رواية قسوة احفاد ال هتان الفصل السادس 6 - بقلم هاجر النعيمي
part 6
قلمي (هاجر النعيمي)
.................
هاجر : وكم واحد اكدر ادخل معايه
تيم : اربعه اكثر شي خمسه مايصير
هاجر : ويصير ندخل ثلاثه او ثنين او وحدي
تيم : اي يصير تعالي نلعب كيم اعلمج كلشي
لعبنا كيم وطلعنا مركز ثالث وكلش عجبتني وكال تيم
تيم : اذا ماكو احد من صديقاتج او احد تلعبين ويا ادخلي هنا واكو بنات واكو ولد بس هاجر ولد لا
هاجر : ادري بدون ماتكول بس بنات
تيم : خوش ونتبهي اكو ولد مو زينه واذا كتلتيهم يغلطون ديربالك انتي هم لا تغلطين لان لسانهم وصخ وماحاجه اعلمج بولد هسه وخاصه من طلع داعش من الموصل الكل تغير
هاجر : ادري لا تخاف
انفتح الباب وفات إلياس واسيل
اسيل : مشاءالله كلش حلوين سوه احسكم تتراهمون
تيم : شكراً لان تعترفين نحنا حلوين
اسيل : مو قصدي هيج قصدي تلبقون لبعض
هاجر : لا حبيبتي مانلبق مستحيل اعيش وياج بيت واحد لان المكان الي تدخلين على تنجسي بوصاختج وهسه بره غرفتي بلا مطرود اثنينكم
إلياس :بيت جدي وين مايعجبني اروح
هاجر : من تكون هاي غرفت جدك ساعتها تعال عليها
اسيل : لا تحجين ويا خطيبي هيج
هاجر : اشوف غيرتي لهجتج ها نسيت تخافين من جدو
اسيل : هذا مو موضوعنه
هاجر : شنو موضوعنه لعد
اسيل : انو تلبقون لبعض
تيم : اني احب إيلا ف لا ضلين تلوصين بكيفج
إلياس : تيم احجي ويا خطيبتي بحترام لا اشكك
شفت تيم سكت وماحجه شي احترام لاخو الكبير اني ماتحملت وكلت
هاجر : خلي تلزم حدها حتى لا يحجي عليها ويلا اخذها وبره غرفتي
صرت ادفعهم حتى يطلعون كال إلياس باذني
إلياس : مااخليج تتهنين بحياتج بدوني
نصدمت هذا شبي وشنو قصده وليش هيج كال مافهمت شي بقيت صافنه واحجي ويا نفسي كال تيم
تيم : شنو كالج
هاجر : كال مااخليج تتهنين بحياتج بدوني
تيم : شنو يقصد
هاجر : معرف حالي حالك
تيم : خلي يولي هو بس يريد يخرب الونسه مالنا لا تفكرين بي
انفتح الباب واجت عمه اميرة وكالت
اميرة : يلا عيني تعالو كلو كاعدين هينه تلعبون ونحنا مخبوصين
طلعنا ناكل كل ماارفع راسي اشوف إلياس يدحك عليه مليت بس جنت جوعانه ف كملت اكل رفعت راسي مره ثانيه هم جان يدحك عليه بس هسه غمزلي اختنكت وصرت اكح واريد اجر نفس مااكدر التمو عليه واسمع تيم يكول
تيم : تبعدو من يمها خلي تشتم هواء
امي انطتني مي وشربت ورجعت اكمل اكل كملنا الاكل واني والبنات صرنا نلم بل سفره اني وجاي اشيل صحن المرك اجت من يمي اسيل وضربتني بكتفها وكع صحن المرك عليه
وملابسي كلها صارت مرك عصبت وزتيت الصحن وانكسر وكتلها
هاجر : انتي عميه ماشوفين لو تسويها عن قصد لان ضايجه مني اسمعي حيوانه خليج بوحدج ولا تجين يمي صدكي اندمج وتلفوني يشهد
