رواية كنت وحيدا لكنك اتيتي الفصل الخامس عشر 15 - بقلم مريم محمود
عند يارين
صحيت يارين لقت نفسها متبهدله و نايمه ومش حاسه خالص بنفسها بصت في الساعه لقت انها فاضل نص ساعه ومفروض توصل الشركه قامت بسرعه تجهز و دخلت اخدت شاور و لسه هتمشي قابلت دعاء
دعاء : لسه بدري ع معاد الشركه ي لناس اللي نازله الساعه جوا بايظه
يارين : امال ساعه كام دلوقت
دعاء : الساعه 7 و بعدين سليم قالي خلي يارين تيجي 8
يارين : مهو معادنا 4
دعاء : لا قال قال تيجي 8 وبعدين انا مش بكلمك اتفضلي الفطار اهو تحبي تاكليه مش تاكليه انا مش هقعد اتحايل عليكي
يارين : هو انتي زعلانه مني
دعاء مردتش عليها وقعدت تفطر
يارين راحتلها و قعدت معاها ع الاكل
يارين : اسمعيني والله انا مش قصدي انا كنت متعصبه وتعبانه بس مش اكتر
دعاء مش ردت عليها
يارين : ردي بقي انا اسفالك والله انا معرفش انتي زعلانه لي علشان زعقتلك ف انا اسفه
دعاء : علشان خايفه عليكي تزعقيلي كدا امبارح
يارين : لي خايفه عليا هيعمل اي يعني دول حبة صور و حبة حاجات وخلاص اتخلصت منهم
دعاء : شوفي بقي حبة الحاجات دي هتعمل اي و بعدين عملتي لي كدا
يارين : علشان هو ساعدني و انا قولت اساعدو
دعاء بجديه : علشان ساعدك و لا علشان بتحبيه ي يارين
يارين بتوتر : احبو لا لا طبعا انا بس قولت ساعدني
دعاء : ولي يعني عملك اي علشان تساعديه
يارين : انتي لي بتقولي كدا
دعاء كانت بتتغط عليها بتشوف هي بتحبو ولا لا
دعاء : انا سالت سؤال و جاوبيني
يارين : هو يعني ساعدني كتير اداني الفلوس و شغلني معاه و غير كدا و الاهم حماني من عمي إبراهيم و عمي قاسم
دعاء بصدمه : قاسم !
يارين باستغراب : اه
دعاء : هو جه
يارين : اه لي
دعاء : لا بسال ولا حاجه
يارين : والله لتقولي في اي بتسالي لي
دعاء : قولت خلاص ي يارين
يارين : انا حلفت
دعاء : كنا انا و قاسم مخطوبين زمان وبنحب بعض بس القدر مش جمعنا بس عمري ما فكرت يعمل كدا فيكي و يجري ع فلوس ده كان طيب خالص زمان
يارين بابتسامه : كان
دعاء : صدقتي
يارين : امم طب انتي لسه زعلانه مني
دعاء : هصالحك بس بشرط
يارين : اي هو
دعاء : بس توعديني تقولي الحقيقه
يارين : انا مبكدبش بس مش هقدر اوعدك ي دودي
دعاء : طب خلاص والله هفضل زعلانه منك غير ما تقولي الصراحه
يارين : خلاص اوعدك هقول الحقيقه
دعاء : احم احم انتي بتحبي سليم و لا لا
يارين مردتش
دعاء : يلا جاوبيني بتحبيه و لا لا
يارين : لي السؤال ده
دعاء : يلا انتي وعدتيني
يارين بتوتر : عادي زي اخويا
دعاء : تبقي بتحبيه ياما ياسين قالي و انا مكنتش بصدق بس دلوقت انا اتاكدت
يارين وشها احمر و اتوترت
دعاء بضحك : شوفي بقي دي علامات الحب
يارين بتوتر : الوقت اتاخر انا لازم امشي
دعاء : اهربي اهربي ي ختي بس طلع الحب بيحلي وشكلك تحفه النهارده و حلوه اوي
يارين بعصبيه : ع فكره بقي ده الطقم جديد جبتو مع شمس و بعدين يعني تقصدي ان انا مش حلوه ع فكره بقي انا حلوه في كل الحالات
دعاء بضحك : لا طبعا حلوه بس الحب بيحلي بردو
يارين : ع فكره مش باين عليا
دعاء بغمزه : مش باين عليكي انك بتحبيه ؟
يارين : انا ماشيه ي دودي
دعاء : ربنا يسترها بقي اكيد زمانو عرف
يارين : لحق يعرف
دعاء : ده كل يوم بيفتحهم اكيد عرف
يارين : انا اللي عملت كدا ف لازم استحمل النتيجه
دعاء : ربنا يستر
يارين : زعلانه مني
دعاء : لا مش زعلانه
يارين : احلفي
دعاء بابتسامه : والله مش زعلانه منك هو انا ليا غيرك
يارين بضحك : وشمس و ياسين و سليم
دعاء بحب : ربنا يخليكم ليا
يارين : ويخليكي لينا ي دودي عاوزه حاجه بقي علشان متاخرش
دعاء : لا عاوزه سلامتك لا إله إلا الله
يارين : سيدنا محمد رسول الله ي قلبي
دعاء بقلق : خلي بالك من نفسك مش عرفه لي مش مرتاحه النهارده
يارين بضحك : خايفه من سليم
دعاء : انا عرفه سليم عمرو ما هيذيكي بس مش عرفه مش مرتاحه لي و قلبي مش مرتاح
يارين : خير ي دودي مش هيحصل حاجه يلا باي ي حبيبتي
دعاء : باي ي روح قلبي
يارين نزلت و ركبت تاكسي و وصلت الشركه
. . . . . . . . . . . . . . . . . . . . . .
