رواية كنت وحيدا لكنك اتيتي الفصل الثالث عشر 13 - بقلم مريم محمود
هنا يارين اتجمدت من الصدمه
إبراهيم : مالك اتخضيتي كدا لي شوفتي شيطان
يارين بتحدي : اطلع من هنا لو سمحت ده مكان شغلي
قاسم بضحك استهزاء : شغل انتي متاكده انهي شغل ده قوليلنا بقي ي عسل وصلتي للشركه دي ازاي والشركه دي مسمعه هنا وهناك
يارين : لو سمحتو اطلعو برا
إبراهيم : هنطلع بس و انتي معانا هناخدك لحيه لميته
يارين بزعيق : قولت اطلعو برا ومش عاوزه اشوف وشكم تاني نهائي انتو سامعين
هنا إبراهيم ضرب يارين قلم ع وشها
إبراهيم بعصبيه شديده : اياكي تعلي صوتك علينا انتي عاوزه تبوظي سمعتنا ولا اي الناس تقول علينا اي
يارين : ما يقولو اللي يقولو انا سكت المره الاولي ع القلم اما تاني مره انا مش هسكت ي إبراهيم
قاسم : إبراهيم مين ي زباله اسمو عمك إبراهيم سيدك و تاج راسك
يارين : محدش سيدي و انتو كلكم ناس كلاب فلوس ناس زباله
هنا قاسم مسك يارين وقعد يضرب فيها لحد موقعت ع الارض
قاسم : اه ي زباله هربانه كمان وبتبجحي معانا
يارين لا حول ليها و لا قوة وعماله تصوت و بدا الموظفين يتلمو ع صوت الصريخ و الزعيق
نورا : اي رايك
ساره : شابو عليكي بجد
نورا : خليهم يربوها دي بت ناقصه ربايه اصلا
هنا طلع سليم ع صوت الصريخ و لقي يارين واقعه ع الارض و نازل من شفايفها دم
سليم بزعيق شديد : انتو مين و ازاي تخشو مكان شغلي كدا ومين عمل كدا في انسه يارين
إبراهيم : احنا احنا
سليم : متخلص تتزفت تقول انتو مين
قاسم : احنا عمامها ي باشا وجينا ناخد بنت اخونا
سليم بصوت عالي : كل واحد يتفضل ع شغلو مش عاوز بني ادم واقف قدام المكتب
كل الموظفين مشيو
سليم : ورب الكعبه ورب العباد وانا حلفت اللي عمل كدا فيها لاكسر دراعو
قاسم : في اي ي جدع انت داخل علينا وفاتح صدرك كدا لي متحترم نفسك شويه انت مين اصلا ولا تكون صاحبها وبتدافع عنها ولا انت اللي مهربها ما انتو كلكم عيال طايشه ناقصه ربايه
هنا قاسم اتضرب قلم ع وشو من سليم
سليم : انا سليم الحربي اللي محدش يرفع صوتو عليه انت فاهم
قاسم عيون وسعت اول مسمع الاسم
إبراهيم بخوف شويه : هو انت علشان معاك حبه فلوس تتضرب واحد اكبر منك في السن
سليم : انا بحترم اللي اكبر مني بس ده اصغر مني عقلياً وملهوش اي احترام
قاسم بخوف و توتر : ي باشا مكنتش اعرف يعني انك الباشا سليم الحربي انا بس اسمع عنك كتير وعمري ما شوفتك
سليم : اتفضلي قومي ي انسه يارين
يارين بدات تقوم و هي عيونها منهاره عياط
سليم : ايوا انتو عمامها وعاوزين اي
إبراهيم : بص ي باشا انت مش عارف بنت اخونا عملت اي ف انت طيب ي باشا ف خليك بعيد ي باشا علشان مش نوجع راسك
سليم بجمود و هو حاطط جيبو في بنطلون البدله : انا سالت سؤال انتو عاوزين اي
إبراهيم : بص ي باشا بنت اخونا هربانه مننا هي فاكره اننا عاوزين نقتلها بس انا عاوزها لابني واستر عليها
