رواية قسوة احفاد ال هتان الفصل السابع 7 - بقلم هاجر النعيمي
part 7
بقلمي (هاجر النعيمي)
.................
💬 زهراء : هذا تميم وليش حتى يتابعج على حد علمي لا انتي تطيقي ولا هو يطيقج
💬 هاجر : دقيقه شلون هو واصلا ليش حتى يتابعني
💬 زهراء : راح احجي ويا اني واكلج
عفتها ودزيت حسابه للبنات سارة ورزان وريماس وصعدنا تصال علمود نحجي كالت ريماس
ريماس : كلش حلو والله حتى السيارات الي يمه حلوى العبي بيها هاجر تخلي تتزوجون وانتي تزوجين صاك الله حيو
هاجر : شنو مجنونه ازوج تميم لو يبقه اخر واحد
ريماس : هسه نشوف
رزان : عزه ولج يمه شلون صدفه ماتصير حتى بل مسلسلات
جانت تصيح مدري شبيها اني اذاني احس ماعاد اسمع بيها كالت ساره
سارة : وسم حتى سم اشبيج ليش هل صياح
رزان : بس اوكفن استوعب
سارة : احجي احسلج
رزان : تذكرون من طلعنا سفره مدرسيه ومن تكاونت مع بنت وبعدين هاجر تكاونت مع بنت وجه ولد كتلجن حلو كلش وهيبه
ريماس : اي وسم لا تكفين كملي
رزان : المهم الولد هو نفسه هذا
هاجر : بلا مضرطه هذا من بغداد ونحنا بل موصل شنو الي يجيبه علينه
رزان : والله شكله مايروح من بالي اعرفو كثير زين
هاجر : مجاي استوعب اشون
رزان : وداعت علاوي هو نفسه ومتأكده هم
هاجر : باي هسه بعدين نحجي حروح اشوف زهراء بلكي تعرف
سديت الخط وبنات خالاتي يصفنن كالت هنوش
هندرين : كشي مافهمت
هاجر : بعدين افهمج
خابرت زهراء لان اذا اراسلها طول وماترد بسرعه بسبب الشغل فتح الخط علاوي ابنها كال
علاوي : منو
هاجر : حبيبي علاوي اني هاجر عرفتني
علاوي : اي علفتج
هاجر : وين زهراء اريدها ناديها بسرعه
اسمع علاوي ينادي امه ويكول
علاوي : زهراء زهراء
سمعت حجي يم علاوي حاولت اسمع وسمعت بس شويه والي هو
.... ليش تعيط شبيك
علاوي : اليد زهراء هادل تليدها ( اريد زهراء هاجر تريدها)
.... جيب احجي وياها
تميم : اي هاجر شنو تريدين
تلبكت وماعرفت شحجي شلون اكله اجيت علمود اسئل عنك واعرف تفاصيل كلت
هاجر : اريد زهراء عندي وياها موضوع مهم
تميم : هسه اناديها الج اوكفي
تميم : وين زهراء
... بل مطبخ شتريد منها
تميم : صديقتها تريدها وتتصل عليها
تميم : زهراء هاجر على الخط اخذي تريد تحجي وياج
زهراء : هلو هجوره شلونج
هاجر : روحي مكان وحدج ممكن
زهراء : خوفتيني اكو شي
هاجر : لا يمعوده ماكو شي بس اريدج بموضوع
زهراء : اذا على موضوع تميم ف ماكتله والله عذريني
هاجر : لا مو بس هذا اكو موضوع ثاني هم يخص تميم
حجيت الها وكتلها تفهملي الموضوع بطريقه حلوى ومايعرف ومايشك بل موضوع
...........
