتو رغم عمه اميرة ما متزوجه مصلاوي بس تحجي مصلاوي وياهم
اما اولادها مايحجون مصلاوي بس كدام جدو لازم الكل يحجي مصلاوي حتى هما وهل شي جان يضوج يعني نحنا بكيفنه ماكو هيج حجي كلشي بكيف جدو محد يحقله يحجي شي واذا بناتهم او اولادهم يريدون يزوجود وجدي مايريد خلاص يعني ماكو وهل زواج مايصير حتى لو الكل راضي بس جدي ماراضي ينلغي
والكل يكره هل شي لان هو حيل متسلط علينه والكل يسمع والي مايسمع ياويلو والكل يخاف منو يعني بختصار هو يأمر ونحنا ننفذ وحتى خطبت إلياس واسيل لو هو مجان قابل جان كلشي ماصار بس هو قبل
كملنا اكل وكامو وبقينه اني وماما قبل ماجنت اساعدها بس هسه كلشي ختلف صرت اساعدها بشغل البيت لان هيا تعبت من شغل البيت وغير هيج جدي مايحبها لا هيا ولا مرت عمي احمد لان بنات عم وما من عائلتو ولان مايحجون نفسو دائما يحجي عليهم ويصيح عليهم ومحد
يكدر يعترض لا بابا ولا عمو تامر بس مرت عمو ثامر جنات افندي محد يحجي وياها لان بنت اخو وتحجي مصلاوي واني حيل اكرها وهسه حتى بناتها هم اكرهم ماعدهم ولد بس بنات
كملنا المطبخ ورحت اكمل درس حتى انام من وكت وماكدرت اكمل لان متراكمه عليه صار تقريباً اسبوعين او ثلاثه اسابيع ف لازم ادرس اكثر واكتب الواجبات كلها وماما ماتريد اساعدها بس كلبي ماينطيني حسن يروح ويا بابا بأيام العطله لان جدو هيح يريد بس حسين صغير
ومو بس هو حتى يوسف ويونس ولاد عمي تامر يجون لان يونس كبير بس يوسف بعمر حسن عمرهم 16 اما يونس عمرو 20 وهم رغم عمرو ياكل رزاله بسبب حجيو ولان يكره امو وحتى حسن وحسين لان يكره امي ومرات اني ورسل هم نترزل بدون سبب
نمت وكعدتني ماما غسلت وفرشت اسناني ونزلت اكل جانو كاعدين كلهم بابا جان دكتور ف يكعد يروح المستشفى بس ماما ربت منزل تضل بل بيت ونسوان عمامي هم عمي تامر محامي وعمي ثامر مهندس وجدي نكدر نكول واصل وعندو محلات يشتغل بيها
كملت ورحت جبت الجنطه ونفس كل يوم جدو يكول
جدو : انتبهو الدراستكم والي يرسب يبطل فهمتو
كل يوم نفس الحجي البنات جان يبطلهن لان يرسبن والولد هم بس تيم مجان يرسب حيل شاطر اكبر مني سنتين بس جان متاخر ف هو هسه سادس طلعت بره البس الحذاء وسمعت صوت الخط بسرعه شديت القيطان وطلعت
صعدت على الباص وجانو البنات بل اخير رحت يمهم وسولفنا شويه واجت رزان بصوت عالي
رزان : بناتتتتتتتت
ساره : وسم شكو
ريماس : ونعل شكو
هاجر : وقزلقرط شكو
رزان : شكراً وعفواً
ريماس : احجي شكو
رزان : اسبوع الجاي يجون بيت عمتي عدنا
هاجر : اي وليش هيج فرحانه
رزان : علمود يخطبوني
هاجر : جذب كولي والله
رزان : والله واخيراً راح ازوج الكراش
هاجر : بالخير
ريماس : مبروك
ساره : مبروك حبيبتي
بقينه نسولف وصلنا المدرسه ونزلنا من الخط شويه نمشي وبعدين نصل المدرسه لان مسافه شويه وابو الخط مايكدر يفوت بل فرع يبقه ينتضرنه لان الباص جبير والفرع حيل صغير وبي سيارات يكفون هم اشتراكات علمود البنات كتلهم
هاجر : صدك كلتن لاهلجن على السفره
رزان : اي وقبلو
ريماس : قبلو
