رواية داليدا الفصل السابع 7 - بقلم حبيبة ابراهيم
(يرن جرس الباب)
داليدا: اايوه مين(وبتفتح الباب)
محمد(ماسك الورد): ايه يا ستي كل ده عشان رقم انا معرفهوش
داليدا: وانا كان المفروض اعمل ايه اضحك واقول وايه يعني؟
محمد: لا انا مقدر موقفك معلش متزعليش مني بس انا فعلاً معرفش مين دي وبعدين انا حاكيلك اني عمري ما كلمت بنات اساسا
داليدا: معرفش بس انا مقدرتش استوعب بصراحة
محمد: خلاص حصل خير عمو هنا؟
داليدا: اه ثواني هندهولك
(ببيسلم محمد على ابو داليدا ووالدتها بتقدم عصير وبيتكلموا)
محمد:صاحبتك كلمتني
داليدا: اه منا اللي اديتلها رقمك
محمد: اه بس انا مش عاوز تعملي كده تاني
داليدا: ليه يا محمد ريم اقرب واحدة ليا
محمد: بس انا حابب مشاكلنا ميخشش فيها صحابي ولا صحابك
داليدا: هي قالتلك ايه؟
محمد: كانت بتحاول تصالحنا على بعض بس انا مش حاببها
داليدا: ماشي انا مش هدخل صحابي تاني في مشاكلنا بس ليه مش حاببها؟
محمد: مش مهم خلينا نتكلم شوية
داليدا: ماسي بس هتقولي بعدين
محمد: ماشي
محمد:داليدا ممكن اسألك سؤال من غير زعل؟
داليدا: ماشي مش هزعل
محمد: اانتي بجد بتحبي صحابك اوي كده؟
داليدا: طبعا منا حكيالك انت عارف انا بحس ان لو تاليا وريم دول مبقوش في حياتي رغم كل الناس اللي عرفاني على السوشيال بحس اني مش هعرف اعيش من غيرهم ده انا رايحة عشان اجيب لريم هدية عشان يوم ميلادها
محمد: طب وهما بيحبوكي بجد؟؟
داليدا: اانا متأكده انهم بيحبوني اكتر منا بحبهم عشان كده بحبهم
محمد(بضحك): افهم من كده انك بتحبيني عشان متأكدة اني بحبك؟
داليدا(بإبتسامة وكسوف): اه دي حقيقة
محمد: انتي طيبة اوي يا داليدا
محمد: بس عارفة على فكرة الدنيا مش بتقف انتي بتقولي انهم لو بعدوا عنك مش هتعرفي تعيشي بس دي مش حقيقة بدليل ان في ناس بتحب اهلها اوي بس محدش فينا هيعيش ولما اهلهم بيموتوا بيزعلوا ويعيطوا وحياتهم بتقف فعلاً-لفترة زمنية بسيطة- بس حياتهم بترجعلهم تاني حتى لو زعلانين انهم مش هيشوفوهم تاني بس حياتهم بتكمل عادي انتي متخيلة ان ده مش مجرد بُعد؟
داليدا: محمد لا خلينا نتكلم في حاجة تانية
محمد: خلاص ماشي
أسيل(بضحك): اي يا شباب انا عاوزة حبة عصير
داليد(بضحك): يا بنتي العصير كله جوه اساسا
محمد: اومال فين قمر؟
داليدا(بضحك): ايه وحشتك جاي عشانها ولا إيه؟
محمد(بضحك): ايوه طبعاً الورد ده ايها اساسا
أسيل: طب بس عشان لو سمعتك هتاخد الورد بجد وداليدا هتقعد تعيط
داليدا(بضحك): قمر وراكي يا أسيل
داليدا: اتفضل تنزل هاتلها ورد عشان منتخانقش انا وانت تاني
محمد (بضحك): لا منا فكرت فيها انا هجيب لقمر حاجة تاني المرة الجاية إن شاء اللّٰه
