رواية الهروب إلى المجهول الفصل العشرون 20 - بقلم اروى عادل
صرخت ميار بكل قوتها عندما علمت أن عمر تزوج إيلا ثم قالت بحقد و شر إيلا انتى لازم تختفى من حياة عمر و النهاردة قبل بكره انتى انتهيتى يا إيلا
يوم ما فكرتى تاخدى حاجة تخص ميار
فطين ٠٠٠ أنتى. ناويه على ايه فهمينى
ميار ٠٠٠ لازم عمر يبعد عن إللى اسمها إيلا ده. برضاه او غصب عنه
فطين ٠٠٠ و مين بقى إللى يقدر يغصب عمر القاضى على حاجة هو مش عايزها.. ما انت. عارفه عمر
ميار ٠٠٠ لاء في شخص الوحيد يقدر يعمل كده . هو الوحيد إللى عمر بيسمع كلامه
فطين ٠٠٠ تقصدى مين
ميار ٠٠٠ عمو عزت .. عمر مايقدرش يكسر كلمته ابوه مهما حصل
فطين ٠٠٠ يعنى انتى عايزه تقولى لعمى عزت عن علاقة عمر بأيلا
ميار ٠٠٠ مش انا إللى هقول له
فطين ٠٠٠ لاء انا كده مش فاهم حاجة
ميار ٠٠٠ اتصلى على مرام.. و قولها تيجى دلوقتى حالآ بعد كده هفهمك كل حاجة
فطين ٠٠٠ و مرام مالها بالحوار ده
ميار ٠٠٠ اتصل بس على مرام الأول
فطين ٠٠٠ حاضر ما اشوف اخرتها معاكى
اتصل فطين على مرام و قالها تأتى لغرفته حالآ
و بعد ربع ساعة جاءت مرام
مرام ٠٠٠ خير عايزنى ليه
ميار ٠٠٠ أنا إللى عايزاكى .. بس قوليلى الأول معاكى رقم بشرة بنت عم عمر
مرام ٠٠٠ آه معايا
ميار ٠٠٠ أنتم لسه بتتكلموا مع بعض
مرام٠٠٠ بسيط ..هى كل فترة تتصل بيا تسألني عن عمر بيعمل ايه فى الغردقة. بيعرف بنات. كلام من ده
ميار٠٠٠ حلو أوى
مرام ٠٠٠ هو ايه إللى حلو أوى انا مش فاهمه حاجة
فطين ٠٠٠ وانا كمان مش فاهم حاجة
ميار ٠٠٠ هتفهموا دلوقتى.. مرام هتتصلى على بشرة
و تعملى نفسك بتطمنى عليها ..و بطريقة
تبان انها عفويه.. تقولى ليها ان عمر عايش مع واحدة بقاله كذا شهر ..كمان اشتري ليها شقة و عربية بأسمها
و كمان تبعتلها عنوان الشقة
مرام ٠٠٠ أنتى تقصدى إيلا صح ..
فطين ٠٠٠ أنا قريبآ فهمتك .انتى عايزه بشرة هى اللى
تقول لعمى عزت
ميار ٠٠٠ صح . بشرة هتروح لعمها وهى منهارة طبعآ عمو عزت مش هيهون عليه بنت اخوه .كمان مش هيخسر اخوه عشان نزوات سى عمر …
فطين ٠٠٠ صح ساعتها عمى عزت هيبهدل عمر و هيخليه يسيب آيلا غصب عنه
ميار ٠٠٠ وطبعآ عمر مش هيقدر يكسر كلمة أبوه
و خصوصآ ان عمو عزت عنده القلب مش هيستحمل اى زعل
فطين ٠٠٠ بجد شابو ليكى👏👏 تفكير إبليس نفسه ينحنى ليكى يرفع القبعة
ميار ٠٠٠ يكفيك شر كيد النسا . و الست لما
تحب
بالفعل قامت مرام بأجراء الاتصال ببشرة
( بداية المكالمة)
بشر ٠٠٠ ألووو
مرام ٠٠٠ ألووو بشرة وحشتنى
بشرة ٠٠٠ واللهى و انتى كمان يا مرام . ايه اخبارك
مرام ٠٠٠ تمام . ايه مش ناويه تيجى الغردقه
بشرة ٠٠٠ واللهى نفسى. حتى أشوف عمر ده وحشنى اوى
مرام ٠٠٠ صح آمال فرحكم امتى
بشرة ٠٠٠ لسه محددناش الفرح. عمر بيقول
لسه بدرى
مرام ٠٠٠ آه ما لازم عمر يقول كده
