رواية وهج الدمار الفصل التاسع 9 - بقلم ريو الطائي
البارت التاسع
-وهج الدمار-
-الكاتبه ريو الطائي-
لاتنسون المتابعة وتعليق بين الفراغات
وصلو التعليقات الف تعليق احتى تصعد القصه
وبس احبكم فرولاتي 😫🖤✨
_______________
.
.
.
.
.
اسميت ابسم الله ودخلت للمدرسه
وهج: دخلت واني خايفه شعور غريب
مدرسه جديده معلمات جديدات طلبات
ماعرفهن
دخلت للصف جان مليان بنات عفيه
شكد يسولفن هسه حسيت بدمار من يكولون
انتي اذا حجيتي شي سكتج
اضحكت بيني وبين نفسي نزعت الجبه
وخليتها بجنطه وكعدت شويه ودخلت
المدرسئه عرفت عن نفسها
واحنى هم عرفنها على نفسنه
كملت الدروس هيج محد يحجي وياي
ولا احجي وياه احد طلعت بره المدرسه
انتظر دمار واني ميته جوع شويه وجى
دمار وكف السياره ورحت علي
وهج: هلووو بابيي
هلا يعمري شلونج
وهج: تمام الحمدلله
بقى يباوع عليه وبتسم باوعت ؏نفسي
وهج: شبيك ليش تباوع عليه بابا
شتاقيتلج ماردت دخل للبيت
لان انتي مو بي
وهج: اويي بابا لا هيج تحجي
غديلج فدوه بنيتي
وهج: بسرعه وصلنا للبيت ميته جوع
خسه الجوع ياروحي هسه نروح
للبيت وتاكلين
هزيت راسي وسكتت وصلنا للبيت
واني دخلت اركض وهوه يعيط وراي
: لاتركضين وهجج
دخلت وصعدت اركض للغرفه ذبيت الجنطه
؏ الجربايه وخذت ملابس ودخلت اسبح
كملت اسبح وطلعت جان دمار كاعد ؏
جربايه وبيده جهازه راح اخذت المشط
وكعدت امشط بي كملت وباوعت علي
دمار
وهج: يلا ننزل ناكل جوعانه
يلا امشي ام كرش
فتحت الباب وطلعت قبله هرول
رحت ؏مطبخ جان كاعدات يحظرن
الاكل
وهج: ساعدجن بشي حبيباتي
زينب: لا يروحي انتي ماعدنه شي كملنه
وهج: ماشي
رحت وكفت يم زينب ونقل وياها الاكل
؏طاوله كملنا ورحت كعدت يم دمار
وبدينا ناكل الكل ساكت محد يحجي
؏اكل كملنا ورحت نقل المواعين وياهن
على مطبخ ساعدت زينب بغسل المواعين ورحت كعدت يمهم جانو يسولفون بمواضيع عادي
تقربت من دمار وردفت
وهج: راح ولي نطمر وبليل كعد اقرأ
غير
هزيت راسي وصعدت فوك
تمددت على جربابة وفكر
ليش جود طول الوقت ساكت
احس وراه شي بس شنو؟
اغمضت عيوني ورحت بنوم
ورا فتره كاعدت باوعت على 5المغرب
دمار ماكو مموجود كمت اغسلت وجهي
وطلعت الكتب وعدت اقرأ
مر وقت طويل ودمار ماكو اتصالت علي
بس مايجاوب طنشت وكملت اقرأ
شوي ونفتح الباب دخلت زينب باوعت عليه
زينب: كومي حياتي تعشي
وهج: بابا وين شو ماكو
زينب: عنده شغل طلع هوه وعمر ولحد
هسه مائجو كومي اكلي عاد
وهج: خلي يجي بابا واكل وياه
اجت عليه سحبتني عليها
زينب: كوميي اكلي هسه هوه اكل بره
هزيت راسي وكمت وياها نزلنا جوه يمهم
وهج: مساء الخير
الكل: مساء النور
جود: تعالي جوجو كعدي هنا
جان يحجي ويشئر على كرسي
الي يمه
هزيت راسي ورحت كعدت يمه ماحبيت فشله
كدام اهله كعدت اكل بس مالي نفس مو جوعانه
شوي ودخل دمار وعمر وسجاد
مدري وين جانو طالعين وجوهم مايكصها
الطبر اسلمو وراحو اغسلو وجو كعدو ويانه
باوع عليه دمار وباوع ؏جود وهز راسه
بمعنى بسيطه وجود يبتسم ويباوع على
دمار
وهج تعالي كعدي هنا
جيت كوم لزم يدي جود:
