رواية قسوة احفاد ال هتان الفصل التاسع 9 - بقلم هاجر النعيمي
part 9
بقلمي ( هاجر النعيمي )
.............
اميرة : باجر لازم تيم وإلياس يروحون يودون البنات للصالون ويرجعوهن ومريم انتي روحي وياهن لان بنات خاف مايعرفون شي
مريم : لا عيني انتي غوحي انا اضل هوني مابيه حيل هوسه
محمد زوج عمه اميرة : اميرة انتي روحي مع البنات احسن
المهم عمه وافقت تروح عمو محمد ضل يشاقه ويضحكنه وكثير حباب بعدها صار هدوء إلياس واسيل يحجون وحدهم بل همس تيم يطمش تيك توك إيلا نفس الشي والكل ملتهي اخذت تلفوني واجاني مسج على الانستا من تميم استغربت جان كاتب
💬 تميم : هلو شلونج
💬 هاجر : تمام الحمدلله وانت اشونك
💬 تميم : تمام الحمدلله
💬 هاجر : شعجب راسلني
💬 تميم : اي صح شوفي نحنا نريد نسوي كلان ( عشره مال بوبجي)
💬 هاجر : تمام حلو
💬 تميم : هيا راح تكون اني وامير وزهراء واحمد وراكان واركان وحوراء ومريم وملاك وميدو
💬 هاجر : تمام المطلوب مني شنو
💬 تميم : تردين تدخلين ويانه لان انتي ماعندج كلان وهيج نسوي مسابقات
💬 هاجر : عادي ادخل بس شنو الشروط
💬 تميم : اول شي عندج بطاقه تغيير اسم
💬 هاجر : لا بس اسمي حلو
💬 تميم : ادري اسمج حلو بس لازم تحطين علامات يم اسمج تدل انو انتي من كلان فلان
💬 هاجر : ماعندي اشون
💬 تميم : تكدرين تشحنين
💬 هاجر : بصراحه لا لان بابا مايقبل يكول هيا لعبه ماتستحق صرف فلوس
💬 تميم : خوس خليها يمي
💬 هاجر : اشون
💬 تميم : راح اروح اشحن الي وال ملاك و حوراء واشحن الج هم
عصبت شنو يشحنلي ليش شايفني مجديه والله فلا اقبل كلت
💬 هاجر : شنو مجديه انت تشحنلي وماريد حتى بل اكلان مااطب
💬 تميم : هاجر بدون عناد وخليني اسوي الي كلته
💬 هاجر : واني مااريد شنو كوه
💬 تميم : كلامي مايصير ثنين واشحن الج وخلص الموضوع باي
ضليت ادز مسجات مايشوف ولا يرد عصبني وهنا ماكدر اتصل علي بسبب انو مو بل بيت وماريد احد يعرف والله يسوولي سالفه معرف شنو اسوي راسلت امير وكتله
💬 هاجر : امير تميم يريد يشحنلي بوبجي واني ماريد علمود لكلان حباب روح علي واقنعو لا يسوي هيج شي
مارد لان مجان فاتح يمكن يكون بل شغل مادري بعدها بقيت احوس بمكاني معرف شنو اسوي انتبه تيم وكال
تيم : هجوره اشبيج
هاجر : مابيه شي
سكت وبقو الكل ساكتين شويه واسيا كسرت الهدوء وكالت
اسيا : إلياس كوم جيب الديجي نركص ونتونس
إلياس : خوش فكره لان ضوجه حتى نتونس
ماجذب خبر طلع واجه تيم يمي كال
تيم : هاجر ضايجه من اسيل او إلياس
هاجر : ها لا يمعود ولا بالي اصلاً
تيم : لعد شبيج مالج خلك وضايجه
