رواية ما يخبئه لنا القدر الفصل العشرون 20 - بقلم زينب رشدي
عمر: انا عرفت كل حاجه
ملك وقفت بصدمه: عرفت كل حاجه ازاى
عمر بغضب: عرفت كل اللى كنتى مخبياه عرفت انك لسه تعبانه وخبيتى عنى عرفت انك بتتالمى وبتخبى عشان معرفش عرفت انك كملتى الفرح وانتى عارفه انك تعبانه عشان بس متزعلنيش عرفت من برا مش من حببتى اللى كنت عايزها تشاركنى تعبها عرفت سبب انك تغيرى قصت شعرك عرفت سبب انك عايزة تقربى منى دلوقتي عرفت كل حاجه
ملك قعدت بصدمه: انا انا
عمر: انتى اي كنتى هتقوليلى امتى والمفروض تروحى المستشفى بكره كنتى عايزه يحصل ازاي بنا حاجه ويمكن يحصلك حاجه لو كان حصلك حاجه بسببى كنت هحس بايه انا
ملك ببكاء: مكنتش عايزه ازعلك مكنتش عايزه تلغى الفرح مكنتش عايزه اشوفك زعلان ومخنوق وخايف عليا كنت خايفه عليك كنت عايزة اعمل لاحظت حلوه بين مكنتش عايزه امنعك عن حقوقك عارفه غلطانه والمفروض اقولك بس مكنتش هستحمل نظره الزعل والعجز اللى شيفاهم في عينك دلوقتي
عمر بحضن:كنت عايزه اقف معاكى اعرف تعبك واحاول اداويه كنت بوجع وانا بشوفك تعبانه وشكلك تعبان ومش عارف اقرب منك او عارف مالك عشان خاطري ي ملك خليكى قويه لاخر لحظه مش هستحمل بعادك والله هموت بعدك
ملك شدت على الحضن: عمر عشان خاطري انا وعشان ادخل مرتاحه اوعي ترجع انطوائى تانى وعيش حياتك وشوف شغلك واتجوز وخلف ونبى ي عمر ونبى
عمر باس كل حته فى وشها: متقوليش كده ونبى متوجعيش قلبى عليكى فاهمه
ملك حضنته:اوعى تبعد عنى لحد ما ادخل العمليه
عمر:انا جنبك وهستناكى لما تخرجى فاهمه هتخرجى
ملك: مين قالك
عمر: هيثم كلمنى وقالى انك كنتى رافضه حد يعرف بس لما شاف حالتك بتسوء ومصممه تعملى فرح كلمنى بعد الفرح وقالى هو دكتور اسعد
ملك: مكنتش عيزاك تعرف
عمر: مكنتش هسامحك لو معرفتش لو مش انا اقف جنب مراتى مين هيقف لو كنتى سبتينى اقرب منك واتمم جوازنا وانتى عارفه ان غلط لو كان حصلك حاجه مش هسامح نفسي
ملك: لا ي عمر انت ملكش ذنب انا اللى كنت حابه اقرب منك
عمر: بس انتى كنتى خايفه ازعل
ملك: انت مكنتش هتزعل لان مكنش فرقلك حاجه غيرى وجودى جنبك وانا كنت عايزة اعمل لحظات تفتكرنى بيها
عمر: اششش متكمليش عشان خاطري هتخفى ونعمل كل اللى عيزينه ونجيب اطفال كتير ملك هترجعيلى انا من غيرك ولا حاجه انتى فاهمه
ملك: خلينى نايمه فى حضنك
وتانى يوم ملك وعمر وادم وصلوا المستشفى وصممت باقي اهلها ميعرفوش وكانت مش بتبعد عن عمر لحظه فضلت طول اليوم في الاجراءات والتحاليل والاشعه واخر اليوم قعدت ملك على السرير بتعب
ادم: انتى كويسه
ملك بدموع: كويسه
ادم: طيب بتبكى ليه دلوقتي
ملك: انت فاكرنى تعبانه من اللف اللى بلفه من الصبح لا خالص اصلا انا اتعودت على التعب والابر والتحاليل معظم حياتى مقضياهم فيهم اللى تعبنى ان هسيبكم هعيشكم الم الفراق بنتك اللى لسه عروسه راحت بسبب مرض لعين وملحقتش تفرح بشبابها زعلانه على بابا وماما اللى ملهمش بنت غيرى وما صدقوا يفرحوا بيها زعلانه عليك وانت معتبرنى اختك وصاحبه عمرك ومش ينخبى حاجه على بعض زعلانه ان هسيبك تعبان تحزن بسببى زعلانه على عمر اللى اديتله امل في الحياه ووعدته ان هكمل معا زعلانه ان بعد ما خليته يتاقلم على الناس والصداقه ابعد عنه ويرجع عمر تانى وممكن اوحش