لا تكومين كعدي كملي اكلج
باوع عمر عليه وعلى جود
واضحك ودنك ياكل
وهجج ششنو كلت اني
الحجي: وليدي شتريد منها خليها تاكل شبيك وياها
كعدت ودنكت راسي حتى مايبقى يخوزر بيه
كملت اكل وكمت حتى اغسل
جيت اغسل وحسيت بركصه من خصري
باوعت وراي
وهج: اويي شبيك بس تكرص
سهلا تطنشيني مو ست وهج
وهج: غير كاعد اكل مايصير كوم
كز على سنونه وردف بحده
بت الوادم ماكو مكان تكعدين بي
اله يم جود عاجبج هسه سحلج انتي وياه
وهج: دوخر بس تخوزر على ساس خايفه
اجى يريد يلزمني وشردت رحت كعدت يم بيبي
شويه وجى كعد يمنى
سجاد: وهج تجين وياي نروح نشتري حلويات
كمزت بسرعه
وهج: اييي يلا كومم حباب
وين تريد بيها بهاذه ليل
سجاد: شعليك انته راح تروح وياي ماعليها
شي مو يالغمه
عمر: خلي تروح دمار منو يباوع لوجها
وهج: تغارر لان ماعندك جمالي
ابتسم وردف
عمر: اني منيلي جمال مزنجر بس انتي كمر بحاله
خنزره دمار
عمررر راح كوم كص لسانك ومحمد
بعد بس تحجي هيج
عمر: غير مثل اختي يابه لاتغار
هاي مو نوعي المفضل
سجاد: كافييي شبيكم يلا وهج كدامي
لا كسر راسج
وهج: مداك اني شعليه ليش تغلط
سجاد: مداج انتي صكيكه صكج يالغمه
يلا امشي
هزيت راسي وكمت وصلت للباب فززني صوت دمار
وين تروحين وانتي هيج لبسه دخلي
لبسي جبه فوك ملابسج
وهج: لا والله مااا
اني شنو كلت
باوعتله صفح وطلعت ركض من
البيت لزم سجاد يدي وطلعنا نهرول بشارع
وكفنا بعيد عن البيت ناخذ نفس
سجاد: الله يغضب عليج يالغمه
وهج: واني شكو راح هفك بوكس على
وجهك لاتغلطط
سجاد: دمشي لا وعلي هنا موتج
خنزرته ورجنا نمشي ونسوالف
وصلنا يم محل لزم يدي ودخلنا
وهج: ليش لزم يدي ماراح نهزم تره
سجاد: اشش راسج خلي بلكاع ينعل شكلج
وهج: شسويتت ليش؟
سجاد: اسكتي وصكيكه صكج
شترينه الي نريده وطلعنا من المحل
باوعت علي وردفت
وهج: عادي سئلك سوال
سجاد: كولي شنو
وهج: ليش هيج ماتحبون جود هوه مو هم اخوك
سجاد: منو كال مانحبه
وهج: تصرفاتكم تدل على هل شي
سجاد: بالعكس نحبه بس هوه مايحب احد
وهج: هوه يحجي وياكم عادي بس وياه دمار
مايحجي لا دمار يطيقه ولا هوه يطيق دمار
سجاد: سالفه طويله لادوخين راسج
صدك شعليج انتي بجود من هسه
كلج تحلمين تحبين احد
وهج: شلون يعني
دنك راسه وماجاوب اني هم سكتت بس شنو
يقصد بكلامه وصلنا للبيت جان محد موجود
كل واحد بغرفته حتى دمار بس بيبي كاعد تباوع
على تلفزيون
وهج: هلوو بيبي
هلا يمه تئخرتو صار ساعتين من رحتو وهاذه الثور تخبل مدري شبي
وهج: ياثور بيبي عدنه ثور واني مادري
فدوه خلي شوفه
صعدي فوك لغرفتج وشوفينه
وهج: شصعده فوك بيبي
صعد بعد شنو شصعده يلا روحي شوفي
هزيت راسي وخذت الحلويات وصعدت فوك
فتحت الباب جان دمار فاتح الشباك واكف يمه
ويشرب جكاير باوع عليه وهوه معصب عيونه ناطه
من العصبيه
سديت الباب وبقيت واكفه
كدررر عرف ليشششش تخرتوو
وهج: شبيك بابا اصلا مصارلنه هواي
من طلعنا
اي صحيح صار بس ساعتين وربع مو جثير
دنكت راسي وحجي بيني وبين نفسي هسه
يلا اعرفت ياثور تقصد بيبي
احجييي بصوت شكاعد تمضر***
