رواية قسوة احفاد ال هتان الفصل الثامن 8 - بقلم هاجر النعيمي
part 8
بقلمي ( هاجر النعيمي)
..............
تميم : هسه دكافي تلغون نادي زهراء وطب كيم
امير : هسه ليش مستعجل اصبر شبيك
تميم : شبيك غير نلعب ضالين انت وهاي تسولفون واني اباوع عليكم نفس المطي
امير : على راسي والله
هاجر : هاي عدها اسم
امير : تميم شبيك شسالفه هم تتعارك ويا الي تح....
قاطعه تميم وكال
تميم : اكل نعل لا تلوص السالفه
امير : نسيت وربي اعذرني
تميم : ديربالك مره ثانيه ترا تصير مو حلوى
امير : خلاص عيني اعذرني
يحجي بستهزاء كال تميم
تميم : امير انجب كافي
زهراء : هلو هجوره شلونج
هاجر : هلا كلبي الحمدلله وانتي
زهراء : بخير
تميم : كافي سلام امير طب كيم
طبينا كيم اول منزلت متت كال تميم
تميم : شكد بوته ( ماتعرف تلعب)
هاجر : انت البوت ترا ماعندي سلاح
تميم : دور حجه
هاجر : مااريد اناقش مطي
تميم : انتي المطيه لا تغلطين لا اشك حلكج
هاجر : دكافي تحمه رحمه لهلك
تميم : ترا اني احسن لاعب شعبالج
هاجر : هسه نشوف اذا يجي بوت تشرد مو لاعب
تميم : هسه تشوفين اله افوز الكيم
امير : كافي ونعل
تميم : النعل بحلكك
الكل سكت واني اطمش عليهم لان متت بل بداية وجان يجي واحد ويكتل تميم هنا مي بارد ونزل على كلبي صرت اكول
هاجر : كفو وربي انت كفو كسرت خشمه لهل مغرور
تميم : انجبي امير تعال هيلني ( عالجني)
امير عالج تميم كلت
هاجر : وين راحت بطولتك من اجاك واحد وكتلك والله عيب عليك زهراء كتلتو وانت ماتكدر علي
تميم : هيو صوتج ماسمعه سكتي ولا ضلين تلغين براسي
هاجر : انجب واذا ماعاجبك اطلع
تميم : ليش الكيم مال ابوج
هاجر : ديربالك تحجي على ابويه بابا خط احمر فهمت
تميم : خفت من تهديدج اذا احجي شنو يصير
هاجر : جرب وشوف
امير : تميم كافي ترا والله احجي
تميم : لا خلص عيوني اسفين
كملنا الكيم وصار كيم يجر كيم قرب موعد الاذان كلت
هاجر : اسمعو باجر مالعب وياكم
امير : ليش
هاجر : باجر اروح لبيت عمتي وابات يمهم
تميم : شعندج تنامين يمهم ماعدكم بيت
هاجر : هسه انت شعليك لخاطر الله منو حجه وياك
تميم : ماكو روحه شعندج هناك
هاجر : بصفتك منو تمنعني
تميم : ح.... اقصد هيج معليه روحي
هاجر : الحنه مال ابن عمتي يوم الجمعه واني راح اروح يوم الخميس لان البنات يروحن
امير : هاجر سؤال قبل لا ترحين
هاجر : شنو
امير : انتي عندج كلمات مال بغداد لو اني متوهم
هاجر : اي صح خالي عايش بغداد من وكت داعش
امير : اي مو اكول زين وين بيا منطقه
هاجر......
امير : بعيده علينه
ليش انتو وين
امير : اني واهلي ب.......... اما تميم ب...........
