رواية كنت وحيدا لكنك اتيتي الفصل السابع 7 - بقلم مريم محمود
عدي كام اسبوع ع يارين وهي لسه بتحاول تلاقي شغل وملقتش وف يوم كانت قاعده ف البيت مستنيه دعاء ولقت صوت رن موبيلها
يارين : الو مين
عم سعيد : عمك سعيد
يارين بتوتر : اه اهلا وسهلا حضرتك عامل اي
عم سعيد : ولا اهلا ولا زفت انا عاوز ال 500 الف جنيه بتوعي الا وقسماً بالله صور اختك تبقي محطوطه ف كل حته
يارين : انت ليك 200 الف انت عاوز تزود 300 الف لي بقي معلش
عم سعيد : هو انا ابني مش ليه حق بردو ياخد فلوس علشان محتفظ بصور اختك ومنشرهاش من الاول و غير كدا انا كمان استنيت ع ابوكي كتير ف الفلوس
يارين : دي صور قديمه ايام مكانت ف ثانوي وبعدين البت ماتت يعم استر حتي عليها
عم سعيد : الغلط غلط اختك مش غلطنا قدامك اخر شهر ده لو فلوس مجتش مش تزعلي من اللي هيحصل
يارين : اخر شهر ده فاضلو اسبوع اجيب منين ي راجل ي مفتري حرام عليك ده حتي مليش حد استلف منو
عم سعيد : مليش فيه يلا مع السلامه ي قمر
فضلت يارين تعيط من قلة حيلتها ومش عرفه تعمل اي ولا تجيب منين دخلت دعاء عليها وهي بتعيط
دعاء بصدمه : ف اي بتعيطي كدا لي ي حبيبة قلبي اي حصل
يارين : الراجل عاوز فلوسو اخر الاسبوع ده ومش عرفه اعمل اي
دعاء : سبيه رجعيلو 200 الف بس ولو مش معاكي دلوقت مش هيقدر يعمل حاجه ده حتي مفيش ورق يثبت
يارين : وصور اختي اعمل فيها اي
دعاء : هيعملو اي يعني اختك ماتت ولا هيستفيدو اي حاجه
يارين : ع الاقل استر اختي مينفعش
دعاء : ي بنتي دي صور قديمه جدا دول ناس عبيطه بيعملو اي حاجه علشان الفلوس
يارين : لا لا مينفعش لازم ارجع الفلوس
دعاء : ودي هترجعيها ازاي بقي
يارين : طب ينفع نستخدم اخر حل اللي سبناه للاخر
دعاء : عيني ليكي ي يارين قولي طبعا اي هو
يارين بحزن : تخلي سليم يشغلني عندو واخد منو قرض
دعاء بفرحه : طبعا ي حبيتي بكره هقولو
يارين : طب لو موافقش هعمل اي
دعاء : متقلقيش بدال طلب مني انا مش بيرفض ابدا وبعدين هو طيب جدا اكيد هيساعدك صدقيني
يارين : ادينا لما نشوف اخرتها
دعاء : اتوكلي ع ربنا انتي وفوضي امرك لله
يارين بحزن : حاضر
. . . . . . . . . . . . . . . . . . . . . .
