رواية امتلكت قلب صعيدي الفصل الحادي عشر 11 - بقلم نرمين حمدي
"إمتلكت قلب صعيدي"
وعد لنفسها: معقول سابها شغاله اكيد نسي مش معقوله كتله العند دي ويسيبها شغاله
وعد مده ايدها عشان تطفيها في نفس اللحظه الي صخر مد ايده عشان ياخد موبايله لتمسك يده بيدها وبدون اي مقدمات يجذبها صخر اليه ويضعها علي السرير حتي يصبح جسد*ها اسفل جسد*ه
وعد بفزع: ااااه في اي انا معملتش حاجه
ليفيق صخر ويجد وعد
لتقع عين وعد علي تلك العينان العسليتان ثم حل الصمت المكان عندما تاهت وعد في تلك العيون الغامضه التي بداخلها الكثير من الاشياء
وسرعان ما يبتعد صخر عنها عندما اطاله النظر به
لتنهض وعد ببطئ
وتخرج من الغرفه مسرعه لتصطدم بزين وكانت عينيها مليئه بالدموع فكيف لها ان تنظر في عين تلك الشخص الذي قتل حبها الاول والاخير امام عينيها وتطيل النظر به ولا تشعر بنفسها
زين بقلق: مالك ياوعد هتبكي كديه ليه
وعد وهي تبكي: مفيش حاجه
وسابته ومشيت لتنطلق الي المطبخ حيث تنهمر دموعها لتتذكر سيف وحبه لها وكيف كان يعشقها وتلك الوحش الذي قتله بدون رحمه
زين انطلق علي غرفه صخر غاضبا
زين لصخر: فيه ايه ياخي هو انت اتجوزتها عشان تبكيها وتعزبها حرام عليك انت معندكش جلب
صخر بعدم فهم يسرح شعره ببرود: بتتكلم عن ايه انت
زين: انت عارف زين انا بتكلم عن ايه
صخر: لا مش عارف واجولك مش عاوز اعرف وسعلي كديه هتأخر علي شغلي
زين: بتكلم عن وعد الي نازله ودموعها علي خدها
صخر بعدم فهم: وانا مالي هو انا الي بجولها تبكي ولا ايه مالك كديه اوزن كلامك
زين: كلامي موزون بس الظاهر انت الي مش عاجبك حد لو مش عايزها طلجها ياخي لكن مينفعش كديه دي مهما يكون بت عمك
صخر بغضب: متدخلش في الي ملكش فيه تاني عشان المره الجايه هزعلك انت وهي
زين: مفيش فايده دماغك دي متركبه غلط
***********
وعد عيطت جامد: بقي بعد كل الحب دا ياوعد سيف يموت وانتي تتجوزي الي قتله
اه ياوجع قلبي كان مستخبيلك فين كل دا ياوعد
لتدخل اليها ليلي: لسه هتبكي هو صخر معرفش ينسيكي حبيبك السابج ولا ايه
وعد: هستني منك اي م انتي شبه المفروض كان يكون ابنك انت انتو الاتنين شبه بعض
ليلي تمسكها من زراعها: اسمعي يابت انتي الظاهر لسه معرفتيش مين ليلي انا لو حطيتك في دماغي هتجولي نار صخر ولا جنتي
وعد فضلت تتوجع دون اي مقاومه
وفجأه تمسك بيد ليلي يد رجوليه قويه بارزه العروق لتفلت ليلي يد وعد لمجرد رؤيته ليتقدم صخر ويقف امام ليلي وخلفه وعد: طول ماانا عايش هخلي عيشتك جح*يم ياوش الفج*ر انتي
ليلي: عيب كديه وبعدين انا بوعيها
صخر: امشي من جدامي احسنلك
ليلي مشيت وهي متعصبه لينظر صخر لتلك الصغيره التي تبكي لاسباب لايعرفها ثم يذهب
ووعد فضلت مكمله عياط وقعده علي ارضيه المطبخ ضامه رجلها لصدرها ودافنه رأسه وتبكي
ليدخل هارون بالصدفه ويجدها تبكي ثم يذهب اليها: مالك ياوعد
وعد ترفع رأسها: طلقني منه ياجدو طلقني منه وانا اوعدك اني مش هخرج من البيت بس خليه يطلقني عشان خاطري
ليجلس هارون بجانبها ويجذبها لحضنه: ليه بتجولي كديه يابتي