«زهراء»
نصدمت من كلامها شنو من صدفه هاي جاي اتخيل تطلع صحيح مادري ليش احسهم راح يزوجون هيج كلبي يكلي وابد ماجان حساسي غلط بس اذا حبها الله يعينها اكيد راح يكون نفس ابو وعمامه ولد عمه
شفت تميم كاعد ويا امير واحمد يحجون احمد اخو امير كلت
زهراء : تميم سؤال لما جنت بل موصل ماكو وحده عجبتك
تميم : شجاب هذا السؤال لبالج
زهراء : جاوب واكلك كلشي احجيلي شنو صار من رحت للموصل لان اعرف رحت اماكن هواي
تميم : اي رحت ويا حيدر وجماعته لهواي اماكن
صار يحجي كلشي صار هناك وصل لمدينة العاب وكال
تميم : جان اكو عركه مال بنات وكلش عجبني الوضع بقيت اباوع وشفت البنات هم يباوعن ومحد يدخل وخطيه اكو بنيه نسحلت وشبعت كتل وسمعت انو السبب علمود تريد تنزع صديقتها الحجاب وهيج شي والبنيه ماتحملت وكتلتها بس شنو قويه وعدها جرئه كلش عجبتني نوب حتى حلوى كلش وشعرها على وجها جانت كلش بيضه
زهراء : شون عرفتها بيضه
تميم : البنيه الي واكعه بل كاع جان تطلع جسمها واكو ولد عيب هذا الشي ف رحت الها ولزمت ايدها وشفت انو بيضه ووجها هم ابيض
زهراء : تذكر شكلها
تميم : اي ولهسه بالي ومايروح من بالي منظرها وهيا معصبه وتعيط بوجهي
زهراء : اوصفها الي
تميم : احسج اندمجتي شسالفه
زهراء : تعرفني فضوليه
تميم : ماقتنعت
زهراء : اذا وصفتلي شكلها وعد احجيلك كلشي
تميم : عيونها صغار مسحوبه خشمها صغير حلكها وسط شعرها طويل لحد خصرها من فوك اسود من جوه قهوائي عبالك صابغته ملامحها هادئة ومبينه بريئة
زهراء : راح اشوفك صوره وكلي نفس هاي لو لا
طلعت صورة هاجر وحطيتها بوجه وكلت تشبه هاي شفته نصدم وفتح عيونه على وسعها وهو عيونه كبار صار يخوف بقه صافن كلت
زهراء : ها وين رحت
تميم : انتي وين تعرفين هاي البنيه
زهراء : تشبه هاي لو لا
تميم : مو تشبها هيا بذاتها
انصدمت من الصدفه مو معقول احس انو مسلسل تركي من 200 حلقه كال
تميم : زهراء لا تجننيني كولي وين تعرفيها
زهراء : زين ليش متابع هاجر
تميم : هسه شغليه بسالفة نعل كولي من وين جبتي صورتها
زهراء : جاوب واكول
تميم : زهراء لا تحكميني وتتشرطين جاوبي
زهراء : والله مااجاوب اله انت تجاوب
تميم : مادري شفت حسابها واحس اكو شي بداخلي كلي تابعها وتابعتها
زهراء : عزه وربي مو صدفه ضيم
امير : هسه غير نفهم شكو
احمد : منو هاي ومنو هاي شو اني ماعرف شي
تميم : زهراء بداعت ابنج كولي
زهراء : راح احجيلك كلشي انت من تابعت هاجر دزت حسابك الي وكتلها تميم ودزته الصديقاتها وحده منهن كالت هذا نفسه الي جان بل مدينه والي بعد هاجر عن البنيه يعني البنيه الي انت عجبتك وبعدتها ولزمتها والي تكول حلوى هاي هاجر الي نحجي وياها بل بوبجي
تميم : بس لحظه استوعب مجاي افهم شي زهراء شلون صار هيج اكيد مضحكين عليه
