رواية وهج الدمار الفصل الثاني و الثلاثون و ااخير - بقلم ريو الطائي
البارت الاخير
-وهج الدمار-
-الكاتبه ريو الطائي-
لاتنسون التصويت والمتابعه وتعليق بين
الفراغات علقو الف تعليق احتى تصعد
القصه احبكم فرولاتي 🥺❤✨
---------------
.
.
.
.
.
ماتريد تجي تسئلم على امك دمار
باوعت على دمار وجعت باوعله يعني
هاي ام دمار عاط بيها بصوت عالي
طلعيييييي من البيييت انيييي ماعندييي
ام اسمعتيييي شعندججج جايه بعد
كل هاي الاسنيييين
ابتسمت لدمار وراحت كعدت على الكرويته
وتحرك بشعره
فرح: جيت اشوفكم لان هواي مشتاقتلكم
غير جهالي
هسه يلا تذكرتينه شتريدييين
انتي بالضبط
فرح: مو عيب هيج تصرخ على امك
بس شنو هاي دمار صاير عندك بنيه
مثل الكمر
طلعييي منااا محد بينا يريد يشوف
وجهج مو انتييي التخليتي من عدنه
من جنه صغار ومحتاجيج
شكو جايه هسه
ماردت باوعتلي ورجعت باوعت على دمار
فرح: هاي مرتك شو مو حلوه الكل يسوالف
بجماله بس طلعت بس كلام
اخلت الجمال الج هم شي عده شرف
مو مثل غيرها بايع نفسه
ابو دمار: وهسه حجيتي دمار ومايريدج
طلعييي من البيت كح**
فرح: صدك اذكرتني وين مرتك لعد اريد
شوفها نسومه ماعرف بصراحه شلون
قبلت تبقى وياك وتخلص عمرها وياه
واحد شايب مثلك
عمر: صح احنى ماانحبه بس ؏ اقل هيه
مااشتغلت بالملاهي وصارت من واحد
لواحد
خزرته وعاط بي بصوت
فرح: انجب شلوننن تحجييي هيججج
وياه امككك بس شيطلع من عدكم ذاا
ابوكم هاذه الشايب
مووو ابونه ولا انتيي امنه احنى مانريدككك
انتييي عفتينه من احنى اصغار وهوه
عذبنه وهسه طلعييي من البيتت
مانريييد نشوف وجهججج
ماردت ابقت كاعده وتباوع عليهم سجاد
مااحجه بس مدنك راسه وابو دمار
تخبل صار يعيط بصوت عالي يريده
تطلع من البيت
اخذت كايا وشلته وباوع عليهم
وهيه ولا مهتمه طك بالعلج شوي
ورجعت حجت
فرح: كافي تخوزرون بيه ابقى امكم
شما سويت افهمتم
عمر: مصدكه نفسج هواي طلعيي من البيت
احسلجج ليش تخلينه نطلعج بالغصب
فرح: ليش هيج تحجي مو على اساس
انته العاقل وتخاف الله مايصير هيج
تحجي وياه امك حبيبي
لو بيج خير جان من هوه واصغير تعلمينه
الصح من الغلط مو هسه من صار اجبير
جايه تحجين هيج
فرح: شبيك وياي دمار شلون تحجي عليه
كدام العائله كلها حياتي
كافييييي مضرط* طلعييي من البييت
انتيي شنووو ماتفهميين جاي تستغبين
علينااا
فرح: اخلص رايحه بس جيت احتى شوف
حفيدتي واروح وصح الله يرحمه ابنك المات
بعده اصغير بس يلا شسوي بالطفال
مارد دمار صار يفرك براسه ويباوعله
كامت هيه واجت واكفت يمي تباوع
على كايا لزمت ايده وبتسمت
فرح: يمه فدوه شلون عندي حفيده
حلوه شو كولي بيبي
كايا: ببي
فرح: شنو هاذه الصوت الحلو كايا
حبيبتي
اضمت وجها كايا بركبتي وتضحك
ابتسمت هيه على ضحكته واكفت
عدل تباوعلي
فرح: انتبهي عليها وعلى دمار ومبروك
على الطفل الجديد الراح يجي
باوعتله بصدمه عزه هاي شدراها
باوعت على دمار وابقى اسكت
ويشرب جكاير ويباوعله وعيونه ناطه
فرح: شبيج مستغربه اني اعرف كلشي
عن حياتكم هسه لزم اروح وان شاءلله
هاذه مو اخر لقاء لنا
عمر: مانريييد نشوف وجهججج بعد
اسمعتيييي وهسه ستعجليي وطلعي
مناا
فرح: رايحه حبيبي لاتعصب مو زينه
العصبيه الزايده تسببلك تجاعيد ماشي
خلصتي يلا طلعي ومانريد نشوف
وجهج مره ثانيه حسافه بيج كلمه
ام
ماردت ابتسمتله بحتقار وباست كايا
من خده ضحكت بصوت عالي وطلعت
من البيت
باوعت على دمار اخذ المزهريه وكسره
وصار يكسر بيهن وحده ورا الثانيه
وعيط بصوت عالي
خافت كايا من صوته وبجت حضنته
حاول اهديها رفع راسه باوعله وامسح
على وجها اخذ السويج من الكرويته
وطلع من البيت باوعت على عمر وسجاد
عمر واكف وعينه على مكان الجانت كاعده
بي وسجاد صعد لغرفته والكل ابقى
اساكت جدو وبيبي ماجانو موجودين
اخذت كايا وصعدت فوك لغرفتي
خليته على جربايه وتنهدت بصوت
يمتى راح نعيش مرتاحين بدون مشاكل
راح انبقى هيج يوميه طالعه النا سالفه
جديده والله تعبت مو عيشه هاي
اخذت ملابس ورحت للحمام اسبحت
بسرعه وطلعت الجو حار شغلت المكيف
وطفيت الضويه ورحت كعدت يم كايا
وامشط بشعري كملت واخذت الجهاز
واتصالت على دمار اكثر من مره بس
مارد تركته على راحته اخذت كايا
ونزلت جوه يم مريم بالمطبخ
وهج: كلج جوعانه شنو مسوين غده
مريم: مسوين فصوليه تريدين اصبلج
حبيبتي
وهج: اي عفيه ميته جوع احتى دمار
جوعان سوده عليه من ورا فريحه مااكله
سجاد: اني هم جوعان اصبيلي وياج
مريومه
مريم: تدلل
اجى سجاد واكعد كدامي على كرسي
باوعتله عيونه حمر
وهج: شبيك سجاد ليش اساكت احتى
ماحجيت وياه امك ولا كلمه
سجاد: استغفر الله شنو امك امي ميته
ماعندي ام من اني واصغير يتيم وراح
ابقى يتيم
اسكتت وبقيت باوعله باوعلي وابتسم
سجاد: تدرين احسدج لان انتي عشتي
وياه امج وابوج وهمه يحبوج احتى
وان ماتو وانتي اصغيره هسه من
تذكرينهم تفتخرين بيهم وشلون جانو
يتعاملون وياج ومدللينج بس احنى
ماعشنه مثل حياتج من اصغار واحنى
فاقدين الحنان مااكو احد يسئلن علينا
لو يكون وين رحتو وين رجعتو
وهج: لاتزعل سجاد محد جان فرحان
بحياته كل شخص واعاش ضروف
صعبه سوء من الاهل لو من شخص
تخلي ثقته بي ويخذلك اله مايجي
يوم وتفرح وتنسه كلشي صار وياك
هز راسه ومارد اسكت اجت مريم واخلت الاكل
كدامنه وهيه كعدت ويانه باوعله سجاد
سجاد: على ماعتقد قبل شويه شفتج
تاكلين شسوين هسه كاعده ويانه
باوعتله وهيه تخلي المرك فوك التمن
وحجت
مريم: مااكلت بس شويه والله بعدين
انته مخلي عينك على اكلي شكد نحس
سجاد: انجبي واكلي عدل عابت شلون وجهه
مداج انتي وهاي الغمه
رفعت راسي باوعتله
وهج: واني شكو طاح حظك
سجاد: حجيت وياج جاي قصد كايا
لو عرفتي هاذه لقبج
مريم: اريد هاذه الطرشي اليمك انطيني
ياه فدوه
خزره واخذ الصحن اخله يما على صفحه
سجاد: اكلي خر* هاذه مالتي شبيج
مفجوعه
ماردت اخذت الصحن من عنده كوه
واخذته تاكل بي ضحكت على سوالفهم
صارو كون اخذت كايا
وغسلت وجهه ورحت اكعدت بصاله
فتحت الجهاز مااكو دمار مارد رجعت
اتصالت مره مرتين يلا رد فتح الخط
وسمعته عاط بيه
شترييددييين علششش تتصلييننن