بشرة ٠٠٠ تقصدى ايه يعنى
مرام٠٠٠ يعنى عشان عمر بيحب يعيش براحته من غير أى التزامات
بشرة ٠٠٠ مرام انتى ليه بتقولى كده .. هو انتى سمعتى حاجة عن عمر و مخبيها عليا
مرام ٠٠٠ لاء انا معرفش حاجة..و ماليش دعوة
بشرة ٠٠٠ مرام عشان خاطرى بالله عليكى تقوليلى فى ايه.. مش انا صاحبتك
مرام٠٠٠ ليه بس حلفتينى.. انا هقولك بس عشان انتى صاحبتى و صعبانه عليا .. بصى يا ستى عمر بقاله كام شهر مرافق واحده..و مش بس كده ده عايش معاها .. ده غير بيصرف عليها ملايين و اشترى ليها شقة و عربية بأسمها .. انا خايف تضحك عليه وتخليه يتجوزها.. لان البنت دى مش ساهله
بشرة ٠٠٠ مش ممكن عمر يعمل كده انا مش مصدقة
مرام ٠٠٠ وانا ايه مصلحتى عشان اكدب عليكى
بشرة ٠٠٠ أنا مقصدش انك كداب بس انا مش قادره أستوعب ليه عمر بيعمل كده
مرام٠٠٠ بصراحة البنت حلوه أوى و اكله عقل عمر بجمالها. اسمعى انا هبعتلك على الواتس عنوان الشقة إللى عايشين فيها مع بعض لو حب تتأكدى
بشرة٠٠٠( ببكاء قالت) متشكرة يا مرام انك عرفتينى
مرام ٠٠٠ ازاى ده انتى حبيبتى و صاحبتى . بس انا مش عايزاكى تزعلى نفسك .. يلا باااى يا حبيبتى
بشرة ٠٠٠ باااى
( إنتهت المكالمة )
====================
ميار ٠٠٠ برافو عليكى
مرام ٠٠٠ عجبتك
ميار ٠٠٠ طبعآ أنتى لازم تاخدى الأوسكار على أدائك
◇◇◇◇◇◇◇◇◇◇□□□□□□□□□
فى فيلا عزت القاضى
القاهرة
=========
الفعل بعد انتهاء المكالمة توجهت بشرة لفيلا عمها عزت فورآ …
كان عزت يجلس مع ابنته شيرى عندما دخلت بشرة عليهم وهى منهارة و تبكى بهستريا .وتقول
بشرة ٠٠٠ ألحقنى يا عمى
عزت ٠٠٠ ( بخوف قال) فى ايه يا بشرة محسن أخويا حصل له حاجة
بشرة ٠٠٠لاء ده عمر
صرخت شيرى وقالت
شيرى ٠٠٠ ماله عمر
عزت ٠٠٠ انطقى يا بشرة ماله وعمر
بشرة ٠٠٠ بيخونى يا عمى
هنا اخذ نفس طويل وقال
عزت ٠٠٠ حرام عليكى يا بنتى رعبتينى
شيرى ٠٠٠ أنتى مجنونه فى حد يخض الناس كده
بشرة ٠٠٠ محدش حاسس بيا .. بقولكم بيخونى
شيرى ٠٠٠ وايه الجديد يعنى
نظر عزت لشيرى نظره حاده بتحذير لتسكت
عزت ٠٠٠ ممكن تفهمينى في ايه بالظبط
بشرة ٠٠٠ عمر مرافق واحده شمال و عايش معاها كمان .. ده غير انه مضيع فلوسه عليها و مشترى ليها شقه و عربية بأسمها . دى كمان بترسم عليه عشان يتجوزها
عزت ٠٠٠ ( بضيق قال) عرفتى منين الكلام ده
بشرة ٠٠٠ من صحابى إللى فى الغردقة . دول كمان بعتولى العنوان الشقة إللى عايشين فيها ..
شيرى ٠٠٠ انا مش مصدقه الكلام ده . عمر مافيش واحده تقدر تضحك عليه. ده أخويا وانا عارفاه
بشرة ٠٠٠ لأ البنت دى بقى قدرت تضحك عليه
شيرى٠٠٠ فى ايه يا بشرة هو اى حد يقولك على حاجة تصدقيها على طول افرض صحابك دول كدابين
بشرة ٠٠٠ لاء انا واثقه فى صحابى اوى
عزت ٠٠٠ خلاص هاتى العنوان الشقة دى . . وانا هتأكد من الحوار ده .