ماحجت شي وضلت ساكته وجها صار احمر والكل صار يدحك علينا وعلامات تعجب مبينه على وجهم كالت
اسيل : اسفه ماشفتج عذريني
هاجر : ماشفتيني لو عن قصد سويتيها هاي سوالفج مو عليه
اسيل : كتلج ماشفتج ليش تريدين تسوين مشاكل
هاجر : اني لو انتي
عفتها ورحت لغرفتي ابدل شوف حال ملابسي تلعب النفس وريحتي صارت مرك فتت سبحت وطلعت بدلت وجاي امشط شعري انفتح الباب وفات إلياس كلت
هاجر : خير ان شاءلله جيت انت تزت التمن عليه
إلياس : لا بس جيت علمود غير موضوع
هاجر : شنو الموضوع احجي بسرعه مو فاضيه الك
إلياس : هسه صرتي مو فاضيه المهم بعدج تحبيني
هاجر : ههههه اكيد تشاقه بسؤالك
إلياس : ترا جاي احجي بجديه
هاجر : جوابي لا ماحبك واكرهك هم
إلياس : لعد ليش من غمزتلج اختنكتي وصرتي تكحين
هاجر : انصدمت وماتوقعتها ولهذا السبب اختنكت وبعد لا تعيدها لان لعبت نفسي وهسه بلا مطرود بره غرفتي
إلياس : راح اطلع ميخالف بس راح اخليج ترجعين تحبيني
هاجر : ههههه عفواً عفواً بس شنو المميز بيك اشو لا رجوله لا اخلاق لا أدب لا شخصيه على شنو احبك
إلياس : وليش من جنتي تحبيني ماشفتي هاي الشغلات
هاجر : ماينرادلها سؤال جنت مخدوعه بيك عادي
إلياس : يعني اني مو رجال وماعندي اخلاق وماعندي شخصيه
هاجر : اي ونسيت الادب هم
إلياس : حلو يصير خير ثقي انو راح اخرب حياتج وراح ابدي ب اول شي تحبي وهو المدرسه
هاجر : من تكون انت ابويه ساعتها احجي ويلا بره مو مال احترام واكف بنص غرفتي ويهدد النص رجال
إلياس : اشوفج النص رجال شنو يسوي
تقرب يمي ولزمني من زندي وباس خدي دفعته وكلت
هاجر : شنو هل وقاحه اطلع بره لا اصيح وافضحك يا نص رجال
إلياس : يصير خير بربوك
طلع حتى بدون ماارد شنو من بشر هذا الله ياخذه يريد يخرب حلمي قفلت الباب وبديت ابجي بسكوت ماعرف شنو اسوي والمشكله جدو يسمع من إلياس لان جدو مربي ويستشاره بكلشي حتى اكثر من بابا وعمامي وهذا
الشي مستغله إلياس ويسوي كلشي يريد لان جدو واكف بضهرو الله ياخذه ويخلصني منه تعبت معرف شنو اسوي كل مااحاول اتخلص منه يرجع معرف شنو يريد مني بعد الله ياخذني لا ليش ياخذني ياخذه يارب
بقيت ادعي علي بكلب محروك سمعت الباب اندك مسحت دموعي وضليت ابتسم شويه حتى تختفي دموعي فتحت الباب وجان تيم و إيلا كالت إيلا
إيلا : هاجر ا.. دقيقه ليش عيونج حمر اكو شي ليش تبجين
حجيت كلشي صار وجنت منهاره علمود المدرسه ماريد ابطل اريد احقق حلمي واروح صيدله واحس هو راح يخرب هذا الحلم
تيم : شعليج بي اكيد ابوج مايقبل واذا صار هيج ساعتها كليلهم انتحر وهما يسكتون علمود الفضيحه ومحد يكلج شي
هاجر : خرب يومك مو عقل ضيم من وين تجيب هاي الافكار
تيم : قبل ماانام
هاجر : بربك شنو تفكر قبل ماتنام