وهج: كلشي ماكلت كاعد استغفر ربي شنو مايصير
وهجج هاي اخر مره احجي شي وماتسوينه
قسم بالله ياوهج شوفج وجهي الثاني
وهج: هسه انته عليش معصب يابابا خليك ريلاكس
ياعيوني
امسح على وجها وجى فتح الباب وركعه حيل وراح
عشتو وشسويت جنك ثور مداك
اخذت الحلويات وشغلت التلفزيون
وكعدت باوع مر تقريبآ ساعه ودخل دمار
باوع عليه صفح وجاب فراش وفرشه بالكاع
باوعت علي بستغراب
وهج: هاي شسوي بي بابا
ششوفين ست وهج ريد نطمر علي يرادلها علم
وهج: ليش تنام علي مو ؏ الجرباية
الحجيه تكول ميصير تنامون مكان واحد
وهج: ليش ميصير
حرام وهج اني لا ابوج ولا اخوج ولا زوجج
مايصير نام سوه بس اني ماجنت ريد ناام
بعيد منج بس منه وهيج راح انتي تنامين على
جربايه واني نام هنا كدر سويلج غرفه وحدج
ماريد خليج تروحين بعيد عن عيوني
وهج: يعني بعد راح نام وحدي اخاف
منين تخافين اني هنا يمج بنيتي
هزيت راسي وسكتت طفيت التلفزيون
ورحت كعدت على جربايه وهوه جان
يراسئل ويبتسم
وهج: ويه منو تحجي بابا
باوع عليه
وياه محمد بنيتي
وهج: تحجي وياه محمد وهيج امبتسم صدكتك
لاصدكين عادي مايهمني
خنزرته ورحت تمددت وغطيت نفسي
حاولت نام بس ماكدرت باوعت على دمار جان
نايم كمت من الجرباية واني امشي على كيفي
اخذت المخده ورحت تمددت قريب منه
مر وقت طويل واني باوع ؏ غرفه ضلمه
باوعت جوه الجرباية احس انو احد راح يسحب رجليه تقربت من دمار وفتح يده فزز وباوع عليه
شبيج وهج ليش نايمه هنا
وهج: فتح يدك بابا خايفه فدوه
امسح على وجها ردف
شحجينه بابا بس اول يوم بعدين تتعودين
تنامين وحدج ماكو شي يخوف يروحي
عيوني نملت دموع
وهج: فدوه فتح يدك حباب
شبيج عمري لاتبجين تعالي
نامي بحضني بنيتي
فتح يده ونمت عليها تقربت اكثر منه وخليت
راسي على صدره ورجلي على خصره
وصرت ابجي بصوت عالي
وهج: احضني بابا والله خايفه
بابا شبيج وين حضنج شويه وراح تنامين
عليه وين خليج بعد
وهج: اشش اسكت كله من وراك احضني
حباب
يلا كافي ابجي يروحي هياني يمج
ماعوفج بابا
اغمضت عيوني ونمت واني شهك
بقى يهدي بيه لحد مانمت
ماكعدت اله على صوت وضحكت عمر وسجاد وبيبي تحجي وياه دمار وتسب بي كمت باوعت على نفسي
نايمه فوك دمار راسي بركبته ونايمه فوكه وهوه
احضني من خصري
وخرني دمار وكعد عدل واني باوع عليهم
بستغراب وفرك بعيوني
الحجيه: ليش هيج منوم الفرخه
ماتخاف ربك مو حرام عليك
شبيج حجيه من الصبح
الحجيه : كوم لابارك الله بيك ليش هيج نايمه الفرخه
عمر: شنو هاذه دمار مو عيب هيج تنامون
انتوو شلون تدخلون للغرفه بدون ماتدكون الباب
سجاد: الحجيه كالت ريد شوفهم شلون ينامون
وقتحمنه الغرفه
الحجيه: هاي عود كتلك حرام نامو كل واحد مكان
هيج تنومها يمصخم
انتي مو كلتي نامو بالكاع هاي
نايمين بعد شتريدين
الحجيه: كتلك خلي تنام وحدها مو تنومها فوكاك
على هاي زعلانه مو تدللين بعد نومها جوايه
عمر: شنو من نومه هاي يابه نيالك
انجب وانتم شكو تدخلون وياها
سجاد: لزم نشوف بعيونه شكعد يصير هنا
متت اخجل هسه شيفكرون بيه وجهي
صار حمر من الخجل والفشله هاي اول مره