ادم ببكاء: متقوليش كده انتى هتخفى والله ومش هتسبينا وهنرجع سوا
ملك: متضحكش على نفسك وعليا انا من اول يوم قولتلكم مش هخف واعطيت امل لنفسي وفعلا مخفتش وانا جايه هنا ومتاكده ان مش هرجع بس حبيت ابقي كافحت المرض لاخر لحظه
ادم بحضن: بس عشان خاطرى متكمليش متوجعيش قلبى زياده
عمر دخل هو وهيثم وشافها بتبكى قرب منها بقلق: فيكي اي ي حبيبتي في حاجه وجعاكى
ملك ببكاء: انا خايفه اوي ي عمر مش عايزة ادخل حاسه ان هم’وت
ادم بعصبيه: بس بقا انا مش مستحمل متقعديش تقولى الكلام ده مش سهل عليا اشوفك كده وانا عاجز عن مساعدتك مش سهل ان اسمع منك كل ده بيقطع قلبى
سابها ادم ومشي
هيثم بلوم: مكنتيش كده ي ملك انتى كنتى كلك حيويه ونشاط مهما اللى كنتى بتمرى بيه كنتى بتبقى ثابته ومطمنه اللى حوليكى
ملك:انا تعبت تعبت قولتلكم مش هتعالج قولتى لا اتعالجى ومتخليش المرض يسيطر عليكى وتخفى ونسبه نجاح كبيره ووافقت وحاسيت بامل وان هخف وحبيت لا عشقت واتجوزت وكنت بفكر زي البنات ان هعيش فى اسره وارتاح واخلف وبنيت احلام كبيره وفجاءه كل ده اتصرق منى اتصرق عمرى وفرحتى وحياتى وزوجى واهلى ودلوقتى عايزين اثق فيكم تانى عايزين ارسم احلام تانى عايزين احس بامل تانى عايزين اضحك وارسم الابتسامة واطمن اللى حواليا ان هرجع واديهم امل وانا ممكن مرجعش ليه حس بيا ي دكتور انا المرض اتمكن منى ومبقتش قادره حتى اتكلم كتير ولا اتحرك اقل مجهود بتعب والله الموت اسهل من الاحساس اللى حساه دلوقتي
غصب عنه الدكتور هربت منه دموعه وادم اللى كان راجع عشان يصالحها وحس بالعجز والضعف عمر قرب منها وحضنها وهو بيكبى
عمر: بلاش تضعفى انا باخد قوتى منك عشان خاطري متقوليش كده تانى والله قلبى وجعنى مش عارف اساعدك ازاى
ادم: ملك انا متاسف سامحينى
ملك: اطلعوا لو سمحتوا مش عايزة اشوف نظره الشفقه ودموعكم دي اطلعوووووا سبووووونى يلاااا
الممرضين قربوا يهدوا بس هي فضلت تبعدهم وتصرخ انهم يسبوها وبعدين اضطر هيثم يعطيها مهدا وتنام
هيثم: لو فضلت الحال ده مش هتدخل العمليه
عمر بوجع: انا بموت وانا بشوفها كده قول اي حاجه لو شايف ان هيحصلها في العمليه يبقي بلاش منها قول ي دكتور انها هتخف
هيثم: كله بايد ربنا البروفسير شاف التحاليل وهيعمل العمليه بكره وهو طمنه وانا هدخل العمليه ومتقلقش
ادم: طيب وحالتها التفسيه
هيثم: اهم حاجه
عمر بدموع: يارب اشفيها ورجعها لحضنى من تانى
وتانى يوم الكل متجمع ف مكتب هيثم
عمر: انا مش قادر ادخلها الكل اقويها ازاي وانا اصلا ضعيف
ادم: وانا كمان اصلا هي مش متقبله كلام من عمر هتتقبل منى
اسعد: تسمحولى انا ادخلها
هيثم: انت لا
اسعد بابتسامة: متقلقش هتكلم بهدوء عن اذنكم
استاذن اسعد ودخل ل ملك
اسعد: ممكن اتكلم معاكى شويه قبل عمليتك كل واحد برا رافض يشجعك