اليوم التاني عند سليم
ياسين : اهلا اهلا ي دودو عامله اي
دعاء : الحمد لله ي حبيبي بخير طول مانت بخير
ياسين : يخليكي ليا امال فين سليم
دعاء : لسه منزلش
ياسين : خلاص اروح استناه
دعاء : استني ينفع طلب ي ياسين
ياسين : طبعا ي دودو خير اؤمري انتي بس
دعاء : كنت عاوزه تقنع معايا ياسين ان يشغل يارين معاه وهتاخد منو قرض وتسدو مقابل الشغل
ياسين : صعبه دي دي استحاله يوافق
دعاء : منا بقولك اقعنو معايا
ياسين : خلاص نحاول نقعنو سوا
سليم : تقنعو مين ؟
دعاء بتوتر : ولا حاجه ي حبيبي
سليم : ف اي اي الموضوع
ياسين : مهي قالت ولا حاجه يلا دودو روحي حطي الفطار
دعاء : حاضر رايحه اهو
مشيت دعاء وسابت سليم وياسين لوحدهم
سليم : انا مش مرتاحلكم ف اي
ياسين : هتعرف هتعرف
سليم : يعني ف موضوع اهو
ياسين : هنقولك بس تحلف بالله انك توافق ع الطلب ده
سليم : افرض انا مش هعرف اعمل الطلب ده
ياسين : لا هتعرف وانا ودودو متاكدين انك تعرف
دعاء : يلا الفطار
قعد ياسين وسليم يفطرو
سليم : تعالي ي دعاء افطري
دعاء : لا انا فطرت مع يارين افطرو انتو
سليم : طب اقعدي معانا نشوف الموضوع اللي انتو عاوزين نقنعوني فيه
دعاء بتوتر : اه اه
سليم : مما انكم يعني عمالين تتكلمو من ورايا ف اتمني تقولولي مخبين اي وعاوزين تقولولي اي
دعاء بتوتر : يلا ي ياسين ي حبيبي قول انت
ياسين : ومتقوليش انتي لي ي دودو قولي انتي
دعاء : يلا ي حبيبي انت الراجل قول يلا
ياسين : وانتي اكبر مني ف انا بحترمك علشان كدا قولي انتي
دعاء : لا ميصحش قول يلا ي حبيبي
ياسين : انتي اللي قايلالي ي دودو ف يلا قولي انتي طبعا
دعاء : لا ي حبيبي يلا انت هتقول
ياسين : لا لا ميصحش يلا انتي
سليم بخنقه : ف اي انتو الاتنين متقولو
دعاء : يلا بقي قول بدل ميقفل علينا
ياسين : حاضر يختي هقول
سليم : يلا سامعك قول
ياسين : هو طلب قد كدا صغير اوي يعني مش هيكلفك حاجه
سليم : اه قول
ياسين : يعني طلب هتقول موافق بس مش هتتعب
سليم : لا إله إلا الله متقول ي ياسين يلا
ياسين : خلاص خلاص هقول بص يعني كنا عاوزين يارين تشتغل عندك وقبل متبدا تاخد قرض 500 الف
سليم : تعمل اي يعني بيهم معلش اعرف الاول
ياسين بص لدعاء علشان تقول
دعاء بتوتر : هي عاوزهم ف حاجه تخصها ضروري ولازم تاخدهم قبل ما الاسبوع ده يخلص
سليم : منا لازم اعرف الفلوس دي هتروح فين افرض هتسخدمهم ف حاجه غلط اخد انا الذنب يعني
دعاء بغضب : عيب كدا ي سليم يارين بنت محترمه وملهاش ف اي حاجه غلط وعمرها مهتعمل حاجه غلط
سليم : وانا بقي اي عرفني يعني هو انا اعرف فصلها ولا اصلها منا لازم اعرف
ياسين : قولي ي دودو هي هتعوزهم ف اي وخلصينا
دعاء : هي محلفاني مقولش لحد هي تقول لو هيديها القرض
سليم : ده شكل الموضوع كبير بقي
ياسين : طب يعني قولت اي ع شغلها
سليم بغررو : افكر
ياسين لسليم : تعالي قرب عليا اقولك حاجه
قرب سليم من ياسين
ياسين بهمس : لو شغلتها معاك هتعرف تاخد حقك منها وتقدر تذلها
سليم بخبث : عندك حق
ياسين : يعني نقول موافقق ؟
دعاء : اي موافق ولا اي ؟
سليم : خليها تيجيلي ع مكتب انا هشغلها ع مزاجي
دعاء بفرح : بس كدا قولي امتي وهخليها تجيلك ف ثانيه
سليم وهو بياكل : النهارده الساعه 11