سليم برفع حاجبه : و تستر عليها لي هي عملت اي معلش
قاسم بتوتر : ي باشا انت مش عارف حاجه صدقني
يارين بعياط و زعيق : والله كدب انا عمري ما عملت حاجه غلط في حياتي هما كدابين
إبراهيم : شوف ي باشا هي هتقعد تعيط كدا و هتتضحك عليك بكلمتين انا بس عاوز احتوي بنت اخويا مش اكتر
سليم : يعني اي المطلوب لخص الكلام
قاسم : ي باشا واضحه يعني
سليم : انت بالذات تخرس
قاسم بتوتر : انا ي باشا عملت اي
سليم : مش انت اللي ضربتها
قاسم : انا ضربتها علشان خايف عليها ي باشا صدقني
سليم : وانا حلفاني مش هيتغير اخرس بقي انا كلامي مع اخوك
إبراهيم : اه ي باشا اؤمر
سليم : انت عاوز اي علشان مش فاضيلكم للعبط اللي بتعملوه ده الناس تقول عليا اي ولا موظفيني يقولو اتنين بلطجيه داخلين يزعقو في مكتبي
إبراهيم : احنا اسفين ي باشا احنا بس هناخد بنت اخونا ونمشي
سليم : خلاص تمام اتفضلو انتو و انا همضي الأستقاله بتاعتها و هنزلها ليكم كمان مع الامن علشان مش تروح كدا ولا كدا
إبراهيم : بجد ي باشا ولا بتهزر
سليم : لا و اهزر معاكم لي اتفضلو يلا
قاسم بفرحه : يلا يلا ي إبراهيم علشان منتعبش الباشا
إبراهيم بفرحه : ماشي ي باشا احنا مستنين تحت في العربيه
سليم : تمام اتفضلو
هنا إبراهيم و قاسم طلعو من المكتب
يارين بعياط شديد : علشان خاطري مش تسيبني بالله عليك اقف جمبي مش تسيبني
سليم : اهدي ي يارين مين قال اني هسيبك اصلا
يارين بدموع : يعني اي
سليم : اقعدي بس براحه نتفاهم
يارين و سليم قعدو ع كراسي المكتب
سليم : اهدي بس انا عاوز افهم و انا اوعدك انهم مش هيخدوكي مني
يارين بدموع : عاوز تفهم اي
سليم : انتي عملتي اي
يارين بعياط : والله مش عملت حاجه هما عاوزين يجوزوني لابن عمي الكبير وياخدو فلوسي ومحدش يعرف اللي بيني وبين ابن عمي و ابن عمي اكيد عاوز ينتقم مني
سليم باستغراب : لي اي اللي حصل
يارين : ابن عمي حاول يدخلي بسكه مش كويسه من سنتين وانا رفضتو و رحت شكيت لجدو الله يرحمه وقعد يضرب فيه كتير ومحدش يعرف خالص بالموضوع ده و هو عاوز اكون تحت رجلو علشان ينتقم مني
سليم : خلاص انا مصدقك خشي مكتبي اقعدي فيه مش تتحركي منو
يارين بعياط : طب شكلي اي قدام الموظفين دي كلها
سليم : لو حد بس حاول يضايقك بكلمه نهايتو ع ايدي صدقيني
يارين قعدت تعيط
سليم : خلاص خشي جوا و انا هتصرف و خشي الحمام اغسلي وشك علشان في دم
يارين بدموع : حاضر
دخلت يارين جوا و اول مدخلت رفع سليم موبيلو
سليم : الاتنين اللي في العربيه تحت عاوزهم
#: يكونو عندك ي باشا في خلال ثواني
سليم : تمام هجيلكم بليل عاوزكم تظبطو الواجب معاهم بقي و عاوز ابن الراجل الكبير يكون معاهم
#: تؤمر ي باشا حاجه تانيه
سليم بخبث : لا بس زود الواجب احنا ولاد اصول بردو
#: طبعا ي باشا انت تؤمر
سليم : يلا سلام
#: سلام ي باشا
. . . . . . . . . . . . . . . . . . . . . .