هاجر : معرف كثير بغداد لان مازرتها ولا مره
امير : كلش حلوى اكو احلى من بغدادي
هاجر : طبعاً كل واحد يحب محافظتو
زهراء : انتي واهلج ترحون لو وحدج
هاجر : لا بس اني وباجر الصبح يجي ابن عمتي ياخذني حجيتلج علي
زهراء : اي كتيلي علي فد حباب
تميم : ومنو هذا بله وحباب شنو
زهراء : عدها ابن عمتها كلش حباب ودائما هو وياها كلش حلوى صداقتهم
تميم : وليش تحجين ويا اهلج شلون يقبلون
هاجر : نحنا عدنا البنت تحجي ويا ابن عمتها عادي مابيها شي
تميم : والله عجيب شنو هاي
زهراء : عادي مثل ماانتو علاقتكم قويه ويا حوراء
تميم : حوراء غير
زهراء : مو غير وهيا سبب مشاكلي ويا امير الف مره اكله لتحجي وياها لا تنطيها عين زايده وميفيد احجي ويا الحايط
امير : بويه شبيج تغارين من حوراء ترا هيا اختنه
زهراء : مو اختكم بنت عمتكم ماكو غير هاي القرابه بينكم لا اختكم ولا شي
تميم : ايمتا تكبرين
زهراء : لما انت تكبر
هاجر : والله مافهمت شي منكم
زهراء : باعي هاجر تميم وامير واحمد وكرار وحتى حمزه كلهم يحجون ويا حوراء عبالك ماكو غيرها بل عائله كلهم حوليها وشقه وضحك لج حتى يضربون بعض يعني شلون علاقتج ويا تيم
تميم : يعني ابن عمتها تيم مقارب الاسمي هم حلو وشخصيه مثلي
امير : هاي منو عفط
تميم : انجب شكد سخيف
هاجر : هسه تميم عادي يحجي بعتبار مو مزوج اما امير ف مايصير لان مزوج عندك مره المفروض هيا تكول تحجي ويا هاي او لا
امير : واحنا ايمتا ناخذ بحجي النسوان
هاجر : مابيها شي اذا المره حجت شي يمكن يكون رأيها احسن من رايكم وبعدين يضل رأي وهيا تعرف البنات كلش زين
امير : الي فهمته منج انو حوراء حاطه عينها على واحد بينه
هاجر : لا مو شرط يكون الحجي عليها
امير : جا شنو
هاجر : المشكله معرف اشرح يعني مرات تكون علاقتكم حلوى تمام بس المره لازم تغار واذا متغار ف اكيد ماتحبك اما بل نسبه الي حتى لو جنت مطايقته هم اغار علي لان يبقه زوجي فهمت يعني مو شرط يكون بينكم شي او نيتكم شي بس هيا تغار وهاذا من حقها ولاتنسى انتو مزوجين عن حب
امير : زين انتي تزوجين حب لو تقليدي
هاجر : تقليد
امير : شنو السبب
هاجر : ماحب الحب لان كله جذب
امير : بس هاي نحنا كدامج
هاجر : مادري بس بل نسبه الي ماحبه
تميم : ليش حابه من قبل
هاجر : حروح راح تجي ماما
تميم : تعاي هيو جاوبيني وروحي
هاجر : ميخصك اذا حابه او لا مفهوم
بس كملت كلامي طلعت فوراً حتى لايحجي شي لان مالي خلكه واخاف ماما تجي وتشوفني كاعده حطيت راسي على المخده ونمت ماحسيت اله الصبح
............
