رواية كنت وحيدا لكنك اتيتي الفصل الثامن 8 - بقلم مريم محمود
عند يارين وصلت قدام شركه كبيره اوي وكبيره جدا
يارين لنفسها : يالهوي استحاله تكون دي كلها شركتو اي دييي كلهاااا
يارين بدات بالدخول
نورا : انسه يارين
يارين باستغراب : نعم تعرفيني
نورا بقرف لشكلها : اه سليم بيه بعتني هنا اخدك اتفضلي اطلعي معايا هو قاعد مستنيكي فوق
يارين : تمام اتفضلي انا وراكي
فضلت يارين تبص ع لبس نورا كان مكشوف جدا
يارين لنفسها : شركه دي ولا مسرح عرض ازياء
قابلتهم ساره في الطريق
ساره ليارين : اممم انتي المطلوبه
يارين : نعم مطلوبه اي
ساره : دي شركه كلها مستنيه تشوف مين الهانم اللي سليم بيه هيعملها الانترفيو بنفسو
نورا بضحكه استهزاء : كنت متوقعه حاجه تانيه احلي بصراحه
ساره : كلنا بس مش مهم قوليلي بقي ي انسه جايبه هدومك دي منين اصل الصراحه مش احسن حاجه يعني مش لايقه ع شركتنا وانتي شايفه يعني البنات هنا
يارين : ايوا يعني عاوزاني اعمل اي
نورا : شغل ده مش هينفعك الصراحه بحجابك ده ولبسك يعني مش الطف حاجه
يارين : معلش لبسي كويس ملكمش دعوه انتو خليكم ف لبسكم انتو وياريت ننجز
نورا بقرف : اه اه اتفضلي
نورا بهمس لساره : اي الرخامه ديي شكلها هتتعبني معاها عمال ما اطفشها
ساره : يختي اسكتي اطلعي البت حلوه
نورا : اي حلاها دي مش شايفه هدومها
ساره : شكلها حلو اما مسير هدومها تتعدل بعدين شكلنا هنعاني منها ياريت تحاولي تخلصي منها في اقرب وقت
نورا بغضب : انا احلي ع فكره منها بكتير
ساره : احلي ده انتي كلك تركيب اتلهي انتي بالنفخ اللي انتي عاملاه في كل حته ده
نورا : شوف مين بيتكلم ع نفخ
يارين : لو سمحتم يلا
نورا : مقولنا حاضر مستعجله عليه كدا لي ده كلنا بنخاف ندخلو وكل واحد يبعت التاني من الخوف
يارين : اخاف منو لي يعني بيعض ؟
ساره : سبيها تكتشف بنفسها
يارين : اه هتكشف بنفسي شكرا
ساره بقرف : عفوا ي ختي
نورا : يلا يلا بدل متهزق انا
ركبت يارين مع نورا في الاسانسير
نورا : قوليلي بقي تعرفيه منين
يارين : معرفه من بعيد
نورا : اممم بس انصحك مش تشتغلي هنا
يارين : لي ؟
نورا : اصل انتي شكلك ضعيفه ومش تستحملي المرمطه اللي بنعيشها وغير كدا يالهوييي ده كلمتو صعبه ومحدش بيتناقش معاه وصعب جدا في شغلو
يارين : تمام ماشي
نورا : اي تمام ماشي دي متكلميني زي ما بكلمك
يارين : منا مش قادره اتكلم الصراحه يعني
نورا : بس لبسك وحش بردو اوي واي طرحه دي بصيلي كدا يالهوي اي وشك ده حطي شويه ميكب حتي يدارو اللي ف وشك ده
ياربن : مالو وشي ؟
نورا : حساه يعني بهتان مش حلو مش حلو لازم يتظبط ولبسك وحش الصراحه مش مؤهله خلاص للشغل محتاجه اعاده تدوير
يارين بغضب : مخلاص ي حبيتي خلصنا بقي
نورا : مفيش الا بتاعة الشوراع تزعق ؟
يارين بصدمه : شوارع !!!