هيج نام كل مره صحيح نام بحضنه بس
بسرعه وخر منه
باوع عليه عمر وبتسم
: لاتنامين هيج بعد تره اثنين وثالثهم
الشيطان انتبهي بنيتي
كمت بسرعه ودخلت للحمام
ضليت كمز من الفشه هسه شلون باوع
على وجوهم يمهه
اغسلت وجهي وطلعت مجان كو احد احتى دمار
مموجود جبت ملابس المدرسه لبست بسرعه
ومشطت اشعري واخذت الجنطه مالتي ونزلت
جانو كاعدين يتريكون كلهم باوع عليه عمر بتسم ودنك دمار جان يلعب بجهاز ومطنكر مدري شبي
وهج: صباح الخير
الكل: صباح النور
الحجيه: تعالي يمه تريكي راح تتئخرين
هزيت راسي ورحت كعدت يمها وهيه تسوي الفات
وتوكلني اذكرت ماما من جنت ماقبل اكل هيه تسوي
لفات وتوكلني دنكت راسي
وهج: الحمدلله شبعت بيبي كافي
ماكلتي يمه
وهج: شبعت والله ماريد بعد
شتري من توصلين بنيتي لاتبقين بدون اكل
هزيت راسي وباوعت على دمار
وهج: يلا بابا مراح توصلني
عندي شغل بنيتي عمر راح يوصلج
وهج: ماشي
كمت وكفت يم الباب لبس بحذائي (العفو)
بين مايخلص اكل عمر شوي وجى وهو يفر بسويج السياره شرلي صعد صعدت كدام
حرك السياره واني ماباوع لوجها ابد متفشله
من الموقف
عمر: وهج
وهج: اهاا
عمر: عادي اسئلج سوال
وهج: كول
عمر: انتي ودمار يوميه تنامون هيج
دنكت راسي بسرعه يبووو هسه شجاوب
عزه بعيونك دمار الله يحركك سجاد
عمر: لاتستحين صدكيني ماريد غير مصلحتج
عتبرج مثل اختي ادري اول لقاء النه مجان زين
بس اني خايف عليج اعرف دمار مايفكر بيج
بغير شي بس الحذر واجب
وهج: لان جنت خايفه ونمت يمه ادري
ميصير نام يم احد بس اني من اول ماجيت هنا
واني نام بحضن دمار والله عتبره مثل بابا
عمر: اعرف بس ديري بالج على نفسج
وهج: لا كتلك لان جنت خايفه ماعرف شلون
نمت هيج
عمر: حرام بنيتي بعد ميصير هيج تنامين يمه
عتبريني مثل اخوج وريد مصلحتج ذا تحبين سويلج غرفه وحدج هيج مراح تتقيدين وتلبسين بكيفج
وسوين الي تريدينه
هزيت راسي وسكتت واني احس صار مغص
بطني من الخجل وصلنا للمدرسه جيت نزل
عمر: لحظا هاج مصروف من الخجل راح تطلعين
كبل
ابتسمت وردفت
وهج: عندي ميحتاج
عمر: تعالي غير اذا ماتخذين دمار يرميني
من فوك البيت
هزيت راسي وتقربت منه اخذت الفلوس
ودخلت للمدرسه
وهيج مرات الايام عمر كد كلامه سوالي غرفه
بصف غرفت دمار ونقلت كل اغراضي فرحت كلش
لان هسه كدر لبس بكيفي وكعد شكد ماريد على جهاز
دمار اول شي ماقبل بعدين وافق من شاف
صراري على موضوع طلعنا اني وزينب
للسوك وشتريت كل شي حتاجه
بيوم جنت كاعد بغرفتي اقرأ
واني ضهري يوجعني وابطني
عفت الكتب وتمددت بلكاع شوي وندك
الباب فتح الباب ودخل دمار عدلت كعدتي
شبيج بنيتي شنو يوجعني ليش وجهج صفر
وهج: ماعرف بابا فدوه ابطني توجعني حيل
كومي اخذج للدكتور احسن ماتبقين هيج
وهج: مابيه كوم والله
باوع عليه وامسح على وجها
بنيتي راح صيحلج زينب
طلع بدون مايسمع جوابي
شوي ودخلت زينب باوعت عليه وبتسمت
وهج: شبيج شكو
زينب: ولج كتملتي
باوعت على ملابسي وباوعت على زينب
وهج: دمار شافني واني هيج
باوعت عليه بصدمه
زينب: عززززه يمه شكد عيب
