رواية كنت وحيدا لكنك اتيتي الفصل الثاني عشر 12 - بقلم مريم محمود
عند دعاء و ياسين في العربيه
دعاء بضحك : بس انت لعبتها صح صايع من يومك
ياسين بضحك : اه شوفتي ولا شوفتي سليم فرح ازاي
دعاء : ده بقي شكل كلامك هيطلع صح
ياسين : يارب يحبها ونخلص منو
دعاء : بص هقولك
ياسين : قولي ي ست الكل
دعاء : حتي لو سليم حب يارين عمرهم ما هيبقو سوا
ياسين : اممم واي السبب
دعاء : عمام يارين بيجرو وراها عمرهم ما هيسبوها صدقني وصعب حتي ع سليم يحب يارين منكرش اقول مش هيحبها لا ممكن يحبها بس اللي خايفه منو يحبها علشان يقهر نورهان او ينسها وبعد كدا يكتشف ان يارين مش شبهو او مش تنفعلو او او اسباب كتير
ياسين : عندك حق بس دي مش اسباب مقنعه لو سليم كان عاوز يقهر نورهان كان زمانو شاف اي واحده من زمان لكن هو معملش كدا وقفل ع قلبو وبالنسبه لعمام يارين لو عرفو كويس مين هو سليم الحربي انسي وجودهم
دعاء : طب يارب يحبها مش اكره والله بس خايفه يبقي في جرح جديد بس الجرح هيبقي جرحين
ياسين : يستي متخافيش بقي بس فكك فكك شوفتي اول ما انا فتحت الباب جامد
دعاء بضحك : يالهوي ده سليم رمي ايد يارين بسرعه
ياسين بضحك : الولا خاف يعيني
دعاء : هموت واعرف اتكلمو في اي
ياسين : انتي عندك يارين وانا عندي سليم كل واحد يعرف من طرفو
دعاء بضحك : ايوا انت صح
ياسين : بس ي ترا دلوقت بيتكلمو في اي
دعاء : يعم تلاقيهم بيتخانقو
ياسين : لا لا سليم مش حمل خناق
دعاء : بس اتصدق لايقين ع بعض
ياسين بضحك : اه والله حصل
دعاء بخبث : قولي بقي ي سكر انت اسمها اي ؟
ياسين : احم احم هي مين دي
دعاء : اللي مخلياك تتضحك كدا ولا كأنك مالك كنوز الدنيا
ياسين بتوتر : انا طول عمري بضحك من امتي وانتي شوفيني زعلان بعدين يعني انا مش فاهم قصدك
دعاء بضحك : اسكت اسكت بطل كدب من وانت صغير عمرك معرفت تكدب عليا قولي بقي مش تتعبني مين دي واسمها اي
ياسين : ي دودو قوتلك مفيش
دعاء : ي واد بقي قول
ياسين : يعني انتي مُصره ؟
دعاء بابتسامه عريضه : اه
ياسين : اسمها شمس ي ستي
دعاء : الله اسمها جميل اوي
ياسين : بس يعني مش بينا اي حاجه
دعاء : لا بقي ده انا تحكيلي تعرفها ازاي
ياسين : يعني انتي مُصره ؟
دعاء : متخلص ي حظابط ياسين قولنا اه
ياسين : خلاص انتي اللي طلبتي بس اوعي الواد سليم يعرف
دعاء : لا لا متقلقش من امتي وانا بقول
ياسين : اه هو انتي هتقوليلي ده انتي طياره
دعاء : يعم قولنا مش هنقولو اخلص بقي هموت واعرف
ياسين بدا يحكيلها من اول متاقبلو
ياسين بابتسامه : وبس كدا ي دودو
دعاء : طبعا انت عارف كما تدين تدان
ياسين باستغراب : هو انا عملت حاجه غلط ولا اي
دعاء : انت بتظبط سليم مع يارين وطبعا المعروف بيترد
ثم اكملت بغمزه : وده مش يمنع اني اظبطك معاها
ياسين عينو لامعت : بجد ولا بتهزري
دعاء : لا مبهزرش
ياسين : ازاي
دعاء : هاخد يارين وهروح اقابلها بكره او بعدو لو مش عندك مانع يعني
ياسين بفرحه : ابداً ابداً ي ست الكل معنديش مانع هتصل عليها دلوقت اقولها
دعاء بضحك : ده انت شكلك واقع من الدور السابع تتصل عليها دلوقت اي بس احنا في اخر الليل
ياسين بهرش في راسو : اه صح
دعاء : هقول ليارين ونظبطك معاها ولو حسينا هي حباك نخلص الموضوع
ياسين بفرحه : اشطا ي معلم معروفك ده مش هنساه ع فكره
دعاء بضحك : قلب المعلم ي ولاه هو انا ليا كام ياسين يعني
. . . . . . . . . . . . . . . . . . . . . .