تيم : افكر شنو راح نسوي بعرسي اني وإيلا وشلون راح تطلع
دحكت على إيلا وجانت خجلانه وجها احمر كلش حلوه وهيا بيضه ابيض وحده بينه حتى عيونها خضر كلش حلوى تشبه ابوها
هاجر : راعو مشاعري وانجبو عيب عليكم
تيم : عذرينه عيني
هاجر : والله بس انت الي مضحكني ومنسيني همومي
تيم : اختي الغاليه
هاجر : بعد روحي اختي الغاليه
تيم : ولج شنو اختي وشواربي ماشفتيها
هاجر : دوختنه بشورابه شوارب اسيا اطول من شواربك
تيم : ولج تحجين على شواربي لو جانت شعره وحده مايصير تحجين عليها
هاجر : شوارب تيم اني اسفه عذروني خوش هيجي
تيم : اي عفيه هسه رضو عليج
هاجر : صحيح ليش جيتو عليه
تيم : والله نسيت ليش جينه
إيلا : حتى اني نسيت ليش جينه
فاتت عمه مريم وكالت
مريم : تيم انت هوني واخوك يدوغ عليك غوح جيب الديجي بسرعه
تيم : هسه اطلع أجر واحد واجي
طلع هو وعمه مريم وكلت ال إيلا
هاجر : شكو ليش ديجي عدنا عرس ومعرف
إيلا : لا بس جنات افندي كالت جيبو ديجي علمود نحتفل بخطوبة بنتها العار
هاجر : امم لعد خلي احل شعري واحط مكياج شويه تعالي انتي هم
بدينه نحط مكياج واجت رسل كالت
رسل : ليش تحطون مكياج
هاجر : علمود الحفله
رسل : غدا يجي شهم يخطبني
هاجر : منو شهم
رسل : صديق يونس
هاجر : يعني تحبون بعض لو شنو
رسل : اي
هاجر : تحجون مع بعض مو
رسل : مره شافني وكال احبج وراح اجي اخطبج
هاجر : اشون عرفتي غدا يخطبج
رسل : اختو صديقتي هيا جت عدنا وكلتلي الباحه
هاجر : خوش الله يكتبلج الي بي الخير وإن شاءلله يوافقون
رسل : خايفه جدو يرفض
هاجر : والله معرف ان شاءلله يقبل
اجت جنات وكالت
جنات : جدكم يصيحكم
إيلا : اي عمه هسه نجي
طلعنا وراها وجدو كال
جدو : هاجر ورسل جو خطابه عليكم الباحه وقلولي انريد البنتين بنت تامر وبنت علي وانا اقول الولاد حبابين ومابيهم شي
هاجر : كتولك جدو من رفضتو محمود مازوج هسه اله بكيفي
جدو : مابكيفكي بكيفي وانا اعغف مصلحتكم
هاجر : والله الي يجبرني على شي مااريده انتحر واخلص منكم ومن هاي العيشه الزفت
كمت وردت اطلع وصلت يم الباب وجدو صاح بصوت هز البيت هز
جدو : ماعندي بنات ترفض كلامي والكل يسمع الكلام
إلياس كال كلام خلاني انصدم
إلياس : جدو ماله داعي الي ماتريد براحتها لاتجبرها وبعدين منو خطبها
جدو : ولاد ابو احمد
إلياس : ماله داعي الولد سمعتهم مو حلوى يكولون يسكرون
جدو : انت تشوف انو نرفض
إلياس : اي لان هاجر ورسل مثل خواتي وماريد شي ينغص عليهم
جدو : خلص الي تشوفه صح نسوي
ارتحت نوعاً ما بس ضجت لان يسمع كلام إلياس رحت للغرفه وضربت الباب بقوه وكعدت على السرير ضايجه يعني معقوله واحد عمره 23 يضحك على واحد عمره 66 مو معقوله
انفتح الباب وفات إلياس مبتسم وكال
إلياس : شفتي شلون قنعت جدو مايزوجكم
