رواية داليدا الفصل الثالث 3 - بقلم حبيبة ابراهيم
فجأة النور بيقطع وبيرجع في وقتها والعروسة بتختفي وتكون برة المطبخ
ام اسيل: ايه يا قمر رميتي العروسة ليه؟
قمر: يا ماما انا مرميتهاش
ام اسيل بتبص ل داليدا وأسيل
داليدا: قمر يعني ايه مريمتهاش
قمر: هي مشيت من ايدي
ام اسيل بصوت عالي: داليدا مين اللي جابلك العروسة؟
داليدا: ريم يا ماما
ام اسيل: العروسة دي مش هتقعد في بيتي دقيقة كمان
داليدا: حاضر البسي يا اسيل وانا هتصل ب ريم
داليدا: ايه يا ريم البسي بسرعة عشان نروح نرجع العروسة
ريم: في ايه يا داليدا
داليدا: لما اشوفك هقولك البسي وقابليني عند بيتي
ريم: طب انا بيتي بعيد هتاخر شوية
داليدا: منا عارفة يا ريم عقبال ما نلبس انتي كده كده بتلبسي بسرعة
ريم: ماشي ماشي يلا سلام
——-
(بعد ساعة)
داليدا: ايه يا ريم انتي فين؟
ريم: انا اهو دقيقة و هبقى عندك
داليدا: ماشي انا مستنياكي انا وأسيل قدام البيت
ريم: انا شوفتكوا اهو
داليدا: إيه يا ريم كل ده؟
ريم: معلش يا داليدا ما انتي عارفة ان بيتي بعيد ده كمان كده الطريق كان فاضي في ايه عاوزة ترجعي العروسة ليه بس؟
داليدا: العروسة ملبوسة يا ريم
ريم: يعني ايه؟ ازاي؟
داليدا: هحكيلك في الطريق
——-
(بعد نص ساعة)
ريم: ده المحل
داليدا: ماشي يلا يا أسيل
داليدا: السلام عليكم
البائعة: وعليكم السلام
داليدا: زميلتي كانت مشترية العروسة من هنا وهي طلعت ملبوسة انا عاوزة افهم ازاي تبيعوا حاجة زي كده ل الناس انا هبلغ عنكم البوليس
ريم: استني بس يا داليدا مش البنت دي اللي باعتلي العروسة
البائعة: اهدي بس حضرتك فعلاً كان في بنت هنا غيري وصاحب المحل مشاها عشان كذا واحدة اشتكت من المشكلة اللي حضرتك بتتكلمي عنها
ريم: ايوه يا داليدا مش هي اللي باعتلي العروسة
داليدا: تمام
داليدا لأسيل وريم: طب هنعمل ايه دلوقتي
أسيل: احنا ممكن نرميها في اي مكان مقطوع معتقدش حد هياخدها
داليدا: شكلها حلو اوي يا أسيل اي طفلة صغيرة هتاخدها
أسيل: بس المكان هيكون مقطوع
داليدا: وارد اي حاجة
ريم: طب بصي احنا ممكن نقطعها ونرميها ف النيل
داليدا: تمام نعمل كده
________
(بعد 20 دقيقة)
أسيل: يلا نروح
داليدا: ريم اوصلك؟
ريم: لا لأ انتي عقبال ما توصليني وترجعوا تكون الساعة اتنين بليل يلا روحوا انتوا
داليدا: ماشي ابقي طمنيني لما توصلي
ريم: إن شاء اللّٰه
________
أم أسيل: إيه يا بنات عملتوا إيه؟
أسيل: لقينا الست اللي باعت العروسة لريم صاحب المحل مشاها لانها هي اللي كانت بتجيب العرايس دي وتبيعها معرفش ليه عملت كده اساسا بس ف خدنا العروسة ورميناها ف النيل بعد ما قطعناها
أم أسيل: مش مشكلة المهم انها مشيت من البيت يلا غيروا هدومكوا عشان ناكل
________
(اليوم التالي)
داليدا: صباح الفل ينور عيني
أم أسيل: ها قولي
داليدا: ايه يا ماما اكيد مش هعوز منك مصلحة يعني
أم اسيل: منا عارفة قولي
داليدا: ماما هو بابا مكلمكيش وقالك هو هيرجع امتى؟
أم أسيل: ما أحنا بنكلمه كل يوم ومبيتكلمش في موضوع رجوعه
داليدا: ماما الولد اللي كلمك وقالك انه عاوز يخطبني مكلمكيش تاني؟