عند ياسين
شمس : بخخ انا جيت
ياسين : اي جابك القسم هنا كنا نتقابل برا بعدين انتي مش وراكي شغل
شمس : الشغل مش بعيد عن هنا و عندي ساعه بريك قولت اعدي عليك واجبلك السندوتشات دي عمايل ايدي ع فكره كل بقي و قولي رايك
ياسين : لا بقي ناكل السندوتشات و اللي عاملها بقي
شمس : كدا هتحلي باللي عاملها كدا
ياسين : هتبقي مسكره طبعا
شمس بضحك خفيف : بتكسف ع فكره
ياسين : لا والله بتتكسف ي واد
شمس : ولد عيب اي واد دي
ياسين : انا واد
شمس : اه انت لسه صغنون بحس اني اكبر منك بحس انك ابني
ياسين بضحك : ع فكره انا اكبر منك
شمس : منا عرفه
ياسين : طب يستي ع عموم يارين و دودو عاوزين يقابلوكي يتعرفو عليكي وممكن سليم يجي
شمس بغضب : دودو وعارفها اما بقي مين يارين دي
ياسين : دي بقي يستي يعتبر خطيبه سليم مش بينهم حاجه بس لسه هيبقي
شمس : اه اتطمنت
ياسين : لي هو انت بتغيري ولا اي
شمس : لا واغير لي يعني عادي
ياسين بضحك : ما هو واضح
شمس : احم احم المهم هيقابلوني امتي
ياسين : مش عارف بس هبقي اقولك بس ممكن نهارده
شمس : خلاص هبقي استني منك مكالمه انا دلوقت لازم امشي علشان الوقت
ياسين : بس انا محلقتش اقعد معاكي
شمس : معلش بقي شغل هعمل اي و ع عموم كل السندوتشات وابعتلي رايك لما تاكلهم بقي الا و هزعل
ياسين : من عيوني
شمس : يسلمولي احلي عيون يلا باي
وصلت شمس للباب
ياسين : شمس
شمس : نعم
ياسين : شكلك حلو اوي النهارده
شمس وشها احمر ومعرفتش ترد
شمس بدموع : بجد عمر ما حد قالي كدا
ياسين بضحك : انتي هتعيطي ولا اي
شمس : لا لا ولا حاجه نتقابل بليل
. . . . . . . . . . . . . . . . . . . . . .
عند سليم و يارين بعد ما الوقت عدي
كان سليم بيخلص شغلو ع مكتب و عمال يبص ليارين كل شويه اللي كانت قاعده ع كنبه اللي قصاد المكتب
يارين : انا ممكن اطلع اقعد برا اشوف شغلي
سليم : لا خليكي قدام عيني هبقي مطمن اكتر
يارين : عادي منا كدا كدا قاعده برا
سليم : لا وبعدين وشك اتعور ولا حاجه
يارين : لا دي شفايفي بس اتعورت مش اكتر
سليم : طب حاجه وجعاكي
يارين هزت راسها بنفي
تلفيون يارين رن مسكت يارين التليفون لقت رقم غريب كانت خايفه ترد و ردت
يارين : الو مين
ياسين : الو ي يارين انا ياسين وراكي حاجه انا اقدر اتفق معاكي دلوقت
يارين بصت لسليم اللي كان عمال يبصلها بفضول
يارين : الو ي فندم حضرتك محتاج حاجه
هنا ياسين فهم ان سليم موجود مع يارين
ياسين : بصي حاولي تبعدي عنو دلوقت علشان دي الفرصه الوحيده
يارين : اتفضل ي فندم سامعه حضرتك
ياسين : بصي النهارده بعد شغل سليم انتي هتخشي الفيلا مش هيبقي في حد خالص موجود في الفيلا غيرك علشان كلو بيمشي بعد ما دعاء بتمشي وانا هسبلك نسخه مفاتيح في المزهريه اللي عند الباب ودي مهمتي امشيهم بس المهم هتوصلي عند اوضه سليم هي معروفه هي اكبر اوضه في الفيلا اصلا هتلاقيها في الدور التاني هتخشيها الاوضه بتاعتو متقسمه لغرف هتخشي الدرسينج روم هتلاقيها ع ايدك الشمال اول متخشي و بعد ما تتدخليها هتدوري انتي بقي ع صندوق صغير مقفول بقفل و الصندوق ده في صور وحبة هدايا و لو لقيتي حاجه جمب الصندوق او حواليه خديها ارميها معاكي او ولعي فيها وبس كدا دي مهمتك