زهراء : انت ماكايلي عليها وهاجر لما شافت صورتك ماعرفتك وصديقتها الي جانت وياها تتعارك هيا شايفتك وحافظه شكلك احس مسلسل تركي
تميم : والله مجاي استوعب لك امير الي حجيتلك عنها وكتلك حبيتها طلعت احجي وياها وقريبه علينه وماعرفها هاي كله من دعائي كل يوم ادعي الله اشوفها وتصير الي
زهراء : الي افهمه انت حبيتها يعني انت تحب هاجر صديقتي
تميم : انتي متاكده هاي صورتها
زهراء : اي حتى صعدت وياها كم وعلاوي يعرفها اذا مو مصدكني انادي وشوفه الصوره
تميم : احمد نادي علي بداعتي
امير : شنو هاي تشك بمرتي تجذب
تميم : امير اذا هيا نفسها والله زهراء الج احلى هديه والقرآن
اجه علاوي وتميم حط الصوره بوجه وكله
تميم : علاوي تعرف هاي منو
علاوي : هادل صديقت زهراء
تميم : منو هادل
علاوي : هاي هادل
زهراء : مايعرف يكول اسمها يكول هادل حبيبي هاي مو هاجر
علاوي : اي هادل
زهراء : انت مو مره حجيت وياها وشفتها بل تلفون وصرت انت وياها تلعبون وشوفتك الدب مالها الجبير
علاوي : اي وكالت اجيبلك منه
تميم : يعني هيا
زهراء : اي هيا بس شوف ماريد هاجر تعرف انو اني كتلك هيا
تميم : لا اريدها تعرف واعترف الها بحبي ومستعد اخطبها
زهراء : مادري بس مااعتقد توافق الي فهمته منها انو ماتحب الحب والزواج واعتقد عدها ماضي ف خلي افهن منها واكلك عوفه عليه
رحت اراسل هاجر وكتلها تميم شنو حجالي من جان هناك بس ماكتلها انو مدح جمالج وحبج لان اريد افهم حياتها وبشنو مرت
............
« هاجر»
من سمعت كلامها فورا كلت لساره ورزان وريماس وبنات خالاتي مافاهمات السالفه وزران كالت
رزان : شفتي والله اعرفه لو تجيبون عشره يشبهونه اطلعه غير كرشت علي بوقتها
ريماس : هاي الصدفه اعتقد انو الله خلاها يمكن تصيرون مع بعض
هاجر : مااريد اصير مع احد
ساره : مايصير تضلين هشكل اعطي نفسج فرصه واعطي الولد هم
هاجر : الولد ماكال احبها ولا شي كال الموقف وبس لو كايل انو معجب او شي جان كالت زهراء
رزان : بلكي كال الها وهيا ماتريد تكول علمود تعرف الي صار وياج
هاجر : اني محاجيه الها على الماضي
سارة : لعد يمكن ماكو هيج شي
رزان : اني اكول راح يصير وهسه تشوفن
هاجر : اروح احسن بنات خالتي دوخني يريدن يعرفن السالفه
سديت الاتصال وحجيت للبنات على يوم السفره وانو طلع تميم هو نفس الشخص الي بعدني عن البنت وانصدمن وكالت هنوش
هندرين : صدفه غريبه حيل ولو ماصايره معاج جان كلت هاي تطلع من يمها
هاجر : صدكي لهسه مصدومه واصلا هو شنو جابه على الموصل معرف
نور : يمكن كرايبه هنا
هاجر : اي صح عمتو مزوجه مصلاوي
ريم : مو صدفه ضيم على كولت الوسط والجنوب
هندرين : بس اذا حبج هنا تصيرون ثنائي يموت انتي حلوى وهو حلو اشون يطلع انتاجكم
هاجر : اي بعد روحي اشترو ملابس لعرسي اشبيكم يمعودات غلسو على الموضوع مالي خلك
هندرين : ليش ماتباتون بيت جدو