أم أسيل: كلمني بس انتي عارفة ان ابوكي لازم يكون موجود
داليدا: يا ماما منا علشان كده بقولك بابا مقالكيش هيرجع امتى؟
أم أسيل: هكلمه انهاردة واشوف هيعمل إيه
داليدا: كلميه دلوقتي انا واقفة معاكي اهو
أم أسيل: ماشي استني
أم أسيل: ايه يا حبيبي عامل ايه انهاردة؟
=انا الحمد لله بخير يا حبيبتي الولاد عاملين إيه؟
أم أسيل: الحمد للَّه كويسين وبيسلموا عليك
داليدا: هاتيه هاتيه
داليدا: بابا وحشتني اوي بجد
=وانتي كمان يا حبيبتي وحشتيني اومال فين أسيل والقمر الصغير؟
داليدا: نزلوا يجيبوا حاجات وأسيل خدت قمر تجيبلها حاجات حلوة
=داليدا انا عارف انك عاوزة تتكلمي في موضوع الخطوبة امك قالتلي على الولد وقالتلي انه بيكلمها هي عشان انتي مبتكلميهوش وهو خد رقم تليفونها عشان يكلمها ويأكد انه عاوز يخطبك بجد
داليدا: ايوه يا بابا بس احنا لسه مقابلناهمش وبعدين انا مش هعمل خطوبة من غيرك
=يا حبيبتي طب قابلوهم ومامتك قايلاله اني مسافر وبالمرة تكوني كمان فكرتي في الموضوع
داليدا: حتى لو يا بابا انا مش هعمل خطوبة من غيرك
=يا داليدا فرحتك من فرحتي انتي عارفة ان صعب اوي اني انزل دلوقتي من قبل ما اسافر
داليدا: يا بابا بس انا مش هعرف افرح من غيرك
=طب يا داليدا يا حبيبتي معلش هكلمك تاني عشان مش هعرف اكلمك دلوقتي يلا سلام
داليدا: سلام
(صوت جرس الباب)
أم أسيل: افتحي يا داليدا
داليدا: حاضر
أسيل: ايه يا داليدا مالك زعلانة كده ليه؟
داليدا مبتردش وبتخش اوضتها
أسيل: إيه يا ماما في إيه إنتوا إتخانقتوا؟
ام اسيل: لأ يا حبيبتي متخانقناش هي بس زعلت عشان ابوها ممكن ميعرفش يحضر خطوبتها
أسيل: انتوا كلمتوا بابا؟
ام أسيل: اه كلمناه
أسيل: امتى
ام أسيل: وانتي تحت
أسيل: اه
أسيل: بس يا ماما احنا مش هينفع نعمل خطوبة وبابا مش موجود حتى لو هو وافق على كده احنا مش هنفرح من غيره
أم أسيل: أسيل اسمعيني الولد ده محترم واختك بتحبه واديتله رقمي من غير ما تكلمه عشان يكلمني ويقولي انه بيحبها وعاوز يخطبها وكمان احنا متفقناش على وقت نتقابل فيه يعني ممكن يطفش لازم نحاول نقنع اختك ان احنا نقابله وانا هخلي ابوكي يقنعها وانتي كمان اقنعيها معايا انا عارفة انك زعلانة زيها بس معلش اقفي جمبي وجمب اختك
أسيل: حاضر انا هخش اكلمها
أسيل: اي يا دودو في ايه؟
داليدا (بزعل): اكيد ماما حكيتلك
أسيل: اه حكيتلي بصي يا داليدا احنا عارفين ان بابا مسافر ومنعرفش هيرجع امتى ف لازم نحاول نتقبل ده
داليدا: بس انا…
أسيل: مفيش بس
انا زعلانة زيك بس معلش يا أسيل بابا هيكون زعلان اساسا لو انتي متخطبتيش انا هكلم ماما اخليها تكلم طنط وييجوا ينورونا
داليدا: لأ
أسيل: مفيش لأ انا هقوم اقولها وفرفشي كده واضحكي
أم أسيل: الو ايه يا حبيبي بص داليدا لسه زعلانة ومكانتش موافقة ان الولد ييجي هو ومامته يتقدموا عشان انت مش موجود انا خليت اختها تقنعها وانت اتصل بيها قولها انك هتكون متابعها بالتليفون اليوم ده
=حاضر هكلمها
_________
(بعد شهر)
ام اسيل: يلا يا بنات بسرعة اجهزوا ورتبوا كده الشقة عندنا خطوبة بعد كام ساعة
أسيل: انا روقت كل حاجة فاضل بس اكنس