عند سليم ويارين
سليم : احم احم اشكرك
يارين : ع اي
سليم : ع وجودك معايا في وقت صعب زي ده واسف يعني لجرح ايدك
يارين بابتسامه : لا عادي ده جرح بسيط
سليم : اه علشان اخرتك معايا ف تقدري تيجي ع ساعه 12
يارين بفرحه : بجد شكراً شكراً ده انا بقي كل يوم اتاخر معاك
سليم : اي كل يوم اتاخر معاك دي انا اقصد المره دي بس
يارين بغضب : ده انا قولت انك اتغيرت
سليم : واتغير لي يعني
يارين : لا ولا حاجه بس المهم
سليم بابتسامه : اي المهم
يارين : حضرتك لو ابتسمت بحس اني هموت بحس الحركات دي حركات القاتل المتسلسل وانك هتموتني
سليم : يعني اعيط علشان ترتاحي
يارين : لا لا متعيطش منقدرش ع عياطك ي سلايم بيه
سليم : مش هضحك انا ضحكت مره واحده ع الاسم
يارين : هو انت بتتحول مره واحده ولا اي بس نخلينا في المهم
سليم : اي المهم
يارين : الصفقه عملت اي فيها
سليم : هنشوف لسه إن شاء الله خير يعني
يارين : بلاش هتخسر صدقني
سليم : حتي لو كلامك مقنع بس مش همشي وراكي علشان انتي معندكيش الخبره الكافيه
يارين بتحدي : هنشوف
سليم بابتسامه : مستني
يارين بفرحه : بس شكل البشمهندس ادهم ده بيفهم ع فكره حساه كدا راجل ليه هيبه وكاريزما كدا وحساه بيفهم في الشغل جدا
سليم هنا كتم غضبو بالعافيه
يارين : وغير كدا والاحسن طبعا انو دافع عني بس والله حساه لطيف يعني مؤدب ومحترم كدا وفاهم هو بيعمل اي ده الوحيد اللي شوفتو بيقوم بشغلو كويس ومهتم بشغلو وكدا و عرفت بالصدفه ان هو خطيب ساره المسئوله ع الحاسبات بس يبختها بيه شكلو بيحبها من كل قلبو ي بخت اللي تلاقي واحد كامل متكامل كدا وبيحبها بجد يعني مش ناقصو حاجه راجل راسي كدا وفاهم ربنا يخليهم لبعض لايقين ع بعض جدا
سليم كان باصص لطريق وهو بيسوق ومتعصب من كلامها
يارين : و كمان ...
سليم بعصبيه : خلاص هو انتي لسه هتكملي
يارين بعياط : هو حضرتك بتتعصب عليا لي انا بتكلم عادي انا محدش عمرو رفع صوتو عليا غيرك هو انا علشان يتيمه ومليش حد هتفضل كل شويه تزعقلي هو اه شغاله معاك بس مش حقك تزعقلي
سليم بحنان : انا مقصدش والله حاجه معلش اسف انا مقصدش اني ازعق بس انتي عماله تشكري فيه وانا جمبك
يارين بدات تمسح دموعها
يارين : طب وفيها اي
سليم : يعني انا ينفع اجي اشكر في نورا واقول نفس الكلام اللي قولتيه وانتي جمبي
يارين بغضب : متجبش سيرتها البت دي مش بطيقها عيله رخمه
سليم : اهو شوفتي انك بردو اضايقتي حقك عليا يستي متزعليش مني
يارين بضحكه خفيفه : خلاص مش زعلانه وانا كمان اسفالك اني ضايقتك
سليم : لا عادي متتاسفيش انا اللي مفروض كنت افهمك براحه
يارين ابتسمت بهدوء لسليم
سليم : تحبي تاكلي حاجه
يارين : لا مش قادره عاوزه انام بس
سليم : انتي مكلتيش ممكن اجبلك حاجه بسيطه تاكليها
يارين : لا لا انا بس عاوزه انام
سليم : خلاص اهو قربنا نوصل
. . . . . . . . . . . . . . . . . . . . . .
ياسين وصل دعاء و سليم وصل يارين
. . . . . . . . . . . . . . . . . . . . . .
