رواية قسوة احفاد ال هتان الفصل الرابع 4 - بقلم هاجر النعيمي
قلمي ( هاجر النعيمي)
...................
رسل : هاجر نحنا شكلنا مو كلنا بعد ماتبجين وتقوين نفسج
هاجر : رسل مااكدر افهمي
اجت إيلا وسحبتني وفتنه للغرفه وكالت
إيلا : ترا والله مايستاهل كل هذا البجي عوفي هو عافج لا ضلين تفكرين بي مايستاهلج والله
هاجر : إيلا افهميني مااكدر انسى مو بسهوله
إيلا : ترا صارلج شهرين مو معقوله هيج ضلين
هاجر : مااكدر والله
رسل : ثوله خربتي المكياج تعالي اعدله واطلعي عادي ولا تهتمين والله لو بي خير جان بقه
عدلت المكياج وطلعنا جان إلياس مو موجود والبنات بل نص يركصن معناها لبسها الحلقه وطلع غلست على كلشي حاولت مااهتم بس جنت حيل ضايجه ومالي خلك لشي وحتى بقيت كاعده وماكمت اركص
اجت عمه اميرة وكالت
اميرة : هجورة اشبيج ليش احسج ضايجه وعيونج ليش حمر اكو شي
هاجر : مو شسمه بطني توجعني
اميرة : ليش توجعج مريضه
هاجر : لا عمه وكتها
اميرة : كومي ركصي حتى يروح الوجع وتنزل بسرعه
هاجر : مااكدر عمه تريدين اكوم واركص بخطوبة اسيل الحيوانه
اميرة : لو افهم ليش تكرهيها
هاجر : اسئلي تيم هو يجاوبج او لا تعالي اكلج بس خلي نروح مكان وحدنا
اجت وياي ورحنا لغرفة عمي ثامر وحجيتلها كلشي وحتى الي كاله تيم حجيته والي إلياس هدد بي تيم هم كتلها لعمه وكتلها تيم يحب إيلا وهيا تحبه ماخليت شي ماحجيته واني احجي ابجي متت بجي كالت
اميرة : معقوله إلياس يطلع منه هيج والله مو مصدكه واسيل ما جانت قريبه منج ليش هيج سوت بس علمود غيرتها
هاجر : اي عمه حتى يارا جانت وياهم واسيل تعرف من زمان احب إلياس وهيا جانت مرتبطه بي وماكالت الي وخلته يسوي هيج من غيرتها مني عمه ماريد شي بس ليش يكسروني علمود الكل يدللني ويحبني اذا الكل يحبوني شنو ذنبي اني ليش كل هل كره والحقد مادري
اميرة : والله يا عمري ماعرف اش اكلج بس إلياس حسابه عندي
هاجر : لا عمه اني حجيتلج مو حتى تكولين للياس اني كتلج لان ماعاد اتحمل اخلي بكلبي رغم ايلا ورسل وياي وحتى تيم
اميرة : واني اكول ليش اليوم هيجي حجيتي بصراحه ضجت منج من حجيتي على ابني بس هسه يستاهل الي كلتي
هاجر : عمه ماريد احد يدري لان إلياس اذا عرف راح يسوي مشكله ل تيم
اميرة : ابد ماتوقعت إلياس هيج يطلع لعد سبب مرضج وتعبج الي جان قبل فتره منهم
هاجر : اي
اميرة : امج شلون تكول اخذتها لشيخ وبده يعالجها
هاجر : اي اني حجيتلها وسوينه هيج حتى لا احد يعرف
اميرة : خوش فكره سويتو
اسيا : عمه تعالي يلا يصيحوج هاي هاجر هينه
اميرة : منو يصيحني
اسيا : إلياس لان يريد يفوت يكعد ويا اسيل شويه
اميرة : اي هسه اجي خلي النسوان يلبسون حجاب
اسيا : تمام بس هاجر شبيج ليش تبجين