عند سليم
سليم كان قاعد عينو حمرا منمش طول الليل حتي ملابسه مش معدوله و متبهدله و شعرو مش معدول وده اول مره سليم يكون في الحاله دي و كان قاعد ع مكتب مستني وصول يارين بفارغ الصبر
و للاسف وصلت
يارين كانت داخله بمرح بس اول ما شافتو بالحاله دي اتصدمت من شكلو و من عينو اللي بتتضرب نار
يارين بمرح : صباح الخير ع اجمل مدير
يارين بصدمه : اي مالك في اي
و لسه يارين هتقرب منو
سليم بتهديد : إياكي ثم إياكي تقربي خطوه
يارين : طب في اي طب اي حصل
سليم : انتي عرفه انتي عملتي فيا اي
يارين : عملت اي
سليم بزعيق : انا قوتلك مبحبش الكدب و لا بحب الخيانه و انتي عملتي الاتنين
يارين : بتزعق لي قول انا عملت اي
سليم بزعيق : لا والله يعني مش عرفه عملتي اي
يارين : انت بتتكلم عن صور ؟
سليم : هما فين ي يارين
يارين : راحو و لعت فيهم استعوض ربنا بقي
سليم قام من مكانو وهو في حاله غضب وبدا يقرب منها و هي بتبعد منو من الخوف
سليم : يعني اي راحو انا لو الحاجه دي مش رجعت دلوقت انتي مش عرفه اي هيحصلك
يارين بخوف : انا ع فكره قوتلك هعملها في اي بقي مالك
سليم بعصبيه : ياريتك ما خدتيهم انتي قطعتي نفسي في الحياه انتي قطعتي النفس اللي كنت بتنفس بيه
يارين بغضب خفيف : يعني اي قطعتو بقي معلش ما انت عايش اهو و فل
سليم بزعيق : انا عايش ع الذكريات دي عرفه يعني اي
يارين : لا مش عرفه
سليم بزعيق : بطلي بقي تبقي هبله انا عايش ع ذكريات دي بقالي سنين و بهرب من صعوبات الدنيا ليها انا مجرد ما بفتح الصور و الذكريات دي ببتسم تلقائي و انسي كل حاجه كانت وحشه في حياتي وفي الاخر بزعل ان كل ده مشي انا كل صوره فاكر موقفها كويس و فاكر فيها كل حاجه حلوه انتي ازاي تقطعي فرحتي وانتي مين اصلا علشان تعملي كدا
يارين : انت اللي اهبل علشان عايش ع حاجه ملهاش وجود و حتي مش قادر تتخلص منها بوظت حياتك بايدك بص ع نفسك في المرايه دلوقت شوف شكلك عامل ازاي سليم بيه الحربي اللي الكل بيعملو مليون حساب و الكل بيخاف منو محدش يعرف حقيقتو و لا حقيقه خلف الكواليس و قد اي ان هو طلع ضعيف ي خساره عليك ي خساره بجد
سليم بزعيق : اخرسي انا عمري ما كنت ضعيف زي ما نورهان كانت بتقول و لا زي ما ابويا بيقول انا قوي زي ما رشا كانت بتقول انا كنت قوي علشان بشرب لبن زي ما هي بتقول بس انا دلوقت ضعيف
هنا سليم وقع ع الارض وفضل يعيط
يارين نزلت لمستواه
يارين : انا مقصدش انك ضعيف ي سليم انت مش فاهم
سليم : اطلعي برا ي يارين
يارين : بس بس
سليم : انا قولت اطلعي برا
يارين : انا مينفعش اسيبك كدا
سليم بعياط شديد : انتي السبب في ده كلو انتي السبب انتي دمرتيني تاني ياريت ما شوفتك اطلعي بقي من حياتي انا تعبت
يارين بعياط : والله اسفه انا بساعدك بس انت قوي انت مش كدا
سليم : اطلعي برا
سليم بزعيق شديد : قولت اطلعي برا
هنا يارين اتخضت و قامت طلعت مكتبها و هي بتعيط
سليم نام ع الارض افتكر كل حاجه حصلت في حياتو افتكر باباه لما كان بيضربو افتكر مامتو و هي بتحاول تحميه منو افتكر نورهان وهما بيضحكو و بيمشو سوا و افتكر لما خانتو
سليم بعياط لنفسه : انا ضعيف انا ضعيف
الصوت التاني لسليم : لا انت قوي زي ما يارين قالت انت قوي هي عندها حق قوم كفايه كدا قوم و فوق قوم شوف نفسك في المرايه شكلك عامل ازاي
. . . . . . . . . . . . . . . . . . . . . .
