رواية قسوة احفاد ال هتان الفصل الخامس 5 - بقلم هاجر النعيمي
part 5
قلمي (هاجر النعيمي)
..............
إلياس : بس اهدئي يكلبي شبيج خلي نتفاهم
بعدت عنه وعيوني احسها حتنفجر وكتله
هاجر : شكراً الك ماقصرت دائما عود سويها وخرب حياتي فوك ماهيا خربانه
إلياس : عفواً كلبي دللي كل ميجي واحد اقنع جدي يمي معليج
هاجر : امشي انجب واطلع بره ومالك علاقه بيه عوفني بحالي ومحمود لو اعرف انتحر اله اخذه وهسه شوف
إلياس : ماانصحج تعبين نفسج تعرفين شكد جدو يحبني لان اول حفيد اله ومااخليج تروحين ل....
قاطعه صوت الباب وهو ينفتح ودخلت عمه اميرة كالت
اميرة : اشبيكم صوتكم عالي اش صاير
هاجر : عمه ابنج الي حجه براس جدو علمود يرفض محمود
اميرة : اشنو منو كلج
إلياس : اني كتلها
اميرة : وفوكها فرحان ليش هشكل عملت
إلياس : محد لوا علاقه بكيفي انتي ماتعرفين محمود ابن عمي واني اعرفو زين
اميرة : لا جذاب الولد خوش بس كول هاي من الدوده مالك امشي اطلع بره
طلع وبقينه اني وعمتي نهاريت وبقيت ابجي اخذتني لحضنها تصبر بيه
اميرة : اني اقنع جدج واحجي معا لا تخافين
هاجر : عمه ليش هيج يسوي والله ماسويتلهم شي خلي يعوفوني وحدي عمه تعبت منهم والله اسيل هيا تعلمه عمه ابنج صار ستيرن يمين (مرته تمشي بكيفها)
اميرة : مااعتقد اسيل الها علاقه بهذا الموضوع لان لو تعرف هو منع خطوبتج جان سوتلو مشكله لان هيا تريد تزوجج حتى هو لا ينتبه الج
هاجر : منو كلج ثقي هاي هيا معلمته
اميره : لا اسيل جت عليه وتشكي إلياس
هاجر : ليش
اميرة : تكول ليش مايريد هاجر تنخطب واحس متغير معايه وبالو مايمو وكم مره تكاونو من سالفة الخطوبه الي فهمته إلياس مايريد تزوجين
هاجر : وليش عمه والله هو بس يريد يخرب حياتي
اميرة : لا حبيبتي احس يحبج
هاجر : ههههه متتت
اميرة : اشبيج اسم الله تخبلت البنيه ليش تضحكين
هاجر : على يحبج عمه إلياس مايشوف غير اسيل عبالك بس هيا بنيه وها لو يكمل دراسه خلي يروح تمثيل
اميرة : ليش
هاجر : لان من جان مرتبط بيه جنت اكول مستحيل يشوف غيري طلع كله جذب خوس ممثل والله حتى عبر الممثلين
انفتح الباب وفاتت ماما
مروة : هاجر جدج يريدج معرف ليش بكلشي يدخل
انتبهت انو عمه اميرة موجوده كالت
مروة : عذريني بس ابوج بكلشي يدخل يعني لو قبل اش راح يصير
هاجر : جدو قبل بس إلياس الچلب راح على جدو وحجه براسه
مروة : منو كلج
هاجر : هو جا كلي بكل عين صلفه
مروة : خلي يولي لاتهتمين عوفي يلا طلعي على جدج
طلعت على جدو وكلش كارهته ليش يسمع كلام إلياس هو صغير حتى يجي إلياس يضحك علي فتت للصاله وجانو كلهم كاعدين كلت
هاجر : جدو صحتني
جدو : اي سمعتو ماعجبكي انو نرفض
هاجر : بصراحه ماعجبني
جدو : بنتي سألنه علي وطلع ماخوش ولد
هاجر : لا جدو نحنا سألنه والكل حمد بي ومحد ذمه بكلمه بس الي كلك ماخوش ولد اعرف انو هو ماخوش وكلب وحقير
وجنت اباوع على إلياس من حجيت المسبات