هنا باب الاسانسير اتفتح ومشيت نورا كام خطوه
نورا : يلا هتفضلي متنحه كدا كتير
يارين مردتش عليها
خبطت نورا ع مكتب سليم
سليم : ادخل
نورا : اتفضل الانسه اللي حضرتك قولت عليها اهي
سليم : اتفضلي انتي ي نورا
سليم بص ليارين بهدوء
سليم : اقعدي
يارين : حاضر
سليم : قولي عاوزه اي
يارين : عاوزه اشتغل وقبل الشغل اخد قرض
سليم : دعاء قالتلي بس عاوز اعرف لي ؟
يارين : حاجه خاصه
سليم : انتي هتاخدي الفلوس مني ولازم اعرف هتروح فين ولا اي
يارين : ودي هتبقي فلوسي انا وهسدهم بالشغل ف الصراحه دي حاجه خاصه بيا وانا مجتش سالت حضرتك بتودي فلوسك فين
سليم بكتم العصبيه : اه ماشي
يارين : اي هتشغلني
سليم : اشغلك ع اي ورقك مفيهوش حاجه انتي لسه طالبه حتي ومعندكيش خبره
يارين : شغلني اي حاجه اي حاجه انا موافقه
سليم : واضح انك محتاجه الفلوس دي
يارين : جدا والله صدقني وانسي كل اللي فات ونبدا صفحه جديده
سليم بخبث : طبعا ده انتي جيتي برجلك واللي بيجي مش بيترد
يارين : بص انا كنت زمان واخده كورسات ف الديكور وكدا وممكن اساعدك في حاجات تبع شغلك
سليم باستهزاء : انا بتعامل مع اكبر الشركات والناس المتوظفه عندي من اكبر الناس ف مش تعيشي الدور استحاله توصلي للي في دماغك
يارين بتبلطم مع نفسها : انا اي يذلني اصلا لواحد زيك لولا الظروف مكنتش جيت اتحايلت عليك
سليم : بتقولي حاجه ي انسه تارين ؟
يارين بعصبيه : مين تارين
سليم : اه سوري اتلخبطت اسمك اي معلش
يارين : يارين
سليم : امم معلش بقي اسمك صعب
يارين : تمام بس خلينا في الشغل المهم
سليم : بصي بقي انا في قوانين الشغل لازم السن يكون فوق ال 20 وممنوع طلاب تشتغل عندي
يارين : طب اي
سليم : يعني هنحاول نعدي السن بس الشغل ميسمحش انك تكوني بتدرسي
يارين : متقلقش خالص انا هعرف انظم بين شغلي والدراسه بس بالله شغلني اي حاجه حتي
سليم بخبث : مهو ي انسه لازم تسيبي الدراسه
يارين : اي لا طبعا استحاله اسيب حلمي ده سنه ويتحقق
سليم : براحتك ي انسه اتفضلي تقدري تتطلعي
يارين : ب..بس انا محتاجه الفلوس والشغل
سليم : المشكله مش عندي ي انسه انا قوتلك اني موافق بس مينفعش خالص اشغل طالبه عندي
يارين : طب اي الحل
سليم : ما انا قولت تسيبي الدراسه ركزي في الكلام بعد إذنك
يارين : بس انا مش هعرف
سليم : وانا مقدرش اعملك حاجه اتفضلي ي انسه الوقت خلص للاسف ورايا شغل
يارين : طب اديني فرصه افكر
سليم : تقدري تفكري دلوقت
يارين بدموع : طب انا همشي بعد إذنك شكرا لوقت حضرتك
سليم بخبث : عفوا اتفضلي
وصلت يارين عند باب المكتب ثم رجعت تاني
سليم : خير ؟
يارين بدموع : انا موافقه اقدر استلم الشغل امتي
سليم : اتفضلي اقعدي نتكلم
يارين قعدت
سليم : متاكده من قرارك ؟
يارين : اه
سليم بخبث : مبروك
يارين : طب هتشغلني اي
سليم : علشان انا متوصي بيكي ف هتبقي سكرتيرتي الخاصه
يارين : بس انت عندك واحده برا ام لبس مشخلع دي
سليم : مشخلع ؟
يارين : اه
سليم : اه تقصدي ع نورا لا انتي هتبقي مكانها وهي بردو هتقف معاكي احيانا وتعلمك المطلوب منك
يارين : بس انا مش هفهم ف الشغل ده وبعدين يعني انا سمعت ان ليك مستشفيات كتير باسمك ومدارس وكذا حاجه لو مفيش مانع اقدر اشتغل فيهم اي حاجه