داليدا: وانا هروح اجهز
ام اسيل: ماشي انا هلبس وهلبس قمر تكوني انتي كنستي يا أسيل واختك جهزت
أسيل: ماشي
(بعد ٣ ساعات)
(دق على الباب)
ام العريس: السلام عليكم
ام أسيل: وعليكم السلام اتفضلوا اتفضلوا نورتونا
أسيل: ازي حضرتك يا طنط
ام العريس: بخير يا حبيبتي
ام العريس: اومال فين عروستنا؟
أم أسيل: هي بتجهز
أم أسيل: خشي يا أسيل اندهي اختك
داليدا (ماسكة العصير)
ازي حضرتك يا طنط
ام العريس: بخير يا حبيبتي ايه الجمال ده كله
داليدا: ده من زوق حضرتك يا طنط
ام العريس: طبعًا احنا يشرفنا ان احنا نطلب ايد عروستنا القمر دي ومحمد قابلكوا قبل كده هو طول الوقت بيحكيلي قد ايه داليدا محترمة وانا يشرفني اناسب عيلة محترمة زيكوا
ام أسيل: حضرتك مش عارفة اقولك ايه على الكلام الحلو ده واحنا نتشرف بيكوا وبمحمد طبعًا
ام العريس: نقول مبارك؟
أم أسيل: نقول مبارك
أم أسيل لأم العريس: يلا نلبسهم الدبل
ريم: مبارك يا دودتي
داليدا: اللّٰه يبارك فيكِ يا اجمل صاحبة
تاليا: مبارك يا داليدا فرحنالك اوي بجد
داليدا: اللّٰه يبارك فيكِ وعقبال ما اشوفك وانتي عروسة انتي وخطيبك
تاليا: حبيبتي يا دودو
(صوت جرس الباب)
أم أسيل: أسيل قومي افتحي
أسيل (بصوت واطي ودموع):بابا وحشتني اوي اوي يا بابا
=وانتي كمان يا حبيبة بابا
أسيل: بص خش براحة عشان داليدا تتفاجئ
داليدا بعد ما بتلاقي كلهم بصوا بإتجاه الباب
داليدا: بابا!
وبتجري تحضن باباها هي وقمر وتعيط
داليدا: انا مش مصدقة نفسي انت مش كنت قايلي مش هعرف اجي
=انا فعلا مكنتش هعرف اجي ولكن صاحب الشغل قالي سافر لازم تكون مع بنتك في اليوم ده وقالي هيديلي شهر اجازة عشان اقعد معاكو شوية وحجزت وجيت
داليدا: ماما انتي وأسيل كنتوا عارفين؟
أم أسيل: اه و محمد كمان قولتله وقالي نعملهالك مفاجأة
داليدا: انا بحبكوا اوي
=ازيك يا محمد أم اسيل حكيتلي عنك كتير
محمد: اتشرفت بمعرفتك يا عمي
ريم وتاليا: طب يا داليدا هنروح احنا عشان الوقت
داليدا: ماشي ابقوا طمنوني لما توصلوا
ريم وتاليا: حاضر إن شاء اللّٰه
داليدا: سلام
ريم وتاليا: سلام
———–
(في اليوم التالي)
داليدا: ازيكوا يا فانزاتي طبعًا كان لازم اقولكوا خبر حلو زي ده انا اتخطبت امبارح الحمد للَّه طبعًا في مفاجأة حصلتلي امبارح انا متوقعتهاش بابا حبيبي جيه من السفر وهيقعد معايا شهر انا حقيقي مكنتش مصدقة نفسي لما شوفته انا قولتلكوا قبل كده ان دي اكتر حاجة مزعلاني ان بابا مش هيحضر خطوبتي بس الحمد للَّه جيه امبارح انا بحبكوا اوي يا اجمل ناس في الدنيا واللّٰه يبارك فيكوا كلكوا هطلع لايڤ تاني واحكيلكوا فيه عن ترتيباتي ل الخطوبة بس بعد الإمتحانات إن شاء اللّٰه عشان اخيرًا هخلص مسيرتي التعليمية
بحبكوا اوي.. سلام
أسيل: داليداا بصي جيبت إيه
داليدا: واو إيه الشنطة التحفة دي
دي بتاعتنا صح؟
أسيل: لا يا حبيبتي دي بتاعتي انا بس
داليدا: طب ماشي انتي حرة شوفي مين هيسلفك الكوتش بتاعه
أسيل: اختي حبيبتي داليدا عمرها ما هتبخل عليَّ ب حاجة بس الشنطة جديدة امرمطها شوية وبعدين خديها
داليدا: ايوه كده.