ملك:وحضرتك بقا هتشجعنى حضرتك اكتر واحد كنت بتقولى كلام يحبطنى
اسعد بحزن: عندك حق بس هقولك حاجه انا من حوالى عشر سنين لما كنت طالب فى كليه الطب حبيت بنت زميلتى سنه ورا سنه عشقتها كنت مقدرش يوم يعدي الا لما اشوفها ومستنتش اتخرج واتجوزتها وعيشت معاها احلى سنه فى حياتى بقيت كل حياتى اختى وصاحبتى وحبيتى ومراتى يعني زيك انتى وعمر ويمكن انا اكتر بعدين عرفت انها حامل كنا في اخر سنه وبعدين اكتشفنا انها عندها سلط’ان فى ال’دم وده من اخطر الامراض مكنش العلم متقدم وكده وكمان هي كانت حالتها خطيره كان هيحصلى حاجه وانا شايفه بتموت قصاد عينى قولتلها تنزل الطفل وتتعالج رفضت وقالت عايزة اسبلك عشان تفتكرنى بيها وقالت ان ممكن اموت حتى لو نزلته كنت بم’وت يعني انا دكتور وهي دكتوره ومش لاقين حل يعني هتروح منى وفعلا راحت منى وجابتلى اجمل هديه بنت شبها بتفكرنى بيها بكل حركه بتعملها الاول كنت مش متقبل فكره موتها بس بنتى محسسانى انها لسه عايشه وبعدين اتخصص هنا وبقيت بعالج اي حد غير اهم الناس عندي ولما شوفت افتكرت كل وجعى مع مراتى وكنت بقسي عليكى وبعرفك الحقيقه اللى كانت بتخبى عنى انا وهى عشان لما بتبقى امل ويتاخد منك بيبقي صعب بس دلوقتي صدقينى انا مطمن انك هتطلعى بخير وهعمل اي حاجه عشان تخفى انا وعدت مراتى ان محسش حد بنفس المرض وبنتى الصبح قالتلى انا هبقي دكتوره زيك عشان محدش يتعب زي ماما وأنا عايزنك تكملى مع عمر اللى معرفتش اكمله عمر وعيلتيك يستاهلوا انك تخفى
ملك بدموع: انا اسفه إن فكرتك بكل الوجع ده وكنت فهماك غلط
اسعد مسح دموع: ولا يهمك انا مش بنسي اصلا المهم عمليتك فاضل عليها ساعتين جاهزه
ملك بابتسامة: جاهزه
بعد ساعتين دخل عمر وكانوا الممرضين بيجهزوا ملك
مدت ايدها عشان يقرق
ملك: متخفش انا هرجعلك لسه في حجات كتير معشنهاش
عمر: انا هستناكى هنا اوعي متخرجيش افتركينى
ملك حضنته: انا بحبك اوي ي عمر انت عيشتنى اجمل ايام حياتى وانا معاك عمرك ما زعلتنى بالعكس دايما كنت سبب فرحتى
عمر: وانا بحبك اوي ي ملاكى نفسك في الحياه معيشنى ملك حبيبتى انتى كويسه
فاطمه بدموع: متقلقش ده مفعول البنج هناخدها دلوقتي علي العمليات
دخلوا بملك العمليات
اسعد: متخفش هتخرج احسن الدكاترة معاها جوا وانا وهيثم معاها كمان
هيثم: ادعولها يلا ي اسعد
دخلوا غرفه العمليات وعمر وادم قعدوا قدام الغرفه
ادم: ملك حبتك اوي لحد دلوقتي كانت بتكافح عشانك في عز تعبها ومرضها كملت الفرح عشان تبقي جنبك كانت تعبها واضح واحنا مش شايفين كانت بتبقي هنا بتم’وت بس بمجرد ما بتسمع صوتك بدوس على نفسها عشان متعرفش ملك وصتنى ان لو حصلها حاجه ان اقف جنبك اخليك تكمل حياتك حتى لو هتجوز غيرها
عمر: بس بس كفايه ي ادم كفايه ملك هترجعلى انا متاكد هي مش هتسبنى ملك قويه
ادم: انا هنزل اصلى واقرا قران لحد ما تخرج
وقف عمر على باب اوضه العمليات وهي بيفتكر كل ذكرياتها معا
~~~~~~~~~~~~~~~~
ملك بابتسامة: مساء الخير
عمر:
ملك: امممم سمعت انك عامل مشاكل ومش بس كده ده انت بيقولوا عليك متكبر ومتعجرف
عمر:…..