سليم : اظن اني انا قولت هتبقي سكرتيره وكلمتي مش بتكرر
يارين بحزن : اللي حضرتك شايفه
سليم : المبلغ اللي هتاخديه يقدر يشغلك 3 سنين العقد تحبي يكون كام سنه
يارين بحيره : خليه 3 سنين علشان اخلصهم وابدا دراسه تاني
سليم : اممم شرطي يبقو 10 سنين وممكن ازودهم
يارين : لييي يعنييي انا عاوزه اكمل دراستي
سليم : معلش خليها عليكي هتمسكي المرتب بعد 3 السنين دول وحاليا هحولك فلوسك اللي طلبتيها
يارين : بس انا حلمي بيضيع كدا
سليم : مليش فيه ي انسه انا كتبت العقد خلاص اتفصلي امضي
مضت يارين وهي عينها مليانه دموع
سليم بابتسامه شر : اه قولتي اي بقي من شويه
يارين : مقولتش حاجه
سليم : اصل كنتي بتقولي معندكيش حاجه تخسريها اول مره بس دلوقت للاسف اديكي خسرتي حلمك ولا اي بردو عندك حاجه تاني تخسريها ؟
يارين : انا هسكتلك دلوقت علشان مش قادره ارد
سليم : تقدري تيجي بكره من الصبح الساعه 4 وتمشي الساعه 10 بليل
يارين : نعمممم !!!!!
سليم : اي
يارين : لي ده كلو الحق اكل امتي انا ولا انام امتي
سليم : قدامك 6 ساعات تقدري تعملي اللي انتي عاوزاه
يارين : لا والله احنا هنهزر
سليم : اتفضلي وياريت ي انسه تعرفي انك بتتكلمي مع مديرك ف مش عاوز الاسلوب السوق ده هنا ولبسك ده ياريت تقدري تغيريه
يارين : لي هو حضرتك عاوزني البس زي البنات اللي برا دول !!!!!!!
سليم : مش زيهم البسي لبس انضف شويه ومن ماركه محترمه
يارين : معلش والله انا لبسي كدا
سليم : خلاص يعني انا ممكن اديكي راتب قليل مع الشغل
يارين : مش محتاجه من حضرتك حاجه شكرا معاش ابويا وامي مكفيني
سليم : امال طالبه فلوس لي ؟
يارين : لا إله إلا الله مقولت حاجه خاصه
سليم : ع عموم الفلوس وصلت اطلعي يلا
يارين : شكرا
سليم : وانتي طالعه قولي للبت ام لبس مشخلع تيجي
يارين : حاضر ياريت طلبات حضرتك تخلص
سليم : اه اخر حاجه ياريت تكلميني باحترام واسمي سليم بيه
يارين : سليم بيه ؟
سليم : في حاجه ولا اي اسمي مش عاجبك
يارين : سليم ولا سلايمممم هعهعهههههههه
سليم : نعمممم انتي قولتي ايي
هنا يارين طلعت تجري ع باب
يارين لنورا : سليم عاوزك
نورا : سليم حاف كدا ده لو قولتها يبقي حياتي ع ايدو
يارين : سوري اتلخبطت سليم بيه
نورا : اه ماشي امشي هروح اشوفو
خبطت نورا ع سليم لقيتو مبتسم
نورا بغضب بتحاول تكتمو : اه خير حضرتك
سليم : هنقلك مكان تاني
نورا : وده لي بقي هو انا قصرت في حاجه؟
سليم : انتي دايما مقصره اصلا بس بعيدا عن ده يعني يارين هتبقي سكرتيرتي مكانك
نورا بصدمه : لا والله لي بقي ده اي الاهتمام ده كلو يعني مش لدرجه دي يعني
سليم : انا حر انتي مالك
نورا : طب مهي معندهاش الخبره الكفايه علشان تعرف تعمل اللي انا بعملو
سليم : لا ما انتي هتعلميها
نورا : لي هو انا في حضانه اقعد اعلم طفله انا !
سليم : اظن ي نورا انا قولت كلمه انتي بردو هتبقي في منصب كويس وفي نفس الوقت هتكوني معاها في الاول تعلميها وهزود مرتبك كمان اظن كدا كفايه
نورا بغضب : ماشي بعد إذنك ي سليم بيه
مشيت نورا وهي متغاظه جدا من يارين
. . . . . . . . . . . . . . . . . . . . . .