دعاء : حاضر من عنيا بس هتديها القرض صح؟
سليم : هشوف
دعاء : انا قولت بردو سليم مش هيرفضلي طلب انا عارفاك جدع طول عمرك ي حبيبي
ياسين : جدع اه
سليم : مش عاجبك ولا اي لو مش عاجبك انا ممكن ارجع ف قراري
دعاء و ياسين ف صوت واحد : لا لا بلاش
سليم قام من ع كرسي
سليم : خلاص ماشي بس علشان خاطركم انتو بس مش علشانها
ياسين : تسلم ي راجل ي محترم منحرمش من رجولتك
دعاء : شكرا ي حبيبي مش هنسالك الجميل ده
سليم بغرور : يلا مع السلامه
مشي سليم
ياسين : لازم يعني نستحمل ام غرورو ده
دعاء : معلش عديها
ياسين : المهم البنت الغلبانه دي
دعاء : اه صح انت قولتو اي خليتو يوافق كدا
ياسين : قولتو انو لو شغلها معاه هيعرف ياخد حقو منها
دعاء بصدمه : اييي ي ياسين اللي عملتو ده انت عارف سليم
ياسين : مش هيعمل حاجه صدقيني علشان كدا انا قولت كدا
دعاء : ازاي بس ي ياسين ده البت غلبانه
ياسين : بصيلي كدا ي دودو
دعاء باستغراب : باصه ف اي
ياسين : هو انا بردو قولت حاجه وانا مش واثق منها
دعاء : ابدا ي حبيبي بس بردو البت غلبانه وانت اكتر حد عارف سليم وممكن ياذيها مقابل حقو
ياسين : طب تعرفي ان سليم هيحب يارين ومستحيل ياذيها
دعاء : انت بتهزر اكيد ده طبعا مستحيل عمرو طبعا هو عندو نورهان وبس ومش هينسها لو اي حصل
ياسين : مش انتي بتحبي سليم ؟
دعاء : طبعا والله ده ابني
ياسين : خلاص نساعدو يطلع من الماضي
دعاء : ازاي يعني
ياسين : يعني نخليه ينسي كل حاجه
دعاء بضحكه : ف اي ي ياسين كلامك غموضي لي متتكلم مباشر انت بتجيب كلمه من شمال وكلمه من جنوب انا مش فاهمه حاجه
ياسين : هنخليه يحب يارين وينسي نورهان تماماً
دعاء : استحاله يحب يارين ده نقرو ف نقرها من اول مشافو بعض
ياسين : الايام ما بينا وابقي تعاليلي وانا متاكد انو هيحبها
دعاء : والله استحاله انا بحلفلك اهو
ياسين : ماشي يستي انا اهو وانتي اهو وبينا الايام
دعاء بضحكه خفيفه : طب ماشي يعم يعني قولنا يارين لسليم وانت بقي مش هتشوف حد
ياسين : لا طبعا استحاله
دعاء : يعني مفيش حد كدا ولا كدا
ياسين : ولا هيبقي في
دعاء بغمزه : بكره نشوف اللي هتوقعك
ياسين : انا استحاله واحده توقعني
دعاء : ي شيخخخ
ياسين بغرور متصنع : انا الحظابط ياسين عمر ما بنت تلفت نظري ولا توقعني
دعاء بضحك : اه ي واد يجامد
ياسين : اخرتيني ع شغلييي يلا سلام متنسيش تتصلي ع يارين لتقفل معاه ده مخو مش موجود
دعاء : حاضر ي حبيبي في حفظ الله يلا
. . . . . . . . . . . . . . . . . . . . . .
عند عمام يارين
قاسم : اي ي إبراهيم الشباب هيرجعو امتي عاوزين نخلص اسرع من كدا
إبراهيم : راحو امبارح مطلعتش خالص شكلي لازم اتصل
قاسم : طب هتتصل امتي قولي كل حاجه بتحصل متعملش حاجه من ورايا
إبراهيم : هتصل عليها بليل اقولها خدي ورق يتعمل او اي حاجه والموضوع هيخلص ع بعد بكره كدا مش تقلق
قاسم : طب انا خايف من عيد مش عارف لي ف حاجه مش مريحاني من ناحيتو
إبراهيم : اه والله وانا بس مش تقلق هو جبان يخاف يروح اصلا يقول حاجه
قاسم : ده اللي مطمني شويه انو خواف
إبراهيم : مش تقلق من حاجه مفيش حد هيقدر يمسك علينا اي حاجه ابدا
قاسم بتنهيده : اتمني
. . . . . . . . . . . . . . . . . . . . . .