« زهراء»
تميم : ليش طلعت وماجاوبتني
زهراء : تميم لا تضغط عليها ماتريد تحجي بل موضوع
تميم : اريد اعرف علمود اعرف شنو اتصرف
زهراء : مبين انو جانت تحب
امير : تدرون من كالت حنة ابن عمتي حسيت عدها غصه بكلبها
زهراء : اني مانتبهت
تميم : ولا اني بس قصدك انو هيا جانت تحب ابن عمتها
امير : اعتقد ومن طرف واحد هم
زهراء : ليش
امير : لان خطب لو يحبها هو هم جان خطبها
تميم : بس انت شايفها كلش محبوبه وغير هيج حلوى
امير : ادري بس مو كل الناس عدها ذوق
تميم : بهاي وياك حق زهراء اريد تعرفين السبب بربج لان كلش مليت من هاي الحاله اريد ارتبط بيها ماريدها بعيده فجأة يجي واحد ياخذها مني
زهراء : خليها يمي احاول افهم السالفه باجر
تميم : خوش لعد اروح انام
امير : اوكف تجي باجر الصبح مو
تميم : لا للضهر
امير : ليش
تميم : اروح ويا ابويه للمحل
امير : زين
تميم : الشله الفكسه هم تجي
امير : اي طبعاً بكلشي حاطين روحهم
تميم : بس سمعت بسيرتهم لعبت نفسي اروح احسن
طلع تميم ونحنا طفينه العبه ونمنا وعلاوي بل نص لازم ينام بنصنه اذا بليل يشليه امير يكعد يبجي نمت وكعدت الصبح نزلت احضر الريوك ويا خالتي وخلينه ورحت انادي امير وعلي وهيا تنادي احمد وعلي يكون ابنها اخو امير وعمي طالع من الصبح
بعدها اجت ام تميم وخواته واجو بيت عمو ادريس وعمه
واجت عمه ميرال من البصره هيا مزوجه هناك وبناتها ولدها وانت الغثه عمه نيرال دوم تسوي مشاكل هيا ولدها وبناتها وخطيه رشا اخت تميم طايحه بيها شلون متحملتهم مزوجه ابنها سجاد
.............
« هاجر»
كعدت كلي نشاط مادري ليش رغم مانمت كثير بس 6 ساعات طلعت اتريك كعدت على الكرسي وكال جدو
جدو : هاجر اشنو هذا لبسكي
هاجر : اشبي
جدو : دشداشه قصيره وطالعه ايديكي وغجليكي
هاجر : ماكو احد غريب
جدو : هذا البس مايناسبني
هاجر : تمام
انسد الموضوع وبدينه ناكل اشوف ماما ماعاجبها تصرف جدي واشوف بابا عادي ماكو اي رد فعل ياكل وكانو ماكو شي كملت والكل كمل شلت السفره مع ماما وماما كالت
مروة : روحي بدلي لان عمتج كالت يجي ياخذج بل 12 بس يدك هورن تطلعين
هاجر : بس بعد ساعه
مروة : اعرفج ساعه عما تبدلين
هاجر : هسه اروح
مروة : حطيتي غراضج
هاجر : اي بس الفستان غدا انتي جيبي وكتيلو البابا علمود الصالون
مروة : كال روحي وكال انطيج فلوس خاف تريدين تشترين شي وهم للصالون وفلوس الصالون انطيها لعمتج لان انتي تضيعيها
هاجر : خوش
طلعت ابدل وبدلت شفت غراضي احس ناقص شي بس مادري شنو هو دائما هيج احس بس يكون ماناقص شي حطيت مسكاره ومرطب مال شفه وسويت شعري ذيل حصان
دحكت على الساعه جانت 11:55 يعني المفروض خمس دقائق ويجي تيم طلعت البس الحذاء وسمعت هورن السياره فتحت الباب وانصدمت شفت إلياس وتيم ماكو كلت
هاجر : اني كلت تيم يجي ياخذني ماكلت إلياس
إلياس : والله تيم مشغول وامي كالت روح انت جيبها
هاجر : ومن كل عقلك اطلع معاك
