رواية وهج الدمار الفصل الخامس 5 - بقلم ريو الطائي
البارت الخامس
-وهج الدمار-
-الكاتبه ريو الطائي-
لاتنسون المتابعة والتعليق بين الفراغات علقو الف تعليق احتى تصعد القصه احبكم فرولاتي 💕😉
__________
.
.
.
.
.
.
.
.
فزيت ؏صوت يم راسي باوعت على باب جان مسدود شفت جود واكف فوك راسي ويباوع ؏وجهي
وهج: انته شسوييي هنا منو سمحلك تدخل للغرفه
اسف اعتذر بس دكيت الباب ومافتحتي عبالي بيج شي ودمار مو هنا
وهج: ماريد شي تكدر تطلع رجائآ وبعد لاتدخل هنا
ماشي بس حبيت اعتذر ؏ صار امس اخاف دمار ذاج
وهج: لا مكال شي ومعليك حتى لو يكول شي هو مثل ابوي انته مالك علاقه يلا تفضل طلع
صار طالع بس لاتعصبين
طلع من الغرفه واني احس جسمي كله يرجف من الخوف كول لدمار لا شنو كول امس صارت مشكله من وراي تنهدت بتعب
سنده نفسي ؏حايط وامشي ؏كيف دخلت الحمام غسلت وطلعت اخذت مشط وفتحت شعري وصرت امشط بي خليتله عطر الان ريحته كلها ريحت دويه ودم
رجعت كعدت ؏جربايه واني ابجي ؏ حالي وين جنت وين صرت امسحت دموعي وحجي بيني وبين نفسي اني قويه مستحيل خلي احد يهيني لو يسسقرني ندك الباب
وهج: تفضل دخل دمار ستغربت ليش دك الباب وهو يكدر يدخل بكيفه لان هيه بالاخير غرفته باوع عليه شلونج اليوم بنيتي
وهج: الحمدلله بابا وين جنت
جان عندي شغل شنو هسه كعدتي من النوم
وهج: اي وضايجه كلش
تريدين طلعج لمكان بنيتي
باوعت بعيونه
وهج: اريد اروح ؏اهلي
راح ؏كنتور يطلع ملابس
لا ماكو روحه بعدج مريضه بس تفتحين الجبيره مالت رجلج اخذج
هزيت راسي بالوافقه:
دخل للحمام واني كمت ريد نزل جوه يم زينب فتحت الباب ونزلت ؏كيف جان الكل كاعد
وهج: سلام
الكل: وعليكم السلام
الحجي: شلون صارت رجلج بنيتي خومه توجعج
كعدت ؏الكرويته يعني مو هواي
ان شاءلله كم يوم وطيبين
هزيت راسي وجى سجاد اكعد يمي باوع ؏وجهي
وهج: انته شبيك ليش كل ماتشوفني تباوع لوجهي
سجاد: شبيج مداج انتي مو تكولين
لدمار بابا يعني هسه اني عمج
وهج: اييع انته عمي
ضربني ؏راسي وجع
سجاد: ام حلك تروحيلي فدوه
جت اخته كعدت يمه
: شبيك لزك بيها تره حنى اخواتك مو هيه
سجاد: لا ماعندي اخت غيرها
فاطمه: صدك يعني ما تحبني
سجاد: بلي احبج بس اسكتي يمعوده
نزل دمار وكعد يم جده وشرلي حتى كعد يمه رحت يمه اهمس بصوت ناصي
ليش مانتظرتيني حتى ننزل سوه
وهج: مدري اسفه بس ضجت من
هاي شوكت طيب رجلي ورتاح
العصر نروح اني وياج نشوفه
هزيت راسي وسكتت نقلن الاكل وكلنا
وكل واحد راح لغرفته
صعدني للغرفه كعدت ؏ الكرويته وساكته احس مخنونكه ماريد بقى هنا ريد رجع لبيتنا
شبيج حبيبتي ليش ساكته
باوعت عليه وحجيت
وهج : ماكو شي بس مشفت جود جوه وينه
خزرني ونتر بيه
لا جيبين اسسم هاذه الكوا*على لسانجج افهمتي
وهج: اويي وانته ليش معصب عابت
هاي ؏منو تغلطين عيني
وهج: عليك شسوي تضربني يلا اضرب مايهمني
امسح ؏وجها بنتر وسكت طلع وركع الباب وره حيل
عزززه شلوت احجي وياه هيج لو ضاربني هو مثل الثور مداك ابو حلك ضليت دردم علي فزيت ؏صوت وراي باوعت ؏ باب شفته واكف وجها حمر من العصبيه بلعت ريئک بصعوبه
كملي ليش اسكتي
رحت وكفت قريب منه ودنكت راسي