عند دعاء و يارين
دعاء : اي اخرك كدا
يارين : كان ماشي بطئ جدا معرفش لي
دعاء بابتسامه خبث : اه بقي وعملتو اي احكيلي بقي من اول ما البت نورهان دخلت انا قاعده مستنياكي اعرف اي الحصل
يارين : شكلك سهرانه بقي وانا هموت وانام
دعاء : لا بقي يلا قوليلي
يارين : بصي احكيلك ملخص لحد بكره
دعاء بفرحه : يلا قولي
بدات يارين تحكيلها كل حاجه
يارين : شوفي بقي حكيتلك اهو حتي من غير ملخص يلا سبيني انام
دعاء بصدمه : يعني انتي هتروحي الشغل متاخر
يارين : اه
دعاء بصدمه : و كمان سليم اتأسف وضحك
يارين باستغراب : اه
دعاء : ده شكل كلام ياسين صح
يارين : كلام اي
دعاء بابتسامه : لا لا ولا حاجه خشي نامي انتي بس واحتمال بكره نروح نقابل شمس
يارين بتساؤل : مين شمس
دعاء : دي يستي بنت ياسين بيحبها وعاوزنا نظبط معاها الامور
يارين : ده جه في ملعبي قوليلو الموضوع مع يارين
دعاء بضحك : خلاص هقولو ي باشا ان الموضوع معاكي
يارين : اشطا ي قلب الباشا انا بقي هدخل انام منعوسه اويييي
دعاء : ماشي ي حبيبتي نوم الهنا
يارين : الله يهنيكي ي روح قلبي بس كنت عاوزه اسالك ع حاجه
دعاء : نعم ي حبيبي
يارين : انتي تعرفي مكان حاجه نورهان اللي سليم عاينها
دعاء : اه اعرفهم لي
يارين : طب انا عوزاهم
دعاء بخضه : بس ي يارين انتي بتهزري
يارين : لا مبهزرش
دعاء : دي فيها قتل دي لو حد قرب من الحاجات دي
يارين : انتي ملكيش دعوه انا بس بسالك عن اماكنهم
دعاء : لا مش هقولك
يارين : مش تعصبيني قوليلي فين بقي
دعاء : لا مستحيل اقولك و لو عملتي اي مش تخلصي طاقتك ع فاضي
يارين : ماشي ي دودي انا هعرف كويس اجبهم
دعاء : قابليني لو عرفتي
يارين : طب يلا سلام نعوست
دخلت يارين نامت واول محطت راسها ع مخده راحت في النوم اما دعاء جريت ع تليفون حكت كل حاجه لياسين وحكت ان يارين عاوزه تعرف مكان الحاجه
. . . . . . . . . . . . . . . . . . . . . .
يوم جديد
سليم كان داخل الشركه بحيويه وفرحان ولسه هيدخل الشركه
ياسين : استني استني
سليم : اي جابك دلوقت
ياسين : لا ولا حاجه قولت اجي اطمن عليك
سليم بفرحه : انا كويس انت عامل اي
ياسين : اي الانشكاح اللي انت فيه ده مالك في اي
سليم بفرحه : لا مفيش حاجه انت اخبارك اي واحوالك
ياسين باستغراب : من امتي وانت بتسال اصلا عن اخباري بس تمام يعني بس انا مش مرتاحلك
سليم : لا ولا حاجه مفيش بس الشمس النهارده حاميه اوي
ياسين : اه اوي
سليم : دي الشمس مولعه جدا
ياسين : اه الجو حر
سليم : يالهوي ع شمس
ياسين : هو فيه حاجه ي سليم
سليم : لا لا ولا حاجه بس الشمس تعبتلي عيني
ياسين : مانت لابس نضاره شمس
سليم : هجيب غيرها بس هنعمل اي ف شمس بقي حاميه اوي
ياسين : هو ف اي
سليم بضحك : تخيل بقي ي ياسين اللي اسمهم شمس عاملين ازاي في الشمس دي اكيد بقي بيولعو من الحر ومن اسمهم
ياسين : هي دعاء قالتلك حاجه ولا اي
سليم : لا لا هتقولي اي يعني في حاجه ولا اي
ياسين : يبقي والله قالتلك
سليم باستغراب : قالتلي اي يبني مفيش حاجه
ياسين : اه اه
سليم : بس قولي بقي شمس لون عيونها اي
ياسين بعصبيه : وسع يالا انت عرفت ازاي
سليم باستغراب : مالك يبني في اي انت مالك النهارده انا بتكلم ع شمس
ياسين بعصبيه : وانت عرفت شمس ازاي بقي
سليم : يبني اقصد ع شمس اللي في سما
ياسين : اه اه فهمت اسف اسف
سليم : قولي بقي ي ياسين شمس بتحبك زي ما انت بتحبها
ياسين : اه ي رخم
سليم بضحك : مالك ي حبيبي في اي بتكلم ع الشمس اللي في سما مش اللي في بالك
ياسين : انا قولت بردو دعاء طياره بتوصل الكلام اسرع من النت