قبل مااحجي حجت عمه
اميرة : اجتها وبطنها تأذيها
اسيا : تريدين علاج
هاجر : والله ولا عرفتج شو تعالي اخاف حرارتج مرتفعه
اسيا : شبيج فوك ماتعاطفت وياج
هاجر : ليش حتى تتعاطفين وياي طلبت منج تعاطف لو ضلين اخر وحده مااخذ منج شي ولا ادحك بخلقتج الزفره
عفتهم وطلعت ماريد احجي وياها صارت بوجهي جنات
جنات : وين اميرة
حبيت اتعبها وكتلها
هاجر : طلعت فوك لغرفة اسيا مدري منو يريدها فوك دوري عليها تلكيها فوك
صعدت فوك شويه وطلعت عمتي واسيا وعمه راحت واسيا كالت الي
اسيا : شعجب مضايجه من الخطوبه
هاجر : soory ليش حتى اضوج
اسيا : علمود عافج إلياس
هاجر : خطيه انتي والله بعدج بنفس تفكيرج لج بابا من يوم الي خطب اختج شلته من بالي مايستاهل لا هو ولا اختج احطهم بالي
اسيا : طبعاً تخافين
هاجر : تدرين لو احطكم بالي انهيكم كلكم وافضح كلشي مستور
اسيا : شقصدج
هاجر : تعرفين علي
شفتها تلبكت كملت
هاجر : اوف شلون سؤال مو معقوله ماتعرفي بس راح اكلج علي ابن خالتج ويحبج وتحبي والبوس مالكم محد يدري بي والصور الي بتلفونج مال بوس عندي هيا بتلفوني واختج من جانت تحجي ويا إلياس سوالف محلو هم يمي ومصورتكم عود دزتهن الي تريد تضوجني واني
خليتهن كلت احتاجهن بعدين
اسيا : شهل حجي تتبلين علينه
هاجر : يوك ومعناها لا لان اعرفج متعرفين بل لغات المهم اشوفج الفيديوهات
طلعت تلفوني وفتت للستيديو وصرت اقلب بي طلعت الصور مالها وجها صار احمر وطلعت الفيديو مال اختها وكالت
اسيا : شلون اخذتي كل هذول شنو ماتستحين
هاجر : حبيبتي ديربالج على نفسج ترا اذا احطكم بالي ادمركم كلكم ف عوفوني بحالي وخلو هاي الجنونه بعقلي لا اطلعها عليكم خوش بيبي سيو
عفتها ورحت وادري راح تكول لاختها بس مراح تكول للياس لان بيا وجه تكله فتت للصاله وجان إلياس كاعد على الكوشه هو واسيل دحكت عليهم وضحكت شافوني ونصدمو واسيا اجت اخذت اسيل وراحن
اعرف هسه خايفات مني اني ماناويه اطلع هذول الصور لان بنات ومايصير افضحهن ولازم استر عليهن مو لان بنات عمي لا بس لان بنات وهيج اخلص منهم ويضلن خايفات مني ومايجن يمي
صارو يوزعون كيك اخذت وبدبت اكل واجت اسيل كالت
اسيل : هاجر تعالي وياي شويه اريد نحجي بموضوع
هاجر : جؤ متشوفين جاي اكل
اسيل : هاجر مو وكت الاكل
هاجر : اكمل واجي
بقيت اكل على مهلي وجنت حيل متونسه لان جاي العب بعصابهم كملت وكالت تعالي رحت وياها وكالت
اسيل : شنو ناويه تسوين بل صور والفيديوهات
هاجر : ماسوي شي بس جوزو مني
اسيل : نحنا مو يمج والله
هاجر : يوك يوك حبيبي لا جذبين عيب شكبرج وجذبين اول ماجيت عدكم استلمتوني انتي واختج وإلياس وقبل شويه اختج كتلي ليش ماضجتي شوفي لو اريد اسوي شي جان مانتضرت ورحت وشفت كلشي لجدو ولابوج بس ماريد هل شي لان مالي شغل وياكم ف جوزو مني وكولي لخطيبج لا يضل ورايه وراح اخذ ابن عمه لو يموت كدامي مااعوفه