هاجر : شوف صديقتي عدها كلان ويا كرايبها وراح تضيفني ولازم اشحن بطاقة تغيير اسم علمود ادخل بل كلان وكلتها انو بابا مايقبل يكول هيا لعبه ماتسوه نصرف عليها فلوس وهيا تبرعت راح تشحنلي واني مستحيه منهة وماريد اشون
تيم : الكلان كرايبها اكيد بي ولد صح
هاجر : لا تخاف محد يجي يم البنات
تيم : حلو اما عن الشحن كوليلها ماريد
هاجر : اراسلها ماترد مترف ليش وكالت اروح اشحن الي والها وراحت ومابعد ترد على رسألي
تيم : شوفي ماحب تكون وحده عليج من تشحنلج كوليلي واشحن الها
هاجر : تيم هذا مو حل تعرف ماريد من احد شي
تيم : اصبري وبل مقابل انت تغثين اسيل واسيا واهم شي إلياس
هاجر : مبين مضوجيك
تيم : اوف كثير والله
هاجر : هاي سهله يمي
تيم : اتفقنه
هاجر : اتفقنه
إيلا : على شنو اتفقتو
جنه نحجي صوت ناصي بعدها تيم كال بصوت عالي
تيم : بعدين اكلج الكاع محضوره
اسيل : شنو تيم من شفت إلياس ماكو صرت تحجي بكيفك وتنفش ريشك
اجه تيم يرد قاطعته وكلت
هاجر : ليش تيم دجاجه نفس خطيبج حتى ينفش ريشو
اسيل : هاجر احترمي نفسج وكافي تحجين على خطيبي اشبيج ضايجه من الخطوبه مالنا
طكيتها ضحكه بصوت عالي وكلت
هاجر : والله ضحكتيني لو اريد خطيبج اخذه بثواني بس
اسيل : ماتكدرين يحبني ومايعوفني
هاجر : تتحديني
اسيا : كافي هاجر واسيل بلا مشاكل المفروض نفرح مو نتكاون
هاجر : خرب يومج اسيا اول مره تحجين شي صحيح
اجه على صوتنه عمو محمد وعمه اميرة الي جانو نايمين لان ضهر كال عمو محمد
محمد : هههه ليش بس تتكاونون
هاجر : عمو هسه لو انت بمكاني وتجيك المشاكل وانت تبعد عنها وترجع تجيك وانت تحبها ف شنو تسوي
محمد : اسوي مشاكل
هاجر : اي عفيه وهذا الي يصير اني اتحاشه المشاكل وهما يجيبوها عليه كوه
محمد : اي عيني كلو بغدادي تحجين
هاجر : لا عمو بس بيت جدي يحجون اتعود لاتنسى خالي بغداد
محمد : لا اشون انسى صدك وين إلياس
اسيل : طلع يجيب الديجي
محمد : ليش
اسيل : حتى نتونس وندرب على باجر
هاجر : اي عمو لان اكو ناس ماتعرف تركص
اسيل : ماعرف اركص احسن من مااصير ركاصه
هاجر : غلطانه احلى شي الركص
محمد : كافي راح تصيرون 18 سنه وبعدكم تتكاونون
هاجر : والله عمو تخبل الكونات
محمد : اكعدي راحه وبلا مشاكل لا تتأذين
فات إلياس والديجي بيدو وصار يخلي على الكهرب علمود يشتغل وشغل بي اغاني وكامو البنات يركصون واني بقيت كاعده لان عاجبني اضحك على ركص اسيل بس اسيا لا تعرف تركص
كعدت وخليت رجل على رجل وخليت ايدي على راس الطخم وكعدت عبالك رائيس عصابه احب هيج اكعد بس هاي الكعده مال اولاد بس عادي المهم بقيت كاعده هشكل وادحك عليهم اسيل وهيا تهز كتافها تموت ضحك