وهج: يمه وين نطي وجهي هسه يمه
كومي وياي هسه دخلي للحمام اسبحي
بين ماجيب حتياجاتج
هزيت راسي ودخلت للحمام الموجود بغرفتي
اسبحت انتظرت شويه وجت زينب جابت الشياء
الحتاجها وطلعت بعد ماعلمتني شنو سوي
كمت تمددت على جربايه طفيت الضويه
خليت بس الضوه خفيف جبت اكتاب وكعدت
اقرأ شوي ونفتح الباب
: بالي بقى يمج شلون صرتي بنيتي
بسرعه دنكت راسي واني متفشله يبووو على حظي وهج: مابيه شي زينه
ابتسم وكعد يمي على جرباية
لاتستحين بنيتي مابيها شي عادي هاذه
هزيت راسي وبقيت ساكته ماعرف شنو كول
الغرفه مو حلوه بدونج وهجي
عادي بابا تتعود صدك ليش ماتزوج
ليش تريدين تخلصين مني
لا مو هيج بس علمود ماتنام وحدك
اخخ لا خليني هيج احسن
طبك طوب فوك ماريدك تزوج
لسانج حيوانه
مااا بكيفي
اجى يريد يحضني بعدت بسرعه منه
باوع عليه بستغراب
شبيج ليش وخرتي
حرام مايصير ماتذكر كلام بيبي
انعل ابو بيبيتج
عزه بعينك بابا
كول نطمري احسن تره اني مو صديقتج
وهيج تغلطين راح كوم سحل بيج البيت كله
ايي يلا وره ماتطلع سد الباب لان ريد نام اوك بيبيي
باوع عليه صفح وطلع من الغرفه
بقيت كاعده من الوجع
نمت من وره التعب ولالم كعدت على شخص
يكعد بيه فركت عيوني باوعت
يلا بابا كومي تئخر الوقت
هزيت راسي وكمت غسل وهوه طلع
غسلت وكملت ولبست ملابس المدرسه
وطلعت نزلت يمهم
وهج: صباحووو
الكل: صباح النور
تعالي بابا اكلي بسرعه لان تئخرتي
جود: اني راح وصلها بطريقي
ماله داعي اني ماعندي شي اليوم
كعدت اكلت وكملت طلعت بره
انتظر دمار شوي وجى صعدت بسياره
شلونج اليوم بعدج تتوجعين
دنكت راسي وردفت
وهج: مابيه شي بابا
هز راسه وبتسم وصلنا للمدرسه دخلت
للصف اجى دينا بنت تعرفت عليها بصفي كلش
حبابه مو مثل باقي البنات هم شي عدها دراستها
دينا: هلوو شلونج
وهج: هلا عمري تمام وانتي
دينا: تمام الحمدلله
وهج: دومج حياتي
دينا: تسلمين: كلج حبيبتي عادي اسئلج سوال اسفه على تدخل
وهج: كولي عمري كو شي
دينا: لا بس منو الي تجين وياهم
وهج: الي يوميه اجي وياهم عتبرهم
مثل اخواني والي وصلني يوم هاذه بابا
دينا: الله يحفضهم الج
وهج: يبعد عمري
جت المدرسه وبده الدرس وهيج مرت
الدروس طلعت من المدرسه واني لبس بجبه مالتي انتظرت دمار بس ماكو احد والمدرسه بدت تفرغ البيت مو بعيد كلش من المدرسه يعني كدر روح امشي بس دمار مايقبل
وهج: يلا شراح يصير هاي مو البنات
يرحن للبيت امشي
بقيت امشي واغني وصلت للشارع العام باوعت وراي
شفت اچلب يركض بتجاهي متت بدمي صرت اركض الجبه مالتي نفتحت صرت مثل باتمان واني عيطط
وهج: يبوووووو بابا ساعدني
وهج: يمههه لحكيلييي
بقى اچلب يعوي وراي بصوت عالي
من الخوف وكعت على وجهي وصرت ابجي
شوي وجى ولد وكف كدامي
الولد: شبيج خويه
وهج: فدوه الجلب اجى راح ياكلني
الولد: كومي اخويه ماياكلج وين بيتكم
اني وصلج
وهج: لا شكرا ماريد بس بعد الجلب مني
اجى الجلب صار يم الولد
وهج: هياته وراك حباب طرده
تقصدين هاذه الجلب هو مالتي مايعض
وهج: الله ينتقم منك ومنه
كمت عدلت الجبه وكمت اركض للبيت