هاجر : مااكدر اريد اروح باجر على السوك علمود الحنه والنيشان مال إلياس
نور : اشون تروحين عادي وماضوجين
هاجر : عادي
ريم : لعد ليش عيونج تلمع وبيها دموع
هاجر : انتو وحتى عمه اميرة نفس الحجي شنو يعني واذا تزوج خلي يتزوج المهم يعوفني بحالي
نور : لعد ليش تبجين خلاص لا تروحين وامج تكول ضليتي بيت خالتج
هاجر : بعدين كلهم يستلموني من يشوفوني
هندرين : واذا تكدرين تردين عليهم بس مال تروحين وتدوسين على كلبج لا هاي نحنا مانقبلها
هاجر : تدرين انو عمه تريد نجي عدهم قبل بيوم واني كلت اروح علمود لا يحجون لان تعبت من حجيهم وغير هيج اريد اقنع كلبي انو كافي يحن تعبت من هذا الحال
نور : ادري والله بس كافي تبجين خلي يولي
هندرين : شوفي اعرف صعبه اني مره عفت مصطفى وكثير تأذيت وانتي اشون حالتج من تشوفي كدامج خاطب وراح يزوج
هاجر : محد يفهمني تعبت واني امثل القوة تعبت واني اسوي نفسي فرحانه الهم جاي ادوس على كلبي علمود كرامتي وكبريائي تعبت نفسيتي مااكدر انسى بعد بسببو طلعت باربعه وجان هسه طلعت اعفاء وماتعبت نفسي تخيلي مااكدر اتحمل اشوفه كدامي فوراً اضعف
هندرين : افهمج والله بس لازم تنسين وتنطين نفسج فرصه ممكن يكون غلط ولازم تتعلمين من غلطج او ممكن يكون هذا سبب لان انتي بعيده عن الله ولازم تتقربين منه
هاجر : بس اني اصلي
نور : مو بس صلاة لازم تعبدي ولازم تقرين قرآن واحنا مانقره قران اله برمضان وغير رمضان نهجر القرآن لازم تدعين مو بس تصلين وكافي لازم تصلين وانتي كلج ثقه برب العالمين
هاجر : كلامج كثير صح
ريم : وانتي من تسوين الي كالتو نور صدكي راح تتحسنين
هاجر : راح اسويها والله تعبت منهم كل مااشوفهم يزتون كلام عليه واني اريد اروح وادخل بعيونهم
اجت خاله وكالت تجون على السوق وكمنا نبدل حتى نروح بدلنا وطلعنا نمشي لان قريب حيل على بيت جدي وصلنا السوق
جنت امشي واحجي ويا البنات ومندمجه وعننزل من الدرايج وريم كالت
ريم : هاجر جلب يمج
بسرعه نزلت ومتت خوف وصرت اتنفس بسرعه العالم انتبهت عبالها بيه شي غيرت الموضوع فوراً وحجيت بصوت عالي يلا بسرعه نزلو ليش هيجي ثكيلات
هندرين : ليش تخافين من الجلب ترا جان نايم وميت حر
هاجر : شوفي احبهم بس اخاف منهم واحلم اربي جلب وبنفس الوقت اخاف
نور : والله انتي تحيرين المايحتار
فتنه محل عطورات وسئلة علة عطري طلع ماكو مو دائما الكه منو البنات اشترو اشياء ورجعنا شفنا جلب وهنوش كالت
هندرين : يا هاي حكم اش جابو هينه
ريم : انجبي عوفي حكم بحاله روحي ولي
عافتنه وتمشي مع خالاتي ضاجت كلت
هاجر : هنوش عوفيها خطيه تقبلين نحجي على حمودي
نور : تعرفين حسن اشكد يتكاون مع هنوش يحبها نفس اختو
ريم : اي بس يتكاونون تعرفين انو هنوش هيا خلت حسن ونور يحبون بعض يعني لو مو هيا جان نور ماحجت وحسن ماحجه
