رواية كنت وحيدا لكنك اتيتي الفصل التاسع 9 - بقلم مريم محمود
يوم جديد ملئ بالاحداث
. . . . . . . . . . . . . . . . . . . . . .
عند يارين لسه واصله شركه وملقتش حد غيرها خالص
يارين لنفسها : اي الهم ده ي ربي اي جابني انا واعمل اي دلوقت
سليم : اتفضلي ع مكتبك
يارين : اي جابك دلوقت خضتني
سليم : اجي في الوقت اللي انا عاوزو
يارين : بس متخضش الناس يعني
سليم : براحتي بس يعني المهم مكتبك فوق وكمان كام ساعه ونورا هتيجي
يارين : وانا اي جابني دلوقت مفيش حد مفروض اعمل اي يعني
سليم : كيفي كدا
يارين : طب فين مكتبي
سليم : مكتبك هيبقي جمب مكتبي
يارين : يارب ارحمنا
قاطعهم صوت رن تلفيون يارين
يارين لسليم : بعد إذنك هرد
سليم : اتفضلي ردي قدامي
يارين مسكت الموبيل
يارين : الو ؟
عم سعيد بفرحه : الو ي انسه الفلوس وصلت شكرا بقي
يارين بتوتر علشان سليم كان بيبصلها بفضول
يارين : حد يتصل ع حد في وقت زي ده ده لسه الفجر مادن
عم سعيد : منا قولت اطمنك ومتقلقيش ابني مسح الصور حتي خليته يبعتلك فيديو وهو بيمسحهم
يارين : كتر خيرك والله ادي فلوسك وصلت اتمني مشوفش وشك تاني
عم سعيد : ماشي ي انسه متشكرين و يلا ي انسه مع السلامه
يارين : في ستين الف داهيه تشيلك ي راجل ي زباله
عم سعيد : مقبوله ي انسه مقبوله منك
قفلت يارين الموبيل
سليم باستفسار : مين ده؟؟
يارين : حاجه خاصه ع فكره
سليم : ده اللي حولتيله الفلوس ؟
يارين : قولت حاجه خاصه لو سمحت
سليم : ماشي براحتك اتفضلي اطلعي
يارين : هطلع شكرا
سليم : طب اتفضلي
يارين : منا هتفضل
سليم : طب متيلا
يارين بعند : لا براحتي بقي امشي براحتي اتفضل او متفضلش براحتي حاجه بتاعتي محدش يدخل فيها
سليم : حضرتك متخلفه ولا اي
يارين بعصبيه : اناااا متخلفهههه !
سليم : انا طالع
يارين : ماشي اتفضل
سليم : اتفضل او متفضلش براحتي حاجه بتاعتي محدش يدخل فيها
يارين : انت يعني كدا مثلا فاكرني هتغاظ
سليم : براحتي انا مديرك هنا و بعدين ع عموم يعني المكتب في الدور ال13 اظن يعني انتي شوفتيه المره اللي فاتت
يارين : طب ده مكتب حضرتك فين مكتبي انا
سليم : انتي مبتفهميش ولا اي منا لسه متنيل قايل مكتبك جمب مكتبي
يارين : انا مبفهمششش ي سلايممم بيه !!
سليم بغضب شديد : انا اسمي سلايم ؟؟؟؟؟
يارين بخوف : احم احم لا لا انا كنت بقول عاوزه اعمل سلايم حضرتك اتعصبت كدا لي
سليم : ماشي ي سكره انتي
يارين : طب مفروض شغلي اي يعني انا دلوقت
سليم : انتي هتنظمي ورقي ومواعيدي ونورا هتساعدك لحد متتعودي واه ممنوع حد يدخل مكتبي الا متقوليلي و اللي بيعدي ع مكتبي مفروض بيدخل ع مكتبك الاول و لو حد عاوزني تخشي تقوليلي
يارين : حاضر
سليم بعصبيه : و ف 3 حاجات بكرها جدا ف شغلي
يارين : استر يارب اي هما ي سليم بيه
سليم : اول حاجه بكرها الغباء وتاني حاجه عدم سماع الكلام وتالت حاجه التاخير واخر حاجه بكرها الخيانه
يارين : طب دول اربعه حضرتك قولت تلاته
سليم بغضب : انا مبهزرش ع فكره ياريت كلامي يتسمع
يارين : طب كلو معقول ومعروف اما اي الخيانه دي بقي معلش اخونك ازاي يعني انا
سليم : ورقي يطلع برا او حاجه تخصني
يارين : حاضر حاجه تانيه ي بشمهندس ؟
سليم : لا اتفضلي بقي ع مكتبك
يارين : طب بعد إذنك
. . . . . . . . . . . . . . . . . . . . . .