اسيل : دقيقه شنو يضل ورايه شنو اخذ ابن عمه شصاير
هاجر : ابن عم إلياس خطبني واني عجبني الولد وراح اوافق وخطيبج مايرضه مدري ليش معقول يحبني لو شون يا اذا طلع يحبني يعني جاي يضحك عليج
اسيل : هاجر شهل حجي من وين جبتي
هاجر : روحي اسئلي حبيبج soory قصدي خطيبج
عافتنه وطلعت وكالت اسيا
اسيا : هاي جذبه من يمج مو
هاجر : لا ابد شعليه وليش اجذب محبيتها منج اني اجذب يلا كلبي كود باي
طلعت واني فرحانه واعرف راح يتعاركون وراح تخرب هل خطبه اجت عمه وكالت
اميرة : إلياس يصيحج ومعصب معرف اش بي
هاجر : اني شعليه وليش يريدني
اميرة : معرف والله بس يصيحج وهو بل مطبخ
طلعت للمطبخ ماكو احد طلع من المخزن وكال تعالي رحت وكفت كباله وكتله خير نشاء الله
إلياس : ليش كلتي الي صار ل اسيل
هاجر : والله هيا ضوجتني وكتلها هيج
إلياس : هيا ضوجتج اني شكو
هاجر : مو انت سبب المشكله ويضوجني علمودك عبالك انت وزير الوزراء بربك سؤال شنو اسم ابن عمك
إلياس : جنج مانسيتي السالفه
هاجر : ايما سالفه
إلياس : سالفت نعل ابن عمي بعده عاجبج
هاجر : والله حلو شو انت مو مثله فوكها امو ضلت تحمد بي خلتني انعجب بي
إلياس : اكلي خره شنو انعجب بي
هاجر : وانت شعليك اذا نعجبت بي واذا حبيته عسه ماازوجه انت شعليك شهل فضول
إلياس : اكلي خره شنو معليه
هاجر : مااكلك وبعدين انت حبيبي لو خطيبي لو ابويه لو امي حتى تدخل بيه شعليك تدخل بيه بصفتك منو.
إلياس : بصفتي ابن عمتج
هاجر : مرحبا ابن عمتي بله ماطير شكد بطران يله فضني شتريد خلي اروح لان مطايقه اشوف خلقتك
إلياس : هسه صرتي مو طايقه تشوفين خلقتي جنتي تضلين وراي نفس الجلبه
هاجر : كل خره انت الي نفس الجلب واذا تغلط عليه بعد اشك حلكك منو انت حتى تحجي عليه وربي اذا تحجون عليه وتجون يمي افضحكم كلكم وانت لو مو عار ما تكول لاخوك اكول لامي انت وايلا عدكم شي بينكم وهما اصلا مو مرتبطين ولعلمك امك تعرف كلشي وكل الي جنتو تحجو بضهري عندي علم بي وامك هم عدها علم
إلياس : شنو هل حجي
هاجر : بس سؤال ضال بنفسي
إلياس : جواب
هاجر : شنو جنتو تحسون من تجذبون عليه وبعدك مفكر نفسك زلمه
إلياس : لا دخليني بهل سوالف معليه اني
هاجر : هههه ضحكتني انت السالفه كلها بيك وتكول لا دخليني بل سالفه يلا راح اعوفكم بس صدك اذا تجي يمي او يم تيم والله افضحكم واطشركم
إلياس : تفضحينه ليش عيني شعندج علينه
هاجر : روح اسئل خطيبتك واختها كلشي اعرف عنكم وحتى سوالفك الخايسه اعرفها ف عوفوني بحالي ولا ضلون تدورون وراي