جدو : نحنا نعرف احسن منج انتي ماتعرفين
هاجر : اي صح ماعرف شي اني ثوله وانتو الصح واني الغلط بعد ماريد احد يفتح موضوع خطبه وزواج لو منو ميكون حتى لو شخص انتَ تحبه ماريد ازوج بعد بطلت خلي يرتاح الحقير
عفتهم بدون مااسمع اي شي وطلعت مرت كم يوم وصار يوم الجمعه كعدتني ماما الصبح وكالت
مروة : كومي دنروح علة بيت اهلي اشكد صارلج ماشفتيهم
هاجر : اي راح اجي
مروة : بس عمامج وعماتج راح يجون
هاجر : اي اريد اجي ماريد اشوف اسيل وإلياس
مروة : يمه طلعيهم من بالج والله مايستاهلج
هاجر : ليش محد يحس بيه ماما مااكدر صعبه والله مو بسهوله انسى
مروة : اي والله اعرف دكومي احسلج قبل لا يجون
كمت غسلت وصليت وطلعت اكل كعدنه اكلنا بس من صارت السالفه مال رفض محمود الى هسه جدي مااحجي ويا واذا احجي اي او لا وبس وهو ملاحض ومغلس كملت وماما كالت
مروة : كومي البسي هسه ساعتين ضلين
هاجر : خلي اعاونج ( اساعدج) وبعدين
مروة : روحي مااريد نتأخر البسي وتعالي
طلعت البس واصفن شنو البس يا ترا بقيت افكر اخر شي اقتنعت لبست قميص ابيض وبي عيون سوده بكل القميص وبنطرون ازرك فاتح عريض وكفلته من يوم كعب رجلي لان طويل ولبست حذاء ابيض وحزام للقميص اسود وسويت شعري ذيل حصان وطلعت
وجانت ماما مكمله جاي البس الحذاء بل باب وسمعت الباب اندك رحت افتح وصار بوجهي إلياس مادحكت علي سلمت على عمه اميرة وعلى لارا وتيم اما يارا وإلياس مادحكت بوجهم كالت عمه
اميرة : شنو طالعين
هاجر : اي راح نروح على بيت جدي
اميرة : اهل امج
هاجر : اي منو اكو غيرهم
اميرة : اي وتعوفين خطارج
هاجر : عمه انتي على عيني وراسي بس ذولاك الناس مايستاهلون ادحك بوجهم لهذا السبب اروح احسن ماتلعب نفسي واسوي مشاكل
اميرة : منو يكول تسوين مشاكل
هاجر : اسئلي بنتج وجنتج
اميرة : قصدج يارا واسيل
هاجر : اي يسموني ام المشاكل ف قررت اعوفهم ومالتقي بيهم بعد خليهم يحجون وره ضهري
إلياس : على شنو هل غرور فهميني
هاجر : عمه اكو صوت ذبانه تحجي لو اني متوهمه
عمه ماتت ضحك وطبعاً تيم ولارا هم يضحكون كال إلياس
إلياس : عود تريد تقصفني هو اصلا منو يريد يشوف وجهج
هاجر : اذا ماتريد تشوف وجهي ليش تجي لبيتنه
إلياس : بيت جدي نسيتي لو اذكرج
هاجر : بالفعل نسيت وبعدين اذا مطايقني ليش تكول لجدو يرفض محمود
إلياس : هم رجعنا علة سالفه قندره
هاجر : انت قندره مو هو
اميرة : كافي اشبيكم يم الباب مشاكلكم يمه روحي الله ومحمد وياج بس لاتحجين وتمدين لسانج
هاجر : يروحون فدوه للساني ذولاك الناس
اجو ماما وبابا وطلعنا وجان معانا حسين وحسن راد يجي بس جدي كال يضل مع الاولاد وحسوني ضاج وراح
وصلنا بيت جدي وفتت سلمت شفت بنات ماعرفهم واصلاً ماعرف بس خالاتي وجده جدي ميت الله يرحمه وفتت سلمت وكعدت ماعرف اي شخص منهم