ماتخلووون واحدد يرتاااحححح الله
يااخذنيييي واخلص منكككممم ملييت
شنووو من عيشه هايييي
بلعت ريئک وخرت الجهاز من اذني
وهج: شبيك مكروص بعدني محجيه
شي عليش نهديت عليه مثل الثور
وهجججج لسانججج احجيييي مضرط*
شعندججج تردين رجععع احتى نتعارك
لوو شنووو
وهج: والله مو هيج قصدي بس
انته مدري شبيك معصب
اختفه صوته شوي سمعته تنهد بغصه
وسد الاتصال بوجهي باوعت على كايا
تباوعلي وساكته
وهج: شوفي ابوج ماعنده حترام سد
الاتصال بوجهي هوه العنده وحده مثلي
هم يسد الاتصاله بوجها هوه هاذه التبطر
على نمعه الله
كايا: بابا
وهج: اي ابوج الثور حبيبتي
ضحكت وخلت ايده على احلكه
ابتسمت وحضنته بوس بخدوه
وهج: هسه وين نروح ماما كلش ضايجه
اجت بالي افكره
اخذت كايا وصعدت فوك لغرفتي
طلعت المكياج كله وكعدت كايا كدامي
مددته وخليت راسه بحضني وبديت خليله
مكياج من كل شكل وهيه فرحانه تضحك
كملت باوعتله صار شكله يخوف ضحكت
وشديت شعره فوك ولبسته بلوزت دمار
صارت عليها دشداشه
رحت اني هم نزعت ملابسي ولبست بس
بلوزه من مالت دمار اسوده وشديت شعري فوك
وخليت كايا على جربايه
وصعدت وياها وصرنه نكمز ونضحك بصوت
عالي وكايا اخذت المخده وتضربني بيها
اخذت وحده ثانيه ونتعارك اني وياه ونضحك
جرتني من شعري قوي عطت بيها
وهج: شعرييي بنت الكوا* خر*
بشرفك دمار اخخخ شعري
شلون وياه هاذه لسانج ست وهج
درت وجهي باوعت شفته واكف يم
الباب وبيده جكاره ويباوع علينا
وخرت ايده كايا وراحت على دمار
وصلت لعنده وكعت من ورا البلوزه
لان طويله كومه بسرعه وهوه يكول
الله على كيفج بابا
كايا: ماما عفتني
شالها وباوع عليه كمت من مكاني
ورحت وكعدت على جربايه حرك
برجليه
ليش عضتها شنو اجلب انتي وبعدين
تعالي هاي شلابسات انتن
وهج: من بلوزاتك شبيك هسه وذا لبسنه
باوع شكد حلوات طالعين بيهن
انتي شلون تخلين عقلج بعقل كايا
لاتنسين انتي حامل مايصير هيج تبقين
تركضين اثكلي مو اصغيره وابقى اعلم
بيج
وهج: وليش عيني شايفني عجوز تره
اني شابه ولبنات البعمري لحد هسه ممزوجات
البعمرج هسه شبعن ماي ورد يابعدهن
مامزوجات
وهج: وين جنت انته صدك ليش سديت
الاتصال بوجهي
باوع على رجليه واعض شفته
اخخ لو لزمج هسه قسم بالله عشره
وياج محد يطلعج من جوه ايدي
وهج: شكد مستهتر ماتبطل من هاي
سوالفك اني وين احجي وانته وين
ابو علي محروم شنسوي بس انباوع
وكلشي مااكو
اذكرت منو ابو علي بلعت ريئک
وحكيت اركبتي متفاديه انتظراته
نزل كايا من حضنه وهيه راحت
تلعب، بالمكياج اجى تمدد يمي على
ضهره واخذ نفس وزفره
باوعتله تقربت من عنده وفتحت ايده
وخليت راسي على صدره وحضنته
قوي باس راسي وضمني بحضنه
وهج: دمار وين جنت
جنت اريد ابقى وحدي مخنوك شفتي
بعد كل هاي السنين هسه جايه
وتريد نحترمه ونااخذه بالحضان
ولا كانو مسويه شي
وهج: انسه دمار لاتعب نفسك بالتفكير
هيه ماتستاهل تشغل تفكيرك وتتعب
اعيش حياتك وانسه كلشي بالماضي
واعيش الحضر ويانه اني وانته وكايا
رفعت ايده واخله على بطني باوعت
بعيونه
وهج: وابنه دمار
ابتسمت وباس خدي كلبني ونام فوكاي
اخله راسه ابركبتي وباسه واخذ نفس
طويل
ياراحتي الماينشبع منها احبج
وهج روحي
حضنته قوي وبقيت اساكته رفع ايده
اخله على صدري وعصره فتحت عيوني
بصدمه ودفعته من فوكاي
وكمت من الجربايه باوعتله شفته يباوعلي
ويضحك
وهج: انته مااتستحي مو كعدين وجاي
نحجي ليش هيج تستهتر
شسويلج بعد مااتحمل فاض اصبري
احسي بيه مو حجاره
وهج: لاتعيد هاي الحركات جنك ثور
كل مااكعد يمك هيج تسوي بيه
اعض شفته واغمزلي وتمدد على ضهره
وحجه
تره بس لزمته ومالحكت اغتصبج
كبل طفرتي من مثل الفاره
باوعتله صفح ورحت نضف الغرفه
لان صارت هوسه لميته بسرعه
واخذت كايا ورحت تمددت بحضن
دمار حضنته ونمت
كعدت العصر وتجهزنه احتى نروح انخطب
تبارك لسجاد جنت كلش حزينه لان ماريد
طلع من البصره لان دمار كال بعد العرس
نروح مشتري بيوت النا وكلشي جاهز
اخذت كايا وخليته بحضني وصعدت
بيبي وزينب ومريم ورسل لحد هسه
مارجعت من اهله جنت كلش مشتاقتله
وصلنا دمار وراح كال عندي شغل
من تخلصن اتصالن عليه
نزلنا ودكينه الباب شوي وفتحه زين
ابتسمت من شفته لان من زمان ماشايفته
اسلم على بيبي وهوه مدنك راسه
دخلن جون وسلمت علي وجيت دخل
بس واكف كدامي واخذ كايا من حضني
زين: شلونها حبيبيت خالها الحلوه ولج
انتي شنو من جمال عندج
وهج: طبعاً حلوه غير اني امها
باوعلي وابتسم وباس كايا من خده
زين: مااكو منج انتي الله يحفظه الكم
وهج: تسلم
اخذت كايا من حضنه وهوه طلع بره
دخلت للبيت جانت عمتي ام زين
كاعده وبيبي ونور بس تبارك مااكو
رحت سلمت عليهن ونور اخذت كايا
من عندي كعدت يمهن شوي ودخلت
تبارك لبسه دشداشه احمره ومكياج
خفيف وهيه حلوه
اجت ضيفتنه وكعدت وهيه. مدنكه راسه
عشتو ماعرفتج ام شوارب
بدت بيبي تحجي وخطبت تبارك وكالت
عمتي ام زين نفكر وننطيكم خبر
راحت تبارك للمطبخ اخذت كايا وخليته بحضن
عمتي ورحت وراها دخلت جانت كاعده
وتشرب عصير رفعت راسه باوعتلي
تبارك: ولجج هاي امي شتحجي شنوو
انفكر دكولي موافقين وفضيها
وهج: مداج اثكلي شويه مو بسرعه توافقين
ابقى اعلم بيج ام شوارب
اخلت ايده على احكها تتحسس شواربه
خزرتني
تبارك: ليشش تجذبين امس سويتهن
ضحكت بصوت ورحت كعدت يمها
اجت نور ومريم كعدنه سويه باوعت
على نور فرحانه لاخته تنهدت بغصه
ليش بس اني ماعندي اخوات ولا عشت
اجواء الخطوبه ولا لبست البدله الابيضه
ولا عندي ام تطمني ان الزواج حلو وراح
اكون سعيده
دنكت راسي واحس دمعه بطرف عيوني
كمت من يمهن وطلعت للحمام دخلت
وسديت الباب باوعت على نفسي
بالمرايه ونزلت دموعي واحاول
قنع نفسي ان هسه راح تصير حلوه
اخلص وهج كافي ابجي على شنو
تبجين دمار يحبج وعندج كايا و الله
أرزقج بالطفل الثاني وعوضج عن تيم
وخالتي معتبرتني مثل مريم وماتكلي
غير بنيتي وتحبني وتسئل عليه اكثر
من مريم وتحب كايا وتخاف عليها
امسحت دموعي واغسلت وجهي
باوعت على وجهي صار حمر تنهدت
بضوجه صرت هفي على وجهي احتى
يخف الحمرار
شويه هديت اخذت نفس طويل وطلعت