ملك: انا هكلم نفسي كتير الله قولى لي باصصلى كده انت تعرفني
عمر:
ملك باحراج: اي الكسفه دي يعم ما ترد مش عشان امور شويه شويتين تعمل كده
عمر بضحك: ههههه ده انتى مصيبه
ملك:ما انت ضحكتك حلوه اي وصوتك كمان
عمر:ده غزل
ملك: استغفرالله انا بعاكس بس
~~~~~~~~~~~~
عمر: انتى تانى
ملك: احيه انت مكنتش عايز تشوفنى بعينك ده انا هطلع في احلامك
عمر: وعايزه اي تانى
ملك: ننزل نتمشي في الجنينه شويه
عمر: لا
ملك: كنت عارفه انك هتوافق ومش هتزعلنى هو ده العشم يلا بقا
اخدت من ايده ونزلت وقعدوا يتمشوا والاتنين ساكتين
ملك بزهق: انا بزهق بسرعه متتكلم ي عم بدل الصمت ده
عمر: اقول اي
ملك: اللى انت عايزة
عمر: مش عايز حاجه
ملك بابتسامة: يااااه زي بالضبط عارف انا عرفت ان تعبانه من سنتين رفض اتعالج لان شوفت ملهوش لازمه العلاج امرى محسوب وعملت نفسي ناسيه اخرج واتفسح واصاحب وكملت بحزن واحب بس بعدين بعد الحاح من اهلى واخويا وصحبتى قررت اتعالج وقولت لو انا مكتوبلى اموت اموت بس اكون حاولت ومكسرش اهلى
عمر: انا عكسك انا عايش حياتى كلها للشغل ولامى بس مكنتش حابب اكون اصدقاء لان اصلا مليش في الجو ده اصلا مبحبش اتكلم كتير واول لما سمعت ان تعبان مفكرتش غير في امي وعشان كده بتعالج
مريم بفرحه ان اتكلم: يبقي كمل مشوارك للاخر عافر انا كل مضايق اقول انا اقوى من المرض واراده ربنا اقوى واهلى يستاهلوا اعافر عشانهم
عمر: عندك حق بس انتى شايفه تحسن
ملك بابتسامة: اشوف اي بقولك بقالى كام يوم ايوه مفيش تحسن على الاورق بس انا ك مريم كويسه اااه صحيح انا ملك متخرجه من كليه اداره اعمال وبعرف كام لغه كده وآه بحب الكلام والضحك والهزار واكون اصدقاء عكسك يعني
عمر بابتسامة: وانا عمر متخرج من اداره أعمال صاحب
ملك. بابتسامة:زمل يعني
عمر:صاحب أكبر شركات استيراد وتصدير بس مبحبش الصحاب ولا الكلام الكتير
ملك بحرج: احسن برضو لازم يبقي في اختلاف انا مبحبش الملل في العلاقات
عمر باستغراب: علاقات
ملك: اااه ما انا قررت نبقي صحاب
عمر رفع حاجبه: صحاب
ملك: ااه مترفعش حاجبك بس وتتنك علينا انت تطول بنت زي القمر زي تبقي صاحبتك
عمر بملل: لا طبعا
ملك: شوفت بقا يلا انا همشي اشوف طنط سوسو
عمر باستغراب: مين
ملك: مريضه هنا في الدور اللى قبلنا صحبتها قريب
عمر: لا شكلك اجتماعيه اوي
ملك: اوي ولسه هتشوف ي زمل بااااى
عمر: زمل هي قالت متخرجه من اي
ملك بصوت عالي وهي ماشيه: اداره اعمال ي صاحبي ادراه اعمال
~~~~~~~~~~
عمر بتوتر: مساء الخير
ملك بصدمه: عمر
عمر بابتسامة: مستغربه ليه
ملك بتعب:ابدا ده انا قولت ارتحت ان مجتلكش النهارده عارفه ان مطفله حبه
عمر بضحك: هههه حبه
