رواية فعلتها لأجل أبي كاملة بقلم هدير عبدالعليم عبر مدونة دليل الروايات
رواية فعلتها لأجل أبي الفصل الاول 1
بابا بصوت عالى بينادى: يا مااالك…
معاذ بتكشيرة :مش هرد.
بابا بابتسامة: يبقا أنت معاذ؟!
معاذ برفع حاجب وبعصبية: اه يا بابا كل شوية أقولك أنا معاذ مش مالك؟!
بابا بهدوء: يا حبيب ما أنتوا تؤام و شبة بعض أوي و أكيد مش هقدر افرق بينكم .
معاذ بتكشيرة: بابا ما أنت المفروض تكون عارفنا.
بابا بضحك: المره الجاية وعد هعرفكم .
معاذ بيحط أيده فى وسطه و بيقرب وشه من الاب : ماشى هنشوف, بضحك وأنا واثق إنك مش هتعرفنا برضو, ماما نفسها بتتلغبط فينا.
بابا ب إبتسامة: ما أنتوا فوله و أتقسمت نصين يا حلوين..
معاذ بيمسك شعره: شوف شعري أنا طويل إزاى؟ مالك شعره صغنن..
بابا بضحك و صوت عالي: تصدق فعلاً ده فرق واضح أوى كل ما أجى أنادى عليك أمسك شعرك.
معاذ بيضحك و يحط أيده على بعض : قولى طيب حل؟
بابا بضحك : كل ما اجي أنادي عليك هشدك من شعرك قصدى أمسك شعرك.
معاذ: بقا كده، ماشى يا عم بابا, كنت عايز أى بقا؟
بابا باستفهام: ماما و دنيا فين؟
معاذ ببراءة: ماما قالتلى مقولش لحد هى فين و خاصهً أنت.
بابا بعصبية: هى قالتلك كده؟
معاذ ببراءة: اه والله قالتلى لو بابا سأل علينا إياك تقوله أننا عند طنط وفاء .
بابا بعصبية : بقا كده, لما ييجوا.
ماما جاية من بره و أول ما دخلت قالت بسعادة علشان تتوه الموضوع: شوفت مين عايز يتجوز دنيا؟!
بابا بيبص بغيظ : مش عايز أعرف مين؟ عايز أعرف كنتِ فين؟
ماما بحب : ما خلاص بقا يا أبو دنيا .
بابا بزعل : خلاص أى ؟ أنا قولت كام مره بلاش تروحى عند وفاء؟
ماما : إبن وفاء عايز يتجوز دنيا.
بابا بنفس عميق: والله؟! و رأيكم أى بقا, دا العروسة كانت فى بيت العريس أصلا.
ماما بهدوء : متحبكش الدنيا بقا، دا هيجبلها..
بابا بسرعة و عصبية: مش مهم هيجبلها أى,لأنهم مش زينا.
ماما : يعنى حلو الفقر إللى إحنا فيه و المرار ده؟
بابا بهدوء و عتاب : مكنتش أتوقع منك كده، بس فعلاً قعدتك مع وفاء غيرتك، أنا بشتغل ١٦ ساعه علشانكم دا أنا بعمل كل حاجه علشان تكونوا مبسوطين وفى الأخر تقولى كده؟
ماما : مش مهم كله ده المهم دلوقتى إنك توافق على الجوازه دى هتغيرنا كلنا.
بابا ب قله حيلة بينادى على دنيا : يا دنيا.
دنيا : نعم يا بابا .
بابا : موافقة تتجوزي شهاب؟ أى رأيك فى كلام ماما عنهم؟
دنيا:..
- يتبع الفصل التالي اضغط على ( رواية فعلتها لأجل أبي) اسم الرواية