ضليت اضحك عليها وبعدها صرت اكح من كد ماضحكت وهيا تركص ويا إلياس وماشافتني لان منطيتني ضهرها بس شنو من تهز خصر تموت ضحك صرت اضرب رجلي من الضحك اجه تيم كعد يمي وكال
تيم : اشبيج متي من الضحك
صرت أشر على اسيل لا ماكدر احجي هو شافها وفطس ضحك وجان تجي إيلا وكعدت يمي وشافتنه نضحك كالت
إيلا : ليش هل ضحك
تيم : شوفي اسيل امانه
شافتها وصارت تضحك اشوف لارا من بعدين تضحك بس ماتكدر تجي يمنه لان تخاف من اختها واختها ماتقبل لارا تحجي وياي ويا إيلا ورسل بس مرات لما تكون يارا مو موجوده تكعد يمنه وتضحك وتروح جانت عمه اميرة كاعده يمنه وعمه مريم وعمو محمد اني انتهيت صرت اكح واريد اتقيئ دائما لمن اضحك هيج يصير بيه
كامت إيلا تجيب مي واختنكت بلكوه اجر نفس جابت إيلا المي وشربته وشويه صرت احسن وبعدها اجت عيني على اسيل روجعت اضحك كال تيم
تيم : ماتوبين
هاجر : اخ والله متت ضحك والله ضحك بربك شوفها يربي راح اموت ههههه
إيلا وكفت كبالي حتى لا اشوفها واريد اوخرها ماكدر ماعندي قوه من الضحك وبعدها تيم كال
تيم : كومي نركص يلا
كمنا اني وتيم وإيلا نركص سوه وذبيت لحم كثير وتيم يعرف يهز كتافه وتقابلنه وهزز للكاع وبعدها خليت إيلا يمي حتى تركص ويا تيم شفت إيلا حيل خجلانه كتلها
هاجر : عيني انتو مو بل غرفه حتى تخجلين
ضربتني وصار وجها احمر واني وتيم نضحك وكلت لتيم
هاجر : وانت متونس على كلامي مو
تيم : اي والله ليش الجذب وياريت نصير بغرفه وحده
هاجر : تصيرون ان شاء الله بس مو تصيرون ادبسززيه
تيم صار يضحك وإيلا وجها مايتفسر مره حمره مره صفره صارت الوان بقينه نركص تقريباً للمغرب بعدها طفو الديجي وكالو نصلي حرام رحت توضيت وجيت اصلي وتقريباً كملت بقت اخر ركعه وجان تجي اسيا وتكف فوق راسي وبيدها تلفون كملت وكالت
اسيا : مادري منو يدزلج رسائل صالو ساعه
هاجر : وليش حتى مايكون صارلها ساعه
اسيا : اعرف تحجين مع اولاد
هاجر : عندج دليل
اسيا : لا بس بعدين يصير عندي
هاجر : من يصير عندج لا تقصرين خوش يلا جيبي تلفوني واطلعي برا ام الزلم
اسيا : انتي اشون تحجين معايه هشكل
هاجر : Bardon ليش حجي بي شي غلط
اسيا : هاجر لا تتحديني ترا اجيب عليج بلاوي
هاجر : لعد اتحداج تجيبين علي شي واحد بس وساعتها اكون خدامه بين رجليج بس انطيج منا لسبوع واذا ماجبتي شي عليه ف انتي تصيرين خدامه تحت رجلي
اسيا : خوش
إيلا : بنات بلا سخافه شنو هاي
هاجر : وماكو تراجع ولي تتراجع ساعتها ينفضح الي مخبيته
اسيا : اي خوش