ملك: ابو جبل بيضحك ياااهووو
عمر: على فكره انا مش زي ما انتى فاكره اااه ماليش صحاب وكل حياتى شغل بس مش حجر يعني
ملك: استغفر الله مين يقدر يقول كده
~~~~~~~~~
نعمه: مش عارفه متعصبه ورافضه العلاج
عمر: طيب روحى انتى
ملك: عمر مش قادره اتكلم
عمر: ليه مين ضايقك
ملك رفعه حاجب: عمر انت بتستذكى مش عايزه اتكلم
عمر مسك ايدها وشمر الكم: سامعك اتكلمى
ملك باستغراب: انت بتعمل اي
عمر مسك الحقنه: ولا حاجه
ملك بخوف: عمر اعقل
عمر: عاقل جدا
عمر قرب ومسك ايدها يعطيها الحقنه وهي مسكت ايده التانيه جامد لحد ما خلص
عمر بضحك: ههه خلاص اهدي خلصت
ملك بدموع: رخم
~~~~~~
ملك بعدت باستغراب: مهمه في حياتك؟ ودموعى غاليه؟طب ليه؟
عمر بتوتر:ايوه
ملك: ليه ي عمر
عمر بحب: عشان حبيتك ي ملك ايوه عرفتك من وقت صغير بس حبيتك حبيت شخصيتك اللى مختلفه عنى حبيت حبك للناس ومساعدتهم رغم انك تعبانه زيهم ومحتاجه دعم حبيت ضحكتك حبيت هزارك حبيت شجاعتك انك تهربى من المستشفى حبيت كل حاجه فيكى
ملك بصدمه: هاا؟ انت قولت اي؟
عمر بحب ومسك ايدها: بحبك ي ملك بحبك
ملك بخجل: ا ان نعمه بتنادى عن اذنك
عمر بضحك: هههه مجنونه بس بعشقك
~~~~~~~~~~
اخدته ملك ورا المطعم وكان في ممر على البحر مشيوا وقفوا عليه
عمر: المنظر هنا تحفه بتعرفى الاماكن دي من فين
ملك:اي مكان في بحر هتلقينى فيه
عمر : عايز اوصل لدماغك
ملك بخبث: انا عيزاك توصل لجنانى
عمر باستغراب: تقصدي اي
ملك زقته في الميه
عمر: ي بت المجنونه
ملك نطت: انت لسه شوفت جنان
عمر بضحك: ههههه ينفع كده
ملك رمت عليه ميه: اااه عادي
عمر رم ميه عليها: بحبك
ملك غطست في الميه وفضلت تعوم وخرجت
ملك: متفرجنى نفسك طويل قد اي
عمر: هتخسرى
ملك مسكت ايده: نشوف 3 2 1
نزلوا تحت الميه وتقريبا خرجوا في نفس الوقت
عمر بياخد نفسه:لا برافو
ملك بابتسامة: قولتلك يلا 3 2 1
نزلوا سوا وعمر خرج قبلها
عمر اخد نفسه: خلاص ي ستى اخرجى اعلنت انسحابى
عمر بقلق: ملك ملك
نزل عمر تحت الميه وخرجها
عمر بقلق وبيطبط على خدها: ملك فوقى عشان خاطري اوعى تعملى فيا كده ملك ملك امانة عليكى فوقى
عام بيها وخرجها على الشط
عمر: ملك فوقى
ملك بابتسامة: قد كده بتحبنى
عمر: انتى كنتى فايقه
ملك: انا كنت بهزر والله بس لما لقيتك قلقان بجد خوفت اتكلم
عمر بعصبيه: بتهزرى؟ انتى بتلعبى بمشاعرى ي ملك انتى عارفه انا كنت حاسس بأيه حرام عليكي بجد
ملك: انا اسفة
عمر: يلا ي ملك يلا
ملك مسكت ايده: لا عشان خاطري نكمل اليوم
عمر بعصبيه: م
ملك بمقاطعه: عشان خاطري
عمر: طيب
~~~~~~~~~~
عمر بابتسامة: بحبك
ملك: نروح الفرح بقا هنتاخر
عمر: ملك انتى ليه بتتهربى انتى مش بتحبينى