شيرى٠٠٠ بابا انت مصدق الكلام العبيط ده
عزت ٠٠٠( بتحذير قال) قولت خلاص الموضوع عندى ماحدش يتكلم فيه تانى. ولا انتى ولا هى…. كمان مش عايز عمر يعرف حاجة عن الحوار ده مفهوم
بشرة ٠٠٠ مفهوم يا عمو
شيرى٠٠٠ مفهوم يا بابا
عزت ٠٠٠ يلا سبونى لوحدى دلوقتى
بعد ما انصرفوا الفتيات قام عزت بالإتصال
( بداية المكالمة)
عزت ٠٠٠ الو شكرى
شكرى ٠٠٠ عزت باشا تليفونى نور النهاردة يا باشا أوامر معاليك.
عزت ٠٠٠ هبعتلك عنوان شقة تعرف مين عايش فى الشقة دى و بأسم مين .كمان تعرف كل حاجة عن البنت إللى عايشه فى الشقة .. و المعلومات دى تكون عندى بسرعة
شكرى ٠٠٠ كل إللى أمرت بيه هيحصل يا باشا
تأمرنى بأى خدمة تانى
عزت ٠٠٠ لأ بس عايز المعلومات دى بسرعة
شكرى٠٠٠ النهاردة هتكون عندك .. مع الف سلامه
يا باشا
( إنتهت المكالمة)
=================
بعد انتهاء المكالمة قال
عزت ٠٠٠لما اشوف اخرتها معاك يا عمر
◇◇◇◇◇◇◇◇◇◇◇◇□□□□□□□□
فى المساء
الغردقة
شقة عمر
إيلا ٠٠٠ أنا عندى بكره كلية
عمر٠٠٠ اه .. دى بقى هتروحى ليها كل يوم
إيلا ٠٠٠ على حسب محاضراتى . لسه مش عارفه
عمر ٠٠٠ و الكلية دى فيها شباب
إيلا ٠٠٠ طبيعى تكون فيها شباب و بنات
عمر ٠٠٠ و انتى علاقتك ايه بالشباب إللى. فى الجامعة دى
إيلا ٠٠٠ زى علاقتى ميار صاحبتك بالظبط
عمر ٠٠٠ كده يبقى اطمنت و الحمدالله .
كريم ٠٠٠ ماما تعالى حلى معايا المسأله دى
عمر ٠٠٠ هات اشوفهالك انا
كارما ٠٠٠ وانا كمان
عمر ٠٠٠ تمام هحل معاكى المسأله بس بشرط
كريم ٠٠٠ تخلى ماما تبوسنى بوسه كبيرة
إيلا٠٠٠ عمر انت اتجننت ايه إللى بتقول للولاد ده
كريم ٠٠٠ خلاص يا ماما بوسه واحده بس عشان خاطرى
كارما ٠٠٠ خلاص يا ماما يعنى هى دى أول مره
آيلا ٠٠٠ يا نهار أسود انت عملت ايه فى العيال .. لاء انت متقعدش مع العيال تانى لوحدك
كريم ٠٠٠ فى ايه يا كبيرة عدى بقى عشان الدنيا تحلو
إيلا ٠٠٠ يا كبيرة … و الدنيا تحلو .. يا
لهووووى
كارما ٠٠٠فى يا قمر .. خليكى فريش
إيلا ٠٠٠ خلينى فريش .. ليه هو انتى شايفنى كوبية عصير. العيال انحرفت
عمر ٠٠٠ فى ايه يا مزة ما تروقى كده
إيلا ٠٠٠ هو انت إللى بتعلمهم الكلام ده
كريم ٠٠٠ خلاص بقى يا ماما كبرى الجمجمه
إيلا ٠٠٠ ده انا هقوم اكسرك الجمجمة دلوقتى
ثم ركضت إيلا خلف كريم و كارما
ضحكه عمر عليهم
◇◇◇◇◇◇◇◇◇◇◇□□□□□□□□
فى القاهرة
فيلا عزت القاضى
كان عزت فى غرفة المكتب ينتظر مكالمة هاتفية من شكرى و كان واضح عليه التوتر وهو بدعوة ان يكون كلام بشرة غير حقيقي
