رواية ما يخبئه لنا القدر الفصل الرابع 4 - بقلم زينب رشدي
هيثم: ياريت تفهمينى بصي على المؤشرات بصي كنتى فين واترفع الشهر ده ازاى
ملك بامل: صح عندك حق
هيثم: اعتقد بسبب حالتك النفسية وتقبلك للعلاج
ملك: فعلا انا بقيت متقبلاه
هيثم بضيق: يمكن بسبب قربك انتى وعمر
ملك بخجل: احم فعلا بقينا صحاب بالمناسبة انا بطلب منك طلب
هيثم: انتى تؤمرى طبعاً
ملك: طبعا احنا هنبدا مرحله جديدة وزي ما انت عارف هتبقى متعبه وصعب اننا نخرج ف عشان كده انا عايزه انا وعمر نخرج النهارده نبات مع اهلنا ممكن
هيثم: انتى وعمر
ملك:ااااه هو يروح لاهله وانا كمان
هيثم: اممم طيب ي ملك هو هيبات انتى لإ
ملك: ليه بقا
هيثم: عشان مضمنش تعملى اي وتتعبى زي المره اللى فاتت
ملك: خلاص هرجع
هيثم: خلاص روحى
خرجت ملك ودخلت اوضه عمر من غير ما تخبط لاول مره
ملك عمر اااه اسفه اسفه
خرجت ملك وهي قلبها بيدق جامد لان كان بيغير هدومه وعار’ي الصدر دخلت اوضتها وهي مخبيه عنيها من الخجل
ملك: غبيه
بعد شويه دخل عمر
عمر: قوليلى بقا اي الحاجه المهم اللى خلتك تدخلى دخلت المخبرين دي
ملك خبت وشها: والله ما كنت اقصد انا جيت من عند هيثم فرحانه بس
عمر بغيره: كل شويه هيثم واي فرحك المرادي بقا طلب ايدك بجد
ملك: اقعد بس هقولك بعد ما خلصنا كلام طلبت منه نخرج تروح لمامتك وتبات معاها
عمر: بجد ثم اكمل بتذكر بس هتقول اي لما اروح يوم واحد واسيبها
ملك: جيت اطمن عليكي ي ماما عشان السفاريه هطول شويه
عمر: انا فرحان بجد شكرا بجد
ملك: يلا اجهز عشان نمشي
عمر: انتى رايحه بيتكم
ملك: اااه يلا بقا
جهزوا ونزلوا سوا
ملك: يلا ي عم توصيله ببلاش
عمر: بجد مش عارفه اشكرك ازاى
ملك: اقولك ازاى اعزمنى عندكم على شاى
عمر: بتكلمى جد
ملك: ي عم روح لمامتك ده انت بخيل
عمر رفع حاجبه: بخيل
ملك: ايوه متستغربش مش بالعربيات ولا بالشركات ولا الفله الحلوه ي باشا
عمر: اومال بايه
ملك: مش عارفه انزل بقا
نزل عمر ودخل لامه اللى اتفاجئت بيه
عمر بحضن: وحشتيني ي ست الكل
عائشه: ي حبيبى ي ابنى كل دي غيبه
عمر: غصب عنى والله انا جاي يوم واحد وراجع تانى اصلا
عائشه: تانى ي عمر انا قلبى مش مطمن حاسه انك مخبي عني حاجه
عمر: هخبى اي بس ي ست الكل كل الموضوع ان مشاكل في شركات برا
عائشه: لما بتكلمنى بحس بصوتك مهموم وتعبان ودلوقتى خاسس ووشك دبلان
عمر: اي كل ده بس ي ماما انا كويس كفايه ان في حضنك
عائشه: بس
عمر بمقاطعه: هنقضي اليوم اللى قاعده في الكلام انا وحشنى اكلك ي ست الكل
عائشه: عيوني ي حبيبى ثواني والاكل يبقي جاهز
وعند ملك قاعده وسط اهلها وبتضحك
اسماء: والله وحشتينى ي ملك
ملك: ادعيلى بس ي امي عشان ارجعلك
ايمن واسماء: ربنا يشفيكي ي حبيبتي
ملك: يارب يلا ي استاذ آدم عشان توصلنى
آدم: يلا
آدم ساق بعربيتها لحد ما وقف على الكورنيش
ملك: طالما جاي هنا تبقى عايز تقررنى
آدم: سمعت انك هربتى من المستشفى
ملك بتمثل الصدمه: اي؟ هربت؟ لا انا خرجت عادى
آدم: وتعبك بعدها
ملك: عشان اضايقت بس
آدم: احكيلى انا سمعت انك اتخانقتى مع ياسر
ملك بتنهيده: هقولك……
آدم بصدمه: رقصتى مع عمر