ملك: الكلمه دي مش بسيطه ولا ملهاش قيمه لا الكلمه دي بتتقال لما الشخص يبقي عارف ان قدها يبقي عارف ان هيكمل بس انا خايفه اقولها مكملش خايفه اديك امل وانا كمان اخد امل ومقدرش اكمل المرض يبقي اقوى منى
عمر حضنها: لا ي ملك حبنا هيبقي اقوى منه
ملك بدموع: بس انا مش حاسه بكده انا حاسه ان هم
عمر: عشان خاطري متكلميش وخلاص مش عايز اسمعها انا عرفت ردك بس اوعدينى لما ربنا يشفينا تقوليها على طول
ملك: اوعدك
~~~~~~
خبط ملك مردش دخلت على طول ملقتهوش دخلت لقته فى الحمام على الارض اتخضت ودخلت
ملك: عمر عمر انت كويس
عمر بتعب: ملك انت اي اللى جابك
ملك: انت ازاى تتعب ومعرفش قوم معايا
عمر بتعب: مش قادر
ملك بحزن: معلش استحمل
قومته ملك ولف ايده حوالين رقبتها ومسكته من وسطه وهي هتموت من الخجل وقلبها بيدق جامد لحد منيمته على السرير
ملك بخجل: اكلم دكتور هيثم
عمر: لا انتى عارفه ان ده العادي
ملك بدموع: بس انت مش متعود توصل لكده
عمر: ملك بلاش عياط انا مش قادر
ملك:طيب حاول تنام
عمر بتعب: مش قادر ي مل
قبل ما يكمل قام من السرير وملك ساعدته وهو بعدها ودخل الحمام
ملك: عمر افتح عشان خاطري عمر
بمجرد ما فتح وقع بين ايدها
ملك بخوف: عمر اوعي ي عمر تعملها هيحصلى حاجه بعدها انا مكمله عشانك عمر
عمر:…..
ملك بزعيق: فاااااطمه فاااااااطمه
~~~~~~~~
عمر: كان بيتكلم بيقولك اي؟
ملك: انت بتحبنى
عمر: كان بيقولك اي
ملك: بتغير عليا
عمر: ملك
ملك قربت: عيونها
عمر بلع ريقه: كان عايز اي
ملك لفت ايدها حاولين رقبته: انا روحت ل طنط وقولتلها على حالتك عشان اطمنها حسيتها زي امى ولازم تبقى فاهمة مش هتفضل تكدب عليا علي طول انت نفسك كنت مش حابب تكدب وانا كنت بطمنها وبنفس الوقت بكلمها وبسال عليها واسلى وحدتها ممكن فى الاول عشان زي امى بس مش عشان اللى فهمته خالص ان بكدب عليك وان قربت منك عشان خطرها مكنتش اقصد كل ده كنت عايز اريحك واريحها
عمر: وليه عملتى كل ده؟ اي جابرك؟؟
ملك: الاول عشان كنت حابه اساعد اي حد
عمر بابتسامة: وبعدين
ملك بحب: اعتقد عشان حبيت ابن طنط اوى
عمر بعدم تصديق: حبيتى مين
ملك لفت ايدها اكتر وقربته: حبيتك
عمر: ملك انتى بتكلمى بجد من عقلك يعنى
ملك: من عقلى وقلبى انا بحبك
~~~~~~~
فتح الورقه يقرها «احببتك وكنت اول حب حقيقى فى حياتى، لم اتوقع ان يرتبط بك قلبى كل هذا الارتباط وان تتعلق وتتشبث بك روحى ب هذه القوه حتى اننى لا اشعر ب طعم الحياة الا معك ولا تستقيم حياتى ولا اشعر اننى ب خير الا ب جانبك، مهما ابتعدت اعود اليك لا يغنينى عنك شيئا ولا استبدلك ب احد، حقا مهما ابتعدت مصيرى العودة إليك ♥✨”
عمر فرح من قلبى لان الكلام كان صادق وطالع من القلب كلمها فورا