عند عمام يارين
عيد : مالكم قاعدين شايلين طاجن ستكم لي
إبراهيم : امشي ي عيد هي مش ناقصاك دلوقتي
عيد : خير اي حصل
قاسم : بنت اخوك اختفت ومش بترد علينا
عيد : لي راحت فين يعني
إبراهيم بهدوء تام : يعني انت متعرفش ؟
عيد : وانا اعرف منين اسالو ستها
قاسم : سالنا عليها بتقول هي مشيت ومتعرفش هي فين
عيد : امم
إبراهيم : انت ليك ايد ي عيد مش كدا ؟
عيد : ايد فين
إبراهيم : يعني انت مش قولتها ع اي حاجه ؟
عيد : وانا اي عرفني انا قوتلكم هطلع منها مش علشان مش عرفتو تجبوها فيا
إبراهيم بغضب : والله ي عيد لو عرفت ان ليك ايد موتك هيبقي ع ايدي
عيد : موتني ي عم انا اصلا هعيش لي مراتي ماتت ومعنديش عيال يعني موتي مش هيخسركم حاجه ولا هيقف عليكم بخساره
إبراهيم : ماشي ي عيد هنشوف اخرتها
عيد : شوف ي اخويا ربنا معاكم انا ماشي
إبراهيم بهمس : في داهيه
عيد مشي
قاسم : هنعمل اي
إبراهيم : هنقلب الدنيا عليها طبعا مش هنسيبها بسهوله و هنروح القاهره بكره
قاسم : لي يعني
إبراهيم : هنروح نفس المكان اللي سبنها فيه ونشوف كاميراتو ونشوف راحت فين
قاسم : ايوا صح انت ازاي فكرت كدا انا اكتر حاجه بتعجبني فيك تفكيرك
إبراهيم بابتسامه شر : انا هاخد حقي وهقتلها علشان اريح ضمير امي
قاسم : عندك حق
إبراهيم : هنتحرك بكره اعمل حسابك
قاسم : تمام بس انا شاكك في عيد
إبراهيم : اتاكد مش تشك انا سايبو بمزاجي بس مش اكتر اكيد مش هقتل اخويا
قاسم : طب ما كدا هيفضحنا لازم نشوف حل
إبراهيم : مش هنشوف حل سيبو يعمل اللي هو عاوزو مش بعيد يكون اصلا بيراقبنا نفض دماغك مش هيعمل حاجه وكدا كدا احنا هنوصلها متقلقش
قاسم : تمام
. . . . . . . . . . . . . . . . . . . . . .
عند يارين
دعاء بفرحه : تعالي بقي قوليلي عملتي اي مع سليم
يارين : ابو شكلو في الارض رخم بجد ومتكبر ازاي الرخامه دي كلها ليه هو
دعاء : رخم بس قمر
يارين بغرور : عادي يعني انا احلي بكتير
دعاء بضحك : انتي احلي من اي حد ي لولو
يارين : يختي البنات هناك لابسين مشخلع ع الاخر
دعاء : لابسين اي
يارين : السكرتيره بتاعتو لابسه كروب توب قصير ده حتي بطنها باينه وجيبه ضيقه جدا لازقه ع جسمها وحاطه قد كدا ميكب
دعاء بضحك : اه نورا
يارين : اه عرفتيها ازاي
دعاء : كانت جارتهم زمان دي كانت هتموت عليه
يارين بصدمه : وهو بيحبها ؟
دعاء بزعل : لا كان مش معبرها علشان كان بيحب بنت تانيه وكان بيحبها لحد الموت
يارين باستغراب : ومتجوزهاش لي ومين دي
دعاء بتوتر : لا لا متشغليش بالك
يارين : لا انا عاوزه اعرف بقي انا فضوليه واحب اعرف كل حاجه عن مديري
دعاء : قوتلك ي يارين مش تشغلي بالك المهم عملتي معاه اي احكيلي
يارين بزعل متصنع : يعني كدا بتخبي عليا ؟
دعاء : خلاص متزعليش هحكيلك بس بشرط
يارين بفرحه : طبعا مواقفه قوليي اي الشرط
دعاء : الكلام ده ميطلعش برا ولا لاي مخلوق
يارين : هقول لمين يعني بس يلا قولي