جان اكو بنات كاعدات بوحدهن بس احس شايفه وحده منهن طلعت تلفوني اطمش بي لان محد جان معبرني وضجت كلش بس احسن من مااشوف إلياس لان كل مااشوفه احس كلبي يريد يطك من القهر والي سوا بيه اجت وحده يمي وكالت
هندرين : تعالي اكعدي معانا
هاجر : اي هسه
رحت يمهن وكعدت وتعرفت عليهن مو عبالك بيت جدي عبالك بيت غريب طلعن يحبن وكلش حبابات حبيتهن حسيت انو ماعدهن حقد وكره نفس اهل بابا خوات ماما حبابات يشاقون ويضحكون ويحششون على بعض كلش حبيتهم وتونست
نور : هندرين ليش تكاونتي مع حمودي
هندرين : لان يحجي مع بنت خالتو
نور : اشون عرفتي
هندرين : راما كالت
هاجر : بس دقيقه افهم منو حمودي شنو يصيرلج
هندرين : ابن عمي وراما اختو
هاجر : اها فهمت يعني كلجن تحبن
نور : اي ليش ماتعرفين اني منو احب
هاجر : منو
نور : حسن اخوج
هاجر : حسن اخويه بس دقيقه اشون وايمتا
نور : بس اش عجب حسن ماكلج
هاجر : اصلا محد كلي وماعرف
هندرين : وانتي ماتحبين احد
هاجر : لا
هندرين : شعجب معقوله عمرج 17 وما تحبين
هاجر : اي
هندرين : يعني حتى من قبل ماحبيتي
هاجر : امبلا جنت احب ابن عمتي
هندرين : وهو
هاجر : مايحبني مختصر الحجي ضحكو عليه
نور : اشون ضحكو عليج مافهمت
حجيت الهن كلشي ومعرف ليش حجيت اصلا بس احس فضفضت شويه وارتحت وحتى على سالفة الخطوبه كتلهن ونصدمن وكالت ريم
ريم : معقول هذول مايستحون ماعدهم قلب اشون يسوون هيجي
هاجر : معرف والله ولا اريد اعرف ممكن نغير الموضوع
اليوم جان كلش حلو صار الليل كعدت ويا خالاتي ويحجون على العرس الي راح يصير يوم الثلاثاء ومعرف منو يزوج بس الي اعرفو كرايب امي حيزوج وعزمو وكالو ل جده جيبي بناتج هم المزوجات ونحنا نعزمنا وكلت لماما نروح وكالت نكول لابوج
بعدها رجعنا للبيت ورحت على حسن وكتله
هاجر : حسوني صحيح انت تحب نور
حسن : منو كلج
هاجر : نور
حسن : اصلا انتي اشعجب رحتي
هاجر : لا تغير الموضوع
حسن : اي احبها وهيا تحبني اشبيها
هاجر : بالعكس مابيها شي والبنيه حلوى وحبابه
رحت نمت وصار ثاني يوم وصرت ادرس علمود اكمل الامتحانات الي مأجلتها وجان صعب عليه هل موضوع وماكو شي جديد صار يوم الثلاثاء وداومت ورجعت تعبانه وجان اخر امتحان اسبوع الجاي مانداوم لان نطونه عطله علمود الامتحانات مال اخير السنه
اكلت وكملت وساعدت ماما ورحت انام ساعه واجت كعدتني كالت نروح بدلت ولبست جاكيت سوده وبنطرون اسود وجواها بلوزه بيضه وكعب ابيض وجنطه بيضه وسويت كعكه وخليت شويه شعر نازل وطلعت نازكه خليت بس مسكاره وحمره حمره بس فاتحه مو عميقه وجان ستايلي كلش حلو
وصلنا العرس وماعرف احد بس اسلم وامي تكول هاي بنتي ويكلولي كبرانه مشاءالله وحليانه واني معرف احد هاي المشكله اجو بنات خالاتي وكعدنا نسولف ونحجي على ملابس البنات الي بالعرس وانتبهت للعريس
جان خشمه طويل والعروس هم خشمها طويل كلت للبنات
هاجر : هذا اشون راح يبوسها يصير اصطدام
هندرين : الله يطيح حضج اشون تفكير