عند يارين
كانت بتعيط ع حال سليم كانت بتلوم نفسها ع اللي عاملتو
الباب خبط مسحت دموعها بسرعه
يارين : ادخل
نورا : اوه سوري انا دخلت في وقت غلط و لا اي انتي بتعيطي
يارين : انتي عاوزه اي
نورا : سليم بيه زعقلك و لا اي
يارين : عاوزه اي اخلصي
نورا : الكلام خد و ادي اما انتي مشوفتش زيك
يارين بزعيق : اطلعي برا
نورا : حيلك بس متعليش صوتك انا قولت بقولك كان حد طالب حاجه و المندوب تحت
يارين : مندوب اي ده
نورا : معرفش هو قال ان تبع سليم
يارين : ماشي انا نازله
نورا : اه صح انزلي من سلم الطوارئ هو مستني هناك
يارين : ماشي نازله
نورا : اوكي باي
نورا طلعت بس يارين استغربت لي السلم ده بس مش رضيت تسال علشان مكنتش طايقها ولا عاوزه تفتح معاها اي حوار
و قامت يارين من ع كرسي و فتحت الباب و اتجهت لسلم الطوارئ و لسه يارين هتنزل من عليه يارين اتزحلقت و فضلت تتقلب ع السلم و اغمي عليها و كان ف دم كتير في المكان و كان واضح ان الاصابه كانت شديده عليها
بدا الموظفين يتلمو ع صوت الزعيق و كانت يارين مغمي عليها و حواليها دم كتير و كان اللي اتلم من ضمن الموظفين نورا و نورهان و ساره
نورا : بسرعه ي جماعه إسعاف
موظف : جايين ف طريق اهو يارب ما يتاخرو
كان الكل خايف عليها كانت الواقعه شديده و فعلا جه الموظفين شالوها و خدوها و اول ما الكل مشيو وفضل نورا و نورهان و ساره
ساره بصدمه : نهار اسود انتو شوفتو كانت عامله ازاي
نورا : اهدي هتفضحينا
نورهان : تعالو بقي احنا نشوف هنعمل اي
نورا : كدا مفيش هنعمل اي خلاص كدا احنا خلصنا اللي في ايدينا مفروض دلوقت اطلع اي سكرتيره دلوقت مكانها
نورهان : طب يلا انا معاكم عاوزه اعرف اي اللي هيحصل احنا عاوزين نفضل سوا احنا تلاته
ساره : افرضي لو شافك
نورهان بسخريه : هيضعف خلاص مهي مشيت
نورا : طب انا هطلع اجيب اي سكرتيره مكانها
نورهان : اوكي بسرعه
نورا طلعت جابتلو سكرتيره مكان يارين و نزلت تاني لساره و نورهان
. . . . . . . . . . . . . . . . . . . . . .