هاجر : اني ماعندي شي ويلا خلي اشوف اشون راح تجيب عليه شي ومتاكده اني فايزه
نزلت وشفت عماتي يسون دولمه واني ماحبها ابد وشفت هم اكو تمن ومركه باميه هنا عندي عيد اعشق الباميه اكله من اكلاتي المفضلة كعدت يمهم وشويه واجو البنات الضاهر جانو يصلون كالت عمه
مريم : تقبل الله
الكل : منه ومنكم
لارا : شنو سويتم اكل
مريم : دوامه وتمن وباميه
لارا : اي خوش
ساعدناهم وكملنا ويارا واسيل مدو السفره وصرنا ننقل المواعين الي بيها مخضر وبعدها نقلنا الدولمه والتمن والمركه بدينا ناكل وبعدها كملنا ونلقنا المواعيز للمطبخ ويارا واسيا غسلو المواعين بعدها كعدنا شويه ويا عمو وعماتي وكلت ل تيم يشتريلنه شغلات حتى نسله بيها بليل
رفض ياخذ فلوس وراح اشتره شكد لحيت علي بس ماكو رفض بعدها صعدنا لغرفة تيم اني وإيلا شويه واجت اسيل واسيا ويارا ولارا مااهتميت الهن كالت إيلا
إيلا : خير ان شاء الله
اسيل : شو صايره ماتستحين
إيلا : يعني انت راح تعلميني المستحه
اسيل : اي اعلمج ياها
إيلا : اشون تعلميني شي انت ماتعرفي
هاجر : بومممم قويه والله
صارو يتجادلون واحس انو إيلا صايره قويه مو نفس قبل جانت مو هلكد قويه وياهو يجي يحجي عليها بس من صارت يمي صارت تتعلم القوة مني بعدها كالت اسيل
اسيل : والله خوش بيتنه وتحجي علينه إيلا افندي
إيلا : مثل ماهو بيتج راح يصير بيتي بل مستقبل خوش ف لا تشوفين نفسج لان اني وانتي نصير جناين هينه فهمتي
هاجر : اسيل مثل ماهو بيت عمتج بيت عمتنه وغير هيج احجي بأدب ويانه ادري ماعندج بس على الاقل ويانه اتادبي
اسيا : حبيبة امير هم يحقلها تحجي
هاجر : هههه امير ضحكتيني ومنو امير بله
اسيا : إلياس كال عنو شاف محادثاتج معا
هاجر : اي واش بيها
اسيا : يعني اني فزت بل تحدي
هاجر : چو چو بعدج لان هذا امير الي تحجون عنو زوج صديقتي وابنها بطولي
اسيا : اي عجل ليش تحجين معا
هاجر : ترا مبينه ماينرادلها ذكاء زايد متكاونين واني صالحتهم
اسيل : ومن ايمتا انتي زينه
هاجر : من زمان بس انتي جنتي مضغوطه مني ف ماجنتي تعرفين المهم التحدي بعدو موجود واذا خسرتي بي ف ياويلج
اسيا : اعرف عندج واحد تحجين ويا واجتج مراسلات كثير على تلفونج بس انتي مسويه للشعارات اخفاء يعني بس يطلع من ايما تطبيق جت مايطلع منو دزها والي تسوي هاي الشغله معناها عدها شي وماتريد احد يعرف
طب إلياس للغرفه وكال المن تجي رسائل
اسيا : هاجر جانت تصلي المغرب وتلفونها مابطل رسائل
دحك عليه إلياس وكال
إلياس : خلي نروح نحنا ماعلينه
طلعو وبقينه اني وإيلا وفهمتها موضوع امير ومنو يكون وتوني كلت
هاجر : وامير عندو ابن عم ي.....