من الحمام رحت كعدت يم بيبي باوعتلي
شبيج حبيبتي ليش وجهج حمر
وهج: يمكن من الحر بيبي لاينشغل بالج
يروحي انتي
شلونج شلونه دمار وياج ان شاءلله مرتاحه
واضع حملج شلونه
وهج: الحمدلله بيبي كلش زين دمار وحملي
عادي مااحس غير بلعبان نفس من اشم
عطر
روحي للدكتوره خلي تنطيج حبوب
مال لعبان نفس راح تستقر حالتج
صدك شلونج بدوام
وهج: زينه وكل موضوع ماعرفه لو ماافهم
علي دمار يدرسني
الله كريم ان شاءلله يتحقق التريدنه
وتصيريم دكتوره وترفعين راس اهلج
بيج
ابتسمت وبقيت سوالف وياها شوي
واخابرت على دمار كال شوي واجي
وبقينه كاعدين لحد ماسمعنه صوت
هورن سيارته
كمت اخذت كايا وطلعنا بره ودعتهن
وصعدت بسياره صعدن هنه هم
حرك السياره وحجه
صار وياجن وافقو
كالو نرد لكم خبر بعد يومين خلي
البنيه تفكر بس مبين عليهم موافقن
انصبر والله كريم
بيها الخير ان شاءلله تعالي كايا
ليش ساكته بابا
رحت كايا وكعدت بحضنه واحنه بقينه
نسوالف وافكر شنو نجيب ملابس للعرس
مر يومين ورجعو خبر ان موافقين
رحنا اني ومريم وزينب وياه تبارك
احتى تجهز نفسها للعقد مااشترينه
كلشي اخابرت دمار شوي واجه
صعدنه بسياره والجو كلش حار باوعت
على دمار خزرني
رتاحيتي هسه من اخذتي جازه من
دوامج ورحتي تديحين
وهج: انته تدري كلبي اطيب دمار مااكدر
اعوف تبارك بهاذه اليوم
باوعلي صفح ورجع يباوع على طريق
درت وجهي عليهن وابقيت سوالف
لحد ماا دمار عاط بيه وكال كعدي عدل
وصلنه تبارك ورحنه للبيت فتحت باب
السياره ونزلت جيت دخل جوه
تعالي ست منو يشيل ذني ملابسج
باوعتله وخليت ايدي على بطني
وهج: عفيه دمار نزلهن الطفل جاي
يتعبني مااكدر اجي شيلهن
طبعاً يتعبج ذا انتي فريتي السوك
الف مره
اغمزتله ودخلت جوه اركض رحت على
بيبي بغرفته فتحت الباب لا والله مو
فتحته دفرته نزت هيه وجدو باوعتلهم
جان جدو متمدد بحضنه
شلون وياج انتي جم مره كتلج لاتدخلين
هيج شنو من بشر انتي
صغرت عيوني وباوعتلهم
وهج: شجنت تسوي جدو احجي
لاتستحي
جانت اكو يما سبحه اخذه يريد
يضربني بيها جيت طلعت من الغرفه
اركض بس لطخت بصدر دمار رفعت
راسي باوعتله
وهج: لحك دمار جدو يريد يغتصب بيبي
شلونن وياه هاذه لسانج
حجي مو اكبرت على هاي السوالف
عيب اثكل شويه
اخذه السبحه وشمرها علينا طلعنه
بسرعه واني ودمار واكفت يم الدرج
وباوعله برائه
خير وهج هاي انظراتج وراها مصيبه
شنو تريدين لغي بسرعه
وهج: حباب شيلني على ضهرك عليك
الله
انجبي شنو اصغيره انتي نسيتي نفسج
حامل شلون شيلج امشي صعدي حسلج
وهج: والله ماا يلا شيلني بسرعه قبل
لا احد يجي ويشوفك شايلني وتروح
الهيبه
هوه انتي خليتي هيبه من اول يوم
شفتج بي وانتي مااخليتي شي ماسويتي
وانعلتي ابو هذيج الساعه الشفتج بيها
وهج: كلشي مامسويه بس انته راسك
مثل راس الثور مااتكعد ماعرف شبيك
وياي
وخري هسه من وجهي لا انعل شرفج
ماشفت من وراج غير المصايب
خزرته واجه يصعد فوك لزمت ايده
باوعلي وتنهد بقلت اصبر داار ضهره
الي ابتسمت وصعدت على ضهره
شالني وصعدني فوك واني مجلبه
بركبته وهوه يمشي على كيف علمود
الطفل يخاف علي يابعدي
فتح باب الغرفه ودخلني جانت كايا
كاعده تلعب هيه وملاك اخلاني على
جربايه وباوعلي
ماجنتي هيج سمينه بس تدرين هسه
شكلج وجسمج اعجبني
خزرته وشئرت على كايا داار وجها
باوعلهن
بابا ملاك اخذي كايا وطلعي من الغرفه
نزلن لعبن جوه
ملاك: ماشي عمو هسه نزل
اخذن لعبهن ونزلن جوه تمددت على ضهري
واحس جسمي متكسر باوعت على دمار
اخذ جكاره ويباوع عليه بتركيز
ليش رفضتني اكو سبب لو لان تخافين
على طفل
وهج: شنو قصدك ماافهمت
لا خطيه كلشي ماتعرفين احجي تره بعد
مااكدر اصبر
وهج: هااا
وجعا شبيج كل مااحجي وياج بهاذه
الموضوع تنثولين
وهج:انجب لاتحجي عليه مااريدك
دمار كلش تعبانه مو وقت هاذه الكلام.
اسكت ماارد اخذ نفس من الجكاره
وزفره راح على الكنتور طلع ملابس
ودخل للحمام
والله خوش ممثله اصبرلي يالثور
مداك بس والله اني هم مشتاقتلك بس
اخاف على طفلي وخصوصي لان
اصحته مو زينه
مر شكم يوم ودمار مايحجي وياي شكد
حاولت راضي بس مااكو قافل استغربت
وسجاد وتبارك قررو ان بعد سنويت تيم
يلا يزوجون بس عقدو وسوو حفله
اصغيره
دمار جان مستعجل ماايريد يبقى
هنا ماعرفت شصاير وياه
مر كم اشهر والوضع هدوء بس كل
يوم جاي يزيد شتياقي لتيم اكثر
واكثر اصرت يوميه اروح زوره
واحجي وياه وكايا كلش تفرح
من نروح نزوره
قرب موعد عيد ميلاد كايا وتيم بيومه
دمار جان كلش مشغوله وعنده واجب
بغير محافظة كلت لسجاد يجيبلي
كيكه جابه خليته بالمطبخ
وصعدت فوك غيرت ملابسي وملابس
كايا ودموعي تنزل وتذكر السنه المضت
جان تيم ويانه وحتفلنه بيهم اني ومريم
امسحت دموعي وعدلت حجابي باوعت
على كايا اخذت لعبها الجابهن الها دمار
الجديدات
وهج: شسوين بيهن ماما
باوعتلي وضحكت خلتهن بكيس
وشالتهن اخذته من عدها وشلته هيه
وطلعت من الغرفه نزلت جوه
جان سجاد واكف يم السياره ويخابر
ويضحك عرفته يحجي وياه تبارك
صعدت كايا ورجعت للبيت اخذت
الكيكه وصعدت
شغل السياره وحركه بقت عيني بالطريق
وابجي وكايا كعدت بحضني وتمسح
بدموعي
وصلنا وكلت لسجاد اروح انته ومن كمل
اخابرك مااقبل بس صريت علي
صعد بسياره وراح باوعت على قبر
تيم دموعي نزلت رحت يما وحضنته
وهج: صار عمرك ثلاث سنوات عمرك ضبط
يعمري انته تيم حبيبي اكعد يروحي انته
وليدي اكوم شوف اختك شكد مشتاقتلك
وتريدك يمها بعد مااتتعارك وياك ولا تضربك
بس رجع حبيب امك انته اكوم تيم والله
مشتاقتلك هواي
باوعت على قبر ماما وبابا
وهج: ماما احجي وياه خلي يكعد
ليش ماجاي يرد عليه صار على اموته
4اشهر خلي يكعد والله تعبت ماما
اريد وليدي
بابا انته احجي وياه اكيد يرد عليك
كله خلي يرجعلي والله انهد حيلي وبعد
مااكدر تحمل
بقيت كاعده واحجي وياه وابجي
لحد ماهدئت شوي كعدت بالكاع
وباوع على قبورهم
اخذت الكيس كايا ورحت كعدت يم
القبر مال تيم وطلعت اللعباب وتخليهم
يم قبره
باوعله ودموعي تنزل اخلص ماما تيم
مايرجع بعد تركني وراح من هاي الدنيا
بس هوه اناني مافكر باامه شنو ممكن
يصير بيها بعد غيابه