وهج: اسفه بابا والله مو قصدي بس لساني فلت
اسكتي ماريد اسمع صوتج
رحت ريد كعد ؏جربايه سويت نفسي
وكعت وعطت بالم
وهج: اخخخ يمه رجلي لحكيليييي
باوع عليه وجى بسرعه لزم رجلي ويحجي بخوف
صار عليج بنيتي مو كتلج انتبهي تعالي اخذج للدكتور كله من وراي ملازم خليج ضوجين
وهج: احس راح موت باوع ذا متتدفني يم ماما وبابا
ولا تشيل بكلبك عليه بابا
اشش لاتحجين شي مايصيرلج شي يومي قبل يومج بنيتي
اجى يريد يشيلني رجعت نفسي ليوره وضحكت
باوع عليه ليش ضحكين شكو
وهج: ردت شوف تحبني لو لا يمه
فدوه اروحلك بابا حبيبي
وتالي وياج
لزمت خدوده وجعص بيهن
وهج : اويي ماجنت اعرف هيج تخاف عليه
شعندي غيرج بنيتي بس بعد لاتسوين هيج وكعتي كلبي بنت الكل. باوعت علي بصدمه رد بسرعه
قصد بنت الحلو شبيج يروحي
خزرته وحجيت
وهج: تعال ساعدني خلي كوم كومني رحت خليت راسي ؏مخده ونمت
كعدت العصر ؏صوته كمت ساعدني غسلت وطلعت ملابس طلع من الغرفه هوه طلعت فستان اسود كل ملابسي لونهن اسود لبست وجه هوه امشط شعري
شده ظفيره لان مايخليني خلي مفتوح راح جاب عطر خلالي كل شي يسوي الي هوه بتسم
شنو هاذه الجمال بابا
لزمت يده أوردفت وعيوني مليانه دموع
وهج: شكرآ بابا احبك هواي حضنته صار راسي ؏صدره هوه حضني قوي من خصري
افيشش يبعد بيتي انتي يلا تعالي بنيتي
بعدت من حضنه شالني ونزلنه صعدني بسياره
وصلنا المستشفى اجى فتح الباب يريد شيلني
وهج: لا بابا عيب والله استحي
منين تستحين غير انتي بنيتي عادي يروحي
وهج: لا والله عيب
شو دتالي وين العيب بالموضوع
شالني وناس تباوع علينا متت اخجل
ضميت راسي بصدره وحظنته حيل واني احجي
عيب والله عيب ابقى يضحك عليه
كافي راح تموتين شجاج بنيتي
خلاني ؏ كرسي الي بالممر وكعد يمي
شوكت ندخل بابا
انتظري شويه حبيبتي
هزيت راسي وسكتت شويه ودخلنا سويت فحوصات والحمدلله زينه فتح الجبيره كل مايرفع الفستان الدكتور احتى يفتحها هوه ينزله بالاخير حجه بعصبيه
كافيي لاترفع الفستان لا وعلي هنا موتك
شلون فتحها لعد استاذ خليني شوف شغلي
منو لزمك شوف شغلك
خلص الدكتور وفتحها بعد معانات طويله بين دمار والدكتور بس كمل بسرعه نزل الفستان دمار
الدكتور: تكدرين تحركين رجلج
هزيت راسي واني مبتسمه وخيرآ خلصت منها
طلب مني امشي احتى يشوف كدر امشي لو لا
مشيت ؏كيف واني حمدالله
طلعنا من المستشفى و دمار ابقى يغلط ؏دكتور
وهج: كافي بابا شجاك تره مصار شي
باوعلي وحجه بحده
طبعاً انتيييي عندج عاديييي مو
جنتي تلبسين كله ملابس ضيكه
وطابعه على جسمج
باوعت علي بصدمه
وهج: وانته شدراك بيه قبل لبس ضيك
امسح ؏وجها
مو مبين لان ملابسج الي وياج كلهن ضيكات
باوعتله بنضرات شك
لاتباوعين هيج اني شفت ملابسج وكلت اكيد قبل تلبس ضيك
هزيت راسي وسكتت واني ممصدكه
وصلنا للبيت وراح عنده شغل فتحت الباب وامشي واني باوع ؏رجلي فرحانه
ماحس اله واني صدمه بشخص صار جود كدامي باوع عليه وعلى رجلي وبتسم
جود: الحمدلله على السلامة
وهج: الله يسلمك
جود: فرحانه لان راح ترجعين تمشين
وهج: اي طبعاً هسه اكدر اسوي
كل شي بدون ماحتاج احد
جود: شرايج بهاذه الخبر الحلو نطلع نفتر بره