طب إلياس وكال
إلياس : اشبي ابن عم امير
ابتسمت وكلت
هاجر : حلو يخبل عيونه رصاصي وشعرو قهوائي حواجبو ثخان عيونو مكحله من الله وكبار يجنن يشك شك
اجه إلياس مسكني من زندي وقربني على وكال
إلياس : حلو عجبج مو ازوجج هو
حبيت استفزو والعب بأعصابو اريد اشوف وين يصل كلت
هاجر : عجبني وياريت تزوجني هو اكون مشكوره الك طول عمري
إلياس : لج كلبه عينج على واحد شلاتي وسرسري
هاجر : انت شلاتي وسرسري مو هو ولا تحجي علي
معرف ليش دافعت عن تميم وليش عصبت بس الي اعرفه انو مايصير يحجي على الولد ونحنا ماشفنه منو شي
إلياس : بسيطه اذا مااكول لجدي ياخذ تلفونج
هاجر : اذا ياخذه افضحكم والله خلي ياخذه احجي من تلفون إيلا واشرد ويا فهمت
إلياس : شكد كح*** وماتستحين
هاجر : كل نعل على كد حلكك واحجي وياي عدل والله ثم والله اذا ماتعوفني بحالي افضح العائله واشرد ويا ولد عوفوني بحالي
صرت ابجي ودموعي تنزل وحده اريد اسيطر عليها مااكدر هو بقه ساكت واني تعبت ليش هيجي مهتم بيه ليش يحاسبني على كلشي عبالك اني خطيبتو ما اسيل تعبت منو كل يوم يمي اريد انسى بس اشون ماعدكدر بعدها اجه تيم ودفع إلياس وحضني وكال وهو معصب
تيم : لك انت شنو بس اريد افهم ماكفاك الي سويتو بيها هسه تجي وتحجي معاها بهاي الطريقه الخره وانت مالك حق تدخل بيها ابوها موجود
إلياس : اكل خره انت شنو اخليها تطلع عن الطريق تريد تشرد ويا واحد شلاتي
تيم : انت ماعليك تشرد تبقه تزوج تموت هيا حورى انت لاتدخل بيها عوفها
بقو واحد ياخذ والثاني ينطي اجو على اصواتهم الكل حتى عماتي وعمو محمد والبنات ومحد فاهم شي وهذول يتكاونون بل حجي وتيم حاضني واني ابجي ماعندي قوة حتى اوكف على حيلي كالت عمه اميرة
اميرة : اشبيكم انفجعتم اشصاير
تيم : يمه ابنج يضل يدخل بهاجر ويمنعها من كلشي ولا عبالك خاطب وباجر الحنه مالتو لازم يغار على اسيل مو هاجر إلياس كافي تعبنه منك حتى البنت تعبت منك عوفها شتريد منها
إلياس ساكت لان مايعرف شنو يكول وتيم ويا حق ف عاف الكل وطلع والف سؤال يدور بال الكل بعدها وخر عني تيم وشفت عيون اسيل حمر ومجمعه الدموع بعيونها حسيت بفرح ومسحت دموعي وأشرت ل تيم براسي وفهم واندار على اسيل وشافها والكل صار يدحك عليها
هيا عافتنه وراحت وصار صوتهم عالي هيا وإلياس والضاهر عيتكاونون محد ادخل والكل نزل بهدوء بعد مافهمو السالفه وإيلا جابت مي وشربت وبعدها رحت اغسل وجهي والحمام يم غرفت إلياس سمعت اسيل تكول
اسيل : الضاهر تحبها ماتحبني إلياس حباب احجي انت تعرف اني اشكد احبك وماريدك حتى تسلم عليها اعترف انو من سويت اللعبه عليها حبيتها إلياس الله عليك احجي
كل هاذا الحجي وهيا تبجي جان باب الغرفه شويه مفتوح وهيا واكفه وإلياس كاعد على التخت حسيت بفرحه مو طبيعيه لان على الاقل صارت تبجي بسببي بعدها غسلت ورجعت للغرفه وتيم كال
تيم : شنو صار لما ماجنت موجود
حجيتولو الي صار بل تفصيل من فاتو البنات لحد مااجه هو كال
تيم : وانتي هاذا من وين تعرفي
معرفت اش ارد رد كال
تيم : اسمعج احجي