امسحت دموعي واخذت الكيكه وخليته
يم قبره شغلت الشموع ودموعي نزلت
كل عام وانته راح تكون جوه التراب
وليدي الله يرحمك يروح امك انته
بست قبره ورجعت بست كايا وهيه تصفك
فرحانه باوعت على قبور جانت اكو عائله
كاعدين يم قبر اخذت الكيكه ونطيته
الهم
رجعت كعدت بمكاني اخابرت على سجاد
كال شوي واجي باوعت على كايا تلعب
باللعاب ومخليتهن فوك قبره
وهج: يلا ماما جيبي لعابج وتعالي اننتظر
سجاد
اخذت لعبهه وخلت السياره فوك القبر
واجت عليه تركض حضنته وبست
خده
وهج: ليش خليتي السياره هيه مو مالتج
كايا: لاع تم حتيه (لا لتيم خطيه)
وهج: اخخ روح فدوه للحنينه اموت عليج
بنيتي
ضحكت ابتسمت على ضحكته شوي واجى
سجاد صعدنه بسياره ورحنا للبيت
نزلت كايا وصعدت فوك لغرفتي
خليته على جربايه واخذت ملابس
ودخلت للحمام
اسبحت وطلعت اخذت الجهاز واخابرت
على دمار شوي ورد
ها حبيبي
وهج: شكوت ترجع دمار البيت مو حلو
بدونك رجع عاد
بس صار يومين من رحت من يخلص
شغلي راح رجع حبيبتي
وهج: والله مو يومين عندي سنتين عفيه
دمار خلي يولي هاذه الشغل رجع
غير عدنه شتماعات والرئيس موجود
مااكدر رجع لحد مااخلص شغلي
وهج: ماشي حبيبي انتبه على نفسك
واكل زين من يصير عندك مجال اتصال
عليه
ان شاءلله ابوس كايا الي وانتبهي عليها
وهج: اوك حبيبي يلا الله وياك
سديته من عنده وباوعت على بطني
كبرانه ابتسمت وشعور حلو بداخلي
احس هاذه عوض ربي الي معا ان
ماجنت اريده بالبدايه بس سبحان
مغير الاحوال
رحت تمددت يم كايا وحضنته قوي
ونمت
مر يومين واخابرني دمار كال راح رجع اليوم
كعدت من الصبح انضفت الغرفه
ونضفت البيت وغيرت ملابس
كايا ونزلت جوه سويت ريوك
الها وكعدت يمها
صارت الساعه 10واجه دمار
طلعت بره اركض واكفت باوعله
نزل من السياره واكف يباوعلي
رحتله اركض وحضنته ودموعي
نزلت ضحك بصوت
ليش تبجين حبيبي مو هياني يمج
وهج: عفيه شتاقيتلك لاتعوفني مره ثانيه
انته ادري ان مااكدر بدونك
اخخ روح فدوه لهاي عيونج الحلوات
لاتبجين يروح دمار انتي
وهج: احبك دمار موت عليك انته كل حياتي
واني هم احبج ياوهج روحي
وخرت من عنده وامسحت دموعي واني
مبتسمه باوعت وراي شفتهم كلهم واكفين
ويباوعون علينا بلعت ريئک وباوعت على
دمار جان عادي عنده مامهتم
صار ساعه حصره الولد ماتخلينه
يدخل البيت وخري من عنده لا
كسر العصه على راسج
دنكت راسي واحس اريد الكاع
تنشك وتبلعني ضحك دمار
وراح عليهم يسلم عفتهم وصعدت
فوك بسرعه شوي وصعد دماروهوه
شايل كايا
نزل كايا من حضنه وباوعلي وابتسم
اليوم خلي نروح نشوف جنس الطفل
هزيت راسي بــ اي تقدم عليه باوع
بعيوني رفعت رجليه وخليت شفتي
على شفته تفاعل وياي اخله ايده ؏
خصري مقربني اله اكثر خليت ايدي ورا
راسه وخرت من عنده وخليت راسي
بركبته تسارعت دكات كلبه
مشتاقلج هواي وهج
وهج:عمر وهج انته يااكل اهلي
وخرت من عنده باوعت بعيونه وبتسمت
باس شفتي ونزلني راح دخل للحمام
جهزت ملابسه وكعدت على جربايه
انتظره
شوي وطلع مخلي المنشفه على خصره
دنكت راسي وسويت نفسي احجي وياه
كايا هوه لبس ملابسه وباوعلي
تعالي ننزل جوه
هزيت راسي وكمت شال كايا وطلعنه
من الغرفه نزلنه يمهم جانو كاعدين
بصاله كعدت يم دمار وكايا راحت تلعب
وياه ملاك وضعها تحسن شوي صارت تلعب
وتحجي مثل قبل بس لحد هسه ذا ماتشوفني
كدامها تبجي من اروح للدوام تبقى بالبيت
يم مريم ومرات اخذها وياي
ابقينه كاعدين كلنا سوى ونسوالف
ابو دمار شوي تحسنت معاملته
وياه دمار صار يحجي وياه ويخابره
ويسئل علي كلش فرحت لان وخيرآ
شاف الهتمام من ابو بس هوه مايحجي
وياه احتى يرد علي بكلام مختصر
رحت وياهن وجهزنه الغده وكعدنه
نتغده كملنا غده دمار اخذ كايا وصعد
فوك رحت ساعد زينب بغسل المواعين
لان مريم مااتكدر تبقى واكفه من ورا
الحمل
كملنا وصعدت فوك جان دمار نايم وكايا
هم نايمه رحت تمددت ورا وحضنته
من ضهره وغمضت عيوني ونمت
العصر كعدني دمار كمت جهزت نفسي
وكايا هم غيرت ملابسها دمار نزل جوه
شلت كايا ونزلت جوه طلعت بره
جان واكف يم السياره ويشرب جكاره
باوعلي واكفت يما
وهج: شبيك دمار صاير شي
لا بس مشتاق لتيم صار اسبوع مارايح
احتى زوره
وهج: شرايك من نرجع من الدكتوره
نروح علي
انجبي وين تولين يوميه جاي ترحين
وهج مو زين عليج ليش هيج ماخايفه
على نفسج ولا على طفل
وهج: مااكدر والله ذا ماروح اموت غير
من ودي ابقى يما وماعوفه ابد
الله كريم هسه يلا صعدي راح انتئخر
هزيت راسي وصعدت بسياره كعدت
كدام وكايا كعدت بحضن دمار حرك
السياره وطلعنا باوعتله
وهج: دمار ذا حامل بنت راح تزعل
داار وجها عليه خزرني ورجع يباوع على طريق
انتي اكثر وحده تدري مايفرق عندي سوى
جنتي حامل بنت او ولد
وهج: يعني ماراح تزعل حبيبي
هيج عندي حض وتجي وحده ثانيه
مثل هاي الكمر
ابتسمت وسكتت وصلنا للمستشفى
نزلت وهوه شال كايا ودخلنا
جان مااكو احد يمها كبل دخلنا
تمددت على سديه ودمار واكف
يمي وكايا بحضنه رفعت البلوزه لزم ايدي
خزرني
شويه رفعيها مو هواي راح اضربج ابوكس
على وجهج حيوان
وهج: شبيك دمار مايصير اله هيج
تريد من ورا البلوزه تفحص بطني
امشي خلي نروح شيجي من الله نعمه
ماله داعي نشوف شنو جنس الطفل يلا
ضحكت الدكتوره وباوعت على دمار
اهدي ستاذ تره هيه بنت واني بنت ليش
تغار
مارد اسكت وبقت عينه على بطني كل
ماتجي عيني بعينه يخزرني واني بالكوه
لزمه ضحكتي
عدكم بس هاي البنت لو عدكم بعد طفال
وهج: ماعندي بس هيه وهاذه حملي
الثاني ليش شنو بيه
اهدي حبيبتي مااكو شي انتي حامل
بولد الف مبروك
باوعت على دمار وضحكت بفرح
باوعلي دمار وابتسم على ضحكتي
امسحت بطني الدكتوره وراحت كعدت
على كرسي مالتها جيت اكوم
تقرب من دمار على اساس يعدل البلوزه
مالتي تقرب من وجهي وباس شفتي
سريع فتحت عيوني باوعت على دكتوره
دنكت راسها وابتسمت ضربته على ايده
وهج: انته ماتستحي شبيك
هيه بوسه شبيج على اساس تستحين
باوعتله صفح ونزلت من السديه
رحت كعدت يم الدكتوره نطتني وصفت
علاج ومقويات للحمل
طلعنا من عدها واني كلش فرحانه
واحس الكاع مو سايعتني من الفرح
صعدت بسياره باوعت على دمار