عند يارين قاعده سمعت صوت رن الموبيل
يارين : الو
دعاء بفرحه : مش قوتلككك هيوافق
يارين : مين يوافق
دعاء : سليم
يارين : وافق ع اي
دعاء : ي بت ع شغلللل
يارين بصدمه : اي بتهزري بجد وافق احلفي
دعاء : اه والله وافق انا وياسين اقنعناه
يارين بدموع : الحمد لله والله شكرا ي دودي بجد مش هنسي المعروف ده
دعاء : انتي عبيطه ولا اي معروف اي مش قوتلك انا زي ماما ولا اي بعدين يلا قومي البسي مفروض تكوني هناك 11 بالظبط عند مكتبو هو كمان هيستلم ورقك بنفسو
يارين : طب فين الشركه ولا اعمل اي
دعاء : بصي ي ستي هتركبي تاكس وتقوليلو نزلني عند شركه الحربي
يارين : حاضر من عنيا هقوم اهو البس
دعاء : يارين اياكي تتاخري 11 بالظبط تكوني عندو
يارين : حاضر والله انا اهو هلبس
دعاء : ماشي ي قلبي يلا مع السلامه
قامت يارين تلبس وهي في كامل فرحتها
. . . . . . . . . . . . . . . . . . . . . .
عند ياسين كان قاعد ع مكتب بيتابع شغلو
العسكري : صباح الخير ي فندم
ياسين : صباح النور خير
العسكري : في بنت برا كنا عاوزين حضرتك تحقق معاها
ياسين : ابعت الورق ودخلوها
العسكري : حاضر بعد إذنك
طلع العسكري جاب البنت ودخلها
ياسين مرفعش عينو وكانت عينو ع ورق
العسكري : اتفضلي ي انسه اقعدي هنا
ياسين وهو باصص في الورق : اتفضل انت
العسكري : تمام بعد إذنك
ياسين : اي حكايتك ؟
البنت بعياط : معملتش حاجه والله
ياسين بصلها لقي بنت جميله جدا جدا عينها لونها اخضر وكانت بيضه وشعرها كيرلي و كان طولو وسط وهي كانت طولها وسط
ياسين بهدوء : يعني اي معملتيش حاجه خدوكي يعني من ايدك لهنا وقالولك يلا هنروح الحضانه ولا اي
البنت بعياط : اعتقد الورق قدام حضرتك تقدر تبص
ياسين : اممم انسه شمس
شمس : اه
ياسين : انتي فين اهلك؟
شمس : موجودين
ياسين : ايوا هما فين يعني مجوش لي
شمس بتوتر : مش عرفه
ياسين : يعني اي مش عرفه مش اهلك يعني ولا اي اخلصي خلينا نخلص
شمس بنرفزه : اقول اي يعني
ياسين : اللي انا عرفتو ان انتي فاتحه عربيه اكل ف شارع وده مننوع في المنطقه دي وغير كدا مفيش اي ورق اصلا للعربيه
شمس بدموع : بس انتو خدتو العربيه انا هخلص ورقها بس بالله ترجعوها دي مصدر دخلي الوحيد
ياسين برفع حاجبه : وهما بقي فين اهلك ولا انتي هربانه ؟
شمس : قوتلك اهلي موجدين وبعدين ملهمش دخل ف اللي يخصني
ياسين : طب اخلصي بقي كدا احكيلي قصتك
شمس : اللي عندي قولتو والله سيادتك قولتلك هما خدو العربيه وجابوني هنا وقالو عليكي ضرايب علشان معملتش ورق للعربيه وقالو ادفع مبلغ كبير علشان يرجعو العربيه وانا معيش المبلغ ده
ياسين : لا ي سكره احكيلي بقي لي بتشتغلي واي جبرك ع شغل
شمس : والله ع فكره دي حاجه شخصيه حضرتك ملكش دعوه
ياسين : شخصيه دي ي عسل عند امك انتي هنا ف المركز
شمس : اي عند امي دي عند امك انت بقي
ياسين : اياكي تجيبي سيرة امي ع لسانك ي بتاعة شوارع انتي
شمس : شوارع !