دعاء : بصي ي ستي البنت دي كان اسمها نورهان ابوها اتوفي او حاجه زي كدا مش فاكره اوي بس بعد كدا مامتها اتجوزت واحد غني جدا وعلشان والدتها مكنتش بتحب جوزها اللي اتوفي قررت تقنع جوزها التاني انو يتبني بنتها نورهان وهو مكنش بيحب بنتها بس وافق علشان تفضل معاه واحيانا مكنش بيديها مصروف وتروح تاخد من سليم ويقعدو كتير سوا لحد الصبح وغير كدا سليم مكنش معاه حد ومحتاج حضن علشان كان بيعاني من العنف الاسري من صغرو بس بعد كدا فضلو سنين سوا من صغرهم لحد شبابهم وكان سليم متعلق بيها جدا زي الطفل اللي متعلق بامو بس للاسف هي كانت بتحبو ف الاول بس من كتر مهو بيديها فلوس بقي بالنسبالها ان سليم مكنه سحب فلوس مش اكتر بس في الاخر قالتو قبلها ان بابها قرر يسافر امريكا علشان عليه ضرايب هنا وهيهرب منها ويكمل شغل هناك سليم مكنش مصدق نفسو وقعد يعيط يومها شبه الطفل علشان متسبهوش وجه موعد السفر بتاعهم يومها سليم كان جايبلها هدايا كتير علشان تفضل ذكري ليهم بس لما راحلها لاقها بتخونه وراح سايب الهدايا بهدوء ومشي وهي قعدت تتصل عليه بس مردش وغير كل حاجه تخصو علشان متوصلهوش وهي سافرت بس لحد دلوقت هو بيحبها وبيراقبها في كل خطوه في حياتها ولسه محتفظ بكل حاجه تخصها
يارين بصدمه : ده كلو ولسه بيحبها
دعاء : دي كانت بتمشيه ع صباع واحد كان بيسمع كلامها كانو عيل
يارين : وهو كان ساكت كل ده
دعاء : منا قوتلك كان هي مكانو الوحيد بسبب اللي كان بيتعرضلو
يارين : طب ولي كان بيتعرض للعنف الاسري
دعاء : باباه مكنش بيحبو خالص
يارين : طب مامتو كانت فين وف اب مش بيحب ابنو
دعاء : هنا كدا هنسهر بقي هاتي الفشار اللي جمبك ده
يارين : اتفضلي بس يلا احكيلي الفضول خدني
دعاء : بصي ي ستي سليم كان مولود في عز وغني كل واحد كان بيتمناه ويوم ولدتو كنت انا لسه بدور ع شغل وكنت صغيره وصدقت ما لقيت شغل بعد موت جدتي وكان والدو بيدور ع حد يراعي سليم ويراعي امور البيت مع رشا ورشا دي بقي ي ستي تبقي امو كان بيحبها اوي من ساعة ما اتولد امو اُصيبت بعقم وبقت مش بتعرف تخلف خالص وطبعا والدو كان بيحلم بعيال كتير
حواليه وزمان مكنش موجود العمليات الاحديثه الموجوده دلوقت بس المهم مبقتش تخلف و كرهو كره مش تتخيليه اول ما بقي عندو 5 سنين بدا التعذيب فيه كان طفل وهو يعذب فيه ويضربو بالحزام كان يصوت ويعيط ورشا كانت بتحاول طبعا تدافع عن ابنها بس دايما والدو كان بيقفل الباب بالمفتاح لما يضربو واول ميفتح الباب رشا تنهار من العياط وتفضل في حضن سليم وكان لما رشا تيجي تكلم ابوه كان يقعد يقولها انا عاوزو يبقي راجل وبعمل كدا علشانو بس طبعا مكنش بيعمل كدا علشان خايف عليه هو كان بيعمل كدا علشان بيكرهو علشان قتل حلمو كان بيحلم بعيال كتير اوي حواليه بس هو جه وقتل حلمو و رشا كانت تقعد تتحايل عليه انو يتجوز ويخلف بس ميضربش سليم وهو كان بيرفض طبعا كان بيقول لا مش عاوز اتجوز
يارين : طب لي بيعمل كدا طب مش هو عاوز عيال ميتجوز حتي
دعاء : اصبري عليا منا جيالك في الكلام اهو
يارين : يلا كملي