هاجر : اشو اني ماعرف شي
هندرين : طبعاً جنتي ويا اسيل واسيا
هاجر : بربج لا ذكريني تدرين تيماء مرت عمو تامر جانت تكلي ماخوش بنات لا تضلين ماعاهم واني عبالي مضغوطه من صداقتنه وطلع كلامها كلو صح واني الغلط
هندرين : الواحد يتعلم من غلطو عادي
نور : تيماء مو بنت عمو جاسم اخو جدو
هاجر : اي تكون بنت عم امي وامهاتكم
نور : اي صح لان شفت رسل هناك بل عرس
هاجر : اي لان يكونون بيت عمها بس من شفتهم انصدمت بعدين تذكرت
ريم : ثوله مابيدج
هاجر : على راسي هههه
وصلنا بيت جدي والبنات قنعني اضل وخابرت بابا علمود اضل وكال
علي : ليش تضلين
هاجر : علمود انتونس معاهم حباب خلي اضل
علي : مادام راح تتونسين ارجعي
وصار يضحك بابا كلش يحب يشاقه ويانه ويلطف جو اذا احد ضاج والكل يعرف بابا شكد شقاوجي وبنفس الوكت محد يكدر يحجي معا لان بابا ينطيهم هيا بلكصه ورغم هشكل بس جنات افندي تحجي علي
علي : ضلي بس قليله الامكي هسه اجي اخذه
كتولو خوش وسديت الاتصال ورحت على ماما وكتوله اتحضري بابا يجي ياخذ انتي وحسين وكتوله العصر تجي تاخذني ونطلع للسوق علمود اشوف بدله
بليل كالت هندرين
هندرين : خلي همام يروح يشتريلنه نمنميات
نور : اي خوش
هاجر : نروح كلنا نكله لان اني علاقتي ويا مو شي تعرفون
رحنا على همام وهنوش كالت
هندرين : همومي تروح تشتريلنا
همام : من سمعت همومي عرفت عدكم شي احجو اسمع
نور : تروح تشتريلنا نفس ماكالت هنوش
همام : تدللون بس اكيد راح تطلبون كثير اشياء اروح اجيب ورقه وقلم حتى لا انسى شي
والله وصدك راح جاب ورقه وقلم واحنا نكلو اشنو نريد وهو يكتب ابد ماضاج او تذمر بعدها كال
همام : والله ضوجه خلي اني هم اشتري وتقبلوني معاكم لان ماكو احد بعمري
هنوش : لا روح ويا جود
همام : جود رجلي اطول منو اشون اروح معا اصلن حتى نام
هاجر : اي تعال معانه نتونس
راح اشتره وهو عندو غرفه فوك كنالو عود جيب الاغراض فوك وبعدها ب نص ساعه جاء وبيدو كلاليك كثيره كالت هنوش
هندرين : اللهم صلي على محمد وآل محمد
همام : هاي يعني علمود الحسد لو اشنو
صرنا نضحك هو من نوع الي يشاقه اني مااعرفو كثير بس البنات يحمدون باخلاقو كالت نور
نور : اخبار رقوشه
همام : زينه تسلم عليج
هاجر : منو رقوش
ريم : رقيه حفيدة عمو جاسم
هاجر : عمو جاسم ابو عمه تيماء
ريم : اي تكون بنت اخوها
هاجر : اصلن مااعرفهم
ريم : بس لو اعرف منو تعرفين
هاجر : الله وكيلج ماعرف احد احس نفسي جنت بسجن لان كل ماتصير هينه جمعه تصير بيت جدي هم واروح هناك لان انتو ماجنت اعرفكم بس هسه لو هم يجتمعون اجي هينه اطيب من غادي (هناك)
ريم : والله انتي تعرفين احسن
هاجر : احجيلي على رقيه لان ماعرفها
شفت وجهو صار احمر ضحكت وكلت
هاجر : قبانو للخجول
همام : عمرها 15
هاجر : اوصفلي شكلها