إلياس : اي لان ماكو غيري
هاجر : اخابر يونس يجي ياخذني وفضت
إلياس : يونس ويا جدو ومايسمحله يطلع ف طلعي ولا تعبيني
هاجر : ما
إلياس : كتلجج اطلعي
هاجر : انجب ولا تصيح عليه فهمت
إلياس : اطلعي فضيني
فتحت باب الوره وكال
إلياس : تطلعين وره شنو سايق عندج
هاجر : والله بكيفي محد كلك تعال خذني
إلياس : اطلعي يمي اش يكولون العالم
هاجر : واني شعليه من العالم اخر همي
شفتو نزل من السياره ومسك ايدي كتولو
هاجر : إلياس عوف ايدي ماريد اصعد كدام
ماحجه شي ضل ساكت طلعت بل صدر وسد الباب قوي وراح بسرعه صعد واريد انزل مسك ايدي ومبين معصب كال
إلياس : مو طفل جاي العب وياج
هاجر : عوف ايدي لا تلمسني تنجسني
إلياس : سدي حلكج كافي على شنو شايفه نفسج
هاجر : حلوى ومحبوبه والكل يحبني وغير هيج نضيفه واموت
إلياس : اي والله كلامج صح شنو اسم عطرج
هاجر : وانت شعليك والله خوش سوق وفضني مطايقتك
إلياس : بس اني متونس وياج
هاجر : تمشي لو انزل
شفتو شغل السياره ومشه وطلع اغاني رومانسيه هذا شبي طفيت المسجل وكلت
هاجر : ايع ذوقك يلعب النفس
إلياس : لا بله
هاجر : اي والله وصوتك هم مو حلو لعبت نفسي من الصبح لو تعرف تغني اكول اي
إلياس : لعد ماتسمعينه صوتج
هاجر : وليش بله على شنو اسمعك صوتي منو انت
إلياس : استغفر الله مالي خلك اجادلج ف غني اسمع صوتج يل متنمره
هاجر : اي بس بشرط اني اشغل مو انت الغنيه مو الك خاف عبالك الك بس لان اني احبها خوش
إلياس : تمام مو الي يلا غني
طلعت اغنيه اعوف الدنيا ل محمد السالم
هاجر : اعوفف الدنيا اذا تمشي واضل اني بداعت كل حضن لمن الا تنساني صعب اصبر حبيبي لحضه بغيابك مو مثلك قوي بل حب واحب ثاني اذا رايح اخذ روحي لا تخليني بجروحي شيخلصني من نوحي ومن حزاني لتعلكني بل دنيه لا حب ولا حنيه حبك انسى طاريه واموت اني
وكملت لحد خلصت دحكت علي وجان مبتسم وكال
إلياس : صوتج كلش حلو وين جنتي مخبيته شعجب محد يعرف
هاجر : تيم يعرف
إلياس : ها حلو بس لا صدك صوتج روعه وربي بدون مجامله
هاجر : ادري صوتي حلو
ابتسم وبقه ساكت مدري شبي وبس يوزع ابتسامات درت وجهي للجامه وصرت اشوف الطريق واصفن معقوله احن الو شنو هاي هاجر ارجي لعقلج هو مايحبج مجرد تونس براسج وخلوج تكرهين الحب والي يحب وخلوج ماتثقين حتى بنفسج طلعت من صفنتي على صوت إلياس
إلياس : الو يمعوده وين صرتي
هاجر : ها اشبيك
إلياس : ما عدحجي معاج ليش ماتردين
هاجر : صفنت شويه
إلياس : تمام
هاجر : شنو جنت تريد
إلياس : نسيت اصلاً
سكتت ورجعت اشوف الطريق بس بهدوء بعدها كسر الهدوء وطلع اغنيه ذكريات مال نور الزين ضليت اتأمل الاغنيه ودموعي احسها تجوي خدودي بعدها خليت ايدي على عيوني ومسحت دموعي بسرعه قبل لا يشوفها كال
إلياس : بيج شي
صرت امتمت بل حجي وكلت
هاجر : لا بس نعست وفركت عيوني
إلياس : مو اكول عيونج حمر
هاجر : من النعس البارحه سهرت علة البوبجي