ملك بتوتر: ايوه عادي يعني محبتش احرجه
آدم: وجيتوا هنا وحكتيله على كل حاجه ومش بس كده انتوا بقيتوا قريبين جدا في المستشفى بغض النظر عن انك محرجتهوش انتى على طول بتحرجى ياسر
ملك بخجل: تقصد اي
آدم بابتسامة: اقصد انك لقيتى حبك الحقيقي
ملك بخجل: ادم انت بتقول اي
آدم: ي بت ده انتى اختى وفاهمك اكتر من نفسك وقبل كده قولتلك انتى مش بتحبى الح’يوان ياسر
ملك بتهرب: طيب اتلم ووصلنى ولا اقولك انزل من عربيتى
آدم: هوصلك وخلاص بس انا متاكد من اللى بقوله
وصل آدم ملك وقعدت مع فاطمه ونعمه يتكلموا ولما سبوها تنام فضلت تفكر فى كلام آدم وغصب عنها حاست ان وحشها اوى وهو كذالك فضل يفكر فيها لحد ما نام وتانى يوم صحي من النوم وفطر مع امه وسلم عليها ومشي بكل نشاط اما عند ملك
ملك: ي نعمه هي ساعتين زمن وهتلقيني قدامك
نعمه:دكتور هيثم هيقطع رقبتى والله
ملك: والله ما هعمل اي مصيبه هقابل حد وجايه علي طول
نعمه: طيب بصى متتاخريش وقبل معاد الجلسة تبقي هنا
ملك: اشطا بااااى
خرجت ملك ومقرره تعمل حاجه في دماغها وبعد شويه وصل عمر ومعاه ورد واخده فى اوضتها بس ملقهاش
عمر: فاطمه هي ملك لسه مجتش من امبارح
فاطمه: لا ملك اصلا بايته هنا من امبارح
عمر: من امبارح
فاطمه: ايوه دكتور هيثم رفض تبات برا
عمر: وهى فين دلوقتي
فاطمه: معرفش اسال نعمه
عمر سال نعمه ورفضت تقوله وفضل قاعده في اوضتها مستنيها ترجع اما عند ملك
عائشه: اتفضلى ي حبيبتى
ملك: حضرتك اكيد متعرفنيش انا ملك صديقه عمر من فتره صغيره
عائشه باستغراب: في الشغل
ملك: مش بالظبط بس انا عايزه اتكلم مع حضرتك وياريت تفهمينى……..
عائشه بعصبيه: ازاى يبقي تعبان وميقوليش
ملك: صدقيني في تحسن كبير وحالته اصلا في الاول ودي كل التحاليل اللى بتاكد كلامى انا بس جيت اقولك عشان ده من حقك وهو زعلان عليكى وعشان متقلقيش لما يختفى الفتره الجايه لانها هتبقي صعبه علينا بس انا هبقي على اتصال بحضرتك على طول وعد
عائشه بدموع: فيكي الخير ي بنتى
ملك: ونبى ي طنط متزعلي وتندمينى إن قولتلك ومتزعليش منه هو خايف عليكى
عائشه: مش زعلانه ي حبيبتى بس امانه عليكي تطمنينى عليه انا هثق فيكى انك هتقولى كل حاجه
ملك: حاضر استاذن انا بقا
عائشه: خليكى شويه احنا لسه مشربناش حاجه
ملك: مره تاني انا اصلا هربانه من المستشفى
اخدوا ارقام بعد ورجعت المستشفى بسرعه ودخلت اوضتها وهي بتتنفس بسرعه وبتحمد ربنا انها متقفشتش
عمر بضيق: لسه بدرى
ملك بخوف: اتقفشت
عمر: كنتى فين
ملك: احم في مشوار
عمر: امممم فين بقا
ملك: في اي ي عمر مالك
عمر: مفيش اصل لسه عارف ان الهانم كانت بايته هنا والدكتور رفض يخرجك بسبب حالتك مقولتليش ليه
ملك: محبتش اضايقك وانت رايح عند مامتك وخوفت ترفض تروح
عمر بعصبيه: خوفت خوفت انتى لسه عامله فرق ليه عامله حدود لعلقتنا
ملك باستغراب: علقتنا؟ بس انا مش عامله حدود لو عامله مكنتش حكتلك عن ياسر ولا على اللى بيضايقنى
عمر: ولو حضرتك مخرجتيش اومال كنتى فين الصبح
ملك بتوتر: ك كنت بقابل واحده صحبتى
عمر رفع حاجبه: صاحبتك اممم اومال راجعه زي الحراميه ليه انتى بتكدبى صح