وصلت فتحت الباب واني عيطططط
وهج: دمارررررررررر
طلعو كلهم على صوتي باوعو عليه
الحجي: شكو شبيج بنيتي ليش هيج ملابسج
كلهن تراب دمار اجى عليج ومالكاج موجوده
صرت ابجي بصوت عالي تقدمت من بيبي
وحضنتني عبالهم بيه شي دخلتني للصاله
وكلهم منتظريني احجي صاير
اخابر علي ؏دمار احتى يرجع للبيت
الحجيه: احجي يمه شبيج وكعتي كلبي
نسام: اكيد مغتصبينها شوفي حالها
الحجيه: الله لايوفقج بيش طالبئه الفرخه
اجت زينب يمي كعدت ولزمت يدي
زينب: شبيج يروحي صاير وياج
مارديت بقيت بس ابجي
عمر: احجي عادي صاير يمعوده
احجي واني ناشغ من البجي
وهج: مصاير شي
ابو جود شلون مصاير ليش هيج شكلج لعد
مارديت شوي وهوه يركض باوع عليه وجى كعد قريب مني ويحجي بالهفه
شكو شبيج وهج ليش تبجين
وهج: ماا بيه شي
احجيي لعد ليش هيج شكلج
ادينج ليش هيج مجروحاتت
شهم: على كيفك وياها بدون عياط خلي
نفهم شبيها
وهج: مابيه شي والله بس الجلب اركض وراي وكعت
على وجهي
الكل باوع عليه صار الوضع هدوء
سجاد: عود صدك تحجين
ردفت واني امسح بدموعي
هج: اي والله واله شويه اكلني
الحجيه: عبالي بيج شي يمه وكعتي كلبي
باوع عليه دمار ولزمني من ايدي
وسحب بيه ؏درج
الحجي: يابه عوفها خطيه خايفه ماتعرف بعدها اصغيره
عمر: دمار عوفها شبيك لاهيج وياها ماشوف شلون تبجي
ولاهتم صعدني فوك لغرفته فتح الباب
دخلني وسد الباب باوع عليه وعيونه بكصته
من العصبيه صك على سنونه ولزم زندي قوي
انيييي كم مره كلت لاتطلعيييين من المدرسه وحدججج
وهج: اخخ يدي شبيك
احجيييي شلون تطلعين وحدج ماتخافين
على نفسج والدنيا اضهرررر
وهج: والله بعد ماعيدها فدوه بس
وخرر يدي توجعني
لوو شخص متعرضلج انييي شسوي بنفسييي
لشوكت تبقيننن غبيه تره انتي مو طفلهاااا
صرت ابجي وشهك وحاول وخر يده
من زندي بس مايفيد لزمني قوي
وهج: والله لان تئخرت طلعت وحدي
توبه بعد ماعيدها
وهججج جري عدللل احسلج تره اقسمم بالله
بعد ماخليج تروحييين للمدرسه لو يجي ر**
وهج: اي افهمت والله بس وخر
وخر يده من زندي ودفعني وكعت
على يدي صرت ابجي بصوت عالي من الخوف
ومن الوجع اجى عليه بسرعه
ولزم افكي قويي
كافيييي تبجييين
هزيت راسي وخر يده من افكي وصار
يفتر بالغرفه اخفت من شكله اول مره
شوفه هيج اعصبي وخصوصي عليه اني
كمت ريد طلع من الغرفه وكفت يم الباب
فتحته وطلعت لغرفتي كبل رميت نفسي
على جرباية وصرت اشهك من البجي
لحد ماحسيت نفسي تعبت
كمت اخذت ملابس ودخلت للحمام نزعت
ملابس ودخلت جوه الدوش واني دموعي
ماوكفت اسبحت وكملت فتحت باب الحمام
جان دمار كاعد ؏جرباية بس شفته
جيت رجع للحمام بس رفع راسه
شافني وجى قرب مني واني رجعت
وره ورجعت ابجي من جديد اول مره هيج
اخاف منه
وهج: تريد شي
تعالي كعدي ريد احجي وياج
وهج: مابينه احجي طلع من الغرفه رجائآ
وهجج احجي عدل لاتخليني امد يدي عليجج
وهج: انته شعليكك بيه مايحقلك تمد يدك عليه
لو تصرخ. ابوجهييي افهمتت وهسه طلع من الغرفه
ماريد شوفف وجهكك
امسح على وجها يحاول يخفي عصبيته
لسانج وهج ماريد اذيجج
وهج: شسويي انته منو وتتحكم بيه طالععع عاد