عند عمام يارين
إبراهيم : احنا سبنها هنا بص كدا ع اي كاميرات
قاسم : مفيش اي كاميرات متعلقه هنا خالص
إبراهيم : ازاي اكيد فيه
قاسم : لا في واحده اهي
إبراهيم : فين فين
قاسم : فوق البقاله دي
إبراهيم : طب تعالي ورايا ندخل نشوف
قاسم : يلا
إبراهيم للكاشير : السلام عليكم
الكاشير : وعليكم السلام
إبراهيم : كنا عاوزين نشوف الكاميرات لو سمحت
الكاشير : مش هينفع والله لازم مسئول المكان يبقي موجود وهو مش موجود حاليا
قاسم : لي مش ينفع احنا لازم نشوف الكاميرات دي ضروري
الكاشير : صدقني ي فندم مش هينفع ممكن حضرتك تستني شويه وانا هكلم المسئول
إبراهيم : طب قدامو قد اي كدا
الكاشير : مش عارف هكلمو
قاسم : طب اتفضل
الكاشير مسك الموبيل كلم المسئول
الكاشير : الو ي فندم
المسئول : الو في حاجه في الشغل ولا اي
الكاشير : لا خير ي فندم بس كان في اشخاص عاوزين يشوفو الكاميرات
المسئول : انا مش موجود في القاهره النهارده بس حاول تمنعهم ولو اصرو وكدا اعرف السبب ولو الموضوه ضروري خليهم يشوفو الكاميرات بس بوجودك وحد معاك
الكاشير : تمام ي فندم انا اسف عن الازعاج
المسئول : لا عادي لو حصل حاجه قولي
الكاشير : تمام ي فندم
المسئول : يلا مع السلامه
قفل الكاشير الموبيل
إبراهيم : اي قالك اي
الكاشير : للاسف مش وافق وهو برا القاهره حالياً
قاسم : ملناش دعوه احنا جايين من اخر الدنيا مخصوص علشان الكاميرات لازم نشوفها
الكاشير : صدقني ي فندم مينفعش
إبراهيم : الموضوع خطير لو سمحت احنا لازم نشوفها
الكاميرات
الكاشير : اقدر اعرف السبب ؟
إبراهيم اتوتر
قاسم : اه اه طبعا احنا سبنا بنت اخونا هنا وهي زعلانه مننا ومش راضيه تروح معانا ولا عرفين نوصلها ف جينا هنا نعرف مكانها
الكاشير : طب اتفضلو معايا ع اوضه الكاميرات
قاسم : اه طبعا شكرا لحضرتك
دخلو اوضه الكاميرات والكاشير قعد ع كرسي قدام الكمبيوتر
الكاشير : اقدر اعرف يوم اي والساعه
قاسم بهمس ل إبراهيم : بلاش يشوف واحنا سيبنها بليل فا خليها موعد تاني
إبراهيم بهمس : حاضر كنت عارف
الكاشير : حضرتكم بتقولو حاجه
قاسم : لا لا ابدا
الكاشير : طب انا كنت عاوز اليوم والساعه
إبراهيم : يوم *** الساعه 7 الصبح
الكاشير : تمام اتفضلو اهو
هنا بداو يتفرجو وكانت يارين قاعده بتتكلم في الموبيل
قاسم : سرع الوقت
الكاشير : حاضر
هنا كاشير سرع الوقت ووصلت الساعه ولقو دعاء
قاسم : استني استني ارجع تاني كدا
إبراهيم : مين دي ملامحها مش باينه
الكاشير : ثواني هكبر الصوره
قاسم عينو لمعت : دعاء !