هاجر : تريد اشكرك مثلا
إلياس : اذا تبوسيني بمكان الشكر
هاجر : الله ياخذك شكد ماتستحي اطلع بره
إلياس : صدك اذا يزوجوج تنتحرين كولي اريد إلياس وفضيها
هاجر : لو تبقه اخر ذكر على وجه الكره الارضيه فلا اقبل بيك انتحر ومااخذك
إلياس : هيج تكرهيني
هاجر : اكثر ماتتصور وهسه بره
صرت ادفع بيه حتى يطلع طلع وبعدها بقيت بغرفتي وماطلعت صار العشه وبقيت بغرفتي وكتلهم مااشتهي راسلت البنات وكتلهن على بوبجي ونزلوها وبديت اعلمهن
ساره : كتلني الحكوني يمه الله ياخذه موتني اصبر خلي تعالجني ولجن عالجوني
هاجر : صوتج فضحتينه
رزان : حباب لا تفنش هسه تجي صديقتي تعالجني ونتحالف وياكم شنو رأيك
هاجر : ويا منو تحجين
رزان : هذا الي كتلني حباب مراح يموتني تعالي عالجيني
راحت ريماس تعالجها واني عالجت ساره وجان يكتل ريماس ورزان كالت
رزان : ابن القندره ليش تفنش مو كتلك تحالف انعل ابوك
هاجر : على كيفج عيني محد كلج بشي ( اهجمي) عليهم
ساره : وره الكرفان واحد
رزان : اي هذا الي كتلني الي تكتله الها بوسه مني
هاجر : اكتلو بس ماريد البوسه
رزان : طبج مرض انتي الخسرانه
كتلتو واسمع رزان تصيح كفو كفو بعد روحي انطرشت من صياحها شلون اهلها محد كعد على صوتها معرف جان ريماس تكول
ريماس : ها حيوان بنيه تكتلك روح طم نفسج بل طين امداك من بين الزلم
بعدها اجانه ناس وكتلونا وساره كالت اروح انام ريماس كالت اروح اشحن تلفوني ورزان كالت اروح اراسل علاوي وبقيت وحدي معرف شنو اسوي كلت افوت ويا بنات ونحجي شفت بنت دازه بل عام دخلت وكال واحد
... عود اسمها شيخه زربه احسن
هاجر : انجب اصلا اني دخلت ويا بنات انت اشون طلعتلي
... زهراء يعني هاي من يمج مو
زهراء : اي نجب خلي احجي وياها شلونج كلبي شنو اسمج من وين
هاجر : تمام الحمدلله هاجر موصل 17
زهراء : تشرفت بيج اني اكبر منج سنتين واسمي زهراء اموري حبيبي ليش ساكت
امير : موجود كلبي بس انتظرجن تكملن
هاجر : هذا حبيبج
زهراء : اي وزوجي وصار النه ثلاث سنوات مزوجين وعدنا علاوي
.... شنو رأيكم نفوت كيم وتتعرفون بل كيم
دخلنا كيم وبدينا نلعب ماجنت احجي شي لان معرف شحجي وبس جنت احجي ويا زهراء لان ماجنت اريد احاجي ولد كالت زهراء
زهراء : هجوره عندج انستا
هاجر : اي عندي
زهراء : خوش من نخلص الكيم دزيلي يا على الخاص
صرت احجي وياها لان هيا تضل تحجي بعدها واحد منهم كال
... شكد تحجون لخاطر الله
زهراء : وانت شعليك
... اريد اركز بل كيم
زهراء : امير عاجبك حجي تميم
امير : تميم سد حلكك خلي يحجون معليك بيهن بلكي زهراء تلكه صديقه لان تعرف ماعدها
هاجر : يعني هذا اسمو تميم اول مره اسمع هيجي اسم
تميم : ليش عيني ماعجبج
هاجر : بالعكس حلو يعني غريب ما سامعتو من قبل