ساره : لعد شبي حضي بس اني مقبلو
هاجر : تشاقين ما
ساره : لا ماكو شقه بهيج موضوع تجين تكولين لامي
هاجر : اي عادي اجي وحتى لابوج هم اكلو
ساره : كولي والله
هاجر : والله
ساره : لعد لا تعبين نفسج مو لازم
هاجر : اشون مو لازم
ساره : لان عدضحك عليكم اهلي قبلو
هاجر : الله يسود وجهج
ريماس : حيوانه مايفيد
رزان : وكعتي كلبي بومه
هاجر : اريد تعلمودني مكان يبيعون فساتين او يأجرون
رزان : ليش
هاجر : الجمعه خطوبت العارات وحابه اطلع غير شكل
ساره : اكو مكان بل مثنى يموت اليوم ارجع وادزلج هو كلش حلو واذا تريدين مكياج مرت حمودي تسوي كلش حلو شيطانه بل مكياج ومكياجها ماركه خطيه حمودي راح يبيع لباسه علمود يشتري مكياج الها ههههه
هاجر : هههه خرب يومج بس خطيه اخوج
رزان : اي عود خلي يتندم عليج وخلي تفيده الك*** شكد حقيره
هاجر : بسيطه اني اعلمهم اذا مااخليهم يتكاونون بسببي واخليهم ينفصلون واني اطمش عليهم فلم ولا اروع
ساره : حبيتج طبي بزودج
وصلنا المدرسه ودخلنا الصف ذبينه الجنط وضلينه بل صف جانت بارده ودك الجرص وفاتت ست زهراء وبقينه درس وراء درس ملل ياخي متعبه المدرسات حددو وقت للمواجلات بعد يومين ولازم ادرس واعدل المواد الاربعه وبل فعل بديت ادرس واشد حيلي صار يوم الجمعه
كعدت الصبح ضايجه ومالي خلك ماعاد بيه حيل ابين طبيعيه تعبت من هذا الهم اريد اطلعهم من بالي بس مااكدر كرهي يزيد وحقدي يزيد بس بنفس الوقت كلبي مكسور ليش يعوفني معقوله هنت علي كل كلامه جان جذب ليش هيج مادري
اجت ماما شافتني افكر وكالت
مروة : اشكو اشبيج ليش ضايجه
هاجر : معرف مخنوكه حيل
مروة : كومي كلي وروحي على بيت ام حمودي علمود نورس تحطلج مكياج لان عزمونه على الغده بيت عمج ثامر وديري بالج تهتمين اريدج قويه وثقي هو مايستاهلج ومايستاهل دموعج لا تخليني انقهر واسوي مشكله
هاجر : لا تخافين مابيه شي
طلعت ماما وطلعت وراها اكلت ورحت لبيت ساره علموظ نورس مرت اخوها تحطلي مكياج هما مو كلش بعيدين ف اجت ماما وياي لان ام ساره صديقت ماما دكينه الباب وفتحه محمد جان مبين طالع من البيت
حمودي : هلا فوتو هما جوه ينتظروكم خذو راحتكم محد موجود
فتنه واجت ساره وام ساره ونورس سلمنا وكعدنه ضلو يحجون ماما وام ساره ونورس راحت مدري وين شويه واجت بيدها علاكه كالت
نورس : ساره جيبي المرايه والميز مال اكل احط المكياج علي
راحت ساره جابت الي كالت عليهم نورس واجت
نورس : يلا هجورة تعالي واذا مايعجبج كولي عادي امسحه الج
هاجر : تمام
بلشت وبل بدايه حطت ماسكات ومقشر مال بشره وحطت كريمات وبعدها بلشت بل مكياج كملت وشفت المكياج حرفياً روعه صدك فنانه بل مكياج كلش جان حلو ماما حبتو كلش وام ساره صلت على محمد وماما كالت
مروة : الله يرحم والديج والله عاشت ايدج يخبل
نورس : دللي خاله اش تحتاجون اني موجوده
مروة : ماتقصرين يا بعد كلبي
هاجر : شكراً الج وعاشت ايدج والله حلو صدك من كالت ساره فنانه