خلي نحجي ادري غلطت بحقج
وهج: ماريد احجي وياك ماجذبو من كالو مخبل
باوع عليه بصدمه كزز على سنونه اجى
عليه بسرعه وضربني راشدي ولزمني من شعري
تريدينن شوفجج المخبل شيسويييي
وهج: وخررر انته شلون تمد يدك عليه
وكسررر راسسججج هم ونعل شرف اهلج
بنت الكلب
وهج: لا تغلططط على اهليي الله لايوفقك ياحيوان
على ساس هسه الله موفقني ماشوفين
شلون مطيحح حظييي
وخر يده من شعري وكام
ماتوقعت توصل وياج لهنا وهج
توقعت من الكل يكولون عني مخبل بس انتي لا
ماجاوبت نزلت راسي وبجيت بكتمه
وهوه طلع من الغرفه وركع الباب وره
شوي ودخلت زينب باوعت عليه وجت احضنتني
جنت محتاجه احضن يلمني خليت راسي يم صدرها
وبجيت بصوت
زينب: شبيج يروحي ليش تبجين
وهج: زينب والله ماسويت شي
بس طلعت من المدرسه لان الجو حار
ودمار تئخر
زينب: هسه انتي عليش تبجين ضربج
ليش طلع معصب من اغرفتج صاير
وهج: كتله انته مخبل زينب
بس والله من حركت كلبي اني ممسويه
شي ليش يضربني هوه مايصيرلي شي ماله حق
هيج يسوي وياي
زينب: كافي اسكتي يروحي لاتبجين وهوه مايزعل منج كل مره تتعاركون ويرجع هوه يراضيج
وهج: ماريد يراضيني ولا ريد شوف وجها
اني على شنو باقيه هنا
زينب: ليش هيج تحجين وهج مايصير
حنى صرنا اهلج
وهج: اني ماعندي اهل اهلي الله يحركهم بنار جهنم
ان شاءلله ليش خلوني وحدي
زينب: استغفري ربج مايصير هيج تحجين
اهلج ميتين ليش هيج تدعين عليهم
وخرت من احضنها وشرت على باب
وهج: طلعي بره فدوه زينب ماريد شوف احد
زينب: ماكدر خليج وحدج يروحي
وهج: كلت طلعي ماريد اسمعج شي مايعجبج
هزت راسها وطلعت من الغرفه
طفيت الضويه وتمددت على الجرباية
بقيت ابجي لحد ماعيوني صارت حمر
من البجي كمت غسلت وجهي ورجعت
تمددت ونمت
كعدت الصبح على صوت المنبه
كل يوم دمار يكعدني تنهدت بتعب
وكمت لبست ملابس المدرسه
وسويت شعري كبايه وخذت
جنطه مالتي ونزلت
وهج: صباح الخير
الكل عده دمار: صباح النور
جان الكل يباوع عليه وعلى دمار
لان كل يوم ننزل سوه بعناده
رحت كعدت يم جود ماكلت بقيت مدنكه راسي
ماريد شوف احد ولو ماعندي متحان ماداوم
رفعت راسي باوعت على دمار جان كاعد يلعب بجهاز
ولا يمي خنكتني العبره ماريد ابجي كدامه الله يلعنك
كمت
وهج: وكلت يلا سجاد تئخرت عندي متحان
سجاد: انتظري وجع جوعان
جود: اني كملت امشي وصلج
الكل باوع على دمار يعرفون مايقبل
بس. هوه بقى مدنك على جهاز ماهتم
بسيطه يثور
وهج: يلا لعد حباب امشي نروح
جود: دللي روحي كدامي للسياره هسه اجي جوجو
ابتسمت وهزيت راسي وطلعت بره انتظره
شوي وطلع صعدت بسياره وهوه هادء
جود: متعاركين انتي وياه
وهج: اي هيج احسن لا هوه يدخل بيه ولا اني
دخل بي كل واحد حر بنفسه
جود: تدرين شوكت تصيرين ماتحتاجين
شخص بحياتج
باوعت علي وردفت
وهج: شوكت
جود: من تكملين دراستج وتتوضفين راح تعيشين
احسن حياه راح تركدرين ترجعين لبيت اهلج
ومحد يكدر يمنعج شهادتج هم من زعل
دمار منج خلي هاذه الكلام بالج جوجو
وهج: ماجنت اعرف انو انته هيج تفكيرك يجابي
وكلامك حلو
ضحك وردف