أم أسيل: يا بنات ابوكوا بيقولوكوا البسوا عشان نتفسح
داليدا: لأ يا ماما بابا لسه جاي امبارح وتعبان من السفر خليه يرتاح انهاردة وبكرة إن شاء اللّٰه نتفسح
أم أسيل: خلاص يا حبيبتي هقوله
داليدا: ماشي يا قلبي
أسيل: داليدا ما تيجي نجيب لبابا حاجة بيحبها
داليدا: حلو نجيبله ايه مثلًا؟
أسيل: بصي كده كده احنا مكالناش والوقت مش متأخر اوي يعني وبابا بيحب الشاورما
داليدا: منين هنجيب شاورما دلوقتي الساعة تمانية
أسيل: يابنتي في محل بينّا وبينه تلت ساعة قومي بس البسي
داليدا: مش لما نقول لماما؟
أسيل: ماشي هقولها
أسيل: ماما بصي احنا هنزل انا وداليدا نجيبلكوا شاورما عزومة وكده وعشان بابا بيحبها ماشي؟
ام اسيل: ماشي بس متتأخروش
أسيل: من عيوني إن شاء اللّٰه مش هنتأخر
(في الشارع)
يرن تليفون داليدا
أسيل: مين؟
داليدا:ده محمد
داليدا: الو
محمد: إيه يا داليدا عاملة إيه؟
داليدا: الحمد للَّه بخير وانت عامل إيه؟
محمد: الحمد للَّه بخير
محمد: إيه انتي في الشارع ولا إيه؟
داليدا: اه عازمين بابا وماما على شاورما عشان بابا بيحبها
محمد: اه بالهنا
محمد: بقولك اسألي باباكي كده لو ينفع نخرج بكرة إن شاء اللّٰه
داليدا: ماشي هقوله بس لازمأسيل تيجي معانا
محمد: أكيد مفيش مشكلة
أسيل (بصوت واطي وضحك): قوليله هتودينا فين
داليدا بتغمزها في دراعها: إيه يا محمد المهم هقول لبابا كده واكلمك
محمد: ماشي لما تروحي كلميني
داليدا: حاضر
أسيل: ايه ايه قالك هنروح فين
داليدا: انتي يبت حشرية كده ليه تمشي وانتي ساكتة
أسيل: يستي ماشي هسكت اهو عشان بس انتي مكسوفة وكدة
داليدا: يوهه اسكتي يلا عشان نلحق نروح
_______
(بعد نص ساعة)
داليدا: بابا بص انا وأسيل جبنالك إيه
الأب: يااااه ده انا بقالي كتير مكالتهاش
أسيل (بغمزة): اي رأيك يعم مظبطينك اهو
الأب: انا فرحتي كلها هي قعدتنا مع بعض واني اشوفكوا مبسوطين انتوا حبايبي من غير اي حاجة ربنا يحفظكوا يا حبايبي
أم أسيل: ربنا ميحرمناش منك يا حبيبي
قمر وأسيل وداليدا بيحضنوا باباهم
ام اسيل: يلا يبنات عشان ناكل
أسيل بتضرب داليدا بكتفها
داليدا: ايههه
الأب: ايه في ايه؟
أسيل: اصل داليدا عاوزة تقولك حاجة
داليدا: انا؟
الأب: ما تقولوا فيه إيه
داليدا: بابا محمد كان عاوز ياخدني انا وأسيل نخرج وكده بس يعني لازم اقولك يعني
الأب: اهه امتى؟
داليدا: بكرة كده بس انا مسألتهوش امتى قبل ما اقول لحضرتك طبعًا
الأب: ماشي كلميه شوفي هتروحوا فين وامتى
داليدا: موافق؟
الأب: اه يا حبيبتي ومتتأخروش
أسيل: هيهههه
الأب (بضحك): يا بنتي انتي فرحانة اكتر منها ليه
أسيل(بضحك): مش عارفة
_______
(اليوم التالي)
داليدا: أسيل احتي حبيبتي
أسيل: اممم مصلحة
داليدا: انا؟ لا لا طبعًا
أسيل: انا عارفة ان عنيكي ع الشنطة حاجة مقابل حاجة؟
داليدا: طلعتي مادية اوي يستي ماشي قولي عاوزة إيه
أسيل: عاوزة الكوتش بتاعك
داليدا: اوكيه اتفقنا
داليدا: محمد بيرن خلصتي؟
أسيل: اه تمام
داليدا: ماشي يلا بينا
محمد: ها تحبوا تروحوا فين
داليدا: اكيد اللي انت عاوزه
محمد: تعالوا ناكل ونجيب قهوة ونتمشى ولا تحبوا تقعدوا في حته؟
داليدا: لأ نتمشى احسن إيه رأيك يا أسيل؟
أسيل: اه نتمشى
بعد ما كلوا وجابوا قهوة
أسيل: انا همشي وراكوا
داليدا: ماشي
محمد: قولي اي حاجة
داليدا: معرفش اقول إيه
داليدا: إيه رأيك نتكلم عن حياتنا مثلًا؟
محمد: حلو احنا تقريبًا منعرفش حاجة عن بعض
داليدا: إبدأ انت
#داليدا
كُتِبَت بواسطة: حبيبة إبراهيم
يتبع…..
- يتبع الفصل التالي اضغط على (رواية داليدا) اسم الرواية