همام : لمن رحتي للعرس جان اكو بنت لابسه فستان احمر وبي ورد اسود
هاجر : اني الباحه اش سويت ماعرف يجي يكلي على العرس انسى والله
همام : لعد من اشوفها وتكونين موجوده اشوفج هيا
هاجر : ماعندك صور الها
همام : عندي اشون ماعندي
هاجر : يعني تحجون
همام : لا بس اراقب حساباتها
هاجر : يعني من طرف واحد
همام : اي
هاجر : وليش ما تكللها
همام : اخاف ترفضني
هاجر : عادي شوف حظك بلكي هيا هم تحبك او على الاقل احجزها
همام : امي ماتريدها
هندرين : ليش انت امك منو تحب
همام : على الاقل احترميها كدامي
هندرين : اسفه
همام : ولا يهمج
هاجر : هسه عوفي امو المهم انت لازم تكللها على الاقل حتى تعرف وامك تكدر تقنعها واذا البنت ماتريدك خلاص انساها وعيش حياتك للاحسن الك خاف على غفله تنخطب او شي
همام : هم صحيح
بقينه نسولف لحد الساعه 5:11 بعدها كتلهم
هاجر : اريد انام قفلت وباجر راح يكعدونه من وكت
همام : حتى اني هم نعست
البنات نزلنا جوه وهمام بقه بغرفته ونمنه بل استقبال على اساس انام بس جذب سولفنه شويه وبعدها نمنه
كعدنا الضهر بل 12:22 كالت ام همام
ام همام : بس احمو الجاي وكلو ونور بس روحي كعدي همام
ريم : اي خاله
راحت ريم وهنوش همت الجاي واني حضرت الستكانات ونور جابت الجبن ولبن نزلت ريم وراها همام وكعدتا ناكل كملت اول وحده لان الصبح مااشتهي اكل بس شويه واكوم خابرتني ماما وكالت
مروة : بل 3 تحضري راح نجي اني وابوج خوش
هاجر : خوش
سديت الاتصال ورحت اساعدهم بل غده عود نادره جذب بس واكفه وياهم لان معرف شنو اسوي ومعرف اشتغل بشغلات البيت كثير لان ماما ماتشغلني كلشي عليها كلت
هاجر : ليش ام همام ماتقبل تاخذ رقيه ل همام
هندرين : لان اكو مشاكل بين ام همام وام رقيه
هاجر : شنو المشاكل
هندرين : ام همام جانت تريد تاخذ اخت ام رقيه لاخوها
بس هما رفضو لان البنت صغيره وهو اكبر منها
هاجر : شكد اكبر منها
هندرين : معرف بس كثير فوك ال 10 سنوات
هاجر : اي هم كبير اشون تقبلها ام همام تاخذ صغيره لاخوها الكبير
هندرين : لان حلو وعيني علمود الشاب مايعيبو شي حتى لو كبير
هاجر : اشنو هاي التقاليد الي تلعب النفس
نور : اي عادي عدنا يعني لو واحد عمرو 30 تزوج وحده عمرها 15
هاجر : هيا ليش تقبل ترفض وخلاص
نور : اذا ماتوافق برضاتها غصب عنها
هاجر : شنو هل لعبان نفس مايصير هشكل
نور : ماتشوفين جدج هم هشكل
هاجر : جدي بعد اضرب والله مااتمنى جدي يصير جد عدوي لان ماينحمل ابد
ام همام : كافي حجي اشتغلو
ريم : اشكد مكروها فوك مانساعدها
كملنا التحضير مال غده وحطينه السفره وصرنا ننقل المواعين الي بيها خضره للسفره وكعدنا ناكل كملت وحدكت على الساعه جانت بل 2:26 رحت حتى ابدل ملابس لان ماما تجي بل 3 اجت هنوش وكالت
هندرين : اي عيني خلصتي من المواعين
هاجر : كلشي اله المواعين والله اخاف على اظافري