تميم : هو اني كلني حلو مو بس اسمي
هاجر : الله الثقه شكد مغرور على شنو شايف نفسك الله يعلم شلون شكلك غير يخوف لان كل واحد مغرور يطلع يلعب النفس وماحلو
تميم : غير اذا تشوفين جمالي انتي تضلين تزخفين عليه وتكليلي احبك
هاجر : اني مااحب احد على شكلو احبو على اخلاقو وشخصيتو
تميم : امير بدون زيج بعدين وين اكو واحد هسه بقه على اخلاقه كلها صارت كو***
هاجر : هسه اذا انت هيج مو معناها الكل خوش
تميم : خاب نجبي وسدي حلكج لا اشكه
هاجر : كل خره ولا تغلط
قبل مااحجي امير كال
امير : تميم بلا اكلان نعل خلينه متونسين
زهراء : تميم بلا مشاكل شكد تحب المشاكل كافي حباب يوم واحد بدون مشاكل رحمه لاهلك من يوم الي زوجت لهسه انت كل يوم مشاكل حتى الكل ضاج منك
تميم : خلي كلمن يضوج يضوج المهم اني متونس
هاجر : يعني هسه انتو اقارب
زهراء : شوفي حبيبتي امير ابن خالتي وزوجي وتميم ابن عم امير
هاجر : ها فهمت عبالي اصدقاء
تميم : يا ابن الجلب امير الحيوان تعال هيلني ( عالجني) ولك تعال راح يفنش خوات الك**** بيكم خير تعال وجه بوجه مو غدر **** خواتكم امير ابن الخره تعال هيلني
امير : ابن الخره كافي تفشر نحنا مو وحدنا لا ضل حيوان ويانه بنات مو وحدنا
تميم : اكل خره انت عالجني وماعليك والي ماعجبه يطلع
صار نقاش بينهم واحد يغلط على الثاني وحجي وصخ اخر شي ضوجوني وكلت
هاجر : انتو ماتستحون ترا نحنا بنات معاكم ما بحدكم ف احترمونه شويه وعود من تشوفون بعض اغلطو واذبحو بعض محد يحجي بس هينه لا
تميم : اذا ماعاجبج الباب يفوت مطي
هاجر : مو ضاله على سواد عيونك بس يخلص الكيم اطلع
تميم : طبج مرض واذا طلعين من هسه بعد احسن
هاجر : الكيم مو مال ابوك حتى اطلع واكرمنا بسكوتك
زهراء : تميم كافي عاد وهاجر ماكو طلعه حبيتج واريد اصير صديقتج واذا تميم ماعاجبه هو يطلع
تميم : تبيعيني علمودها وسفه والله
بقينه نلعب وكيم يجر كيم بعدها شفت الوقت تأخر وصار موعد اذان الصبح هسه ماما تكعد واذا شوفني كاعده تموتني ف كتلهم
هاجر : اني راح اروح وتشرفت بيكم ماعده تميم
تميم : ماريد تتشرفين بيه
امير : وين خيتي بعد وكت
تميم : عوفها يمعود صدكت اني بس خلي تفكنه
هاجر : الي يسمعك يكول قاتله نفسي عليك
تميم : غير اذا شوفيني تضلين تلحكين وراي
هاجر : ولا يكعد توني كروس
امير : انتي مشجعه ريال
هاجر : اي شلون عرفت
امير : من توني كروس لاعب ريال مدريد
هاجر : اي صح نسيت وانت منو تشجع
امير : طبعاً ريال
هاجر : حلو نفسي يعني وزهراء
زهراء : برشلونه
هاجر : لا يمعوده طلعنا مو نفس تفكير بعض بس لا تكليلي تحبين المنغولي
زهراء : منو هذا المنغولي
هاجر : ميسي
زهراء : لا ديربالج تحجين علي احبه اكثر من امير
امير : لج