هاجر : زهراء دزت صورهم الي وشفتو هو من بينهم
تيم : وعجبج مو
هاجر : من كل عقلك تحجي مستحيل اني ححيت هيج بس حتى استفز اخوك لا اكثر ولا اقل
تيم : شنو ستفاديتي
هاجر : روح لغرفت اخوك وتعرف
تيم : شنو صار
هاجر : عيتكاونون اسيل وإلياس واسيل تبجي سوده عليه هههه
تيم : هذا الي عاجبج راح تخربين حياتهم
صرت اصيح واكول
هاجر : مو هما نفسهم الي خربو حياتي مو هما نفسهم الي خلوني اعيش بجذبه مو هما نفسهم الي سووني مضحكه مو نفسهم الي سووني بلا كلب وبلا مشاعر وبلا احساس مو هما الي خلوني مااشفق على احد واكره الكل واخصر ثقتي بكل الناس حتى بنفسي مو هما نفسهم الي دفعوني ثمن كل ضحكه ضحكتها ويا وبعد وبعد شنو احجي احد بيكم حس بيه بشنو امر احد بيكم كال خطيه
احد بيكم كال حرام الي صار بيه كلكم اخذتوني بعين الضعيفه وتضحكون عليه حتى انت وياي لان عبالج بعدني ضعيفه ومااكدر اكمل حياتي عشت اسوء ايام حياتي واني اشوفهم فرحانين كسرو البرائه الي بيه وكسرو الطفله الي بيه كسرو حساسي مشاعري كسر كلبي وروحي
كلكم تتعاطفون وياي عبالك اني المجروحه وكلكم تشفقون عليه وتنطوني نضرت الشفقه الي اكرها كل يوم اكره نفسي اضعاف كل يوم ينكسر خاطري واني اشوف الي خربو حياتي فرحانين واشوفهم يزوجون وعادي احد بيكم نام بليل والدمعه بعيونه احد بيكم خسر ثقتو بنفسو بعد ماجان هو اكثر واحد يثق بنفسو احد بيكم جان يضحك والف غصه بكلبو فهمني كل هذا وتجون تلوموني لان اخرب حياتهم
لو بيدي اموتهم بس حرام وكل يوم وكل ميصير بيدي مجال ادمر علاقتهم الي انبنت على تعاستي لو يبقه بينهم وبين الجنه شبر مااسامحهم لو تبقه بس مسامحتي الهم حتى يدخلون الجنه فلا اسامحهم كل يوم راح اضل ادعي عليهم حتى تخرب حياتهم نفس ماخربت حياتي
تيم : كافي لخاطر الله كل هذا شايلته بكلبج
هاجر : اي وبعد وبعد
إيلا : انسي يروحي
هاجر : كلمه سهله بس صعب تنفيذها
بقينه نسولف شويه وبعدها اجو البنات وإلياس وكال
إلياس : اليوم تتصالحون وكافي مشاكل مليت
هاجر : من كل عقلك اصالهم
إلياس : هاجر بلا تكبير راس
هاجر : اني راسي جبير شعليك وصلح ماريد يكفي بس انو يجوزون مني وانت هم جوز
اسيل : هاجر خلي ننهي هاي السخافه واقبل اني وإلياس نحب بعض
هاجر : شعلي منو كلج علمود إلياس انتي طعنتيني لج جنت احبج اكثر وحده من البنات يمكن حتى اكثر من اختج وانتي شنو نطيتيني رحتي ارتبطي مع الي احبه وراح تتزوجون ماعندي مشكله خلاص انتو بل نسبه الي انتهيتو وها صرت اكرهج اضعاف ماجنت احبج وصلت وصلح بيني وبينج مايصير لحد مااموت
إلياس : كبرتي السالفه وهيا صغيره
هاجر : انت لا تدخل ويكفي انو تعوفني بحالي وماتمنع زواجي
إلياس : ليش اكو احد متقدملج
هاجر : لا بس اكيد بل مستقبل اكو
اسيل : الله يقدملج الي بي الخير
هاجر : ولا عرفتج تتمنيلي الخير
اسيل : ترا مااكرهج
هاجر : ماتكرهيني وعملتي كل هذا لو تكرهيني اشون
اسيل : اني جنت اضوج منج لان انتي شخصيتج حلوى وقوية وغير هشكل انت تدرسين ونحنا لا
هاجر : محد كلج ارسبي وانتي تعرفين جدو يبطلج جان شديتي حيلج وصرتي نفس ابوج