ملك بضيق: انت مش ملاحظ انك مزودها
عمر: فعلا مزودها عن اذنك
ملك: هو زعل ولا اي
شويه ودخلت نعمه
نعمه بخبث: ايوه ي عم مين قدك ورد وحركات
ملك: ايوه صح مين جابه
نعمه: استاذ عمر
ملك: عمر
نعمه: ايوه وكان قلقان عليكى اوى وسالنى عليكى ومردتش اقوله بس البت فاطمه قالتله انك هنا من امبارح
ملك: طيب خلاص انا شويه وجايه وراكى عشان الجلسه
نعمه: تمام
ملك شافت الورد وعجبها اوى وعدت عليه علشان الجلسه
ملك:يلا
عمر:
ملك: شكرا على الورد زوقك حلو
عمر: شكرا
ملك: احم انا آسفه مكنش قصدي اكدب عليكى بس محبتش اضايقك
عمر: مفيش مشكله
ملك: متبقاش رخم بقا قولت اسفه
عمر: ملك لو كدبتى تانى عليا هزعل منك بجد اوعى تخبى عني حاجه
ملك: عُونيا ي باشا
عمر: اطلعي ي بت اطلعى
دخلوا الجلسه وخرجت ملك سانده على فاطمه اول لما شافها عمر نسي تعبه وراح يشوفها
عمر بقلق: انتى كويسه
ملك بتعب: الحمدلله
عمر: سبيها ي فاطمه انا هسندها
ملك لسه هترفض كانت فاطمه سبتها وغمزتلها وعمر سندها وكانت مكسوفه جدا وصلها لاوضه
ملك: شكرا
عمر: مفيش شكر بنا نامى وارتاحى ومعاد علاجك هجيلك
ملك: ماشي
خرج عمر وساب ملك ترتاح وبعد كام ساعه راح يشوفها كانت لسه نايمه كانت زى الملاك بشعرها المفروض ورداء المستشفى اللى لسه مقلعتهوش
عمر: ملك
ملك:…..
عمر: ملك اصحي
ملك: اممممم
عمر بابتسامة: قومي بقا كفايه نوم
ملك بنوم:بس رخامه ي آدم عايزه انام
عمر: ي ملك بقا اصحي
ملك باستغراب: في اي انت مين
عمر: نهار اسود تنامى تصحي تنسينى
ملك بتذكر: اااه عمر صح افتكرت
عمر بضحك: ههههه طيب قومي عشان ادويتك
ملك بضحك: هههه حاضر
عمر: بتضحكى على اي
ملك: اصل اول الشهر كنت انا اللى بجيلك وبذن عليك وبتكلم معاك وبصدعك ودلوقتى انت اللى بتاخد بالك منى
عمر: برد جمايلك ي ستى
ملك: طيب يلا نتغدى تحت عشان الادويه
عمر: طيب غيرى الاول انتى نمتى على طول من غير متغيرى
ملك بضيق: يوووه نسيت والله جسمي مكسر
عمر: معلش يالله هستناكى تحت
غيرت ملك وهي نزله كلمت ام عمر طمنتها وبعدين كلمها آدم
آدم: اي ي حبيبتى عامله اي
ملك قعدت جنب عمر: الحمدلله ي حبيبى انت عامل اي
آدم: الحمدلله اي اخبار جلستك النهارده
ملك: تعبت جامد بس دلوقتي احسن
آدم: وعمر اخباره اي
ملك: الحمدلله
آدم: واخبارك معاه بت اوعى تتجاوزى حدودكم مش عشان وقعين تجبولنا العار
ملك بضيق: اااه ي قليل الادب اقفل ومتكلمنيش تانى
آدم: اهون عليكى
ملك: ااه يهون لحد ما تيجى تصالحنى يلا بااااى
عمر بضيق: يلا عشان تاكلى
ملك: اي ده مكلدم ليه
عمر: ولا مكلدم ولا حاجه
ملك: طيب اااه صحيح آدم كان بيسال عليك
عمر بفرحه: آدم انتى كنتى بتكلمى ادم
ملك باستغراب: ااه ي سيدي انت بتحبه لدرجه دى؟ اي الفرحه دي؟
عمر: بحبه اوووى
ملك: طيب كل لان هفهمك غلط بفرحتك دي
عمر ضربها على مؤخرت راسها: طيب اتلمى بدماغك الشمال دي
ملك بوجع: بهزر ي فوزى اي مبتهزرش
ملك خلصت اكل وفضلت تكلم شويه معاه لحد ما جاه نعمه تنادي عليها
نعمة: ملك في شخص عايزك
ملك باستغراب: شخص مين
يتبع….
- يتبع الفصل التالي اضغط على (رواية ما يخبئه لنا القدر) اسم الرواية