صار يصيح عليه ويكول
إلياس : اشنو بوبجي انتي تعرفين اش عتحجين هاي مال اولاد وانتي بنت شنو دخلج عليها وبعدين ويا منو تلعبين
هاجر : اي اشبيك اول شي ماعليك بيه خوش لا تدخل عسى ماالعب ويا ولد شعليك يااخي
إلياس : يعني تلعبين مع اولاد
هاجر : اذا اريد العب ف مااخاف من احد العب بكيفي
إلياس : مع منو تلعبين وشنو اسمو
هاجر : انت عتحقق معايه لو اشنو كبت عندك الغيره على غرضك وحتى اني مو عرضك ف مالك علاقه بيه نهائياً فهمت
إلياس : لا ما فهمت واذا عبالج محد وراج ف اني وراج ومااقبل تسوين سوالف مكسره
هاجر : كل نعل على كد حلكك اني ماعندي سوالف مكسره الي عدها هيا خطيبتك واختها الشريفات مو اني
إلياس : شنو قصدك
هاجر : مااريد اتجادل مع حيوان مايفهم
وصلنا وردت انزل من السياره قفلها من يمو ومايصير افتحها من يمي انداريت علي وكتولو
هاجر : افتح باب السياره
إلياس : واذا مافتحتو
هاجر : إلياس لا تضوجني وخليني محترمتك
إلياس : ماريد احترامج وهسه اريد تلفونج بسرعه
هاجر : والله ضحكتني بصفتك منو تريد جهازي
إلياس : مسؤول عنج
هاجر : هههههه خرب يومك ضحكتني
صاح بصوت عالي وعبالك يهدد وكال
إلياس : موبايلج بسرعه
جر التلفون مني واخذه مراح يكدر يفتح الجهاز لان بي رمز وصعب مو لان عندي شي وخايفه بس ماريد يدخل لخصوصيتي حط التلفون بوجهي وفتح ونسيت انو على بصمة وجهي وفتحه واني هنا جنيت
اريد اخذ تلفوني بس مااكدر لان بل سياره وهو يبعد من اجي يمه بعصبيه وعيونه راح تطلع وكال
إلياس : كلبهههه منوووو اميررررر نعل احجييييي
هاجر : إلياس تلفوني جيبه
إلياس : لج احجيييي
اني اخاف لما احد يصيح عليه ممكن تكون فوبيه دموعي تنزل وإلياس مستمر يستجوبني كلت بصوت ناصي
هاجر : زوج صديقتي والله
إلياس : ها الكلاوات ما عليه احجيييييي
هاجر : إلياس والله العظيم زوج صديقتي والله وداعت امي
إلياس : شعندجججج وياااا حتى تراسلييييي لججججج احجييييي
ابجي وساكته ودموعي بس تنزل مو لان خايفه يكول لاحد بس لان يصيح بوجهي معرف شنو احجي واشون افهمو كلت وصوتي مبحوح
هاجر : تكدر تشوف مراسلتي ويا والله زوج صديقتي
وحتى مو من الموصل من بغداد والبنيه تعرفت عليها بل بوبجي والله ماعندي شي ويا والله
هدأت ملامحه من شافني ابجي صار يمسح دموعي وكال
إلياس : اسف يعمري مو قصدي اصيح عليج اسف يكلبي
دفعت ايدو عني وكلت
هاجر : مو من حقك تفتش تلفوني وهسه اريد موبايلي
انطني الموبايل وهو يعتذر لان صدك بيه واني ماحجيت شي جذب هاي الحقيقه كلت
هاجر : اريد انزل افتح السياره
إلياس : اي هسه
فتح السياره ونزلت بسرعه وفتحت الباب الخلفي واخذت اغراضي واجه اخذها من ايدي وفتح الباب بل مفتاح ودخلت سلمت على عمه اميرة وعمه مريم هم هناك سلمت على إيلا وايليف ولارا بس يارا ماجيت يمها لان محد يطيق الثاني ماشفت إلياس بس زيت الغراض وراح
بعدها دخلت احجي ويا إيلا كتلها
هاجر : وين تيم