إلياس : المهم يلا تصالحو
هاجر : ماريد
بعد نقاش طويل طلعو وماتصالحنا سولفنا شويه ونمنا اجت عمه من الصبح وتصيح
اميرة : يلا بنات كومن
إيلا : خاله بعد وكت
اميرة : وكومي وبلا كسل بعد عما اروح اكعد الاولاد حتى تروحون على الصالون
كعدنا وتريكنا ورحنا نبدل بدلنا وكملنا وطلعنا اني وإيلا ولارا وايليف ويا تيم واسيل واسيا ويارا ويا إلياس وعمه اجت ويانه شغل اغاني تيم والطريق كلو نصفك ونهلهل علمود نتونس وصلنا ونزلنا وكعدنا ننتضر اول شي نادو اسيل واسيا واكو هم عالم كثير ف نحنا بس ثنين فاضيين النه والمشكله نحنا كثار 7 بنات وعمه 8
صارت بل 9:58 وحده كاعده على الكاشير كالت هسه شويه ويخلصون العروسات ويجي دور البنات كالت عمه
اميرة : عادي عيني اخذو راحتكم
فد ربع ساعه واجو ثلاثه وراحن وياهن يارا ولارا وايليف بقينه اني وعمه وإيلا كاعدات صارت 10 خلصن اسيل اسيا ورحنا اني وإيلا بمكانهن وكالت الي وحده
... اكو شي بالكي لو انا اعمل بكيفي
هاجر : شوفي اشنو يلوكلي وسوي
كالت خوش وبلشت نيمت الكرسي شويه وبلشت شو هيا بلشت اني نعست قفلت فد مره تقريباً نص ساعه وكملت مكياج بقت تسريحا كالت
... اكو بالج شي
هاجر : اي هسه اشوفج
طلعت تلفوني وشفتها صوره وكالت خوش وبل فعل سوتها نفسها توقعت ماتجيبها بس جابتها وبعدها عمه هم تمكيجت وسوت شعرها كملنا وماشفت لا اسيل ولا اسيا كلت يمكن اجه إلياس واخذهم لبيتهم حتى يبدلون ونروح ناخذهم وبعدها للقاعه اجه علينا تيم وإلياس جنت لابسه عبايه وشال على راسي لان مااحب اطلع بمكياج طلعت ويا تيم وإلياس اصلا مادحك بوجهي
كلت احسن بلكي يفك عني وصلنا البيت جانت بل 12:23 وعمه وامي ورسل وعمه تيماء موجودات يسون اكل فتنه وماما شافتني وكالت
مروة : ول قبانو اشكد طالعه حلو تعالي ابوسج
باستني ورحت بست عمه تيماء ورسل ورسل كالت
رسل : مكياجج يخبل وحتى البنات هم وين سويتو
هاجر : صالون بنت العز
رسل : اي كثير حلو
هاجر : ليش ماجيتي
رسل : شهم كال ماحاجه تروحين
هاجر : صحيح طلعو بره الموصل وعايشين باربيل
رسل : اي ويمنه مول.....
هاجر : جذب
رسل : والله
هاجر : العبي بيها هسه كل يومين تروحين بل مول تفترين
رسل : بس تفكرين بل فرران
هاجر : ماكو احسن من الفرران
كملنا حجي ورحت ابدل صحت ماما علمود البس ملابس بيت لان بعد وكت على الحفله كلت الماما
هاجر : وين البدله
مروة : بل قنصور
هاجر : احد شافها
مروة : بس عمتج مريم
هاجر : زين بيما غرفه خليتيها
مروة : بغرفت تيم هو كال خليها غادي
ساعدتني وبدلت علمود لا اخرب التسريحه ونزلنا جوه اكلنا وكملنا وعمه مريم وعمه تيماء كالن نحنا نغسل وماما ساعدتهم وعزلت المطبخ ومسحت الكاونتر والطباخ ونحنا رحنا انبدل لان صارت 2:33
اني وإيلا ورسل وايليف بغرفه ويارا ولارا بغرفتهم تيم هم راح يبدل وبعدها كملت تبدلين ورسل سوت مكياج الها عبالك مال صالون مكياجها جان حلو كثير كلت
هاجر........
..........
انتهى البارت
شنو رأيكم بل قصه
- يتبع الفصل التالي اضغط على (رواية قسوة احفاد ال هتان) اسم الرواية