رواية كنت وحيدا لكنك اتيتي الفصل الحادي عشر 11 - بقلم مريم محمود
سليم بزعيق ليارين : دي اللي اسمها ملك انتي ازاي تتدخلي الاشكال دي عندي انتي مهمله والله لاوريكي
يارين بخضه : ايي في اي
#: اسمعني طب ي سليم
سليم بزعيق شديد : إياكي تجيبي سيرتي ع لسانك المقرف ده اطلعي برا من هنا
#: طب انا ندمت وجايه نرجع زي زمان واحسن
سليم بزعيق : اطلعي برا قولتلك
#: انا نورهان حبيبتك اللي من اول مجينا ع دنيا واحنا سوا مش تفرقنا تاني
سليم : معرفش حد اسمو نورهان اتفضلي اطلعي برا
نورهان بعياط : ارجوك انا ندمت ارجعلي انا مش زي الاول خالص
سليم بعصبيه : اه قولتيلي مش زي الاول اه
نورهان : صدقني
سليم : استحاله اصدقك اتفضلي اطلعي برا بدل ما اجبلك الامن اطلعي يلا
نورهان بعياط : ارجوك انا ندمانه ارجعلي تاني مش عرفه اعيش من غيرك انا كنت عيله طايشه ساعتها يوم ما خونتك وندمت بعد كدا لما لقتني لوحدي وعملت كل حاجه علشان انساك ومعرفتش ارجوك نرجع زي الاول واكتر ونتجوز ونخلف اطفال ونسميهم زي مكنا متفقين فاكر ي سليم يوم ما قعدنا سوا تحت نجوم وقعدنا نقرر ونتخانق هنسمي اولادنا اي
سليم : بس بقي كفايه كدب وتحوير انا مش سليم بتاع زمان اللي كان بيسمع كلامك شبه العبيط
نورهان : طب نرجع حتي صحاب
سليم : انا لو شوفتك تاني هنا هقتلك ي نورهان بايدي
نورهان : هحاول مره واتنين وتلاته لحد متقتنع وترجع سليم حبيبي
سليم بزعيق : اخرسي خالص انا مش حبيبك
نورهان : ماشي ي سليم انا ماشيه
سليم : في ستين الف داهيه تاخدك وتشيلك
نورهان طلعت من المكتب
. . . . . . . . . . . . . . . . . . . . . .
نورا : اي اي ده ده ست نورهان بنفسها هنا
نورهان : ابعدي عن وشي دلوقت ي نورا لاحسن اجي اخلي وشك شوارع
ساره : سبيها ي نورا تلاقي عروستنا زعلانه
نورا بشماته : انا بجد زعلنالك اوييي بجد يعني انا لو مكانك مش ارجع واخلي عندي كرامه حتي
نورهان : والله ي نورا لو مش حطيتي لسانك جوا بوقك محدش هيعرف يشيلك من ايدي
نورا : ي حبيبتي خلاص سليم نساكي وهو دلوقت في حياتو واحده تانيه
نورهان : مين اللي تاخد سليم مني استحاله
ساره : تعايشي مع الوضع بقي ي نورهان دي مش بعيد يكون هيتجوزها
نورهان : ورب الكعبه اعرفها ومش هتبقي باقيه ع دنيا دي
نورا : طب تحطي ايدك في ايدي ونخلص منها
نورهان بضحك : اه والله كدا هصدق بقي مانتي عينك ع سليم من زمان ي نورا يعني هنخلص من البت دي انتي مش بعيد تاخديه مني
نورا : منك هو اصلا كان معاكي علشان اخدو منك
نورهان : نورا قوليلي مين دي
نورا بقرف : السكرتيره اللي عندو مشاني علشان خاطرها
نورهان : و ربي لاجيب تاريخ اللي جابوها
نورا : لا منا جبتهولك ي قمر مش تتعبي نفسك بس تساعديني ونمشيها و الشاطره اللي تاخد سليم
نورهان بشر : وانا مواقفه
نورا : يبقي تعالي معايا في المكتب نتفق
نورهان : وانا وراكي
دخلو ساره ونورا ونورهان المكتب
نورا : اقعدي
نورهان : هاتي اللي عندك
نورا : مش معني اني هحط ايدي في ايدك يبقي انا اتصفيتلك انتي بردو لسه يعتبر عدواتي يعني صحاب مصلحه