زهراء : اقصد اكثر من تميم شبيك صاير سمعك ثكيل
تميم : هاجر انتي منغوليه لا تحجين على تاج راسج
هاجر : قصدك ميسي منغولي يلا تتراهمون منغولي يشجع منغولي ههههه
امير + زهراء : ههههه
امير : عجبتيني هنا هههه والله وجان تجي وحده اطول من لسانك
تميم : لو احطها براسي اخليها تلحك وراي بس تعرف ماحب هاي السوالف
امير : ابد فقير ماتحب هاي لسوالف
هاجر : المهم اني حروح هسه بيباي
زهراء : اوكفي عود راسليني خوش
هاجر : باجر ان شاءلله لان هسه اريد الحك اسوي نفسي نايمه قبل لا تجي ماما
طلعت وبسرعه زتيت التلفون وسويت نفسي نايمه فد ربع ساعه وجان ينفتح الباب دائما ماما تجي حتى تشوفني نايمه لو لا واني حافظه وقتها ف قبل ماتجي اسوي نفسي نايمه ومرات تجي قبل الموعد بس بسرعه اطفي التلفون وماتحس
نمت وكعدت الصبح ميته نعس لازم الكل يكعد بل 10 والي مايجي للريوك الساعه 10:05 ياكل رزاله من جدي اصلا هو ليش عايش ويانه مادري بس لان بابا اصغر واحد بقه ويا
راسلت رسل علمود اعرف ايمتا يجون وكالت العصر واكيد اذا طلبوها عمي راح يكول لجدو وجدو يجمع الكل وياخذ رأيهم بس اذا هو جان موافق والكل رافض خلص تصير واذا هو رافض والكل موافق ماتصير لو معرف منو يجي
ساعدت ماما بل غده وسمعت صوت تلفون ماما وجانت عمه اميرة وكالت
اميرة : اشونكم اخباركم
مروة : الحمدلله انتم اشونكم
اميرة : الحمدلله الجمعه الجايه النيشان والحنه مال إلياس عود تعالو من الخميس
مروة : والله اني مااكدر لان عمي وعلي بالبيت مااكدر وهاجر تعرفين انو ماتجي ليش
هاجر : لا اروح عادي اي عمه اجيكم الخميس بس خلي تيم يجي ياخذني لان بابا مابيدو مجال
اميرة : عفيه حبيبتي لا تخلين احد يشمت بيج وهذا ابني العار اشون بدلها عليج مااعرف
هاجر : هو اصلا مااختارني حتى يبدلني المهم عود انتي خابري جدو وكليلو لان هسه اكيد يرفض بس منج يسمع
اميرة : هاي سهله خليها عليه
صرت كل يوم بليل ادخل بوبجي والعب ويا زهراء وامير وتميم وكل يوم لازم نتعارك ماعرف ليش صادف اليوم ثلاثاء وماما كعدتني الصبح وكالت نروح بيت جدي وبدلت ورحنا وصلنا وفتت سلمت عليهن وجان اكو ولد
اول مره اشوفهم الي عرفته انهم ولد خالي هندرين اخوها بارق ومحمد ريم اخوانها حيدر وعبدالله وعدها خوات ثنين كبار مزوجات وعدهن اطفال اما نور عدها اخ واحد واسمه اسامه واخت هندرين ايمان تحبه وفاطمه اخت هندرين الثانيه ماتحب احد كل همها دراستها
وكلش عاجبتني احسها غير تختلف يعني مرات نروح بيت جدي هيا تكون مو موجوده بسبب الدرس وهيا اكبر مني بس خطيه جانت بل ثالث ثلاث سنوات تطلعلها نفس النتيجه ولهذا السبب هسه اني وياها نجحنا سادس علمي