متنه ضحك وعبالهم اني فقيره وماعرف شي ميدرون بيه اعلم بلد وكل هاي الفتره جنه نخطط شنسوي واخذت حساباتهم من يوم الي رحت لبيت جدي وتعرفت عليهن
ريم : خلي نركص مابعد اتحمل
كمنا علمود نركص بس وحدنا وجانت اخت هندرين ويانه واخت ريم هم ويانه اخت ريم اكبر مني سنتين واخت هندرين اكبر مني اربع سنوات وبقينه نركص وبعدها تعبت لابسه كعب وعالي وركص وكله هز تعبت رحت كعدت
وشفت عمه تيماء ورسل فاتن كلت هذول شجابهم بس ذكرت انو ماما وعمه تيماء بنات عم والي يزوج ابن عمهم الثاني واجت رسل ورسل تعرف اخت هندرين فاطمه وصارو يحجون هيا وفاطمه ويركصون سوه يعني بنت خالتي بس اني ماعرفها وبنت عمي تعرف بنت خالتي
يعني الغريب يعرف كرايبي احسن مني امداني كعدنه علمود يكومون يكصون الكيك واحنه نرقص ويا الاغنيه عطشت ورحت اشرب مي شفت همام ابن خالي بعمري كال
همام : اشسوين هينا
هاجر : اشرب مي
همام : منو جا للعرس
هاجر : معرف
همام : اشون ماتعرفين انتي ما جنتي جوه
هاجر : اي جوه بس قصدي انو ماعرف اي شخص لهذا السبب كتولك ماعرف
همام : تمام انسي
هاجر : تعال ليش سئلت اكو احد يهمك جوه
همام : ها لا يمعوده منو يهمني
عافني وراح احسه مو طبيعي بي شي خلص العرس وجان عرس حلو رغم شكد كسبنه سيأت بس عادي المهم اتنمر كلش احب هلشي وماما تكول حرام لا تحجين على احد افوت من اذن واطلع من الثانيه
رجعت للبيت وكملت ايامي عادي واجت الامتحانات وصرت ادرس واروح امتحن واشوف البنات وجان اليوم اول امتحان طلعت للبنات واجو البنات لان الخط كال مو لازم اجيبكم وصرنا نروح مشي
ساره : شلونها المعنويات
هاجر : تبجي بل زاوية
ريماس : اول مره تحجين شي صحيح
هاجر : انجبي
ريماس : على راسي
هاجر : طبعاً وبالقندرة
ريماس : دنجبي مو مال احترام
رزان : الله ياخذكم ان شاء الله بنات الجلب اسكتو مجاي اكدر احفظ
سارة : ماتدرسين بالبيت اكو احد يدرس بالطريق
رزان : درست بس احس ناسيه كلشي وجاي اراجع مابيها شي
هاجر : عبالي بس اني طلعتي انتي هم نفسي
رزان : تدرون الولد مايروح من بالي لو يدري حبيبي يشكني
هاجر : ايما ولد
رزان : الي مسكج يوم جنه بالغابات وجنتي تتعاركين
هاجر : اني جان كدامي وماركزت بي ولا اذكر شكلو انتي اشون حفظتي شكلو
رزان : الي اشوفهم مره يضلون بالي مايروحون
ساره : رزان ما على اساس يجي ابن عمتج يخطبج وينهم اشو ماكو
رزان : اجلوها لان عندي امتحانات
ريماس : ايمتا الزواج
رزان : يمكن من اخلص سادس هاي اذا داومت سادس
هاجر : انجبي مستقبلج
رزان : اشنو راح اطلع طب مستحيل وغيرو ماكو تعيين
هاجر : انتي مو اكرم من الله كلشي يصير
رزان : والله ولا الي خلك اكمل تعبت نفسيتي
ساره : راح ترتاحين بس هل اسبوع تتعبين وبعدها يخلص
هاجر : ممكن تغيرون الموضوع ضوجتوني
بقينه نسولف لحد ما وصلنا المدرسه فتنه ندور مكانه ساره ورزان وريماس بنفس القاعه اما اني بغير قاعه بسبب الاحرف رحت للقاعه وشفت مكاني وكعدت بديت اقرأ ايات وادعي علمود الله يوفقني وماانسى شي