نورهان : اخلصي
نورا : احنا نخلص من البت دي باي شكل بعد كدا نشوف مين اللي تقدر تاخد سليم
نورهان بثقه : كويس كدا كدا انا اللي كسبانه
نورا : لما نشوف انا وانتي اهو
نورهان : قوليلي اي حاجه عن الزفته دي
نورا بشر : بصي ي قمر البت دي اسمها يارين انا ملاحظه بقالي كام يوم في عربيه بتراقبها وهي قبل متنزل رحت واتشجعت و خبطت ع باب العربيه واتكلمت معاهم وقولتهم ان انا عرفه انهم بيراقبوها وعاوزه اعرف السبب ودفعتلهم فلوس خدو مبلغ وقدره بس عادي مش مهم وحكولي ان هي هربانه من عمامها علشان عاوزين يخدو ورثها وفي عم من عمامها عاوز يجوزها لابنو وده طبعا في ملعبنا
نورهان بشر : حلو اوييي كدا
نورا : انا عرفت اجيب رقم عمها منهم وهكلمو دلوقت واقولو كل حاجه وازود يعني حبة حاجات من عندي مش هنخسر حاجه
نورهان بخبث : يعجبني ذكاءك وشرك ي نورا
نورا بضحكه زعل : كنت بتعلم منك ي نورهان
نورهان : كنت بعلمك لحد ما انتي وقعتيني في شري وخلتيني اخون سليم
نورا : جاتلك الفرصه تاني ي نورهان لتخسريها لتكسبيها وانا اللي مش قوتلك خنيه
نورهان : اقفلي ع قديم ي نورا
نورا : انتي اللي فتحتيه مش انا
نورهان : خلينا في الحاضر دلوقت احنا هنحط ايدينا في ايد بعض
نورا : وانا موافقه
نورا : وانتي ي ساره
ساره : انا اي
نورا : هتساعدينا
ساره : اظن انا مليش اي مساعده وانا يعني مش مضايقه منها علشان اذيها
نورا : وادهم اللي عمال يبصلها ده خافي عليه
ساره بزعل : ده البجح جه يشكرلي فيها وعمال يقول عليها محترمه وذكيه ومجتهده وطول ما انا معاه مبطلش كلام عنها
نورا : انا حذرتك وقوتلك ي ساره لكن انتي مش بتسمعيني
ساره : خلاص انا معاكم
نورهان : ع بركه ي بنات كدا فل اوي خلصت
نورا : انا هروح اتصل ع عمها دلوقت
نورهان : تمام وانا هنزل دلوقت وياريت تقابلوني بكره في الكافيه اللي جمب الشركه
نورا : خلاص تمام اول مخلص شغل هناقبلك
نورهان : بتخلصو امتي
نورا : ممكن ع ساعه 7 او 6 بس هاتي رقمك احتياطي
نورهان : خلاص تمام
. . . . . . . . . . . . . . . . . . . . . .
عند عمام يارين
إبراهيم : شوف البت الزباله بتعمل اي
قاسم : اي عملت اي
إبراهيم : البت مدورها وراحت اشتغلت في شركه وهتروح تتجوز صاحب الشركه
قاسم : وهو صاحب الشركه هيبصلها
إبراهيم : انا اعرف احنا لازم نروح والله لاجبها من شعرها
قاسم : هتتجوزها لابنك ازاي دي
إبراهيم : انا هجوزها لابني غصب عنها لو حصل اي ابني عاوزها بردو والله لاجبهالو تحت رجلو
قاسم : البت دي لازم تتضرب عقله موت دي هتصغرنا قدام الناس مش بعيد تجبلنا مصيبه
إبراهيم : والله منا مش هعدي الموضوع ده بالساهل كدا
قاسم : انت عرفت ازاي كل ده
إبراهيم : واحده متصله بتعيط او منهاره عياط بتقول بنت اخوك عاوزه تخطف مني حبيبي وعماله تتمايع عليه وهو مفروض هيتجوزني انا وشكلو هيرجع في رايو وانا عاوزه خطيبي
قاسم : البت الزباله يارين والله لنوريها
إبراهيم : اعمل حسابك بكره هنروح نجبها من شعرها
قاسم : حاضر
. . . . . . . . . . . . . . . . . . . . . .
