رواية بياع الورد كاملة بقلم نور محمد عبر مدونة دليل الروايات
رواية بياع الورد الفصل الاول 1
_تشتري ورد ياهانم ورد احمر لزوجك او خطيبك او حتي حبيبك المهم تنفعيني الله يرزقك بأبن الحلال يارب
قلعت نظارتها وبصت عليه بتفحص شاب بسيط وملابسه عاديه ومتواضعه بس ملامحه حاده وجميله جدا
_امم مش بطال ينفع بقول ايه ياحلو انا هشتري منك الورد ده كله بس اركب العربيه معايا
رجع خطوه للخلف بشك وقال
_واركب العربيه معاكي ليه عاوزه تشتري الورد اهلا وسهلا مش عاوزه براحتك ربنا الرزاق عن ازنك
_استني عنك ياعبيط انا بقولك هشتري منك الورد كله وكمان هتاخد عليهم مبلغ محترم بس اسمع كلامي وانا هفهمك كل حاجه بس مش هنا
بصلها بتركيز بنت متوسطه الجمال بس شيك اوي وباين انها غنيه جدا بس كلامها ميطمنش فقال
_يفتح الله قال اركب معاكي قال وحده مجنونه وباين عليكي هربانه من مستشفي العباسيه وانا مش فاضي عندي شغل ولازم اجمع فلوس بسرعه علشان اقدر اتعشى النهاردا سلام
مشى من قدامها وهي نفخت بضيق وشغلت العربيه ومشت خلفه لغايه ماوصل لشارع فاضي خالص وقفت العربيه قدامه وقالت
_ياض استني عندك هفهمك انا غرضي خير طيب هتاخد ميه الف جنيه لو ركبت معايا
بص عليها بصدمه وقرب من العربيه بلهفه وقال
_ اييه.. ميه الف جنيه انتي بتتكلمي جد او بتهزري معايا
_لا بتكلم جد ايه رأيك اركب بس وانا هفهمك دي مصلحه حلوه اوي
تحمس اوي لانه محتاج المبلغ ده ضروري فركب معاها العربيه بسرعه وقال بقلق
: تمام انا ركبت بس هنتكلم في مكان عام في ناس علشان بصراحه انا مش ضامنك حاسس انك من عصابه اللي بتخطف الاطفال
ضحكت بقوه عليه وقالت
_هههههه وقال يعني انت اللي طفل.. ده انت شحط ياض
_شحط في عينك اطلعي ياله خلينا نخلص مش عاوز لماضه يابت
بصت عليه بضيق وطلعت بالعربيه لكافيه مشهور اوي للاغنياء ونزلت من العربيه وقالت
_ انزل ياله خلينا ندخل ونتكلم جوه
اخرج رأسه من العربيه بصدمه ودهشه وقال
_انا هدخل هنا بس المكان باين عليك غالي اوي ياهانم
_انزل ياض بقولك انا عندي شغل كتير مش فايقه للكلام ده
_حاضر نازل اهو بس اهدي انا مش بحب حد يشخط فيا وخصوصا لو بنت
نفخت بضيق منه وقالت في سرها
_وده هستحمله ثلاث شهور ازاي بس ياربي
وبعد وقت قعدوا على طاوله شيك اوي والنادل اجه يشوف طلباتهم
_تأمري بأيه يا ورد هانم
ضحك بصوت مكتوم وقال بهمس
_وكمان طلع اسمها ورد على اسم الورد بتاعي
ورد برقه _مشروبي المفضل ياعلي لو سمحت
علي: تحت امرك يا ورد هانم والبيه يطلب ايه؟
مر وقت ومردش عليه فقالت ورد بحده: انت ياجدع انت.. علي بيكلمك عاوز تشرب ايه اخلص
بصدمه _ احم هو كان بيكلمني انا…انا كنت فاكره بيكلم حد تاني اصله قال يابيه وانا مش بيه انا اسمي جلال الغلبان
ضحك علي عليه وورد قالت بضيق
_إخلص هنفضل كده كتير عاوز تطلب ايه؟
جلال ببسمه:كبايه شاي بالبن ياعلوه وكتر اللبن فيها لو سمحت
علي ضحك عليه اكتر وقال:حاضر من عنيا عن اذنكم
جلال ببسمه:ازنك معاك ياخويا واه هات معاك بقسماط كمان اصل بحب اسئسئ الشاي بيه
علي شاور بأيده من بعيد بمعني تمام وورد بصت عليه بضيق كبير وقالت
:شاي بالبن.. وسئسئ لا الظاهر انك محتاج اعاده ضبط مصنع لطريقه كلامك دي
جلال بضيق: طيب ليه الغلط ده بس ياهانم انا لولا انك بنت كنت انا اللي ضبط مصنعك ده على ايدي
ورد بقرف:بيئه اوي بس المشكله محتاجاك ضروري
جلال بعدم فهم:ومحتاجاني في ايه بقى ياهانم؟!
ورد برسميه:تمام بص انا هفهمك بصراحه انا جدي عاوز يجوزني ويفرح بيا علشان انا بنت ابنه المتوفي الله يرحمه وبابا موصيه عليا قبل موته بس انا مش عاوزه اجوز في الوقت ده ولو قولت كده لجدي هيزعل مني وهو تعبان وانا بحبه وبخاف عليه اوي فعاوزه منك تاجي معايا للفله بتاعتنا وتمثل قدام جدي انك حبيبي وخطيبي لمده ثلاث شهور بس وبعدها جدي هيسافر بره البلد علشان عنده عمليه قلب مفتوح ولازم يعملها ضروري ها قولت ايه؟!
جلال :موافق بس بشرط
ورد بفرحه:وانا موافقه طبعا على أي شرط تطلبه وهدفعلك أي مبلغ انت هتطلبه
جلال بتخطيط:لا انا عندي شرط اهم من الفلوس الاول
ورد بتعجب:شرط ايه؟
جلال بخبث:اجوزك الاول على سنه الله ورسوله وبعد الثلاث شهور هطلقك وهاخد فلوسي وكل واحد يروح لطريقه بعدها ها قولتي ايه؟
ورد بصدمه:
- يتبع الفصل التالي اضغط على (رواية بياع الورد) اسم الرواية