جود: عبالج بيه حاله نفسيه مو
وهج: لا مو هيج بس ماشوفك تحجي
هواي طول الوقت ساكت
باوع بعيوني
جود: وشدعوه هيج مركزه بيه
وهج: ويعع من جمالك كاعد عابتلك
اضحك وهز راسه وصلنا للمدرسه نطاني مصروف
وراح دخلت
وهيج مرات الايام اني ودمار صرنه مثل الغربه
محد يحجي وياه الثاني جود صار هوه الي ياخذني للمدرسه الطريق كله نخلصه سوالف بلبيت مانحجي
كلامه حلو واعي جان دئمآ يكول دراستج هم شي
خلي اهلج يفتخرون بيج حتى لو ميتين
بيوم جنت كاعده بالغرفه ضايجن ماعندي دوام
لان جمعه طلعت للمطبخ يم زينب جانت تحظر الاكل
وهج: زينب
باوعت عليه وردفت ببتسامه
زينب: اها يعمري
وهج: احجي وياه جدو ريد روح لمريم
فدوه والله كلبي طاك على شوفتها
زينب: تدرين دمار مايقبل تروحين يخاف عليج
وهج: اشش اسكتي هاذه الكلام قبل هسه اني
سوي الي ريده محد يحجي وياي
زينب: ليش هيج تحجين وهج شنو ماندخل
غير انتي وحده من هاذه البيت
وهج: واني مكايله شي ريد روح على صديقتي
حبابه احجي وياه
زينب: ماشي تدللين احجي وياه
رحت عليها وبوستها
وهج: اححح شكد احبج
اضحكت
زينب: يبعد بيتي انتي
شو وجو كلهم من الجامع صبينا الاكل
وكعدنه ناكل الوضع هدوء
زينب: حجي ريد طلب منك طلب
الحجي: احجي بنيتي شنو تريدين
زينب: وهج تريد تروح على صديقتها
مريم على تروح
باوع عليه
الحجي:شسوين تروحين بنيتي
وهج: مشتاقتلها جدو فدوه خلي روح
باوع عليه وبتسم
الحجي: تدللين يبعد عيون جدج
العصر جود يخذج عليها
ابتسمت وباوعت على دمار جان يريد
نفحر من العصبيه باوع عليه وردف
ماكووو روحه وهج
الحجي : خلي تروح وليدي شتريد منها
كلتت ماكو روحه لو تموت ماتروححح
وهج: وانتههه شعليككك لاتدخلل بيه
وهججج ورب الكعبة ندمج
عمر: شبيك دمار خلي تروح شنو حابسها
انته مالك علاقه بيها
الحجيه: هسه هيه وين رايحه يم صديقتها
قابل يم ناس غربه
انييي شنو اكليت خر* بس تروح راسها كسره
وهج: وانته شعليك بعدين اني ماحجيت وياك
كاعد احجي ويه جدو
وهججج لسانجج ليش تخليني اضربج
وهج: منو انته وتضربني مالك علاقه انته
هيييجج صار الحجي
وهج: اي شراح تسوييي
نسام: خلي تروح بلكت سياره تدعسها
ونخلص يوميه تسوي مشاكل
انتي اسكتي ماريد اسمع صوتجججج
سجاد: هاي شبيك دمار ستهدي برحمانك
ليش هيج تحجي وياها خطيه تريد تشوف
صديقتها
ماكو متروح لو تطلع نخله براسها ماتروححح
وهج: والله روح وغصبن عليك شسويلي مثلا
جود: ليش معصبه عادي مو اله اليوم تروحين
خليج لريلاكس
وانته شعليكككك بيها ليش تحجيي وياها
منو كلك بعدين خليها تروح
وهج: الكل اسمع كلامهم اله انته
هيج يعني بسيطه وهج
وهج: تره مخايفه شسوي يعني
كام من الكرسي وردف بحده
وهج بس تروحين ؏صديقتج بعد مالج كعده
بهاذه البيت.... ووو
_____________
برأيكم شنو راح يصير
بلبارت الجاي
لاتنسون المتابعة والتعليق بين الفراغات
علقو شكد متكدرون وبس احبكم فرولاتي
😫🖤✨
لاتنسون المتابعة والتعليق بين الفراغات علقو شكد متكدرون وبس احبكم فرولاتي😫🖤✨
- يتبع الفصل التالي اضغط على ( رواية وهج الدمار) اسم الرواية