طلعنه وجانت ساعه 12:35 رجعنه للبيت ولبست ملابس طلعه واخذت الفستان الي شتريته بنفسجي فاتح وطويل وبي فتحه من الكتاف فد شي حلو كلش
وصلنا بيت عمي وفتت جانت اسيل واسيا بل صالون وايلا وايليف هم بل صالون بس رسل ماراحت لان امها كالت لا تروحين عمه تيماء ماتحب اسيل واسيا ولا امهم وامي هم ماتحبهم وعمه تيماء جانت تحذرني منهن بس ماجنت اسمع كلامها
واكول عليها تريد تفرقنه لان تغار بس طلعت تريد مصلحتي واني طلعت غلطانه فتنه وسلمنا علينهم وجنات افندي طايره من الفرح اذا مااخربها فلا اسمي هاجر اذا مااخلي العين عليه واخلي بنتج حالها حال غيرها بسيطه عماتي حبن مكياجي وعمه اميرة تقره ايات وعمه مريم تصلي على محمد
حرفياً جنت كلش حلوه المكياج هو الي حلاني وصلو وفاتن اسيل واسيا وياهم إيلا وايليف ولارا ويارا وإلياس وتيم وعمر تيم اول مافات اجه يمي وصار يتغزل بيه
تيم : خرب عرضج شهل جمال شنو انتي كمر ونبي احلى من العروس بذاتها
هاجر : قبانو الي يرفع معنوياتي خوب انت شطالع غير شكل احلى واحد بينهم حتى احلى من اخوك اللهم صلي على محمد وال محمد
واجر بيها
عمر : ليش يولي انا اش بيه
هاجر : وانت طالع كيكه بس تيم يقفل ملفكم اسفه مااكدر اجذب
إلياس : ومن ايمتا تيم احلى مني اشو كلها تكول اني احلى
هاجر : ايععع تقارن نفسك ب تيم وين هو وين انت هو فوكك وانت تحت هو اخلاق وانت بدون
إلياس : قصدج بدون اخلاق
هاجر : قبانو الي يفهم
اسيل : هاجر شو احسج ضايجه وتزتين كلام
هاجر : بل عكس يمكن اني اكثر وحده فرحانه لان تعرفين الولد خلصو من وحده رخيصه والبنات خلصت من العار
اسيل : قصدج اني رخيصه وإلياس عار
هاجر : ليش احبج لان تلكفيها
جنات : اشو انتي ماتستحين اشنو هاي قلت الادب مالكي
هاجر : لا عمه لتحجين على بنتج مو حلوه كدامنه
جنات : عدحكي عليكي ما على بنتي
هاجر : مو انتي كلتي ماتستحين وقليلت ادب لان بنتج بيها هاي الصفات عبالي عليها
تيم : هاجر تقصف ولا تبالي
جنات : وانت فرحان لان تحكي على اخوك ومرت اخوك
تيم : والله عمه اني ماعليه ينجازون
اجانه صوت جدي
جدو : ليش تتكاونون اش صايغ
جنات : عمي تقبل هاجر تقول على بنتي رخيصه وعلى إلياس عار
جدو : هاجر اشنو هذا الكلام
هاجر : جدي حبيبي هيا استفزتني وضلت تحجي عليه وهاي تيم يشهد والكل يشهد
تيم : اي جدو كلامها صحيح
جدو : جنات ما عيب عليكي تحكين نص الكلام والباقي لا
جنات : عمي والله بنتي ماحكت شي بس قلتله ليش ضيجي
هاجر : عمه عيب تكذبين كوي (ترا) انتي كبيره
جنات : شوف عمي اشون تحكي معاي هذا كله تعلوم مروه مروه طلعت عينه وتعلمها هشكل شغلات
هاجر : اي لا وصلت حدها شعليج بأمي ليش مضغوطه منها ودائما تحجين عليها أمي خط احمر فهمتي اذا حجيتي عليها شي بعد والله افضحكم فاهمه
جدو : تفضحين منو
هاجر : افضح جنتك وبناتها ولا تخلوني احجي ترا لساني مااكدر امسكه بعدين جوزي من امي
انسدت السالفه وجنات افندي بعد ماتكدر تحجي وياي لان افضحها لازمه عليهم سوالف بس الله يعلم بيها بقيت كاعده على التلفون ولا كمت سويت شي ومن عمتي تكلي ساعديهم اكلها اني خطار ومايصير الخطار يشتغلون اجت عمه اميرة وكعدت يمي وكالت