سحبني اله وحضني باس اركبتي
وجعصني بحضنه وخر من عندي
وباس بطني
هاي عوض ربي النا وهج احس حياتنه
راح تتغير للحسن
وهج: ان شاءلله حبيبي الله يحفظك الي
انته وكايا
ويحفظج ياروح دمار انتي
ابتسمت وخليت ايدي على بطني
وكايا حضنه دمار وتضرب على
صدره
وصلنا للبيت وبشرناهم وكلهم فرحو
النا وبيبي كامت اتهلهل هيه وسجاد
مرت الايام والشهر وحياتنه مااكو
احلى من عدها اقرب اجى يوم ولادت
مريم وهيه كلش خايفه وترجف وتعيط
على عمر وتكله كله من ورا
واحنى ميتين ضحك عليها وعمر وجهه
ينطي الوان من الخجل
اخذنها للمستشفى وجنت كلش
خايفه عليها وعمر واكف يم الباب
يروح ويرجع ودمار يحاول يهدي
مر شوي وقت وطلعت الدكتوره وهيه
شايله طفل رحنه يما جان كلش حلو
وناعم باوعت على عمر نزلت دموعه
من الفرح
عمر: ولد لو بنت هاذه
.. ولد يتربه بعزك ودلالك الف مبروك
ابتسم عمر وباسه من خده مريم مااخذت
صانور فاا ماجنه نعرف جنس الطفل
اخذته من عنده الممرضه وراحت
تغير ملابسه نقلو مريم لغير غرفه
رحنا كعدنه يمها وباركنالها وهيه جانت
كلش تعبانه تفتح عيونها وتسدهن
شوي وجابو الطفل احتى تشوفه
راحت الممرضه ونطته الها نزلت دموعها
وحضنته باسته من خدوده ابتسمت
على شكلها شوي ودخلت خالتي وهيه
تهلهل وطش جكليت
اجت حضنت مريم وتحجي وياها وتبجي
ابقينى كاعدين ونسوالف واني عيني
بطفل مااخذته ولا شلته من كال عمر
راح اسمي تيم اخفت مااعرف ليش
راح عمر وسجل خروج اخذنها ورحنا
للبيت جان سجاد واكف ولزم
الخروف والكل موجود من قاربهم
اجى جدو واذبح الخروف يم رجلين
مريم دخلنا جوه والزلم همه الطبخو
الغده اجت نور وتبارك وبيبي وعمات دمار
كعدنه كلنا بصاله نسوالف وتبارك
بس تريد تصعد فوك احتى تحجي وياه
سجاد لان زعلان من عدها
صبو الغده وكعدو ويتغدون كلهم سويه
نسوان ولزلم بس دمار ماقبل كعد يمهم
راحت كعدت بالمطبخ شوي وجت وراي
زينب
كملو غده وكل واحد راح لبيته نضفنه
البيت واني بلكوه تحرك لان بطني
صارت جبيره اخلصنه تنضيف
صعدت فوك واني احس رجليه
بعد ماتعيني فتحت الباب ودخلت
جان دمار كاعد على الكرويته ويشتغل
يما هواي وراق وكايا كعده يما تباوع
رحت تمددت على جربايه
تعبتي حبيبي
وهج: انعل شرف اهلي ذا بعد حمل شنو
هاي متت تعب
تحملي هوه ماريد غير اربع طفال
شبيج
رفعت راسي باوعتله ضحك وكام
اجى يمي واكف اخله ادية بجيبوب
البجامه وباوعلي
وهج: انته ماتستحي خلصت حياتك وانته
امصلخ شوكت تلبس ملابس ماادري
شعليج انتي بعدين لو باأيدي احتى
من اروح للدوام مالبس
وهج: بس الجو هسه صار بارد مو زين
عليك حبيبي تتمرض
موجوده مرتي وتعتني بيه
وهج: دباوع على حالتي خلي اكوم
نفسي بعدين عتني بيك ستاذ دمار
ابتسم ودنك راسه باسني بخدي
ورجع باس شفتي دفعته من عندي
ودرت ضهري من عنده
تمدد وراي وحضني وكايا اجت
نامت بحضني ابتسمت ونمت
مرت الايام وصرت احتى مااكدر
نزل من الدرج ضفنه غرفه جوه
ورحنا بيها احتى للدوام مالي خلك
بس مجبوره داوم مريم مخلصه وقتها
يم ابنها تيم ماتعوفه ابد
وعمر مامصدك بي مايعوفه بالكاع ابد
طول النهار شايله ويحجي وياه
صار عمره شهرين وكلش يشبه تيم
واهدى بس ابد ماشلته ولا باوعله
احس ذا شلته لو تقربت من عنده راح
يصير بي شي ماعرف ليش هيج احس
معا ان ودي شيله وحضنه بس مااكدر
دمار يتعامل وياي بكل حذر معا ان اني
دوم تعارك وياه وسبب مشاكل ماعرف
ليش هيج اسوي بس احس برتياح من
زعله من عندي شوي ورجع راضي
بسرعه يرضه من عندي بس ذا هوه
زعلني ابقى ايام ماحجي وياه وهوه
متحمل خبالي وتغيرات مزاجي
قرب موعد ولادتي جنت كلش خايفه
ومتوتره بس دمار وياي ويطمني
بيوم جنت نايمه بليل ودمار نايم
يمي كعدت واحس بلم خفيف
كمت من الجربايه وصرت افتر بالغرفه
على امئل يخف الالم بس كل ماله واحس
بوجع قوه سندت نفسي على حايط
وكعدت على الكرويته
خليت ايدي على بطني وغمضت عيوني
من الوجع شوي وجاني الالم كلش قوي
عطت بصوت عالي
وهج: اخخخخخ بطنييي دمارررر لحكلييي
يمههه
فز دمار من النوم باوعلي وكام عليه
بسرعه اجى واكف يمي ومحتار شنو
يسوي عضيت ايدي من الالم
احجي شسويي اروح صيح على الحجيه
ولجج احجيي وهج
وهج: خر* على وهج ولككككك راحح
اموتتتت سويييي شييي صيح المريم
اخخخخ بطنيييي
على صوت عياطي كعدت كايا دخلت تبجي
مريم وزينب للغرفه اركض
اجن عليه ودمار محتار شنو يسوي
راحت مريم اخذت ملابس الطفل
واجى عليه دمار وشالني زينب ابقت
يم كايا
اخذني بسرعه وخلاني بسياره اجى سجاد
وعمر ويانه مريم كاعده بصفي واني عيط
بصوت عالي
وهج: ولككككك بطنيييي الله يااخذككك
دمار. كتلكككك ماريددد طفال رتاحيتتت
هسسهه وانته تشوفنيييي بهايي الحاله
سجاد: والله خطيه انتي ابجي اكثر
وهج ولج راح تموتين بعد ماتشوفين
كايا
نزلت دموعي بخزاره عيط عاط دمار
بــ سجاد
انته شبيكككك ماتشوف حالتهاااا
شلوننن تحجييي وياهااا هيججج
متت وجع لحد ماوصلنا للمستشفى
وصلنا نزل دمار وشالني ودخلنا
داخل اركض جابو السديه خلوني
عليهاا
دخلتني للغرفه وكالت راح تجيبين
حتاريت شنو سوي من الوجع اجت
الدكتوره وتضربني على بطني
وتكول راح يختنك. شوي بديت
فقد الوعي من الالم غمضت عيوني
وبعده مااحسيت على شي
ورا فتره كعدت على صوت طفل يبجي
فتحت عيوني جانو كلهم موجودين يمي
احتى خالتي جايه عمر واكف وشايل ابني
ودمار كاعد يمي ولزم ايدي رفع راسه
باوعلي وحجه بالهفه
شلون صرتي يروحي انتي تحسين
بالالم
باوعتله دموعي نزلت تذكرت من جبت كايا
وتيم محد جان يمي غير مريم مد ايده
وامسح دموعي وباس راسي
ليش تبجين احجي وهج متوجعه
لاتبقين ساكته
حجيت بصوت تعبان
وهج: ابني زين دمار
مادري ولا يهمني بكد ماانتي تهميني
اسكتت وعيني على الطفل اجى عمر
وانطاني ياه وكلهم باركولي وتحمدولي
بالسلامه
باوعت على طفل البحضني وجهه حلو
وخده ناعم مثل الحرير باوعت على دمار
شفته يباوعلي رفعت ايديه ونطيته
الدمار اخذه من عندي وباس راسه
وهج: إذن أبذنة حبيبي
هز راسه وصار يئذن أبذنة باسه
من خدوده وباوعلي
شنو راح نأسمي
وهج: ماعرف دمار بكيفك
اجى سجاد واكف يم دمار باوع على طفل