دعاء : هو كان بيشرب ممنوعات كتير ف اكتشف يوم ولادة سليم انو طلع اصيب بالعقم مره واحده بسبب الممنوعات والسجاير اللي بيشربها بس هو كان ذكي وكان خايف رشا تسيبو علشان كان بيحبها جدا وراح لدكتور النسا اللي كان مولد رشا و دفعلو فلوس قد كدا علشان بس يقول ان رشا مش هتخلف بقيه عمرها تاني وساعتها قعد يواسي رشا وهي منهاره ويتمسكن عليها ويقولها انا هفضل جمبك ومش هسيبك والكلام المايع بتاع الرجاله ده وطبعا خاف يتجوز ومش يخلف ويتفضح و قرر يحط كل كرهو في سليم وسليم فضل يعاني منو لحد ما اتوفي في حادث وكان سكران وساب لرشا ورث قد كدا اصلو كان غني جدا وف اخر نفس ليه اعترف ليها بالحقيقه وقالها ان تقول لسليم يسامحو ع كل حاجه ورشا فضلت مع سليم لحد ما اتوفت من غير محد يعرف السبب وسليم هنا انهار كان عندو 15 سنه ومامتو وصتني عليه انا وياسين و قبل ما تموت بعد كدا سليم طبعا مكنش ينفع يشتغل في شركات و كمل تعليم بعد كدا اول موصل لسن 18 سنه قرر يشتغل بجانب الدراسه وهنا كانت شركات الحربي بدات ترجع وسبحان الله باقل من سنه كل الشركات كانت بتنافس سليم وبعد كدا دخل كليه هندسه واختار مجال ديكور واتخرج منو وركز في الشركه بتاعتو ووقف ع رجلو من هو صغير واتحمل المسؤليه ومعروف جدا مين هو سليم الحربي الكل بيخاف منو ليه هيبه مش ع حد لو حط حد في دماغو ممكن يقتلو والكل بيخاف منو
يارين : ياه لدرجه دي
دعاء : واكتر كمان انا حكيتلك حاجات صغيره عليه بسرعه كدا
يارين : طب كملي
دعاء : الساعه 2 ي بت اكمل اي بعدين انتي شغلك بدري مفروض تنامي
يارين : يالهوي ده مفروض اروح الشغل كمان ساعتين
دعاء : لي الشغل ساعه 4 ؟
يارين : اه
دعاء : يالهوي لي كدا
يارين : مش بقولك رخم
دعاء : ربنا معاكي استحملي وهو هيحن عليكي والله لما يلاقيكي طيبه
يارين : انا اقوي من كدا ولو هو بيعاند ف انا هعاند اكتر منو ومش بخاف منو ومش عاوزاه يحن
دعاء بضحك : ماشي يختي انا هدخل انام تصبحي ع خير بقي
يارين : هو ينفع اسالك سؤال
دعاء : طبعا ي لولو اسالي
يارين : انتي ليه متجوزتيش لحد دلوقت
دعاء بابتسامه زعل : لا انا اتجوزت وانتي لسه مولوده واتطلقت
يارين : وعندك عيال منو ؟
دعاء : لا عندي عيال بس مش منو
يارين باستغراب : ازاي
دعاء : انا عندي انتي و سليم وياسين انتو عيالي الصغيره اللي مش مني بس بحبهم
يارين : شكرا ي احلي ماما
دعاء بعياط : احلي ماما انا سمعتها
يارين : بتعيطي لي بس ف اي
دعاء : عمري ما اتوقعت اسمع كلمه ماما علشان انا مبخلفش
يارين : انا اهو بنتك زي مقولتي
دعاء : ربنا رزقني بيكم والله كرم ربنا كبير
يارين : انا معاكي طول عمري وهفضل معاكي ومش هسيبك في حياتي ممكن قضينا فتره صغيره سوا بس هنفضل طول العمر سوا
دعاء : ربنا يخليكي ليا ي حبيبتي وميحرمنيش منك ابدا
يارين بضحك : خشي نامي يلا بقي كفايه لسليم ينفخني انا وانتي
دعاء بضحك : ينفخك لوحدك
يارين : ميقدرش ع فكره انا بس اللي انفخو
دعاء : ماشي يختي
. . . . . . . . . . . . . . . . . . . . . .
رايكم ي حبايبي ♡
. . . . . . . . . . . . . . . . . . . . . .
صل علي رسول الله♥️
- يتبع الفصل التالي اضغط على ( رواية كنت وحيدا لكنك اتيتي) اسم الرواية