عفته وطلعت مالي خلكهم وهسه خربت ونستهم وخليت خطوبتهم الي جانت فرح بل بدايه بس مشاكل بل نهايه كعدت وحدي واخذت تلفوني وصرت اطمش بل يوتيوب ادور شي اطمش علي مالكيت طفيته وكعدت مجان اكو عالم بس نحنا الكرايب
وعمه وامي اجوني وكالت عمتي
اميرة : هجوره ام محمود خطبتج لمحمود
هاجر : ياهي
اميرة : هاي الي شوفتج صورت ابنها
هاجر : اي عرفتها بس شنو المطلوب مني
اميرة : شنو شنو المطلوب منج انتي شنو رأيج اذا عاجبج اني احجي مع ابويه ومع اخويه
هاجر : والله عمه معرف شي عنو شلون اقبل بي واني معرفو
اميرة : حيل خوش ولد وحباب وابد ماشفنه علي شي حيل زين وبنات العائله يريدو وانتي شفتي حلو وهم عندو فلوس وبيت بوحدو
هاجر : عمه معرف والله
اميرة : فكري وباجر يجون واجي معاهم وناخذ رأيج الولد حيل رايدج
هاجر : وين يعرفني بعمري ماشفتو
اميرة : من جنتي بل مطبخ شافج اجه يحجي ويا امه وشافج
هاجر : شو اني مشفته
اميرة : شوفي علقج وين حتى ماشفتي المهم فكري لباجر خوش
هاجر : خوش
راحو ومعرف شنو مبين مناسب بس مادري قررت اوافق واجرب حضي بلكي هذا يطلع احسن وبل فعل ثاني يوم اجو وطلعت عليهم وقدمت عصير ونساتل وانداريت دطلع وصاحتني
ام محمود : تعالي بنتي اكعدي هينه
واشرت يمها كعدت يمها وكالت شنو اسمج صفنت معقول ماتعرف اسمي كتلها
هاجر : اسمي هاجر
ام محمود : عاشت الاسامي شكد عمرج
هاجر : 17
وضلت تسالني واني صافنه شبيها هاي معقول ماتعرفني غلست وشنو تسأل اجاوب كملت وكالتلي
ام محمود : شنو كلتي بيت بوحدج وابني خوش ولد واميرة تعرفو
هاجر : موافقه
جنت حيل متوتره طلعت وعفتهم رحت لغرفتي كعدت بيها بقيت صافنه اريد ابجي معرف ليش اكو شعور بداخلي مو فرحان رغم الولد حيل زين وحلو وصفاتو حلو بس ماادري زعلانه حطيت راسي على المخده اريد اطرد افكاري
وماعندي حل غير النوم ف نمت مادري شكد نمت بعدها عمه كعدتني وكالت حجيت ويا جدج وقبل وهنا حسيت بفرح معرف ليش
ثاني يوم اتفقت ويا البنات علمود الطلعه مال مدرسه اتفقنه شنو نجيب اني جبت حلويات وجبس ونساتل وبطل ببسي ومشمع وجبت مواعين سفري حتى من نخلص نذبهم
ساره جابت دولمه وريماس جابت لفات شاورمه ورزان جابت كيك وبقلاوه نمت وكعدتني ماما كمت غسلت وطلعت للمطبخ اكلت وياهم ورحت للغرفه بدلت وكملت وخليت شعري مفتوح واخذت الغراض وطلعت لبست الحذاء وسمعت صوت الخط طلعت بسرعه وصعدت رحت يم البنات وحجينه شويه وصلنا المدرسه
ونزلنا مشينه وبيدنا الغراض وكوه نمشي وكل شويه اعثر
ساره : وثول حتى ثول شبيج بس تعثرين
ريماس : اي عيني بالها يم محمود
هاجر : لا والله اصلا ولا يمه مدري شلون راح نخطب احسها سريعه بس تدرون فرحانه بل بدايه جنت رافضه بس هسه فرحانه
رزان : طبعاً فرحانه غير حلو
هاجر : هههه خرب يومج بس والله حلو