اجت الاسئله وجانت زينه مو صعبه كثير كملت وبقيت انتظر يطلعونه صار ساعه وصارو يطلعونه طلعت ادور على البنات ماكو رحت يم القاعه مالهن وشفت انو بس رزان وريماس بل قاعه ساره ماكو جاي اصفن وادور عليها
وحسيت احد ضربني بخاصرتي صحت بصوت عالي لدرجه طلعت المدرسه وكالت شبيج واني صفنت وشفت ساره ورايه كتلها شفت صرصر كالت ايمتا تكبرون وعافتنه
صرت اركض وره ساره علمود اضربها ومسكتها وضربتها جلاق وشافتنه ست هديل وكالت
ست هديل : اي بعد هاي مدرسة اولاد ما بنات
هاجر : اسفه ست بس هيا ضربتني
ست هديل : بناتي عيب هسه اشيحكون عليكم بطلو هاي الحركات هسه ابو حسين يشوفكم
هاجر : ست ابو حسين بره عيطلع البنات
ست هديل : انتو ماكملتو اطلعو بقه
ساره : ست ننتظر صديقاتنه يطلعون ونروح للبيت
عافتنه وراحت واندارت ساره وكالت
ساره : هسه بردة الدوده شوفي اكلنا رزاله
هاجر : انتي بديتي شكو تخوفيني واكفه ادور عليج وانتي ورايه وتخوفيني ثول حتى ثول
ساره : يبو هسه شيسكتج خلي انشوف البنات كملن
رحنا نشوف البنات وجانت رزان هسه طالعه كتلها
هاجر : ريماس طلعت لو بعدها
رزان : بعدها اشون جاوبتو
هاجر : زين
ساره : يعني
رزان : انجبي دائماً تكولين يعني وطلعين 100
جاي نحجي وطلعت ريماس وكالت
ريماس : جاوبت والله جاوبت
رزان : لعد ليش طولتي
ريماس : راجعت
رزان : هاجر شفتج من جنت دحكين على الشباك شبسرعه كملتي
هاجر : خلصت وطلعت
رزان : وليش ماراجعتي
هاجر : تعرفين مااراجع ابد لان اسمح الصح واكتب الغلط
ريماس : وبله جنتي ناسيه فرع او سؤال
هاجر : اشوف الورق واذا مانسيت كلمه او فرع اسلم
ساره : والله معرف اشون تطمنين
هاجر : يمكن اني عدحجي مع ثول ما مع بشر
ساره : دكافي يلا نرجع
رجعت للبيت وكلشي عادي وادرس واروح امتحن لحد اخر يوم وجان اسعد يوم لان راح نخلص وماكو داعي ندرس طلعت من البيت وجان الكل موجود عده رزان لازم نحنا نروح ناخذها
ساره : تدرون اشكد فرحانه
هاجر : نفسج
ريماس : اي حيوانات فرحانات حتى بعد مانشوف بعض
هاجر : يا ثوله كل فتره نسوي جمعه بيت وحده من عدنا
اجانه صوت رزان وهيا تكول
رزان : جمعة شنو
هاجر : ريماس تكول بعد مانشوف بعض كتلها كل فتره نسوي جمعه بيت وحده من عدنا وبس
رزان : خوش فكره واذا اجو بيت عمتي اعرفكم على حبيبي
هاجر : تدرين انسى اسمو لان دائما تكولين حبيبي وماتكولين اسمو
رزان : علاوي
هاجر : علاوي ابو البلاوي
رزان : ليش مااكلج اسمو لان ضلين تقلدين
هاجر : هههه احب هلشي مو بيدي
رزان : خرا ابيدج
هاجر : شكراً كلبي
وصلنا المدرسه واول مافتنا دكو الجرس كلت
هاجر : احسهم متقصدين كل مانفوت يدكون الجرس
ساره : اتفق
فتت للقاعه ونفس كل يوم قريت ايات ودعيت وكتبت كملت وكل عاده مااراجع بس اشوف اذا نسيت فرع او سؤال وطلعت ناسيه فرع كتبته وطلعت شفت ماكو البنات رحت للقاعه مالهن ادور عليهن بس ماجان اكو احد