سجاد: ماشاء الله هاذه حلو شرايكم
نأسمي كيان علمود يصيرون كايا وكيان
ضربه عمر على علاباته وحجه
عمر: والله خوش صحيح اسمي كيان
هز راسه دمار وباوعلي
شنو رئيج بالأسم حبيبتي
وهج: حلو اعجبني اخلص كيان
راح يكون اسمه
اهلهلت خالتي وسجاد هم يهلهل وياها
ضحكت وبقيت كاعده وباوع على كيان
سجلو خروج وطلعنه من المستشفى
واني احس راح اموت من الفرح وخيرأ
رب العالمين عوضني بطفال حلوين وزوج
مااكو من عنده وعائله حلوه وحنينه
وصلنا للبيت وذبحو خروف وسجاد يعيط
سجاد: والله نيالهن مايدخلن للبيت اله
خروف ينذبح يم رجليهن وجوهن املح
ضحكت وساعدني دمار صعدت فوك
لغرفتي جانت زينب مرتبتها لان قبل
ماجنت صعد فوك من ورا الحمل
تمددت على جربايه اخذت كيان لحضني
باوعلي دمار ونزل جوه شوي وصعد
هوه وكايا
اخله يمي على جربايه وكعد بصفي
تقربت كايا وتباوع على كيان
كايا: بابا داده
اي ياروح بابا شوفي اخوج شكد حلو
طالع على امج ام لسان
خزرته وكيان كام يبجي باوعت على دمار
وهج: طلع من الغرفه دمار اريد ارضع ابني
منو لزمج ماترضعينه
وهج: عفيه دمار طلع والله استحي
باوعلي صفح وتقدم هوه يريد يطلع
صدري نترت ايده بسرعه
وهج: شبيك تخبلت شجاي تسوي
بطلي عياره شايف كل جسمج تره
احتى ذا تريدين تعرفين حفظ كل
مكان بيالشامات البجسمج
ادرت وجهي من عندن واحس حراره
تطلع من وجهي من الخجل رفعت الغطه
وطلعت صدري لكيان رفعت راسي باوعت
على دمار واكف ويباوع عليه ويبتسم
وهج: شبيك عيني
فرحان بعوض ربي الي ماجنت توقع
ان راح يجي يوم وتصيرين بي مرتي
وام جهالي وشريكت حياتي عمري
كله مااجنت افكر ان ازوج لو اكون
عائله بس من شفتج تغير كل هاذه
التفكير صدك تزوجت دعاء بس جان
علمود خليج تغارين وترجعين الي بس
مارجعتي مر هواي مشاكل بعلاقتنه
بس شوفي هسه اني وانتي عايشن
سوه وعدنه احلى طفال
اسمع كلامه دموعي نزلت اجى اكعد
مد ايده وامسح دموعي باس خدي
ورجع يباوع على وجهي
انتي احلى شي بحياتي وهج احبج
اكثر من كلشي بهاذه العالم
وهج: واني هم احبك هواي دماري
ابتسم وباوع كيان شلون يرضع
رضعته وكملت خليته على كركوت
مالته
نزل دمار واخذ كايا وياه رجعت
تمددت بمكاني وغمضت عيوني
ونمت مرتاحه
مرت الايام والاشهر وصار على موت
تيم سنه كيان كلش حلو وشبه كايا
بشكل بس عنده اغمازات مثل دمار
حياتنه مستقره وماكو احلى من عدها
قررنه نستعجل بالعرس لان مر وقت
طويل وهمه مخطوبين
غيرت ملابسي واخذت كيان ونزلت
جوه جان الكل مجهز احتى نروح
نزور تيم لان اليوم السنويه مالته
كالو بعد السنويه ابأسبوع العرس مال
سجاد
طلعو كلهم بره رحت يم دمار جان
شايل كايا واكف يم السياره فتحت
الباب وصعدت
وهج مو كتلج باجر اخذج كيان
شلون راح تااخذينه وياج للمقابر
وهج: والله ماتتحركون اله اني وياك
شبيك هاي سنويت ابني شلون مااروح
اليسمعج يكول مارايحه ابد تره
يوميه ترحين
دنكت راسي ولعب ابصابيع كيان
وهج: ادري بس شتاقيته من امس
مارايحه وانته ماتحجي على نفسك
احتى بليل هم تروح تشوفه بس عليه
حرام
اخلص اسكتت غضب مو لسان عندج
باوعتله صفح ومارديت شغل السياره
ورحنه وراهم لان همه طلعو قبلنا
وصلنا نزلت وخليت كيان بسياره
جان نايم خطيته بالغطه مالته
ودمار اخذ كايا وراح يمهم سديت باب
السياره ورحت وراهم جانو كلهم كاعدين
يبجون رحت كعدت بسد قبره
وهج: صارلك سنه من رحت من ايدي
يمه مشتاقتلك وليدي ليش ماترد على
امك والله تعبت اريدك يمي تيم حبيبي
رجع يم ماما كلنا مشتاقيلك يروحي انته
وليدي يانور عيوني انته شنو راح تبقى
زعلان من امك وماراح تجي بالحلم تشوفها
يمه ماريد شي بس غير شوفك واشم عطرك
ابقيت كاعده وابجي مر وقت ورجعنا
للبيت اخذت كيان وصعدت فوك وكايا
راحت للمحل وياه سجاد ودمار طلع
عنده شغل
خليت كيان على جربايه يلعب ورحت
طلعت كل الملابس وبديت خلي بيهن
بالجنط لان بعد العرس كبل راح نروح
لبغداد ماانبقى هنا نفتح الباب ودخلت
مريم وزينب ورسل هم اجت
كمت بسرعه وحضنته جانت تجي علينا
بس مااتبقى هنا لان علي شتره بيت الها
رسل: شلونج حبيبتي مشتاقتلج
وهج: الحمدلله انتي شلونج يروحي
رسل: زينه. هاذه الحلو ليش هيج نايم
يمه فدوه شلون وليد ينكرط
ضربته على راسها ورجعت لمكاني
اصفط بالملابس
وهج: عينج من وليدي لاتحسدينه
ام راس
رسل: عليش يمه حسده تره عندي
ولد يسوه كنوز الدنيا عندي
باوعتله صفح ورجعت اصفط اجن
هنه اساعدني خليت بس الملابس
الراح نحتاجها كملنا
وكعدنه بالكاع شغلنا التلفزيون على
فلم رحت جبت حلويات وكعدنه
نااكل ونسوالف اصلن ماانتبهنه للفلم
للغده نزلن هنه جوه واني نضفت
الغرفه ورضعت كيان ونومته ونزلت
يمهن جان دمار كاعد وكايا كعده
بحضنه شفته شلون حضنه ويحجي
وياها بهدوء ماعرف شنو يحجون
بس هيه تهز براسه
رحت واكفت يمهم رفع راسه دمار باوعلي
عليش واكفه شتريدين ست
وهج: اريد اعرف ليش هيج ماتريدني
شنو الغيرك دمار
انتي هيج ردتي اني شكو شنو تريديني
كلبت عيوني ورجعت باوعله وضربته على ايده
وهج: انته تدري مو هيج قصدي ليش هيج
جاي تتعامل وياي احس ماتحبني مثل
قبل احجي ماتريدني مو هسه اخذ
جهالي واروح على بيت ابوي
انجبي مااكو بعد بيت ابوي وطلع منا
ماترحين غير على اكبر طعه من حياتي
او من بيتي مااكو
بوزت وباوعت بعيونه
وهج: لعد لا تكون جاف وياي عفيه
تدري بيه مااحب هاذه اسلوبك
من هاذه الخشم تئمرين ست روحي
وهج: عفيه بالحباب موت عليك
عض شفته وباوعلي من فوك ليجوه
تدرين من زمان ماامخذين جوله
يمكن احتى ابو علي بعد مايشتغل
خزرته وجيت اروح ضربني من ورا
فزيت ودرت وجهي اله
اخخ شلون صوت يكزبر الجسم انعله
على شرفج
وهج: شبيك مثل الثور لاتضرب مره
ثانيه احسلك افهمت
يدلل معشوكي تدرين ابو علي شكد
يحبج
غميته وشردت للمطبخ واني ضحك
مايبطل سوالفه رحت واكفت يم
مريم وباوع عليها
مريم: انتي وتالي وياج ليش ماتطبخين
تره يوميه اني جاي اطبخ
وهج: مو على اساس اختي طبعاً تشتغلين
بمكاني ترضين اني تعب وينهد حيلي من
ورا الطبخ اكيد لا
مريم: منو كالج مااقبل رب القبل اني
تعالي خلي اروح شوف تيم يبجي
هزيت راسي بــ اي واحس بنار تشتعل