ريماس : اي لعد شبي حضي
ساره : طكتج بعين اذا فسختو معناها بسبب عينها
وصلنا وفتنه للصف حتى يطلعون اسمائنه ونطلع للكوسترات وشغلو واغاني جانت محلوى ابد ساره كالت اني اشغل وراحت لكدام لان نحنا جنا اخر مقاعد شويه وتغيرت الاغنيه وصارت هيا طلع ونحنا نغني بصوت عالي واكو بنات يصفكون واكو بنات يركصن حيل جنت فرحانه
وصلنا مجمع السدير ونزلنا وبيدينه العلاليك مال اكل وكفنه يم الباب واكو واحد كال تحيه ل مدرسه...... والبنات يكول اوووو اني جنت ساكته وساره هم ساكته اما رزان وريماس يعيطن بصوت عالي اووو وهييي حسيت نفسي بعرس مو غابات
فتنه وصرنا ندور مكان علمود نكعد بي فترينه كثير بس مالكينه بعدها لكينه ميز فارغ رحنا حطينه الغراض واشترينه بطايق حتى نلعب جان اكو زدحام على الي يكص بطايق وبنات كثير ولازم تطيبن بينهن كلت للبنات خلي شويه تخف انتظرنا تقريباً 5 دقائق وبقن بس ثلاثه
رزان : ماريد انتظر بعد حروح اشتري وانتو ضلو تصفنو بوجه بعض
راحت وعافتنه كلت للبنات خلي نحنا هم نروح ورحنا اشترينه ورحنه لعبنه وجان اكو سره وبنات كثير عما يجي دورنا اجه دورنا وطبينه للعبه وبديت اصور
علمود نوثق اليوم الجميل بالنسبة النا وعلمود ستوريات وهاي لسوالف مال بنات ورغم اللعبه ما تخوف بس صرت اصيح علمود اطلع الطاقه السلبية
سارة : هاجر خايفه يوكفها
هاجر : لا ابد بس هيج متونسه
ساره : براحتج بس صوتج فضحتينه
نزلنه والبنات سئلن ليش هيج صيحت وفهمتهن السالفه وصارو يسوون مثلي لعبنه تقريباً ثلاث لعبات وبطلنا علمود نرتاح اجت بنيه ويانه بل مدرسه وكالت
.. هاجر اشون صرتي
ساتغربت سؤالها وكتلها ليش شبيه
... كالو مريضه وبيج جني صحيح
بقيت صافنه مفاهمه شي شنو جني شجاي تحجي كالت رزان
رزان : زينه بس ليش تسئلين
.... حبيت اعرف شلون صارت لان مجاي انام اليل خايفه عليها
ريماس : لا تخافين ماكو شي
راحت وعافتنه ولهسه مصدومه
هاجر : شكو اريد افهم شعرفها هاي ومنو هاي اصلاً
ريماس : اكيد وحده من البنات الي بصفنه كالت لصديقاتها من غير صف وهيج نشرت بل مدرسه
هاجر : اي واذا عادي خلي تنشر احسن
ساره : شنو احسن هسه كلها تطلع عليج حجي شبيج
هاجر : منو كلج بل عكس اصير مشهوره بهل سالفه وكلها تكوم تعرفني وهيج اخلص من الدروس
رزان : أي والله نيالج هههه
ساره : شوف هاي الثانيه شنو نيالها اذا عرفو جذب انتي راح تاكليها
هاجر : محد راح يعرف
ساره : هاجر السالفه الي سوتيها ويا البنيه الكل عبالهم من الجني الي بيج مايعرفون مابيج شي وانتي تردين تكتليها لان حجت عليج
هاجر : ساره هسه الي بل مدرسه يعرفون بيه جني وحتى هيا عبالها من كتلتها بيه جني ماتعرف مابيه شي وصاحيه
ساره : راح توكعين بمصيبه وتوصل السالفه لجدج وهسه شوفين