وهج: ماعرف اخاف بابا مايقبل
جود: مو اله تكوليله انتي حره بنفسج
ماعرف يلا باي رحت من عنده صعدت ؏درج صار كدامي سجاد
سجاد: الحمدلله على السلامة ام حلك صار ساعه دور عليج مادري بيج طالعه
وهج: الله يسلمك رحت وياه دمار للدكتور احتى يفتح رجلي
سجاد: ماطول صرتي زينه يلا كدامي امشي ريد سويلي كيك
وهج: لا والله تره بابا مايقبل شتغل
سجاد: مداج يالغمه
وهج: وخرر خلي صعد لغرفتي بليل
سويلك ذا بابا قبل وعد
سجاد: ماشي يلا ولي
غميته وسديت الباب بسرعه
سجاد: اني علمج حيوانه
اضحكت ورحت اسبحت وسويت تنضيف لجسمي
واني فرحانه طلعت سيتريج اسود دورت بلوزه طويله. ماكو رحت ؏ملابس دمار اخذت بلوزه لونها اسود امشط شعري وسويته كبه وطلعت كذله
باوعت ؏نفسي بالمرايه تقربت من المرايه
بست نفسي: يمه فدوه لنفسي شنو هاذه الجمال
ماكو بجمالج بنيتي
فزيت من صوته باوعت وراي جان واكف يم الباب ويباوع عليه ابتسمت
وين تريدين تطلعين ليش كل هاذه الجمال
باوعت بعيونه واني لعب بصابيع ايدي
ريد طلع وياه جود بابا عادي
خزرني
شعندججج طالعه وياه
بدون سبب هوه كال نروح سوه خلي اروح فدوه بابا
ماكوو روحه افهمتي
تقربت منه فدوه بابا خلي روح والله ضايجه
كلت لا يعني لا
عافني وراح يسبح اسكتت ماريد جادله رحت كعدت شغلت التلفزيون وكعدت باوع شوي وطلع من الحمام
امشط وخله عطر باوع عليه
راح طلع تريدين جيبلج شي وياي بنيتي
وهج: لا ماريد شي شكرا
اجى كعد يمي
شبيج ليش زعلانه
وهج: مازعلانه تكدر تروح
والله بنيتي خاف عليج ماكدر خليج تروحين وياه
وهج: ليش تره هوه حباب والله
اسكتي ولاتحجين بي كدامي
وهج: ليش غير اخوك هوه بس صدك شو ماتشابهون يعني هوه ابيض وعيونه اخضر ورشيق وانته اسمر وجسمك كله اعضلات
وانتيييي شدعوه هيييج مركزه بي
وهج: شبيك ماقصدي شي لاتصيح عليه
يعني هسسه هوه بعينج احسن منييي مو هيييج قصدج كولي
وهج:لا مو هيج قصدي افهمتني اغلط بابا
عفته وكمت ريد طلع من الغرفه بسرعه لزم ايدي
باوعت اسف بنيتي ماقصدي علي صوتي عليج يروحي
هزيت راسي وخرت ايده من ايدي وطلعت من الغرفه واني احس بس واحد يحجي وياي كلمه كبل ابجي
رحت دور ؏زينب بس ماكو محد يطلع من غرفته غير وقت الكل عائله غريبه تحس واحد مطايق الثاني طلعت للحديقه كعدت جانت الدنيا ليل
بقيت كاعده وقت طويل شوي وحس شخص وراي باوعت جان ولد نفس شكل جسم دمار ولبس كله اسود فزيت ورجع وره باوع عليه
شبيج خايفه اخويه
وهج: منو انته وشسوي هنا
امم يعني انتي الي يحجي عنها دمار بس احسج اصغيره عليه مو
وهج: انته شكاعد تحجي دمار مثل بابا
اي ابوج كلها شكم يوم ويحبلج
من حركت دمي تقربت منه وهوه يباوع عليه ويبتسم
وكفت كدامه وضربته راشدي باوع عليه بصدمه
اسمعت صوت وراي باوعت جان واكف دمار وسجاد
دمار: شكاعد يصير هنا شبيكم
رحت علي اركض وحضنته
شبيج بنيتي شكالج هاذه الناقص
سجاد: ولك هاي بكد اصبع يدك تضربك راشدي طاح حضك هاي لو اني جان طلع لسانك بطول النعال
صرخ علي
انجب ولك لاجي انعل والديك
باوع عليه وحجه وانتي يالغمه اني اعلمج