عند سليم
كان تعب من كتر العياط و قرر ان هو لازم يواجه الحياه الواقعيه و قرر ان يطلع ليارين يحكيلها كل التعب اللي في قلبو يمكن هي الوحيده اللي هتحس بيه و تسمعو قرر يطلع و بدا يقوم طلع بس لقي واحده غريبه قاعده مكان يارين
سليم : فين يارين
البنت : الانسه يارين ي فندم نقلوها المستشفي
هنا سليم اتصدم ولا كأن ميه ساقعه نزلت فوقو
سليم بخوف : اي حصلها و هي فين
البنت : وقعت من ع سلم بس الواقعه كانت شديده اوي عليها و هي اتنقلت لمستشفي سليم الحربي
سليم طلع هو مش شايف قدامو كل اللي همو يارين كان شكلو غريب كل الموظفين عمالين يشاورو عليه من غير ما ياخد بالو و يتكلمو عليه مستغربين منظر سليم بيه اللي عمرو ما كان كدا شكلو متبهدل كل حاجه متبهدله فيه الموظفين واقفين مستغربين المنظر مستغربين فين هيبه سليم بيه فين سليم اللي كان ماشي رافع راسو اما دلوقت راسو في الارض و ظهرو انحني بس قابل نورهان هنا بص في عينها بصه عميقه لا حدود لها بس قطع النظره دي و هو ماسكها من شعرها
سليم : والله ي نورهان لو ليكي ايد في اللي حصل لاندمك ع كل حاجه القديم و الجديد
نورهان بدات تصوت لان كان فعلا ماسك شعرها جامد
نورهان : اي ي سليم سيب شعري و بعدين موضوع اي
سليم : انتي عرفه موضوع اي و اسمي سليم بيه ي زباله
سليم ساب شعر نورهان و زقها ع الارض وكمل طريقه و هو مش شايف قدامو حتي مخدش بالو من ياسين اللي عمال يجري عليه و ينادي عليه ركب عربيته و راح للمستشفي
هنا ياسين اتصدم جامد من منظر سليم و دخل سال الموظفين اي حصلو عرف ان يارين وقعت من ع سلم و لسه هيطلع من الشركه بسرعه و يجري ع سليم
نورهان : ياسين
ياسين بقرف : انتي اي جابك هنا
نورهان : جايه ل حبيبي
ياسين : نورهان انا عارف كويس انتي السبب في اللي حصل ليارين بس متزعليش من اللي هيحصل
نورا بضحك : اي ي ياسو هو كل ما حد يشوف نورهان يتهمها بحاجات محصلتش ولا اي
ياسين : ياريت ي نورهان مشوفش وشك تاني و اخرسي ي نورا خالص كلكم ازبل من بعض
ياسين طلع بسرعه و ركب عربيته و في الطريق اتصل ع دعاء حكالها
. . . . . . . . . . . . . . . . . . . . . .
عند سليم
سال سليم عن مكان يارين و وصل و المرمضين قالو ان حالتها صعبه جدا و عندها كسور شديده و راسها اتعورت جامد
هنا سليم قعد ع الارض و سند ظهرو ع الحيطه و مش عارف يعمل اي لقي ياسين و دعاء بيجرو عليه
دعاء بخضه : في اي حصل ليارين ي سليم اي حصل
ياسين : هي عامله اي دلوقت
سليم بتعب : قالو ان عندها كسور و راسها اتعورت
دعاء بعياط : اي حصل ازاي ده حصلها
ياسين : عرفت انها وقعت من ع سلم
هنا دعاء انهارت عياط كانت خايفه ع يارين جدا
دعاء بعياط : سليم انت السبب صح
سليم بعصبيه : انا عمري ما اعملها حاجه ي دعاء انتي بتقولي اي
ياسين : اهدو بس ي جماعه اكيد الموضوع ده في حاجه
دعاء بعياط : يارب طلعها من السلامه دي بنتي الوحيده اللي مليش غيرها في الدنيا
ياسين بقلق : مالك ي سليم اي خلي منظرك كدا اي حصلك
سليم : محصلش
ياسين : ده كلو من تحت راسك ي سليم
سليم : لي هو انا عملت اي
ياسين : انت اللي مش قادر تنسي نورهان و عايش ع ماضيها وانا متاكد مليون في الميه انها السبب اصل اي يودي يارين سلم الطوارئ
سليم : انت بتلومني لي ي ياسين
دعاء : مش وقتو الكلام ده بس نطمن ع يارين
ياسين : طب اي يودي يارين سلم الطوارئ و ده المكان الوحيد اللي مش عليه كاميرات
سليم : لا عليه
ياسين : ازاي
سليم : ده المكان الوحيد اللي عليه كاميرات خفيه بس خد موبيلي دور انت
ياسين : هات
بدا ياسين يدور في موبيل سليم لحد ما لقي ان نورهان و نورا بيكبو زيت ع السلم و ساره واقفه تتفرج
ياسين بخضه : شوف قوتلك
هنا سليم بص فعلا لقي اللي كلو كان متوقعو
دعاء : وحيات ربي لو شوفت البت محدش هيعرف يشيلها من ايدي
ياسين بتفكير : البت دي لازم نخلص منها قبل ما تخلص علينا
. . . . . . . . . . . . . . . . . . . . . .
رايكم ♡
. . . . . . . . . . . . . . . . . . . . . .
- يتبع الفصل التالي اضغط على ( رواية كنت وحيدا لكنك اتيتي) اسم الرواية