هاجر : خلاص انسي محد راح يعرف
طلعنا الاكل لان جعنه وبدينه نسوي بل سفره ونرتبها حتى ناخذ صور للسفر بدينه ناكل جنت حيل جوعانه من العب كملنا وشلنه ورحنا نكمل لعب جاي ننتضر دورنا حالنا حال الكل وكالت رزان
رزان : وثول حتى ثول ماشفتيني
.... ثول الي يثولج جنت راح اعتذر بس ماتستاهلين
رزان : لا فوكها هيا الي ماعاجبها
ساره : شكو رزان شبيج
رزان : هاي الثوله الي وراي تدفعني مدري شبيها مشايفه لعبه عبالك
... كلي خره يكفي تحجي دوختيني
رزان عصبت ولزمت شعرها وصارت تضربها واني اباوع ماسويت شي لان البنت تستاهل عينها قويه ساره حاولت تبعدهم بس اجت وحده معرف من وين طلعت ودفعت ساره
ساره هم دفعتها وساره مو كلش قويه بسرعه تنكتل ذيج لزمتها من الشال وتحاول تزعها يا هنا اني ضجت بنيه هيه محجبه شنو تزعها واكو شباب رحت عليها ودفعتها وكفت كدام ساره وكلت لريماس تاخذها تعدل شالها كتلها بصوت عالي
هاجر : انتي شنو ماتشوفيها محجبه تشلين الشال من راسها ليش ثوله انتي
... هيا ليش تكتل صديقتي
هاجر : هيا تفكك بينهم مو جاي تكتلها انتي عميه ماشوفين
... كلي خره انتي عميه
عصبت منها ولزمتها من شعرها وكعت بل كاع صرت فوكها واضرب بيها البنات يطمشون بس ولا وحده اجت فكتنه اجه شاب ولزم ايدي وخرها وكال
.. ماعيب عليجن تتعاركن كدام الشباب
هاجر : انت انجب ولا تدخل عوف ايدي
... اسف
دحكت على البنت وكتلها
هاجر : اذا تجين يمنه وتجين يم وحده من صديقاتي مايصير خير كتفيت هيج بعدين تصير اقوه
صرت امشي واجت رزان وراي وكالت
رزان : خابري البنات اني ماعندي رصيد شوفي وينهن
خابرت ريماس كالت بل مغاسل لان ساره تعدل الشال
رحنا الهن ورزان حجت كلشي صار وكالت
رزان : بس الولد الي مسك هاجر فد واحد يموت وربي كلش حلو عيونه رصاصي شعره تمري واسمر بس مو كلش ولحيته خفيفه كرشت علي والله حلو
هاجر : تدرين مانتهبت على شكله هههه
رزان : طبعاً من عصبيتج جنتي راح تاكلي حتى هو مبين عصب بس عافج لله هههه
طلعنا ورزان ثبرته بس تحجي بي جزعتني كتلها خره عليج وعلي شدوختينه بي بقينه نلعب وكل شويه نروح ناكل مدري احس اليوم شهيتي نفتحت وحيل فرحانه بس الفرحه ماتكمل اشترينه قهوى جكليتيه كالت رزان
رزان : من يوم الي عرفتج وانتي تشربني هاي القهوى مابزعتي منها
هاجر : ابد والله احبها كثير
جان يوم ماينسي ابد كلش حلو بقينه لعب وونسه جان ينادون على مدرستنا انو صار الوقت حتى نطلع طلعت وصلنا الفرع مالنا وجان اشوف سيارات عمامي انصدمت وتوقعت جدي مات بصراحه فرحت بس طلعت غلطانه فتت نزعت حذائي وطبيت للصاله
جدي وعمامي كاعدين وعماتي وابوي وامي ونسوان عمامي سلمت ورحت للغرفه ابدل كملت تبدلي ورحت للصاله جانو كلهم كاعدين حتى ولد عمامي وعماتي والبنات هم كاعدات كال جدو