جواي كل مااتذكر اسم تيم تنهدت بغصه
وبقيت ساكته
مر يومين وبدينه نجهز للحنه بيبي
اصرت علينا ننزع الاسود معا ان ماقبلت
بس تكول لو تلبسي العمر كله بعد مايرجع
وهم مايصير تبقين هيج لبسه
راحن هنه للسوك وكتلهن انتن جيبلي
على اذوقجن لان مااكدر اعوف كيان
وحده مريم اخذت تيم وياها مااتكدر
تعوفه
للمغرب رجعن وجايبات هواي ملابس
ومكياجات كعدنه بالغرفه يم بيبي
ونشوف الفساتين اني وكايا نفس
الشي جيبات النا جان لونهن وردي
وبي ذهبي كلش حلو وقصير وفتوح
من فوك
اخذت ملابسي وصعدت فوك خليتهن
بالكنتور ورحت تمددت على جربايه
يم كيان اخذته لحضني ونمت
كعدت ثاني يوم الصبح يوم الحنه
انضفنه البيت وسوينه غده تغدينه
واخذنه ملابسنه ورحنه للصالون
دمار اخله كيان يما واني اخذت كايا
وياي عمر وصلنا وراح كال عندي شغل
دخلنا للصالون جانت تبارك موجوده هيه
ونور وبنات خالته هواي بنات موجودات
بس شايفات نفسهن
بدينه نجهز نفسنه سوتلي مكياج خفيف
وشالت شعري فوك لبست فستاني
باوعت على نفسي طلعت كلش حلوه
لبست كايا وهيه سوت شعره
وخلته شوي مكياج طلعت تجنن
اخذته وكعدته بحضني بوس بخدوده
وهيه تضحك
مر وقت وكملن كلهم مكياج اجن
السيارات لبست جبه وخليت حجاب
على شعري عدلته وشلت كايا وطلعت
جان دمار واكف على صفحه ويما ولد
رفع راسه دمار وخزرني بسرعه غطيت وجهي
بالحجاب وصعدت بسياره
شوي وهوه هم صعد سد الباب قوي
باوعلي
شلوننن تطلعييين هيجج انتي ثوله
بعدين شنو هاذه المكياج تارسه وجهج
وهج: شبيك تره حنه طبيعي خلي مكياج
وتضبط تريدهن يضحكن. عليه شنو
باوعلي من فوك ليجوه
اكيد الفستان مصلخ مو هاي عوايدج
بربو* مايفيد بيج
وهج: اكو واحد يكول لمرته بربو*
والله ولا تستحي شغل السياره يلا
تره راحو
غيرت رأي مااخليج ترحين للحنه
راح نرجع للبيت
كال هيج وشغل السياره درت وجهي
اله واني فاتحه عيوني
وهج: عليك العباس لاترجعني اريد
اروح للحنه
باوعلي ورجع يباوع على طريق
صاير تحلفين مثل الشيعه
وهج: وشبيهم الشيعه مااكو احلى من عدهم
اعض شفته ويهز براسه اسكتت وصلني
لبيت عمي واكف السياره باوعتله
وهج: مو على اساس مااتخليني اجي
للحنه شنو الغير رأيك استاذ
مااكدر شوف مريتي زعلانه
وهج: اي اسم الله عليك حنون هسه
كلي كيان وين يم منو بقيته
خليته يم الحجيه شنسوي امه دايحه
وماتدري بي وين ما وين
خزرته ومارديت نزلت من السياره
واخذت كايا من عنده ودخلت جوه
اركض انتظرني لحد مادخلت يلا
راح
جانو واصلين قبلنا سجاد موجود كاعد
على الكوشه يم تبارك نزلت كايا من حضني
وهيه بسرعه راحت على سجاد اخذه وكعدها
بحضنه يبوس بخدوده وهيه حضنته من
اركبته
ابتسمت على شكلهم جابو الذهب البسه
الها وراكص وياها شوي وطلع يستحي
على اساس طبعاً ههه
شمرت الجبه وشغلنا ساجده عبيد
ونركص ونهلهل تبارك نزلت من الكوشه
وتركص ويانه وامها بس تعضله شفه
يعني استحي بس هيه ولا يمها فرحانه
اجت بنيه اصغيره ولزمتني من فساتني
باوعتله
وهج: هاا حبيبتي شنو تريدين
خاله جهازج يرن من زمان
وهج: يعمري انتي شكرا
نطتني ياه وراحت شفته دمار يتصال
صعدت فوك احتى رد عليه لان صوت
الاغاني عالي ماسمع فتحت الخط
وهج: الوو هاا حبيبي
راح اجي اخذج وهج كيان مااجاي
يسكت
وهج: شبي ليش يبجي احجي دمار شنو واكع
لو شكو
لا بس مادري ليش مايسكت راح جيبه
واجي اخذج
وهج: ماشي راح انتظرك
سديت الاتصال من عنده ونزلت جوه
لبست الجبه والحجاب اخذت كايا
وجيت طلع واكفت يمي مريم
مريم: وين تردين تره هسه تبارك
تزعل، ذا ماشفتج
وهج: ولج كيان يبجي مااجاي يسكت
مااكدر ابقى اعتذريلي من عدها ماشي
طلعت بسرعه بره والنسوان طابه وطالعه
شوي واجى دمار رحت اله صعدت بسياره
واخذت كيان من عنده وكايا، رحت يما
وهج: يعني ساعه وحده ماتكدر تخلي يمك
شنو من اب انته
ابنج مكروص مو وياه هاي الاميره شو
ماتبجي مثله
وهج: اي لان كايا طالعه عليه وهاذه طالع
عليك ماشوفه مثلك
تروحيله فدوه ام صماخ
خزرته ومارديت بقيت اسكت بي
بس مااكو وصلنا للبيت صعدت
فوك بسرعه ودمار اخذ كايا وراح
رحت غيرت ملابسي واخذت
كيان وكعدت ارضعه خليته يمي على
جربايه وتمددت احس راسي حينفجر
من الالم
لليل يلا رجعن من الحفله تعشينه وكملنا
وكل واحد راح لغرفته غسلت المواعين
وياه مريم وصعدت فوك
فتحت باب الغرفه جان دمار نايم على
ضهره وكايا كعده على بطنه وكيان نايم
رحت غسلت وجهي ورحت تمددت
يمهم باوعلي دمار وفتح ايده ابتسمت
وخليت راسي على صدره وحضنته
ونمت
ثاني يوم الصبح كعدنه من وقت لان جوه
هواي عالم اندري عرس بس مو من الصبح
تجون
دمار غير ملابسه ونزل بسرعه واني لميت
الغرفه ورتبته وجهزت ملابسنه لان ورا
العرس كبل نروح لبغداد غيرت ملابسي
اخذت كيان وكايا ونزلت جوه
خليتهم يم بيبي ورحت انضف وياهن البيت
وكايا تفتر وراي اجن عمات دمار وبناتهن
ومن القارب الاكل كال جابو طباخ
تغدو وكملو وراحو يشوفون القاعه جهزت
اخذت طفالي وصعدت فوك هنه راحن
للصالون بس اني دمار ماقبل اروح
ماهتميت اصلن اني مااكدر اعوف كيان
هنه لان يبقى يبجي خليتهم يمي وغيرت
ملابسهم وملابسي
لبست فستان اسود طويل بس من فوك مفتوح
خليت شعري بس سشورته وخليت مكياج
حلو وكعدت انتظر دمار يجي احتى
نروح للقاعه اتصالت عليه كال شوي واجي
وفعلا شوي واجى
فتح باب الغرفه شافني وابقى اساكت
دنكت راسي لان ستحيت من انظراته
صا يتقدم عليه واكف يمي ورفع راسي
باوعتله
شنو من جمال عليج انتي ناويه تخبليني
مارديت بقيت اساكته اخله ايده على
خصري وقربني باس شفتي واجى
يقربني اكثر دفعته بسرعه
ورحت على مرايه باوع اخاف الحمره
تخربت
بعدني ماابستج ليش وخرتي
وهج: انتي اخاف الحمره تخرب
دمار عليك الله خلي نروح راح انتئخر
مارد اجى لزم ايدي ودفعني على جربايه
باوعتله بخوف جيت اكوم نام فوكاي
ولزم وجهي وليده الثانيه على
خصري حجيت بصوت خافت وتوتر
وهج: و..وخرر دمار شبي.... بعدني
ممكمله اخله شفته على شفتي اخذه
بعنف وايده الثانيه يعصر بيها خصري
بقوه خليت ايدي على صدري ادفع
بي بس مايوخر احس نفسي نكطع
شفتي تكطعت مااحس بيها وخر
من ويااخذ نفس بصعوبه اخله