هنا رن الهاتف رد عزت بسرعة وقال
( بداية المكالمة )
عزت ٠٠٠ ايوه يا شكرى جبت المعلومات
شكرى ٠٠٠ عيب يا باشا المعلومات إللى طلبتها كل معايا
عزت ٠٠٠ اتكلم يا شكرى من غير مقدمات
شكرى ٠٠٠ الشقة ساكن فيها عمر بيه و معاه واحده أسمها إيلا جلال الصاوى .. عندها طفلين بنت و ولد بقالهم مع بعض حوالى أربع شهور .. و إيلا دى كانت بتشتغل فى خدمة الغرف .فى الفندق عندكم
والشقة كانت بأسم عمر بيه بس نقل ملكيتها بأسم ايلا. و بعد كده اشترى ليها عربيه أحدث موديل
بس البنت دى مين او بنت مين محدش يعرف هى ظهرت فى الغردقة من ٣ سنين حتى محدش يعرف هى اساسآ من أى محافظه فى مصر
عزت ٠٠٠ ( بضيق قال ) انت متأكد من معلومات دى
شكرى ٠٠٠ زى ما انا متأكد أن بكلم حضرتك دلوقتى
عزت ٠٠٠ تمام وانا بكره الصبح هكون عندك فى الغردقة
شكرى ٠٠٠ تمام يا باشا و آنا فى انتظارك
( إنتهت المكالمة )
==================
أنتهى من المكالمة ثم قامه بأجراء أتصال أخرى
( بداية المكالمة )
عزت ٠٠٠ عبد الرحمن جهزلى الطيارة بكرة الصبح
عبدالرحمن ٠٠٠ على فين يا باشا
عزت ٠٠٠ الغردقة
عبد الرحمن ٠٠٠ الساعة ٩ الصبح تناسب حضرتك
عزت ٠٠٠ أه.. ٩ الصبح مناسب اوى
◇◇◇◇◇◇◇◇◇◇◇◇□□□□□□□□
الغردقة
اليوم التالى
منزل عمر
إيلا ٠٠٠ عمر حبيبى . عمر اصحى
عمر ٠٠٠ أيه ده انتى حلوه أوى كده ليه على الصبح
إيلا ٠٠٠ يا ربى . انت مجنون
عمر ٠٠٠ أيه ده انتى لابسه متشيكة كده ليه
إيلا ٠٠٠ عمر انت نسيت مش كده . النهارده انا رايحه على الجامعة
نهض من على الفراش و قال بأنزعاج
عمر ٠٠٠ نعم يا حبيبتى و انتى هتروحى على الجامعة بشكلك ده
إيلا ٠٠٠ ماله شكلى . فى حاجة غلط
عمر ٠٠٠ أيوه حلوه زيادة عن اللزوم ..
إيلا ٠٠٠ دى حاجة تزعلك ولا تفرحك
عمر ٠٠٠( قال بضيق) تزعلنى طبعآ . لان عيون الشباب كلها هتكون عليكى
قالت بدلع غير متوقع
إيلا ٠٠٠ طيب و ماله . المهم عيونى انا على مين
عمر ٠٠٠( ابتسم وقال) على مين بقى
إيلا ٠٠٠ على اجمل عيون سحرتنى من أول مره شوفتها.
هنا مسكها عمر من ذراعيها و التصق بها وقال
عمر ٠٠٠ فكره
إيلا ٠٠٠ طبعآ فكره فى الحمام
عمر ٠٠٠ ساعتها قولت دى أكيد حوريه و نازله
من الجنة
إيلا ٠٠٠ يا بكاش و هى الحورية يوم ما تنزل . تنزل فى الحمام بردوا
عمر ٠٠٠ مافيش فايده فيكى ضيعتى اللحظه الرومانسيه
إيلا ٠٠٠ و اتأخرت على الكلية كمان
عمر ٠٠٠ طيب روحى بس متتأخريش عليا
إيلا ٠٠٠ لأ مش هتأخر . يلا مع السلامه
عمر ٠٠٠ أستنى بس فين بوستى .. إيلا..