هندرين : اش تستخدمين لاظافرج
هاجر : بس مقويات ومن زمان جنت استعمل هسه مااستعمل شي بسرعه يطولون
عافتني وطلعت واني بين ماكملت اجو اهلي وبعدها طلعنا نشتري فستان بقينه نفتر وكل ما امي تشوف شي تكلي هذا حلو اطلع بي الف عيب مادري واكو حلوين بس احس اختنك من اريد اشتري فستان علمود عرس حبيبي صعبه والله
بكل خطوه ادعي عليهم المفروض اني بمكانها المفروض نجهز العرسي مو عرسها المفروض اني اخذ إلياس مو هيا تاخذه صعبه حيل شفت فستان سمائي قصير لحد الركبه وبي نفشه بس مو كثير جان حلو ونازك ف كلت اخذه
كال صاحب المحل
هذا مو بيع بس تأجير واجاره مو غالي 50 الف بس كالت ماما
مروة : خلص عادي نأجره علمود يوم الجمعه
صاحب المحل : تمام تريدين تاخذي من هسه لو يجي واحد يجيبه الكم الخميس بليل اشنو تريدون
مروة : اش تكولين ناخذو هسه احسن من يوم الخميس لان انتي تروحين غادي
هاجر : اي ناخذو هسه احسن
اخذنه الفستان وماما انطتو الفلوس كال هسه انطوني 25 الف ومن ترجعو اخذ الباقي حتى اذا بي شي تدفعون اكثر كالت ماما تمام وطلعنه كلت لماما
هاجر : اريد اروح معاهم على الصالون شنو كلتي
مروة : اكول لابوج ونشوف
رجعنا للبيت وكال جدي
جدو : خابرت اميرة وقالت تغيد هاجر تغوح عندم يوم الخميس الصبح وانا قبلتو وخلي تحضر غراضها حتى تغوح غدا الصبح
هاجر : اي جدو هسه اكوم احضرهم
جدو : اول شي ساعدي امكي بالعشويه
ماحجيت شي لان مالي خلك رزاله وكوه متحمله نفسي
ساعدت ماما شويه وبعدها كالت
مروة : روحي اغسلي هذول المواعين الي على السنك
هاجر : اكو كفوف مال مواعين
مروة : كتولو لابوج يجيب
هاجر : خوش
لبست الكفوف وبديت اغسل بين ما ماما تخلص كملت وماما كملت بديت انقلهم على ميز الطعام الي بل مطبخ حطيت وشويه ورحت اصيح الكل طبعاً جدي يكون بغرفتو وحسن وحسين بغرفتهم وبابا بغرفتو صحت الكل وبدينه ناكل
كملنا اكل وكمت اغسل مواعين واساعد ماما كملت وطلعت لغرفتي حتى احط اغراضي بجنطه علمود اخذهم وياي حطيت ترك وحطيت دشداشه قصيره للنوم لام معرف انام بدون دشداشه قصيره حطيت عطري وحطيت الشاحنه والسماعات
كملت غراضي والفستان كلت من ارجع البسو وجان اكو قاعه مصار كم يوم من فتحوها وراح يصير الحنه بيها والبنات من الصالون يروحون لبيت عمو ثامر واحنا مع عمه اميرة عود من طرف العريس عشتو
كعدت على السرير علمود ادخل بوبجي بس تاكدت انو الكل نام ودخلت اول مدخلت وصلتني دعوه من امير ودخلت وياهم كال امير
امير : هلا وميت هلا بيج
هاجر : وبيك اكثر شلونك اموري وين زهراء
امير : اول شي اني زين ثاني شي زهراء راحت تسوي شاميه علمود نسهر ثالث شي انتي شلونج
هاجر : تمام الحمدلله
تميم : .......
..................
انتهى البارت
- يتبع الفصل التالي اضغط على (رواية قسوة احفاد ال هتان) اسم الرواية