راسه ابركبتي وعضها قوي
وهج: اه... وخرر دمار عيب هسه
يشوفن اركبتي بيها اثئر
مارد ابقى يبوس بيها لحد ماهوه كتفه
يلا واخر باوعتله شفته يباوعلي ويلهث
كمت بسرعه ورحت باوع على اركبتي
بالمرايه كلها اثئر شفتي منفوخه
درت وجهي اله خزرته والدمعه بطرف عيني
وهج: هاي شبيك دمار ليش هيج
سويت هسه من يشوفني شنو
يكولن عليه
لاتنترين بالحجي لاتخليني هسه
رجع سوي بيج اكثر من هاذه
تره انتي مرتي وذا انتي هيج
مستحيه ابقي لابسه حجاب
مو لزم تصلخين
مارديت لبست الجبه والحجاب واخذت
كيان ونزلت وهوه نزل وراي صعدت
بسياره واني كلبه وجهي علي بقيت
باوع على طريق
عود صدك زعلتي لان بستج ولا يهمج
من يخلص العرس ونروح لبغداد وهناك
شكج اشك
درت وجهي اله خزرته كورت ايدي وضربته
على بطنه
وهج: شلون تحجي هيج وكايا يمك
كاعده دمار تره راح تتعلم على هاي
اللفاظ
تره مااحجي شي بقدر المستطاع
جاي لزم لساني ومااحجي لا كدامج
ولا كدام كايا
مارديت رجعت درت وجهي للجامه
شغل اغاني ويغني هوه وكايا
وهيه تضحك وتصفك وصلنا
للقاعه جانت مو مختلطه وصلنا
جان اكو هواي سيارات ولد بعدهم
واكفين بره جيت فتح الباب لزم ايدي
دمار باوعتله
غطي وجهج ودنكي راسج من تدخلين
الله يلعنكم عليش واكفين بره يلا نزلي
هزيت راسي واخذت كيان ونزلت غطيت
وجهي وكايا راحت وياه دمار دنكت راسي
ودخلت بسرعه
دخلت جوه جانت القاعه كلش حلوه
والديكور يجنن باوعت شفت تبارك
طالعه حلوه كلش رحت عليها
وباركتلها
وهج: يبعد كلبي شايفه كل الخير ان شاءلله
تبارك: اني زعلانه من عندج لان امس
رحتي قبل لاتخلص الحفله
وهج: من ورا كيان والله جان بقيت
يمج بس ماعرف شبي امس بس يبجي
تبارك: يلا عادي المهم هسه اريدج
شوي وتجين تسحبيني احتى اركص
وهج: عود تحجين صدك مو عيب اثكلي
تبارك: عيب بالجيب هوه جم مره راح
ازوج عليج الله والله اريد اركص هسه
بالكوه لزمه نفسي ماانزل من الكوشه
واركص
ضحكت وهزيت راسي ورحت يم
خالتي خليت كيان يمها ورحت
اركص وياهن
جانت العرس كلش حلو شوي وكالو
راح يدخل العريس رحت لبست الجبه
والحجاب وكعدت باوع علي من دخل
جان لبس اقاط اسود وهوه ضخم
طالع كلش حلو
اكعد يمها شوي وبعدين كامو يركصون
اخذت الجهاز وصور بيهن ومبتسمه
اخلصت العرس والكل طلع صار وقت
الزفه راح نزفهم للفندق ونروح لبغداد
وهمه باجر يجون ورانه
اخابرت دمار كال طلعي بره واكف
انتظرج سديت الاتصال وغطيت
وجهي وطلعت بره جان
واكف يم السياره ويما كايا واكفه
يشرب جكاير ويباوع على كايا
رحت يما شرلي بسرعه صعد
صعدت وصعد هوه شال كايا وخله
بحضنه
وهج: تعبتك مو حياتي
رفع راسه باوعلي وابتسم
كلتي حياتي يعني راحت الزعله مو
كلبت عيوني ومارديت فتحت الجام
اريد باوع عليهم بس بسرعه سده
وهج: هاي ليش اريد شوفهم
مو اله تفتحين الجام تره جاي يصورون
وذوله ولد عمي كلهم نكسين
وهج: اي افهمت كل مااكلك شي
لزم تلفلك سالفه
مارد ابقت عينه بطريق درت باوعتله
جان لبس انظارات والجكاره ابأيده وكايا
كاعده بحضنه جان لبس ابنطلون اسود
وقميص ابيض ومفتوح من يم صدره
وكاف ردان القميص جان طالع يجنن
وصلنا للفندق نزلت من السياره وخليت
كيان يم دمار عفته وشردت يم تبارك
صعدت فوك يمها دخلت للغرفه
جانت واكفه يمها خالتها ومريم
رحت يمهن
جانت خالتها تعلمه شنو تسوي
وتشرحله وهيه كاعده ومدنكه
راسه مستحيه ابتسمت على شكلها
بقيت واكفه لحد مادخل سجاد
باركناله وطلعنه من الغرفه نزلنه
جوه وطلعنه من الفندق رحت
على دمار ومريم راحت على عمر
صعدت بسياره وحرك السياره ورحنا
للبيت خليت راسي على الجام وغفيت
من التعب
فزيت على صوت دمار فركت عيوني
باوعتله
يلا حبيبتي نزلي احتى نجيب غراضنه
ونروح راح انتئخر
وهج: خليها باجر دمار والله تعبانه مابيه
باجر عندي دوام مااكدر طول اكثر
من هيج ابقي لعد ذا تعبانه واني
راح جيب الغراض واجي
هزيت راسي بــ اي هوه راح للبيت
واني نزلت من السياره خليت
كايا بمكاني وغطيته اخذت كيان
وصعدت ورا تمددت وخليته بحضني
وغمضت عيوني ونمت
ورا فتره كعدت على صوت دمار فتحت
عيوني ورجعت غمضت حسيت بي
اخذ كيان من حضني بس بعدها
النعسه بيه ماابيه فتح عيوني
رجع بعد شوي واخله ايده جوه
راسي والثانيه على رجليه وشالني
فتحت عيوني باوعتله دنكت وباس
شفتي ابتسمت وحضنته من اركبته
دخلني للبيت وصعدني للغرفه مالتنه
خلاني على جربايه ونزع الجبه مالتي
والحجاب نزع القميص مالته واجى
تمدد واخذني لحضنه سمعته اهمس
مبين عليج تعبانه حبيبتي يلا باجر
اعرف شسوي
مارديت غمضت عيوني وبسته من اركبته
لمني حضنه بقوه شوي ونمت مرتاحه
بحضنه
ثاني يوم الصبح كعدت فتريت بالبيت
جان كلش حلو وطابقين بي غرف
ضيوف هواي وغرفه لسجاد وتبارك
لان راح يسكنون عدنه كلش فرحت
لان راح يبقون يمنا على اقل ماضوج
وحدي بالبيت اجو سجاد وتبارك
واجت مريم عمر علينا هم
سوينه غده وبيقنى كاعدين ونسوالف
ونضحك
مرات الايام والاسنين واحنى فرحانين
تصير مشاكل بيني وبين دمار بس
مانطول لزم لو اني راضي لو هوه
يراضيني تبارك صار عدها بنت
اسمته نوار وسجاد فرحان بيها
مريم صار عدها ولد ثاني اسمته صكر
كل اسبوع نروح للبصره نشوف
بيبي وجدو ونزور تيم رجع علي يعيش
بالبيت ابقى بي هوه وشهم
ونسام بعد مارجعت ابو دمار
ندمان ويريدهم بس يسامحونه
بس همه يحجون وياه بجفاف
اجى اليوم الاتخرج بي جنت كلش فرحانه
ومتوتره طلعت الصبح اخذت كايا وكيان
ورحنا للحفله مالت التخرج
شلت القبعه وشمرتها فوك واني ضحك
وباوع على دمار اليباوعلي أبفخر وعيونه
تلمع
رحت واكف يما وباوعله وابتسم
اخذ ايده وباسها
مبروك للدكتوره وهج
ضحكت وحضنته قوي
وهج: الله يبارك بيك حبيبي
احبج ياوهج روحي انتي
وهج: واني هم احبك واموت عليك دماري
________
لهنا وتنتهي روايتنا..
واصار الوقت انودع ابطالنا
شفتو عوض ربي الجميل مهما صار
مشاكل وضلم وقهر بالنهايه ربي
عوضهم وبلأخير اعاشو حياتهم مرتاحين
ان شاءلله اتكون اعجبتكم الرواية
انتظرونا بقصه جديده قريبآ ان شاءلله
الكاتبه ريو الطائي احبكم فرولاتي✨🖤
- يتبع الفصل التالي اضغط على ( رواية وهج الدمار) اسم الرواية