هنا أخذت شنطتها و ركضت مسرعة لخارج المنزل
◇◇◇◇◇◇◇◇◇◇□□□□□□□□□
امام العمارة
كانت خارج مسرعة عندما خبطت بقوه فى شخص داخل العماره .. و هنا قالت إيلا و هى ماسكه كتفها
إيلا ٠٠٠ آه ه ه ه دراعى
عزت ٠٠٠ مالك
إيلا ٠٠٠ دراعى وجعنى
عزت ٠٠٠ مش تحسبى .. مستعجله على ايه
إيلا ٠٠٠معلش انا متأخره على الكلية عشان كده كنت مستعجله على العموم انا اسفه. حضرتك حصلك حاجة
عزت ٠٠٠لا. انتى إللى حصلك حاجة
آيلا ٠٠٠ أنا مش مهم . اساسآ انا إللى غلطانه
عزت ٠٠٠ خلاص ولا يهمك.. ..انتى شكل دراعك وجهك
إيلا ٠٠٠ يعنى عادى شويه و دراعى هيخف
هنا نظره اعجاب بشكلها
عزت ٠٠٠ تعرفى انك حلوه أوى
إيلا ٠٠٠ على فكرة انت راجل كبير و شكلك محترم عشان كده مش هقول انك بتعاكسنى
عزت ٠٠٠ هههه هو انا مش كبير اوى يعنى بس بردوا مش بعاكس . انتى ساكنه هنا فى العماره
إيلا ٠٠٠ ايه عايز تروح تطلب أيدى ولا ايه
عزت ٠٠٠هههه دمك خفيف . لو انى معنديش مشكلة اطلب ايدك
إيلا ٠٠٠ تمام يبقى أطلع أطلبها من جوزى فوق
عزت ٠٠٠ ده مين سعيد الحظ ده .. لو ان شكلك صغير على الجواز
إيلا ٠٠٠ مش قولتلك انك بتعاكس
عزت ٠٠٠ لأ خلاص . بقولك طالما انتى ساكنه فى العماره دى .. ممكن اسألك على حد ساكن هنا
إيلا ٠٠٠ معلش مش هقدر افيدك . لانى معرفش حد من الجيران هنا
عزت٠٠٠ تمام على العموم متشكر
إيلا ٠٠٠ العفو عن أذن حضرتك
بعد ما انصرفت إيلا ا قال عزت
عزت ٠٠٠ مشاء الله هى دى البنت اللى تشرف بجد
ثم توجه لشقة عمر
أما إيلا توجهت لسيارتها لكن ذراعها ألمها وشعرت ايضآ بمغص لذلك قررت انها لن تذهب للجامعة و تراجعت للمنزل مره اخرى
◇◇◇◇◇◇◇◇◇◇◇□□□□□□□□□
فى منزل عمر
فتح عمر الباب عندما سمع صوت جرس الباب
أتصدم عندما رأه عزت أمامه و قال بدهشه
عمر ٠٠٠ بابا
عزت ٠٠٠ أيه مستغرب ليه .. فاكر انى مش عرف بيت ابنى ..
دخل عزت المنزل هو ينظر فى كل الاتجاهات ثم قال
عزت ٠٠٠ آمال فين الهانم إللى حضرتك اشترتلها البيت .. عندى فضول أعرف شكلها ايه دى إللى تخليك تشترى ليها بيت زى ده.. ده غير العربية
كان عمر مصدوم من كلام عزت.. ولا يعرف من اين يعلم عزت هذه الأشياء
عمر ٠٠٠ بابا ياريت تقعد خلينا نتكلم
عزت ٠٠٠ تمام نقعد لما أشوف أخرتها
دخل عمر و عزت على الصالون
عمر ٠٠٠ بابا ممكن أعرف عرفت منين
هنا صرخ عزت بصوت عالى فى عمر فى نفس اللحظة إللى دخلت فيها إيلا الشقة. لذلك لما يسمع عمر صوت فتح بابا الشقة لان عزت كان بيزعق بصوت عالى و يقول
عزت ٠٠٠ هو ده إللى فارق معاك عرفت منين
و الوساخه إللى انت عايش فيها دى عادى
أتصدمت إيلا عندما سمعت صوت زعيق لذلك اقتربت لتعرف ماذا يحدث هنا سمعت عمر يقول
عمر ٠٠٠ اهدى يا بابا عشان صحتك.. مش كده
عزت ٠٠٠ وانت بيهمك صحتى أوى . انت عمرك ما هتنضف هتفضل طول عمرك رمرام و بتاع بنات
كفايه انى مستحمل بلاويك. وانك كل يوم مع واحده شكل . كمان. جايب واحده شمال
قطع عمر عبارته وقال
عمر ٠٠٠ بابا هو فى لكل ده
عزت ٠٠٠ يعنى جايب واحده من الشارع و عايش معاها فى الحرام . و تقولى فى ايه يا بجحتك ياخى
عمر ٠٠٠ بابا ممكن تخلينى حتى اوضح لك
قطع عبارته عزت وقال
عزت ٠٠٠ توضحلى ايه .. ده انا قولت ان ابنى راجل ما يضحكش عليه لكن طلعت غلطان . واحده ست زى دى تضحك عليك و تخليك تشترى ليها شقة و عربية و الله اعلم ايه تانى
عمر ٠٠٠ بس إيلا مش كده و آنا إللى اشتريت الشقة و الع……..
قبل ان يكمل عبارته قال عزت بتحذير
عزت ٠٠٠ اسمع يا عمر النهاردة تقطع علاقتك بالبت دى . قبل ما تيجى تلبسك مصيبه و تقولك ألحقنى انا حامل والله أعلم هيكون ابن مين
يتبع….
- يتبع الفصل التالي اضغط على ( رواية الهروب إلى المجهول) اسم الرواية