عند سليم بدا يكسر في الحاجه وهو مش شايف قدامو
سليم بزعيق : انتي السبب في ده كلو انتي السبب
يارين بعياط : والله معملت حاجه انا مالي
سليم : انتي اللي دخلتيها انتي السبب انتي سبب اي حاجه وحشه حصلتلي من اول مشوفتك وانتي مش بتجبيلي الا المصايب
يارين : والله هي قالتلي اسمها ملك صدقني
سليم بزعيق : بطلي كدببب بقي بطلي كدب كلكم زي بعض
يارين : اهدي بالله اهدي
سليم بزعيق : اطلعي برا ملكيش دعوه بيا والله لاوريكي واوريها
هنا سليم وقع ع ركبو من القهر وبدات يارين تقرب منو بهدوء وطبطت عليه براحه
يارين بهدوء وعياط : والله انا اسفالك هي قالتلي اسمها ملك مكنتش اعرف والله اسفه
سليم بدا يعيط شبه الطفل لحد ما انام ع رجل يارين ع الارض
يارين لنفسها : والله معرف انا عملت اي بس يارب ترتاح ي سليم و يريح بالك
. . . . . . . . . . . . . . . . . . . . . .
عند دعاء الوقت اتاخر ومستنيه سليم يجي لقت باب الفيلا بيخبط
دعاء : افتحي ي بنتي شوفي مين
المساعده : حاضر
راحت المساعده تفتح
ياسين للمساعده : فين دودو
المساعده : جوا اتفضل
دخل ياسين لدعاء
ياسين بقلق : فين سليم
دعاء بدموع : والله قلبي مكنش مطمن النهارده كنت حاسه انو هيحصل حاجه اي حصل لسليم
ياسين : نورهان رجعت و راحتلو الشركه الصبح
دعاء بعصبيه : ينهار اسود علينا هي فين البت دي
ياسين : دلوقت المهم مش عارف اوصل لسليم عمال اتصل عليه فونو مغلق و عرفت من حد في الشركه ان سليم فضل يزعق كتير ويكسر في الحاجه
دعاء : والله قلبي مكنش مطمن ويارين كمان مش بترد يارب تسترها
ياسين : طب انا هروح المكتب اشوفهم
دعاء : طب استني هاجي معاك
ياسين : لا خليكي هنا
دعاء : لا لا علشان يارين لوحدها والوقت اتاخر عليها انا هروح معاك
ياسين : ماشي يلا تعالي
. . . . . . . . . . . . . . . . . . . . . .