وهمام وحارث ولد خالي الكبير ماعدهم خوات اما ولد خالي الثاني والاخير ايلين وايليا وجود وجود عمره سنه ونص ايلين وايليا توم عمرهن 11 سنه بس جنت اعرف همام لان شفته بعرس كرايب امي اجت هنوش وكالت
هندرين : تعالي لغرفة جده نكعد بيها ونسولف
رحنا لغرفة جده وكلت
هاجر : اكو واحد كلش حلو لابس اسود منو هذا
هندرين : وشعره لحد هينه
خلت ايدها يم اذانها معناها بهذا الطول كتلها
هاجر : اي
هندرين : اخويه بارق
هاجر : شنو هذا الاسم غريب شنو قصة الاسماء الغريبه تميم وبارق
نور : منو تميم
حجيت الهن على تميم وعلى زهراء وعلى امير وشلون قصتهم حلوى وطول هاي الايام احجي وياها حتى ويا امير صرت احجي بس تميم لا لان مانتصافه
نور : عندج صوره ل تميم
هاجر : لا ليش
نور : اسمه غريب وحلو توقعت هو هم يكون حلو
هاجر : ليش هشكل واثقه بلكي طلع يلعب النفس
نور : احساسي ابد مايطلع غلط
هاجر : قبانو لحساسج
بقينه شويه نحجي واجاني مسجات على تلفوني شفتوها جانت من زهراء وكاتبه
💬 زهراء : هجورة شلونج شخبارج شو اليوم ماكو
💬 هاجر : الحمدلله زينه وانتي
💬 زهراء : الحمدلله دومج شكو ماكو
💬 هاجر : والله ماكو شي جيت على بيت جدي
💬 زهراء : جا اخذي راحتج وياهن بيباي
راحت وفتت للحساب شفت جايني متابعه فتت على حساب الي تابعني شفت متابع زهراء وامير استغربت معقول واحد من كرايبهم وجان ناشر صور هواي وحسابه لا بئس بي يعني جان بي 4K متابع شفت الصور وجان اشوفه واكف يم سيارتي المفضله كمت اصيح واكول
هاجر : من وين جابها هاي بس باوربا موجوده يمه يمه كلبي راح يكف
صرت اكح ونور تضرب ضهري كالت هنوش
هندرين : ريم ماء لهاجر بسرعه
جابتلي ريم ماء وشربت واحس راح اختنك بلكوه اجر نفس اني اشوفها بل تلفون اجن هل مره الي متابعني عندو هيا غير اموت كالت هنوش
هندرين : بس فهميني شكو
هاجر : اكو واحد تابعني وعنده شبح موستنك وهاي بعدها مااجت على العراق بس عند الاجانب يربي هذا من وين جابها
هندرين : شنو هيا الشبح
هاجر : سياره من جنت اشوف مسلسل اسباني جان البطل عندو شبح موستنك ويتسابق وتجنن السياره
جان تلفوني بأيد نور وكالت
نور : شوفي عندو كثير صور مع السيارات
هندرين : حتى حلو والله
هاجر : خلي يسمع حمودي
هندرين : لا عيني حمودي احلى
ريم : لا هذا احلى والله
نور : اي والله صح حمودي حلو بس هذا احلى حتى عيونه رصاصي غريبه ماكن شفت منها
هاجر : امير وزهراء يتابعو
ريم : اسئلي زهراء او امير
هاجر : هسه اراسل زهراء
راسلت زهراء ودزيت الحساب لها وكتلها منو هذا متابعج انتي وامير ردت
زهراء : عزه هذا شعرفه انتي
هاجر : منو هذا من كرايبكم مو
زهراء........
.....................
انتهى البارت
منو تتوقعون يكون الي مراسل هاجر وشنو يصير بعدين
- يتبع الفصل التالي اضغط على (رواية قسوة احفاد ال هتان) اسم الرواية