سليم بضحك : يوغتي يوغتي كبرتي وبقيني بتحبي ي كتكوته
ياسين بعصبيه : اي اللي انت بتعملو ده ي سليم سيب خدودي لو سمحت
سليم : اي ي ولد في اي هو انت علشان بتحب تكبر عليا ولا اي اوعي تفتكر تكبر عليا وطي صوتك ي ولد
ياسين : يعم اسكت بقي
سليم بغمزه : ايوا ايوا شايف نفسك انت علينا
ياسين بغرور : حقي معايا الشمس كلها
سليم : بس صراحه زعلت مكنش ينفع تحب شمس دي
ياسين بخضه : لي
سليم بضحك : انت بتحب يعني السهر بليل وكدا وبقي اكيد شمس مش بتتطلع الا في النهار
ياسين : ي رخم انا بردو كان عندي حق لما قولت لدعاء مش تقوليلو
سليم بضحك : يعم هو حد بيقول لدعاء حاجه
ياسين : اه والله عندك حق طول عمرنا عرفين انها هتقول بس بنبقي شبه الهبل وبنروح نقول اسرارنا
سليم : من وانا صغير تقعد تقولي قولي ومش هقول لحد وتروح تقولك ولحد دلوقت
ياسين بضحك : لا وفاكر لما انت عملت حمام ع نفسك وانت صغير وانت قولتها متقوليش لياسين وجت قالتلي وعملت حفله عليك
سليم : هو انت هتهزر معايا ولا اي
ياسين بضحك : عمري ما هنسي اليوم ده
سليم بضحك : ضحكتني غصب عني
ياسين : اه صح انت وعدني هتلعب معايا بلاستيشن
سليم : وانا عمري مخلفت بوعدي هنلعب سوا
ياسين : هجيلك في يوم المكتب وهجيبو معايا ونقعد نلعب
سليم : هو انا فاضي ولا اي
ياسين بغمزه : لا افضي علشان عربيتك تتصلح الاول بقي
سليم : بس ي حبيبي
ياسين : ي ابو عربيه
سليم : بس ي حبيبي بقي متعصبنيش
ياسين : ي سوسو ي بتاع العربيه
هنا سليم كان هيضرب ياسين بس ياسين طلع يجري
ياسين : يلا باي عمري ما سلمت عليك قبل ما امشي لازم اجري بس يلا مجتش تتعوض ي سوسو
سليم : روح من هنا ي سكر انا مش فاضي
ياسين : طب افضي بقي علشان تصلح العربيه
سليم : ي مستفز بقي اسكت وطي صوتك
ياسين : يلا بقي باي سلام علشان متاخرش ع شغل
سليم : روح الحق الشمس قبل ما تغيب
ياسين بضحك : هلحقها انا ملكش دعوه
سليم : طب روح يلا الحقها سلام
. . . . . . . . . . . . . . . . . . . . . .
عند يارين
سليم : صباح الخير
يارين : صباح النور
سليم : جيتي بدري لي
يارين : صحيت بدري ماجليش نوم ف قولت البس واجي
سليم : كانت فرصه وضيعتيها
يارين بابتسامه : الفرص بتتعوض كتير ع فكره
سليم : مش كلهم خلي بالك
يارين : صدقت
سليم : انا هدخل المكتب لو في حاجه بلغيني
يارين : تمام حاضر تؤمر حضرتك بحاجه
سليم بابتسامه : لا ولا حاجه
يارين : طب امشي انت واقف لي
سليم : منا همشي اهو
سليم دخل جوا و اول مدخل ياسين دخل مكتب يارين
ياسين : اقعدي ي انسه يارين عاوز اتكلم معاكي
يارين : ماشي اتفضل
ياسين : بس متقوليش لدعاء ولا لسليم اني جيت هنا
يارين باستغراب : حاضر بس اي السبب
ياسين : انتي عاوزه تعرفي مكان الحاجه بتاعة نورهان صح ؟
يارين : هي دعاء قالتلك
ياسين : اه بس محدش يعرف بالكلام ده
يارين : مش هقول اتفضل طب
ياسين : انا هقولك مكان الحاجه وهحاول امشي دعاء وسليم وانتي عليكي الباقي تمام ؟
يارين بفرحه : تمام اوي كدا سبلي الباقي
ياسين : هتكوني قدها و هتستحملي النتيجه لوحدك ؟
يارين : هستحمل طبعا علشان هو يرتاح
ياسين بابتسامه : ماشي اتفقنا هبقي ابلغك قبلها بس متقوليش لدعاء اي حاجه خالص
يارين : اتفقنا
ياسين : يلا باي
ياسين مشي وبعد شويه باب مكتب يارين قعد يخبط جامد
يارين بعصبيه : مين بيخبط كدا ادخل
وهنا يارين اتجمدت من الصدمه
. . . . . . . . . . . . . . . . . . . . . .
اتمني البارت يعجبكم ♡
. . . . . . . . . . . . . . . . . . . . . .لا
- يتبع الفصل التالي اضغط على ( رواية كنت وحيدا لكنك اتيتي) اسم الرواية