عند سليم صحي لقي نفسو نايم ع رجل يارين بدا يصحي بص عليها كانت نايمه من التعب بص حواليه لقي كل حاجه متكسره مكنش مستوعب هو عمل كل ده فضل شويه يبص ليارين اللي كانت سانده راسها ع كرسي ونايمه وايديها كانت متعوره جرح كبير من الازاز المتكسر
سليم : يارين يارين
يارين : اممم
سليم : اصحي
يارين بنعاس : ي ماما بقي سبيني انام براحتي قولي لوعد هي اللي تعمل الفطار المرادي
سليم : ي بنتي قومي
يارين بدات تصحي وتبص حواليها
يارين : هي ساعه كام دلوقت
سليم : الساعه 2
يارين بصدمه : يالهوي هروح ازاي دلوقت
سليم بهدوء : اسكتي هروحك
يارين : شكرا مش عاوزه
سليم : هو اي حصل امبارح
يارين : والله حضرتك مش فاكر
سليم : لو فاكر مش هسالك يعني
يارين : انت فاكر اي
سليم : فاكر اني شوفت واحده نرفزتني اوي
يارين : متعرفش مين هي
سليم بتوهان : نورهان
يارين : اه هي
سليم بزعل : يارتني ما افتكرت
يارين : لي تعصب نفسك ده كلو لي توقف حياتك عليها يعني دي واحده مش تستاهلك
سليم بزعل : انتي متعرفيش حاجه
يارين : لا اعرف ي سليم
سليم : اي
يارين : احم احم اقصد سليم بيه
سليم : سيبك من سليم بيه تعرفي اي
يارين بكذب متصنع : لا لا اعرف اي معرفش حاجه
سليم : قوتلك بكره الكدب
يارين : اخس عليك ي سلايم بيه انا بردو اكدب عليك
سليم ضحك بتعب ودي اول مره كان يضحك فيها معاها
يارين بصويت : هو انت بتتضحك زينا
سليم : اي خضتيني في اي
يارين : غريبه يعني حضرتك بتتضحك لي
سليم : كل مره كنتي بتقولي سلايم كنت بتعصب و في نفس الوقت بكتم ضحكتي
يارين بتوتر : يعني انت دلوقت هتتعصب
سليم : متخافيش مش هتعصب
يارين : اوهه انا اخاف منك ابدا مبخافش اصلا
سليم : خلاص خافي
يارين : اوه ي مامي خوفت
سليم : هو مين وعد اللي كنتي بتنادي بيها دي
يارين بزعل : دي وعد اختي الله يرحمها
سليم : واي دخل انك دافعتي عن اختك والفلوس اللي خدتيها
يارين بصدمه : هي دودي قالتلك !
سليم : مين دودي دي اصلا
يارين : دعاء
سليم : لا مش قالتلي حاجه
يارين : لا تبقي قالتلك
سليم : لا والله مقالتلي حاجه
يارين : يبقي عرفت ازاي
سليم : وانتي بتزعقي قولتي انك دافعتي عن اختك بس
يارين : اه افتكرت
سليم : اي بقي العلاقه
يارين : خلاص هقولك بس سر
يارين : واحد كان يعرف اختي زمان وهي ف ثانوي تقريبا وكان ماسك عليها صور وابوه هددني لو مدفعتش المبلغ هو هينشر الصور بعد ما هي اتوفت
سليم بعصبيه : انتي عبيطه كنتي روحتي عملتي محضر في القسم
يارين : خوفت اوي وكل البلد كانت هتعرف
سليم : خلاص عادي مش مهم حصل خير الموضوع مكنش مستاهل
يارين : اه ايدي وجعاني اوي
سليم بص ع ايديها كانت بتنزف سليم وقف وراح ناحيه رف كان فيه علبه فيها شاش وقطن وحاجات طيبيه
سليم : هاتي ايدك هلفهالك
يارين : لا انا هلفها بنفسي
سليم : مش هتعرفي
يارين : لا هعرف هات
سليم : براحتك اتفضلي
يارين اخدت الحاجه منو بدات تحاول بس معرفتش تعمل اي حاجه
يارين : احم احم
سليم : في حاجه
يارين : لو اتكرمت ي باشا تلفلي ايدي مش عرفه
سليم بابتسامه : منا قوتلك من الاول بس هاتي
كانو قاعدين ع الارض سوا وبدا سليم يلف ع ايد يارين
يارين : هو انت كنت بتحبها لدرجادي