قمر: شكًرا يا عمو محمد
محمد: قلب عمو محمد
محمد: طب هقوم انا عشان الوقت
داليدا: ماسي خلِّي بالك من نفسك
محمد: صافي يا لبن؟
داليدا(بإبتسامة): حليب يا قشطة
_______
داليدا: أسيل هتيجي معايا عند ريم؟
أسيل: لأ يا داليدا مش قادرة بجد قوليلها معلش أسيل معرفتش تيجي وبعدين ماما ممكن متوافقش عشان الوقت
داليدا: هحاول اقنعها بس لما اجي اورح انا لسه هنزل اجيب الهدية هروح انهاردة إن شاء اللّٰه
أسيل: هتجيبيلها إيه؟
داليدا: مش عارفة بصي انتي عارفة انها بتحب حاجات الاطفال اوي
انا ممكن اجيبلها الحصالة اللي ب باسوورد انا شخصيًا نفسي اجيبها
أسيل: اممم اوكي وهاتلها معاها شنطة
داليدا: خلاص اشطاط انا هلبس وانزل عشان الحاجات دي معرفش هلاقيها فين يعني معرفش هلاقي الحصالة فين اساسا ف هنزل ادور بقى
أسيل: ماشي يلا ترجعي بالسلامة
_______
داليدا: ماما حبيبتي الغالية القمر
أم أسيل: نفسي في مرة تطلبي حاجة من غير ما تقعدي تدلعيني
داليدا: انا برضو بدلعك عشان مصلحة كده يا ماما؟
أم أسيل: يوهه زي كل مرة يلا يا داليدا قولي
داليدا: بصي انتي عارفة ان بيت ريم بعيد ولو مروحتش عشان يوم ميلادها هتزعل صح؟
أم أسيل: ايوه بس ده بيتها بعيد اوي يا ريم انتي عقبال ما تروحي وتقعدي معاها شوية وترجعي هيكون الساعة اتناشر او واحدة كمان!
داليدا: انا عارفة ان مينفعش بس معلش يا ماما دي اول وآخر مرة
أم أسيل: لا يا داليدا صعب اوي انا مش موافقة
داليدا: يا ماما معلش يا ماما المرة دؤ بس حتى لو هتتابعيني بالتليفون
أم أسيل: عموما لازم ابوكي يوافق ابوكي جيه من السفر روحي قوليله ه كده كنت بوافق لما اكلمه واقوله
داليدا: ماشي انا هقنعه
(الاب والام اقتنعوا بعد ساعات ووافقوا وداليدا جابت الهدية)
(اليوم التالي)
داليدا: ماما انا نازلة
الام: خلي بالك من نفسك ولما ارن عليكي انا وابوكي تردي علينا فاهمة؟
داليدا: حاضر يا ماما
الام: يلا يا حبيبتي سلام
داليدا: سلام
_______
(داليدا بتوصل عند بيت ريم وتلاقي واحدة بتنده عليها)
داليدا: اايوه اتفضلي في حاجة؟
البنت: فكراني؟
داليدا: ممش انتي اللي كنتي في محل العرايس؟
البنت: ايوه انا
داليدا: انتي صاحبة ريم؟
البنت: بصي ممكن تسمعيني براحة؟
داليدا: ماشي قولي
البنت: ريم اللي انتي جيّالها مبتحبكيش وبتحاول تأذيكي
داليدا(بصوت عالي): انتي عبيطة ولا إيه لا طبعًا دي صاحبتي بقالها ٧ سنين انا مش عاوزة اسمع حاجة ابعدي بعد اذنك
البنت: لو سمحت افهميني طيب انا هفهمك انا مش صاحبتها متعليش صوتك علشان متسمعش احنا تحت بيتها
داليدا: قولي
يتبع…..
- يتبع الفصل التالي اضغط على (رواية داليدا) اسم الرواية