وعد: مش طايقه اكون علي زمته دقيقه واحده مش طايقه اكون في نفس الاوضه الي هو فيها
هارون: انتي عارفه غلاوتك عندي كد ايه بس مش معني كديه انك تغلطي ومتتحاسبيش غلطه ذي دي في الصعيد بموته لكن انا كنت رحيم معاكي صخر كان ناوي يجتلك
وعد: يعني اي انا هفضل طول عمري مراته كنت سيبته يموتني احسن
هارون: محدش ظلمك انتي الي ظلمتي نفسك بنفسك حاولي تتأقلمي مع الوضع الجديد وبصراحه اكتر انا شايف ان صخر اكتر حد مناسب ليكي
وعد تخرج من حضنه: مناسب! ازاي دا قتال قتله دا لو مقتلش حد يومه ميعديش دا معندوش رحمه يبقي ازاي مناسب ليا ياجدو ازاي
هارون: هجولك حاجه متعرفيهاش عن صخر هو ممكن يبان كديه جاسي ومعندوش جلب لكن جلبه مفيش اطيب منه يابتي
وعد: الظاهر ان مفيش حد غيرك الي شايف كدا ياجدو دا حتي هو نفسه مش عارف
هارون: بكرا تعرفي بنفسك يلا جومي اغسلي وشك ديه والبسي هاخدك جوله كديه في الصعيد
وعد: بس هو
هارون: متخافيش انا هكلمه
وعد: حاضر ياجدو
وعد طلعت علي اوضتها عشان تجهز
وهارون بيتصل علي صخر
صخر: هااا
هارون: عامل اي في الشغل ياولدي
صخر: كله تحت السيطره وبعدين من متي بتسألني انت
هارون: لاه انا بكلمك عشان حاجه تانيه
صخر: انا بجول كديه برضو
هارون: هاخد وعد ونطلعوا كديه البت من ساعه مجات هنيه مطلعتش
صخر بحده: طلعت روحها ان شاء الله البت دي ملهاش طلوع من البيت
هارون: متبجاش كديه مخك الجفل ديه مش معايا انا ياصخر
صخر: وانا جولت لاه انت مش جوزتهالي خلاص سيبهالي بجي
هارون: يعني ايه
صخر: يعني لاه
هارون: ماشي ماشي ياصخر
******
وعد لبست ونزلت وهي مبتسمه اخيرا هتخرج
وعد بلهفه: هااا ياجدو قلك ايه
هارون بتردد: ايوه يابتي وافج متجلجيش
وعد: يبقي يلا بسرعه
هارون اخدها وخرجو
هارون: يلا ياوعد اركبي العربيه
وعد بتمسك في دراعه بطفوله: لا ياجدو خلينا نتمشي عشان خاطري
هارون: وانا ليا كام وعد يعني يلا يابتي
لنعود لليلي في البيت
ليلي بخبث: بجي كديه ياعمي الي معملتها مع بتي الغلبانه دي ماشي ماشيي ياوعد اما جلبتها عليكي انهارده مبجاش انا ليلي
****
في الخارج
كان محاط بهارون ووعد رجاله كتير للحمايه ووعد كانت مضايقه منهم جدا
وعد: جدو متخلي الناس دي تمشي بقي
هارون: مينفعش يابتي احنا اعدائنا كتير
وعد: عشان خاطري ياجدو عايزه اقضي اليوم معاك لوحدنا ياعالم هعرف اخرج تاني ولا لا
هارون: مش هعرف اجول لا جصادك واصل
وعد بطفوله حضنته: شكرا ياأحلي جدو في العالم
هارون: ههههه طيب خلاص امشوا انتو يارجاله
احد الرجال: بس ياهارون بيه صخر بيه موصينا
هارون: وانا بجولك تمشوا مفيش حاجه هتحصل
احد الرجال: ياهارون بيه لو صخر بيه عرف مش هيصبح علينا صبح
هارون: جولتلك خلاص محدش هيجوله
أحد الرجال: تحت أمرك ياهارون بيه
وعد: انا بحبك اوي ياجدو🥹
هارون: وانا كمان ياعيون جدك
وعد وهارون فضلو يتمشوا علي النيل وياكلو لب ويدردشوا
هارون: انتي الي بجيالي من ريحه ولدي مش عايز اضيعك واديكي لاي حد يمكن يكون طمعان فيكي
•تابع الفصل التالي "رواية امتلكت قلب صعيدي" اضغط على اسم الرواية