سليم بحزن مكتوم : واكتر كمان
يارين : ولسه بتحبها
سليم : مش عارف بس انا براقبها في كل حته هي ماشيه فيها وبطمن عليها من بعيد ولسه محتفظ بكل حاجه تخصها
يارين : يبقي لسه بتحبها ومش راضي تعترف
سليم بوجع : اه
يارين لنفسها : حبك برص ي بعيد
سليم : انتي قولتي حاجه
يارين : لا مقولتش
سليم : خلاص انا لازم اتخطاها هي مش نورهان القديمه و هي هتفضل هي هي ولو رجعتلها هتخوني بردو زي زمان
يارين : اه طبعا ديل الكلب عمرو ما بيتعدل وهي اصلا نفسها شبه ديل الكلب
سليم ضحك اوي ع كلامها
يارين : اضحك اضحك والله انا مستغربه بس ع عموم انت لازم تاخد خطوه مينفعش اللي انت بتعملو ده
سليم : اي هي الخطوه
يارين : روح ولع في الحاجات اللي تخصها
سليم بزعيق واطي : مقدرش ي انسه يارين انتي بتهزري
يارين : قولي ي يارين ع طول اي انسه يارين دي بس المهم ملكش دعوه سيب الخطوه دي عليا
سليم : يعني اي اسيبها عليكي
يارين : مش انت عاوز تنساها
سليم : اه اكيد
يارين : خلاص حط بنزين ع نار لحد ما النار تهدي وتطفي لوحدها
سليم : يعني اي
يارين : يعني انت لازم تنساها وتبطل تراقبها ولازم تسيب اي حاجه تخصها ولو انت مش قادر تعملها يبقي انا هعملها
سليم : هسيبهالك انتي بس استحملي ردة فعلي وقتها انصحك بلاش تعمليها انتي مش هتستحمليني وقتها
يارين : اوكي براحتك
كان سليم لسه بيلف ايديها ومره واحده الباب اتفتح جامد وهما قاعدين
ياسين : احم احم اسفين اسفين دخلنا غلط
هنا سليم رمي ايد يارين
يارين : اي براحه ايدي
دعاء بخضه : اي حصل واي حصل للمكتب ومالها ايدك ي يارين
يارين وسليم قامو من ع الارض
سليم : محصلش حاجه
دعاء : هي فين البت دي والله لاجبها من شعرها لو شوفتها بت البجحه دي
سليم : هي مين دي
يارين : اه دودي تقصد ع ديل الكلب
ياسين بضحك : اه والله بجد هي كدا فعلا
دعاء : صدقتي ي بنتي بس هي فين دلوقت
يارين : مشيت معرفش فين
دعاء : وانتي مالها ايدك
يارين : مفيش ي روحي اتعورت من الازاز
سليم : كلمي حد ي دعاء يجي يعمل المكتب وعاوزو يجهز ع الصبح وخدي يارين ترتاح شويه
ياسين : استنو هوصلكم
سليم : احم احم انا اللي هوصلهم انت تلاقيك تعبان
ياسين بخبث : لا يعم عنك يلا علشان انسه يارين تعبانه
سليم بهمس : بس ي حبيبي انا اللي هوصلها
ياسين بهمس : ع فكره هما اتنين ي باشا
سليم بهمس : اسكت بقي انا اللي هوصلهم
ياسين بهمس : طب تاخد انت يارين واخد انا دعاء
سليم بهمس : والله لو عملتها تبقي راجل ابن راجل وهلعب معاك بلاستيشن يعم
ياسين بعلو صوت : خلاص ي جماعه احنا نقسم نفسنا اتنين اتنين
يارين : لي يعني
ياسين : اصل الباب اللي ورا عندي في العربيه مش بيفتح
دعاء : خلاص نركب مع سليم
ياسين : اصل سليم حصل حاجه في عربيتو ومينفعش حد يركب ورا اصل اللي هيركب ورا ممكن يحصل حاجه نبقي بقي ي سليم نوديها سوا انا و عربيتي يتصلحو
هنا دعاء فهمت الوضع
دعاء : خلاص ي يارين اركبي انتي مع سليم وانا هركب مع ياسين
يارين بتوتر : تمام مفيش مشكله
. . . . . . . . . . . . . . . . . . . . . .
- يتبع الفصل التالي اضغط على ( رواية كنت وحيدا لكنك اتيتي) اسم الرواية