رواية عشقت من اعتبروها اختي الفصل التاسع عشر 19 - بقلم جاسمين محمد
19
حنان بغضب... ازاي معرفتش توصلها وتخلصني منها
... اهدي هي شكلها مراحتش سكه القطر
حنان... ازاي ده لم هي قالتلي انها هتروح لجدها
... معرفش بس رجالتي دورت ملقتهاش
حنان... اممم دور عليها طيب لحد متلاقيها وخلصولي عليها
مروان بستغراب... هيخلصوا علي مين ياماما 🌿🌿🌿🌿🌿
حنان بتوتر التلفون وقع منها.... ه ها
مروان قرب منها وميل جاب التلفون وجه يفتحوا لاقي فصل
مروان.... كنتي بتكلمي مين
حنان بتحاول تبين انها مش متوتره... بكلم اخوي يعني هكون بكلم مين وشدت التلفون من ايدو
مروان بشك... وهو انتي من ايمتا لم بتكلمي خالي بتكوني متوتره كدا
حنان.... لا عادي مش متوتره
مروان... اممم وكنتي بتقولي لخالي يخلصوا علي مين
حنان بتوتر.. ها تلفون مروان رن وحنان خدت نفسها
مروان... اي يامعتز تمام جيلك دلوقتي
مروان... انا ماشي يامي رايح مشوار سلام
حنان... ماشي سلام ياحبيبي
مروان نزل ركب عربيته ومشي راح لمعتز يقابله
مروان.... ها عرفت فهد فين
معتز... فهد هنلاقي عند البحر بس قدس مركبتش ولا قطر النهارده عشان عملت تحريات عن كل اللي ركبه القطر النهارده مافيش خالص فهي اكيد لسه هنا في اسكندريه
مروان... يارب نلاقيها المهم تعال نروح نشوف فهد
معتز... تمام يلا
..............................
عند قدس
الست (اسمها صفاء).... ها احكيلي بقا
قدس بحزن... حاضر احكيلك انا امي وابوي ماتوا في حادث عربيه وانا صغيره كان عندي سنتين كنا راجعين من رحله ووقتها العربيه اتقلبت بينا ومفضلش غيري انا اللي عايشه ويارتني ما عشت وعيطت
الست قربت منها... ياحبيبتي ده نصيبهم وقدرهم منقدرش نعترض علي قدر ربنا
قدس بعياط... بس قدر ربنا انهم يسبوني لوحدي كدا
الست خدتها في حضنها... ربنا ليه حكمه في كل اللي بيحصلنا ومحدش عارف حكمته فيها اي اهدي ويلا نقوم ننام
قدس بعدت عنها شوي ومسحت دموعها... لا هحكي يمكن ارتاح شوي
صفاء... احكي ياقلبي
قدس بحزن.... وقتها جدي خدني رباني لحد ما بقا عندي سبع سنين وكان عندي عم واحد فجدي قبل ما يموت طلب منه يجوزني لبني عشان عندي خال ومراته بيحقدو عليا المهم جوزوني لابن عمي فهد كنت بحبه اووي ومكنتش بعرف انام وانا صغيره غير في حضنه هو اكبر مني 12سنه وكان مربيني وقتها وكنت متعلقه بيه المهم جوزوني ليه وانا معرفش وبعدها بفتره جدي مات قعدت حزينه اووي عليه ومحدش خرجني من حزني غير فهد ابن عمي ده وبعدها بسنه عمي برضوا مات وبعدها بفتره لقيت فهد ده سافر ومجاش لقيت كله بعد عني جدي وعمي وفهد كل اللي بحبهم بيبعدو عني كنت خلاص تعبت كان وقتها عندي عشر سنين وقتها مرات عمي ربتني ومعاملتها كانت بتعاملني زي بنتها وانا حبيتها اووي وفضلت عايشه معاها هي ومروان ابن عمي التاني وبعد عشر سنين عشتهم علي امل ان فهد ده يرن عليا واكلمه مكنش بيرن خالص ففقدت الامل في انه يرجع او يكلمني وبعد العشر سنين رجع وحسسني بحبه وحنيته بتاعت زمان بس بعدها لقيته اتغير وبقا قاسي عليا اووي وطلب مني يتجوزني قدام الناس عشان يطلقني عشان قال اي انا طفله ومنفعهوش وهو عايش واحدها عاقله وكبيره وقتها مفكرتش غير في اني لازم اهرب واسيب البيت ومرات عمي ساعدتني اللي هي امه بس في اخر فتره قبل ما اسيب البيت هي معاملتها بقت متغيره معايا وبحس انها مش بتحبني خالص
وعيطت جامد وشهقاتها علت صفاء خدتها في حضنها وطبطبت عليها وعيطت علي عياطها
صفاء... اهدي بس ياقلبي وقعدت تقرأها ليها قران لحد ما هدت ونامت في حضنها
صفاء بحزن... ربنا يجبر بخاطرك ويفرح قلبك ويحبك يابنتي يارب ويهدي قلبك
بعد شهر
صفاء وهي بتفتح الباب... ياقدس ياقدس
قدس وهي خارجه من المطبخ... نعم ياطنط صفاء انا هنا اهو
صفاء قعدت علي الكنبه بتعب... عامله اي ياحبيبتي