إبراهيم : دي طلعت دعاء
قاسم : اي جابها هنا ولي هي نازله من العربيه دي ومين بيسوق العربيه
إبراهيم : اهدي ي قاسم ممكن جوزها
قاسم : لا لا هي اتطلقت انا عارف كويس
إبراهيم : طب تعالي نطلع من هنا
الكاشير : حضرتكم عاوزين حاجه تانيه
إبراهيم : لا شكرا
طلع إبراهيم وقاسم برا
إبراهيم : مالك في اي
قاسم بفرحه : دي دعاء
إبراهيم : في اي ي قاسم مالك كدا منا عارف انها دعاء
قاسم : يااهه ي دعاء
إبراهيم : قاسم انت كبرت ع كلام ده الكلام ده كان زمان اللي بينك وبين دعاء انتهي من زمان وقصة حبكم خلاص انتهت انت دلوقتي متجوز ومعاك عيال
قاسم بعصبيه : اهدي ع نفسك في اي هو انا اصلا اتكلمت في حاجه
إبراهيم : طب مش وقتو هنوصل ازاي لدعاء دلوقت
قاسم : مش عارف
إبراهيم : طب فكر كدا
قاسم : انا عارف بيت دعاء
إبراهيم : كويس اوييي احنا نستني تحت بيتها لحد ما يارين تنزل او دعاء نفسها
قاسم : تمام
إبراهيم : متزعلش من كلامي مقصدش حاجه
قاسم بزعل : لا فداك عادي
إبراهيم : انت لسه بتحبها بعد العمر ده كلو يعم
قاسم بزعل : هو بُعدنا كان بالساهل كدا
إبراهيم : انت دلوقتي راجل متجوز ومعاك عيال فكر بعيالك
قاسم :حاضر
إبراهيم : تعالي بقي نروح نستني تحت البيت
. . . . . . . . . . . . . . . . . . . . . .
عند ياسين
ياسين : اتفضل
العسكري : دي البنت اللي جت من فتره
ياسين : انتي تاني
شمس : انا مالي انتو اللي جبتوني
ياسين : اطلع انت برا
العسكري : امرك ي باشا
العسكري طلع برا
ياسين : اي حكايتك تاني
شمس بزعل : مدفعتش الفلوس
ياسين : يعني معني كدا انك مفروض تقعدي ف سجن لحد ما حد يدفعلك
شمس بزعل : عرفه
ياسين : مش تقلقي يعني هتتطلعي بسرعه اكيد هيفتكروكي
شمس بابتسامه حزن : لا شكلي هقضي نص عمري هنا
ياسين : اممم
شمس بضحك : فكك بس كويس فرصه جمعتنا تاني اهو بعتذر بقي عن سؤء التفاهم اللي حصل بينا
ياسين : انتي بتكلمي ظابط شرطه مش بتكلمي صاحبك
شمس لنفسها : يارب ارحمني
ياسين بغرور متصنع : متقبل اعتذارك مش تموتي نفسك علشاني
شمس برفع حاجب : اموت نفسي لي معلش
ياسين بغرور : احم احم علشان يعني لاكون مش متقبل اسفك
شمس : عنك ما اتقبلتو ي سكر
ياسين : ايي قولتي اي
شمس : ولا حاجه ولا حاجه طبعا هموت نفسي ازاي حضرتك مش تتقبل اسفي
ياسين ضحك من تحت لتحت علشان سمعها
شمس : يعني دلوقت مفروض اروح السجن صح؟
ياسين : اه
شمس : هناك نسوان غريبه صح ؟
ياسين بكتم الضحكه : اه طبعا مستنيه اي
شمس بتعجب : الله يعني هلاقي ست ام سماح اللي في اللالالاند
ياسين : نعم يختي
شمس : الله بجد اتصدق نفسي في ايس كوفي مشربتهوش من زمان ويكون مسكر يارب الاقي عند ام سماح الحمد لله شكل السجن هيطلع حلو
ياسين : يعني كل طموحك في ايس كوفي
شمس : اه والله اوي ويكون ساقع جدا جدا
ياسين بيعلي صوته : عسكري ي عسكري
العسكري : نعم ي باشا
ياسين : قول لعم ممدوح واحد ايس كوفي ساقع جدا جدا ومسكر
العسكري : من عنيا تؤمر بحاجه تاني
ياسين : لا اتفضل
العسكري : بعد إذنك
شمس بعصبيه : طب ع فكره انا مكنتش عاوزه حاجه مبحبش حد يجبلي حاجه بقي
ياسين : لا ده ليا انتي افتكرتي اي
شمس بكسوف : احم احم ولا حاجه
. . . . . . . . . . . . . . . . . . . . . .