اميرة : ليش كلتي على إلياس عار هسه ابني هيج طلع
هاجر : عمه لا تزعلين مني بس والله اكو فرق من السماء للكاع بين تيم وإلياس تيم متربي كلش صح اما إلياس كلش غلط مادري يمكن مايعجبج كلامي بس كلبي شايل عليهم
اميرة : شنو السبب انتي واسيل واسيا جنتو دائما سوه شنو الي غيركم
هاجر : كل الي اكدر اكوله كسروني وجرحو مشعري وهانو كرامتي وادفعهم الثمن لو يبقه اخر يوم بعمري
هاجر : السالفه اذا اكلج عليها تيم راح يتاذه من وره السالفه واني ماريد هذا الشي وكل الي اكدر اكوله ابنج الكبير وبنات ثامر صارو اعدائي
اميرة : خلاص ماراح اطول السالفه ايمتا ماتريدين اني موجوده واسمعج
كامت وراحت تساعدهم واجت إيلا يمي هل فتره احسها تتقرب مني هيا ورسل
إيلا : هجوره تيم فهمني السالفه الله يساعدج شلون هيج كاعده طبيعي اعرف انو بداخلج حرب بس هاي كدامنه علمود ماتخليهم يشمتون بيج ولا يكسروج نفس ماكالو
هاجر : لا تخافين مابيه شي وكلش طبيعية وكلشي انتهى يوم الي عافني بي وراح الها
إيلا : اعرف ماتثقين بيه وعبالج اني وياهم بس والله من زمان احبج وجنت ماتقرب منج بسبب اسيا واسيل لان مااحبهم ولا احب سوالفهم وحجيهم مدري شلون جنتي تحبيهم
هاجر : جنت مخدوعه بيهم المهم لا تخافين ماخايفه منج لان اعرفج انتي وتيم وياي وحتى رسل كالت نفس الحجي الي انتي كلتي ثقي ماعندي شي وياج ويا رسل بس احتاج وقت حتى اتعود عليكم مثل متعودت على تيم
إيلا : خوش ومن تحتاجيني تلكيني يمج
هاجر : تسلمين
راحت وصارو يجيبون الاكل ويخلو جيت كعدت على السفره وماعليه بيهم اكلت وكملت خربت الحمره ونورس علمتني شلون احط نفسها كملت وغسلت ايدي ورحت كعدت على التخم وحطيت رجل على رجل عبالك اميرة كاعده وهم الخدم
شالو السفره وكالو للبنات يروحن يبدلن علمود يبدوها من وكت ويخلصوها من وكت جانت الساعه 3:05 كمت للغرفه بدلت وحدي مجان اكو احد لان نتضرتهم يروحون وبعدين ابدل وبعدني البس الحذاء واسمع صوت اغاني
اختنكت حيل ودموعي تجمعت بعيني حاولت اسيطر عليها بس خانتني ونزلت انفتح الباب وطبت إيلا ورسل شافو شكلي واجو يمي
رسل : هاجر انسي والله مايستاهلون
هاجر : مااكدر مو بيدي ليش محد يحس بيه ليش محد يعرف شنو بداخلي جاي اموت الف مره بل يوم واني اشوفهم فرحانين على كسري
رسل : هما هذا الي يريدو يريدون يخلوج تخسرين الثقه بنفسج ويخلوج ضعيفه لا تسوين الي يريدو
هاجر : مااكدر امثل تعبت والله ليش هيج سوو شنو استفادو بس اريد افهم
إيلا : امسحي دموعج لا يجي احد يشوفج وحرامات يخرب مكياجج لان حلو والله
مسحت دموعي وكمت رسل عدلت المكياج لان شويه خرب بسبب البجي نزلت جوه وشافتني عمه اميرة
اميرة : ليش جنتي تبجين
هاجر : ها لا مو ما بجيت
اميرة : لعد ليش عيونج حمر
هاجر : لان اشسمو
رسل : خلت كحل وماعرفت تخلي وفكست عينها
اميرة : دكولي هيج وكفتي كلبي
هاجر : لاتخافين ماكو شي