ملك: وصلت
عمر: بحبك ي ملك
ملك بخجل: وانا كمان
عمر: ملك عشان خاطري افتحي الكاميرا نفس اشوف وشك دلوقتي
ملك: لا مش هينفع
عمر: افتحى احسن والله اجيلك من الطريق
ملك فتحت بخجل لانها كانت لابسه تشيرت حمالات وشورت جينز لقبل الركبه
عمر بانبهار: ي لهوي ياريت ما كنت صممت
ملك بكسوف وحط شال على كتفها:اتلم ي عمر
عمر: ما كنا حلوين
ملك: عايز اي ي عمر
عمر: كنتى بتعملى اي ي قلب عمر
ملك: لسه مخلصه شغل حالا وعند صداع مش عارفه انام
عمر: من الشغل الكتير
ملك: او من البكاء
عمر: اسف
ملك : انا اصلا مزعلتش منك خوفت على زعلك خوفت تشك فيا خوفت تبعد خوفت تخلينى اسيب الشغل كل شعورى كان خوف وعلى زعلك مش زعل منك
عمر: انا اسف ي حبيبتي انا خليتك تحسي بكدا انتى مش عارفه انا حاسس بايه بكلامك ده متصغر نفسي وكاره نفسي بسبب الشعور اللى حستيه
ملك: متقولش كده ي حبيبى انا عارف ان غصب عنك واللى حصل من حبك انا مش زعلانه خلاص
عمر: بجد انا مش مسامح نفسي انك فقتدى الامان معايا
ملك: متقولش كده انا بثق فيك وبامن على نفسي معاك عمر ي حبيبى انا نمت فى حضنك قبل كده من غير ما اخاف حتى
عمر بحب: بعشقك ي قلب عمر
ملك نامت على السرير والشال وقع: وانا كمان
~~~~~~~~
عائشه بخضه: عمر
عمر: اي الروايح الحلوه دي
عائشه: انت جاي بدرى ليه
عمر بضحك: هههه في اي ي امى ده لولا ان ابويا ميت لكنت قولت بتوزعينى
عائشه ضربته: لا يظريف بس مراتك هنا من كام ساعه بتنظف اوضتك وانا قولتها خليكى على راحتك كده كده عمر هيتاخر
عمر بخبث: يعني هي في اوضتي دلوقتي
عائشه: ااااه ومش هتدخل غير لما تخلص وتخرج هي
عمر: عشان خاطري ي امى مش هعمل حاجه هقعد باحترام
عائشه: لا
عمر وهو بيبوس خده: ونبي ونبي ونبي
عائشه بضحك: ههههه ي ابنى انت صغير
عمر: جنتنى بنت ايمن هروح اشوفها عن اذنك
دخل عمر واتفاجاءه لما شافها خارجه من تحت السرير بشعرها اللى جاي على عينها وتشيرته اللى عشقه عليها اللى مش واصل لكربتها
ملك بخضه: عمر
وقبل ما تجرى على الحمام كان مقيده في حضنه
عمر: اي اللى انتى عملاه ده
ملك بتوتر: عملت اي
عمر: لابسه تشرتى ليه
ملك: عشان هدومى متتوسخش وبعدين انت جاي بدرى ليه
عمر نيمها على السرير ونام عليها: عايز التيشرت بتاعى
ملك بصدمه: عمر انت اتجننت
عمر: ااااه وعايز التيشرت ودلوقتى مليش دعوه
ملك بخوف: عمر اعقل متجنش
~~~~~~~
وفي غرفه العمليات
البروفيسور: نبضات القلب بتضعف
اسعد: طيب والعمل
البروفسير: كملوا بس خلوا بالكم
هيثم بخضه: القلب وقف
البروفيسير بصدمه:انا مش هينفع اوقف انا وصلت للورم اعملوا انتوا انعاش القلب
يتبع….
- يتبع الفصل التالي اضغط على (رواية ما يخبئه لنا القدر) اسم الرواية