يارين : لي ده كلو
ياسين : وطي صوتك ليشك في حاجه
يارين : متقلقش ي فندم بس ده امتي
ياسين : بصي هاخدو و هاخد دودو بعد شغلهم اقولهم يقابلو شمس و اظن انتي عرفه شمس وانتي لما تخلصي المهمه دي ابقي تعالينا
يارين : تمام ي فندم
ياسين : وانا هكلمو اقولو علشان نتقابل واكد عليه
يارين : تمام
ياسين : يلا باي
يارين قفلت التليفون
سليم بفضول شديد : مين ؟
يارين بتوتر بتحاول تخفيه : محدش
سليم : امال كنتي بتكلمي مين
يارين بكذب : لا ده تقريبا بتاع شركه النت في بيتنا القديم
سليم حس انها بتكدب بس طنش
سليم لقي مكالمه من ياسين
ياسين : اي ي سوسو
سليم : بس ي حبيبي مش فاضيلك
ياسين : لي بتعمل اي حد معاك و لا اي
سليم بصوت خفيف : لا محدش معايا
ياسين : من امتي وانت بتكدب ي كتكوته انتي
سليم : ياسين انتي جاي تتضايقني صح
ياسين : لا لا بس كنت عاوز تقابلوني ف كافيه *** انت و دعاء علشان تقابلو شمس
سليم : احم احم مش ناسي حد
ياسين : لا مش ناسي يارين هتيحي بعدكم
سليم : اي عرفك
ياسين : مش عارف اسالها بقي انا هقفل دلوقت
سليم : يعني اي مش عارف عرفت ازاي
ياسين : يلا يلا باي ورايا شغل
قفل ياسين المكالمه
سليم ليارين : ياسين لسه مكلمني
يارين : اه
سليم : قال عاوزنا نقابل شمس تعرفيها
يارين : اه دودي قالتلي عنها
سليم : هتيجي
يارين : اه علشان ياسين ميزعلش
سليم : ميزعل و احنا مالنا
يارين بضحكه خفيفه : لا لا ده بعتبرو زي اخويا الكبير هو طلب حاجه مينفعش اتاخر عنو
سليم : اممم هو قالي انك هتيجي بعدنا لي
يارين : رايحه بس اخلص ورق
سليم : خلاص اجي معاكي و نروح نقابلهم سوا
يارين برفض : لا لا
سليم : لي
يارين : انا حابه اروح لوحدي معلش
سليم : تمام براحتك بس صح قوليلي
يارين : نعم
سليم : عمامك عرفو مكان الشركه ازاي
يارين : معرفش
سليم بتفكير : شكل حد كان قصدك
يارين : مش عرفه الصراحه بس مش تشغل دماغ حضرتك بس صحيح انت عملت فيهم اي ولا هما فين دلوقت
سليم : انتي اللي مش تشغلي دماغك
يارين خافت شويه من كلامو بس سكتت
. . . . . . . . . . . . . . . . . . . . . .
عند نورا و نورهان و ساره
ساره بعصبيه : اهو شوفتو الزفته دي مش طلعت معاهم ولا طلعت من مكتبو
نورا : انا هتجنن هما ازاي مشيو كدا انا قولت هيقتلوها اول ما دخلو
ساره بزعيق : اهو اتكشفنا علشان ترتاحو
نورهان : اخرسي ي ساره شويه اهدي خلينا نفكر هنعمل اي بعدين لسه محدش عرف حاجه
ساره بخوف : هتعملو اي انا اخاف عن نفسي تخيلو لو عرف
نورا بخوف : هنعمل اي ي نورهان هنعمل اي شوفي حل
نورهان بخبث و هدوء : الموضوع ده ف حاجه بس مش عليا انا نورهان انا عرفت هنعمل اي
نورا : هنعمل اي
نورهان بخبث : اتفرجو ي حبايب قلبي وبطلو خوف بقي
. . . . . . . . . . . . . . . . . . . . . .
رايكم ♡
. . . . . . . . . . . . . . . . . . . . . .
- يتبع الفصل التالي اضغط على ( رواية كنت وحيدا لكنك اتيتي) اسم الرواية