إيلا : نايم فوك
هاجر : شعجب لهسه
رحت على عمه اميرة وكتلها
هاجر : عمه ليش تيم بعدو نايم اشو محد كعدو
اميرة : روحي انتي كعدي
هاجر : ادللي يمي
رحت جبت كلاص مي وإيلا كالت
إيلا : وي خطيه عوفي
هاجر : چو اذا تريدين تعالي معايه نتونس
طلعنا وفتحت الباب على كيفي جانت الغرفه ضلمه وجان عالك ضوء يمه خفيف وكثير حلو مشيت على مهلي وحطيت اصبي على حلكي وكلت
هاجر : كلت ل إيلا اششش
صارت تمشي هيا هم على كيفها وصلنه يم التخت ( جربايه) جان نايم وحاط ايدو على عيونو اشرت بصابعي واحد ثنين ثلاثه وذبيت المي علي كام بسرعه وإيلا علكت الضوء وصرت اضحك وهو صافن بعده مامستوعب بعدها كال
تيم : شجابكم هنا مايصير واحد ينام لخاطر الله شنو هاي
هاجر : soory
وبرطمت وإيلا ميته ضحك كال
تيم : خلاص عمري سامحتج وانتي الثانيه ليش اضحكين انتي هم مشتركه بل جريمه
راح يمها وحضنها كلت
هاجر : اوي فدوه شكد حلوين ادبسززيه واني
برطمت شفتي وتكتفت اجه تيم يمي وحطني وهنا فاتت يارا وكالت
يارا : مشاءالله شنو هاي الاحضان
هاجر : حضرت الشياطين اعوذ بالله من الشيطان الرجيم
يارا : انجبي اني مو بعمرج حتى تكولين عني شيطانه انتي الشيطانه
هاجر : ليش تضوجون من الحقيقه
يارا : اسكتي اصلا بزور طايقتج
هاجر : صدوكككك عمرينج ان شاء الله يل مضغوطه
يارا : اشكد ماتستحين
هاجر : خليت المستحه الج يكلبي
يارا : تيم إلياس يريدك
هاجر : كولي لاخوج الي يريد الثاني هو يجي علي
يارا : انتي لا تدخلين بين الاخوه كافي من وراج كل كم يوم يتكاونون
انصدمت انداريت على تيم ورفعت حاجبي بمعنى شكو افتهم وكال
تيم : هسه اجي بس ابدل
جان لابس شورت وفانيله
طلعت وتيم كال
تيم : إلياس عبالو احبج
هاجر : هذا الشي اعرفو من زمان تعرف شغله
حجيت الهم على الي صار لما اجه إلياس اخذني وتيم كال
تيم : ما كتولج لاتحجين مع اولاد
هاجر : هاي انت هم عليه اشبيك والله زوج صديقتي ماعندي شي معا
تيم : ليش تراسلي لعد
ماعرفت شنو احجي وكلت بسرعه
هاجر : صارت مشكله بينهم واني حليتها
تيم : وليش حتى تدخلين بشي ميخصج
هاجر : اهو هسه اني صوجي حجيتلك دروح
انفتح الباب وفات إلياس وكال
إلياس : لمه حلوى مشاءالله
اجه صوت يارا ورا وكالت
يارا : تعرف من جيت اصيح تيم جان حاضن هاجر
إلياس : شنو هذا الي سمعته
هاجر : وانت شعليك عسى ماابوسو
إلياس : شنو تبوسي شعدنه كح***
هاجر : إلياس اكل خره واحجي وياي عدل
فاتت اسيا واسيل وكالت اسيل
اسيل : ليش معصب حبيبي
إلياس : احنه نشوفهم طلعو يتحاضنون وهاجر تكول عسى ماابوسو اشعليك
اسيل : ماكتولك تحبو ويحبها
إيلا : اني وتيم نحب بعض مو هاجر وتيم
اسيا : لاتصيحين على اختي
هاجر : اييي كافي اول شي انت لا تدخل معليك بيه وثاني شي اسيل عيوني خلي افهمج لان انتي غبيه اعرفج تيم يحب إيلا يحب منو إيلا وهيا تحبه واني اذا احب ف مو كرايب فهمتو ولا ازوج كرايب
إلياس : ليش منو كلج تزوجين