دكوم ب* لك عار والله زين سوي بيك تعالي بنيتي نكعد هناك لزم ايدي ورحنى كعدنه ؏كراسي الي بالحديقه وجو سجاد وهذه هم اكعد يباوع عليه بخزره
وهج: بابا شوفه شلون يباوعلي
لاتباوع عليها هيج لاعيونك طلعهن لك
هينه انتي اتضربيني
باوعت ؏دمار كلك هاذه منو
هاذه اخوي عمر جان بدوام اليوم رجع
سجاد: والله وطلع ينخاف منج بس شلون راشدي بردتي كلبي بي
ليش ضربتي بنيتي شكلج هاذه العار
كتله دمار مثل بابا كال يا بابا شكم يوم ويحبلج
فتح عيونه بصدمه وسجاد صار يضحك بصوت عالي
باوعت ؏ سجاد
وهج : وجع شبيك نكرصت
سد احلكي دمار وهمس
عيب بابا مايصير هيج تحجين
وخرت ايده والله معليه ليش يحجون عليه لعد
منو يحجي عليج رسه اكسر بس واحد يوصل حدج بنيتي
عمر: والله وكعت يا دمار
انجب لك كوا* لاتحجي كدامها هيج
ابقو يحجون بمواضيع عادي كمت ريد روح لزم ايدي دمار وين تريدين بنيتي
وهج: ريد روح نام راسي يوجعني بابا
تريدين اخذج للدكتور
وهج: لا راح اخذ علاج ونام يلا تصبحون ؏خير
الكل: وانتي بالف خير
طلعت من الحديقه وفتحت الباب وصعدت للغرفه دخلت ورحت كبل ؏فراش نمت وره فتره حسيت ؏احد يشلني ويغطيني عدل فتحت عيوني شفت دمار اسف بنيتي كعدتج
وهج: اممم
تقبلين نام هنا يمج
اي تعال بابا
اجى نام بصفحه مال الجربايه الثانيه تمدد وغطاني عدل وخله ايده على عيونه ونام باوعت للغرفه ضلمه كل شي مايبين تقربت من دمار وبعدت ايده من عيونه فزز وباوعلي بخوف شكو بنيتي شبيج
مابيه بس خايفه شويه عادي نام بحضنك
ابتسم وحجه
تعالي ياروحي انتي
فتح ايده خليت راسي ؏صدره وحضني قوي من خصري شوي ونمت مرتاحه
وهيج مرات الايام روتين عادي كل شخص علي بس بنفسه محد يدخل بثاني زينب صارت مثل اختي الجبيره كلش طيبه وحنونه كل شي ريده تسوي الي وتعاملني احسن معامله وفاطمه وزهره ورسل علاقتي مو فويه وياهن دائمآ يجاهلني واني مطنشه
وما سجاد صار الي اخ وصديق علاقتنه كلش قويه عتبره مثل اخوي صحيح نتعارك هواي بس شويه ونرجع نحجي وياه بعض ولا كانو متعاركين
دمار صار كل حياتي صارلي اب واخ وصديق علاقتنه كلش قويه مانام اله هوه يمي احس وياه بلئمان وكل شي ريده جيبه الي بدون كلام
بيوم جنت كاعد بالغرفه ولعب بجهاز الي جابه الي دمار شوي ودخل دمار بس جان شكله شاحب بقى واكف باب الغرفه ويباوع عليه وعيونه حمر
وهج: شبيك بابا ليش عيونك حمر
باوع عليه وبتسم بتعب
مابيه شي بنيتي لاتخافين
اسكتت وهو اخذ ملابسه وراح للحمام تئخر هواي طلع من الحمام لبس بس البجامه بدون بلوزه وشعره نازل ؏عيونه راح ؏جربايه وتمدد على بطنه
رحت وكفت يمه وخليت يدي على اكصته
وهج: شبيك شو جسمك حار شنو مريض
مابيه شي ياروحي
وهج: شلون مابيك شي بابا احجي صاير
صارلك ايام هيج وضعك
عدل كعدته ولزم ايدي ويباوع بعيوني
لاتعوفيني بنيتي
وهج: ماعوفك بابا ليش هيج تحجي صاير
تنهد وحجه بصوت بيغصه
عمامج....
___________
يتبع:
علقو بين الفراغات حبايب وتابعوني وصلو التعليقات الف تعليق احتى استمر يوميه بنشر
احبكم فرولاتي 😫🖤✨
علقو بين الفراغات حبايب وتابعوني وصلو التعليقات الف تعليق احتى استمر يوميه بنشر احبكم فرولاتي 😫🖤✨
- يتبع الفصل التالي اضغط على ( رواية وهج الدمار) اسم الرواية