عند سليم
سليم : حضري ميتنج الساعه 3 ضروري
يارين : بس حضرتك وراك معاد الساعه 3
سليم : الغي بس لازم اعمل ميتنج مع كبار الشركه ضروري
يارين : تمام
سليم : اه وانتي هتكوني موجوده
يارين : حاضر
سليم : هي نورا برا ؟
يارين : اه قاعده تظبط في ام شعرها و وشها ومش بتساعدني
سليم : احسن
يارين : طب انا تعبت اوي بجد خفف عني شويه
سليم بتركيز في الورق : اعمل اي يعني
يارين : ممكن حضرتك تغير المعاد
سليم بعصبيه : انا سليم الحربي اللي مش بيرجع في كلمتو وانا قولت المعاد
يارين : وانا ذنبي اي طب الحمل تقيل عليا
سليم : اولعي اعملك اي منتي اللي حطيتي نفسك هنا
يارين بعصبيه : لا مش بمزاجي والله ده انت اخر واحد افكر اشتغل معاه هي الظروف اللي حوجتني ليك
سليم : خلاص الظروف حوجتك يبقي تحطي الجزمه في بوقك
يارين : انت بتتكلم كدا لي معايا
سليم : قوتلك براحتي ي شحاته
يارين عيطت مقدرتش تمسك دموعها
يارين بعياط وزعيق : انا مش شحاته انا معايا فلوس ع فكره بس دافعت عن اختي الميته مش اكتر وشكراً ع كلمه دي بس والله انا مش مسامحاك ع اللي انت بتعملو كلهم برا قاعدين وماسكين الشاي والقهوه وبيتكلمو وانا الوحيده اللي طالعه نازله وكمان مانع عني الاسانسير
سليم بعصبيه : مفيش حد يقدر يتكلم في الشغل هنا
يارين بعياط : تقدر تفتح الكاميرات وع عموم شكرا بعد إذنك
سليم بتلعثم : ط .. طب ع فكره انا مش بعمل كدا بمزاجي
يارين : لا والله يعني اي
سليم : انا باخد حقي
يارين بدموع : حق القلم مش كدا يعم اضربني نفس القلم بس حرام والله اللي انت بتعملو لي انت كدا انت قلبك حجر لدرجادي
يارين مشيت وقعدت تعيط في مكتبها
نورا : اي ده هو انتي بتعيطي من اولها كدا منا قوتلك
يارين : طب لو سمحتي اسكتي دلوقت واطلعي وخدي الباب في ايدك ولما تخشي خبطي
نورا : ههه براحتك
. . . . . . . . . . . . . . . . . . . . . .
عند عمام يارين
قاسم : هو محدش طلع فيهم لي ده كلو
إبراهيم : اكيد هما مثلا في اشغال او حاجه
قاسم : ينفع اسالك سؤال
إبراهيم : اسال ي اخويا
قاسم : احنا بنعمل ده كلو لي
إبراهيم : اي ي قاسم في اي لي بتسال
قاسم : رد عليا بس
إبراهيم : علشان ناخد حقنا من ابوك واخوك سيد
قاسم : متاكد
إبراهيم : اه ي قاسم في اي مالك
قاسم : ولا حاجه بس اياك ي إبراهيم تأذي دعاء
إبراهيم : وانا مالي ي قاسم بدعاء انا جاي لهدف بس لازم نحط خطه
قاسم : اي هي
إبراهيم : بص انا بقول نروح دلوقت ونبعت الشباب يرقبوهم
قاسم : ودعاء مش لحقت اشوفها
إبراهيم : اي تقصد اي
قاسم : اقصد يعني ولا حاجه
إبراهيم : طب نروح احنا وهنبعت الرجاله وعلشان خاطرك هنبه عليهم ملهمش دعوه بدعاء
قاسم بابتسامه : ماشي
. . . . . . . . . . . . . . . . . . . . . .