استغربت عبالي طلعن ونسوني بس ذكرت انو اتفقنه نبقه والي تكمل تروح للساحه الخلفيه حتى ناخذ صور رحت للساحه الخلفيه وشفتهن يضحكن كلت
هاجر : خير ان شاء الله ليش هل ضحك
ساره : رزان كاتبه الانشاء الاول مال الوحده الخامسه وهو أصلا مااجه مال وحده الخامسه
هاجر : دقيقه يعني مو مال وحده الخامسه متاكده
ساره : اي طبعاً متاكده اني حفظتهن كلهن ومااجه هو
هاجر : تشاقين اني هم كتبته
ساره : هههه متت بوري مزنجر
هاجر : سم ان شاء الله يعني مال يا وحده
ساره : الثانيه
هاجر : الله يطيح حضج يعني مراح اخذ درجه كامله ماتكمل وياي ابد والله
ساره : يعني متاكده كلو جاوبتي
هاجر : اي بس الانشاء لا بس هسه تنطيني درجه لان كتبتو كلو
ساره : يمكن
بدينه ناخذ صور وفيديوهات كملنا وطلعنا للبيت بس نمشي على كيف حتى لا نوصل بسرعه وصلن ساره وريماس وبقينه اني ورزان فتنه للفرع مالنا وكالت
رزان : هاي ليش اكو سيارات يمكم
دحكت لبيتنه وشفت سيارات عمامي كلت
هاجر : بلكي مات جدي ومسوين فاتحه
رزان : ليش تكرهي
هاجر : بكلشي يحط روحو
رزان : الله يعينج
عافتنه وراحت فتت للبيت وسمعت ضحك خير ان شاء الله ليش هل ضحك شلحت حذائي وفتت للمطبخ جان عمه اميره وعمه مريم وتيماء وماما بل مطبخ كلت
هاجر : جنات خانوم ماتجي للمطبخ عيني
اميرة : عوفي جنات وتعالي سلمي علينا
رحت سلمت وكلت
هاجر : منو اكو جوه
مريم : الكل منو ماراح يجي على اساس البيحه ( البارحه) نجي بس امكي قالت تعالو غدا علمود هاجر غدا اخر امتحان
هاجر : ابدل واجي اساعدكم
اميرة : تكملين ما
هاجر : طبعاً
اميرة : تيم يكول صعب كثير
هاجر : تيم جا مو
اميرة : ليش يطيك مايجي حتى تذبحي والله
هاجر : خوش اريد يدرسني هم للسادس
اميرة : دللي
فتت للصاله سلمت وطلعت للغرفه بدلت ونزلت كعدت بالصاله كالت اسيل
اسيل : اش لجه بل مدرسه اخرتكي تقعدين بالبيت
هاجر : اني مو فاشله مثلج حتى ابطل وازوج بعدج عجيه (طفله)
اسيل : اني ما عجيه وانتي تعرفين جدو راح يبطلكي هسه او بعدين
هاجر : لا غلطانه محد لوا علاقه بسالفة المدرسه اني وتيم الوحيدين الي راح نكمل اما انتو راح ضلون فاشلين
جدو : هاجر اشنو هذا الحكي مالتكي اشنو فاشلين هيم مافاشلين بس ماتعبو نفسم على شي فاضي نفسكي ونفس تيم اخرتكم ما راح تطلعون طب
تيم : جدو غلطان راح نطلع طب وباجر تشوف
جدو : حيوان عدل حكيك
شفت تيم ضاج حيل وصار يهز رجلو كمت وكعدت يمو وخليت ايدي على رجلو حتى يبطل يهزها دحك عليه وهز راسو بمعنى اش عسوين كلت بصوت ناصي
هاجر : اذا جدو شافك وانت تهز رجلك يرزلك مره ثانيه لهذا السبب هيج سويت
تيم : هذا الثاني اشبي
هاجر : منو
تيم : شوفي إلياس بس يدحك علينه ويزورني
هاجر : خلي ايدك على ايدي
تيم : ليش
هاجر : سويها بربك
خله تيم ايدو على ايدي وكال إلياس
إلياس : الجو هينه يلعب النفس طالع اشتم هواء تيم تعال اريدك بشغله
طلع تيم واني الفضول ياكلني
............