ياسين : اه شوارع لتكون مدايقاكي ولا حاجه
شمس قعدت تعيط كتير ع حالها ف صعبت شويه ع ياسين
ياسين بتلعسم ف كلام : بتعيطي لي يعني اي عياط ده كلو
شمس بعياط : مشيني شوف الورق علشان امشي
ياسين : انتي عليكي ضرايب مفروض تتدفع
شمس : طب لو مش دفعتها اي هيحصل
ياسين : هتقعدي ف السجن لحد متتدفع
شمس : يالهوي اجيب منين طب ده مبلغ كبير
ياسين : مش مهمتي والله تقدري تتفضلي
شمس : اي الاسلوب ده بجد ازاي انت كدا
ياسين : لمي لسانك ي ماما بدل ما اقطعو
شمس : طب وريني لو تعملها
ياسين : طب يلا من هنا مش فاضي
شمس بطريقه طفوليه : ماشي مع السلامه بس هاجي اجيب حقي بقي
ياسين باستهزاء : هتيجي تتضربيني بمسدس ميه يعني ولا اي
شمس : اههه
ياسين : مستني ماشي يلا بقي ي ماما مع السلامه
شمس : انا مش مامتككك
مشيت شمس وضحك ياسين ع طريقتها الطفوليه
. . . . . . . . . . . . . . . . . . . . . .
عند سليم
سليم : هتنزليلي تحت ف استقبال المواظفين الجداد هتلاقي ملف بنت اسمو يارين السيد انا اللي هشوف ورقها بنفسي واول متيجي تطلعيها انتي بنفسك ع مكتب
نورا : لي يعني حضرتك هتشوفو بنفسك تحت المواظفين شايفين شغلهم وبيختارو اشطر الاشخاص
سليم : انا مش بكرر الكلام تاني كلمتي تكون مسمعوعه
نورا : شكل الهانم دي اي اعرف شكلها ازاي
سليم : هتلاقي صورتها ف الملف ابقي شوفيه مش تقرفيني انتي وهي
نورا : طب هي قريبتك يعني ؟
سليم : انتي مالك انتي
نورا : اصل سليم بيه يطلب واحده مخصوص غريبه يعني ولا اي
سليم : خليكي في حالك انزلي دلوقت يلا علشان هي ربع ساعه او نصايه وهتيجي
نورا بغيظ : ماشي ي سليم بيه حضرتك تؤمر بحاجه تانيه
سليم : لا اتفضلي
مشيت نورا وهي متغاظه وهي ماشيه قابلت صاحبتها
ساره : اي دايقك تاني ولا اي مالك
نورا : لا مش دايقني
ساره : امال
نورا : طالب مني ملف بنت مخصوص هنا وطالبها بالاسم كمان وعاوز كمان هو اللي يعملها الانترفيو
ساره : ده بيحب جديد ولا اي
نورا : حب اي حبو برص لا استحاله هو بردو مش اي واحده توقعو
ساره : اديكي خلصتي من نورهان جاتلك دي
نورا : ع فكره هو كان بيحبني مبيحبش نورهان
ساره بضحكه : اه كان واضح جدا
نورا : اي عرفك انتي انا كنت جارتو من زمان وهو كان بيحبني اكتر منها وحتي خلاني اشتغل سكرتيره ليه مخصوص
ساره : هو كان بيقدر اهلك بس مش اكتر
نورا : اه اه اقعدي قولي كدا وبكره تشوفيني انا وهو بالدبل
ساره : ماشي ي ختي بس المهم لما تيجي المزه ابقي نديلي اشوفها لازم اشوف مين المطلوبه بالاسم دي اكيد هتبقي صاروخ ارض جو
نورا : اسكتي ي حبيبتي انتي كمان مش ناقصاكي انا نازله بدل ما اتاخر واتهزق
ساره : يلا ي حبيبي مع السلامه ربنا يعينك
. . . . . . . . . . . . . . . . . . . . . .
اتمني يعجبكم ♡
. . . . . . . . . . . . . . . . . . . . . .
- يتبع الفصل التالي اضغط على ( رواية كنت وحيدا لكنك اتيتي) اسم الرواية