قدس بحب قربت منها وباستها في خدها وقعدت جنبها... كويسه الحمدلله ياحبيبتي طمنيني عليكي انتي
صفاء... الحمدلله ياغاليه
قدس... مش ترتاحي بقا
صفاء بحزن... مش هرتاح غير لم الاقي ابني ياحبيبتي انا عارفه انه دلوقتي هيكون عندو 33سنه بس عندي امل كل يوم وانا نازله ادور عليه اني هلاقيه وحشتني اووي ونفسي احضنه ودموعها نزلت
قدس بحزن... يارب تلاقي يارب وحاولت تهزر عشان تلطف الجو
قدس... علي كدا لو طلع حلو هتجوزه ماليش فيه
صفاء بضحك... هههه حاضر ياختشي بس الواد ابتليه ليه بس
قدس بتمثيل الحزن... انا بلوه الله يسامحك كل ده عشان كل يوم اعمل اكل مختلف مره محروق ومره عادم ومره ني ومره بايظ شكرا ياست الكل
صفاء برفع حاجب... ومش بتعرفي تروقي ولا تتسوقي
قدس بتمثيل الحزن... مخلاص بقا ياست حلاويات عرفنا اني هبقا ست بيت فاشله ليه الاحراج والكسوف ده
صفاء.... ههههه لا والله طيب يلا امشي من هنا ياختي يلا روحي كملي تجهزي الاكل اللي ربنا يسترها ويطلع حلو
قدس.. هههه لا ده ان شاءلله هيكون حلو يلا بسرعه غيري عقبال مخلص عشان هموت من الجوع وعشان عايزه اطلع اقعد علي البحر شوي
صفاء... حاضر ياقلبي ودخلت اوضتها تغير وقدس رجعت المطبخ تاني
....................................
عند فهد راقد علي سرير قدس في اوضتها وحاضن المخده بتاعتها وبيستنشق ريحتها ونزلت دمعه من عينه... وحشتيني اوووي ليه العقاب الوحش ده بس يارب
مروان دخل عليه راح فهد مسح دموعه بسرعه
مروان بجزن علي حالا اخوي.... هتفضل كدا لحد ايمتا
فهد بحزن... لحد مترجع لحضني بس والله مهسيبها تخرج من حضني تاني حتي لو اي حصل
مروان بحزن... طيب يلا نتعشاء سوء
فهد.... لا انا هقوم اروح اتمشي عند البحر شوي
مروان.... يابني حرام عليك صحتك شوف جسمك بقا ضعيف كيف اديلنا شهر بندور عليها وانت الشهر ده مش بتاكل فيه غير مره كل كام يوم بالغصب عارفه لو لقيتها هتزعل جامد علي اللي انت عامله في نفسك ده
فهد بحزن... وهي ليه طيب مش زعلانه علي العذاب اللي انا فيه مروان بجد انا مش قادر اتحمل بعدها انا لم كنت مسافر كنت في عذاب بس كنت بحاول اشغل نفسي في الشغل بس كنت برجع اخر الليل اخد صورتها في حضني واقعد اعيط عارف يعني اي فهد يعيط تعبت تعبت
مروان بحزن.... ربنا يهدي قلبك وتلاقيها قريب يارب
فهد... انا ماشي وسابه ومشي ومروان قاعد علي السرير وبحزن.... يارب عشان خاطر حبيبك النبي خليه يلاقيها كفايه عذاب بقا لقلبه يارب
........................................
قدس قاعده علي البحر وماسكه نوته في ايدها وقاعده تحت
قدس.... وحشتني اووي يافهد نفسي احضنك واحس بالامان اللي بحسه دايما في حضنك ليه عملت فيا كدا وخلتني بعدت عنك يارب انا تعبت ليه مش قادره انسه علي كل اللي حصل يارب وسابت القلم وقعدت تعيط
صفاء من الشباك... قدس ياقدس خلصي ويلا عشان الوقت اخر
قدس مسحت دموعها... حاضر خمسه وجي وقطعت ورقه من النوته بتاعتها وقعت ترسم ورد
فهد كان قاعد علي العربيه وباصص للسماء وبحزن... ايمتا هترجعلي بقا
صفاء... يازفته يلا
قدس... حاضر حاضر وكتبت اسمها علي الورقه.... الورده دي برعايه الرسامه قدس القمر هههههه😂 والورقه طارت منها
قدس بحزن... يوه لم اروح بقا حتي الورقه اللي حيلتي مش عايزه تعيش معايا اووووف وقامت روحت
فهد وهو قاعد بيبص لاقي ورقه بطير حوليه وخبطت في العربيه طنش وفضل باصص لسماء لحد ما معتز رن عليه
فهد... عايز اي يامعتز
معتز.... في حد بيقول انه شاف قدس في اسكندريه مع واحدها ست وبنحاول نخليه يرسمها اهو
فهد بفرحه... بجد طيب انا حي حالا اهو ونزل لسه هيركب العربيه لاقي الورقه ميل مسكها وبيشوفها لاقي مرسوم وره بيقرا اللي مكتوب تحتها... الورده دي برعايه الرسامه قدس القمر هههههه
فهد بصدمه.... قدسس
يتبع...
•تابع الفصل التالي "رواية عشقت من اعتبروها اختي" اضغط على اسم الرواية