جدو : الجماعه الي طلبو هاجر للزواج ترفضوهم مفهوم
مروة : ليش عمي خوش قسمه والولد اميره تعرفو وتكول زين
جدو : انتي لا تدخلين هيا بنتنه واحنا نعف مصلحتها
جدي بقه يحجي واحس محد اعترض وكال شي الكل وافق واصلاً محد كلي انتي شنو تريدين كلت
هاجر : بس جدو الولد اني عجبني واريدو
جدو : اشو انتي ماتستحين اشنو اغيدو
هاجر : الولد مواصفاته خوش وغير هشكل يطلعني بيت وحدي وعمه كالت اخلاقه فول ولد شغيل ليش ترفض اريد سبب
جدو : سمعت كلام علينو ماحلو
هاجر : من منو بله
جدو : الي قلتونو يصيغ واليوم اميرة تردين خبر الهم برفض ماريد نقاش بهذا الموضوع
عفتهم وطلعت من الصاله هو شعلي حتى بهاي هو يدخل اني اريد الولد وهو جان موافق اشنو الي غيرو ورحت للغرفتي بقيت افتر بيها انفتح الباب وفات إلياس انصدمت هذا شجابه لغرفتي واصلاً ماشفته جو كاعد كتله
هاجر : اشون تفوت على غرفتي هشكل بلكي جنت عدبدل انت ماتستحي مره ثانيه دك الباب وفوت مو تدخل جفت
إلياس : ضايجه لان جدو رفض محمود ما
هاجر : وانت اش عرفك جدو رفض محمود انت حتى ماجنت معانه بل صاله
إلياس : تذكرين شنو كتلج بخطوبتي
بقيت اذكر احاول ماذكرت كتله
هاجر : ماذكر شنو كلت
إلياس : هسه اني اكلج شنو كلت كتلج مااخلي هل خطوبه تصير ومااخليج تنخطبين
بقيت صافنه معرف شحجي كلت بصوت عالي
هاجر : انت شنو تريد مني بعد مو كافي الي سويته انتو الحقيره مالتك كافي عوفوني بحالي شنو تريد مني بعد ليش مصر تخرب حياتي كلها فهمني ليش هيج تكرهني
إلياس : منو كلج اكرهج اني مااكرهج ابد
هاجر : لعد هاذا الي تسوي شنو فهمني
إلياس : بل مختصر ماريد تزوجين
هاجر : ليش
إلياس : بعدين تعرفين
هاجر : بس جدو رفض انت شعليك بل موضوع
إلياس :لا كلبي اعرفج ذكيه ليش هيج صايره غبيه
هاجر : مافهمت شي احجي شبيك
إلياس : اني حجيت مع جدو وكتله ماخوش ولد واني اعرفه بل مختصر حشيت براسه واقتنع بحجي ورفض
نصدمت شهل حقد ليش هيج حاقد عليه ماعرف عيوني ملت دموع صارت تنزل كال
إلياس : هيج تحبي وبجين علي
ماحجيت شي اصلا مااكدر احجي شي احس لساني انربط صار يصيح بس بصوت ناصي ومبين عصبي كلش كال
إلياس : ليش تبجين علي منو هو فد قندره بهاي الكم يوم حبتي لج شنو انتي بس فهميني لان رفضنا تبجين
صحت بي
هاجر : كافي كافي هذا الي فهمته هسه ليش هيج تسوي انت مو خطبت وهسه عادي ليش بعدك تلحكني ليش تخرب حياتي مبين اسيل الي كالتلك هيج عوفوني بحالي
صرت اضرب نفسي وابجي واكول عوفوني بحال لزم ايدي وحضني وكال
إلياس .........
................
انتهى البارت
شنو تتوقعون صار وشنو رأيكم بلي صار
- يتبع الفصل التالي اضغط على (رواية قسوة احفاد ال هتان) اسم الرواية