كعدت على التخم وخليت رجل على رجل وبل فعل اكو كم مره اجت حاجت امي وحده كرايب عمه اميرة هم سئلت عليه وتريد تخطبني هنا كلش فرحت علمود بس اخذ الاضواء منها واخلي إلياس يضوج لان عافني
وخسر هيج جوهره مثلي رحت للمطبخ اشرب مي وبل مطبخ اكو مكان صغير جنات تحط بي مواد غذائيه جنت واكفه يم الباب مال المخزن واشرب مي حسيت احد سحبني بس ماعرف منو
من شفته نصدمت كال
إلياس : صدك الي سمعته
هاجر : ليش شنو سمعت
إلياس : سمعت مرت عمي خطبتج من امي
هاجر : ها عرفتها اجت حجت وياي اصلاً فد حبابه كلش حبيتها وبكد ما حمدت بابنها صار عندي فضول اشوفه علمود اشوف يستحق هل مدح من امك ومن امو
إلياس : اذا حلو توافقين
هاجر : ليش لا اذا حلو وشخصيه وابن عالم وناس ويقدرني ويحبني ف اي اقبل
إلياس : منو كلج اني اقبل
هاجر : soory بس منو انت حتى تقبل او لا حبيبي ومعرف
إلياس : اي حبيبج ومااخلي احد ياخذج
هاجر : شكد طماع تريد اسيل واني لا صدك نسيت هاي جذبه علمود ارفض الولد لان حباب وزين اسيل كالتلك تكلي هيج مو
إلياس : اسيل مالها علاقه وماتدري اصلاً انخطبتي
هاجر : اي واني شعليه بيكم طبكم مرض
درت وجهي اريد اروح ورجع لزم ايدي ودارني علي شعري صار على وجهي وخر شعري بيدو نصدمت هذا شبي بعدت ايدو عني وكلت
هاجر : اذا تفكر تلمسني بعد اكسر ايدك خوش
إلياس : بكيفي مو بكيفج
هاجر : soory
إلياس : لا تضلين تتفلسفين براسي بل انكليزي عبالك بس انتي تعرفين تحجين انكليزي
هاجر : وانت شعليك لساني لو لسانك والله خوش بكلشي حاط خشمك روح تأمر على خطيبتك مو عليه
إلياس : بكيفي واذا عبالج هاي الخطوبه تصير ف تحلمين
هاجر : عناد بيك راح اقبل خوش
عفته وطلعت نرفزني هو شعلي بيه لو معقول صار يحبني لازم اخلي تيم يتأكد من الموضوع راح اوافق على الولد حتى لو جان يلعب النفس وبعدين اكول ماتفاهمنه
رحت على عمه اميرة وجانت المره واكفه يمها
هاجر : عمه هاي الي خطبتني شتصير منج احس اقتنعت بكلامها
.... صدك اقتنعتي
هاجر : اسفه عمه بس ماعبالي انتي هيا
... لا حبيبتي اني تعالي اشوفج صورت ابني وحتى اتفاهم ويا امج ونجي نخطبج اذا قتنعتي بي
طلعت صوره هيا ولد يمها جان حلو كلش اشكر وعيون خضر وابيض عزه شنو هذا الملاك نوب تراسيم وجهه حلوه مبين هادء وملامحه هادئة
ابتسمت ورحت عود خجلت بس جذب اصلا ً اني مو مال زواج ومسؤوليه بس اريد اتأكد كمت وصرت اركص وطلعو اغنيه مال هز خصر عود كامت اسيا تهز خصر عشتو ولا يمها السالفه اصلاً
كمت وكفت يمها دفعتها بخصري وقربت يمها وكتلها تعلمي من تاج راسج وبديت اهز خصري عبالك رقاصه وكملت وطلعو ردح كمت اهز بس اركص بهدوء ما احب بهمج وبسرعه وهيا تركص بهمج نوب كامت اسيل
هيا ابد ماتعرف تركص كامت تركص خزت نفسها وكعدت فات إلياس علمود يلبسها الحلقه ويطلع شفتهم يم بعض وهنا ماكدرت اكتم دموعي صارت تنزل واسمح بيها جنت واكفه بل اخير وسمعت صوت من ورايه يكول
....
.................
انتهى البارت
عجبكم البارت وشنو تتوقعون يصير
- يتبع الفصل التالي اضغط على (رواية قسوة احفاد ال هتان) اسم الرواية