هاجر : ليش عيني شنو ناقصني الفين مو الف واحد يتمناني
اسيل : كلمن يتمناج ف غبي
هاجر : لا عيب تحجين على زوجج المستقبلي
اسيل صارت دحك على إلياس وإلياس مافاهم شي كالت اسيل
اسيل : إلياس اشنو هذا الحجي
إلياس : شعرفني هاي تلوص من يمها
اسيل : ليش تتبلين على خطيبي
هاجر : لا لا مو حلوى بحقي اني مااتبله بس خطيبجج يحاسبني لان نزلت بوبجي عبالك خطيبي مو خطيبج
اسيل : إلياس شنو هذا الحجي
إلياس : غير بنت خالي واخاف عليها من الولد المو زينه
هاجر : مشكور لا تخاف عليه اعرف اتصرف مو ثوله نفس بعض ناس
اسيل : قصدج عليه
هاجر : مو بس عليج وعل اختج وبنت حماج المستقبليه
اسيا : اشو انتي ماعاد تستحين
هاجر : خليت المستحه الج
إلياس : كافي مو صغار انتو باجر الحنه مالتي ماريد مشاكل
هاجر : زوجتج واختها واختك يحبن المشاكل تمشي بدمهن اي تيم تعال كلبي نطلع او لا ليش نطلع هما يطلعون ما غرفتهم
إلياس : بيتنه وبكيفي وين مااروح
اسيل : بنت حمايه واذا انتي ماعاجبج الباب يفوت جمل
هاجر : بيت عمتي والله واجت علمود اضحك عليكم واتونسس براسكم تعرفون ضوجه
صاح إلياس بيه بصوت عالي وكال
إلياس : كافي شنو من لسان لخاطر الله كل مانحجي شي تحجين الف كلمه كافي اسكتي وانتو طلعو بره يلا
ابتسمت وهما طلعو كال تيم
تيم : هاجر عوفيهم بعدين يسوون مشاكل الج
هاجر : مايكدرون
تيم : ليش هشكل واثقه
هاجر : يكول المثل بل حرب خلي عندك نقطة ضعف ضد المقابل وهيج انت تكسب الحرب
تيم : اول مره اسمع هيج مثل
هاجر : اني كلته من يمي غلس هههه
نزلنا علمود تيم يبدل ويجي سألت على رسل وكالو انو ماتجي لان مشغوله تجهز العرسها لان مراح تسوي خطوبه فوراً حنه بعدها ساعدت عمه اني والبنات وحطينه السفره كلت لعمه
هاجر : هسه مو باجر الخطوبه ليش اسيل هنا
اميرة : من عرفت بيج هينه كالت اجي وتنام وباجر حتى كل البنات يروحون على صالون
هاجر : هيج خايفه مني
اميرة : خايفه تاخذين إلياس منها
هاجر : لو يبقه اخر واحد مااخذو اي عمه ذكرت هسه اجي
رحت جبت الفلوس الي ماما انطتني هما وخليت الي بس 5 الف وكلت لعمه
هاجر : عمه بابا يكول خلي هاي عندج مال الصالون مالتي
اميرة : والله عيب عليكم اشون اتجيبين معاج فلوس
هاجر : ديلا عمه اخذي
اخذتهم بل كوه وزعلت لان اخذت من اهلي بس فرحت لان راح اروح للصالون كملنا نقل السفره وكعدنا ناكل وجان ابو تيم هم موجود انسان كلش حباب وخلوق بعكس ابنو
كملنا اكل ونقلت المواعين كالت يارا
يارا : هاجر مدي ايدج واغسلي
هاجر : تغذريني اخاف على اظافري
يارا : يعني ماتغسلين
هاجر : No ماغسل
عافتني وكفت هيا واسيا يغسلن واني نقلت شويه مواعين وخليتهم ورحت للصاله كعدت ويا عمه اميرة وعمه مريم وزوح عمه اميرة وإلياس وتيم كالت عمه اميرة
اميرة.........
...........
انتهى البارت
عجبتكم القصه
- يتبع الفصل التالي اضغط على (رواية قسوة احفاد ال هتان) اسم الرواية