«تيم»
جان إلياس بل كراج واكف يم المرجوحه رحت يمو وكتولو
تيم : اشتريد مني
إلياس : ليش مسكت ايد هاجر
تيم : عادي شنو بيها
إلياس : بيها شي تيم سوالفك اعرفها واعرف انت تحبها لا تسوي هشكل
تيم : لا تضل حيوان هاجر اختي وانت تعرف اني احب إيلا مو هاجر اتمنى ماتصير غبي وبعدين انت ليش هيجي ضايج المفروض تضوج اذا احد مسك اسيل مو هاجر
إلياس : انت لا تدخل اني اعرف شغلي تيم ابتعد عن هاجر
تيم : تحلم ابتعد وشنو تريد سوي
إلياس : تتحداني
تيم : مو تحدي بس اني وهاجر مقربين وماانسى هيا الي خلتني ارتبط ب إيلا
إلياس : يصير خير
فات وعافني فتت للصاله وكعدت وهاجر اشرتي بمعنى تعال ورايه رحت وراها وفتنه للغرفه مالها وكالت
هاجر : تيم شنو راد منك إلياس
تيم : ليش
هاجر : والله فضول كتلني
...................
« هاجر»
حجالي كلشي وانصدمت هذا ليش هيجي ضايج كال
تيم : بعدج تحبي
هاجر : اكيد تشاقه شنو احبو مستحيل لو يضل اخر واحد مااحبو
تيم : تدرين مرات احسو يحبج ومن اذكر شنو سوه اكول لا اني غلطان
هاجر : انسى اصلا هو واسيل يعشقون بعض
تيم : ادري صدك ذكرت
هاجر : شنو
تيم : قبل كم يوم نزلت لعبه جديده حرب يسموها بوبجي وكلش حلوى واعرف انتي تحبين ألعاب الولد ف كتلج عليها ونزليها نلعب سوه
هاجر : علمني عليها وشلون اشغلها
نزلتها ونزلت وبده تيم يسويها ويسوي حساب الي وكال
تيم : لازم اربطها لو فيس لو كوكل حتى اذا شتريتي تلفون جديد او اذا مسحتيها بل غلط اكدر ارجعها
هاجر : يصير تسوي على ثنينهم
تيم : يصير طبعاً
سوه حساب ونزلنا كيم وعلمني شنو اقوه اسلاح وشنو الي يفيد وشنو الاشياء الي بيها وعلمني وين اكو مكانات ينزلون بيها وكال
تَيم : بسكول وبل مطار وبوشنكي يصير اجتباكات
هاجر : شنو سكول شنو مطار شنو بوشنكي شنو اجتباكات مافهمت شي
تَيم : سكول مطار بوشنكي هاي مناطق تصير بيها مواجهات يعني احنا نكتلهم وهما يكتلونا واذا تموتين مره وحده تطلعين من الكيم اما اجتباكات هاي كمعنا كونا
هاجر : اي فهمت وشنو تيِم
تَيم : يعني انتي وجماعتج يسموها تيِم
هاجر :..........
....................
انتهى البارت
شنو رايكم بهل بارت وشنو تتوقعون يصير
- يتبع الفصل التالي اضغط على (رواية قسوة احفاد ال هتان) اسم الرواية