عند ياسين
عم ممدوح : اتفضل ي باشاا احلي ايس كافيتريا
ياسين : لا يعم ممدوح ده اسمو ايس كوفي
عم ممدوح : ايوا يعم منا عارفو الولا ابني علمهولي
ياسين : انت هتقولي
عم ممدوح : اهلا ي انسه منوره القسم
شمس بضحك : ده بنورك يعم ممدوح تسلم
عم ممدوح : انا حاسس اني شوفتك
شمس بضحك : اي يعم ممدوح مش فاكرني
عم ممدوح بتعجب : شمس
شمس : اخيرا افتكرت
ياسين : هو انتو تعرفو بعض ولا اي
عم ممدوح : يالهوي طبعا نعرف بعض دي شمس كانت بتعملي اكل لما كان مش معايا فلوس وكانت تقعد تعيط وتتحايل عليا اخد لعيال
شمس : ربنا يخليك ي عم ممدوح وحشني والله
عم ممدوح : وانتي اكتر ي شمس ي بنتي بس هعدي عليكي بليل بقي اكل احلي اكل من ايدك
شمس بابتسامه زعل : مهو معدش فيه بقي متجيش
عم ممدوح : لي خير ف اي
شمس : العربيه اتشالت بقي ربنا يعوض عليا
عم ممدوح بصدمه : يالهوي ي بنتي طب هتعملي اي اهلك مش هيعبروكي
شمس : احم احم هنتكلم بعدين هكلمك ع موبيل ي عم ممدوح
عم ممدوح : ماشي ي بنتي ربنا يعوض عليكي والله انا زعلان اوي
شمس : خير ان شاء الله
عم ممدوح : يلا مع السلامه عاوز حاجه ي باشا
ياسين : لا يعم ممدوح اتفضل
عم ممدوح مشي
ياسين : اتفضلي ايس كافيتريا
شمس بضحك : شكرا انا قوتلك مبحبش حد يجبلي حاجه
ياسين : اصلا بضحك عليكي الايس كافيتريا ده بتاعي
شمس : اشربو كلو ي اخويا
ياسين لسه بيشرب راح تفو
ياسين : يالهوي اي دهه
شمس : ف اي
ياسين : اي السكر ده كلو
شمس : هو انت مش عارف سكرك ولا اي
ياسين : انا اصلا مش باكل سكريات ولا بشرب حاجه فيها سكر خالص
شمس : اههه ولي بقي جايب ايس كافيتريا مسكر
ياسين : عادي يعني نسيت
شمس : اه نسيت
ياسين : اشربيه انتي
شمس : شكرا
ياسين : خلاص هرميه
شمس : لا لا حرام اشربو
ياسين : لا مقدرش هتعب لو شربتو
شمس : طب هات هشربو انا امري لله
ياسين اداها الايس كوفي
شمس : الله ده روعه بجد
ياسين : اشربيه يختي بالهنا
شمس : هشربوووو كلووو
ياسين ضحك ع طريقتها
ياسين بتفكير : انا ممكن اساعدك
شمس : ازاي
ياسين بغرور : مش علشانك طبعا علشان عم ممدوح هو والايس كافيتريا بتاعو
شمس ضحكت
شمس : اه بقي ازاي
ياسين : ممكن ادفعلك الفلوس عادي
شمس برفض تام : لا طبعا انا مبحبش اخد من حد حاجه
ياسين : طب يستي عادي ابقي ادهوملي لما تشوفي شغل كويس
شمس : صعبه مش هعرف ادهملك تاني غير كدا انا مش هعرف اشتغل انا موقفه تعليم من اعدادي
ياسين باستغراب : لي
شمس : ولا حاجه مش تشغل بالك
ياسين : كلهم 20 الف مش حاجه يعني صدقيني هتسديهم وهشوفلك شغل كويس من معارفي
شمس : صعبه صدقني صعبه اوي
ياسين : عادي والله اعتبريني اخوكي وبساعدك وانا واثق فيكي يعني انك مش هتسرقيهم وحتي لو يستي سرقتيهم انتي عادي
شمس بضحك : يعني يوم لو هسرق اسرق من ظابط ده حظي كدا منيل
ياسين بضحك : انتي عادي مش هعمل حاجه
شمس : وانا لي بقي
ياسين بحب : علشان عيونك الحلوه
شمس : احم احم اكيد بتتريق ع عيني
ياسين : هو في حد بيتريق ع العيون الملونه الخضرا
شمس : اه بيقولو شبه العفريت
ياسين : دي ناس صفرا بس المهم اي قولتي اي
شمس : صعبه اوي بجد
ياسين : لي صعبه طب فيها اي
شمس : طب هفكر
ياسين : تفكري اي انتي لو طلعتي من هنا هتروحي السجن
شمس : تمام موافقه بس هنفضل ع تواصل علشان ارجعلك الفلوس اول ما انت تشوفلي شغل
ياسين : اتفقنا ي معلم
شمس : اتفقنا ي رجوله
. . . . . . . . . . . . . . . . . . . . . .
اسفه ع تاخير♡
. . . . . . . . . . . . . . . . . . . . . .
- يتبع الفصل التالي اضغط على ( رواية كنت وحيدا لكنك اتيتي) اسم الرواية